روايه جرح يداويه العشق الفصل الحادي عشر حتى الفصل الخامس عشر بقلم الكاتبه جنات حصريه وجديده على مدونة النجم المتوهج للروايات والمعلومات
صباح يوم جديد فى قصر عيله الهلالى وتحديداا فى المطبخ كانت فاطمه وراضيه بيجهزو الاكل عشان الضيوف اللى هتوصل
راضيه:والله جلبي بيتجطع على البنيه
فاطمه:عمى حكالى عن معامله سليم ليها وكيف عانت وياه
راضيه:ربنا يسامحه ويرحمه كان مؤذي
فاطمه:يارب
راضيه:بس تعرفى انى متفائله بچوازة دى وجلبي بيجولى انها هتسعد ولدى يونس
فاطمه:يارب ياراضيه يسمع من بوجك ربنا انى نفسي اشوفه عايش حياته سعيد
راضيه:انا جولتلك بلاها چوازه من صفا
فاطمه:عمى هو اللى امر ماكنش بيدى حاچه ياخيتى
راضيه:ربنا يچعل العروس الچديده جدمها جدم خير عليه
فاطمه:يارب
اجلال اللى دخلت وسمعت كلامهم:وانى بتى ماكنتش جدمها خير على ولدك يافاطمه
فاطمه:مش الجصد ياخيتى
اجلال:بتى مجطعه نفسها بكى من وجت ماعرفت وانتو اهنه بتدعو ربنا يسعده مع العروس الچديده انتو ايه عالم ظلمه
راضيه:بلاش الكلام ديه ياخيتى چواز يونس بامر ابوى ومحدش فينا ليه دخل واصل لو عايز تحكى فى الموضوع احكى مع ابوى لما يرچع احنا مش فاضين للحكى ديه وورانا شغل كاتير عشان الضيوف اللى چايين
اجلال اضايقت من كلامها خرجت من المطبخ وراحت على اوضتها
فى اوضه صفا قاعده تلعب فى فونها
الباب اتفتح ودخلت اجلال:انتى جاعده اكده ولا فارج وياكى ان چوزك هيتچوز
صفا:وانى اعمل ايه ياما
اجلال:جومى البسي وظبطتى حالك عشان لما تاچى العروس الچديده تعرف انك اهنه ست القصر كله فاهمه
صفا:حاضر ياما
=============
فى القاهرة
روح وشهد ومحمد نزلو من العمارة كان عثمان وطارق وعلى ويونس مستنيهم تحت
وسلمو على بعض وعثمان كان متفق مع محمد انهم يسيبو روح مع يونس لوحدهم فى العربيه
عثمان:يلا عشان نوصل جبل الليل
محمد:يلا شهد
شهد:انا هركب مع روح يابابا
محمد:مافيش مكان مع روح يابتى الشنطه محطوطه على الكرسي اللى ورا
شهد:ماتحطو الشنطه فى شنطه العربيه
على جه جمبهم عشان ياخد الشنط وهمس ليها:اتهدى شويا بقي عايزين نسيبهم لوحدهم
شهد بصتله اوى واضايقت منه
طارق:يلا ياچدى انت اركب معاى
عثمان:يلا ياولدى وانت ياعلى خد وياك عمك محمد وبته
على:حاضر ياچدى
عثمان:يلا ياروح يابتى اركبي مع يونس
روح لسه هتعترض محمد مسكها من ايدها وفتحلها باب العربيه ودخلها:احنا هنكون ورا بعض ياحبيبتى متخافيش
روح:عمو لو سمحت خدنى معاكو
محمد:اهدى يابنتى متقلقيش تمام
روح:حاضر
محمد راح لشهد:يلا ياشهد
شهد:ليه عملتو كدا يابابا انت عارف روح بتخاف
محمد:لازم نسيبهم سوا ياحبيبتى يلا اركبي بقي
الكل ركبو العربيات واتحركو
ويونس ركب العربيه وروح اتوترت جدااا ويونس ملاحظ توترها واتحرك من غير مايتكلم
بعد فترة روح كانت حاسه بانها مخنوقه جداا ومش عارفه تعمل ايه حاولت تفتح الشباك معرفتش
روح بتعب:افتح الشباك لو سمحت
يونس بصلها ولاحظ تعبها ووقف العربيه وفتح الشباك اللى ناحيتها وروح بصت ناحيه الشباك ورفعت النقاب بحذر عشان محدش يشوفها وبدات تاخد نفسهاا وكان صوت انفاسها عاليه جدااا وطلعت البخاخه من الشنطه بتاعتها واخدتهاا وسندت راسها على الكرسي وبدات تتنفس بانتظام
والعربيه اللى فيها شهد شافو عربيه يونس وقفت ونزلت بسرعه وجرت على روح وفتحت الباب
شهد:روح انتى كويسه
روح بتعب:الحمدلله
شهد:ايه اللى حصل ياروح
روح:حسيت انى مخنوقه شويا بس
شهد:اهدى ياحبيبتى اخدتى البخاخه بتاعتك
روح هزت راسها باه
محمد وعثمان قربو منهم
عثمان:خير يابتى
روح:انا كويسه الحمدلله
محمد:لو تعبانه نوديكى مستشفى ياروح
روح:لالا ياعمو محمد بقيت احسن الحمدلله
عثمان:الحمدلله طب يلا نتحرك ياچماعه
الكل رجعو عربياتهم ويونس بص لروح:بقيتى احسن
روح من غير ماتبصله:الحمدلله بس لو سمحت متقفلش الشباك
يونس:حاضر
يونس اتحرك بالعربيه وروح سندت راسها على الشباك وغمضت عينيها
===============
فى الصعيد
رحمه دخلت المطبخ وشمت ريحه الاكل:الله الله على الجمال والحلاوة ياعمتو
راضيه:صباحك ورد ياروح جلب عمتك
فاطمه:همى يارحمه ساعدينا
رحمه:اومال فين صفا ومرات عمى اجلال عندى احساس ان ده الهدوء اللى قبل العاصفه
فاطمه وراضيه ضحكو
راضيه:ربنا مايچيب مشاكل يابتى يلا همى الضيوف جربو يوصلو اعملى الحلو يلا
رحمه:من عيونى اومال العروسه الجديده هتقعد فين
راضيه:فى اوضه سليم واوضه الضيوف
فاطمه:لع اوضه سليم اجلال رافضه انها تتفتح من وجت وفاته
رحمه:وانا عرفت انها بتكره تسمع اسمع اكيد يعنى مش هتقعدوها فى اوضته ياجماعه
راضيه:صوح راحت عن بالى دى يبجى تجعد فى اوضه الضيوف
رحمه:اشطا اوى عشان تبقي جمبي
فاطمه:الموضوع ده مفرحك جوى اكده ليى يابت بطنى
رحمه بهمس:عشان اكيد اللى ماتتسمى صفا اصلا خسارة فيها يونس والله
فاطمه:هشش اكتمى يابت ناجصين مشاكل اياك يلا روحى اعملى الحلو
رحمه:من عيونى
===================
فى عربيه يونس
روح سانده راسها على الشباك ومغمضه عينيها واتفتكرت لما هربت من سليم
••فلاش باااك••
روح كانت مربوطه فى السرير وبتعيط فى صمت خوفا منه وخوفها زاد لما باب الاوضه اتفتح ودخل وبدا يفكها:بتعيطى ليه حد قالك تغلطى معايا من الاول كنت هعاملك زى الاميرة بس انتى اللى اختارتى يلا قومى اعمليلى قهوة
روح قامت بتعب لان جسمها كله تعبان وبيوجعها من عنفه معاها وضربه ليها وراحت على المطبخ وبدات تعمل القهوة وفجاه سمعته بيزعق جامد وفهمت ان فى مشكله فى شغله وخرج بسرعه
روح خرجت من المطبخ راحو تفتح الباب لاقيته نسي يقفله زى كل مرة دخلت جرى على الاوضه لبست نقابها على الاسدال اللى كانت لابساه وفتحت الباب ونزلت بسرعه ركبت تاكسي وراحت على العمارة بتاعتهم ولما وصلت تحت العمارة:انا اسفه هجبلك فلوس من فوق لان مش معايا
السواق:بسرعه ونبي ياانسه
روح نزلت وراحت على شقه شهد وكانت مرعوبه ان خالها يشوفها خبطت والباب اتفتح
شهد بفرحه:روح
روح:هششش عشان محدش يسمع
روح دخلت معاها وقابلها محمد:ازيك يابنتى عامله ايه
روح وهى بتعيط:عمو محمد فى تاكسي واقف تحت اللى انا جايه فيه ممكن تحاسبه
محمد:حاضر يابنتى
شهد قعدت روح اللى رفعت نقابها وشهد شهقت من منظر وشها:ايه ده ياروح هو بيضربك
روح انهارت وعيطت جامد وشهد اخدتها فى حضنها:انا هربت منه ياشهد وخايفه انه يلاقينى ده لو لاقينى هيموتنى
محمد طلع بعد ماحاسب التاكسي واتصدم من منظر روح
محمد:مالك يابنتى
روح كانت بتعيط وبس
شهد:تعالى ارتاحى جوا فى الاوضه
روح قامت مع شهد وفجاه وقعت مغمي عليها وشهد ومحمد اشتالوها ونيموها على السرير وشهد جابت برفان وحاولت تفوقها وبردو مش بتفوق
شهد:بابا كلم دكتورة بسرعه
محمد كلم الدكتورة اللى جت بعد شويا وكشفت عليها:مبروك المدام حامل فى الشهر الاول بس هى محتاجه راحه تامه وكمان جسمها كله كدمات بسبب عنف مين عمل فيها كدا
شهد:جوزها
الدكتورة:تحبو ابلغ الشرطه
محمد:لا يابنتى دى امور شخصيه يحلوها سوا
الدكتورة:تمام عن اذنكو
بعد شويا روح فات وانهارت اكتر لما شهد قالتلها واترعبو لما سمعو صوت خبط جامد على الباب
روح:اكيد هو هو ياشهد هيقتلتى
محمد راح يفتح ودخل سليم زى الاعصار وبدا يدور على روح اللى كانت مستخبيه فى حضن شهد
سليم بصوت عالى:بقي تهربي منى ياروح امك
سليم شد روح من ايدها
شهد:ابعد عنها ياراجل انت
مختار:اطلعى منها انتى يابت واحد ومراته انتى مالك انتى
شهد:حرام عليك انت مش شايف عامل فيها ايه
رباب:واحد بيربي مراته انتى مالك
سليم شد روح اللى بتصوت وخرج من الشقه وشهد جرت عليه:طب براحه عليها روح حامل
سليم وقف وبص لروح اللى منهارة:حامل
شهد:اه روح تعبت وجبتلها دكتورة وقالت انها حامل
سليم نزل النقاب لروح واخدها ونزل وزقها جوا العربيه وراح على شقتهم اللى اول مادخلها شد نقاب روح رماه على الارض ومسكها من شعرها بقوة:بقي حته عيله زيك تغفلنى وتهربي منى
روح بعياط وحاطه ايدها على ايده اللى على شعرها عشان تخفف من شده:اسفه والله مش هعمل كدا تانى ابوس ايدك خلاص
سليم زقها على الارض ودخل الاوضه جاب كرباج وروح اول ماشافته بقت ترجع لورا بخوف وسليم مرحمهاش ونزل فيها ضرب لحد مااغمى عليها واتفاجأ بدم نازل منها
روح فاقت بعد مده لاقت نفسها فى المستشفى واللى فهمته من الدكتورة انها نزفت جامد بس الحمدلله لحقو الجنين وفضلت يومين فى المستشفى وبعدها رجعت على سجنها تانى بس المرة دى السجن مطولش لان سليم مات بعدها باسبوع وخالها جه اخدها
••باااك••
روح فاقت على صوت فون يونس اللى رن
يونس:الو ايه ياعلى......انتو فى الاستراحه....لا انا ماشي على الهادى....تمام ١٠ دقايق وهنكون عندكو
=============
فى الاستراحه
شهد واقفه تستنى روح:هما اتاخرو ليه كدا
على قرب منها:ماتهدى شويا يونس مش هياكلها على فكرة
شهد:وانت ايه حشرك اصلا اطلع منها احسنلك
على:بت انتى انا متغاظ منك
شهد:ليه ان شاء الله اكلت ورثك ولا حاجه
طارق جه عليهم:مالكو فى ايه انتو هتتخانقو وبعدين ياانسه شهد يونس مش هيعمل حاجه فى صاحبتك يعنى
شهد:ياجماعه روح بتتعب من العربيات عشان كدا قلقانه عليها
على:على العموم انا لسه قافل مع يونس وهما دقايق وهيكونو هنا
طارق:اهدو بقي وكفايه خناق
شهد:خليه يبعد عنى ومالوش دعوة بيا
على:يابت هموت واقرب منك مثلا
شهد:انت بنادم مستفز
على لسه هيقرب منها
طارق مسك على:بس بقي يونس وصل اهو
شهد قربت من العربيه وروح نزلت
شهد:انتى كويسه ياروح
روح:الحمدلله
شهد:تعالى ندخل جوا ارتاحى شويا
روح:يلا
يونس:مالكو
طارق:ابن عمك كان بيتخانق مع شهد
يونس:ليه
على:بت مستفزة اوى
يونس:شيلها من راسك ياعلى مش عايزين مشاكل يلا ندخل
الكل قعدو فى الاستراحه الرجال شربو قهوة وشهد وروح شربو عصير وبعدها اتحركو وبعد فترة وصلو الصعيد.....
&&&&&&&&&
ياحلوين ف بنوته قمر كانت كاتبه ف كومنت ان كدا هتتجوز ازاى عشان عدتها وكدا حرام خلينى انا اقولكو حسبتها ازاى وانا برتب الاحداث
روح عرفت انها حامل ف الشهر الاول لما هربت من سليم وبعدها سليم مات وفى اول الروايه ذكرنا ان روح حامل فى اواخر الشهر الخامس وطبعااا مع مرور الاحداث هنعرف بعد كدا ان روح بقت فى السادس او اكتر كمان وانتو عارفين عده الارمله ٤ شهور و١٠ ايام يبقي كدا عدتها خلصت ودى حسبتى ياقمرات قولولى انا كدا صح ولا فى حاجه غلط
روايه جرح يداويه العشق
••﴿الفصل ١٢﴾••
العربيات وصلو الصعيد وتحديداا قدام قصر عيله الهلالى
فى عربيه على محمد نزل وشهد بتبص على القصر وهى جوا العربيه:ماشاء الله ايه القصر ده ... ده تحفه فنيه
على اللى لسه راكب مكانه:اعوذ بالله القصر هيولع قبل ماتدخليه من قرك
شهد:هو السمع عندك بالعافيه يااستاذ على مش سامعنى وانا بقول ماشاء الله
على:طب انزلى يلا ياختى ولا عجباكى القاعده فى عربيتى
شهد فتحت الباب ونزلت وقفلته بقوة:اشبع بعربيتك
على:يابنت المجنونه
طارق جه عليه وهو بيضحك:انت عملت فيها ايه عصبتها كدا
على:دى مش طبيعيه ياعم... يلا ندخل
طارق:لا انا ماشي مش هدخل
على:ليه ياعم كدا
طارق:كدا احسن ياعلى يلا سلام
على:سلام
==============
شهد راحت لروح اللى نزلت من العربيه وماسكه راسها:روح مالك انتى كويسه
روح:الحمدلله هى دوخه بس من العربيه
عثمان قرب منهم:مالك يابتى
روح:بخير ياجدو متقلقش
عثمان مسك ايدها:يلا تعالو ندخلو
عثمان دخل وفى ايده روح ووراه محمد وشهد ويونس وعلى
فاطمه قربت منهم:حمدلله على السلامه القصر نور
محمد:منور باهله
عثمان دخل وقرب من كل العيله اللى كانو واقفين:تعالى ياروح يابتى عشان تتعرفى على عيلتك
فاطمه:كيفك يابتى انى فاطمه ام يونس
روح:اتشرفت بحضرتك
راضيه قربت منها وحضنتها:وانى راضيه عمه يونس وجوليلى ياعمتى كيف الشباب
روح:حاضر ياعمتو
صفا قربت منها لما عثمان شاورلها:وانى صفا مرت يونس الهلالى
روح اتوترت:اهلا بيكى
روح عينيها اتعلقت باجلال لانها عرفاها كويس وشايفه نظراتها اللى كلها الغل والكره ليها واجلال متحركش من مكانها ولا اتكلمت
رحمه:انى بجى رحمه اخت يونس الصغيرة ومبسوطه جوى انى اتعرفت عليكى ياروح اكيد هنبجى صحاب صوح
روح:ده شرف ليا
شهد:تقابلونى فى شلتكو لو سمحتو انا شهد وصاحبه روح
رحمه ضحكت:طبعاا طبعااا ياشهوده
عثمان:اكده زين عشان ماتحسيش حالك وحيده يابتى
روح ابتسمت وجواها خوف من نظرات اجلال وصفا
اجلال واخيراا اتكلمت:انتى بجى اللى بيجولو عليكى مرت سليم وحامل بحفيدى
روح بصتلها ومتكلمتش
اجلال:انى ايه يضمنلى انك مش چايه تنصبي علينا وايه دليلك انك مهتكذبيش علينا
شهد:لا حضرتك عارفه انها مش بتكذب ومتاكده انها مرات ابنك
اجلال:وايه اللى ياكدلى
شهد:حضرتك ناسيه انك زورتيهم فى شقتهم وهما متجوزين ومن غير زيارتك فى قسيمه بتثبت انها كانت مراته قبل مايغور قصدى يموت وبعدين ابنك مش ملاك نازل من السما عشان البنات تجرى وراه وتقول انه كان متجوزها وانتى فاهمه قصدى كويس
اجلال اضايقت من كلامها
محمد:شهد مالوش لزوم الكلام ده
شهد:لا انا كنت بوضحلها الامور بس يابابا عشان نكون على نور من اولها
عثمان:كيفاكو حديث عاد اكيد تعبانين من السفر خدى روح وشهد يرتاحو يارحمه يابتى چهزتو الاوض
فاطمه:ايوا ياعمى اوض الضيوف چاهزة
عثمان:يونس ياولدى خد عمك محمد على اوضته لاچل يرتاح على ما يچهزو الوكل
يونس:حاضر ياچدى
صفا:اومال العروس هتجعد فين ياچدى
عثمان:رحمه يابتى خدى شهد وروح على اوضهم
شهد:انا هفضل مع روح
عثمان:اللى يريحكو يابتى
رحمه اخدت شهد وروح وطلعو ومحمد راح مع يونس
عثمان بحده:بلاش طريجتك دى يااچلال مع البنيه لانى المرة الچايه انى اللى هجف فى وشك
عثمان دخل اوضته وفاطمه وراضيه على المطبخ وعلى قرب من امه:مش كفايه الظلم اللى شافته من ابنك جايه انتى كمان تظلميها عمركو ماهتتغيروو
على سابهم وطلع وصفا بصت لامها:البت صاحبتها دى باينها مش سهله ياما
اچلال:مش معاى يابتى
================
فى اوضه روح وشهد قاعدين على السرير بعد رحمه ماوصلتهم
شهد:مالك ياروح
روح:امه شكلها مش ناويه على خير
شهد:متخافيش ياحبيبتى يلا قومى خدى شاور عشان ترتاحى شويا
روح:حاضر
روح خرجت بعد شويا وكانت لابسه بجامه تقبله لانهم فى فصل الشتا وفارده شعرها الطويل على ضهرها وشهد دخلت تاخد شاور هى كمان
الباب خبط روح قربت من الباب:مين
رحمه:انا رحمه ومعايا ماما
روح فتحت الباب وفاطمه اول ماشافتها:بسم الله مااشاء الله ربنا يحفظك يابتى
روح:تسلمى
رحمه:انتى حلوة اوى ياروح ماشاء الله
روح:عينيكى اللى حلوة يارحمه وانتى مااشاء الله زى القمر
فاطمه:يلا يابتى عشان تاكلى لجمه جبل ماتنامى
فتحيه دخلت بصنيه الاكل وحطتها على التربيزة وخرجت وشهد خرجت من الحمام كانت لابسه بجامه تقيله وفاردة شعرها اللى واصل لنص ضهرها
رحمه:يلا ياشهودة عشان تاكلى
شهد:هتاكلى معانا
رحمه:طبعاا انا مش ناويه اسيبكو ابدا
فاطمه:ربنا يحميكو يابنات هنزل انى بجى
فاطمه نزلت والبنات قعدو ياكلو سواا واتعرفو على بعض
بعد شويا رحمه:هروح انام انا بقي
شهد:ماتنامى معانا
رحمه:لا هسيبكو براحتكو وهروح انام فى اوضتى وبكرة هيبقي يوم طويل ياروح لازم ترتاحى
روح:حاضر
رحمه خرجت والبنات نامو
==============
فى بيت جديد اول مرة نزوره وهو بيت طارق
الباب بيخبط
هنيه:بت ياشروق افتحى الباب
شروق:حاضر ياما
شروق لبست الطرحه وفتحت الباب وصوتت:طارق ياما رجع
شروق دخلت فى حضن اخوها:اتوحشتك جوى ياخوى
طارق:قلب اخوكى عامله ايه
شروق:بخير الحمدلله اكده تغيب عنينا ياطارق هان عليك فراجنا
هنيه جت مع وراها:كل حاچه هانت عليه الا فراج ست الحسن
طارق بضيق:اما انا لسه راجع من سفر وتعبان لو هتكون طريقتك معايا هرجع القاهرة الوقت حالا
شروق:لالا ياطارق سايج عليك النبي ماتتركنا واصل
طارق اتنهد ودخل باس راس امه:عامله ايه ياما
هنيه:بخير ياوالدى طول مانتو بخير يارب تكون راچع وناوى تفرح جلبي وجلبك
طارق:لا ياما فرحه قلبي بعدت عنى بسببك وانا مش ناوى افرح ولا حتى اتجوز انا جاى تعبان هطلع انام عشان بكرة خطوبه يونس
هنيه:يوه كيف وهو متچوز صفا
طارق:عادى ياما
هنيه:عشان اكده راچع مش اكده ياابن بطنى
طارق:انا داخل انام تصبحو على خير واااه جدى عثمان عازمكو بكرة عشان تكونو مع الحريم
طارق مستناش يسمع ردها وطلع شقته اللى كانت شاهده على ذكريات حلوة كتير مع رحمه قعد فى الصاله وبدات يفتكر كل ذكرياتهم وايامهم الحلوة اللى نفسه ترجع تانى
دخل اوضه النوم واخد شاور ونام على السرير
==============
صباح يوم جديد على الكل اللى بيجهزو القصر الحريم هيكونو جوا القصر والرجاله برا القصر فى الحديقه الواسعه
وفاطمه وراضيه ومعاهم رحمه بيجهزو الاكل لضيوف والناس اللى هتحضر
(طبعا هما اعلنو ان يونس هيخطب لانه كبير البلد وماينفعش يعمل حاجه فى السر بس طبعا محدش يعرف موضوع حمل روح او انها كانت مرات سليم)
وشهد وروح كانو فى اوضتهم شهد بتساعد روح تلبس الفستان اللى جابته ليها راضيه
============
بليل فى اوضه روح
شهد اللى لابسه دريس بلون الزهرى وطرحه بلون الابيض:الفستان حلو جدا ياروح مش عاجبك ليه
روح:مش قصه مش عاجبنى ياروح ده فستان عروسه انا ماكنتش حابه كدا
شهد:انتى عروسه ياروح افرحى
الباب خبط ودخلت رحمه اللى لابسه دريس بلون الابيض وفى بعض اللمسات بلون اللافندر وطرحه بنفس اللون
رحمه:ماشاء الله حلوة اوى ياروح
شهد:ايه الجمال ده يارحومه
رحمه:من بعد ماعندكو ياشهوده...مالك ياروح
شهد:كانت عايزة تلبس دريس عادى مش فستان
رحمه:انتى عروسه ياروح ولازم تفرحى يلا البسي نقابك بقي عشان الضيوف كلهم وصلو وشوية وهينادو علينا
شهد بدات تساعد روح تلبس النقاب
روح كانت لابسه فستان بلون الابيض واسع كان مدارى بطنها البارزة ونقاب بنفس اللون
بعد شويا الباب خبط ودخلت راضيه:بسم الله مااشاء الله عين عليكى بارده يابتى
روح ابتسمت:تسلمى
راضيه:يلا عشان ننزلو يابتى
رحمه مسكت ايد روح وشهد نزلت وراهم هى وراضيه وكان الدور الارضي كله ضيوف الحريم بس
رحمه قعدت روح مكانها والعيون كلها كانت عليها وده كان موترها جدااا والكل بيسال نفسه ليه يونس هيتجوز على صفا وطبعاا الاجازة المعروفه عشان يجيب وريث للعيله
راضيه قربت منها وهمستها:ارفعى نجابك يابتى كل اللى اهنه حريم يلا
رحمه رفعتلها النقاب والكل الموجودين انبهرو بجمالها الربانى من غير اى انواع زينه ومستغربين مين دى لانها مش من بنات البلد
صفا شهقت:شايفه ياما البت كيف الجمر
اجلال ماكنتش متفاجأ لانها شافتها قبل كدا
واللى ضايق صفا ان كل الحريم كانو بيمدحو فى جمال روح وبيحاولو يضايقو صفا لانها متكبرة جدااا وكانت دايما بتتفاخى قدام حريم البلد انها مرات يونس الهلالى
===============
برا القصر عند الرجاله الكل كانو بيرقصو وفرحانين بيونس كبيرهم مستقبلاااا
طارق اللى عينه على القصر ونفسه يلمح رحمه حتى لو من بعيد وكأن ربنا استجاب لدعواته وشافها وهى واقفه على باب القصر ومعاها شهد وبيتفرجو على الشباب ولما يونش شافهم دخلو بسرعه يجرو على جواا وقلبه رفرف من الفرحه لما شافها لسه زى ماهى جميله ورقيقه وشقيه
==============
رحمه وشهد دخلو القصر وقربو من روح
روح:كنتو فين وسيبنى لوحدى
رحمه:كنا بنتفرج على الشباب
شهد:مالك خايفه ليه كدا
روح كانت متوترة جدااا وباين عليها
اجلال قربت من روح:خايفه ليه ياعروسه دى مش اول مرة مش اكده مش بتجولى انك كنتى مرت سليم والدى بردك
فاطمه:انتى زينه يابتى
روح هزت راسها اه وبدات تفتكر يوم جوازها من سليم وقلبها اتقبض جامد وجسمها بدأ يترعش وشهد قربت منها وهمست:روح انتى كويسه
روح هزت راسها بلا وهى حاسه الهوا بيقل من حولها
رحمه بهمس:مالها ياشهد
شهد:ينفع نطلعها اوضتها
رحمه:بس الضيوف
شهد:روح لازم تاخد البخاخ يارحمه كدا هيغمى عليها
رحمه:حاضر
رحمه راحت لفاطمه:ماما روح تعبانه ينفع نطلعها ترتاح شويا وتنزل
فاطمه شافت روح اللى بتحاول تدارى تعبها:ماشي يابتى طلعيها
رحمه:تعالى ياروح نطلع فوق شويا وننزل لما الرجاله تخلص
روح قامت معاهم واجلال وصفا متابعينهم
صفا:هى مالها
اجلال:انتى ناسيه انها حامل اكيد تعبت
صفا:مش نفسك ياما تزفى الخبر ده
اجلال بخبث:لع وجته من دلوك يابتى.....
&&&&♥️♥️
روايه جرح يداويه العشق
••﴿الفصل ١٣﴾••
فى اوضه روح
شهد ساعدتها تاخد البخاخه
شهد:بقيتى كويسه ياروح
روح:الحمدلله
رحمه:ايه اللى حصلك ياروح انتى كنتى كويسه
شهد:روح لما بتخاف او تتوتر او تزعل نفسها بيقل ولازم تاخد البخاخه
رحمه:سلامتك ياروح
روح:الله يسلمك يارحمه
رحمه:طب احنا لازم ننزل الناس هتستغرب انتى طلعتى ليه وكمان يونس هيدخل يلبسك الشبكه كدا شكلكو مش هيبقي لطيف
شهد:بس هى مش كويسه
روح:لا انا كويسه ياشهد يلا ننزل
روح نزلت نقابها ونزلو
ويونس دخل مع جده ومحمد ولبس روح شبكتها فوق الجوانتى اللى رفضت تقلعه بحجه انها منقبه ومينفعش تبين ايدها
الرجاله خرجو تانى برا والحريم بدوا يباركو ليها ويقدمولها ظروف فيها فلوس او هدايا والكل بيمدح فى جمالها وده كان مضايق صفا جدااا اللى قررت تضايق روح وقربت منها
صفا:مبروك ياعروسه
روح:الله يبارك فيك
صفا:كان بودى والله اجدملك هديه بس انى سمحتلك تاخدى اغلى شئ بملكه
صفا قربت من وشها:يونس چوزى بس متحلميش انك تاخديه منى انى اهنه ست القصر ومرت يونس كبير البلد الاولى
روح:ربنا يخليكو لبعض
صفا بعدت عنها وجواها غل كبير
فاطمه وراضيه بداو يقدمو الاكل لضيوف
راضيه:يلا يارحمه يابتى خرچو صوانى الوكل لعلى برا لاجل الرچال ياكلو
رحمه:حاضر تعالى معايا ياشهد
شهد:يلا
شهد شالت صنيه وخرجت ورحمه كمان كان بتجهز الصنيه اللى هتشتالها
شهد خرجت كان على ومعاه طارق واقفين على باب القصر مش بيدخلو جوا عشان الحريم
شهد:اتفضل
على:هو انتى اللى بتقدمى الاكل ياخوفى
شهد:لا متخافش اوى كدا انا اه بقدمها لكن اوعدك المرة الجايه اطبخلك مخصوص
على:الله الغنى متشكرين
طارق:ياعم يلا الرجاله قربو ياكلونا وانت واقف مش بتتحرك
شهد دخلت وخرجت رحمه وقربت من الشاب اللى واقف وضهره ليها:اتفضل
طارق وقف مكانه وقلبه دق ولف ليها ورحمه اتصدمت لما شافته والصنيه كانت هوقع لولا ايد طارق اللى اخدها منها
طارق :ازيك يارحمه
رحمه:الحمدلله عن اذنك
رحمه دخلت بسرعه على جواا
ورفضت تخرج تانى برا وكانت بتساعد شهد وشهد تخرج صوانى الاكل
وبعد فترة كبيرة من الوقت الضيوف بداو يمشووو والرجاله دخلو القصر
وعثمان قرب من روح:مبروك يابتى
روح:الله يبارك فيك ياجدو
محمد قرب وباس راسها:ربنا يسعد قلبك يابنتى واشوفك متهنيه يارب
روح عينيها دمعت:ربنا يخليك ليا ياعمو محمد
عثمان:لع معايزش اشوف دموع فى عيونك الحلوين هدول يابتى واصل
روح:حاضر
عثمان:يلا يايونس ياولدى خد عروستك واطلعو سطح اتحدثو سوا وفاطمه هتجيبلكو الوكل لحد عنديكو
روح اتوترت بزياده وخافت
شهد بهمس:اهدى ياروح متخافيش
يونس ملاحظ همس شهد لروح وتوترها وايديها اللى بتفركهم بخوف:لع ياچدى هناكل اهنه وياكو
عثمان:اللى يريحكو ياولدى يلا يافاطمه وانتى وراضيه چهزو السفره
فاطمه:چاهزة ياعمى اتفضلو
الكل قعدو على السفره وروح قعدت جمب شهد
عثمان:مكانك يابتى جار يونس مش بعيد عنيه جومى اجعدى جاره
راضيه:اكيد خچلانه يابوى اتركها على راحتها
عثمان:ماشي يابتى
الكل بداو ياكلو وروح اكلت بس بسيط ومن تحت النقاب
وبعد شويا خلصو ومحمد راح على اوضته وشهد وروح لسه هيطلعو
عثمان:خد عروستك يا ولدى واتحدثو سوا واتعرفو على بعض
روح اتوترت اوى وشهد قربت منها:اهدى بقي شويا هتتعبي تانى
رحمه بهمس:على فكرة يونس اخويا مش بياكل بنأدمين متخافيش اوى كدا
رحمه وشهد ضحكو
يونس قرب منهم:تعالى ياروح
يونس طلع السلم وروح وراه
والكل بدأ يروح اوضهم
صفا:مالك ياما ساكته مهتتكلميش واصل
اجلال:سبيها تمرح وتفرح شويا يلا روحى نامى
صفا:نوم ايه ياما اللى هاچى والعجربه دى هتاخد منى چوزى
اجلال:اتعودى يابت بطنى لحد مانخلص منيها
==============
فى بيت طارق اللى رجع والفرحه مش سيعاه لان شاف رحمه
هنيه:شيفاك فرحان ياولدى
طارق:فرحان ليونس ياما
هنيه:وه ليونس بردك ماشي يابن بطنى
طارق:مروحتيش ليه ياما القصر
هنيه:بكرة هابجى اخد شروق ونروح نبارك
طارق:ابقى عرفينى ياما عشان اجى معاكو
هنيه:وتاجى ويانا ليه بجى
طارق:الاصول ياما تصبحى على خير
هنيه:تلاجى الخير ياولدى
===============
على السطح
روح قاعده على الكنبه ويونس قاعد قصادها
وروح ووشها فى الارض
يونس:مبروك ياروح
روح:الله يبارك فيك
يونس:جدى اصر اننا نتكلم سوا وانا هسيبك براحتك لو مش حابه تتكلمى
روح ماصدقت قال كدا قامت وقفت:انا تعبانه وهنزل ارتاح شويا
يونس:اللى يريحك
روح لسه هتخرج وقفت لما سمعت كلام يونس:عايزك تعرفى محدش يقدر يضايقك ولو ده حصل ياريت اعرف ياروح
روح:ربنا مايجيب مشاكل
يونس:مرات عمى اجلال وصفا مراتى اكيد هيضايقكو وفلو ده حصل تكلمينى وتعرفينى تمام
روح هزت راسها باه
يونس: تصبحى على خير
روح:وانت من اهل الخير
روح خرجت ونزلت دخلت اوضه شهد اللى شهقت لما شافتها:ايه اللى جيبك انتو لحقت. تتكلمو
روح:مافيش حاجه نتكلم فيها وانا تعبانه اوى
شهد:كان لازم تتكلمو ياروح
روح:مش هعرف ياشهد انا هدخل اغير لانى تعبانه اوى وعايزة انام
شهد:وخدى علاجك قبل ماتنامى
روح:حاضر
روح غيرت واخدت علاجها ونامو من تعب اليوم
==================
صباح يوم جديد
شهد وروح صحو على صوت خبط على الباب
شهد قامت:مين
رحمه:انا ياشهد
شهد فتحت لرحمه اللى دخلت:غيرو وانزلو مرات عمى اجلال عايزة روح
شهد:عايزاها ليه
رحمه:علمى علمك والله
شهد بصت لروح اللى خافت:متخافيش ياروح انا مش هسيبك ابدا يلا نغير
روح وشهد غيرو ورحمه استنيتهم يخلصو ونزلو سوااا كان الرجاله راحو شغلهم ومحمد راح معاهم
اجلال اول ماشافت روح نازله:مالسه بدرى
روح:صباح الخير
شهد:ده الساعه لسه ماجتيش ١٠ انتى عايزاها تصحى امته
اجلال:عندينا اهنه بنجوم من النجمه يلا ياروح همتك مع البنات عشان تخبزو
شهد:نعم تخبز
اجلال:ايوا عاداتنا يابت البندر ان العروسه اوي يوم ليها لازمن تجهز واكل البيت كله لحالها
راضيه:بس يااجلال روح تعبانه ومهتجدرتش
اجلال:وه مش دى العادات بردك ولا اي ياراضيه يلا ياعروسه ساعدى البنات فى الخبيز فى باب فى المطبخ بيخرجك على حديجه واسعه هنيك بيخبزو وبعد اكده تچهزى الوكل وممنوع حد يساعدك واصل مع انى اشك انك بتعرفى تجلى بيضه حتى
فاطمه:بس الحديث ده لو اتجوزت يااچلال
اجلال:اسمها عروسه يافاطمه ولع ايه وبعدين نشوف بنات البندر بيعرفو يطبخو ولا لع
شهد:ده روح نفسها يجنن فى الاكل
اجلال:هنشوف هتطبخى حمام وبط ولحمه
فاطمه:كاتير ياختى
اجلال:لا مش كاتير يلا روحى
روح:حاضر
روح مشت وشهد معاها
صفا:على فين ياحلوة امى جالت هى لحالها
شهد:لا ماتحلميش انى اسيب روح لوحدها مش الظل بيبقي معانا فى كل مكان وانا اعتبرينى ضل روح عن اذنكو بقي
============
شهد وروح دخلو المطبخ وراحو من الباب اللى قالت عليه اجلال وكانت حديقه واسعه جداا مزروع فيها انواع كتير من الخضار والفاكهه وعلى مسافه بعيده كان المكان اللى بيخبزو فيه روح وشهد ساعدو فتحيه والبنات والجو كان جميل وطبعا مخلاش من هزار وضحك شهد اللى بتحاول تنسي روح خوفهاا
وبعد ساعتين البنات خلصو الخبز ودخلو المطبخ
شهد:روح انتى ماكلتيش اى حاجه
روح:مش وقته ياشهد احنا متاخرين اصلا هلحق اعمل لحم وبط وحمام ومعرفش اصلا بيرجعو من شغلهم امته
شهد:استنى اكلم حمودى حبيبي نساله هيجو امته
شهد مسكت فونها وكلمت ابوها وعرفت منه انهم بيرجعو على الساعه ٥ كدا
شهد:حلو اوى والساعه الوقت ١٢ هنلحق ان شاء الله يلا بينا
روح:انا هعمل لوحدى ياشهد
شهد:انسي والله مايحصل انا معاكى يلا بقي بصى انا هساعدك وانتى تطبخى اشطااا
روح:حاضر
بعد مده طويله صفا واجلال دخلو المطبخ وشامين ريحه الاكل تجنن
اجلال:انتى بتعملى ايه اهنه يابت البندر مش جولت العروس لحالها
شهد:انتى داخله زى القضي المستعجل كدا ليه الناس بتقول احم داستور سلام عليكم
صفا:اتكلمى زين مع امى يابت البندر
شهد:اسمى شهد على فكرة سهل مش صعب وانا بعمل ايه هنا قولتلكو انا زى ضل روح ومش هسيبها وااااصل
اجلال:انتى جليله الربايه امك وابوكى معرفوش يربوكى
شهد بعصبيه:انا متربيه احسن منك انتى شخصيااا وابعدى بقي عنى الوقت لان قسما بربي مش هابقي مسؤله عن اى رد فعل هعمله
روح قربت من شهد لانها عارفها لما بتتعصب بتبقي صعبه:شهد اهدى واخرجى معاهم انا قربت اخلص
شهد بتحدى:لا مش هخرج واعلى ماخيلها تركبه
روح:شهد ابوس ايدك بلاش مشاكل
صفا:صوح ياشاطرة بلاش مشاكل
راضيه دخلت المطبخ:فى ايه صوتكو عالى ليه
اجلال:البت دى جليله الربايه ومش هتجعد يوم تانى فى القصر ويانا ياهيا
اجلال خرجت ووراها صفا
روح:ليه كدا ياشهد ليه
شهد:انتى مسمعتيش هى قالت ايه دى بتقول بابا وماما معرفوش يربونى
راضيه:حجك على راسي يابتى
شهد:لا حضرتك مالكيش ذنب
راضيه:طب يلا يابتى همو الرجاله جربو يوصلو
روح:احنا خلصنا لسه بس الاكل يستوى
راضيه:انا متشوجه ادوج يابتى ريحه الوكل معبيه القصر كله
راضيه خرجت وروح وشهد كملو الاكل
==============
الساعه عدت ٦ والرجاله كلهم جم اتغدو وعجبهم الاكل جدااا ويونس لسه مجاش وروح لسه بتشتغل فى المطبخ واجلال طلبت منها يعملو حلو لرجاله شهد وروح قررو يعملو صنيه مكرونه بلبن وكيك
رحمه واقفه عند باب القصر بتستنى يونس تقوله لانها اتصلت بيه كتير وهو قافل فونه
يونس دخل القصر ومش شايف رحمه اللى جرت عليه ومسكت من دراعه:انت فين من الصبح يعنى لو حد حصله حاجه وبنستنجد بيك هيموت وحضرتك قافل فونك
يونس بص على طارق اللى واقف ورا رحمه وليه هيتكلم
رحمه:مش بترد ليه حضرتك طول النهار كنت فين ومجيتش مع جدو وعلى ليه والغلبانه طالع عينيها فى المطبخ
يونس باستغراب:وهى صفا من امته دخلت المطبخ
رحمه:صفا مين هو حد جاب سيرتها انا بتكلم على روح مرات عمك ميمرمطها من الصبح فى الخبز وطبخت الاكل كله لوحدها ومنعت اى حد يدخل المطبخ لولا شهد اللى عملت مشكله ورفضت تسيبها لوحدها وكانت بتساعدها
يونس:وهى وافقت تعمل ده كله ليه
رحمه:انتى هتشلنى يايونس البت بقالها يومين بس معانا هتعمل مشكله يعنى من اولها وبعدين دى حتى مش بتعترض والله صعبت عليا ومرات عمك وصفا مراتك زودوها اوى معاها
يونس اتنهد:وهى فين الوقت
رحمه:مين
يونس:روح
رحمه:لسه فى المطبخ مرات عمك قالتلتها تعمل حلو لرجاله اللى فى المندرة
يونس:تمام
يونس لسه هيمشي رحمه مسكت ايده:براحه على صفا يايونس بلاش تعمل مشكله معاها
يونس مشي ونسي طارق اللى واقف وسامع كل حاجه
رحمه ضحكت:الهى يارب يموتها ويخلصنا من شرها صفا بنت اجلال ... انا مش حقوديه ولا غلاويه والله بس هى تستاهل الصراحه
طارق من وراها:قطع لسان اللى يقدر يقول عليكى كدا
رحمه اتصدمت لما سمعت صوته ولفت ليه
طارق قرب من شويا:لو تعرفى كنتى وحشانى اد ايه كنت هتجنن والمح طيفك بس يارحمه
رحمه رجعت خطوتين لورا وبلعت ريقها بتوتر
طارق:عامله ايه يارحمه
رحمه:كويسه
رحمه جرت بسرعه وطلعت على اوضتها.......
روايه جرح يداويه العشق
••﴿الفصل ١٤﴾••
فى المطبخ روح وشهد بيغسلو الاطباق سوا
شهد:مش ناويه حضرتك ترتاحى شويا بقي
روح:قربنا نخلص اهو ياشهد
شهد رمت الطبق اللى فى ايدها على الرخامه واتكسر وروح اتخضت
شهد:بجد مش قادرة افهمك بقي انتى روح اللى مش بيهون عليها تقتل صرصار بجد هاين عليكى الروح اللى جواكى ومش فارق معاكى
روح سابت اللى فى ايدها وبدات تلم الازاز
شهد:سيبى اللى فى ايدك وردى عليا ياروح ده ابنك على فكرة
روح:وابنه هو كمان افهمى بقي
شهد:مش ذنبه انه هو ابوه .. مش ذنبه اللى انتى عيشتيه معاه ياروح
روح بصوت مخنوق:صدقينى وجوده بيفكرنى بكل دقيقه عيشتها فى الشقه دى مهما حكيت محدش هيحس بيا ياشهد لان محدش عاش الواقع اللى عيشته
شهد:ياحبيبه قلبي كلنا معاكى وحاسين بيكى بس ده ابنك وروح جواكى ياروح مش ذنبه اى حاجه حصلت معاكى وبعدين انا مش فاهمه انتى ليه بتنفذى كل حاجه للى اسمها اجلال دى هى وبنتها دول بيتعاملو معاكى كانك خدامه عندهم وانتى مش بتعترضي على ايه حاجه
روح:ابوس ايدك ياشهد انا مش عايزة مشاكل مع حد لا هما ولا غيرهم
يونس كان واقف على باب المطبخ وسامع كل كلمه قالولها ونادى قبل مايدخل:روح
روح نزلت النقاب ويونس دخل وشايف هدوم روح وشهد اللى متبهدلين لانهم بيشتغلو بيهم من الصبح:انتى بتعملى ايه هنا ياروح
روح:ولا حاجه
شهد:هو ايه اللى ولا حاجه احنا هنا من الساعه ١٠ الصبح بنخبز وبنطبخ وبنعمل حلو وكمان بنغسل الاطباق وده بامر من مرات عمك ومراتك
يونس قرب من روح اللى استغربته ومسك ايدها وخرج راح المندرة اللى كان الكل متجمعين فيها رجاله وحريم
يونس:مش انا قولتلك ياما روح متعملش حاجه عشان ماتتعبش
فاطمه:ايوا يابنى بس
اجلال:دى عادات ياچوز بتى
يونس:كل ده مايهمنيش هى مش خدامه عند حد واظن يامرات عمى بنتك لما اتجوزت مادخلتش المطبخ ووقتها حضرتك ماهتمتيش بالعادات دى ولا ايه ومن وقت جوازنا وهى مش بتدخل المطبخ صح ولا ايه وروح لسه لحد الوقت مابقيتش مراتى عشان تنفذى عليها عاداتنا وتقاليدنا وحتى لما تبقي على ذمتى مش هسمح بده يحصل
اجلال معرفتش ترد عليه
عثمان:انى لما سالت على روح جولتو انها فى اوضتها بتريح
رحمه:لا ياجدو روح من الصبح فى المطبخ بامر من مرات عمى اجلال
عثمان ضرب بعصايته فى الارض:كيف ده الموضوع ده لو اتكرر مش هيحوصل خير واصل يااجلال
اجلال اضايقت وطلعت اوضتها وصفا وراها
عثمان بص بروح:حجك على راسي يابتى
روح:متقولش كدا ياجدو محصلش حاجه
راضيه:اطلعى يابتى ارتاحى اكيد تعبانه
روح هزت راسها وشدت ايدها من يونس وطلعت هى وشهد
يونس افتكر طارق وخرج يشوفه ماكنش موجود وكلمه قاله انه رجع البيت
==================
صباح يوم جديد
الكل متجمعين على السفره ماعدا عثمان ومحمد
اجلال عينيها على روح اللى قاعده جمب شهد ويونس اللى بياكل وبيخطف بعض النظرات ليه
اجلال:صوح ياچوز بتى العروسه الچديده هتفضل فى اوضه الضيوف ولا هتعملها اوضه چديده اكيد مش بتبيت وياك فى الچناح اصل يونس مهيحبش حد يدخل چناحه واصل وبيزهج بسرعه
يونس بصلها ببرود ومردش عليها
شهد ضحكت:زى مازهق من بنتك كدا
رحمه ضحكت وضربت كف هى وشهد
فاطمه بحده:رحمه
شهد:بس روح قلبي مايتزهقش منها ابداا دى نعمه فى حياه اى حد
رحمه:فى دى معاكى حق الصراحه وربنا يجعلها سبب سعاده فى حياتك يايونس يارب
روح كانت هتموت من الكسوف وحاسه بنار خارجه من وشها وبتشتم شهد فى سرها
صفا:ليه يابت عمى انى ماكنتش سبب سعاده فى حياته ولا ايه
رحمه:الله اعلم بقي
صفا بصت ليونس:انت عچبك الكلام ده سايبهم يتمسخرو على مرتك
يونس:بطلو كلام وكلو
على:اومال جدى وعمى محمد فين
يونس:راحو يتمشو فى الاراضي
على:طب يلا عشان نلحق الاجتماع
يونس:يلا ... روح تعالى عايزك
صفا بصتله اوى ومستغربه هو عايزها فى ايه
روح قامت ومشت ورا يونس
شهد بهمس:هو اخوكى لسه مشافش روح صح
رحمه بنفس الهمس:صح
شهد:ماهى الصنارة عمرها ماهتغمز كدا لازم يشوفها عشان يوقع فى سحرها
رحمه:صح وهنخليه يشوفها ازاى بقى وبعدين روح مش هترضي لانه مش جوزها
شهد:بس فى حاجه اسمها رؤيه شرعيه والعريس لازم يشوف عروسته
رحمه:طب هنعملها ازاى دى
شهد:هفكر واقولك
===============
روح دخلت المندرة مع يونس ومتوترة ومش عارفه هو عايزها فى ايه
يونس بصلها:روح ممنوع تدخلى المطبخ او تعملى اى حاجه حتى لو امى انا شخصيا طلبت منك سمعانى
روح:بس انــ
يونس قاطعها:سامعه انا قولت ايه خليكى مع شهد ورحمه ومتتعبيش نفسك
روح:حاضر
يونس لسه هيمشي وقف وقرب من روح وباس راسها من فوق النقاب وروح اتصدمت لما عمل كدا وقلبها دق بقوة
يونس:يلا روحى لشهد انا بطمن وانتى معاها لانها بتعرف تاخدلك حقك من اى حد
روح ابتسمت من تحت النقاب ويونس كمان ضحك:يلا
روح:حاضر
روح خرجت ويونس كمان خرج من القصر وركب عربيته مع على وراحو على الشركه
=================
فى بيت طارق
طارق:جاهزين ياما
هنيه:ايوا يابنى يلا ... بت ياشروق همى شوي
شروق:چاهزة ياما
طارق وهنيه وشروق ركبو العربيه وراحو على قصر الهلالى
بعد شويا وصلو ونزلو واستقبلتهم فاطمه فى الصالون بحب
============
فى اوضه صفا دخلت اجلال
اجلال:انتى جاعده اكده ليه
صفا:هعمل ايه ياما
اجلال:طارق وهنيه تحت
صفا:ليه
اجلال:چايين يباركو لفاطمه وبصراحه انى عايزة اخليهم يشوفو رحمه
صفا:ليه ياما
اجلال:هنيه مش هتسكت واصل وانى على اخرى منها من وجت الفطار
صفا:انتى بتجولى فيها ياما
اجلال:طب تعالى ويايا
صفا قامت خرجت معاها
اجلال نزلت وسلمت عليهم بحب مزيف:فاطمه تعالى معاى عايزاكى عن اذنكو ياچماعه البيت بيتكو
هنيه:اتفضلو
==========
فى المطبخ كانت رحمه بتساعد راضيه دخلت عليهم صفا:رحمه
رحمه:نعم
صفا:مرت عمى بتجولك ضيفى الضيوف
رحمه:هو فى ضيوف عندنا
صفا:اه ويلا عچلى
راضيه:روحى يابتى جدملهم حاچه سجعه وحلويات
رحمه:هما كام واحد
صفا:تلاته
رحمه راحت حضرت الصنيه واخدتها وخرجت وقربت من الصالون وماكنتش شايفه اللى قاعدين عشان ضهرهم كان للمطبخ
رحمه:اهلا وسهلــ
رحمه وقفت ومش مصدقه انها شايفه هنيه بعد الوقت ده كله
رحمه حطت الصنيه على التربيزة وشروق قامت حضنتها:رحومه اتوحشتك جوى
رحمه بادلتها الحضن:وانتى كمان عامله ايه
شروق بعدت عنها:بخير الحمدلله
رحمه قربت من هنيه ومدت ايدها ليها:ازى حضرتك
هنيه فضلت شوى تبصلها وبعدين مدت ايدها:زينه
رحمه اتحرجت:يارب دايما
رحمه قربت من الصنيه وبدات تقدملهم الضيافه وطارق عينه عليها
رحمه قدمت لهنيه وشروق ومدت ايدها بطبق لطارق
طارق:عامله ايه يارحمه
رحمه بصت لهنيه اللى بتبصلها بغضب
رحمه:الحمدلله عن اذنكوو
رحمه لسه هتمشي جت اجلال وفاطمه
اجلال:خدى هنيه وشروق يتعرفو على روح يارحمه يابتى
رحمه:حاضر اتفضلى
هنيه قامت معاها هى وشروق وطارق خرج يستناهم برا
================
فى اوضه روح وشهد قاعدين وفاطمه قالتلها ان فى ضيف هتيجى تشوفها وكانت روح لابسه عبايه استقبال وطرحه وملبستش نقاب
الباب خبط وشهد قامت فتحت:اهلا وسهلا اتفضلوو
دخلت هنيه وشروق اللى انبهرو بجمال روح
هنيه:بسم الله ماشاء الله كيف الجمر يابتى الف مبروك
روح:الله يبارك فى حضرتك اتفضلو
شروق:الف مبروك
روح:الله يبارك فيكى
رحمه:دول اهل طارق صاحب يونس يا روح
روح:اتشرفت بمعرفتكو
هنيه:تسلمى يابتى
فضلو يتكلمو شوي وطول القاعده هنيه بترمى كلام زى السم على رحمه اللى ماسكه دموعها بالعافيه
هنيه:صوح ياروح يابتى انتى عندك خوات بنات
روح:لا ماليش اخوات
هنيه:خسارة يابتى كان بودى عروس كيفك زى الجمر لابنى طارق يمكن ربنا يعوضه عن چوازته اللولانيه
رحمه بصتلها بصدمه ومقدرتش تمسك دموعها اكتر من كده:عن اذنكو
وخرجت من الاوضه
شهد وروح لاحظو دموع رحمه وهنيه وشروق استاذنو ومشو
شهد:هى الست دى بتعامل رحمه كدا ليه
روح:حرجتها اكتر من مرة
شهد:تعالى نروح نشوفها لانها مشت وهى بتعيط
روح:هلبس النقاب
شهد:نقاب ايه ده اوضتها جمبنا وبعدين محدش فى البيت يلا
شهد وروح لسه هيخرجو فون شهد رن برقم محمد
شهد:الو يابابا.....انت تحت....طيب هنزلك اهو باى
شهد قفلت مع ابوها:بابا تحت وعايزنى هنزل اشوفه واجيلكو
روح:حاضر
شهد نزلت وروح خبطت على اوضه رحمه اللى فتحتلها وهى منهارة
روح بخوف:رحمه مالك بتعيطى ليه
رحمه دخلت قعدت على السرير وروح دخلت وقفلت الباب وقعدت جمبها على السرير:مالك يارحمه
رحمه عيطت اكتر وروح اخدتها فى حضنها:اهدى وفهمينى مالك انتى بتعيطى عشان طنط هنيه صح وكلامها معاكى
رحمه هزت راسها باه
روح:مش هى المفروض ام طارق صاحب اخوكى ليه بتعمل معاكى كدا
رحمه:انا كنت مرات طارق
روح بصدمه:كنتى ... انتى كنتى متجوزة
رحمه هزت راسها باه
روح:وليه اطلقتو
رحمه بدات تحكى لروح اللى حصل معاها ومعامله حماتها ليها من اول يوم جواز والمشاكل اللى حصلت لما عرفت انها مش بتخلف
رحمه عيطت اكتر وروح اخدتها فى حضنها:حبيبتى دى حاجه بايد ربنا مش بايدك وعلى فكرة هى الخسرانه مش انتى بس بجد حرام تظلمى طارق لان على كلامك انه بيحاول معاكى من وقت طلاقكو
رحمه:انا هابقي بظلمه بجد لو وافقت ارجعله ويعيش طول عمره من غير ولاد
روح:بس انتى قولتى ان الدكتورة قالت ان فى امل وممكن ربنا يرزقك
رحمه:وانا هعيش انا وهو على اساس الامل ياروح طب لو محصلش
روح:حبيبتى اهدى وربنا يكتبلكو اللى فيه الخير
الباب خبط
روح:ده اكيد شهد هفتحلها
روح راحت تفتح واتفاجت بيونس قدامها ويونس بصلها اوى ومش عارف مين دى
رحمه جت من وراها ويونس شافها معيطه قرب منها واخدها فى حضنه:مالك ياقلب اخوكى
رحمه:انا كويسه ياحبيبى متخافش عليا
يونس:ايه اللى حصل هنيه قالت حاجه ضايقتك
رحمه:لا ياحبيبى انا والله كويسه وروح مسابتنيش لوحدى
يونس بصلها تانى وروح كانت محروجه:روح
رحمه ضحكت:مالك يايونس هو انت ماكنتش تعرف انها روح ولا ايه
يونس:لا اول مرة اشوفها من غير نقاب
رحمه قربت من روح:بقي تبقي هتتجوز القمرايه دى ولسه مشوفتهاش دانت فايتك نص عمرك يااوس اوس
شهد جت عليهم واتفاجأت بيونس وبصت لرحمه اللى غمزلتها:انتى كويسه يارحمه
رحمه:ايوا
يونس:كويسه ليه ايه اللى حصل
شهد طبعاا مش بتقدر تمسك لسانها:ابداا الست اللى كانت هنا كانها كانت مستقصده تحرجها وتضايقها ست غبيه اوى زى مرات عمك كدا
رحمه وروح ضحكو ويونس تاه فى جمال ضحكه روح اللى اول مرة يشوفهاا وروح لاحظت نظراته وبصت فى الارض
يونس:متزعليش نفسك يارحمه وانتى المفروض ماكنتش تقعدى معاها
رحمه:السبب مراتك هى اللى قالتلى روحى ضيفى الضيوف وماقالتليش مين هما
يونس:ماشي ياحبيبتى ارتاحى وبطلى عياط
رحمه:حاضر ياحبيبى
يونس خرج من الاوضه وروح كمان راحت اوضتها
شهد بهمس لرحمه:كنا بنخطط نخليه يشوفها واهى جت من عند ربنا والله احنا نيتنا صافيه
رحمه:صافيه صافيه صافيه
الاتنين ضحكو وشهد راحت تنام ورحمه كمان نامت ......
&&&&&&&♥️
روايه جرح يداويه العشق
••﴿الفصل ١٥﴾••
عدى اكتر من اسبوع
محمد رجع القاهرة تانى وشهد رفضت تسيب روح لوحدها
صفا واجلال بيضايقو روح باى طريقه بس شهد مش بتسيب حقها ولا حق روح وده مجننهم وعايزين يمشو شهد من القصر باى طريقه
يونس اللى وقع فى فخ سحر عيون روح من اول ماشافها وتقريباا مش بتغيب عن باله على عكس روح اللى بتحاول تبعد عنه
================
فى يوم كان فى ضيوف جايين يشوفو روح وفضلو يمدحو فى جمالها كتير جدااا وده عصب صفا اوى وقررت انها لازم تنتقم منها
ولما عرفت ان فى ضيوف تانين هيجو يشوفوها طلبت من واحده من الخدم تجبلها صبغه سودة وكانت ناويه تحدفها على وش روح
فى المطبخ
شهد وروح ورحمه بيجهزو الاكل سوااا
شهد:انا نسيت فونى عند الفرن اللى فى الجنينه هنروح اجيبه
رحمه:حاضر
شهد خرجت وراحت جابت فونها ولسه هتمشي سمعت صوت صفاا بتتكلم مع واحده من الخدم ورا شجره من الشجر
صفا:يعنى الصبغه دى مش بتروح
البنت:ايوا ياستى دى هتفضل على وشها ٢٤ ساعه الراچل جالى اكده
صفا:خدى الفلوس دى ويلا امشي
البنت مشت وصفا ابتسمت:هنشوف هتسوى اي فى وشك الحلو يا روح هانم
شهد فى نفسها:يابنت 🐶 اما وريتك
شهد رجعت المطبخ وبعد شويا صفا دخلت فى ايدها ازازة صغيرة وبتقرب من روح اللى مشغوله مع رحمه فى تحضير الكيكه وشهد متابعها وهى بتفتح الازازة
شهد قربت منها وعملت نفسها هتقع وسندت عليها ورفعت ايد صفا اللى ماسكه الازازة والصبغه جت على وش وهدوم صفا اللى شهقت ورحمه وروح لفو بصو عليهم
رحمه:ايه اللى حصل
شهد:ابدا دانا كنت هقع وسندت على صفا ومعرفش كانت ماسكه اللون ده وجه على هدومها انا اسفه ياصفصف
صفا بعصبيه:انتى مخبوله يابت دى صبغه مش لون
شهد بشهقه:صبغه يعنى مش هتروح من وشك غير بعد ٢٤ ساعه على الاقل (ونهت كلامها بغمزة)
صفا بصوت عالى سمعه فاطمه وراضيه واجلال اللى دخلو المطبخ:صدجينى هدفعك تمن اللى عملته ده غالى جوى
اجلال:ايه اللى حصل اهنه
شهد:اللى بتحفر حفرة لضرتها وقعت فيها
رحمه:يعنى ايه ياشهد الكلام ده
شهد:فى ان الهانم كانت متفقه مع واحده من الخدم جابتها الصبغه علشان تكبها على وش روح عشان الضيوف اللى جايين
راضيه:الكلام ده صوح ياصفا
صفا:البت دى بتكدب
شهد:لا مش بكذب وانتى عارفه كدا كويسه
اجلال:انى بتى مش كدابه يابت البندر وانى اللى هدفعك التمن غالى لما ياچى كبير البيت
شهد لسه هتتكلم روح قربت منها:انا بعتذرلك احنا اسفين يلا ياشهد
شهد لسه هتتكلم
روح:يلا بقي
روح نزلت نقابها اخدتها وطلعو السطح وماكنتش تعرف ان يونس وطارق وعلى بيشتغلو فوق على الجنب التانى من السطح اللى وقفو لما سمعو صوت شهد
شهد بصوت عالى:انتى مجنونه ياروح عشان بتتأسفى منهم وهى اللى غلطانه
روح:مش انا اللى مجنونه ياشهد انتى اللى اتجننتى لما فكرتى تعملى كدا فيها
شهد:دى كانت ناويه تكب الصبغه على وشك استغلت انك رافعه النقاب عشان مافيش حد هنا
روح:ياشهد ابوس ايدك انا مش عايزة مشاكل مع حد ليه بتعملى كدا افهمى بقي احنا فى البلد غريبه محدش يعرفنا ولا نعرف حد ولما يجى كبير البيت هتقوله زى ماقالت وقتها العيله كلها هتقف معاها هيا مش معانا ياشهد افهمينى ونبي وبسهوله جداا هيطردونا من البيت ماحنا مش من عيله
شهد بعصبيه:روح انتى عارفه انى مش هسكت بعد ما سمعتها بتتفق مع الخدامه عليكى وبعدين مشاكل ايه اللى بتتكلمى عليها انتى عايزة تعيشي وسطهم وهما يتحكمو فيكى كدا دى عايزة هى وامها يعملوكى خدامه فى القصر من قبل ماتتجوزى اومال لما تتجوزى هيعملو معاكى ايه...انتى هتفضلى جبانه كدا ياروح لحد امته يعنى انتى خلصتى من الخدمه فى بيت خالك ومراته عشان تيجى تعيشي هنا خدامه بردو بطلى تبقي جبانه وخدى حقك بقي لانك لو فضلتى كدا الكل هيدوسو عليكى اولهم خالك ومراته وبنته وبعدهم اللى اسمه سليم والوقت ضرتك وامها
روح عينيها دمعت وبصت لشهد بعتاب
شهد حست انها زودتها اوى معاها:روح انا اسفه
روح:لا متتاسفيش انتى معاكى حق على فكرة... انا اه جبانه بس اللى حصل معايا ياصاحبتى ماكنش قليل بردو ..انا عشت سنه مع واحد جبروت قلبه حجر يعنى لو كان متجوز اقوى بنت فى العالم وعاشت اللى عيشته كانت هتموت من الرعب والخوف ولو كان ليها عمر زيى كدا كانت هتتعالج نفسيا وانتى ادرى واحده انا كانت حالتى ازاى ياصاحبتى دانا حكيتلكو بس شويا من معاملته معايا قلبكو وجعكو مابالك بقي بالواقع اللى عشته ياشهد
روح قعدت على الكرسي وعيطت جامد
شهد جرت عليها واخدتها فى حضنها:انا اسفه والله مش قصدى انا خايفه عليكى ياروح اللى اسمها صفا وامها مش ناووين معاكى على خير والله اهدى عشان خاطرى ونبي انا اسفه
روح مسحت دموعها:عارفه انهم بيكرهونى يا شهد بس حقها واحده فجاه لاقت جوزها بيروح منها وهيتجوز واحده تانيه حقها تضايق وتغير ياشهد يعنى بعد ماكانت حياتهم مستقرة فجاه كدا تتقلب بسببى
شهد:طب بذمتك انتى مصدقه كلامك ده ... يعنى حياه مستقرة مع اللى اسمها صفا ازاى ونبي دانا بشفق على يونس والله انه متجوز الحيزبونه دى
روح ضحكت من وسط دموعها
شهد:هوعدك انى مش هعملك مشاكل طول مانا قاعده معاكى
روح:نعم
شهد:ايه هحاول معملش مشاكل هحااااول
روح:هو حضرتك ناويه تفضلى هنا كتير يعنى ولا ايه انا اصلا مش عاجبنى قعدتك دى وعايزاكى ترجعى القاهرة
شهد قامت وقفت:اخص عليكى ياصاحبتى يعنى لما عيشتى فى القصر عايزة تطردى صاحبه عمرك لالا قلبي الصغير يايتحمل
روح ضحكت وفجاه ضحكتها اختفت
شهد:مالك ياروح
روح:انا مش مبسوطه وانا عايشه هنا فى القصر ياشهد
شهد:ليه
روح بصوت مخنوق:ده بيته ياشهد انا هنا فى بيته انا بكره اسمع اسمه بس هنا الكل بيتكلمو عنه باريحيه وانا مش بقدر اتكلم وانا ماشيه شايفه صوره فى كل مكان ياصوره لوحده يامع عيلته امه اللى بتتعمد تجيب سيرته قدامى لما بتشوف خوفى من ذكر اسمه انا مخنوقه اوى ياشهد وتعبانه اوى اوى
شهد بخوف:روح فى ايه مالك طب تحبي نروح لدكتور
روح بصوت مخنوق:ياريت اللى فيا يقدر يعالجه دكتور ياشهد انا جوايا خوف كبير اوى وهم ووجع مالوش اخر ... اوقات بقول انا عملت ايه فى حياتى عشان يحصل معايا كل ده..... بقول ليه يارب يحصل فيا كدا كأن ربنا شال الهم والحزن من قلوب الناس وحطها فى قلبي انا
شهد:متقوليش كدا ياروح دانتى بتصلى وبتقرأى قرآن وعارفه ربنا اد ايه كريم مش يمكن ربنا بيختبرك ياروح استغفرى ياحبيبتى
روح:استغفر الله العظيم .. بس الاختبار صعب اوى ياشهد اوى
شهد:ربنا هيعوضك ياروح صدقينى باذن الله....واااه انتى اخدتينى فى دوكه ونستينى انتى بتطردينى من القصر ياروح
روح ضحكت:والله مش قصدى كدا انا مش عجبنى قعدتك دى وكمان امتحاناتك قربت وعمو محمد مش بيقدر يقعد من غيرك بصى اسمعى كلامى روحى ولما تخلصى امتحاناتك تعالى قضى معايا اجازة الصيف هنا ايه رايك
شهد:صحابتى بيبعتولى المحاضرات اول باول متقلقش وانا كدا كدا هسافر بس لما تقرب الامتحانات وكدا كدا كنت هجيلك تانى وبعدين انا حبيت الصعيد اوى اوى بقولك ايه
روح:ايه
شهد:قولى ليونس يشوفلى عريس من الصعيد عشان اكون جمبك ومعاكى على طول
روح ضحكت:تصدقى فكرة بردو ونجيب عمو محمد يعيش معانا
شهد:ده يبقي قشطات وعسليات ياقمرى انتى
روح:يلا ننزل نشوف المشكله اللى تحت دى
شهد:تعالى ياختى ننزل للحرابيق اللى تحت
روح:حرابيق وحيزبونه انتى جبتى الكلام ده منين ياشهد
شهد:من الدنيا والحياه اللى عيشنها يااوختى يلا يلا
روح ضحكت وحضنتها:انا بحبك اوى على فكرة
شهد:وانا بموت فيكى ياروحى على فكرة
البنات ضحكو ونزلو
على الجنب التانى من السطح الشباب كانو سامعين كل كلامهم
على:انا بجد بقيت بكره سليم اخويا ده ليه يعمل كدا فى بنت اقل مايقال عنها انها ملاك
طارق:اخوك طول عمره شيطان ربنا يسامحه بقي
على بص ليونس اللى واقف ساكت:مالك يايونس
يونس:ولا حاجه خلونا نكمل شغل بعدين
يونس سابهم ونزل
طارق:انا همشي انا بقي
على:حاضر
=================
بليل الكل متجمعين على السفرة ماعدا صفا
صفا نزلت ووشها عليه نقط من الصبغه السودة
عثمان:وه اايه ده يابتى
صفا:ضيفتك اللى عملت فيا اكده ياچدى
روح بصت لشهد
عثمان:ضيفه مين يابتى
صفا ببكاء مزيف:شهد ياچدى كبت على وشى صبغه سمرة
عثمان بص لشهد:وهيا شهد هتعمل اكده ليه بجى
شهد:اقولك انا ياجدو
روح:شهد
شهد:لا انا هفهمه بس ياروح متخافيش.... بص ياجدو انا سمعت حفيدتك الغاليه بتتفق مع واحده تجبلها الصبغه دى عشان تكبها على وش روح عشان لما الضيوف يجو يشوفو وشها وعليه الصبغه السودا
عثمان:وصفا هتعمل اكده ليه
شهد:ببساطه لان كل الضيوف اللى بيجو يشوفو روح بيفضلو يمدحو فى جمالها وده مضايق حفيدتك ولان حضراتكو ممكن متصدقونيش انا معايا دليل
شهد فتحت فونها وشغلت فيديو اللى صورته لصفا وهى بتاخد الصبغه من الخدامه وكلامهم كان واضح جداا
عثمان قام من مكانه وقرب من صفا وضربها بالقلم والكل اتصدمو من عملته
عثمان:لحد ميتا هتفضلى اكده هااا انى صبرت على عمايلك انتى وامك كاتير بس مش ناوى اصبر اكتر من اكده
صفا بصت على يونس اللى قاعد فى صمت:ليك حج تعمل اكتر من اكده ياچدى ماهو چوزى جاعد وتارك الكل هيهينو فى مرته ومفكرش حتى يدافع عنى
يونس قام وقف وقرب منها:ادافع عنك لما تكونى مظلومه مش ظالمه يابت عمى
اجلال:خليك اكده طول عمرك جاسي وياها وانى ظلمت بتى لما وافجت على چوازها منك ياابن فاطمه
فاطمه:والدى بيعاملها زين يااچلال بس صفا اللى بتغلط كاتير وهو صابر عليها لو كان راچل تانى كان طلجها من زمان كمان
عثمان:اعتزرى من روح يلا
روح:لالا مافيش داعى انا مسامحه
اجلال:اخرسي يابوز الاخس انتى من وجت دخولك القصر وانتى جلبتى حياه بنتى مرار مش كفياكى انك هتسرجى چوزها ولا وكمان بتعمليلها مشاكل وعامله حالك الملاك البريئ
شهد:روح معملتش مشاكل لحد بس من يوم مادخلت القصر وانتو مش طايقنها مش كفايه اللى الشيطان ابنك عمله فيها عايزة منها ايه اكتر من كدا
اجلال:ولدى سليم كان زين الرجال هى اللى اكيد غويته وضحكت عليه
روح كانت بتسمع ونفسها بيقل وفجاه وقعت على الارض
شهد بخوف:روح روح ردى عليا
يونس قرب منها:ابعدى ياشهد.... رحمه كلمى الدكتورة بسرعه
رحمه:حاضر
يونس شال روح وطلع على جناحه ونيميها على السرير ورفع نقابها وجاب برفان وحاول يفوقها بس بردو مش بتفوق
وشهد جابت البخاخه وحاولت تديها لروح بس بردو مافقتش
يونس:هى مش بتفوق ليه
شهد بخوف:مش عارفه انا خايفه عليها اوى
يونس:اهدى الدكتورة جايه فى الطريق
===========
الدكتورة جت وكشفت على روح اللى كان قاعد جمبها شهد ورحمه وراضيه وفاطمه واقفين معاهم
الدكتورة خلصت كشف وخرجت كان يونس وعثمان وعلى واقفين برا الاوضه
يونس:خير يادكتورة هى مش بتفوق ليه
الدكتورة:الظاهر ان فى حاجه خوفتها زياده وفهمت من صاحبتها انها لما بتخاف او تتوتر نفسها بيقل وانها بقالها فترة بتستعمل البخاخه يستحسن بلاش تتعرض لاى ضغط وخصوصا ان حملها صعب وجسمها ضعيف جدااا
عثمان:شكراا يابتى
الدكتورة:ده واجبي عن اذنكو
يونس:على وصل الدكتورة
شهد خرجت من الاوضه وباين عليها العصبيه ووقفت قدام يونس:انا وبابا لما طلبنا من روح انها تعرف اهل اللى اسمه زفت سليم طلبنا منها عشان ترتاح من قرف اهلها مش عشان تيجى تلاقى قرف وحقد وغل هنا انا بقولك اهو لو لاقيت ان فى خطر على روح واللى فى بطنها هاخدها وهنرجع القاهرة فاهم
عثمان:اهدى يابتى
شهد عينيها دمعت:لا ياجدو مش ههدى روح عانت كتير فى حياتها اللى ادمرت بسبب حفيدك وانا مش هستنى لما امه واخته يكملو عليها
شهد مشت من قدامهم بسرعه لانها خلاص مش قادرة تتحكم فى دموعها اكتر من كدا.......
&&&&&&&&♥️♥️
تابعووووني
