روايه جرح يداويه العشق الفصل السادس عشر حتى الفصل العشرون بقلم الكاتبه جنات حصريه وجديده على مدونة النجم المتوهج للروايات والمعلومات
فى جناح يونس
روح فاقت وباصه لسقف بشرود
رحمه:روح انتى كويسه ياحبيبتى
روح ......
فاطمه:طمنينا عليكى يابتى حاسه بايه
راضيه:روح يابتى انتى زينه
روح زى ماهى باصه لسقف بشرود
رحمه بخوف:ماما هى مش بترد ليه
فاطمه ملست على راسها:غمضي عينيكى وارتاحى يابتى ناميلك اشوى واحنا هنخرچ ونسيبك لحالك ترتاحى
روح غمضت عينيها والكل خرجو من الاوضه
يونس:انتو خرجتو ليه
رحمه كانت بتعيط:مش بتتكلم ولا بترد على حد فينا يايونس
راضيه:جلبي بيتجطع عليها ياولدى
فاطمه:هملها لحالها ترتاح اشوى ياولدى
يونس هز راسه وطلع على السطح
والكل انسحبو من قدام اوضه يونس
=============
على خارج من القصر شاف شهد قاعده على حافه النافورة وبتعيط
على همس:معقول ام لسان طويل بتعيط مش مصدق نفسي
على قرب منها:انتى كويسه
شهد رفعت وشها ومسحت دموعها بسرعه هى اكتر حاجه بتكرهها انها تظهر ضعفها قدام حد
شهد:اه كويسه
على:روح هتبقي كويسه وصدقينى محدش هيقرب منها تانى لا امى ولا صفا
شهد:كل اللى حصلها بسبب اخوك
على:سليم اخويا طول عمره بتاع مشاكل ومؤذى ربنا يسامحه
شهد:قول ربنا يولعه فى الجحيم اللى هو اكيد فيه ماهو اللى زى ده مش هيشوف جنه ابدااا
على ضحك:ماشي ياستى ممكن تبطلى عياط بقي مانا بصراحه مش مصدق ان ام لسان طويل طلعت حساسه اوى كدا
شهد:ليه يعنى مش بنيأدمه وبعدين روح اختى ومش بقدر اشوفها كدا
على:هتبقي كويسه ان شاء الله يلا ادخلى جواا لان ممنوع الحريم يخرجو هنا
شهد:حاضر
شهد مشت خطوتين ورجعت تانى:هو انت متاكد انك ابن اجلال واخو صفا وسليم
على ضحك:نصيبى بقي هنعمل ايه
شهد:سبحان الله انت النبته العدله فى ام العيله المقرفه دى
 |
على ضحك اوى:انتى مصيبه اقسم بالله ادخلى ادخلى لو اجلال سمعتك هتعمل منك بطاطس محمرة
شهد:ولا تقدر تمس شعره منى
على:ياواد ياجامد انت
شهد ضحكت ودخلت القصر وعلى خرج وركب عربيته
================
بليل شهد اللى كانت نايمه مع روح فى جناح يونس صحت مالاقتش روح جمبها قامت خبطت على الحمام محدش رد ودورت عليها فى الجناح مش موجوده لبست اسدالها بسرعه وخرجت راحت الاوضه اللى كانو بينامو فيها وخبطت محدش فتح فتحت الباب مش موجوده طلعت السطح بسرعه يمكن فوق كان على ويونس بيشتغلو على شويا ورق
يونس:مالك ياشهد
شهد:متعرفش روح فين
على:هى مش كانت نايمه معاكى
شهد:صحيت مالقتهاش جمبي هنزل اشوفها تحت
شهد نزلت وعلى ويونس وراها ودورو عليها مش موجوده
شهد دخلت المطبخ:ياربي هتكون راحت فين
يونس لاقى باب الحديقه مفتوح:الباب ده كان مقفول
شهد خرجت بسرعه وهما وراها واتفاجأت بروح قاعده تحت شجره وضهرها ليهم
شهد قربت منها:روح
روح.....
شهد هزتها:روح
روح اتخضت وجسمها اترعش
شهد:اهدى ياحبيبتى دى انا مالك اتخضيتى ليه كدا
روح:مافيش كنت سرحانه شويا
شهد:بردو ياروح بتفكرى تانى فيه انتى اللى هتتعبي فى الاخر
روح عيطت ودخلت فى حضن شهد:مخنوقه اوى ياشهد اوى حاسه كأن فى صخرة كبيرة على صدرى مش قادرة اخد نفسي
شهد:اهدى ياحبيبه قلبي اهدى وبعدين اخص عليكى كنتى عرفينى بدل ماتخوفينى عليكى كدا
روح بعدت عنها ومسحت دموعها:متزعليش منى قولت انزل اشم شويا هواا يمكن الخنقه دى تروح
يونس:احم انتى كويسه ياروح
روح لفت لما سمعت صوت يونس وعينيها كانت مليانه دموع ونزلت النقاب
روح:انا كويسه واسفه انى خوفتكو على الفاضي
شهد:يلا نطلع ياروح الجو برد اوى
روح قامت مع شهد وطلعو الاوضه بتاعتهم
ويونس وعلى راحو يكلمو شغل
================
صباح يوم جديد فى اوضه روح وشهد
شهد:بابا صوته تعبان اوى ياروح
روح:لازم ترجعى القاهرة ياشهد عشان تبقي معاه
شهد:وانتى
روح:متخافيش عليا ان كويسه
شهد:حاضر هروح اجهز شنطتى
بعد شويا روح وشهد اللى شايله شنطتها نزلو وكانو الكل متجمعين على السفرة
عثمان:وووه على فين يابتى
شهد:بابا تعبان شويا ياجدو ولا اروحله
عثمان:ماله سلامته
شهد:موضوع الضغط حضرتك عارف
عثمان:ربنا يطمنك عليه يابتى على العموم على كان مسافر القاهرة روحى وياه عشان اكون مطمن عليكى يابتى
شهد:حاضر ياجدوو
شهد حضنت روح:خدى بالك من نفسك ومن البيبي ياروح ومتخليش حد يتحكم فيكى فاهمه وكلى كويس وخدى علاجك فى وقته انا اصلا هابقي اكلمك أاكد عليكى عشان عرفاكى هستنى
روح ابتسمت على خوف شهد عليها:متخافيش عليا ياحبيبتى
شهد سلمت على الكل ماعدا صفا واجلال اللى اضايقو منها
شهد وقفت قدام يونس:حط روح فى عينيك لوسمحت انا سيباها امانه فى ايدك لحد ماارجعلها تانى
يونس:متقلقيش عليها ياشهد
على:يلا ولا ايه
شهد:يلا
على وشهد خرجو وركبو العربيه وعلى اللى بيسوق
=============
جوا القصر
رحمه:بقولك ايه ياروح ماتيجى نعمل حاجه حلوة الواحد عنده كبت عايز يخرجه فى الاكل
روح:يلا بينا
روح ورحمه دخلو المطبخ وعثمان ويونس دخلو المكتب وراضيه وفاطمه دخلو المطبخ
اجلال بهمس لصفا:واخيرا خلصنا منيها واكده بجى نروج لروح هانم
صفا:يونس مش معبرنى من اخر مرة ياما وهددنى لو چيت چمبها هيطلجنى
اجلال:مش هيجدر صدجينى يلا نطلعو فوج ونخطط على رواج
صفا:يلا
==================
فى عربيه على اللى طال الصمت بينهم
شهد:بقولك ايه ماتشغلنا اى حاجه نسمعها تسلينا بدل الصمت اللى احنا فيه ده
على:ماحنا بدل مانشغل حاجه ماحنا نرغى سوا
شهد:وهنرغى فى ايه ياابو العريف
على:والله اللى يشوفك ميصدقش ان ده لسانك
شهد:ليه يعنى
على:لسانك مش راكب مع العنين الزرقه دى ابدااا
شهد ضحكت:لا ميغركش العيون الملونه دانا بميت راجل
على:حصل ياباشا
شهد:صح هو اخوك مات فى حادثه بجد
على:اه كان مسافر بالعربيه والعربيه اتقلبت بيه واتوفى
شهد:اخوك اذى روح كتير اوى ... انت عارف بعد ما مات وراح خالها يجيبها كان رابطها فى السرير ومنبه على الخدامه انها متفكهاش غير لو عايزة تدخل الحمام وكمان حالتها كانت صعبه لا بتاكل ولا بتشرب حتى ماكنتش بتتكلم مع حد
على:ربنا يسامحه بقي
شهد:بس غريبه يعنى انت لا شبهه مامتك ولا اختك ولا حتى اخوك
على:جدى بيقولى انى شبهه ابويا الله يرحمه
شهد:الله يرحمه
على:انتى بقي مش شبهه عم محمد اكيد شبهه مامتك
شهد:ماما اتوفت وهى بتولدنى وبابا قالى انى اخدت منها حاجات كتير الا لسانى
على ضحك
شهد وعلى فضلو يرغو كتير اوى طول الطريق
==================
فى مطبخ قصر الهلالى
رحمه وروح بيعملو كيكه بشوكلت
رحمه:ريحتها تجنن ياروح فينك يابت ياشهد
روح:شهد بقي بتعملها احلى منى مليون مرة
رحمه:انا لازم ادوق بقي
روح:كدا خلصت تعالى نقطعها ونحطها فى اطباق
رحمه:وانا هعمل شاى ونطلع نسهر على السطح وهقول للكل يجو معانا قشطااا
روح:تمام
البنات جهزو الكيك والشاى وقالو للكل اللى وافقو يطلعو يسهرو بس عثمان رفض يطلع معاهم وقالهم يسهرو هما سوا
===============
على السطح متجمعين راضيه وفاطمه ورحمه وروح وطبعاا اجلال وصفا رفضو يطلعو معاهم وعلى طبعاا مسافر ويونس بيشتغل فى جناحه
راضيه:تسلم يدك ياروح يابتى
روح:بالف هنا
فاطمه:تسلم يدها ولسانها اللى بينجط سكر
روح:تسلمى ياطنط يافاطمه
رحمه:طنط ايه لا قوليلها ماما ولا اقولك قوليلها يافطوم زيي انا ويونس
فاطمه:اتركيها على راحتها يارحمه
رحمه:صح ياروح هو انتى مش نفس سن شهد
روح:صح
رحمه:اومال هى بتدرس وانتى لا ليه
روح:انا مكملتش اخدت لحد تالته ثانوى بس
رحمه:مجموعك كان كام
روح:٩٧
رحمه شهقت:٩٧ ومكملتيش ليه مجموعك حلو اوى
روح:ظروف
فاطمه:انتى يابتى لازمن تروحى بداكتورة عاشن نطمن عليكى
روح:بس انا كويسه
راضيه:لازمن تتابعى مع داكتورة يابتى وانى كلمت داكتورة نعرفها زين وبكرة خدى رحمه وياك وروحى
رحمه:قشطااااا اوى
روح:حاضر
رحمه:صح ياماما ده يونس بيحب الكيك دى اوى ونسينا ننزله
راضيه:من ميتا واخوكى بيحــ
رحمه قاطعتها:من زمان ياعمتو ماهو كان بيطلبها منك دايما ولا نسيتى
فاطمه فهمت رحمه:صوح يابتى
رحمه شاورت لراضيه على روح:انا هروح الحمام واجى
فاطمه:وانى هنزل اشوف عمى خد علاجه ولا لع
راضيه بصت لروح:معلش يابتى نزلى ليونس كيكه ياكلها وهو بيشتغل وانى هنزل اشوف ابوى جبل ماانام
روح بتوتر:انا بس
راضيه:معلش يابتى مهجتدرش انزل المطبخ واطلع تانى الدور التالت
روح:حاضر
راضيه نزلت وقابلت فاطمه ورحمه:عملتى اكده ليه يابت
رحمه:لازم نخليهم يقربو من بعد ياعمتو ياقمر مش نفسك تشوفى يونس مبسوط
فاطمه:ياريت يابتى ربنا يسعدهم
راضيه:اللهم امين....طب يلا عشان روح هتنزل وراى
كل واحده فيهم داخلت اوضتها وروح نزلت المطبخ اخدت قطعتين كيك وكوبايه عصير مانجا وطلعت ووقفت قدام باب الجناح وكانت مترددة ومش عارفه تعمل ايه
روح خبطت على الباب وبعد شويا يونس فتح واستغرب وجود روح دى اوى مرة تخبط عليه او تقرب منه:خير ياروح فى حاجه
روح بتوتر:لا ابدا بس عمتو راضيه قالتلى اجبلك كيك وعصير اسفه لو صحيتك
يونس استغرب لانهم عارفين انه مش بيحب الكيك بس محبش يحرجها:انا كنت صاحى وشكراا
يونس اخد الكيك وبص للعصير:انا مش بحب العصير الصراحه لو هتعبك معايا ممكن فنجان قهوة
روح:لا مافيش تعب ولا حاجه قهوتك ايه
يونس:ساده
روح:تمام
روح نزلت وبعد شويا طلعت وخبطت على الباب ويونس فتحلها
روح:اتفضل
يونس اخد القهوة منها:شكراا ياروح جت فى وقتها الصراحه
روح لسه هترد سمعت صوت شهقت صفااا ......
روايه جرح يداويه العشق
••﴿الفصل ١٧﴾••
روح نزلت المطبخ وبعد شويا طلعت وخبطت على الباب ويونس فتحلها
روح:اتفضل
يونس اخد القهوة منها:شكراا ياروح جت فى وقتها الصراحه
روح لسه هترد سمعت صوت شهقت صفاا
روح بصتلها اوى وصفا قربت منها:انتى بتعملى ايه اهنه يابت
يونس:صفاااا عدى ليلتك وروحى على اوضتك حالا
صفا:اروح اوضتى واهملك وياها مش اكده ياولد عمى رايدنى افضيلك الچو معاها
روح:انتى فاهمه غلط انا كنت جيباله القهوة وهروح على اوضتى
صفا:انتى مفكرانى يابت البندر هتخدع بنجاب واللبس المهرر ديه لع دانى صفا وخابرة زين اكيد كنتى هتغريه وتدخلى وياه الاوضه
يونس بصوت هز القصر كله:صــــفـــاااااااا
صفا وروح اتخضو من صوته
ويونس قرب منها ومسك دراعها بغضب شديد:ايه الكلام اللى بتقوليه ده هاااا .... روح هتبقي مراتى زى مانتى مراتى ومش هسمحلك تهنيها او تغلطى فيها انتى فاهمه
رحمه خرجت من اوضتها:فى ايه صوتكو عالى ليه
وفاطمه وراضيه طلعو على صوت يونس
فاطمه:مالك بتزعج ليه ياولدى
راضيه:خير يايونس
صفا:تعالى شوفى يامرت عمى ضيفتكو كانت اهنه وبتحاول تغرى چوزى وعايزة تدخل وياه الاوضه
روح بتهز راسها بلا:والله ابدااا
اجلال طلعت وكانت سامعه كلامهم:وليه لع مانتى جبل سابج اتضحكى على ولدى سليم مش چديدة عليك ديه
رحمه:ايه الكلام العبيط ده هيبقي جوزها يعنى روح هتبقي مرات يونس زيك بظبط ياصفا هانم
صفا:انتى بتشبهينى بديه يارحمه وبعدين هى لساتها مابجيتش مرته
رحمه:تصدقى صح المفروض مشبهيكش بيها لانى كدا بظلم روح
اجلال:وه وه ايه الحديث الماسخ ده ماتسكتى بتك جليله الربايه ديه يافاطمه
يونس:رحمه مش قليله الربايه يامرات عمى
راضيه:فهمنى ياولدى ايه اللى بيحصل اهنه
يونس:روح كانت جايه تجبلى كيك وعصير وانا طلبت منها تعملى قهوة دى كل القصه اجرمت لما طلبت منها مراتى تعملى قهوة
صفا:مرتك
يونس:اه روح فى حكم مراتى قدام البلد كلها واللى يمسها ويجى عليها كانه جاه عليه انا .. يلا كل واحد على اوضته بقي
صفا مشت واجلال لسه هتقرب من روح يونس شدها ورا ضهره
اجلال:حسبي الله ونعمه والوكيل فيكى عشان خربتى بيت بتى
يونس:بيت بنتك هيخرب بسبب الافكار السم اللى بدخليها فى دماغها عقليها احسنلك انتى وهى
اجلال كانت بتبص بغل لروح اللى كانت مرعوبه من نظرتها بس كانت حاسه انها فى امان اول مرة تحس ان ليها سند وضهره تتحامى فيه
اجلال مشت ويونس بص لامه وعمته:انزلو ارتاحو ومتقلقوش
فاطمه قربت من روح اللى بتعيط فى صمت:متزعليش منيها يابتى وروحى ارتاحى فى اوضتك يلا
روح:حاضر
راضيه:خليكى وياها يارحمه متهملهاش لحالها
رحمه:حاضر ياعمتو
راضيه وفاطمه نزلو
يونس بص لروح:انتى كويسه ياروح
روح:كويسه الحمدلله
يونس:طب يلا روحى نامى مع رحمه تصبحو على خير
رحمه:تلاقى الخير ياحبيبي يلا ياروح
يونس دخل جناح بعد ماشاف روح ورحمه دخلو اوضه رحمه
شرب شويا من القهوة اللى عجبته جداا وابتسم واكل قطعه كيك وابتسم:شكلى هحبها ولا ايه
==================
فى عربيه على اللى كان سايق على اقل من مهله وعايز يقضى اطول وقت مع شهد اللى طول الطريق بيتكلمو وبيرغو فى مواضيع كتير على وقف قدام عمارتهم:وصلنا
شهد:واخيراااااا
على:زهقتى منى ولا ايه
شهد:لا خالص بس تعبت اوى ونفسي انام
على:يلا اطلعى وتصبحى على خير
شهد:وانت من اهله.... صح عايزة رقم رحمه نسيت اخده عشان ابقي اسال على روح لانها مش معاها فون
على:اتكتبي عندك.......
شهد:ده رقم رحمه
على:ايوا هاتى بقي انتى رقمك
شهد:رقمى ليه
على:مش عايزة تسالى على صاحبتك
شهد:ايوا
على:رحمه مش بترد على ارقام غريبه بتخاف يكون طارق فانا هبعتلها ان ده رقم شهد
شهد:اوكى اكتب عندك
على ابتسم انه اخد رقمهااا
شهد لسه هتنزل لفت بصتلها:مدخلتش دماغى على فكرة
على:ايه هيا
شهد:انك تاخد رقمى عشان تبعته لرحمه مانا كنت ممكن ابعتلها مسدج ان ده رقمى عادى يعنى
على ضحك:لا ذكيه
شهد:اوى الصراحه
شهد نزلت وعلى شال شنطتها
شهد:عنك انت
على:تبقي عيبه فى حقى والله يلا اطلعى هوصلك لفوق
على طلع معاها وشهد رنت الجرس وبعد شويا محمد فتح واتفاجأ بيها:شهد مقولتيش يعنى انك هتيجى
شهد حضنته:وحشتنى يامودى ياقمر قولت اجى ازهق فيك شويا ولا مش عايزنى
محمد ضحك:وانا بقدر على بعدك اصلا.... ازيك ياعلى يابنى
على سلم عليه:بخير ياعم محمد حضرتك عامل ايه
محمد:بخير يابنى الحمدلله تعالى اتفضل
على:تسلم خليها مرة تانيه انا همشي انا بقي
شهد:هو انت هتنام فين
على:هروح عند طارق هفضل معاه
شهد:هو مش طارق فى الصعيد
على:لا هنا طلبوه فى شغل وهنا من امبارح
شهد:تمام وشكرااا على التوصيله
على ضحك:العفو عن اذنك ياعم محمد
محمد:اذنك معاك يابنى
على نزل وشهد دخلت مع محمد:عامل ايه يابابا
محمد:بقيت زى الفل لما شوفتك
شهد:انا اسفه انى سبتك لوحدك بس ماكنتش قادرة اسيب روح وسط الحرابيق اللى هناك دول
محمد:حرابيق مين
شهد:اجلال وصفا بنتها مش طايقين روح يابابا وانا اللى كنت بقفلها انا خايفه عليها اوى
محمد:روح لازم ترجع قوتها تانى يابنتى وتاخد حقها بايدها مش لازم فى كل مرة انتى اللى تاخدى حقها
شهد:بحاول معاها والله يابابا
محمد:ربنا يحميها يلا ادخلى غيرى عشان تاكلى حاجه قبل ماتنامى
شهد:لا انا اكلت فى الطريق يابوب انا عايزة احضن سريرى واناااااام
محمد ضحك:طب يلا ادخلى نامى تصبحى على خير شهوده
شهد باسته من خده:وانت بخير ياقلب شهودة
==================
على وصل شقه طارق اللى فى عمارة على النيل ورن الجرس وفتحله طارق:كل ده يابنى انت كنت ماشي على قشر بيض ولا ايه
على ضحك:مانت عرفنى مش بحب السواقه المتهورة
طارق ضحك بصوته كله:صدقتك مش كدا دانت بتاكل الطريق يابنى اضحك على حد غيرى
على زقه ودخل:واحنا هنفضل نتكلم على الباب يعنى انا ميت ونفسي انام
طارق:طب ادخل غير وناكل سوا وابقي نام
على:لا مانا كلت انا وشهد
طارق قعد جمبه:شهد .... شهد صاحبه روح
على:اه هى كانت راجعه القاهرة وجت معايا
طارق:قول كدا بقى عشان كدا ماشي على راحتك خالص فهمتك انا
على:فهمت ايه ياحيوان امشي من وشي انا داخل انام
طارق ضحك:ادخل ياخويا ادخل
طارق مسك فونه ورن على رحمه بس مردتيش عليه:خليكى كدا مطلعه عينى وممرمطه كرامه امى معاكى ماشي يارحمه يانا يانتى والزمن طووويل لما اقوم اتخمد انا كمان
=============
صباح يوم جديد فى مطبخ قصر الهلالى
رحمه واقفه بتحضر الفطار مع روح دخلت صفا واجلال المطبخ
صفا بسخريه:لساتكو بتحضرو الوكل
رحمه بصلتها:الناس بتصحى تقول صباح الخير
اجلال:هياچى منين الخير بجى
رحمه:موجود يامرات عمى موجود
صفا بصت لروح اللى بتحضر الفطار:وانتى يابتاعه خلصى الفطار انى چوعت
روح بصتلها:حضرتك بتكلمينى
صفا:اومال بكلم نفسي يلا خلصى
رحمه:انتى بتكلميها كدا ليه هى خدامه عندك
اجلال:ليه لاتكون مفكرة نفسها ست القصر ولا حاچه
رحمه:مكانتها من مكانه بنتك بظبط ولا حضرتك ناسيه انها هتبقي مرات يونس زى صفا
صفا بعصبيه:انتى بشبهينى بيها كيف يعنى
رحمه:زى الناس ياصفا واصطبحى وقولى ياصبح بقي الواحد قرفان ومش ناقص قرف بزياده
صفا:وانتى محموجه جوى اكده ليه لتكونى المحاميه بتاعتها وچايه فى صف بت البندر
رحمه:اه اذن كان عاجبك بقي ولا امشو من هنا عشان مش فاضيين
رحمه وروح بداو يحضرو الفطار ومهتموش باجلال وصفا
اجلال حابت تضايق رحمه:معلش يابتى اكيد غيرانه منك اصل چوزها طلجها ورماها لانها ارض بوووور
رحمه اتصدمت من كلامها وروح بصتلها وصعبت عليها رحمه
رحمه كتمت دموعها وبصت لاجلال:الحال
من بعضه يامرات عمى مش لوحدى اللى ارض بور ولا انتى ناسيه بنتك زيي .... ولو على جوزى اللى طلقنى الكل عارف انى انا اللى طلبت الطلاق عشان بحبه وبتمناله الخير وانه يعيش حياته ويكون اسرة وانتى عارفه ومتاكده ان طارق مستنى اشارة بس منى ويتمنالى الرضي ....(رحمه بصت لصفا)الدور والباقى بقي على اللى عايشه مع جوزها وهو مش طايق يبص فى وشها حتى .... اكبر غلط عمله يونس فى حياته انه اتجوزك لان يونس يستاهل ست ستك وعارفه هى مين (رحمه قربت اوى من صفا) رووووح
صفا لسه هترفع ايدها عشان تضرب رحمه اللى مسكت ايدها وضربتها هى بالقلم
اجلال صوتت:انتى بتمدى يدك على بتى يامجصوفه الرجبه
دخل عثمان ويونس وفاطمه وراضيه المطبخ على صوتهم
عثمان:صوتكو عالى اكده ليه
اجلال:حفيدتك المدلعه ضربت بتى بجلم ياعمى
فاطمه:ليه اكده يارحمه يابتى
يونس:رحمه مش هتعمل اكده من نفسها ايه اللى حصل
صفا:ولا حاجه يايونس انى دخلت اساعدهم قامت زعقت فيا ومش عاجبها كلامى وكمان علت صوتها على امى
عثمان:كيف تمدى يدك على بت عمك اكبر منك يارحمه يابتى وكمان بتعلى صوتك على مرت عمك
رحمه بعصبيه وانهيار:مرات عمى اللى بتعايرنى تقولى جوزك طلقك ورماكى عشانك ارض بوووور المفروض اعمل ايه ياجدو لما تقولى كدا
يونس بحده:الكلام ده حصل
صفا:دى كدابه
روح:لا رحمه مش كذابه
الكل بصو لروح واستغربو لانها اول مرة تدخل فى مشكله
راضيه:ايه اللى حصل يابتى
روح بدات تحكيلهم اللى حصل ورحمه منهارة يونس قرب منها واخدها فى حضنه:اهدى ياحبيبه قلبي اهدى
يونس بص لاجلال وصفا:انتو غلطو فى اختى وغلط كبير وانا هتكفى انكو تعتذرو منها
اجلال:عايزنى اتأسفلها وهى اللى جلت ادبها
عثمان:يونس معاه حج يا اچلال اتأسفى لرحمه
اجلال بغل:انى اسفه حجك على راسي
رحمه بعدت عن حضن يونس وبصتلها:وانا مش قابله اعتذارك ولو اعتذرتو ١٠٠ سنه قدام
رحمه طلعت جرى على اوضته وروح راحت وراهاا
يونس:لو اللى حصل ده اتكرر مرة تانيه والله ماهعديها
فاطمه بحزن:ليه اكده يااچلال بتعايرى بتى انها مهتخلفش
راضيه بقوة:لا تعايرنى ولا اعايرك الهم طايلنى وطايلك يااچلال .... يلا ياخيتى نطلعو نشوفو رحمه
فاطمه:يلا ياخيتى....
&&&&&&&
روايه جرح يداويه العشق
••﴿الفصل ١٨﴾••
فى اوضه رحمه كانت منهارة فى حضن روح اللى بتحاول تهديها ودخلت راضيه وفاطمه اللى جرت على بنتها وحضنتها وعيطت بحزن عليها:متزعليش يابتى وبلاش تفكرى فى كلامها ياضنايا
راضيه:صوح يابتى دانتى زينه البنات يارحمه وانتى عارفه انى مهحبش اشوف دموعك واصل يلا امسحى دموعك دى انتى جويه يابتى
روح:عمتو وماما فاطمه معاهم حق يلا امسحى دموعك يارحمه ومتفكريش فى كلامهم وبعدين ده اختبار من ربنا ياحبيبتى خليكى قد الاختبار وخليكى قويه يارحمه
راضيه:عفارم عليكى ياروح يابتى يلا جومى يارحمه چدك تحت مستينك على السفرة عشان نفطرو سوا
رحمه:ماليش نفس
فاطمه:اباى عليك بنجولك چدك ويونس تحت مهياكلوش غير لما رحمه تنور السفرة يلا جومى غسلى وشك وانزلى انتى وروح ولا انتى ناسيه انك هتروحى وياها عند الداكتورة
رحمه ابتسمت:لا مش ناسيه هغسل وشي واجى وراكو
راضيه وفاطمه نزلو ورحمه غسلت وشها ونزلت هى وروح وفطرو كلهم سوا ماعدا اجلال وصفا اللى فطرو فى اوضه اجلال وبعد ماخلصو فطار والكل كانو بيحاولو ينسو رحمه اللى حصل بس كان جواها حزن كبير ويونس طلب منهم انه يخلص شغل ويوصلهم لدكتورة روح
=================
فى شقه طارق
على صحى وكان بيكلم يونس فى الفون وقفل معاه وسمع صوت فى المطبخ راح يشوف لاقى طارق بيحضر الفطار:صباح العسل ياعلى باشا
على قعد على الكرسي اللى قدام الرخامه لانه مطبخ امريكى:صباح الفل ياخويا
طارق:مالك
على:امى وصفا مش ناوين يجبوها لبر
طارق:عملو حاجه تانى فى روح
على:المرة دى مش روح
طارق:اومال مين ماتنطق
على:كنت بكلم يونس الصبح وسمع صوت زعيق فى المطبخ وقفل معايا وراح يشوف فى ايه وبعدها كلمته قالى ان رحمه كانت بتتخانق مع صفا
طارق:رحمه هتتخانق معاها ليه
على:يونس صوته كان مخنوق ولما سالته اكتر من مرة حكالى اللى حصل
على حكى لطارق اللى حصل
طارق بعصبيه:وازاى اصلا تقولها كدا انا لو منها كنت قتلتها مش ضربتها بالقلم بس
على حط ايديه على راسه بتعب
طارق:انت مالكش ذنب انهم اهلك ياعلى
على:تعبت ياطارق مش عارف الاقيها من مشاكل سليم اللى مش بتخلص ولا من امى وصفا اللى كل همهم الفلوس
طارق:هتتحل ياصاحبي ... ورحمه عامله ايه
على بغضب:اكيد موجوعه ياطارق الكلمه مش سهله بردو
طارق:طب اهدى وتعالى نفطر عشان ننزل شغلنا يلا
طارق حط الاطباق قدام على وعمل قهوة وبداو يفطرو سوااا وبعدها جهزو وطارق راح على القسم وعلى على الشركه
====================
فى بيت محمد
شهد خارجه من الاوضه ولابسه عشان تنزل الكليه:صباح الجمال يابابا
محمد:صباح الخير ياحبيبتى تعالى افطرى معايا يلا
شهد:حاضر
محمد:مكلمتيش روح يابتى
شهد:انت ناسي ان روح مش معاها فون وبرن على رحمه مش بترد
محمد:يمكن نايمه ولا حاجه ياحبيبتى
شهد:مش عارفه بقي ... انا اكلت الحمدلله هروح الكليه ومش هتاخر ياحمودى ياقمر
محمد:خدى بالك على نفسك ياحبيبتى
شهد:حاضر
شهد خرجت من شقتهم فى نفس توقيت خروج رباب وريهام من شقتهم
رباب:ايه ده شهد ليكى وحشه والله عامله ايه
شهد بقرف:كويسه
ريهام:وروح عامله ايه
شهد:كويسه ومبسوطه جداا كمان ربنا يسعدها كمان وكمان ويبعد عنها عيون الوحشه
رباب بسخريه:يارب ياختى ابقي سلمى عليها بقي
شهد:يوصل سلامووز
شهد نزلت ورباب بصت لريهام:شكلها صبرت ونالت فى الاخر
ريهام:عريسها كان طول بعرض ياماما حاجه كدا قمر وجنتل مان شوفته وهو بيركب معاها العربيه لما كانو مسافرين ربنا يوعدنا
رباب:يارب ياختى يلا امشي قدامى
==================
فى القسم وتحديداا فى مكتب طارق قاعد بيفكر فى رحمه ونفسه يكلمها وعارف ومتاكد انها حالتها صعبه ومخنوقه وهتدارى حزنها عن الكل وافتكر موقف كان حصل وهما متجوزين
••فلاااش بااااك••
رحمه نزلت من شقتها كان طارق فى شغله وكان حماتها عندها ضيوق رحمه سلمت عليهم باحترام وقعدت جمب شروق اخت طارق وهنيه ام طارق وضيفتها كانو بيتكلمو فى مواضيع كتير
ام محمد ضيفه هنيه:مش مرت ابن ام جلال ولدت وچابت واد كيف الجمر
هنيه:يالف نهار ابيض دانى لازمن اكلمها اباركلها
ام محمد:لا نروحلها دارها نباركلها
هنيه:عندك حج بكرة هاچى وياك نروح نزورها
ام محمد:عقبال ماتفرحى بخلفه طارق يارب
هنيه بسخريه:هى فين الفرحه ديه ياخيتى
رحمه بصتلهم بحزن وماتكلمتش
ام محمد:محاسن چارتنا كانت بتها ارض بور كيف مرت ابنك وراحت لداكتور زين فى مصر وبعدها خلفت وجابت توم كمان
هنيه:طارق رافض الفكرة ديه ومعايز جال ايه يبهدل مرته
ام محمد:لا ياام طارق لازمن تشوفى خلفته ديه ابنك الوحيد حتى لو هتچوزيه تانى
شروق بصت على رحمه اللى عينيها مليانه دموع وطبطبت عليها ورحمه استاذنت وطلعت شقتها وانهارت
بليل طارق رجع من الشغل وقابل شروق اللى كان باين عليها الحزن
طارق:مالك ياشوشو
شروق:انت كلمت رحمه النهارده
طارق:لا ماكنتش فاضى فى حاجه
شروق حكت لطارق اللى حصل وطلع بسرعه على شقته قابلته رحمه بابتسامتها الجميله اللى متعود يشوفها كل يوم وجرت عليه ودخلت جوه حضنه زى كل يوم
رحمه:حمدلله على سلامتك ياطاروقتى
طارق كان عارف انها عمرها ماهتقوله اللى حصل ولا هتبين حزنها:الله يسلمك ياروح قلب طاروقتك
رحمه بعدت وشها عن حضنه بس طارق لسه محاوطها:يلا خد شاور عشان نتغدى سوا
طارق:طبخلنا ايه من ايديكى ياقمرى
رحمه:النهارده بقي عامله لحبيبي اكتر حاجه هو بيحب ياكلها منى
طارق:والله انا مابحبش غيرك انت ياجميل
رحمه ضحكت:طب يلا ادخل بقي المكرونه البشاميل هتبرد وانت بتحبها سخنه
طارق:هوااااا
طارق دخل الاوضه ورحمه ابتسامتها اختفت ودخلت المطبخ تحضر السفرة
وبعد شويا طارق اخد شاور وخرج واكلو سوااا فى جو كله حب زى ماهما متعودين وبعدها دخلو عشان ينامو رحمه كانت نايمه فى حضن طارق وبتفتكر كلام حماتها وضيفتها وياترى طارق ممكن فى يوم يتجوز عليها
طارق:رحمه
رحمه...
طارق بصلها:حبيبتى انتى كويسه
رحمه:هااا...نعم ياحبيبي
طارق:بكلمك مش معايا خالص
رحمه:كنت سرحانه شويا
طارق:والقمر بتاعى سرحان فين مين
رحمه بصلته:هو انا اقدر اسرح ولا افكر غير فى حبيبي
طارق:روح حبيبك انتى
طال الصمت بينهم
طارق باس راسها:حقك على راسى يارحمه متزعليش ياقلبي
رحمه عرفت ان شروق قالتله زى كل مرة ودفنت وشها فى حضنه وكانها ماصدقت وانهارت
طارق فضل يهديها كتير اوى ومسحلها دموعها:خلاص بقي عشان خاطرى دموعك دى غاليه اوى عندى
رحمه بصوت مخنوق:هو انت بجد ممكن تتجوز عليا
طارق:معقول يارحمه معندكيش ثقه فيااا
طارق قام من على السرير ووقف فى البلكونه
رحمه قامت وراه ووقفت على باب البلكونه مخرجتش عشان محدش يشوفها واتكلمت وهى بتعيط:طارق انت عارف انى بثق فيك اكتر من نفسي كمان بس انا خايفه اوى
طارق لما سمع صوتها دخلها واخدها فى حضنه:طب بذمتك حبيبك طارق يقدر يعيش او يتنفس من غيرك
رحمه وهى جوا حضنه:طارق لو حابب تتجوز ...انا موافقه
طارق بعدها عن حضنه:انتى بستعبطى يارحمه جواز ايه ده
رحمه عيطت اكتر:افهمنى بقي انا صعبان عليا تفضل محروم من الاولاد بسببى والله مش هزعل منك مامتك شايفانى انانيه ياطارق
طارق:ممكن متشغليش بالك بامى ولا باى حد حتى بصى اقولك على حاجه
رحمه:ايه
طارق شاور على قلبها وعقلها:خلى دول ميفكروش فى حد غير طارق وبس اتفقنا
رحمه ضحكت من وسط دموعها:انا بحبك اوى ياطارق اوى
طارق:انتى عارفه انى بعشقك يارحمه انتى روحى اللى مقدرتش اعيش من غيرهاا وبعدين هو انا عايز ولاد ليه وانا عندى اطعم وارق بنوته ربنا يخليكى ليا ياقمرى
رحمه حضنته اوى:ويخليك ليا ياطاروقتى
••بااااااك••
طارق اتنهد ومسك فونه ورن عليها من رقمه
================
فى الصعيد رحمه قاعده فى اوضتها وبتعيط كل اللى حوليها بيحاولو ينسوها اللى حصل بس هى اتوجعت بجد من كلام اجلال وفاقت على صوت فونها اللى بيرن برقم طارق ومترددتش لحظه انها ترد عليه
رحمه ردت عليه ومتكلمتش بتعيط فى صمت
طارق سامع صوت شهقاتها:رحمه....رحمه ردى عليا عشان خاطرى انتى كويسه
رحمه وهى بتعيط:لا مش كويسه
طارق:انا عرفت اللى حصل يارحمه متزعليش نفسك ومتفكريش فى اى كلام انا متاكد انك هتكتمى حزنك جواكى ومش هتبينى زعلك قدام حد انا حاسس انك موجوعه وجداا كمان
رحمه عيطت اكتر لانها عارفه انه اكتر واحد بيحس بيها لانه كان دايما معاها وهو اللى كان بيقدر ينسيها زعلها
طارق:رحمه عشان خاطرى ردى عليا
رحمه:نعم
طارق:حقك على قلبي يارحمه بس بلاش تعيطى دموعك دى غاليه اوى خلاص بقي امسحى دموعك
رحمه مسحت دموعها
طارق:ياريتى معاكى يارحمه وانا عمرى ماكنت اسمح لحد يأذيكى بكلمه حتى دانا ممكن اهد الدنيا عشان خاطر عيونك
رحمه:انا كويسه ياطارق متقلقش عليا وشكرااا بس انا لازم اقفل
طارق:حاضر ياحبيبتى
رحمه قفلت ومسحت دموعها وكانت فرحانه بمكالمته جدااا وفاقت على رن الفون وكان يونس
رحمه:الو يايونس.... خلاص هقول لروح تجهز ... سلام
رحمه خرجت وراحت لروح اوضتها وقالتلها تلبس عشان يونس جاى يوصلهم لدكتورة
===========
فى كليه شهد بتحاول ترن على رحمه بس بردو مش بترد
شهد:اوووف بقي يعنى هو اخد رقمى مفكرتش اخد رقمه عشان اقدر اوصل لاى حد فيهم اعمل ايه انا الوقت هتجنن لو ماطمنتش على روح
شهد خرجت من الكليه وركبت تاكسي:لو سمحت عايزة اروح شركه الهلالى للحديد
بعد شويا وصلت قدام الشركه حاسبت السواق ونزلت دخلت الشركه وسالت فى الاستقبال على مكتب على وطلعت وطلبت من السكرتيرة تقابل على وتقوله شهد ولما السكرتيرة دخلت وقالتله خرج بسرعه
على:فى ايه ياشهد انى كويسه
شهد استغربته جداا:لا ابداا انا بس مش عارفه اوصل لحد من القصر ومش عارفه اطمن على روح
على:طب تعالى ندخل نتكلم جوا
على بص لسكرتيرة:منى لو سمحتى هاتى قهوة ليا وعصير برتقال
منى:حاضر
على دخل المكتب:اتفضلى اقعدى ياشهد
شهد قعدت على كرسي وعلى قعد مكانه على كرسي المكتب:خير بقي قولتيلى مش عارفه توصلى لحد فى القصر مش انتى معاكى رقم رحمه
شهد:برن عليها من امبارح مش بترد
على:مانا قولتلك انها مش بترد على ارقام غريبه
شهد:وحضرتك مش المفروض كنت هتقولها انه رقمى
على:معلش ياشهد اتشغلت شويا فى الشغل ونسيت خالص ... استنى انا هكلملك يونس وهو اكيد الوقت فى البيت
على رن على يونس مردش عليه ورن على رحمه بردو مش بترد:مش بيردو
شهد:انا كدا خوفت ليكون روح حصلها حاجه
على:لا روح كويسه انا مكلم يونس الصبح ومطمن عليهم كلهم ... طيب بصى هكلمهم فى القصر عشان تطمنى
شهد:ياريت
على كلهم وردت عليه عمته راضيه وقالتله ان يونس راح يوصل روح ورحمه لدكتورة عشان يطمنو على روح
على قفل وبص لروح:اطمنى ياستى يونس اخد روح ومعاها رحمه وراحو لدكتورة عشان يطمنو على روح اطمنتى كدا
شهد:الحمدلله كنت قلقانه جدااا طيب انا عايزة رقم يونس عشان ابقي اكلمه اطمن على روح
على:اكتبي عندك ياستى.....
شهد:شكراا جدا واسفه انى جيت من غير معاد وعطلتلك
على:لا عادى ولا يهمك
شهد:انا لازم امشي بقي
الباب خبط ودخلت منى
على:اشربي العصير الاول قبل ماتمشي مينفعش اول مرة تيجى مكتبي وتمشي من غير ضيافه
شهد ضحكت:ماااااشي......
&&&&&&&
روايه جرح يداويه العشق
••﴿الفصل ١٩﴾••
عند دكتورة روح اللى كشفت عليها وراحت قعدت على مكتبها ورحمه ساعدت روح وراحو قعدو قدام الدكتورة
رحمه:طمنينا عليها يادكتورة
الدكتورة:للاسف ياروح جسمك ضعيف جداا لازم تاكلى كويس وياريت يكون فى راحه تامه انتى بقيتى فى اواخر الشهر السادس وبعد الشر لو حصل اى مضاعفات هيكون خطر عليكى انتى والبيبي وانا هكتبلك على شويا ڤيتامينات لازم تاخديهم فى وقتهم
روح:تمام شكراا يادكتورة
الدكتورة وهى بتمد ايدها بروشته:ده واجبي
رحمه وروح خرجو ونزلو كان يونس ساند على عربيته
رحمه:اتاخرنا عليك يايونس
يونس وهو باصص لروح اللى عينيها فى الارض:لا ياحبيبتى اتطمنتو الحمدلله
رحمه:الدكتورة بتقول ان جسمها ضعيف جداا ولازم تاخد بالها من نفسها وكمان كتبتلها الروشته دى عايزين نجيبها
يونس اخد الروشته من رحمه:تمام اركبو وانا هعدى على الصيدليه ونجيب العلاج
روح ورحمه ركبو ورا جمب بعض ويونس ساق العربيه وبعد شويا وقف عند الصيدليه ونزل جاب العلاج وبعدها رجعو على القصر
================
فى القصر كانو الكل متجمعين دخل يونس ووراه روح ورحمه
يونس:السلام عليكم
الكل:وعليكم السلام ورحمه الله وبركاته
رحمه:مساؤكم قمر
راضيه:جمر كيفك يابتى
فاطمه:طمنينا ياروح الداكتورة جالت ايه
رحمه:جسمها ضعيف يافطوم ومحتاجه راحه وتاخد بالها من نفسها عشان ميبقاش فى خطر عليها هى والنونو
راضيه:لا يابتى لازمن تاخدى بالك على روحك يابتى
اجلال:ابن ابنى لازمن ياچى جوى كيف ابوه ويكون فى علمك انى ناويت اسميه سليم على اسم ولدى
صفا:صوح ياما ماهو حفيدك وزين انك اختارتى اسم سليم لاچل يكون كيف ابووه
روح قامت وقفت مرة واحده:مش هيحصل
اجلال كمان وقفت:ايه اللى مش هيحصل يابت البندر
روح بقوة:مش هسميه الاسم ده لو على جثتى ومش هسمحله يكون زيه ابدااا
يونس:اهدى ياروح محدش هيقدر يجى جمب ابنك وانتى ليكى الحريه الكامله فى كل حاجه تخصه.... رحمه خدى روح ترتاح شويا
راضيه:اطلعو يابتى وانى هچيبلكو الوكل فى اوضتكو
رحمه:حاضر ياعمتو
روح طلعت مع رحمه وفاطمه وراضيه دخلو المطبخ ويونس بص لاجلال وصفا بغضب وطلع هو كمان
صفا:هى الداكتورة دى اديتها حبوب جوة ولا ايه ياما
اجلال:انى چبت اخرى من البت دى ولازمن اخلص منيها
صفا شهقت:هتجتليها ياما
اجلال:اكتمى هتفضحينى تعالى نطلعو فوج
=================
فى جناح يونس فونه رن برقم غريب اللى رن عليه اكتر من مرة ويونس ماكنش بيرد رد عليه:السلام عليكم
شهد:وعليكم السلام ازيك يايونس انا شهد
يونس:انا بخير انتى عامله ايه واخبار عم محمد
شهد:احنا بخير الحمدلله انا برن عليك عشان اطمن على روح ورحمه بردو مش بترد
يونس:اسف ياشهد ماكنتش اعرف انه رقمك على العموم روح كويسه وراحت ترتاح فى اوضتها
شهد:طب الحمدلله طمنتنى انا كنت قلقانه اوى عليها والدكتورة قالتلكو ايه
يونس باستغراب:وانتى عرفتى منين
شهد:من على
يونس:بتقول ان جسمها ضعيف ومحتاجه راحه
شهد:طب هو انا ممكن اكلمها ولا مش هينفع
يونس:طب ماتكلميها عادى اكيد صاحيه
شهد:ماهى رحمه مش بترد
يونس:هى روح مش معاها تلفون
شهد:لا مش معاها عشان كدا بتصل عليكو انتو
يونس:طيب انا هرن على رحمه اخليها ترد عليكى
شهد:تمام شكراا يايونس واسفه لو ازعجتك
يونس:لا عادى ولا يهمك
يونس قفل مع شهد ورن على رحمه قالها ترد على الرقم اللى بيرن عليها وقالها اخر الرقم عشان تعرفه وعرفها انها شهد وقفل معاها ودخل ياخد شاور عشان ينام
================
فى اوضه رحمه
قاعدين روح ورحمه سوا ورحمه رنت على شهد اللى ردت عليها
شهد: والله كتر خيرك ياست رحمه انك تكرمتى ورديتى عليا شرف كبير ليا والله
روح ورحمه ضحكو
رحمه:يابنتى مانا مش بترد على ارقام غريبه
شهد:اه مانا عارفه بتفكيره حبيب القلب
روح:عامله ايه ياشهد
شهد:ولا اى حاجه كنت هموت من القلق عليكى بس
روح ضحكت:انا بخير ياحبيبتى متقلقيش عليا وركزى فى امتحاناتك لو سمحتى
شهد:مانا نزلت الكليه النهارده بحاول الم اللى فاتنى... انتو بقي عاملين ايه من غيرى
رحمه:ميت فل وعشرة
شهد:واطيين ... والحرابيق عاملين ايه
رحمه باستغراب:مين
روح ضحكت ومقدرتش تتكلم
شهد:خلينى انا اعرفك على الحرابيق قصدى على الحربوقه اجلال مرات عمك والحيزبونه صفا مرات اخوكى
رحمه ضحكت اوى:يخربيت عقلك انتى عارفه لو سمعوكى هيكون اخر يوم فى عمرك ... بس والله لايقين عليهم اوى
شهد:محدش يقدر يمس شعره منى يارحومه قلبي انتى
البنات فضلو يتكلمو كتيييير اوى لحد ماتعبو ونامو
===============
صباح يوم جديد
فى اوضه اجلال دخلت صفا:صباح الخير ياما
اجلال:وهياچى منين الخير طول ماالعجربه دى وسطينا
صفا:انى چايه اجولك چدى طلب يونس من بدرى وجاعدين فى المندرة معرفش بيتحدثو فى اى
اجلال بقلق:هيكون فى اى
صفا:معرفش ياما بس ده مصبرش لما يصحى لا ده خلى مرت عمى فاطمه تطلع تصحيه
اجلال:لع اكيد فى حاچه ولازمن اعرف بعدى من وشي
صفا:على فين ياما
اجلال:خليكى واجفه على السلم لو لمحتى حد نازل عرفينى
صفا:حاضر
اجلال نزلت وماكنش فى حد خالص قربت من باب المندرة عشان تسمع بيقولو ايه
===============
فى المندرة
قاعد عثمان وقدام يونس
يونس:انت متاكد ياچدى
عثمان:ده حجها ياولدى
يونس:بس هى رافضه ياچدى تاخد فلوس
عثمان:انى كلمت المحامى وجال انه جدامه يومين وياچى وهكتب نصيب ولدها من ورث سليم ومش هجولها واصل ولازمن تاخد بالك يايونس مرت عمك وصفا مش لازمن يعرفو
يونس:حاضر ياچدى
اجلال اتصدمت من الكلام اللى سمعته وطلعت بسرعه ودخلت هي وصفا الاوضه
صفا:مالك ياما
اجلال:انى مستحيل اسمحلهم يعملو اكده
صفا:يعملو ايه ياما انتى سمعتى ايه
اجلال:چدك عايز يكتب لابن روح نصيبه من ورث اخوكى
صفا بصدمه:سليم
اجلال:وكان عايز يعمل عملته فى السر ومعرفنيش واصل
صفا:وهتعملى ايه ياما
اجلال:لازمن افكر زين ... بت البندر مهتاخدتش چنيه من فلوس ولدى وااااصل
==================
فى المطبخ كانو البنات بيحضرو الفطار مع فاطمه اللى كانت معترضه ان روح تعمل معاهم وعايزاها ترتاح بس مع اصرار روح وافقت فاطمه وراضيه يسبوهم يحضرو الفطار
وبعد فترة كان الكل فطرو ويونس راح الشركه ورحمه وروح طلعو اوضتهم عشان يتجنبو اجلال وصفااا خالص وراضيه وفاطمه بيحضرو الغدا وعثمان فى اوضته
================
عند شهد خارجه من العمارة عشان تروح الكليه فجاه وقفت عربيه قدامهاا وكان على
على:صباح الخير ايه الصدفه دى
شهد:صباح النور انت ايه اللى جابك هنا
على:انا ساكن مع طارق قريب من هنا وبعدى من هنا كل يوم
شهد:غريبه اول مرة اشوفك
على:ده من حظك القمر
شهد:لا والله
على:راحه فين
شهد:الكليه اكيد
على:طب تعالى اوصلك فى طريقى
شهد:توصلنى....هو انت اخدت عليها ولا ايه
على:انتى تطولى يابت على باشا الهلالى يوصلك بدل ماتتمرمطى فى الموصلات
شهد:مواصلات مرة واحده ده هو تاكسي اعمى بيوصلنى لحد الكليه ياعلى باشا الهلالى
على ضحك:طب اطلعى يلا
شهد:اوكى
شهد ركبت وطول الطريق بيضايقو فى بعض لحد ماوصلو قدام الكليه
شهد:الف شكر ياعلى باشا
على:بقولك ايه ماتيجى اعزمك على الغدا النهارده
شهد بردح:نعم ياعمررررر...انت عشان وصلتنى مرتين هتفكرها سايبه ولا ايه
على:ابو شكلك انزلى يا بت خسارة فيكى الغدا اقسم بالله
شهد:طب هتعزمنى فين
على:هاهاها كان زمان ياماما قبل واصله الردح اللى عملتيها دى
شهد ضحكت:طب انا هطلع اجدع منك
على:ازاى بقي انشالله
شهد:هعزمك على الغدا عندنا فى البيت ايه رايك وهطبخلك بايدى كمان
على:الله الغنى ياختى
شهد:لا والله مش بهزر هقول لبابا وهستناك النهارده ايه رايك بدل مانت لقيط كدا ومش لاقى مكان تاكل فيه قشطااا
على ضحك:بعيداا عن ان انتى بتهزئينى مش بتعزمينى بس انا موافق
شهد:خلاص استناك على الساعه كام
على: ٥ كويس
شهد:كويس جدااا طب بتحب تاكل ايه
على:ااممم ممكن ورق عنب وبشاميل وبانيه وفراخ مشويه
شهد:اييييه حيلك حيلك
على ضحك:بهزر طبعااا هاكل من الاكل اللى انتو هتاكلوه
شهد:اوكى يلا سلاموووز
على:سلامووووز
شهد نزلت ودخلت كليتها وعلى مشي
================
رحمه وروح كانو فى اوضتهم وروح نزلت المطبخ عشان تشرب وكانت اجلال وصفا واقفين بعدين عنها وشايفينها
اجلال بهمس:خليكى اهنه راجبي الطريج زين
صفا:حاضر ياما ربنا يستر
اجلال مشت وكانت روح قريبه من السلم
اجلال قربت من ضهر روح وخنقتها بدراعها وبايد التانيه كتمت بوقها
اجلال بهمس زى فحيح الافاعى:بجا عايزة تاخدى ورث من فلوس ولدى ديه على چثتى يابت البندر
روح كانت بتحاول تبعد عنها بس مش عارفه
اجلال:انى بجا هخلص عليكى انتى واللى فى بطنك
اجلال زقت روح بقوة وكانت هتقع من على السلم ومسكت فى تربزين السلم وروح كانت مرعوبه واجلال قربت منها وزقتها تانى بكل قوتها
روح صرخت باعلى صوت لما وقعت من على السلم وراسها كانت بتخبط فى درجات السلم ولما وصلت لنهايه السلم كانت بتنزف بقوة وفقدت الوعى
صفا كانت واقفه وشايفه اللى بيحصل وشهقت بقوة:نهار مش فايت
اجلال كانت بتبص عليها بغل وفرحه:تستاهلى الموت يابت البندر
اجلال جرت بسرعه على اوضتها هى وصفااا
رحمه خرجت من اوضتها لما سمعت صرخه روح ولسه هتنزل السلم اتصدمت من منظر روح اللى واقعه فى اخر السلم وحوليها بركه دم رحمه صرخت باعلى صوت:روووووووووووووح
فاطمه وراضيه وعثمان خرجو بسرعه على الصوت والكل انصدمو لما شافو روح
فاطمه جرت عليها ورفعت نقابها كانت راسها متعورة:روح يابتى
رحمه نزلت بسرعه وقربت منها:ماما دى بتنزف
عثمان:كلمو الاسعاف بسرعه
رحمه عيطت:رووووووح
يونس فى الوقت ده وصل وكان ماسك فى ايده شنطه صغيرة وشاف منظرهم وهما متجمعين حولين روح ورمى اللى فى ايده وجرى بسرعه عليها:فى ايه... ايه اللى حصل
عثمان:مش وجته ياولدى شيلها ناخدها على المستشفى
راضيه:يلا يا ولدى البنيه بتنزف
يونس نزلها النقاب وشالها وخرج ورحمه وعثمان راحو وراه
يونس حطها فى الكرسي الخلفى وراسها على رجل رحمه اللى راكبه جمبها وعثمان قدام ويونس اللى ساااق باقصى سرعه .......
روايه جرح يداويه العشق
••﴿الفصل ٢٠﴾••
فى شقه عم محمد اللى استقبل على بكل حب وقعدو كلهم ياكلو على السفره فى جو جميل كله هزار وضحك من على وشهد
على:لا بس بجد تسلم ايدكى الاكل تحفه
محمد:ام شهد الله يرحمها اتوفت وهى بتولدها وشهد اتحملت مسؤليه البيت من وهى ف اعدادى كانت بتطبخ وبتعمل كل حاجه
على:ربنت يرحمها
شهد:المهم ان الاكل عجبك
على:حلو جداا والله البشاميل وورق العنب وبانيه بس نسيتى انتى الفراخ المشويه
شهد ضحكت:المرة جايه بقي متبقاش طماع كدا
على ومحمد ضحكو
تلفون على رن وكان طارق
على:ايه ياطاروق
طارق:انت فين ياعمى
على:انا فى بيت عم محمد مالك فى ايه
طارق:كنت بكلم يونس وعرفت منه ان روح فى المستشفى
على قام وقف:ايه فى المستشفى ليه ايه اللى حصل
طارق:يونس ماكنش عارف يتكلم بس اللى فهمته منه انها وقعت من على السلم ونزفت كتير
على:لا حول ولا قوة الا بالله
طارق:انا كنت بكلمك عشان تروح وتبقي مع يونس انا مش هقدر اسيب المأموريه اللى عندى اخلصها واجيلكو
على:اكيد هروح الوقت على طول
طارق:خد بالك على نفسك لان الدنيا ليل
على:سيبها على الله
على قفل مع طارق
محمد:خير يابنى فى حاجه حصلت
على بص لشهد:روح فى المستشفى
شهد بصدمه:اييييه
على:وقعت من على السلم
محمد:لا حول ولا قوة الا بالله يارب
شهد:وهى عامله ايه اتكلم
على:معرفش ياشهد والله بس انا لازم اسافر الوقت عشان ابقي مع يونس
شهد:انا هاجى معاك انا مش هقدر اسيب روح لوحدها
محمد:وانا كمان ياحبيبتى هاجى معاكى
على:طب اجهزو بسرعه عشان نتحرك
شهد دخلت الاوضه بسرعه تغير ومحمد كمان وبعد شويا نزلو وركبو مع على اللى اتحرك على الصعيد
=================
فى المستشفى
يونس ورحمه وعثمان واقفين قدام اوضه العمليات بعد ماالدكتورة قالتلهم ان الجنين للاسف مات ومحتاجه عمليه تنضيف ومن وقتها محدش خرج يطمنهم
يونس اللى كان هيتجنن ومنظرها وهى واقعه فى الارض وبتنزف مش بيروح من باله
رحمه اللى بتعيط فى حضن عثمان اللى بيحاول يهديهاا
الدكتورة خرجت
يونس قرب منها:روح عامله ايه
الدكتورة:للاسف الوقعه كانت جامده جداا وزى ماقولتلكو ان الجنين مات وعملنلها عمليه ومطلوب منكو تاخد الجنين عشان الدفن
يونس:دفن
الدكتورة:روح كانت فى اواخر الشهر السادس والجنين كان اتكون وفى الحاله دى بيدفن
رحمه:طب وروح يادكتورة
الدكتورة:الخبطه اللى كانت فى دماغها كانت صعبه وراسها اتجرحت والحمدلله انه بسيط بس اللى انا لاحظته ان فى كدمات وجروح وحروق كتير فى جسمها نتيجه عنف بس الظاهر انها قديمه
يونس بصلها اوى ولعن سليم ابن عمه فى الوقت ده
الدكتورة:هى الوقت هتتنقل اوضه عاديه بس مش هتفوق حالياا ممكن على بكرة الصبح باذن الله عن اذنكو
عثمان:اذنك معاك يابتى لا حول ولا قوة الا بالله العلى العظيم ربنا يصبرك ياروح يابتى
رحمه عيطت اكتر ودخلت فى حضن جدها تانى:خسرت ابنها ياجدو هتكون حالتها ايه لما تفوق وتعرف انا خايفه عليها اوى
يونس بص لرحمه وقرب منها:رحمه
رحمه بصتله
يونس:ايه اللى حصل روح وقعت ازاى
رحمه:معرفش احنا كنا فى الاوضه وهى قالت هتنزل تشرب وبعد ماخرجت بشويا سمعت صوتها بتصوت
عثمان:لا حول ولا قوة الا بالله يارب
يونس:وماكنش فى حد غيرها لما خرجتى من الاوضه يارحمه
رحمه بتوتر:لا
يونس استغرب توتر رحمه وحس انها مخبيه حاجه
روح خرجت من اوضه العمليات واتنقلت على اوضه تانيه والكل كانو معاها ويونس طلب من جده يرجع القصر عشان مايتعبش وياخد معاه رحمه اللى رفضت تسيب روح وعثمان رجع مع السواق ويونس دفن الجنين ورجع المستشفى تانى وعلى اللى كان على تواصل مع يونس طول الطريق بيطمن على روح
=============
فى عربيه على شهد اللى مبطلتش عياط لما عرفت اللى حصل مع روح
محمد:اهدى يابنتى بقي المهم انها بخير
شهد بعياط:صعبانه عليا اوى يابابا
محمد:ربنا يصبرها ويعوضها خير يابنتى
على:لازم تبقي قويه ياشهد عشان هى تستقوى بيكى مش لازم تشوفك كدا
محمد:على معاه حق ياحبيبتى
شهد مسحت دموعها:حاضر ... لسه كتير ونوصل
على:ساعتين وبعدين يونس قال ان روح مش هتفوق غير بكرة الصبح وهنكون وصلنا قبل ماتفوق باذن الله
محمد:ان شاء الله يابنى
=============
فى الاوضه اللى فيها روح
يونس واقف ساند على الباب وعينه على وروح اللى راسها ملفوفه بشاش وفى كدمات فى وشهاا اللى شاحب
رحمه قاعده على الكنبه وبتعيط فى صمت
يونس قرب وقعد جمبها واخدها فى حضنه:اهدى يارحمه هتبقي كويسه
رحمه:زعلانه عشانها اوى يايونس اوى هى دايما بتقول انه مش فارق معاها اللى فى بطنها بس ده حته منها
يونس:ان شاء الله هتبقي كويسه واحنا كلنا معاها مش هنسيبها اهدى بقي
رحمه:حاضر
يونس:رحمه انا لما سالتك قدام جدى كان فى حد لما خرجتى من الاوضه انتى اتوترتى وقولتى لا وانا متاكده انك كذبتى عليا
رحمه:بصراحه انا لما سمعت صرخه روح وخرجت من الاوضه ونزلت بسرعه سمعت باب اوضه مرات عمى اجلال بيتقفل
يونس بغضب:لو ليها ايد فى اللى حصل مش هرحمها
رحمه:اهدى يايونس انا مرضتيش اقول قدام جدو لما نتاكد من روح لما تقوم بسلامه ان شاء الله
يونس:باذن الله ... ارتاحى شويا ياحبيبتى وروح كدا كدا مش هتفوق غير الصبح
رحمه:وانت مش هتنام شويا
يونس قام من على الكنبه:لا يارحمه ارتاحى انتى
رحمه فردت جسمها على الكنبه وغمضت عينيها ونامت من التعب ويونس قعد على الكرسي اللى جمب روح ومسك ايدها وباسها:لو ليها ايد فى اللى حصلك هيندمو ندم السنين صدقينى ياروح
&&&&&&&&&&&&
فجر يوم جديد وصل على وشهد اللى نزلت تجرى من العربيه ودخلت بسرعه تسأل الاستقبال اللى قالولها على رقم الاوضه اللى فيها روح وقالت لعلى ومحمد وطلعت تجرى بسرعه وهما وراها
شهد لما وصلت عند الاوضه دخلت بسرعه من غير ماتخبط
يونس ساب ايد روح وقام وقف:حمدلله على سلامتكو
محمد:الله يسلمك يابنى
شهد قربت من روح وعيطت اول ماشافتها
يونس:اهدى ياشهد واحمدى ربنا انها بخير
ورحمه صحت على صوتهم وقربت من شهد وحضنو بعض وعيطو
محمد:يابنات لازم تهدو عشان لما تفوق تستقوى بيكو مينفعش كدا
رحمه:صح ياشهد ماينفعش ننهار قدامهم كدا انا اصلا خايفه عليها لما تعرف
شهد:وانا والله ربنا يقويهاا
الكل:يارب
شهد:هى وقعت ازاى
رحمه:كنا فى الاوضه وقالت هتنزل تشرب وبعد ماخرجت سمعتها بتصرخ ولما خرجت من الاوضه لقيتها واقعه وبتنزف
شهد بصت ليونس:يعنى وقعت لوحدها ولا حد وقعها
محمد:عيب الكلام ده ياشهد المهم نطمن على روح
شهد:هنطمن يابابا وهنعرف منها وقعت ازاى بس ورحمه امى لو حد ليه ايد فى اللى حصل هيندمو واوى كمان
يونس:من غير ماتقولى ياشهد لو حد وقعها قصد حسابه هيكون معايا انا واكيد مش هسيب حق روح ابداا
محمد:اهدو ياولاد ان شاء الله خير
يونس:على فين ياعم محمد
محمد:برا يابنى مرضاش يدخل عشان روح
يونس خرج وعلى اول ماشافه حضنه:هتقوم بسلامه ياصاحبي
يونس:خوفى كله كان بيبقي على عيلتى ياعلى اول مرة احس بالخوف الكبير ده حاسس قلبي وجعنى ومنظرها وهى واقعه والدم حوليها مش بيروح من بالى
على:ربنا يخليكو لبعض يايونس
محمد خرج من الاوضه
يونس:على خد عم محمد القصر عشان يرتاح
محمد:لا يابنى انا هفضل معاكو لما اطمن على روح
يونس:اللى يريحك
الرجاله قعدو برا يستريحو والبنات جوا الاوضه يستنو روح تفوق
====================
صباح يوم جديد فى القصر وتحديدا فى اوضه اجلال
صفا:اهى مامامتش ياما افرض بجا اتكلمت
اجلال:دى بت چبانه مهتجولش حاچه
صفا:يارب ياما لان يونس لو درى بالموضوع مش بعيد يجتلنا
اجلال:بلاش انتى تخافى وتتوترى اكده عشان محدش يشك بحاچه واااصل يلا روحى على اوضتك
صفا:حاضر
================
فى المطبخ كانو فاطمه وراضيه صاحيين من بدرى بيحضرو اكل عشان روح
راضيه:لسا شوى والوكل يخلص
فاطمه:اه ياخيتى
راضيه:جلبي واچعنى على البنيه يافاطمه جوى
فاطمه:منظرها وهى سايحه فى دمها ماهيروحش من بالى واصل
راضيه:بت زينه وطيبه وجلبها كيف الحليب مهتستاهلش اللى بيحصلها
فاطمه:يعلم ربنا انى حبيتها كيف رحمه بتى
راضيه:اطلعى اچهزى وانى هخلى فتحيه تحط الوكل وهطلع البس كمان عشان نروح المستشفى
فاطمه:حاضر ياخيتى
======================
فى المستشفى البنات قاعدين على الكنبه وفاقو على صوت انين روح:ااااه
شهد ورحمه قربو منها بسرعه
شهد:روح حبيبتى انتى سمعانى
روح كانت بتحاول تفتح عينيها لحد مافتحتهم وشافت البنات
رحمه:انا هنادى الدكتورة بسرعه
رحمه خرجت من الاوضه وقالت ليونس ان روح فاقت وراح عشان ينادى الدكتورة ودخلت الاوضه تانى وسمعت روح
روح بتعب:مات ... هو مات ياشهد
شهد:اهدى ياحبيبه قلبي وارتاحى ولما تبقي كويسه هنتكلم
روح بتعب ظاهر:انا مش حاسه بيه جوايا ياشهد .... هو اتحمل كتير اوى معايا .... بس المرة دى الوقعه كانت ...... جامده اكيد مش هيقدر يستحمل ...... صح
شهد بصت لرحمه وعيطو الاتنين
رحمه:ارتاحى ياروح انتى تعبانه بلاش تتكلمى
روح غمضت عينيها وافتكرت اجلال وكلامها ولما زقتها عشان تقع من على السلم
الباب اتفتح ودخلت الدكتورة ووراها محمد ويونس
الدكتورة:حمدلله على سلامتك ياروح
روح فتحت عينيها:الله يسلمك .... لو سمحتى ريحينى محدش فيهم راضي يقولى.... هو مات مش كدا
يونس بص لرحمه وشهد اللى بيعيطو
الدكتورة:ده قضاء ربنا ياروح وانتى مؤمنه بالله ربنا يعوضك خير ان شاء الله
روح غمضت عينيها بتعب
الدكتورة بصت ليونس:هى الحمدلله بقت احسن لو روح حابه تمشي ممكن النهارده بليل هى لو فى وسط العيله احسن من المستشفى ولو فى اى حاجه كلمونى وانا هجيلها وكمان لو تهتمو باكلها لان جسمها ضعيف جداا
يونس:تمام شكراا لحضرتك
الدكتورة:العفو
محمد قرب من روح وحط ايده على راسها وروح فتحت عينيها:ربنا يعوضك خير يابنتى ده امر ربنا ونصيبه مايشوفش نور الدنيا
روح:الحمدلله
الباب خبط ودخل عثمان ومعاه فاطمه وراضيه
عثمان:كيفك يابتى
روح:بخير
فاطمه:حمدلله على سلامتك يابتى ربنا يصبرك
راضيه:انتى عارفه ربنا يابتى وعارفه ان ده جضاء وجدر ربنا يقويكى
روح كانت بتبص لسقف الاوضه ومش بترد على كلامهم
عثمان قرب منها:روح يابتى
روح بصتله
عثمان:ابكى يابتى بلاش تحبسي وچعك چواتك
روح:لاول مرة دموعى مش راضيه تنزل
شهد:طب ارتاحى ياروح ياحبيبتى
راضيه:دانى وفاطمه عملنلك وكل هتاكلى صوابعك وراه
روح:ماليش نفس
فاطمه:لع يابتى لازمن تاكلى زين عشان تصدى حالك وتوفجى على رچلك
شهد:لازم تاكلى ياروح عشان انتى قايمه من عمليه وجسمك ضعيف
رحمه:بصى مش هنضغط عليكى كلى حاجه بسيطه
روح هزت راسها باه ورحمه وشهد ساعدوها تقعد وبدات راضيه تاكلها بايدها ويونس كل ده عينه عليها مش قادر يتكلم حتى حاسس انه قصر معاها ومقدرش يحميها زى ماوعد جده وخرج من الاوضه........
تابعووووني
الفصل الحادي والعشرين حتى الفصل الخامس والعشرين من هنا
رواية انكسار امرأه كامله من هنا
رواية عشق بلا رحمه كامله من هنا
رواية جرح يداويه العشق كامله من هنا
رواية من أجل أبنائي تزوجتك من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
