expr:class='data:blog.languageDirection' expr:data-id='data:blog.blogId'>

رواية أميرة الصعيد البارت السادس عشر بقلم سما حسين حصريه وجديده علي مدونة النجم المتوهج للروايات والمعلومات

رواية أميرة الصعيد البارت السادس عشر بقلم سما حسين حصريه وجديده علي مدونة النجم المتوهج للروايات والمعلومات 

رواية أميرة الصعيد الفصل السادس عشر بقلم سما حسين حصريه وجديده علي مدونة النجم المتوهج للروايات والمعلومات 

قامت عشان تصلي اتوضت وصلت وهي بتسجد سمعت صوت خبط قوي علي بابا غرفتها

هند بتمثيل و بصوت عالي : فيروز افتحي الباب فيروز الحقي ابوكي الحقي تودعيه بسرعة يا فيروز 

زين كان واقف بعيد وبيتفرج عليها وبيضحك 

فيروز مكملتش صلاة وفتحت الباب وقالت بدموع : بابا ماله بابا فين 

هند بزعيق هزار : ادخلي جوا 

فيروز : مش ناقصة هزار بقا بابا ماله 

هند : انا قولت ادخلي الحمد لله باباكي مافيهوش حاجة 

فيروز اطمنت شوية وبعدين قالت : امال انتي كنتي بنخبطي ليه 

هند: اصلي كنت بجرب ايدي علي باب اوضتك 

فيروز : ياسلام  

هند : اه والله 

فيروز : طب كنتي بتزعقي ليه 

هند : اصل انا كنت بجرب صوتي بس 

فيروز : انتي طفلة 

هند : بت ماتخلنيش اتغابا عليكي انا مجنونة 

فيروز : ما اهو واضح 

هند : سيبك انتي قومي وريني دهبك 

فيروز : يا سلام علي اساس انك ما تعرفيش 

هند : اعرف ايه هو في حاجة حصلت 

فيروز :عليا انا برضو اكيد انتي شاربة الموضوع كله اصلا 

هند : الصراحة اه 

فيروز : طب وانتي ايه رايك 

هند : الصراحة انا لو قولت رايي هتزعلي مني 

فيروز : لا قولي ما تخافيش 

هند : انا رايي أن دي تفاهة وانتي إنسانة مستفزة

فيروز باستغراب من كلام هند : انا

هند : اه انتي 

فيروز : ليه بقي أن شاء الله

هند : اهو شوفي زعلتي ازاي انا بقا مش هقول حاجة 

فيروز : يا ستي قولي مش هزعل 

هند : اصل انتي متعودة أن ليلي دي ولا اسمها تقولك كلام زي دا وطنط شرين مغلطتش هي خايفة عليكي وبعدين انتي ليه ماقولتليش لباباكي من الاول علي خطتك وعلي الكلام اللي هي بتقوله ليكي 

فيروز : عشان ماتحصلش مشكلة وبابا مش عايز يطلقها عشان ماتأذنيش ولو عملت لي حاجة بابا هيتعب وممكن يروح فيها 

هند : بالظبط وده نفس السبب اللي مخلاش طنط شرين تتكلم 

فيروز وضعت رأسها بين يديها و فضلت تعيط 

هند : مالك في ايه 

فيروز : انا تعبت ومش عارفة اعمل اي حاجة 

هند بحنية : ماتخافيش يا حبيبتي انا جنبك وكلنا جنبك 

فيروز عيطت تاني وهند نزلت من عينها دموع وحضنت فيروز وبعدين مسحت دموعها ودموع فيروز وقالت : انتي مين 

فيروز : نعم 

هند : أيوة انتي مين 

فيروز : مش وقت هزار 

هند : انا مش بهزر انتي مين 

فيروز : بصي انا هاخدك علي قد عقلك انا فيروز فيروز صاحبتك 

هند : لا انتي مش صاحبتي 

فيروز : انتي يا بت اتهبلتي والا ايه مش صاحبتك ازاي 

هند : انا صاحبتي كانت إنسانة قوية وتقدر تدافع عن نفسها وعمري ما شوفتها بتعيط وكانت تقول للسهل روح وتقول للصعب تعالي صحبتي كانت ضحكتها بترج المكان تبتسم في وش اي حد حتي اللي بياذيها صحبتي اللي الكل عاملها الف حساب بس في الحقيقة صحبتي مش عاملة حساب لنفسها حتي انتي اتغيرتي يا فيروز واتغيرتي الاسوء وانا هبذل كل طاقتي عشان ارجعك فيروز القديمة اللي ماكنش حد يقدر يقول لها كلمة تزعلها 

فيروز : انا عارفة اني اتغيرت بس الظروف هي اللي خلت شخصيتي كدا 

هند : ظروف ظروف ايه الظروف دي المفروض احنا اللي نغيرها مش هي اللي تغيرنا عموما انا رجعتلك اهو وانا وانتي هنحول نفسنا للأفضل انا طبعا مش محتاجة حاجة بس بشفق عليكي بس 

فيروز ضحكت 

هند حضنتها : أيوة كده اضحكي 

فيروز : اوعدك اني هتغير 

وهند كانت حضناها وبيضحكوا هما الاتنين 

وزين دخل عليهم وكان بيسمعهم من ورا الباب 

زين : هي دي الصحاب اللي بجد دا الواحد مصاحب رجل كنبة والله 

هند : انت واقف برا من أمتي

زين : من وقت لما كانت ضحكتها بترج المكان

هندكانت هتتخانق معاه 

فيروز : اهدي يا بنتي اهدي ..... وبعدين ثانية واحدة انتي رجعتي تاني ازاي 

زين : أيوة صح عملتي ايه اكيد استحدمتي فكرتي العبقرية 

هند : يا عم اتنيل 

زين : احم طب عملتي ايه 

هند : للاسف استخدمت فكرة الاستاذ الفاشلة بس الحمد لله صدقني وسامحني وقالي اطلعي لفيروز 

زين : اديني نفعت في حاجة اهو 

فيروز : أيوة يعني عملتي ايه 

هند :مافيش روحت واعتذرت وقولت أن اخويا جه واخدني اقعد معاه بس ما ارتحتيش وبعدين رجعت عشان مافيش مكان اقعد فيه وانا لو مش مرحب بيا امشي ومعلش هتقل عليكم والكلام الفاضي ده كله وبعدين قالي خلاص اطلعي لفيروز يا بنتي ومفيش حاجه حصلت خلاص 

فيروز : لا جدعة يا بت 

هند : امال 

زين : والله العظيم فكرتي 

هند : مش مهم فكرة مين المهم مين اللي نفذ 

زين: لا والله 

هند : مش مهم المهم انت مسافر امتي 

زين : يوم الحد اللي جاي 

هند : طب وخطوبتكم امتي 

فيروز : اخر الأسبوع 

هند : طب حلو اوي انا وانتي والاستاذ هننزل بكرة نجيب اي حاجة عشان الخطوبة ومثلي أن انتي فرحانة 

زين : وتمثل ليه هو انا وحش 

هند ما اهتمتش لكلامه : ما علينا هننزل بكرة ونجيب اللي احنا محتاجينه 

وانت يا استاذ اتفضل 

زين : الله يخليكي ......اتفضل فين 

هند : اتفضل روح شوف مصلحتك احنا عايزين ننام 

زين : اه ماشي تصبحوا علي خير 

هند :اي حاجة احسن من وشك تبقي خير 

زين : يا بنتي اسكتي هنفخك 

هند : طب جرب كدا .....جرب 

زين بغيظ : انا مش بمد ايدي علي واحدة ست 

هند : أيوة كده تعجبني يلا بقا وريني عرض كتافك 

زين : انتي جاية منين يا بنت انتي 

هند : من بطن امي 

زين : ارحمنا يا رب

هند : يا رب 

زين ماشي ويقول بصوت شبه مسموع : ارحمني يارب 

هند : بتبرطم تقول ايه يالا 

زين بغيظ : مابقولش حاجة 

هند : بحسب 

وناموا جميع من في البيت 


الساعة 5 صباحا في يوم الاربعاء 

فيروز : هند هند اصحي 

هند بخضة : نعم في ايه 

فيروز : يلا مش قولت لي أني ارجع لشخصيتي القديمة 

هند : اه 

فيروز : اهو انا بقا بصحي في الوقت ده اصلي الفجر واقعد ازاكر لحد ما الكل يصحي 

هند : والمطلوب مني دلوقتي 

فيروز : تقومي تزاكري معايا تصلي معايا تقعدي معايا 

هند : طب روحي انتي وانا جاية وراكي 

فيروز : ماشي 

هند عينها قفلت تاني 

فيروز من بعيد : انتي نمتي تاني انتي مش قولتي انك هتساعديتي قومي بقا 

هند : اه حاضر قايمة اهو 

فيروز :ماشي 

هند بصوت شبه مسموع : يخربيت اليوم اللي عرفتك فيه 

فيروز : بتقولي حاجة 

هند : كنت بقول انا قايمة اهو 

فيروز : اوكاي 

هند قامت ودخلت الحمام وخرجت بعد شوية وزاكرت مع فيروز شوية واتكلموا شوية وضحكوا شوية لحد ما الكل صحي 


علي الفطار 

فيروز : صباح الخير 

الكل : صباح النور 

فيروز اكلت وفي نص الاكل 

فيروز : بابا بعد اذنك ممكن انزل انا وهند وزين نجيب الحاجة بتاعت الخطوبة انهاردة 

الحاج سعيد: وماله يا حبيبتي انزلي وافرحي واشتري كل اللي انتي عايزاه وخدي امك معاكي 

فيروز : ما انا مش عايزة اتعبها

الحاج سعيد : طب خدي مرات عمك معاكي 

فيروز : معلش يا بابا بس انا مش عايزة اتعب حد معايا الحاج سعيد: خلاص يا حبيبتي براحتك 

فيروز قامت باست علي رأسه وشكرته  وقالت انا طالعة البس 

قامت هي وهند وراحوا لبسوا وجهزوا وزين جهز ونزلوا وجابوا جميع المستلزمات بتاعت الخطوبة وروحوا والمفاجأة أنهم لقوا ..


تكملة الرواية من هنا


بداية الروايه من هنا



الصفحه الرئيسيه من هنا


روايات كامله من هنا


الروايات الاكثر قراءه👇👇👇


1- رواية جبروت معقده










































































تعليقات



CLOSE ADS
CLOSE ADS
close