رواية ديب الفصل الثاني والثالث بقلم حياة محمد حصريه وجديده على مدونة النجم المتوهج للروايات والمعلومات
هزت رأسها بلا وقالت: انا مقصدش اهين المحكمه انا بسألك تشرب شاي لأن حكايتى بتبدأ بكوبايه شاي والحقيقة انها مش كوبايه واحده لأ دول كانوا ١٤ كوبايه .اصلنا كنا فريق مكون من ١٤عالم وباحث عشر رجال واربع بنات.كنا كلنا مع بعض فريق بتكليف من الحكومة اننا نتجه لفحص الاوديه الجافه في سلسه جبال البحر الأحمر.اصل الاقمار الصناعيه اكدت ان مصر معرضه لهطول كمية امطار مش مسبوقة.
و سرحت لبعيد وبدأت تسترجع الذكريات لأول الحكايه.
في المكروباص المتجه لمنطقه جبال البحر الاحمر
 |
صفيه: حد عايز يشرب شاى
طاهر' : الحقينا يا صفيه بكوبايه
محمد: وأنا كمان.بالله عليكى.
صفيه: متخافوش انا عامله حسابكم كلكم ومليت تورمصين كبار بالشاى.
دكتور مهاب: هى عارفه انكوا شويه مقاطيع فسهرت طول الليل تطبخ لكم.
مازن: يا سلام تعيشى يا ام الكرم.يابختك يا دكتور مهاب انت ومراتك مع بعض في الشغل ومع بعض حتى في التكليف ده.
ليلى: مين ده اللى بيقول يابختك مش انت اللى فرحان انك اخدت اجازه من المدام
صفيه: هو فرحان طيب والله لاقول لها وهاخليها تعلقك
مازن: هتعلقنى على ايه هو انا رايح اصيف واتفرج على المزز ده انا رايح فى الصحرا هتفرج على رمله وجبال
نسمه: تصدقوا انا متحمسه اوى للرحله دى
محمد: رحله ايه يا ماما احنا رايحين نعمل ابحاث مش نتفسح ونتدلع.
نسمه: وليكن بس هنخرج من جو المعامل وهنعيش في خيم يعنى اكشن وحركات.
عبدالله: وناموس وعقارب وتعابين وديابه
نسمه: يا ماما بجد انت بتهزر
عبدالله: لا والله مابهزر انتى متخيله هتلاقى ايه في الصحرا احمد السقا راكب حصانه ولا احمد عز بيعمل سفارى
محمد: ماتحبطهاش يا اخى ماتزعليش يا نسمه اصل يمكن الاحمدات مشغولين بس كريم عبد العزيز واسر ياسين فاضيين هتلاقيهم هناك مستنينك.
نسمه: والله العظيم انتوا رخمه بوظتوا الصورة الحلوه اللى فى خيالى قولى لى يا صفيه انتى متحمسه زيي.
هزت صفيه راسها بلا وقالت: انا بالزات عمرى مااتحمست انى اروح المكان ده.
ليلى: ليه يا صفيه؟
صفيه: لانى كنت عايشه في المنطقة دى
ليلى بانبهار: واو انتى كنتى عايشه في الصحرا انتى من البدو
هزت صفيه راسها وقالت: مش بدو بس تقدرى تقولى مجتمع بسيط كان لنا بيوت وحياة كامله كنا عايشين فيها.بس اتهجرنا من ارضنا وبيتنا
الكل كان منتبه لكلامها
مريم: ليه!!!!!
صفيه: لان بيوتنا كانت مبنيه في مجرى نهر جاف ولما حصل سيل ٩٤ وغرقت المنطقه اجبرتنا الحكومه اننا نسيب بيوتنا ونرحل
مريم ' : ايه سيل ٩٤ ده انا اول مره اسمع عنه.؟!!
احمد: تصدقوا وانا كمان انا اعرف زلزال ٩٢ بس سيول ٩٤ ماسمعتش عنها
دكتور مهاب: عشان كنتوا صغيرين او ممكن تكونوا لسه ما اتولدتوش دي سيول كبيرة بسبب امطار حصلت على جبال البحر الاحمر وبسببها غرقت قرى كامله حتى نهر النيل لونه اتغير بسببها.
احمد: ياااااه وانتوا كنتوا من ضمن اللى غرقت بيوتهم.فى السيل.
هزت صفيه راسها بأه.
مريم: بس تلاقيكى كنتى صغيره اوى ساعتها
صفيه: كان عندى حوالى سبع سنين بعدها جينا القاهره.
نسمه: يعنى يطردوكم من بيوتكم عشان تيجى القاهره وتقابلى الدكتور مهاب وتتجوزيه حاجه قمة الشاعرية.
صفيه بحزن: الموضوع مش بالرومانسية اللى انتى متخيلاها يا نسمه
احمد: يعنى انتى كنتى صغيره اوى اكيد مش فاكره اى حاجه صح.
صفيه: كنت صغيره اوى مش فاكره كل حاجه بس مش قادره انسى صوت امى وهى بتصرخ وبتنادى على عليا وعلى اخواتى.مش قادره انسى بابا وهو شايلنى على كتافه ومتعلق بباب الجامع عشان يحمينى ويحمى نفسه من السيل..ولا يمكن انسى صوت سلوك الكهربا وهى بتتقطع والمحولات وهى بتنفجر .
بسمه بدموع: بس ربنا نجاكى صح
صفيه: الحمد لله ربنا نجانى بس اخد السيل امى واخواتى التلاته.
مريم::ياه ده انتى عشتى مأساه
(( مد الدكتور مهاب دراعه وضمها لصدره وباس راسها في حنان وكانه بيقول لها انا دايما معاكى)).
وبعد فتره قال لها: لسه بدرى على ما نوصل حاولى تنامى
صفيه: انت عارف انى مش بعرف انام في المواصلات.
مهاب: معلش غمضى عيونك وارتاحى لسه الطريق طويل.
&&&&&&&&&&&&&&&&&&&&
وبعد ساعات ظهرت الجبال من بعيد ضخمة ومهيبه.وقفت العربيه في الرست عشان تمون ويرتاحوا شويه وهناك قابلهم مندوب من المحافظه وسلمهم سيارة دفع رباعي عشان تسهل لهم المشى في الصحراء وكمان واحد من سكان المنطقة هيكون دليلهم في الصحراء.
اتحرك الموكب المكون من ثلاث عربيات الاولى الدفع الرباعي بيسوقها واحد من العلماء ومعاه الدليل والتانيه عربيه اللى فيها المعدات والمؤنه والعربيه الاخيره هى الميكروباص اللى فيه باقى الفريق.
بدأ الموكب الدخول في المناطق الصحراوية وهناك عدى على مناطق واضح انها مهجورة من سنين شوارع خاليه ومتكسره وبيوت متهدمه خاليه وحتى عمدان النور مايله واسلاكها متقطعه وكانها شاهده على كارثة كبيرة مر عليها سنين طويله.
الكل كان بيشوف المنطقه بقلب مقبوض حزين.
مريم: هل دى بلدكوا يا صفيه.
هزت صفيه راسها بأه وعيونها متعلقه بمأذنه الجامع الضخمه الشيئ الوحيد اللى صمد في وش الكارثة.
الكل سكت احتراما لحالة صفيه.
وبعد فتره بسيطه كانت العربيات في وسط الصحراء.متجهه للجبل الضخم.
نسمه: واو مش معقول انتوا متأكدين اننا في الصحراء المكان يجنن
عبدالله: واضح ان المنطقة اتعرضت لأمطار غزيرة أوى ومن فتره وده سببب الحشائش والنباتات الخضراء المنتشره في كل مكان
احمد: لأ وفيه كمان برك ميه كبيرة اوى
صرخت مريم: وقفوا العربيه بسرعه وقفوا العربيه.
وقف السواق العربية بفزع وسأل: فيه حاجه حصلت عايزنى اوقف ليه
مريم: أصلى شفت معزه
(( كل اللى فى العربية قالوا: ربنا ما يحرمك من الهبل))
مريم باعتذار: اسفه ماقصدش بس بجد شفت معزه كبيرة بتشرب هناك
اخيرا وصلت العربيات للمكان المناسب اللى اشار عليه الدليل وقفت ونزل كل الموجودين وبدأ الكل بسرعه يجهز الخيام ويفرشها
بصت ليلى في تليفونها وقالت: تصدقوا ان مفيش اي شبكة محمول شغاله
محسن: شئ طبيعي الجبل حاجب اى ارسال.
عبدالله: مش كان نفسكوا في مغامره وحركات اشربوا بقى.بقولك يا نسمه ايه احساسك وانتى هتقضى عشر ايام من غير نت ولا فيسبوك ولا يوتيوب ولا اى وسيلة اتصال بالعالم كله
نسمه: انا بندم من دلوقتي الحياة من غير فيسبوك جحيم
عبدالله: هو انتى لسه شفتى حاجه طب هتعملى ايه بالليل لما تضطرى تنامى من الساعة ٨ بعد العشاء عشان مفيش كهرباء
نسمه:: حرام عليك يا اخى انا والله هعيط.
ارحمنى بقى
عبدالله: اشتغلى اشتغلى قبل ما المغرب مايدن وتباتى اول ليله في الهواء الطلق.
&&&&&&&&&&&&&&&&&
فى حين كانت صفيه بتنزل المعدات مع جوزها الدكتور مهاب. اتفاجات بالموجود وسط المعدات وبيشيله مهاب بسرعه قبل ماتشوفه.
صفيه بقلق: ايه ده يا مهاب انت جايب سلا*ح!!؟ليه
سحب مهاب السلا*ح وقال: دى بند*قية صيد يعنى مش سلاح أوى.(( وبمرح)):يعنى اشمعنى انتى تشيلى السلا*ح واحنا لأ.
صفيه: لا والله انت بتضحك على مين انت عارف كويس ان السلا*ح اللى معايا مش سلا*ح اساسا ده بنستخدمه في تخدير الحيوانات المفترسة وانا جايباه عشان هاخد عينات من الحيوانات اللى هنا وده شيئ طبيعي لكن انت جايب سلا*ح ليه؟.
التفت مهاب حواليه واتأكد ان مفيش حد سامعهم وبعدها قال بجديه: للأمان .
صفيه بجديه: امان من ايه تقصد يعنى من الديابه والتعابين اللى فى الصحرا.
بص لها مهاب بجدية وقال: مش بس التعالب والتعابين يا صفيه.
صفيه بقلق: تقصد ايه ؟!
مهاب:: إحنا في الصحراء وفى حته مقطوعة والبحر ورا الجبل ده.
صفيه بقلق: قصدك
هز مهاب راسه وقال: ايوه اقصد المهربين وتجار المخدرا*ت.
&&&&&&&&&&&&&&&&
انتظروا احداث مثيره وشيقه وجديده جدا في قصة ديب وسؤال لكل المتابعين في توقعاتكم مين هو (( ديب)) وايه علاقته بالقصه.
على العموم هتتعرفوا على ديب البارت الجاي ان شاءالله وشكرا 👇👇👇
الثالث
مهاب:: إحنا في الصحراء وفى حته مقطوعة والبحر ورا الجبل ده.
صفيه بقلق: قصدك
هز مهاب راسه وقال: ايوه اقصد المهربين وتجار المخدرا*ت.
صفيه: طب ازاى وبعدين دول جايبين لنا واحد يبقي دليل ويحرسنا ده حتى معاه سلا*ح.
مهاب: وانتى واثقه فيه للدرجه دى وبعدين انا بحرص مش بخون
صفيه: انت خوفتنى يا مهاب
مهاب: لا متقلقيش طول ما أنا جنبك ماتخافيش ابدا.
بعد ما انتهوا من تجهيز الخيام دخل الكل يرتاح من تعب السفر والطريق.
وفي اليوم التالي
خرجت صفيه من الخيمه فلقت البنات صاحيين فقالت: صباح الخير ايه النشاط ده كله.
ليلى: نشاط ايه انتى كمان انا مانمتش ولا ثانيه واحده
نسمه: حتى انا كمان مانمتش ولا ثانيه وكنت همو*ت من الرعب من صوت الكلاب والديابه.
صفيه: غريبه انا مسمعتش حاجه خالص ده أنا نمت نوم عميق جدا ماحستش بنفسى الا الصبح
مريم: يا بختك انا كنت مرعوبه انا كمان بس ازاى ما سمعتيش صوتهم ده أنا حسيت انهم جنب الخيمه.
صفيه: اهى دى ميزة انك تطلعى مهمه مع جوزك تنامى وتسيبى له موضوع القلق والحماية.
مريم: يا بختك ده انا حاسه انى هتجنن في اخر الرحله دى من قلة النوم
صفيه: انا هقوم اجهز فطار للكل مين فيكم هتساعدنى
نسمه: لا ده أنا تعبانه اوي وهريح شويه
ليلى: وانا كمان خدينى جنبك
صفيه: ماااشى هعديها بمزاجى بس والله لأطلع عنيكوا انتوا التلاته.
احمد: صباح الخير يا صفيه
صفيه: صباح النور يأ احمد صحى الباقين عشان نفطر ونبدا شغل
احمد : ماشى
بعد الفطار وصفيه بتقدم الشاى للكل
عبدالله: تسلمى يا صفيه يا ام الكرم تعرفى ان احسن حاجه انك معانا عشان مانشيلش هم أكل ولا شرب
صفيه: لا يا بابا ماتتعودش على كده هو أنا جايه هنا اطبخ لكم لا يا بابا ده انا عندى ابحاثى زيي زيكم وانا طبخت لكم امبارح و النهارده جدعنه منى بس من بكره هيبقى فيه جدول وكل اتنين منكم هيبقى مسؤول عن الاكل والشرب يوم كامل
احمد: حرام عليكى يا صفيه ده احنا كنا اخواتك تعملى فينا كده يرضيك الكلام ده يا دكتور مهاب
مهاب: اكيد يرضينى وبعدين انا نازل في الجدول انا كمان.
ضحك الكل عليه وبعدها قام: انا هاخد عبد الكريم (( الدليل)) واتنين معانا وهنروح عند الجيل عشان نيدأ شغلنا هتيجى معانا
صفيه: لأ انا حابه ابدا ابحاثى في المنطقة اللى حوالين الخيام وخاصة حوالين البركه الكبيره اللى عدينا عليها اكيد هنلاقى حيوانات ممكن اعمل ابحاثى عليها.
&&&&&&&&&&&&&&&&&&&
عند البركة
على: انت بتعمل ايه يا احمد بتاكل حشيش!
احمد: حشيش ايه انت مش عارف ايه دى ده اسمه جعضيض
على:وده بيعمل ايه؟
احمد: انت تعرف الحبه الزرقا.الجعضيض ده بقى يبقى أجمد منها وحاجه كده ربانى.
مريم:: الله شوفوا الشجره دى شكلها تحفه والفاكهة بتاعتها حلوه اوى.استنوا هاخد سيلفى جنبها
وقبل ماتقطع الثمره من الشجره صرخت صفيه:: انتى بتعملى ايه يا مجنونه ابعدى عن الشجره دى بسرعه
مريم: ليه ؟
شدتها صفيه وبعدتها عن الشجره وقالت: دى اسمها(( العشار الباسق)) .ودى نبات سام
مريم بخوف' : بجد
صفيه: ايوه وكل حاجه فيها سامه وبتخرج منها عصاره بتسبب العمى.
مريم بخوف: يا ماما طيب اقطعوا الشجره دى ولا احرقوها
أحمد: ليه زى ما الشجره لها اضرار لها برضوا فوائد لأن العقارب والتعابين بتكره ريحتها فانتى دلوقتي في منطقه امنه من العقارب والتعابين
صفيه: يا جماعه لو سمحتوا مفيش حد ياكل
او يلمس اى نبته او شجرة الا اذا كان عارفها ومتأكد منها ميه في الميه عشان تعدى رحلتنا على خير ماشى
على: ماشى هنبدا باخد عينه من الأرض والميه هنا مش ملاحظه يا صفيه وجود حيوانات كتيره في المنطقه.
مريم: فعلا انا اخدت في بالى لانى شفت كام معزه وكمان سمعت صوت زى صوت الحصان غير الديابه اللى رعبونى طول الليل بس ازاى احنا المفروض في صحراء يعنى جت الحيوانات دى كلها منين
احمد: الظاهر ان فيه حيوانات كتيره نجيت من السيل وعاشت واتكيفت على الحياة هنا في الصحراء
صفيه: انا معاك في الكلام ده واظن ده التفسير المنطقى لوجود الحيوانات دى كلها في المنطقة هنا
وبعد مرور ساعات
على: بتعمل ايه يا احمد
احمد: بعمل فخ للارانب شايف الخط الطويل ده على الحشيش ده يبقى مسار للأرانب وانا هعمل لها فخ عشان اصطادها
على: هو إنت جاى عشان تدرسها ولا تاكلها
احمد: هدرس شويه وأكل شويه دى فرصه انت اصلا عارف الارانب بتتباع عندنا بكام عندنا برقم كبير اوى اما هنا فببلاش
على: طيب افرض ياذكى الارانب نطتت من فوق الفخ.وهربت
احمد: لا متخافش الارانب لو عملت كده هفتح لها مكتب جنب المدير واقدم لها القهوه كمان يا بابا الحيوانات مش بالذكاء ده.
على: طيب خلص عشان ما نبعدش عن المجموعة
احمد: هاعمل كمان فخ في المنطقه دى وخلاص
مريم: اتاخرتوا كده ليه
على: افرحوا هتاكلوا ارانب مشويه
احمد: هزر هزر طيب بالعند فيك مش هأكلك منها.
&&&&&&&&&&&&&
بالليل كان الكل قاعد حول النار وبيتناقشوا في نتايج دراستهم فى حين ان مهاب كان بيشتغل على اللاب توب قربت منه صفيه ومعاها فنجان قهوه.
مهاب: جت القهوه في وقتها ده انا مصدع أوى
صفيه: بالهنا والشفا انت بتعمل ايه دلوقتي
مهاب: ببعت نتيجه الأبحاث اللى وصلنا لها للمكتب.
صفيه: بتبعته ازاى هو انت مش بتقول مفيش شبكات محمول هنا
مهاب: يعنى اكيد مش هنيجى هنا من غير وسيلة تواصل عشان كده معانا اجهزه متصله بالقمر الصناعي عشان نبعت نتائج ابحاثنا مباشره ويوصل لنا الرد في نفس الوقت.
صفيه: طيب انا هدخل انام دلوقتي الا ايه حكايه الديابه والكلاب اللى بتقول البنات عليها.
مهاب بقلق وبصوت واطى: ربنا يستر يا صفيه.
اليوم التالى والكل بيجهز عشان يبدأ شغله.
محمد: يا على هو احمد راح فين مش موجود في الخيمه
على: مش عارف بس اكيد هو راح يشوف الافخاخ بتاعته ده من امبارح عمال يذلنى على الارانب بتاعته..بص كده أهو جه أهو
عبدالله: ايه يا عم فين الأرانب ولا احنا مش هنتغدى النهارده
احمد: لأ مش هتتغدوا شوفوا حصل ايه الارانب.
وخرج من الشنطه بواقي ارانب مجرد راس وجزء من الساق.او راس ارنب بدون جسم.
الكل انفجر في الضحك على احمد وبدأوا في السخرية منه
مازن: اخدت بالك كان هيحرمنا من الغدا اهى الكلاب اكلت ارانبه
طاهر: التعالب بعتت لك رساله بيقولوا لك عايزين ارانب بيضا اصل السوده بتتعب معدتهم
احمد: ماشى ماشى انا هسكت لكم دلوقتي بس بكره وانا جايب ارانبى هوريكم
في اليوم التالي رجع احمد واول ما فتح الكيس وخرج بواقى ارانب مأكوله الكل قعد يضحك عليه ويسخر منه
احمد بغيظ: والله ما هسكت لهم انا التعالب تعمل معايا انا كده تأكل صيدى يومين ورا بعض.
مهاب: خلاص يا احمد احنا مش فاضيين للكلام ده احنا ورانا شغل سيبك من الارانب دى.
احمد: لا والله ما هسكت لهم انا راجع لهم وهقعد قريب من الأفخاخ عشان اراقب واشوف مين بيسرق ارانبى.
وفي المساء والكل بيجتمع عشان يتعشوا قبل ما يناموا
ليلى: يا جماعه هو احمد فين انا ماشفتوش النهارده طول اليوم ودلوقتي وقت العشاء وهو مش موجود
مهاب بقلق: ليه هو ماكانش في مجموعتك يا صفيه
صفيه: لأ حتى كنا عايزينه بس مكنش موجود فقلت اكيد معاكم.
مهاب: يعنى طول اليوم وهو مش هنا طيب يكون راح فين
على: ليكون راح يراقب الأفخاخ زى ماكان بيقول.
مهاب: عبد الكريم هات السلا*ح بتاعك وتعالى معانا ندور عليه عند البركه.
عبد الكريم: ماانصحكوش تتحركوا بالليل لأن ده وقت صيد الحيوانات الليليه المفترسه فكده انتوا هتبقوا في خطر
مهاب: يبقى أحمد خطر يالا وعايز كمان اتنين رجاله يكونوا معانا والباقي يحرس المخيم.
وبعد اكتر من ساعه رجع الكل من غير أحمد.
نسمه: اوعوا تقولوا مالقيتوش احمد
هز عبدالله راسه وقال: مالقيناش احمد.بس هندور عليه الصبح
نسمه: بس هو كده هيبقى في خطر لوحده
مهاب: مفيش قدامنا حل تانى لوبحثنا عنه في الليل ممكن نتعرض للهجوم.
ودخل الرجال وباين عليهم الحزن والخوف في حين كانت البنات منهاره من البكاء على زميلهم الخلوق اللى كانوا بيعتبروه اخ ليهم كلهم.
سحب الدكتور مهاب صفيه واخدها في الخيمه لوحدهم وقال::لو سمحتى يا صفيه ده مش وقت انهيار وبكاء الوضع خطير فركزى معايا.
صفيه بدموع: اركز في ايه يا مهاب وزميلنا غايب والله اعلم حصل له ايه؟
مهاب: عبد الكريم بيقول ان الاحتمال الاكيد مش هنلاقيه حى.
فتحت صفيه عيونها برعب وقالت: تقصد!!!
مهاب: ايوه عشان كده انا عايز اعرف ايه انواع الحيوانات المفترسة اللى ممكن تصادفنا هنا.
صفيه::فصائل الكليبات زى الذئاب الثعالب بعض الافاعى السامه انت شاكك في ايه؟
مهاب: اسود الجبل
صرخت صفيه: لأ لأ مصر مفيش فيها أسود حبل
مهاب: انت متأكده
صفيه: ايوه متأكده لا البيئه بتاعتنا تناسبها ولا درجه الحراره كمان اسود الجبل لأ ممكن ثعالب كلاب سلعوه حتى لكن اسود الجبل لأ
مهاب: ربنا يستر تعالى حولى تنامى شويه الله اعلم هيحصل ايه بكره.
صفيه: ومين هيجي له نوم واحنا في حالتنا دى
$$$$$$$$$$$$$$$$$$$$$
وفي اليوم التالي خرج اربع رجال ومعاهم عبد الكريم فى حين كان الباقى فى المخيم وبعد عدة ساعات رجعت العربية وقبل مايسأل حد كان الرجاله بتشيل ( جث*ة) زميلهم احمد وبتدخلها احد الخيام .والكل منهار في البكا.
مهاب كان بيحاول يهدى الكل لكن الوضع كان صعب بس بعد فتره قال: بصوا يا جماعة انا بعت ندأ استغاثه للمحافظة عشان يجوا يلحقونا ويتصرفوا فاحنا هنضطر نقعد هنا كام ساعه على ما نجمع معداتنا اللى عند الجبل فلو سمحتوا انا عايز الكل يلتزم بالتعليمات ومفيش حد يبعد عن المخيم ده .
الكل كان ساكت وخايف ومش عارف هيتصرف ازاى.
فى حين بدات المجموعه تستعد الذهاب لمنطقة العمل عشان يجمعوا المعدات صرخ ماذن بصوت عالى لأنه شاف مجموعة الذئاب بتهاجم بتهجم على خيمة المؤن والاكل.
وصرخته دى نبهت الذئاب عليه فهجم عليه خمس ذئاب فكان ببصرخ بصوت عالى فى حين أطلق عليها عبد الكريم النار. فخافت وهربت.
فى اللحظه دى قام الكل بحمل مازن وبدأوا يقوموا بالاسعافات الاوليه له ووقف نزيف الد*م.
اما الدكتور مهاب فشد صفيه وحط في ايدها سلا*ح.
صفيه: ايه ده يا مهاب ؟
مهاب: مفيش وقت احنا اتعرضنا للهجوم وده مش هيكون الأخير واضح ان الذئاب جت على ريحة الد*م.فعشان كده احنا هنهاجمها.
صفيه: وبتدينى السلا*ح ده ليه.
مهاب: انتى بتعرفى تضربى نار لو هاجمكم اى حيوان اوعى تترددى واقتليه على طول سمعانى يا صفيه .
صفيه: وانت انا مش هسيبك انا هاجى معاك
مهاب: لا يا صفيه انا عايزك تقعدى في المخيم
صفيه: على اساس المخيم أمن ده احنا لسه معترضين لهجوم والله اعلم ان كان مازن هيعيش ولا هيحصل احمد.
مهاب: الله خير حافظا وهو ارحم الراحمين.
بس زى ما قلت لك امنعى اى حد يبعد واضربى اى حيوان يقرب منكم.
واخد مهاب عبد الكريم واتنين معاه وراحوا يطاردوا الذئاب عند البركه.
وبعد عشر دقائق بالظبط رجع مهاب بسرعه ينده على صفيه وقال: صفيه تعالى بسرعه
صفيه: خير يا مهاب حصل حاجه حد اتصاب
مهاب: صفيه اسمعينى انا عايزك تجيبى السلا*ح اللى بتخدرى بيه الحيوانات وتيجى معايا.
صفيه: ليه عايزه ليه.!؟
مهاب: فيه وسط الذئاب كائن غريب غريب اوى.مش اضخم واكبر منهم مش باين له ملامح
صفيه: تقصد!!!
مهاب: فيه وحش بين الذئاب وحش
قاطعها القاضي وقال: والوحش ده كان ديب!!؟
هزت صفيه راسها بأه وقالت: الوحش كان ديب.
&&&&&&&ــ&----&&&&&
انتظروا باقى مفاجئات قصة ديب واحب اوضح ان القصه دى هى أول محاولاتى لكتابة قصه بطريقة الغموض والاثاره واتمنى انى اتوفق فيها.بس كالعاده منكم الدعم والتشجيع وشكرا
تابعوووووووني
رواية عاشق بدرجة مجنون كامله من هنا
رواية سر الشيطان الأسود كامله من هنا
رواية رحيل الهواري كامله من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
