روايه جرح يداويه العشق الفصل الحادي والعشرين حتى الفصل الخامس والعشرين بقلم الكاتبه جنات حصريه وجديده على مدونة النجم المتوهج للروايات والمعلومات
بليل الكل رجعو على قصر الهلالى
رحمه وشهد كانو مسندين روح اللى ظاهر عليها التعب ووراها محمد وعثمان وعلى ويونس وفاطمه وراضيه
اجلال وصفا كانو قاعدين فى الريسبشن
روح بصت لاجلال اوى ولسه هتروح ناحيتهم
شهد:راحه فين ياحبيبتى لازم تطلعى ترتاحى شويا
روح:ثوانى بس
روح بعدت عن البنات ومشت بتعب لحد ماوقفت قدام اجلال وصفا
روح بتعب:يارب تكونى مبسوطه ... حفيدك مات ومش هيشاركك فى ورث ابنك ... بجد بهنيكى من قلبي ... بس عارفه انا مش زعلانه انه راح فى الاول جه بسبب حقارة وجبروت ابنك وراااح بسبب حقدك وغلك ... يارب تكونى مبسوطه لما موتى حفيدك بايدك
الكل اتصدمو لما روح قالت كداا
روح:فاكرة لما قولتى نفسك يبقي شبه ابنك وهتسميه على اسمه كمان .... عارفه لو كان جه الدنيا وحسيت بس مجرد احساس انه هيكون شبهه انا كنت هقتله بايدى مش هو ابنى بس كنت هموته ... عشان لما يكبر ميظلمش بنات الناس ويستقوى عليهم .... مش هقولك غير حسبي الله ونعمه الوكيل فيكى انتى وابنك على اللى عملته فى حياتى ... منكوو لله منكوو لله
يونس قرب من روح:روح معنى كلامك ان مرات عمى هى اللى وقعتك من على السلم
روح وهى باصه للاجلال:ايييه فكرانى هسكت ومش هتكلم
روح بصت ليونس:اااه هى اللى وقعتى من على السلم وعارف قالتلى ايه ... قالتلى مش هسمحلك تاخدى جنيه من فلوس ابنى
روح رجعت بصت لاجلال تانى:عارفه لو فلوس ابنك كلها اتحطت قدامى انا هعمل ايه.... كنت هولع فيهم عشان فلوسه دى اللى خليته يعامل الناس بجبروته وهى اللى خلته شيطاااااااان
روح حست بدوخه وكانت هتقع ويونس صدهاا ورحمه جرت عليها وسندتها هى وشهد
يونس:خدو روح ترتاح فى اوضتها
روح طلعت مع البنات
ويونس قرب من مرات عمه:انتى سمعتى كلامى انا وجدى صح
اجلال:كلام ايه
يونس:ان جدى هيكتب نصيب ابن روح من ورث سليم
اجلال:لا معرفش حاچه عن الكلام ديه وكمان البت دى بتكدب انى موجعتش حد وحتى لو كان عاش مكنش هياخد جنيه من فلوس ولدى
عثمان قرب منها وضربها بالقلم بكل قوته واجلال وقعت على الكنبه
صفا:اماا... انت بتضرب امى عشان خاطر بت البندر ياچدى
عثمان بعصبيه:وهموتها كمان
اجلال:انت اتچنيت ايااااك
على بصوت عالى:اماااااا... انتى بتعلى صوتك على چدى
صفا بصوت عالى:انت بدل ماتدافع عن امك بتوجف فى صف چدك دانتو اتچنيتو اياااك
على قرب من صفا وضربها بالقلم:صوتك لو على مرة تانيه على اى حد من العيله لسانك ده هقطعه
صفا عيطت وبصت ليونس وصرخت باعلى صوت:مرتك اضربت جدامك يايونس بيه ... لو كنت راچل كنت دافعت عنى
يونس ضربها بالقلم:انا راجل غصبن عنك يونس مسكها من دراعها بقوة:انا صبرت عليكى كتير ومش ناوى اصبر اكتر من كدا وانا بحذرك ياصفا وبدامك ماشيه بدماغ امك خليها تنفعك
يونس زقها بقوة:انتى طـــ
عثمان بحده:يونس
يونس بصله
عثمان:عايز تطلق بت عمك
يونس:بنت عمى اللى ماشيه بدماغ امها وبتعمل كل مصيبه وتانيه ياجدى وانا مش قادر استحمل اكتر من كدا
عثمان:معلش ياولدى عشان خاطرى المرة دى
يونس غمض عينيه بغضب وفتحهم وبص لصفا:لو غلطتى غلطه كمان قسمابربي ماهتفضلى على ذمتى دقيقه واحده بعدها ومحدش هيقدر يمنعنى وقتها
يونس بص لاجلال:اما بقي بالنسبه ليكى يامرات عمى كنت مفكرة ان المحامى هياجى بعد يومين مش كدا لا المحامى جه وجدى كتب نص املاك سليم لابن روح
اجلال:عملتو اللى راسكو بردك بس ربنا مرضاش بظلم واااصل وخلصنا من ولدها
يونس:صح الوقت ابن روح مش موجود وهى مش هتاخد فلوس ابنك يبقي نخرجهم لله ياجدى ولا ايه رايك
عثمان:زين جوى ياولدى من بكرة تشوف جمعيه خيريه او دار ايتام وتتبرع بيهم
اجلال بصوت عالى:لع دى فلوس ولدى ومن حجى انى وبس
يونس:من بكرة هنفذ كلامك ياجدى
عثمان:ده تحذير الاخير ليكى يااچلال ... مرة الچايه مش هيكون ليكي جاعده فى القصر
اجلال:ليه هتطردنى من ملك چوزى ووالدى
عثمان:ملك چوزك باسم على ولدك ودى كانت وصيته جبل مايجابل وچه كريم وفلوس ولدك سليم نصهم يونس هيتبرع بيهم يونس انا الباجى مبروكين عليكى ...فلوس ولدك كيف اللعنه كيف ولدك تمام
عثمان دخل المندرة ومعاه محمد ويونس وفاطمه وراضيه طلعو لروح
على قرب من امه:ليه بتعملى كدا كل ده عشان الفلوس .... الفلوس هتعملك ايه وانتى لوحدك ومحدش مننا حوليكى
صفا:اتكلم عن حالك انى مش هسيب امى واصل
على:حولى تغيرى من نفسك ياصفا عشان يونس ماهيصدق ويطلقك ويبقي عنده حق الصراحه
على سابهم وطلع
صفا:هتعملى ايه ياما
اجلال:اسمعينى يابتى متسبيش حقك لبت البندر
صفا:وانتى ياما
اجلال بغل:متخافيش عليا وانى مش هسيب حجى يابتى وهنتجم بت البندر وجريب چدا كمان
صفا:حاضر ياماا
اجلال وصفا طلعوو اوضهم
================
فى اوضه روح اللى قاعده على السرير ومش بتتكلم ولا حتى بترد على حد والكل بيحاولو معاها وبردو مش بتتكلم
شهد:ابوس ايدك ياروح ردى علينا
رحمه:طب حاسه بايه ياحبيبه قلبي
راضيه:هملوها لحالها شوى يابنات
فاطمه:ارتاحى انتى يابتى
راضيه:هملوها ترتاح ياصبايا يلا
شهد:انا مش هسيبها
راضيه:سيبها لحالها شوى يابتى وبعد اكده ابجى تعالى
شهد خرجت بعد اصرارهم وراحت على اوضه رحمه عشان يرتاحو شويا لانهم ماناموش طول الليل
وعلى كمان طلع اوضته عشان ينام وعثمان طلب من محمد يروح يرتاح شويا
ويونس اللى كان هيتجنن وعايز يطمن على روح وخصوصا لما عرف منهم انها رافضه تكلم اى حد
وروح اللى نامت وغمضت عينيها وشافت قدامها كل دقيقه عاشتها مع سليم
وفتحت عينيها فجاه ودموعها نزلت وغمضت عينيها ونامت من التعب النفسي والجسدى اللى هيا فيه
=================
عدى اكتر من اسبوع والحل كما هو عليه
روح نفسيتها مدمرة ومش بتتكلم مع حد حتى شهد كمان والكل حوليها ومش بيسبوها ابداا
اجلال وصفا اللى شماتنين فى روح بعد الحاله اللى وصلت ليها
================
فى شركه الهلالى
على:طب وبعدين يايونس
يونس:والله مانا عارف قولتهم نشوف دكتورة تساعدها شهد قالت لا هى هتبقي كويسه واحنا معاها
على:اللى مرت بيه بردو مش سهل يايونس
يونس:عارف
على:المهم هتكتبو الكتاب امته بقي
يونس:انا خايف بعد اللى حصل انها تفكر تبعد وترجع القاهرة تانى
على:معقول
يونس:هى وافقت على جوازها منى عشان خاطر ابنها اللى خلاص راح .... وانا مش متخيل انى ممكن اعيش دقيقه كمان من غيرها
على صفر:ياواد ياجامد... ربنا يسعدكو ويخليكو لبعض ياصاحبي بس انت امسك فيها اوى
يونس ضحك والباب خبط ودخل طارق
على:حمدلله على السلامه يابطل
طارق:الله يسلمك ياابوعلى
طارق سلم على يونس:عامل ايه ياصاحبي
يونس:بخير الحمدلله
على:انت اخدت اجازة ولا ايه
طارق:لا مانا طلبت اتنقل هنا الصعيد ووفقو على النقل
على:واخيراا وافقت تيجى وسطنا
طارق بص ليونس:مانا ناوى اجمع الشمل بقي
يونس:شمل ايه
طارق:هو فى غيرها اختك اللى هتجننى دى ياعم حد يقنعها انى بموت فيها ومش قادر اعيش من غيرها
يونس:ماتحترم نفسك ياحيوان ايه الكلام ده
طارق:مراتى ياجدعان مراااااااتى
على:وناوى تعرفها امته انها لسه على ذمتك
طارق:لما دماغ امها الناشفه دى تلين
يونس حدفه بالقلم:بردو هتقل ادبك
طارق:بقولك ايه انا هروح اتكلم مع جدى عثمان هو اللى هيساعدنى مانا جاى ياقاتل يامقتول مش هسيبها
يونس:وهتعمل ايه مع والدتك
طارق:مش هفكر فى اى حد يايونس امى لو بتحبنى بجد هتعرف ان سعادتى مع رحمه وبس
على:بقولكو ايه وانا كمان عايز اتجوز
طارق:ومين اللى امها داعيه عليها
على:ماتحترم نفسك ياض
يونس:مين هي مع انى شاكك
على ضحك:شهد
طارق:طب والمصحف وانا كمان كنت حاسس من يوم لما جيت معاك من الصعيد
على:انتو هتستلمونى هتساعدونى ولا اكلم جدى احسن
طارق:عليك وعلى جدك عشان هو اللى هيكلم صاحبه
على:اشطاا اوى....احنا خلصنا شغل تعالو نرجع على القصر واهو نساعد طارق باشا واكلم جدى
طارق:هتساعدنى ازاى يعنى
على:مش هتروح تقنع جدى يساعدك فى رجوعك لرحمه ولا مش عايز
طارق:لا عايز طبعاا يلا بينا
الشباب خرجو وكل واحد ركب عربيته وراحو على القصر
=================
فى اوضه روح
شهد:هتفضلى كدا كتير ياروح ... طيب بصى اتكلمى اصرخى عيطى المهم تطلعى الوجع اللى جواكى ياحبيبتى عشان متتعابيش
رحمه دخلت:عامله ايه ياروح
روح......
شهد عيطت:روح انا مش قادرة اشوفك كدا عشان خاطرى اتكلمى قولى اى حاجه ونبي ياروح
روح بصتلها اوى:مافيش كلام يوصف وجعى ياشهد
رحمه وشهد فرحو انها اتكلمت وحولو معاها عشان تتكلم اكتر
رحمه:بس الكلام اوقات بيريح الشخص ياروح
شهد:صح وبعدين انتى لسه صغيرة وقدامك الحياه طويله ياروح يعنى هتتجوزى وتعيشي احلى حياه وتجيبى بيبهات قمرات شبههك
روح:تفتكرى بعد تجربتى الاولى ممكن افكر فيها تانى .... انت جوايااا وجع كبير اوى مخنوووقه .... انا كنت زعلانه انى حامل فيه وان ابنه جوايا كنت بقول لما يموت هرتاح ... بس انا موجوعه اوى عليه
روح انهارت وعيطت بهستيريه والبنات عيطو على منظرها
شهد حضنتها بقوة:عيطى ياروح طلعى كل الوجع اللى جواكى ياحبيبتى
فاطمه وراضيه دخلو الاوضه وشافو منظر البنات بصولهم بحزن وعيطو على حالهم
راضيه قربت واخدت روح فى حضنها:هدى ياروح يابتى كيفاكى بجى فكرى فى حالك وكفايه حزن وزعل بجى
فاطمه:صوح يابتى عيشي حياتك بجى
روح عيطت كتير فى حضن راضيه لحد ماهدت خالص وبعدت عن حضنها وبصت لشهد:انا عايزة ارجع القاهرة
شهد استغربت:ليه ياروح
روح:اللى جيت هنا عشانه راح خلاص ولازم نرجع بقي
رحمه:انتى ناسيه انك مخطوبه ليونس ياروح والبلد كلها عارفه انكو هتتجوز
روح:انا وافقت اتجوز عشان ابنى يتربي بين اهله بس هو خلاص راح انا هنزل اتكلم مع جدى ونجهز نفسنا عشان نسافر
روح قامت بتعب ولبست نقابها ونزلت وكلهم نزلو معاها
============
فى المندرة
طارق:يعنى هتساعدنى ياچدى
عثمان:اكيد ياولدى انى رايد سعادتكو
طارق قام وباس ايده:ربنا يخليك لينا ياچدى
على بغمزة:وموضوعى ياجدى
عثمان:وموضوعك كمان اتحل
على:ازاى ياجدى دانا لسه متكلم معاك
عثمان:جوله يامحمد
محمد:وانا مش هلاقى شاب زيك لبنتى ياعلى بس نشوف رأي العروسه الاول
على قام وحضن محمد:حبيبي ياحمايا
يونس:وحضرتك ياچدى هتتكلم مع رحمه ميتا
عثمان:هملو الموضوع ده عليا
محمد ضحك:يبقي اتحلت باذن الله
الكل ضحكوو واتفاجأو بالبنات داخلين ومعاهم روح
طارق عينه جت فى عين رحمه اللى نزلت وشها فى الارض
عثمان قرب منها:حمدلله على سلامتك يابتى ايوا اكده نورى القصر بطلتك
روح ابتسمت:الله يسلمك ياجدو
محمد:عامله ايه الوقت ياحبيبتى
روح:الحمدلله ياعمو محمد
طارق:حمدلله على سلامتك
على:حمدلله على سلامتك ياروح
روح:الله يسلمكو
رحمه كانت عايزة تهرب من قدام طارق:وبالمناسبه دى هروح اعملكو حاجه حلوة
روح بصت ليونس اللى عينيه عليها ورجعت بصت لعثمان:جدو انا جيت عشان اطلب من حضرتك ارجع القاهرة
عثمان:ليه يابتى
روح:اللى جيت عشانه خلاص مبقاش موجود ووجودى هنا مالوش لازمه فانا بستاذن من حضرتك انى ارجع القاهرة مع عمو محمد وشهد
طارق:طب انا هستاذن ياچدى
عثمان:حاضر ياولدى
يونس اتصدم من طلبها وبص لعلى كأنه بيقوله اللى كنت خايف منه حصل
عثمان لسه هيرد عليها بس الكل لفو على صوت اجلال:خير ماعملتى يابت البندر واخيرااا هنرتاح مش جرفك وفجرك ............
&&&&&&&&&&&
روايه جرح يداويه العشق
#الكاتبه جنات
#البارررت22
روايه جرح يداويه العشق
••﴿الفصل ٢٢﴾••
طارق خرج من المندرة ودخل المطبخ كانت رحمه بتحضر الحلو زى ماقالتلهم وماكنش فى حد معاها فى المطبخ
طارق سند على الباب وبيبصلها بعشق:عامله ايه يارحمه
رحمه اتخضت ووقعت منها المعلقه وبصلته:انت بتعمل ايه هنا
طارق:انا كنت ماشي وبصراحه مهانش عليا امشي قبل مااطمن عليكى بقيتى احسن
رحمه بتوتر:اه الحمدلله شكراا لسؤالك واتفضل امشي بقي مينفعش حد يشوفنا كدا
طارق:ليه
رحمه:هو ايه اللى ليه انت وانا مافيش حاجه تجمعنا لو سمحت اخرج بقي
طارق:حاضر يارحمه هخرج وااااه شكلها هتولع فى المندرة
رحمه:تولع ازاى
طارق:مرات عمك ومرات يونس دخلو المندرة وشكلها هتتحول شيطه
رحمه:يالهوى هما مش بيتهدو ابدااا
طارق ضحك ومشي ورحمه حطت ايدها على قلبي من الخضه وبعدها ابتسمت على عشق طارق ليها وسابت اللى فى ايدها وجرت على المندرة
==========
فى المندرة
روح:جدو انا جيت عشان اطلب من حضرتك ارجع القاهرة
عثمان:ليه يابتى
روح:اللى جيت عشانه خلاص مبقاش موجود ووجودى هنا مالوش لازمه فانا بستاذن من حضرتك انى ارجع القاهرة مع عمو محمد وشهد
يونس اتصدم من طلبها وبص لعلى كأنه بيقوله اللى كنت خايف منه حصل
عثمان لسه هيرد عليها بس الكل لفو على صوت اجلال:خير ماعملتى يابت البندر واخيرااا هنرتاح مش جرفك وفجرك
شهد لسه هترد عليها بس اتصدمت لما لاقت روح هى اللى ردت:لا والله ده العكس
اجلال:كيف يعنى
روح:يعنى انا اللى هرتاح مش قرفك انتى وبنتك
رحمه دخلت المندرة وسمعت كلام روح
رحمه بهمس لشهد:هو انا سمعت صح
شهد بنفس الهمس:انا مستغربه اكتر منك والله
اجلال لسه هتقرب من روح اتفاجأت بيونس اللى وقف قدامها:شكل تحذير جدى ماكنش كافى ليكى
صفا:خايف عليها جوى ياولد عمى لكن بتترك مرتك تضرب عادى مش اكده
يونس:لان حضرتك غلطتى لما عليتى صوتك على جدك واخوكى ولو ماكنش على ضربك كنت انا اللى هضربك مكانه ومش قلم واحد كنت هديكى ١٠٠ عشان تتعدلى يابنت عمى
صفا بصتله بغل
اجلال:بس متنساش عاد يابن الاصول ان صفا هى مرتك لكن بت البندر غريبه عنيك ولان خلاص ولدها مات يبجى نفض الخطبه من اساسها
اجلال عدت يونس وقرب من روح ومسكت ايدها وبتشد دبلتها بس يونس مسك ايد روح ورجعها تانى ورا ضهره:ومين قال اننا هنفضها
صفا:ليه بجا مش ولدها مات وخلصنا من الجصه دى ترچع على بلدها وتسيبنا فى حالنا
يونس:روح مش هترجع القاهرة
صفا بصوت عالى:انت عايز تفهمنى انك هتتچوزها يايونس
يونس:ايوا
روح:بس انا هنرجع القاهرة خلاص
يونس لف وبص لروح:انتى فى حكم مراتى قدام البلد كلها ياروح ورجوعك القاهرة تانى انسيه
روح:بس انــ
صفا قاطعتها:انتى ايه يابت... انتى خرابه بيوت عامله حالك يابت بريئه ومرايداش تتچوزيه
يونس بص لصفا وباعلى صوت عنده:صفااااااا عدى يومك وامشي من قدامى الوقت احسنلك
اجلال حست بغضب يونس وشدت بنتها وطلعو
عثمان قرب من روح:اهدى يابتى وارتاحى وبعدين نبجو نتحدث
شهد:تعالى نطلع عشان ترتاحى ياروح شوى
فاطمه وراضيه وشهد وروح خرجو ورحمه لسه هتخرج
عثمان:رحمه يابتى
رحمه لفت:نعم ياجدو
عثمان:لع بجا شوفت يامحمد الولاد كان بيحترمونى بيتحدثو صعيدى فى وجودى بس خلاص بجى نسو
رحمه:متقولش كدا جدو
يونس باس ايده:دانت الخير والبركه ياچدى
عثمان:خدو راحتكو ياولاد انى عارف انك اتعودتو تتكلمو مصراوى بحكم تعليمكو وشغلكو
رحمه:خير ياچدى
عثمان:تعالى وياى اوضتى رايدك فى موضوع
رحمه:حاضر ياجدو
عثمان خرج وراحت معاه رحمه وعلى ويونس طلعو يشتغلو ومحمد راح اوضته
==================
فى اوضه روح
شهد:ياروح اهدى
روح:انا مش فاهمه هو رافض انى ارجع القاهرة ليه وبعدين خلاص بقي حماته معاها حق نفض الخطوبه دى
شهد:يابنتى فى ايه هما ادوكى حقن قوة فى المستشفى
روح ضحكت:كل الموضوع انى تعبت ياشهد ومش هسيب حد يغلط فيا مرة تانيه
شهد زغرطت باعلى صوت
روح:يامجنونه بتعملى ايه
شهد:دانا مش هزغرط بس دانا هجيب فرقه حسبالله اقسم بالله من الفرحه واخيراا روح مش هتسكت عن حقها ياجدعاااااااااان
روح:وطى صوتك بقي عيب كدا
شهد:طب اقولك وتسمعى منى
روح:ايه
شهد:يونس شكله كدا وقع فى سحر عيونك الحلوة
روح:انتى بتهرجى ياشهد
شهد:بت انتى مشوفتيش صدمته لما قولتى انك هترجعى القاهرة وبعدين ده كانت حالته حاله لما كنتى فى المستشفى طب بذمتك مش انتى قولتيلى انك بتحسي بالامان لما بيبقي معاكى
روح:صح لانى اول مرة احس ان ليا سند وحد يدافع عنى بس ماينفعش ياشهد انتى ماشوفتيش مراته بتقول عليا ايه
شهد:بصي اللى فهمته من رحمه ان يونس ناوى يطلق صفا بس امته الله اعلم
روح:المفروض انى افرح يعنى انه هيطلقها ويتجوزنى ياشهد لا طبعاا مهما كانت وحشه بس دى مراته وكل اللى بتعمله غيرة يعنى بتحبه ياشهد
شهد:خليكى انتى كدا خيبه انا نازله اشوف بابا
شهد خرجت وروح قعدت على السرير وبتفتكر كل المواقف اللى دافع فيها يونس عنهاا
==============
فى اوضه عثمان قاعد عل السرير ورحمه جمبه
رحمه:خير ياجدو حضرتك ساكت ليه
عثمان:انتى عارفه يابتى انى رايدك تكونى فرحانه طول عمرك
رحمه:حبيبي ياجدو
عثمان:بصراحه يابتى فى عريسان متجدمين ليكى وانى المرة دى مش ناوى اسمع كلامك
رحمه بخوف:يعنى ايه ياجدو
عثمان:يعنى المرة دى مچبورة تختارى واحد منيهم
رحمه قامت وقفت:لا ياجدو انا مش هوافق على اى حد
عثمان بحده:وانى مش باخد رايك عاااد يارحمه يعنى هتفضلى طول عمرك اكده من غير چواز وبعدين اتنين عارفين موضوع الخلفه ورايدينك يابتى
رحمه:بس انا مش عايزة حد ياجدو
عثمان اتجاهل كلامها:العريس الاول شاب زين وبيشتغل محاسب فى الشركه عندينا والتانى انتى عرفاه زين جوى طارق رايدك وعايز يرچعك
رحمه بصدمه:لا ياجدو مش هينفع ارجع لطارق
عثمان:يبجا توافجى على العريس اللاول
رحمه عيطت اكتر وعثمان قام اخدها فى حضنه:ليه بتعذبي حالك اكده يابتى
رحمه بعياط جامد:انا مقدرش اتجوز حد غير طارق ياجدو مش هقدر والله ولا هقدر ارجعله تانى مش هابقي انانيه واوافق ارجعله وانا عارفه انه هيعيش حياته من غير مايسمع كلمه بابا بسببي
عثمان طبطب على راسها:هدى يابتى وانى مش هجدر اچبرك بس فكرى زين ياحبيبتى
رحمه:حاضر ياجدو انا هطلع اوضتى
رحمه خرجت وعثمان كلم طارق وحكاله اللى حصل
=================
بليل فى اوضه صفا كانت هتجنن واجلال بتحاول تهديه
اجلال:ماتتهدى شوى بجا
صفا:هيتجوزها ياما
اجلال بخبث:انى حاسه من نظرة عينيه ليها انه عشجها
صفا بصدمه:انتى بتجولى ايه ياما مستحيل
اجلال:وليه لع يابتى
صفا:وانا مش هستنى لما اشوفه متچوزها وچايب منها ولاد كمان
صفا خرجت زى الاعصار واجلال ابتسمت بخبث وخرجت وراهااا
==================
روح وشهد قاعدين مع رحمه فى اوضتها وبتحاول تهديها لانها بتعيط من وقت كلامها مع جدها عثمان
شهد:بس انتى بتحبيه وهو بيحبك ليه مدوخين نفسكو كدا ايه ياولاد ده
روح ضحكت:سيبك من شهد ... بصي يارحمه اللى انا شيفاه انه بيحبك جدااا وشاركى يارحمه
شهد:انا لو منك فى داهيه امه واى حد واختاره هو بقي انا الاقى حد يحبنى كدا وافرض فيه دانا ابقي هبله
رحمه ضحكت من وسط دموعها
روح:فكرى كويس يارحمه لان صعب اوى تلاقى حد يحبك كدا فى الزمن ده
شهد:اه والله ياختى وبعدين امه دى لو بتحبه بجد كان اتمنيتله حياه سعيده مع اللى بيحبها
رحمه:جدو قالى لازم اختار حد من الاتنين والمرة دى جدو بيتكلم جد مش زى كل مرة
شهد:طب بذمتك لو انتى اختارتى العريس الاولانى مش بعيد طارق يجى يوم فرحكو ويقتلكو انتو الاتنين
روح ورحمه ضحكوو
وفجأه الباب اتفتح ودخلت صفا
شهد:دول بيطلعو امته دول
رحمه:فى ايه ياصفا فى حد يدخل كدا
صفا دخلت بعصبيه وشد روح من دراعها بقوة
روح:انتى بتعملى ايه
صفا:انا مش هسمحلك تاخدى چوزى منى
شهد:ابعدى ايدك عنها
صفا زقت شهد بقوة لدرجه انها وقعت وراسها اتخبطت فى الكرسي واتعورت
شهد:ااااه
رحمه بصوت عالى:انتى اتجننتى ياصفااا
صفا بعصبيه:ابجا مچنونه لو تركت العجربه دى تاخد چوزى منى
اجلال كانت وافقه تتفرج ومبسوطه من رد فعل بنتها
روح بتحاول تبعد ايدها:ابعدى بقي انتى اتجننتى
صفا هزتها بقوة:انا هفرچك على الچنان اللى بچد ياروح هانم
روح مسكت بطنها بوجع
رحمه:ابعدى عنها ياصفا انتى ناسيه انها تعبانه
صفا شدت روح وخرجت من الاوضه ورحمه بتحاول تبعدها عنها وشهد قامت بتعب وكانت حاسه بدوخه وخرجت وراهم
صفا نزلت السلم وهى شاده روح اللى بتحاول تفك قبضه ايدها ومش عارفه
راضيه خرجت من المطبخ ومعاها فاطمه
راضيه:ايه اللى بيحصل اهنه
اجلال:بتى فاجت خلاص وهتدور على مصلحتها هى وچوزها
فاطمه:كيف يعنى وبعدين همليها ياصفا روح لسه تعبانه
صفا بصوت عالى:لع مش ههملها وااااصل
عثمان خرج من الاوضه:صوتكو عالى اكده ليه
صفا:بنضف الدار ياچدى
صفا مشت وهى بتشد روح وقربت من باب القصر وزقتها بكل قوتها وروح كانت هتقع بس فجاه حست انها فى حضن حد وبصتله كان يونس:انتى كويسه ياروح
روح بعدت عنه ومسكت بطنها بتعب:الحمدلله
يونس بص لصفا بغضب:ايه اللى عملتيه ده
صفا:بعمل الصح ياولد عمى وبعدين البت دى مافيش اى صله تچمعنا بيها عشان تفضل اهنه فى القصر
يونس ببرود:ومين اللى قال كدا
صفا ضحكت:انت بتتكلم على الخطوبه مش اكده لع ماخلاص ابنها ماااات وهى هتغور من اهنه
صفا لسه هتقرب على روح يونس بعدها عنها:لا فى صله وصله قويه كمان روح هتبقي مراتى
صفا بصوت عالى:انت هتچننى يايونس
يونس ضربها بالقلم وصفا اتصدمت
اجلال:انت بتمد يدك على بتى لاچل دى
يونس بعصبيه:علــــى
على كان واقف على الباب ورا يونس:نعم يايونس
يونس:روح جمع الرجاله وجهزو كل حاجه عشان بكرة كتب كتابي وفرحى على روح
على:ده بجد
يونس:يـــــلا ياعلى
عثمان:ليه السربعه ديه ياولدى
يونس:هكتب على روح عشان يكون فى صله قويه عشان تفضل هنا فى القصر
روح اتصدمت لما قال كده
صفا:وانى مش هوافج يايونس
يونس:محدش طلب موافقتك ياصفا
صفا بعصبيه:يبجى الماذون اللى هيكتب كتابك عليها هيطلجنى منك ياولد عمى......
روايه جرح يداويه العشق
#الكاتبه جنات
••{الفصل ٢٣﴾••
يونس:على روح جمع الرجاله وجهزو كل حاجه عشان بكرة كتب كتابي وفرحى على روح
على:ده بجد
يونس:يـــــلا ياعلى
عثمان:ليه السربعه ديه ياولدى
يونس:هكتب على روح عشان يكون فى صله قويه عشان تفضل هنا فى القصر
روح اتصدمت لما قال كده
صفا:وانى مش هوافج يايونس
يونس:محدش طلب موافقتك ياصفا
صفا بعصبيه:يبجى الماذون اللى هيكتب كتابك عليها هيطلجنى منك ياولد عمى
يونس ببرود:وانا موافق
يونس مشى ودخل المندرة
صفا اتصدمت من رده وبصت لامها:يعنى ايه الكلام ده
روح:هو الكلام ده بجد ياجدو....حضرتك وعدتنى مش هيحصل غير انا عايزاه ومحدش هيجبرنى على حاجه مش كدا
عثمان:حجك عليا يابتى بس البلد كلها عارفه انك مخطوبه ليونس
صفا:يعنى انت بترد عليها وهمك زعلها وانى اتحرج اولع ياچدى
عثمان بحده:انتى غلطاتك زادت عن حدها ويونس صبر عليك كاتير جوى
رحمه شافت شهد واقفه على السلم وراسها متعورة وفى دم سايل على وشها جرت عليها:شهد اسفه نسيتك خالص تعالى اقعدى
الكل بصو لشهد ومحمد جرى عليها:مالك يابنتى
شهد:كان فى تور هايج فى الاوضه يابابا
رحمه ضحكت
راضيه جابت علبه الاسعافات:تعالى يابتى لما اطهرلك الچرح
راضيه بدات تطهر الجرح لشهد ولزقت عليه لزق طبي
على دخل وشاف شهد متعورة وقرب منها:مالك ياشهد
شهد:البركه فى اختك ياخويا
على ضحك:حقك عليا بس المهم انك كويسه
شهد:الحمدلله
روح شافت عثمان ومحمد قاعدين مع بعض والكل مشغولين اتحركت وراحت المندرة وكان يونس قاعد
روح:انا مش موافقه على اللى بيحصل ده
يونس رفع وشه وبصلها اوى وقام وقف:اومال عايزة ايه ياروح
روح:مش عايزة اتجوز وعايزة ارجع القاهرة
يونس قرب منها وروح رجعت خطوتين لورا:مش هيحصل ياروح
روح:ليه يعنى هتجبرنى اتجوزك زى ابن عمك
يونس:لا مش هجبرك لان انتى سبق ووافقتى على الجواز وانتى خطيبتى قدام البلد كلها وللاسف ماينفعش ترجعى فى كلامك
روح:لا ينفع عادى جدااا
يونس:ازاى يعنى
روح:عادى اتنين وماحصلش بينهم نصيب وسابو بعض فيها حاجه دى
يونس:لا الكلام ده عندكو فى القاهرة مش فى الصعيد ياروح الاحسن انك تروحى تجهزى نفسك عشان بكرة فرحك ياعروسه
روح:هو انت مصدق نفسك بجد وهو انت بجد هتطلق مراتك
يونس:مصدق نفسي جدااااا ومتشغليش بالك بصفا انا بعرف اتعامل معاها... يلا روحى اجهزى والنهارده هيجيلك فستانك بليل
روح:كماااااان
يونس:اه يلا عشان مش فاضي الوقت
يونس مسك فونه وروح خرجت من المندرة ويونس ابتسم لان اول مرة يشوف الجانب ده من شخصيه روح
===================
البنات بيطلعو اوضتهم وعلى ومحمد وعثمان بيدخلو المندرة ليونس وبيبداو يتكلمو فى التجهيزات
على:بقولكو ايه ياجماعه بما اننا هنعمل فرح وليله وهيصه بقي ماتجوزونى انا كمان بالمرة
يونس ابتسم
محمد:مش لما اخد رأي العروسه الاول يابنى
على:هى تطول ياعمى وافق انت بس وانا هجبلها فستان مع روح وبدل مانعمل ليلتين ونكلف نعمل ليله واحده
محمد:هو انت بخيل ولا ايه ياعلى
على:هى بعزقه وخلاص ياعم محمد يلا بقي
محمد بص لعثمان اللى ابتسم على حفيده
محمد:ماشي يابنى على خيرة الله انا موافقه
على:ايوا بقي ياحمايا ياعسل انت
محمد:انا هروح اقول لشهد بقي
على:لا خليكى قولها بكرة دى مجنونه وممكن ترفض وتهد كل امالى انا عارفها انت بكرة تحطها قدام الامر الواقع
عثمان:كيف يعنى ياولدى الحديث ديه لا لازمن تعرف
محمد:متقلقش يابنى انا خلاص وافقت وحتى لو هى رافضت هجوزهالك بردو
على ضحك:ربنا يستر بقي
يونس:طب يلا عشان طارق مستنينا برا عشان نشوف ورانا ايه
على:يلا
على ويونس خرجو
عثمان:تعالى نطلع انت تتكلم مع شهد وانا مع رحمه خلونا نجوزهم ونرتاح بجا
محمد ضحك:يلا
==================
فى اوضه شهد ورحمه وروح
روح:وانا المفروض اعمل ايه فكرو معايا
رحمه:انا لو منك اوافق يونس شاب جنتل ومز اوى فى نفسه وحاجه كدا مش هتكرر الصراحه
شهد:وانا معاها الصراحه
روح:انتو بتتكلمو بجد انا مش عايزة اكون سبب خراب حياته مع مراته
رحمه:هى خربانه خربانه يابيبي متشليش هم
الباب خبط ورحمه فتحت كان محمد وعثمان
عثمان:عروستنا الحلوة كيفها
روح:هو حضرتك هتوافق على اللى بيحصل ده
عثمان:وليه لع يابتى انا بتمناكى لولدى يونس
وبعدين بكرة مش هيكون فرحتك بس لا هنفرح بيكو كلكو
شهد:اللى هو ازاى ده
محمد:فى عريس متقدملك وانا وافقت وفرحك بكرة مع روح
شهد ضحكت اوى:بلاش هزارك ده ياحمودى
محمد بحده:وانا مش بهزر يابنت
شهد:بابا انت بتتكلم بجد
محمد:جد جدااا كمان وجهزى نفسك مع روح يلا
شهد:ومين اللى امه داعيه عليك
محمد ضحك:على
شهد:نعم على مين معلش
عثمان:حفيدى على
شهد:ابن اجلال يعنى انا اصبر اصبر وتبقي فى الاخر حماتى اجلال ليه يعنى لا انا بطيقها ولا هى بطيقنى
محمد:عيب كدا ياشهد...وبعدين هو انتى هتتجوزى اجلال انتى هتتجوزى على والشاب كويس ومحترم وعرفينه كويس
شهد:بس يابابا
محمد حضنها:واخيرا هطمن عليكى ياحبيبه قلبي مع انسان بيحبك وبيحترمك يابنتى
شهد:مين ده اللى بيحبنى
عثمان:حفيدى على عشجانك يابتى وهو مش صابر وعايز يتچوز مع يونس هااا يابتى موافجه
رحمه:وفقى ونبي ياشهوده عشان نبقي مع بعض فى نفس البيت
روح:مش كنتى بتقوليلى اخلى يونس يجبلك عريس من الصعيد اهو جالك عريس ومن نفس البيت كمان يلا بقي وافقى
رحمه:يلا بقي
شهد:موافقه
عثمان:على خيرة الله مبروك يابتى
شهد:الله يبارك فيك ياجدو
عثمان:وانتى يارحمه مش هنفرح بيكى وياهم
رحمه اتصدمت:لا انا لسه بفكر ياجدو
عثمان:العريس بيكلمنى كاتير وعايز رد يابتى
رحمه:عريس مين
عثمان:المحاسب اللى فى شركتنا يابتى
رحمه:انا لسه بفكر ياجدو زى ماقولتلك
عثمان:كان بودى افرح بيكى وياهم بكرة
رحمه بسرعه:لالا ياجدو
عثمان:ماشي يابتى
محمد وعثمان خرجو والبنات بصو لرحمه اللى عيطت جامد
روح:اهدى يارحمه واكيد جدو مش هيجبرك على حاجه
شهد:صح يارحمه
رحمه:انا هنزل اتمشي شويا فى الجنينه
شهد:نيجى معاكى
رحمه:عايزة ابقي لوحدى لو سمحتو
روح:براحتك ياحبيبتى
رحمه خرجت من الاوضه
وروح حضنت شهد:مبروك ياشهوده
شهد:الله يبارك فيكى
روح:بس انتى عايزة تفهمينى انك وافقتى عشانا
شهد:طبعاا
روح:عليا يابت
شهد ابتسمت بخجل
روح:لا مش قادرة اصدق شهد مكسوفه ... معجبه بيه صح
شهد هزت راسها باه
روح حضنتها:ربنا يسعدكو ياقلبي
===============
رحمه بتتمشي فى الجنينه وهى بتعيط وقعدت على كرسي بعيد شويا عن القصر وعيطت جامد وبقت تفكر فى نفسها:معقول تتجوز وتعيش مع حد غير طارق .....لالا مستحيل ....طب ارجع لطارق...كدا طارق حبيبك هعيش العمر كله من غير ولاد بسببك بلاش تبقي انانيه
رحمه عياطها زاد
============
فى الوقت الشباب رجعو القصر
يونس:تعالى نطلع فوق السطح ونشوف ورانا ايه
طارق فونه رن:هرد واجيلكو
على:تعالى على فوق بقي
طارق:قشطااا
طارق رد على المكالمه وكان من الشغل وبدا يتمشي فى الجنينه وهو بيتكلم ووقف فجاه لما شاف رحمه قاعده وبتعيط بصوت عالى
طارق قفل المكالمه وقرب منها وقعد على ركبته قدامها:رحمه انتى كويسه
رحمه اتفاجت بيه قاعد قدامها وقامت وقفت بسرعه ودموعها زى الشلال
طارق:مالك يارحمه مرات عمك ضايقتك تانى
رحمه هزت راسها بلا
طارق:اومال بتعيطى ليه
رحمه وهى بتعيط:جدو عايز يجوزنى
طارق ابتسم وخفى الابتسامه بسرعه:يجوزك ازاى مش فاهم
رحمه:بيقولى فى عريس متقدملى محاسب فى الشركه
طارق:وانتى هتوافقى يارحمه
رحمه:مش هقدر
طارق قرب منها:هتقدرى توافقى عليه ولا مش هتقدرى تتجوزى وتعيشي مع حد غيرى
رحمه بصتله اوى مافيش حد بيفهمها زى طارق كان نفسها تترمى فى حضنه فى الوقت ده
طارق:ماردتيش عليا يارحمه ... انا شايف انك توافقى
رحمه بصتله بصدمه:اوافق
طارق:مانتى رافضه ترجعيلى واكيد مش هتفضلى عايشه طول عمرك فى بيت ابوكى من غير جواز ولا ايه
رحمه:انت بتتكلم بجد
طارق:اومال بهزر انتى اللى قولتيلى يارحمه لازم نعيش حياتنا مش كدا
رحمه مسحت دموعها:صح لازم نعيش حياتنا وشكرا انك ساعدتنى انا هروح اقول لجدو انى موافقه على العريس
رحمه لسه هتمشي طارق شدها بقوة وضمها لحضنه:دانا كنت قتلتك انتى وهو وانتو قاعدين فى الكوشه أل توافقى على العريس أل
رحمه عيطت جوا حضنه واد ايه كان وحشها وطارق شدد على حضنها وبعد شويا بعدها عنه وحاوط وشها بايديه:انا وانتى اتخلقنا لبعض يارحمه محدش فينا يقدر يعيش من غير التانى
طارق باسها من راسهاا:بطلى عياط واطلعى ارتاحى بكرة يوم طويل عليكم يلا
رحمه ابتسمت وجرت بسرعه دخلت القصر وطلعت على اوضتها وطارق دخل القصر وهو مبسوط وطلع لشباب وكان فى العيون متابعهم
وبعدها بفترة الشباب خلصو شغلهم وطارق رجع على بيته ويونس دخل جناحه وعلى راح يخبط على اوضه امه ماكنتش موجوده راحلها فى اوضه صفااا
=================
فى اوضه صفا
اجلال:هتفضلى تبكى ااكده كاتير
صفا:اعمل ايه ياما كل منك انتى
اجلال بصدمه:انى
صفا:ايوا انتى ياما انتى اللى فضلتى تسمعينى فى كلام وانى روحت زى الهبله عشان اطردها برا القصر وچت على راسى فى اخر
اجلال:وانى كنت اعرف منين ان چوزك هيعمل اكده وبعدين انى جولتلك يونس عشجها وانتى مش مصدجانى
الباب خبط واجلال وصفا استغربو مين بيخبط عليهم بالعاده محدش بيجى يتكلم معاهم اصلا
صفا راحت تفتح:على فى حاچه
على دخل:كنت عايز اتكلم معاكو
اجلال:اول مرة تعملها ياولدى خير
على:انا جاى اقولكو انى هتجوز
اجلال:ده يوم المونه ياولدى دانى هچيبلك عروسه تكون ست البنات
على:لا شكراا مش حابب اتعبك معايا العروسه موجوده
صفا:موجوده كيف يعنى
على:انا طلبت ايد شهد من عم محمد وهو وافق وبكرة كتب كتابي وفرحى مع يونس
اجلال بصدمه:مين ... جليله الربايه بت البندر
على:اماااا شهد هتبقي مراتى ومش هسمح لحد حتى لو انتى تغلطى فيها
اجلال:انى مش مصدجه ولدى راح اتجدم ويخطب وچاى يعرفنى على المعاد كيف الغرب
على:انتى طول عمرك مش بيهمك غير سليم وصفا وانا اخر اهتمامك
صفا:انت اتچنيت اياك ياعلى
على:لا مش مجنون ياصفا كل الحكايه انى بحبها وبتمناها تبقي مراتى وام عيالى وقولت اجى اعرفكو
اجلال:لا والله كتر خيرك ياولدى انك چاى تعرفنى بس انى مش موافجه على بت البندر تكون مرت ولدى وبعدين دى لسانها كيف المطرحه
على:انا جيت اعرفكو مش باخد رايكو على فكرة بكرة فرحى على شهد وانا جهزت كل حاجه لو حابه تقفى جمب ابنك اهلا وسهلا بيكى لو مش عايزة ده حاجه ترجعلك بس صدقينى ياما لو فكرتى تعملى حاجه عشان تبوظى فرحتى وقتها تنسي ان ليكى ابن عن اذنكوو
على خرج من الاوضه وصفا بصت لاجلال:انتى هتوافجى انه يتچوزها ياما
اجلال كان جواها نااااار ونفسها تقتل روح وشهد وخرجت من الاوضه وراحت على اوضتها
=================
واليوم عدى والكل كانو مشغولين فى التحضيرات
الشباب كانو بيجهزو الجنينه عشان الرجاله هتكون فيها
راضيه وفاطمه بيجهزو الاكل اللى هيتقدم لضيوف
البنات كانو قاعدين فى اوضتهم فيهم اللى فرحان وفيهم اللى بيفكر حياته هتمشي ازاى
وصفا اللى قاعده فى اوضتها ومقطعه نفسها عياط عشان يونس هيتجوز روح
واجلال اللى بتفكر ازاى تخرب عليهم اليوم ولاقت احلى فرصه ممكن تستغلها كويس جدااا وقررت تعملها فى الفرح عشان تبوظ فرحتهم.......
ياخوفى منك ياترى ناويه على ايه ياعقربه.....
روايه جرح يداويه العشق
الكاتبة جنات
••﴿الفصل ٢٤﴾••
واخيراااا جه اليوم المنتظر اللى هيتجمع فيه قلوب ابطالنا الحلوين
===============
على السطح
على قاعد مستنى شهد لانه طلب منها يتكلمو شويا قبل الفرح
شهد طلعت وكانت ومتوترة جدااا اول مرة تتحط فى موقف زى ده
على اول ماشافها وقف وقرب منها:احم ازيك ياشهد
شهد:الحمدلله
على:شهد انا عارف ان كل حاجه جت بسرعه اوى وانا حبيت اتكلم معاكى شويا قبل الفرح واستاذنت من عمى محمد قبل مااقولك هااا نتكلم
شهد بصتله:هنتكلم فى ايه
على:فى انى بحبك
شهد ماكنتش متخيله انه هيقولها كدا على طول
على:بصى انا هتكلم بصراحه عايز لما نتجوز ونبقي سوا تبقي كل مشاعرى مكشوفه قدامك انا مشدود ليكى من اول مرة شوفتك قوتك وشقاوتك وشجاعتك اللى نادراا بتكون موجوده عند بنت وبجد انا بحبك اوى
شهد ابتسمت على كلامه
على:هاااااا والحلو نظامه ايه معايا
شهد:نظام ايه
على:لا بقولك ايه ده النهارده الفرح بلاش استعباط ونبي .... عمى محمد قال انك وافقتى واللى متاكد منه انك مستحيل حد يجبرك على حاجه صح
شهد:صح
على بغمزة:يعنى الجميل معجب
شهد ضحكت على جنانه:يعنى حاجه زى كدا
على:يابركه دعواتك ياماااا
شهد بسرعه:لا ونبي بلاش دعوات امك بذات احنا ممكن نتحرق فى الفرح مش كفايه راسي المفتوحه بسبب اختك
على ضحك اوى:ماشى ياستى مقولتليش بقي ايه رايك فى الفستان
شهد:حلو ياعلى
على:وروح وقلب على ياناس
شهد:انا نازله سلام
شهد نزلت بسرعه وعلى كان فرحان
================
الكل كانو بيتجهزو للفرح
شهد وروح ورحمه فى الاوضه بيستعدو للفرح
شهد لبست فستانها مع بعض لمسات الميكب الرقيقه وكانت حلوة جدااا
اما بقي روح فكانت ايه من الجمال بفستانها الواسع اللى يناسب نقابها ومع اصرار رحمه وشهد انها تعمل ميكب خفيف وكانت قمه فى الرقه والجمال
شهد:انتى مش ناويه تلبسي بقي يارحمه
رحمه:لما تخلصو خالص هروح البس انا عملت الميكب خلاص
شهد:احنا هخلصنا اهو يلا البسي بقي الضيوف وصلو تحت والرجاله كلهم تحت وشويا وهينادو علينا
رحمه لسه هترد سمعو صوت عالى جاى من تحت
روح:هو فى ايه
رحمه:مش عارفه خليكو هنا هروح اشوف فى ايه واجى
رحمه خرجت من الاوضه وشهد بصت لروح اللى سرحانه وتايهه
شهد:مالك ياروح انتى ساكته ومش بتتكلمى وسرحانه من الصبح
روح:مش عارفه خايفه اوى ياشهد
شهد قعدت جمبها:ياحبيبه قلبي خايفه من ايه طب بذمتك انتى شايفه اى شبه بين يونس و ابن عمه
روح هزت راسها بنفى
شهد:اومال مخوفه نفسك ليه بقي افرحى ياروح وانسي اى حاجه ممكن تخوفك
روح:حاضر
===============
رحمه خرجت من الاوضه ونزلت شافت هنيه ام طارق واقفه وعماله تزعق وراضيه وفاطمه واقفين وطبعااا العقارب وكل الضيوف الستات
هنيه لما شافت رحمه
هنيه:واهى شرفت جليله الحيا
رحمه لاقت الكل بيبصو عليها ومستغربه فى ايه وقربت من فاطمه:هو فى ايه ياماما
هنيه بصوت عالى سمعه الرجاله:يعنى جليله حيا وبچحه كمان ... السنيورة بتسال فى اي كأنها معرفاش هى عملت ايه
رحمه:انا مش فاهمه انا عملت ايه وبعدين انا مسمحش لحضرتك تتكلمى معايا كدا
هنيه:تسمحى ولا متسمحيش لو كانت امك عملتك الادب مكانش ده حالك جليله ربايه
راضيه:هنيه انتى عارفه انتى بتجولى ايه وبعدين احنا ليه نصدجك من الاساس
هنيه:مش مصدجانى اياااك اسالى بت اخوكى اللى كانت مرميه فى حضن ولدى
رحمه اتصدمت من كلامها:ايه الكلام ده
هنيه:عايزين دليل مش اكده
هنيه فتحت فونها وطلعت صور لطارق وهو حاضن رحمه لما كانو ورا القصر وصورة وهو بيبوس راسها ووريتهم لكل الموجودين:شوفتو بجى جليله الربايه اللى بتچرى ورا ولدى عشان يرچعلها شايفين وافجه فى حضنه كييييف ياعااالم
فاطمه قربت من رحمه اللى بتعيط:الكلام ده صوح يارحمه
رحمه بصت لامها وعيطت
فاطمه زعقت:ردى عليا يابت بطنى
هنيه:هترد تجول ايه مانتى لو كنتى ربتيها زين ماكنتش مشيت على حل شعرها اكده
رجاله البيت دخلو على صوتهم
طارق وهو بيبص على رحمه اللى بتعيط:فى ايه ياما
عثمان:حسكم عالى اكده ليه ومسمعين عليكم الرچاله اللى برا ومالك يارحمه يابتى بتبكى ليه
هنيه:ملهاش عين ترد عليك او حتى تبص فى عينك ياعثمان بيه لانها وطت راسك بالوحل بجله حياها
طارق:امااااااا انتى بتقولي ايه
===============
فى الاوضه
شهد:رحمه اتاخرت ليه بقولك ايه
روح:ايه
شهد:تعالى نخرج نشوف فى ايه الستات اللى تحت دى بتزعق ليه
روح:مينفعش نخرج من الاوضه ياشهد
شهد:تعالى بس هنقف على السلم محدش هيشوفنا تعالى بقي مش قادرة اصبر لما تيجى وتحكيلنا
شهد خرجت ووراها روح ووقفو على طرف السلم بحيث محدش يشوفهم
شهد بهمس:هى رحمه بتعيط ليه ومش دى اللى كانت حماتها
روح:شكل فى مشكله كبيرة
شهد لسه هتتكلم بس سكتت عشان تسمع بيقولو ايه
طارق:امااا انتى عارفه انتى بتقولى ايه
هنيه:بجول الحجيجه ياولدى دى بت جليله الحيا
فاطمه مسكت رحمه من دراعها وهزتها جامد:كلام هنيه ده صوح انطجى يابتى
رحمه كانت بتعيط
فاطمه:يعنى كلامها صوح
فاطمه ضربت رحمه بالقلم وبسبب قوته رحمه وقعت على الارض
شهد وروح والكل اتصدمو من اللى حصل
يونس ساعد رحمه تقوم تقف وهى بتعيط
يونس بعصبيه:ممكن افهم ايه اللى بيحصل هنا
على:فى ايه ياعمتى فهمينا
هنيه وريتهم الصورة:فى ان خيتك بتحوم حولين ولدى عشان يرچعلها يايونس
يونس وطارق وعلى وعثمان اتصدمو من الصورة وطارق بص لرحمه
طارق:انتى جبتى الصورة دى منين ياما
هنيه:حد ابن حلال بعتهالى النهارده
اجلال وصفا واقفين شماتين فيهم (طبعا احنا عارفين مين اللى صورهم اجلال شافت طارق وهو رايح ورا القصر وكانت شايفه رحمه قبلها وراحت وراهم وصورتهم ورجعت على القصر تانى وطبعاا هى اللى بعتت الصور لهنيه)
يونس اخد رحمه فى حضنه:اهدى ياحبيبه قلبي
هنيه:بدل ماتجتلها اخدها فى حضنك
طارق:امااا ولا كلمه زياده
هنيه:عايزنى اعمل ايه ياولدى اسيبها تلف عليك زى الحيه عشان ترچعلها وتعيش طول حياتك من غير ولاد بسبب انها ارض بووور
عثمان:هنــــــيـــــه
هنيه اتخضت من صوت عثمان وفجاه رحمه اغمى عليها وطارق جرى عليها وشدها لحضنه وهنيه
طارق:رحمه قومى ياحبيبتى رحمه
على جاب ميا لطارق اللى اخدها ورش على وشها ورحمه تبدات تفتح عينيها
طارق ضمها لحضنه وهى عيطت جامد
هنيه:شوف جليله الحيا وهى مرميه فى حضنه وجدامنا كلنا
طارق ساعد رحمه تقف:يونس
يونس قرب واخد رحمه فى حضنه وطارق قرب من امه:وماله لما تترمى فى حضنى هى فى حضن حد غريب
هنيه:كيف يعنى انت ناسي انك طلجتها وانها مش مرتك
طارق بصوت عااااالى:رحمه مراتى ياماااا...
رحمه بعدت وشها عن يونس وبصت لطارق بصدمه
طارق:رحمه لسه على ذمتى انا رديتها ومن زمان اوى يعنى رحمه مغلطتش يامااا وجدى ويونس وعلى عارفين
رحمه بصت ليونس اللى هز راسها بمعنى اه
هنيه:لع ده مش هيحصل وااااصل ياولدى ودلوك هترمى عليها يمين طلاج
طارق:لا مش هيحصل ياماا رحمه مراتى وهتفضل مراتى طول عمرى وانا مش هفكر فى اى حاجه غير فى سعادتى مع الانسانه الوحيده اللى حبيتها
شهد بهمس:ايوا كدا عارفه انا لو منه كنت اديتها بوكس فى وشها
روح ضحكت:اسكتى ياشهد ونبي
طارق قرب من رحمه المصدومه:انا طلقتك لما انتى طلبتى انى اطلقك بس مقدرتش يارحمه عشان كدا اتكلمت مع جدى ويونس وقولتلهم انى هردك وهسيبك ترتاحى وتبعدى زى مانتى عايزة وبعدها نرجع لبعض وجه الوقت اللى نرجع فيه كفايع بعد بقي
عثمان:صوح يابتى وعشان اكده جولتلك ان فى عريس متجدملك عشان انتى تختارى طارق
يونس:انا مرضتيش اقولك ياحبيبتى عشان نسيبك براحتك
طارق مد ايده لرحمه:تقبلى ترجعى ليا تانى يارحمه تعالى نعيش اللى باقى من عمرنا مع بعض يارحمه
هنيه:وانى مش هسمح بديه يحصل ياولدى
طارق:خليكى معايا يارحمه موافقه
رحمه بصت لايده ورجعت بصتله تانى
يونس:وافقى زى بعضه الواد غلبان
طارق:اسمعى من اخوكى دانا غلبان والله
رحمه ابتسمت من وسط دموعها
طارق:هااا موافقه
رحمه هزت راسها باه ومدت ايدها فى ايده
وفجاه الكل بصو على اللى بتزغرط وكانت المجنونه شهد اللى واقفه على السلم
روح:يخربيت جنانك
روح جرت بسرعه على الاوضه قبل ماحد يشوفها
والكل بيضحكو على جنان شهد
هنيه:مش هسمحك واصل ياطارق
هنيه مشت واجلال وصفا اضايقو ان خطتهم فشلت
طارق بص لرحمه همس:اطلعى فوق ودقايق وهيكون عندك فستان عشان فرحك يااجمل عروسه
رحمه ابتسمت وفاطمه حضنتها:سامحينى يابتى
رحمه:ولا يهمك يافطوم
رحمه طلعت والرجاله خرجو وطارق كان جايب فستان لرحمه وكان سايبه فى شقتهم وراح جابه وطلب من راضيه تطلعه لرحمه عشان تجهز
===========
فى اوضه البنات كانو فرحانين عشان رحمه وبعد شويا راضيه جابتلها الفستان وبدات تلبس وتظبط الميكب اللى اتبهدل بسبب عياطها وكانت رقيقه جدااا
بعد شويا طلع فاطمه وراضيه واخدو البنات ونزلو والستات بداو يطبلو ويغنو والكل بيصفقو واجلال وصفا اللى واقفين بعيد وبيبصو للبنات بحقد وغل
البنات كانو قمه فى الجمال والكل كان مبهور بجمالهم ورقتهم
===============
برا عند الرجاله الجنينه القصر كانت متزينه بالانوار وكان شكلها حاجه من الخيال والشباب بلبسهم الصعيدى والكل بيرقصو ويونس اللى رقص بحصانه وكان فرحان كانه اول مرة بيتجوز
وبعد شويا جه المأذون وبدا بكتب كتاب يونس وروح وبعده على وشهد
ودخل عثمان ومحمد للبنات بدفتر المأذون عشان يمضو
والكل زغروطو بفرحه وباركووو للشباب والبنات......
ويونس اللى طلب من جده انه يطلق صفا لان دى رغبتها بس عثمان قاله انها كانت ساعه عصبيه وانه يصبر عليها وميظلمهاش ويونس وقتها اضايق جدا لانه كان عايز يخلص من العلاقه دى
وصفا اللى ارتاحت لما اتكتب الكتاب ومحدش جاب سيرة الطلاق بس فى نفس الوقت مضايقه ونفسها تقتل روح .....
الله يسامحك يا حاج عثمان والله😂
&&&&&&&
روايه جرح يداويه العشق
#الكاتبة جنات
••﴿الفصل ٢٥﴾••
فى قصر الهلالى الذى يزينه الفرح والسعاده
الشباب كل واحد فيهم راكب حصان وبيرقصو والرجاله كلها بترقص بالعصيان حوليهم والكل فرحان
على بيرفع راسه وهو بيرقص شاف شهد ورحمه واقفين فى بلكونه اوضتهم وبيتفرجو عليهم
على ضحك لشهد اللى ابتسمت
على:واد ياطارق بص فوق كدا
طارق بص شاف رحمه وغمزلها بعينه وهى اتكسفت
يونس شاف الشباب بيبصو لفوق وبص مكان ماهما بيبصو وشاف البنات بس روح مش معاهم
البنات دخلو جوا بسرعه ونزلو عند الحريم
طارق بصوت عالى سمعه بس يونس وعلى اللى راكبين على الاحصنه بتاعتهم:بقولكو ايه انا عايز اقرر اللى عملته يوم فرحى
على:هتدخل عند الحريم
طارق:اه هتيجو معايا
يونس:الحاج عثمان مش هعديها المرة دى
طارق:لا متقلقش يلا بينا بقي
على:انا معاك يلا
الشباب بصو ليونس:هااا معانا
يونس:معاكو وامرنا لله
على:كل واحد ياخد عصايه لعروسته بقي مع ان اشك ان شهد ممكن تدينى واحده فى دماغى تجيب أجلى
الشباب ضحكو عليه
الشباب اتحركو ولسه هيطلعو السلم اللى بيدخل القصر
عثمان:على فين ياشباب
طارق:داخلين جوا ياجدى
عثمان:عند الحريم ليه بجا
على:الصراحه انا عايز اعمل زى الواد طارق ماعمل يوم فرحه ودخل رقص مع رحمه
عثمان ضحك:حتى انت كمان يايونس ياولدى
يونس:ده يوم فى العمر ياجدى
عثمان:ادخلو ياشباب ربنا يسعدكوو بس عرفو الحريم انكو هتدخلو
على:متقلقش ياجدى كلمنا عمتى راضيه مظبطه الدنيا
عثمان:ادخلووو واحنا اهنه مع الرچاله
==============
جوا عند البنات
الحريم مجموعه منهم بتطبل ومجموعه تانيه بتغنى والباقى بيصقفو وبنات العيله كانو بيرقصو مع العرايس وشهد ورحمه كانو مولعنها رقص وكانو فرحانين من قلبهم وروح اللى صممت تفضل قاعده ومرقصتش خالص
راضيه اللى قربت من اللى بتطبل وطلبت منها توقف والكل استغربها
راضيه:العرسان هتدخل يرجصو مع العرايس فاللى خالعه راسها تغطيها
الكل بداو يلبسو طرحهم واللى نزلو نقابهم والكل قعدووو
الشباب دخلو وكان شكلهم يجنن باللبس الصعيدى اللى عبارة عن جلابيه بلون الابيض
الشباب كل واحد فيهم قرب من عروسته وانبهرو بجمالهم
طارق بهمس:مبروك عليا رجوعك ليا ياقمرى
رحمه:الله يبارك فيك ياطارق
على:مبروك ياشهد حياتى
شهد ابتسمت:الله يبارك فيك ياعلى
يونس:مبروك ياروح
روح بصتله:الله يبارك فيك
الشباب اخدو البنات فى الجزء الفاضي اللى فى نص القصر والعزف اشتغل من برا القصر
طارق عطى لرحمه العصايه:مستعده نكرر اللى عملناه فى فرحنا
رحمه ابتسمت:مستعده جدااا
على حدف العصايه لشهد اللى مسكتها:يلا ورينا مهاراتك ياشهد
شهد:دانا هبهرك
يونس قرب من روح:عرفت انك رافضه ترقصى بس تسمحيلى بالرقصه دى
روح ابتسمت من تحت النقاب واخدت العصايه منه
الشباب بداو يرقصو بالعصايه مع البنات وكان شكلهم قمر
شهد ورحمه اللى كانو بيرقصو وهما فرحانين واتجننو مع على وطارق على عكس روح اللى كانت هاديه جداا ومكسوفه ويونس اللى كان بيرقصها
بعد فترة الشباب خرجو لرجاله والبنات قعدو مكانها وبدات الحريم تبارك ليهم ويقدملهم هدايا والبعض منهم قدملهم فلوس
صفا كانت واقفه على السلم ودم بيغلى فى عروقها من وقت ماشافت يونس وهو داخل عشان يرقص مع روح لانه طبعا معملش كدا فى فرحهم وقررت انها تضايق روح
ونزلت فى وسط الحريم كلهم بصوت عالى:مبروك ياضرتى
الكل وقفو غنى وبصو عليها
صفا:فى ايه ياچماعه انى چايه ابارك لضرتى مش دى اصول بردك
روح:الله يبارك فيكى
صفا:انى معرفاش اجول ضرتى ولا مرت اخوى السابجه
الحريم كلهم استغربو لما قالت كدا وروح اتصدمت لان عثمان محذرهم محدش يفتح الموضوع ده قدام حد من اهل البلد
صفا:متستغربوش اكده اصل روح كانت مرت سليم اخوى وكان حامل بولده كمان
راضيه بحده:مالوش لزوم الحديث ديه ياصفا
صفا:ليه بس ياعمتى مش بعرف اهل البلد على عروستنا الچديده انها كانت متچوزة جبل سابج
روح:وفيها ايه لما تقول ياعمتو هو انا هتكسف ليه ... انا كنت متجوزة على سنه الله ورسوله يعنى لا هى حاجه عيب ولا حرام وكمان عشان نوضح بس ان اخوكى اتجوزنى غصبن عنى عشان ماكنتش عايزاه وابنه مات وانا فى الشهر السادس ليه بقي ياترى تحبي اكمل ولا نفضها سيرة احسن
الحريم بداو كلهم يتكلمو عن شخصيه سليم واد ايه كان قاسي وظالم وروح بصت لصفا بانتصار وبادلتها صفا بنظرات كلها غل وحقد وطلعت على اوضتها ووراها اجلال
فاطمه:مالكو وجفتو الغنى ليه
الحريم بداو يطبلو ويغنو تانى
رحمه بهمس لروح:والله جدعه يابت ياروح
شهد:ايوا كدا اديهم وماتسكتيش ابدااا
رحمه:انا زعلانه اوى
شهد:ليه
رحمه:انى هابعد عنكو بجد هتوحشونى
شهد:لا تقلقى لما نوحشك عرفينا بس واحنا نجيلك هواااا واهو بالمرة نضايق حماتك العقربه يمكن تنجلط ونريح البشريه منها عقبال حماتى يارب
رحمه ضحكت وروح ضربت شهد فى كتفه:احترمى نفسك دى بقت حماتك
شهد:هى مفكره انها هطلع عينى بس على مين دانا شهد واجر عالله
رحمه:بت ياشهد ابقي احكيلى كل مواقفك مع حماتك ونبي
شهد:من عنينا ياروحمتى
رحمه:ونبي دانا مرعوبه من حماتى لما ارجع مع طارق مش بعيد تقتلنى
شهد:خليكى جامده يابت واوعى تسكتى الحموات دى عايزة العين الحمرة
رحمه:طبعا الكلام مش ليكى ياروح دانتى حماتك سكرة مسكرة والله
روح:الله اكبر بتقرو عليا ليه
البنات ضحكووو
بعد وقت طويل الفرح خلصو والمعازيم مشوووو والرجاله دخلو القصر
عثمان قرب من البنات وحضنهم كلهم سوااا وبعد عنهم:مبروك يابنات
البنات:الله يبارك فيك ياجدو
عثمان:ربنا يسعدكو ويفرحك العمر كله جادر ياكريم
عثمان بص لرحمه:هتوحشك ياروح چدك
رحمه حضنت جدها وعيطت
عثمان:لع متبكيش يابتى انى عايزك تعيشي حياتك وتفرحى انتى بكيتى كاتير يابتى
عثمان بص لطارق:وانت ياطارق ياولدى حطها چوا حباب عنيك
طارق:جوا قلبي وعينى ياجدى
عثمان:ربنا يهنيكو يلا خد مرتك وروحووو
رحمه ودعت الكل وكانت بتعيط انها هتبعد عنهم وبعدها طارق مسك ايدها وخرجو من القصر وماكنش مصدق نفسه انها خلاص رجعت ليه تانى وفتحلها باب العربيه ولف ركب مكانه وراحو على بيتهم
===============
عثمان وصى الشباب على البنات وكل عريس اخد عروسته وطلعو على جناحهم
يونس وروح طالعين وهو ماسك ايدهاا ونفس الكلام على وشهد واتفاجأو بصفا واقفه قدام جناحه
على بهمس:استلم يامعلم
شهد:هاين عليا امسكها اقتلها بعد النمرة الرخيصه اللى هى عملتها تحت
يونس:هى عملت ايه
روح:ولا حاجه خلاص بقي ياشهد
الشباب والبنات قربو من صفا
يونس اتنهد:خير ياصفا
صفا:چايه اباركك ياولد عمى وكان بودى اباركك يااخوى بس لو كانت عروسه زين
شهد:ليه شيفانى مشلوله ولا حوله ياختى
على:بس ياشهد وشكرااا ياصفااا
على بص ليونس:سلام يامعلم احنا بقي
على مشي وراح هو وشهد على اوضتهم
يونس:عايزة ايه ياصفا
صفا قربت من يونس اللى بعد عنها:انا منستيش اللى عملتيه امبارح وكلامك عن الطلاق وحياتك كنت هنفذه بس الله يسامحه جدى قالى اصبر عليها وانا صبرت كتير ياصفا وبصراحه مش ناوى اصبر اكتر فروحى نامى احسنلك
صفا بغل بصت لروح:اومال العروسه الچديده هتنام فين اصل يونس ماهيحبش حد يدخل چناحه واااصل
يونس:صفاااا
صفا:مش دى الحجيجه ياولد عمى
يونس:لا ماهو من النهارده روح هتفضل فى جناحى ومش هتخرج منه الكلام مفهوم ليكى
روح بصتله اوى
صفا بصدمه:چناحك اللى كنت بترفض انى ادخله هدخلها هى فيه ليه يايونس اكده
يونس بصوت عالى:اهو مزاجى كدا وكل ما هتعندى معايا هعاند معاكى ياصفا ويلا امشي من قدامى الوقت احسنلك
صفا اضايقت ومشت
وراضيه وفاطمه طلعو لما سمعو صوت يونس العالى
===============
فى جناح على وشهد
على:نورتى جناحك ياعروسه
شهد وهى بتتفرج على الجناح:شكراا
شهد وعلى سمعو صوت يونس العالى
شهد:تعالى نشوف هو فى ايه
على مسك ايدها:سيبك منهم ياشهد وبعدين النهارده فرحى وانا مش حابب اعكر مزاجى
شهد:بس انا خايفه على روح
على:يونس معاها وهو اللى هيقدر يقف فى وش صفا متخافيش ..المهم
شهد:ايه
على قرب منها:مبروك عليا انتى ياشهد حياتى
شهد ابتسمت
على:يلا ادخلى غيرى عشان نصلى سوا عشان ربنا يباركلنا فى حياتنا
شهد بفرحه:حاضر
شهد اخد هدوم ودخلت الحمام وعلى كمان دخل اوضه اللبس وغير هدومه وبعد شويا شهد خرجت وهى لابسه اسدال وعلى دخل اتوضا وخرج وصلى بشهد
على بعد ماخلصو صلاه مسك ايد شهد:ربنا يباركلنا فى حياتنا سوا ياشهد
شهد:ويبعد امك عننا انا مش مطمنه لهدوءها ده الصراحه
على ضحك:انا عارف ان امى صعبه اوى ياشهد وعارف كمان انك هتقدرى تتعاملى معاها بس متنسيش انها فى اول وفى الاخر هى امى ياشهد انا مش هقولك ماتاخديش حقك لا خدى حقك ودافعى عن نفسك بس اكيد بحدود
شهد:عارفه ياعلى انت متخيل انى ممكن اغلط فيها انا كنت دايما باخد حق روح بس بحدود واوعدك لو هى بعدت عنى اكيد مش هقرب منها
على باس راسها:ربنا يخليكى ليا
شهد:ويخليك ليا
على:طب ايه مش هنام بقي
شهد اتوترت
على ضحك:لا ابوس ايدك مش اخد عليكى كدا انا عايز شهد الشرسه مش الكيوته دى خالص
شهد ضحكت اوى:انا هدخل اغير
على:حاضر ياحبيبتى
شهد دخلت اوضه اللبس قلعت الاسدال ولبست بجامه حريريه رقيقه بلون الابيض وفردت شعرها اللى واصل لنص ضهرها وخرجت كان على واقف فى نص الاوضه وانبهر بجمالها
على:يالهوى على الحلاوة والجمال
شهد اتكسفت وعلى قرب منها:شهد انا بحبك اوى
شهد بصتله:وانا كمان
على:انتى كمان ايه
شهدخبت وشها فى حضنه وعلى شالها وراحوو لعالم خاص بيهم هما الاتنين لتصبح زوجته امام الله
&&&&&&&&&&&&&&&&
عند يونس وروح
راضيه:مالك ياولدى صوتك عالى اكده ليه
يونس:صفا هانم مش عجبها ان روح هتفضل فى جناحى
فاطمه وراضيه بصو لبعض
فاطمه:انت متاكد ياولدى
يونس:ايوا ياما روح هتفضل هنا معايا
راضيه:بس انت اكده هتولع الدنيا ياولدى
يونس:ليه ياعمتى هى روح مش زى صفا ولا فى فرق
راضيه:لا ياولدى مافيش فرج طبعا دى مرتك ودى مرتك بس انت عارف اكتر مشاكل صفا كانت لانك مريدهاش تدخل چناحك ودلوك انت عايز روح تفضل اهنه
فاطمه:صوح ياولدى اكده صفا مش هتسكت عاد واكيد مش هتسيب الغلبانه دى فى حالها
يونس بص لروح ورجع بص لامه:وانا مش هسمحلها تأذيها ياما متخافيش روحو نامو انتو
راضيه:ولدك عارف هو بيعمل ايه يافاطمه يلا ننزلو احنا
فاطمه:تصبحو على خير ياولاد
روح ويونس:وانتى بخير
راضيه وفاطمه نزلو ويونس دخل ومعاه روح اللى مسابش ايدها ابداااا.......
&&&&&&
😂😂😂
تابعووووني
