expr:class='data:blog.languageDirection' expr:data-id='data:blog.blogId'>

رواية قسوه عيالي البارت الاول والتاني والتالت والاخير بقلم هويدا زغلول حصريه وجديده علي مدونة النجم المتوهج للروايات والمعلومات

 رواية قسوه عيالي البارت الاول والتاني والتالت والاخير بقلم هويدا زغلول حصريه وجديده علي مدونة النجم المتوهج للروايات والمعلومات 

الحلقه الاولي 

يس _ اعملي حسابك لو امي اقعدت في البيت هنا انا همشي واتجوز عليكي 


ساره _ انت ازاي تقول كده دي امك انت مش امي أنا اختك رميتها ليك وانت كمان عايز 

ترميها في الشارع 


يس _ ومين قال إن هرميها في الشارع 

انا هوديها دار مسنين اليومين اللي فاضلين 

ليها 


وقبل ما نبدا الحكايه انا فوزيه كنت عايشه 

في بيت حماتي وبعد ما جوزي راح طلعت 

وقالت 


الحما _ اسمعي يا فوزيه انا مش حمل مصاريفك 

ياختي انتي وعيالك المعلم برعي عايز 

يتجوزك وانا وافقت وفي الوقت ده انا 

قومت وقفت وقولت ليها 


فوزيه _ معقول انتي يا حماتي اللي بتقولي 

كده ده ابنك لسه رايح مبقاش ليه كام شهر 

المفروض تكوني رافضه أن اتجوز 


الحما _ مانتي كده كده هتتجوزي يا حبيبتي 

يبقي ينوبني من الحب جانب بقي 

متعرفيش هو ناوي يدفع فيكي كام 

_وانا مش بيعه وشروا يا حماتي علشان 

تقولي كده وجواز مش هتجوز 


الحما _ يبقي اعملي حسابك ان هاخد العيال 

منك وانتي بقي تروحي تشوفي مكان تاني 

تعيشي فيه ، وبعدها نزلت وخرجت يس وأخته

هند


يس _ هي تيته كانت بتزعق معاكي ليه يا ماما 


هند _ اوعي يا ماما تكوني ناويه تسبينا 

زي ما تيته بتقول كده 


فوزيه _ لا يا حبايبي انا مقدرش اعيش 

من غيرهم وعمري ما هسبكم 


وفي شقه حماتي كانت قاعده وبرعي 

دخل ليها 


برعي _ يا ساتر يارب مساء الخير ازيك يا حاجه 

عامله اي 


الحما _ يسمع منك. ربنا نفسي احج والله بس 

انت عارف العين بصيره والايد قصيره ربنا 

يكتبها لينا 


برعي _ باذن الله هيكتبها وقربت اوي 

هتروحي تحجي بس قوليلي ها 

عملتي اي فيه اللي قولتك عليه 


الحما _ فوزيه ليك وانت ليها اصبر 

بس عليا شويه وانا والله لخليها تيجي لحد 

عندك وتقولك والنبي اتجوزني 


برعي _ تمام يا حاجه وعايز اقولك هتجوزها 

من هنا وانتي هتشوفي السعد والهنا من هنا 


الحما _ والعيال هيضفلوا معاك ولا معايا انا بس 

علشان اكون عارفه 


برعي _ العيال معاكي ومصروفهم هيجليك 

كل شهر امشي أنا بقي بس مش عايزين نطول 

في الحوار ده ارجوكي ياريت يحصل بصراحه 

سلام وبعدها مشي 


وكان يس عالسلم وسمع الكلام وطلع 

جري علي فوق وكان عامل يعيط وانا 

قربت عليه وقولت 


فوزيه _ مالك يا حبيبي فيه اي أوعي تكون 

جدتك عملت ليك حاجه 


يس _ تيته عامله تكلم المعلم برعي 

وبتقولوا انك هتتجوزي واحنا هنعقد معاها 

واحنا مش عايزين نسيبك يا ماما 


فوزيه _ حبيبي متشلش هم انا مش هتجوز 

حد اسمع صحي اختك احنا هنمشي من هنا 

دلوقتي وفعلا خليت حماتي قفلت باب شقتها

وبعدين مشيت وروحت القاهره 


ساره _ ماما انا عايزه انام خلاص مش قادره 

اقعد تاني 


الام _ اصبري بس يا ساره لحد ما 

نشوف مكان يا حبيبتي نعيش فيه 

وفعلا شوفت اوضه واقعد فيها انا وعيالي 

الاتنين وكان معايا قرشين جبت بيهم شويه 

عبايات وبعدين بقيت ابيعهم بالقسط واشتغلت 

وكبرت عيالي وجوزتهم 


وبعد ما كبرو كنت بقعد شويه عند بنتي 

وشويه عند ابني وفي يوم رجع 

سليمان جوز بنتي وكنت قاعده في الصاله 


سليمان _ هو انتي شرفتي ازيك يا حماتي 

عامله اي 


الحما _ بخير والله يا بني عامل اي وبعدها 

دخل من غير ما يرد عليا ودخل المطبخ 

عند هند  اللي اول لما شافته قالت 


هند  _ انا عارفه والله انت هتقول اي بس ارجوك 

انا مالي اخويا يس جابها الصبح 


سليمان _ انا مش ملزم ب امك انا. زهقت 

يوم ما اتجوزتك اتجوزتك لوحدك مش اتجوزتك 

ب امك والمفروض بقي الملزم

 ب امك اخوكي 


هند _هي بتقعد عند اخويا 20 يوم وعندي انا بس 10 ارجوك استحمالها ال 10 ايام دول 


سليمان _ خلاص ماشي وهجيبلك امي بقى تقعد لك 10 ايام هنا هي كمان


هند _ انت عارف ان مامتك صعبه جدا واسلوبها مش كويس معايا ارجوك بلاش طريقه كلامك دي انا خايفه لا تسمع 


سليمان _يا ريتها تسمع وتمشي تخلي عندها دم شويه وتمشي انا زهقت بقى انا نازل مش واكل


هند _ هتروح فين بس يا حبيبي انت لسه راجع من الشغل يا سليمان سليمان اصبر بس هكلمك 

وبعدها نزل 


ودخلت المطبخ 


الام _ هو في ايه اللي حصل يا هند جوزك ماله نازل متضايق ليه كده هو انت قولتي حاجه دي تزعله 


هند _ والنبي يا ماما اخرجي اقعدي برا أنا مش 

ناقصه قرف 


الام _ قرف ربنا يسامحك يا بنتي حاضر 

هخرج اقعد وفي شقه 

يس ابني روح وكنت وافقه 

وقالي 


يس $ مالك وقفه كده ليه حصل حاجه ضايقتك ولا ايه 


ساره _ هو انت ازاي تاخد مامتك الصبح وانا نايمه وبعدين توديها عند اختك انت عارف ان هي  مبترتاحش هناك 


يس _ وانا مش برتاح لوجودها هنا وبعدين نسيتي هي امي انا ولا امك انتي انتي مالك

وبعدين هي مش هند دي بنتها زي ما انا ابنها 


ساره _تاني ياسين هنتكلم في الحوار ده يا حبيبي انت ابنها وانت اللي لازم تشيلها ليه تخلي راجل غريب يشيلها


يس _ يشيل مين ده معفن انا بدفع في ال 10 ايام اللي هي بتقعدهم هناك 2000 جنيه 


ساره _ انت على طول بره البيت مش موجود هي مضايقك في ايه وقعدها هنا روح هاتها ارجوك


يس _ بقولك ايه انا مرتاح كده يا ساره ولو سمحتي بلاش كل مره نعمل مشكله مع بعض يوم اوديها عند اختي 


ساره _مامتك ست كبيره في السن وفي حاجات ما بتعرفش تعملها لوحدها واختك بتكبر دماغها منها يعني مامتك مش بتاخد دش اللي عندي هنا في الشقه بسبب أن اختك بدخلها الحمام 

وتقولها اتصرفي 


يس _ عامله لنا اكل ايه النهارده شكلك عامله محشي في ريحه محشي مش كده وبعدها 

سبني ودخل وبليل جت اختي مشيره 


مشيره _ مالك يا بنتي صوتك قلقني عليك جدا في التليفون في مشكله حصل بينك وبين ياسين ولا ايه


ساره _ ادخلي اقعدي بس خلينا نتكلم وبعدها قعدنا قولتلها بجد مامته بتصعب عليا جدا اخته بتعاملها وحش وجوزها كمان. هي مش 

بتحب تقعد هناك 


مشيره _ اما انت امرك يا غريب يا ساره انا عمري ما شوفت واحده بتحب تجيب لنفسها وجع القلب كده هو انتي عايزاها تقعد على قلبك هنا في الشقه


ساره _ وجع قلبي ايه انت ما تعرفيش ربنا بيكرمنا ازاي طول ما مامته قاعده معانا 

وبجد انا شايفه فيها ماما الله يرحمها


مشيره _ حبيبتي ماما راحت خلاص وهو حر في مامته بقى بلاش تنكدي على بيتك 


ساره _ حبيبتي اللي بنعمله دلوقتي بيترد لنا بعدين ربنا هيرد كل واحد اللي بيعمله 


مشيره _ حلو قوي وانت كنت بتعاملي ماما حلوه الله يرحمها وكمان كنت بتعاملي حماتك حلوه يبقى خلاص بقى كبري دماغك 


ساره _ محدش هيفهمني مهما أن اتكلمت 


وفي شقه سليمان رجع ولقاه ابنه محمد

نايم علي الكنبه في الصاله 


سليمان _ محمد يا محمد قوم يا حبيبي هو انت نايم ليه كده 


محمد _ انت جيت يا بابا معلش اصل تيته بتطلع اصوات وهي نايمه وانا مش عارف انام خالص


سليمان _ يبقى البيت بيتنا احنا وانت اللي تخرج تنام بره وهي تنام جوه لا يا حبيبي تعالى كده معايا وبعدها دخل عندي 


سليمان _ انتي يا حاجه قومي كده لو سمحت 

وانا صحيت من النوم وقولت ليه 


فوزيه _ سليمان خير  يا حبيبي في حاجه ولا ايه بتصحيني من النوم ليه


سليمان _ قومي نامي على الكنبه بره عشان الولد مش عارف ينام منك هنا مش كفايه مستحملينك 


فوزيه _ مش عارف ينام مني انا ده هو نايم على سري وانا نايم على سرير تاني على العموم حاضر هعملك اللي انت عايزو 


سليمان _ مش عارف ينام من صوتك قومي يلا مش عايز كلام كثير وبعدها خرج ودخل 

عند هند اللي كانت قاعده علي السرير 


هند _ اخص عليك يا سليمان عمال اتصل بيك بقى لي كتير مش راضي ترد عليا ليه


سليمان _ لما انت صاحيه يا هانم ازاي نسيب ابنك ينام على الكنبه وامك تنام على السرير عرفتي بقى انا كده ادخل البيت ليه 


هند _ محمد خرج ينام بره والله يا حبيبي ما اعرف اي حاجه طيب انا هخليه يجي ينام معانا هنا 


سليمان _ وهو انا هستنى حضرتك لما تتصرفي ولا ايه انا خلاص خرجت مامتك تنام بره وخليته وهو يدخل ينام مكانه 


هند _ طيب ممكن تهدي نفسك شويه 

وانا والله هعملك اللي انت عايزو 

كله 


سليمان _اللي انا عايزو حل من الاثنين يا كل واحد يروح لحاله وتشيلي مامتك بقى براحتك يا اما الصبح تاخدي مامتك وتوديها لاخوكي  متجيش هنا ثاني 


هند _ طيب اعملها ازاي بس طب اصبر لما يجي ياخدها كمان 10 ايام وانا هقول له ما يجيبهاش تاني بس ارجوك خليها 10 ايام دول 


سليمان _ انا كلامي خالص يا اما  تتصلي بيا الصبح وتقوليلي انك خلاص وديتي امك عند اخوكي يا اما تقولي ليا ابعث ليا ورقه طلاقي


هند _ حاضر يا سليمان انا مش عايزه اخرب على بيتي وحاضر هودي ماما عند اخويا بكره واللي انت عايزو انا هعمله


سليمان _ انا عايزه حبتنا والله مش اخوك مريح دماغه هناك وجايب لنا احنا هنا وجع القلب اخوكي شقته كبيره جدا يعني يقدر يعمل اوضه لمامتك لوحدها 


هند _ عندك حق يا حبيبي 


وفي شقه ابني كانت ساره قاعده 

وبعدين دخل يس 


يس _ مساء الخير انتي لسه قاعده مكشره زي ما انت طيب ليكي عندي مفاجاه حلوه انا اخذت اجازه من شغلي وهاخذ بنتي والعيال بكره ونطلع مصيف 


ساره _ مش ده اللي انا عايزاه ياسين انا عايزاك تاخد بالك من مامتك شويه ومينفعش ان انت بتعمله ده


يس _ يعني بزمتك بقولك ان احنا طالعين مصيف تفضلي مكشره كده 


ساره _ حبيبي والله انا بحبك وعايزك 

تكون كويس معاه مامتك 


يس _ اوعدك مسافر المصيف ولما نرجع هروح اجيبها من هناك وهخليها هنا في شقتنا على طول قومي بقى حضري الشنط 


ساره _ حاضر يا حبيبي هقوم وبعدها 

فعلا قومت وحضرت الشنط وتاني يوم 

كنا نازلين وفتحنا الباب ولقيت هند في وشنا 

ومعاها حماتي 


ساره _ ادهن تعالي يا حماتي هو انت طالعه على السلم مش في الاسانسير ولا ايه عماله تنهجي ليه كده 


هند _ لا يا اختي اصل انا جاينين

 مشوار مشي كنت بشتري طلبات وقولت 

اجبها بالمره ايه الشنط مسافرين ولا ايه اه ما انت تيجي وترمي ليا  لامك وتسافر انت ومراتك زي ما انتم عايزين ، وساره اخدتني اقعدتني 


يس _ انت ايه اللي جابك مش امك لسه جايه ليكي امبارح وانتي مالك يا سافر ولا ما سافرش هو انا بتحكم فيكي انتي وجوزك 


هند _ لا اسمع يا حبيبي بقى دي امك انت وملزومه منك انا من انهارده خلاص مش هشيل حد ، وانا روحت جمبهم وقولت 


ساره _ حرام عليكم ايه طريقه الكلام اللي عمالين تتكلموا بيها قدامها دي وانتي يا هند مش وقته خناق خالص


هند _ انا مش جاي اتخانق انا جايه اسيبهالكم وامشي انت ابنها والمفروض تشيلها 


يس _ وانا زهقت من قرفها خالص وبعدين 

مانتي كمان بنتها وفضلوا يتخانقوا وبعدها 

بصوا لقوا باب الشقه مفتوح وانا مش موجوده 

وبعدها حصل 


قسوه عيالي

الحلقه الثانيه 

بقلم هويدا زغلول

وفي الوقت ده ساره قالت ليهم 


ساره _ بس بس انت وهي حرام عليكم اهي مشيت. و سابت البيت 


هند _ هو انتي عامله ليه كده الا تكوني فاكره أن معاها فلوس وعامله حسابك ان بعد ما تروح هتخدي الفلوس 


ساره _ امشي يا هند من هنا هو انتي فاكره .ان 

كل الناس زيك مش كل حاجه فلوس في حاجه 

اسمها رحمه بس انتي متعرفيش عنها حاجه 


يس _ خلاص أهي مشيت وكده خلاص خلصت 

بقي يا هند امشي وبعدها مشيت 


يلا يا حبيبتي علشان نطلع المصيف 


ساره _ انت عايز تطلع مصيف وانت مش عارف 

امك فين بجد ليه القلب القاسي 

اللي انتو فيه ده 


يس _ تصدقي انك وليه نكد انا غلطان اصلا 

ان فكرت اخدك ونروح ف حته انا داخل انام 

وفي الوقت ده انا كنت في الشارع 

مش عارفه اروح فين وفضلت قاعده 

في الشارع وجت واحده قالت ليا 


سميره _ مالك يا حبيبتي قاعده كده ليه

بقالي ساعه وافقه في البلاكونه  شوفت 

قاعده كده 


فوزيه بعياط _ جوزي راح ومش عارفه اروح 

فين مبقاش ليا مكان 


سميره _ يا حبيبتي ومعندكيش عيال ولا 

اي شكلك كنتي قاعده لوحدك 


فوزيه _ موجودين بس وجودهم زي عدمه 

بصراحه الله يخليكي بلاش تقلبي عليا المواجع 


سميره _ حبيبتي طيب تعالي معايا اقعدي 

لحد ما تشوفي هتروحي فين 


فوزيه _ مش عايزه اتقل عليكي مع أن.والله جسمي وجعني من القاعده دي 


سميره _ تعالي اقعدي عندي يا حبيبتي 

انا اه مش عايشه لوحدي بس عايزه 

واحده كده تسلني تعالي وبعدها طلعنا 

وخرجت ايمان بنت سميره وقالت 


ايمان _ روحتي فين يا ماما عامله ادور 

عليكي اي ده انتي معاكي حد ازي حضرتك 


فوزيه _ بخير والله اكيد دي بنتك مش كده 

ربنا يحميها ليكي يارب 


سميره _ اه بنتي ايمان ادخلي يا ايمان يلا 

حضري الاكل وبعدها دخلت ايمان وهما قعدو 


فوزيه _ ربنا يفرحك بيها 


سميره _ ايمان متجوزه بس هي 

اللي يبان عليها انها صغيره وجوزها عايش 

معانا هنا إنما اي طيب  ومافيش زيه بصراحه 

ربنا يخلي ليا 


فوزيه _ يارب يا حبيبتي وفي الوقت ده دخل 

ممدوح ابنها وقال 


ممدوح _ ازيك يا ماما عامله اي ايه ده عندنا

ضيوف اهلا بحضرتك وبعدها اقعد 


فوزيه _ قوم يا واد غير هدومك وخد دش انت

مش طول النهار واقف علي رجلك بالهدوم 

دي 


ممدوح _ حاضر يا ست الكل وبعدها دخل


سميره _ قوليلي بقي اي حكاياتك ده لو عايزه 

تتكلمي يعني انا سمعاكي


فوزيه _ حكت علي كل حاجه وبعدين قالت 

عمري ما استخسرت فيهم حاجه تعبت وشقست 

عقبال ما عملت شقه ابني ياسين وبنتي 

جبتلها احسن جهاز ولا اشتغلت ولا خرجت برا 

البيت الا علي بيت جوزها عملت اي علشان 

تستاهل المعامله دي 


سميره _ قدمتي ليهم كل حاجه علي طبق 

من دهب ليهم حق يعملوا كده كان لازم

تحسسيهم بالمسوليه ابني ده كان في الجماعه 

والاجازه كان بيشتغل ويصرف علي البيت 

بنتي دي شايله مسؤوليه البيت كله 

مش بشيل حاجه من مكانها امال هي موجوده 

ليه 


فوزيه _ عيالي كانوا حنينين قوي قبل ما يتجوزوا اي نعم ساره مرات ياسين كويسه معايا بس ما اعرفش ايه اللي حصل لابني وبنتي اتغيرت بقيت تسمع كلام جوزها 


سميره _ تربيتك ليهم من الاول كانت غلط 

اتنازلتي على حاجات كثيره جدا وهم اتعودوا ان انتي دايما تتنازلي ضيعتي عمرك عليهم 

وهما مش هاين عليهم يشيلوا شويه 

معاكي 


فوزيه _ عندك حق والله في كل كلمه انتي بتقوليها طيب انا هعيش معاكم هنا ازاي 

مش بتقولي جوز بنتك عايش معاكي 


سميره _ ايمان وجوزها في اوضه وابني ممدوح في اوضه وانا وانتي في اوضه 


فوزيه _ ربنا يخليكي وانا اوعدك مش هطول 

والله باذن الله هشوف بس هعمل 

اي وبعدين هعمله


سميره _ ربنا يخليكي ليا يا حبيبتي 


وفي شقه ياسين دخلت ساره اوضه النوم 

وهو كان نايم 


ساره _عايزع افهم جايله  نومه ازاي ده بس ياسين قوم ي ياسين عايزاك


يس وهو بيحاول يفتح عينه _ في ايه مالك مش انا قايلك انا واخد اجازه اليومين دول عايزه مني ايه 


ساره _ طلقني ياسين دلوقتي حالا انا مش عايزه اعيش معاك 


يس _ الكلام الفارغ اللي انتي بتقوليه ده يا ساره يعني ايه طلقك


ساره _ انت واحد ملكش خير في امك فاكيد مش هيكون ليك خير ف انا وانا مش عايزه اعيش مع واحد زيك 


يس _ انا عمري ما شوفت حد زيك كده يا ستي وانت مالك امي وانا حر فيها


ساره _ واظن حياتي وانا حره فيها انا هروح بيت ماما وانت هتشوف هتكرر على ايه وانا معاك لو عايزني اقطيها محاكم هنقضيها محاكم 


يس _ طيب اهدي بس انا والله بتكلم علشان خاطر الظروف العيشه  بقت صعبه جدا ماما علاجها بقى كثير 


ساره _ وفرت ثمن علاج امك شوف اللي هيحصلك  بعد كده انا ماشيه وبعدها مشيت 


وفي شقه هند دخل جوزها سليمان 

وهي كانت قاعده 


سليمان _ مالك قاعده كده ليه انا حاسه انك متضايقه ولا حاجه 


هند _ لا والله مش متضايقه ده بيتك وانت حر تقوم اللي يقعد ومين اللي يمشي


سليمان _ اكتر حاجه بحبها فيكي انك بتسمعي 

كلامي في كل حاجه 


هند _ هو انا ليا غيرك يا حبيبي بس كنت عايزه 

اطلب منك طلب انا نفسي 

اطلع مصيف اوي من يوم ما اتجوزنا 

عمرنا ما طلعنا مصيف مع بعض


سليمان اتعصب وقال _ هو انتي يا بنتي ايه  مبتزهقيش كل شويه عايزه فلوس عايزه فلوس وانا ما معيش فلوس اوديكي مصايف


هند _ ازاي بس يا سليمان انت على طول بتقول انك كويس من شغلك وانا لحد دلوقتي اصلا ما اعرفش مرتبك كام 


سليمان _ وانت مالك ومال مرتبه اساسا مشتكي الفلوس اللي بتعوزيها تاخديها للبيت لو عايزه تطلعي مصيف هاتي الذهب اللي انا جايبه ليكي


هند _ عايز تاخد الذهب تبيعه علشان نطلع مصيف لا طبعا 


سليمان _ على فكره دهبي وقت ما اعوزه انا هاخده مش انا اللي شاريه ولا تكوني فاكره انك جايباه من بيت مامي وانتي جايه


هند _ خلاص تمام خد الدهب بيعه ونطلع 

مصيف زي ما انت عايز 


سليمان _ لا هاخد الدهب ابعيه ومافيش 

سفر وقومي بقي حضري الاكل في ليلتك 

اللي مش معديه دي 


وفي شقه سميره كانت ايمان قاعده

في اوضتها هي وكريم جوزها 


كريم _بصراحه مش عارف ايه التصرفات اللي حماتي بتعملها دي هي كانت تعرفها منين دي علشان تقاعدها معانا في نفس البيت 


ايمان _ كريم ماما حاره في تصرفاتها طالما  مبتجيش علينا


كريم _ انا والله ما اقصدش حاجه انا خايف على مامتك لا تكون الست دي عامله عامله ولا حاجه 


ايمان _هو انت مش شايفها عامله ازاي ده ست غلبانه جدا وشكلها ملهاش فيها اي حاجه الله يسامحهم عيالها بقى 


كريم _ عالعموم هي حره مش كفايه ان 

اصلا عايش عاله عليها 


ايمان _ايه الكلام الفارغ اللي انت بتقوله ده انت عارف ان ماما عمرها ما بتحسبها كده وبيتعاملك زيك زينا بالظبط 


كريم _ والله مامتك دي مش عارف اعمل معاها ايه بالظبط على اللي هي بتعمله ده بجد مافيش احن منها 


ايمان _ يعني يا كريم لو كانت ماما ما لهاش مكان تروحوا واحنا كان عندنا شقه مكنتش هتقولي تمشي امك من البيت


كريم _ انا اعمل كده لا يمكن طبعا نعمل الكلام اللي انتي بتقولي عليه ده ده انا اشيلها فوق دماغي والله 


ايمان _ اصيل والله يا كريم يا ننام بقي 

علشان وراك شغل الصبح وبعدها تلفون كريم 

رن 


كريم _ الو ازيك يا عماد عامل ايه خير يا ابني في حاجه ولا ايه متصل في وقت متاخر 


عماد _ ليك  عندي خبر حلو قوي قدمت السي في بتاعك في شركه كبيره زي ما قولتلك ولما عرفوا ان خبرتك اعلى ومرتبك اقل عايزين يقابلوك بكره 


كريم _ معقول يعني انا خلاص هشتغل بالمؤهل بتاعي انا مش عارفه اشكرك ازاي والله يا عميت على اللي انت عملته معايا ده 


عماد _ بس ضروري تيجي بكره علشان ياسين اللي انت هتمسك الشغل مكانه واخد اجازه

ولازم تكون موجود قبله 


كريم _ لا طبعا مش عشان انا بدور على شغل اوافق ان حد ثاني يقعد منه انا مش موافق 


عماد _ والله يا ابني هو ما بيشتغل وبياخد مرتب عالي جدا ما اعرفش على ايه وبجد الشركه 

محتاجك 


كريم _ خلاص تمام بكره الصبح هكون 

موجود وبعدها قفل انا فرحان اوي .مش قادر 

اصدق بقالي سنتين بقدم علي وظيفه 

ب مؤهلي ومش لاقي انهارده اهو لقيت 


ايمان _ يا سبحان الله معقول اللي حصل ده الست اللي برا دي وانت داخل ماما قالت ليها 

انك مش لاقي شغل لقيتها بتقول لماما اصبري 

ربنا هيكرمه ويوسع رزقه وهتشوفي معقول 

حصل بسرعه كده 


كريم _ اكيد يعني صدفه مش معقوله تكون هي حاسه بحاجه بس انا فرحان قوي عايزك تجهزي ليا اشيك طقم بكره علشان عايزه اروح بيه


ايمان _ من عنيا يا حبيبي وبعدها راح 

كريم واتقبل في الشغل وعدا كام يوم 

وراح ياسين ودخل وشاف كريم علي مكتبه 


يس _ انت مين يا اخ انت وبتعمل ايه هنا على مكتبي وبعدها دخل المدير وقال 


المدير _ اول لما عرفت ان حضرتك نورت الشركه قولت لازم اجيلك بنفسي ما ابعتلكش في مكتبي الاستاذ كريم مسك مكانك خالص 


يس _ ايه الكلام ده يا فندم امال انا هشتغل ايه ان شاء الله ومن امتى وحضرتك بتعمل كده 


المدير_ حضرتك غياباتك على طول كثير ومقصر في الشغل جامد وانا محتاج واحد منضبط 

وانا مش مشيتك انت هتكون مساعد ل 

استاذ كريم ومكتبك هيكون برا 


يس _معقول يا فندم حضرتك بتقول ليا انا الكلام ده


المدير _ شغلي اهم على طول حضرتك معطل شغلي بقالك كتير  قدامك حل من الاثنين هتخرج تقعد على المكتب الصغير اللي بره ده يا اما تقدم استقالتك وانا هقبلها 


يس _ تمام يا فندم وبعدها راح يس اقعد 

علي المكتب وكريم راح ليه 


كريم _ والله يا استاذ انا مكانش قصدي اعمل اي مشاكل خالص انا كنت بقدم على وظيفه واتقبلت 


يس _ حصل خير اتفضل على مكتبك وعايز اقول لك ان انا مش هطول هنا كتير باذن الله هشوف شغل وهمشي وبعدها راح كريم علي مكتبه 

وكان يس مخنوق اوي 


وفي شقه سميره خرجت ايمان وكانت 

سميره ة فوزيه قاعدين في الصاله 


ايمان _ ليكي عندي خبر حلو قوي يا مدام فوزيه بنتك منزله خبر على النت انك متخيبه وبتدور 

عليكي 


سميره _ مش قولتك يا فوزيه  عيالك مهما أن 

حصل برضه هيكونوا حنين 


فوزيه بفرحه _ معقول بنتي بتدور عليا انا يا حبيبتي يا هند 


ايمان _ ثواني بس هي بنتك اسمها هند ولا اسمها ساره اصل اللي منزله الخبر ده ومنزله معاه صورتك اسمها ساره 


فوزيه _ ساره دي تبقي مرات ابني 


ايمان _ معقول مرات ابنك اللي بدور 

عليكي وعيالك لا 


وفي شقه هند دخل سليمان وكان 

معاه واحده 


سليمان _ازيك يا هند اخبارك ايه امال العيال فين


هند _ الحمد لله كويسين مين الانسه ولا المدام مين دي اللي معاك 


سليمان _ لا مدام مروه مراتي الثانيه 


هند _ اتجوزت عليا يا سليمان ده انت متعرفش 

هعمل فيك اي 


سليمان _ اه اتجوزت عليكي واحده ملكيش 

امان بدل ما كنتي تقفي قصادي وتقولي 

لا امي لقيتك مشتيها ده كان اختبار ليكي 

كنت عايز اعرف هتعملي  اي وطلعتي واطيه 


قسوه عيالي 

الحلقه الثالثه 

بقلم هويدا زغلول

وفي الوقت ده هند قالت ليه 


هند _ اخس عليك ده انا عملت كده علشانك ازاي تعمل فيا كده انا كنت بحب امي وانت مكنتش بتحب امي 


سليمان _ حتي لو انا مكنتش بحب امك 

المفروض انك تكوني انتي بتحبيها كنت هتحرمك 

بس انتي مكنتيش اصيله وبصراحه كده 

اللي ملهاش خير في امها اخاف منها لان .اكيد 

مش هيكون ليها خير فيا 


مروه _ هو اي يا حبيبي احنا هنفضل نتكلم 

كتير ولا اي اسمعي يا بتاعه انتي سليمان 

كان عايز يطلقك وانا قولت ليه لا علشان 

محمد المهم هتفضلي هنا تفضلي ب خدمتك 

وبعدها دخلوا الاوضه 


هند _ اخرتها كده بقي أنا خسرت امي وانت 

تعمل فيا كده 


وفي بيت سميره كانت قاعده وانا معاها ودخل كريم ومعاه شنط اكل 


كريم _ مساء الخير يا جماعه اوعوا تكونوا 

كلتوا انا جبت اكل معايا احتفال ب اول مرتب 

اقبضه من شغلي الجديد


سميره _ جرا اي يا واد انت المرتب هتخدو 

تصرفوا بقولك اي أنا خلاص اتخنقت 

منك انت ومراتك اديني فلوس ادخلك جمعيه تقضبها الاول وتجيب شقه 


كريم _ من ورا قلبك يا سوسو انا عارف 

انك عايزني معاكي العمر كله 


سميره _ اه والله يا بني دي حقيقه بس 

برضه لازم يكون ليك حاجه بتاعتك متعرفش 

بكره فيه اي 


كريم _ لا بقولك اي أنا مش عايز 

نكد خالص المهم انا عايز منك خدمه 

المفروض اللي انا استملت منه الشغل 

جاي بكره يتغدا معانا بصراحه 

هو مخنوق من يوم ما جه الشركه 

وعرف أن بقيت مكانه 


سميره _ ومالو يا حبيبي اعزموا حتي يعرف 

انك ابن اصول ومش قاصد تاخد منه الشغل 

وبعدها كريم بص ليا وقالي 


كريم _ مالك يا حاجه فوزيه ساكته ليه 

مش عايز اقولك أن الخير كله جه البيت 

من يوم ما انتي دخلتي 


فوزيه $ والله انتو تستهلوا كل خير 

انا مكسوفه اوي من القاعده هنا 


سميره _ اخس عليكي ده انا حاسه انك .بقيتي 

واحده مننا المهم قوم يلا دخل الحاجات 

دي ل ايمان علشان تعمل لينا الاكل 


كريم _ ماشي بس اسمعوا ايمان 

عمر ما نفسها في الاكل هيكون زيكم انتو 

عايز الاكل بكره يكون منكم 


فوزيه _ عيني والله هعملك احلي اكل تتشرف 

بيه 


وتاني يوم جه كريم ومعاه ابني يس


كريم _ اتفضل يا استاذ يس صحيح 

البيت علي قدنا بس هتشوف فيه احلي 

عيله 


يس _ شكرا ربنا يخليك وبعدها راحوا اقعدو 

وإيمان خرجت وقالت 


ايمان _ مساء الخير ازيك يا استاذ يس 

مش عايزه اقولك كريم بيحبك ازاي ده 

مش بيجيب سيره حد في البيت غيرك 


يس _ ربنا يخليكي يا مدام وربنا يعلم انا .بقيت 

بعزه ازاي والله مع أن كنت كره الاول 


ايمان _ ما محبه الا بعد عدوا يلا بينا الاكل 

جاهز وبعدها راحوا علي السفره 

وكنت أنا قاعده في اوضتي ودخل كريم 


كريم _ اي ده انتي قاعده هنا ليه اخرجي 

برا يلا علشان تتغدي 


فوزيه _ انا كلت حاجه خفيفه كده خليك انت 

معاهم برا يلا 


كريم _ والله ما يحصل انتي بقيتي 

خلاص واحده من العيله تعالي والله 

ما هتقعدي لوحدك اديني حلفت قبل 

ما تحلفي


فوزيه _ حاضر يا بني اللي تشوفه وبعدها 

خرجت معاه  


سميره بتكلم يس _ ربنا يحميك يا بني 

والله انا كنت خايفه علي كريم منك بس 

طلعت كويس ههههههه وبعدها روحت 

اقعد ويس شافني وقام وقف وقال 


كريمة_ اي الهزار ده بقي انشاء الله انتي 

هنا بتعملي اي يا ست انتي وبعدها قومت 

وقفت وسميره ثابت 


سميره _ هو فيه اي انتي تعرفي يس منين 

وانت يابني تعرفها 


يس _ اعملوا عبط بقي وانا اقول كريم عرف 

الشركه منين اتاريكي انتي اللي قولتي ليه 

قدم السي في 


كريم_ احفظ ادبك واتكلم معاها كويس انت 

فاهم ولا لا ما تقولي يا ست فوزيه فيه اي 


وانا رديت بصوت مش طالع _ ابني 


يس _ اللي كان ابنك اياك اسمعك .تقولي 

ابني تاني بعد اللي عملتي معايا ده انتي 

متستهليش تكوني ام وانت يا اللي اسمك 

كريم عارف لو حد في الشركه عرفت ان 

الوليه دي قاعده عندك هعمل فيك اي 


وبعدها حصل 


قسوه عيالي

الحلقه الاخيره

بقلم هويدا زغلول

وبعدها اغم عليا وإيمان وسميره 

جريوا عليا 


كريم _ امشي اطلع برا كنت فاكر 

ان انت انسان بس طلعت غير كده


يس _ متخافش اوي كده دي تمثليه واحنا 

اخدنا عليها سلام وبعدها مشي 

وراح بيت هند وفتحت مروه 


مروه _خير نعم مين حضرتك


يس _ انت اللي مين وبتعملي ايه هنا وفين هند 


مروه _ راجل جاي يسال على هند تعالى يا سليمان شوف مين اللي بيسال على مراتك 

وبعدها خرج 


سليمان _ اي ده يس غريبه يعني الزياره دي ده انت اخر مره جيت زرتنا فيها كانت بعد فرحنا باين بشهر حتى لما كنت بتجيب امك كنت بتخليها تطلع في الاسانسير انت مش بتطلع 


مروه _ خلاص بقى ادخل انا جوه شكلك تعرفه

وبعدها دخلت 


يس $ مين دي وبتعمل ايه هنا وفين هند اختي 


سليمان _ دي مراتي عندك مانع ولا حاجه واختك مرميه جوه في المطبخ بقالها ساعه بتعمل 

اكل وبعدها خرجت هند 


هند _ ياسين غريبه ادخل في ايه في حاجه حصلت ولا ايه وبعدها دخل سليمان جوا 


يس _ هو انت تعيشي مع البني ادم ده بعد ما اتجوز عليكي


هند _ علشان عارفه ان ما ليش مكان في بيت اخويا ومليش مكان ثاني اروحه

 هعمل ايه يعني


يس _هو فعلا متجوز عليك طب ليه عمل كده مش خلاص كانت كله مشكلته أمك 

امك خالص مشيت 


هند _ هو انت لسه متعرفش حاجه عنها 

بجد وحشتني اوي وعرفت ان الدنيا ملهاش 

لازمه من غيرها انا لسه بصحيتي ومش 

عارفه لو مشيت هعمل اي انما 

هي يا عيني معرفش عامله اي دلوقتي 


يس_  كويسه يا اختي قاعده بتاكل وبتشرب وكمان بتاخد شغلي تخيلي امك تخلي واحد غريب يروح الشغل مكاني


هند _ ماما عمرها ما هتعمل كده طيب هي فين انا عايزه اروح واشوفها وبعدها 

خرج سليمان 


سليمان _تروحي فين انتي لو خرجت بره البيت ده مش هتدخلي تاني انتي سامعه ولا لا


هند _ مش عايزه طلقني يا سليمان انا 

دلوقتي اللي مش عايزه اعيش معاك


يس _ انتي بتعملي اي هتروحي فين لو طلقك 


هند _ ما تخافش مش هاجي اعيش عندك انا هاخد امي واعيش في مكان دي وليها وهشتغل وهصرف عليها زي هي ما عملت معانا زمان

قولي فين مع ماما وبعدها جت البيت 

وفتحت ليها ايمان 


ايمان _ ايوه مين حضرتك وعايزه اي 


هند _ انا هند بنت فوزيه يس اخويا 

قالي انهارده موجوده عندكم هنا 


ايمان _ عايزين منها اي حرام عليكم 

بقي انسوها انا عمري ما شوفت 

ناس كده الست مش حمل اي مشاكل

تاني 


هند _ اهدي بس والله انا عرفت غلطتي 

وبجد مش قادره اسامح نفسي علي اللي عملته 

معاها ارجوكي دخلني اشوفها وبعدها 

دخلت وكنت أنا قاعده علي السرير 

عامله اعيط وقاعده قدامي سميره وكريم 

وممدوح 


هند قربت عليا وقالت _ ماما ارجوكي سامحني 

حقك عليا أنا اسفه والله من هنا 

ورايح مش هسيبك خالص 


فوزيه _ حبيبتي يا هند والله وحشتني اوي 


سميره _ يا وليه وحشتك بعد اللي عملته معاكي 

انتي عايزه اي يا بت انتي 


ممدوح _ اهدي يا ماما هي متعرفش 

اسلوبك وممكن تزعل من طريقه كلامك 

دي 


سميره _ هو انا بهزر ولا اي ده انا هطلع 

عينها هربيها من اول وجديد علي اللي عملته 

ده هو فيه بعد الام يا بت انتي 


هند _ ليكي حق تقولي اكتر من كده والله 

انا بيتي بيكون في بركه لما كنتي بتيجي انتي 

عندي انما راحت من يوم ما مشيت


فوزيه _ مسماحكي يا بنتي وعمري ما زعلت .منك 

ابدا جوزك عارف انك جايه 


هند _ انا هشوف شقه نقعد فيها 

خلاص هو اتجوز وهيطلقني يا ماما 


سميره _ كلمت هتقعدي معانا هنا. بس يا 

حبيبتي انا وامك ملناش في نومه الارض الجو 

حر افرشي ونامي انتي ههههه 


فوزيه _ والله ما ينفع انا همشي من هنا 

وخلاص معايا بنتي 


سميره _ هتروحي فين بس جدعه يا بت 

يا هند انك هتطلقتي من العره جوزك ده 

راجل خسيس 


وفي شقه ساره راح يس وهو متعصب وقالها 


يس _ بترفعي عليا قضيه خلع يا ساره 

والله ما هتعرفي هعمل معاكي اي 


ساره _ خلاص خلي عندك انت دم وطلقني 

وبلاش محاكم انا واحده مش عايزه .اعيش 

معاك 


يس _ وانتي فاكره ان دايب فيكي انتي 

طالق لأنك متساهليش تعيشي 

معايا وبعدها مشي وخرجت الام 


الام $ ليه بس يا بنتي كده كبرت الموضوع كان ربنا هيهديه وانتي كنتي

 تفضلي تكلمي معاه


ساره $ياسين اناني يا ماما ما بيفكرش الا في نفسه بس وانا خلاص مرتاحه كده من بعد ما سبته


الام _ ربنا يهديلك حالك 


وفي بيت سليمان دخل وكانت قاعده 

مروه وقالت 


مروه _ انت جيت خش شوفلك حل في ابنك ده زهقني مش عايز ياكل خالص


سليمان _ليكي عندي خبر حلو انا خلاص طلقت هند مش ناوي خليها تدخل البيت هنا تاني


مروه _ وابنك ان شاء الله مين اللي هيربيه فاكرني انا اللي هربيلك ابنك ولا ايه لا يا حبيبي

انا مليش في الجو ده 


سليمان _ امال عايزه الناس يسيبني ان شاء الله مع واحده ملهاش اصلا مكان تقعد فيه ولا ايه


مروه _خلاص يبقى طلقني انا مش هعيش وربي عيل مش ابني انت فاهم ولا لا 


سليمان _ اشمعنى كلامك ده دلوقتي انتي عمرك ما اتكلمتي معايا في الموضوع ده قبل كده


مروه _ لاني كنت فاهمني ان مراتك هتقعد وتخدمنا انما دلوقتي عايزني اغسل واطبخ واكنس ولا ايه 


سليمان _ايوه هتبقي زي اي زوجه ما كل واحده بتعمل لجوزها كده


مروه _ لا يا أبا مش لعبه انا مليش في الجو 

ده مع السلامه وابقي ابعت ليا ورقتي 

علي بيت امي ومشيت 


وعدا 6 شهور 


وفي بيت سميره كانت راجعه هند  من الشغل لأنها اشتغلت في بوتيك 

وكان ممدوح قاعد 


ممدوح _ برده ما فيش فايده يا هند مش انا قولتلك ما تنزليش الشغل


هند $ امال هصرف عليا انا وامي منين بس كفايه علينا ان احنا قاعدين عندكم وما بندفعش كمان ثمن الايجار 


ممدوح _الكلام الفارغ اللي انتي بتقوليه ده والله ربنا يعلم انا بعز الحاجه فوزيه ازاي وبجد نفسي 

تفضلوا هنا العمر كله 


هند _ معلش انا قررت ان اخد شقه واعيش فيها انا وماما وهتكون قريبه منكم برده وهنسال على بعض 


ممدوح _ بصراحه كده يا هند انا بحبك وعايزه اخطبك من مامتك 


هند _ مش هينفع يا ممدوح انا رافعه قضيه علشان هياخد ابني يتربى معايا ده يمكن اسيب ابني مع مرات اب 


ممدوح _ وايه المشكله هو انتي فاكراني هقول لك لا انا هكملك القضيه وهاخد ابنك 


هند _ انت اي اللي  خليك تتجوز واحده كانت متجوزه قبل كده ومعاها عيل كمان 


ممدوح _ علشان بحبك وبجد نفسي توافقي 

عليا وفعلا هند وافقت واتجوزت وسكنت 

في شقه قريبه مننا وكمان ايمان 

وكريم مشيوا بعد ما ربنا فتحها عليه 

وفضلت انا عايشه مع سميره اللي اعتبرتها

اختي انما ياسين خسر شغله ومراته ولسه 

زي ما هو مش عايز يتغير 


تمت



الصفحه الرئيسيه من هنا


روايات كامله من هنا


الروايات الاكثر قراءه👇👇👇


1- رواية جبروت معقده



























































































تعليقات



CLOSE ADS
CLOSE ADS
close