رواية جمعتهم الأقدار البارت الخمسون بقلم الكاتبه فريده أحمد حصريه وجديده على مدونة النجم المتوهج للروايات والمعلومات

عايزة ايه من جوزي يامرام!!

قالتها ليالي بغضب بعد ما اقتحمت علي مرام مكتبها، بقت واقفة تبصلها بغضب وشراسة، اما مرام متهزتش بالعكس وهي قاعدة مكانها باريحية علي كرسي مكتبها بقت تنظر لها بسخرية وقالت ببرود... هو مش انتي اتطلقتي منه برضو

....

زين قاعد في مكتبه مش طايق نفسه حرفيا بعد ماعرف خبر جواز مراد من مرام

قبلها بيوم لما شاف ليالي بتبكي

فلاش باك

زين خارج من اوضته اتفاجأ ب ليالي اللي كانت واقفة علي السلم بتبكي اتخض عليها وسألها بقلق... مالك ياحبيبتي. بتعيطي ليه

لتقول ليالي ببكاء.... مراد هيتجوز

ليقول زين بغضب... ما يتجوز ولا يتنيل انتي تعمليله ايه

لتنتبه ليالي لنفسها ولكن تقول بدون ماتحس... انت عارف هو هيتجوز مين. دا مش هيتجوز اي واحدة..مراد هيتجوز...

وفجاة سكتت لما استوعبت

فبصلها زين بشك وقال... مين يعني

فتقول... مرام. هيتجوز مرام يازين

لينصدم زين ولكن ردو كان غير متوقع لما قال... طب وايه المشكلة. ربنا يهني سعيد بسعيدة

وباسها علي راسها ونزل بهدوء، بقت واقفة مستغرباه

بس رجعت تبكي تاني وهي بتتخيل ان مراد فعلا هيتجوز مرام، دخلت اوضتها وفضلت تبكي بوجع شديد خصوصا بعد ما شافت الاصرار في عيون مراد وهو بيكلم ابوها وعاصي

زين نزل اتفاجا ب ابوه وعاصي واقفين بعد مراد ما مشي وهو مفهمهم انه مصر علي انه هيتجوزها فعلا ، كان واضح عليهم الارتباك لما شافو زين نازل برغم ان مراد كان مشي دا غير كمان مكانوش يعرفو ان زين عرف من ليالي اساسا

والغريبة بردو ان زين متكلمش ولا سالهم هما واقفين كده ليه وخرج

باااك

مسح علي وشه وهو بيقول بتوعد وغضب.... ماشي يامراد الكلب

بعدها حاول يهدي نفسه ف كان معاه قضية لازم يحقق فيها، ف اتنهد ونادي العسكري اللي بمجرد ما دخل وادي التحية زين قاله... دخلي المتهمين

.........

عند مرام وليالي

مرام قالت ببرود... هو مش انتي اتطلقتي منه برضو ولا انا غلطانة

لتقول ليالي بغضب وتهديد... ابعدي عن مراد يامرام

لترد عليها مرام باستهزاء لما لاحظت نبرة التهديد اللي ليالي اتكلمت بيها وقالت... ولو مبعدتش.هتعملي ايه ياتري

لتقوم فجاة وتتحرك تقف قدامها وتقول بتعجب بعد ما نظرت لها بسخرية.. معلش هو انتي اللي عايزة ايه من خطيبي.. اللي اعرفه انكم منفصلين من 3 سنين .. دلوقتي انا ومراد بنحب بعض وهنتجوز.. سوري يعني المفروض انا اللي اسألك. انتي اللي عاوزة منه ايه

لتنحرج ليالي ومتبقاش عارفة ترد ومرام تقول...ياريت انتي اللي تبعدي عنه والا هتزعلي مني

: صدقي خوفت

ردت ليالي عليها بيها ثم نظرت لها باحتقار وقالت.... انتي ازاي عاوزة تنجوزيه وانتي كنتي متجوزة زين!

لتقول مرام ببرود... مادام مش حرام. ايه اللي يمنع. وبعدين انا واخوكي انفصلنا من زمان.. انا مش فاهمة فين المشكلة ان انا ومراد نتجوز مادام احنا الاتنين متفقين وبنحب بعض

لتقول ليالي بسخرية ....بتحبو بعض..... انتي ازاي كده!!

لتقول مرام ببرود ... ازاي ايه.. هو انا اللي كنت روحت لمراد وقولتلو تعالي اتجوزني!.. ولا قصدك عشان اخوكي وكده والمجتمع. لا دي حاجات قديمة.

لتقول ليالي لاخر مرة... ابعدي عن مراد يامرام. انتي عارفة كويس انه لسه بيحبني

لتضحك مرام وبعدين تقول....تفتكري لو لسه بيحبك هيطلب يتجوزني انا ليه.. وبعدين انا مش فاهماكي. هو مش انتي برضو اللي اصريتي علي الطلاق. عاوزة منه ايه دلوقتي مش فاهمة

لترد ليالي بدون ماتحس .. انا بحبه

ثم تمسح دموعها سريعا اللي اتجمعت في عيونها وتبصلها مرة تانية وتقول بحسم وبنبرة قوية... ومش هسيبو ليكي يامرام. دا بعدك. مراد لسه بيحبني وانا كمان بحبه

لتبتسم مرام وتقول بنبرة مختلفة تماما عن اللي كانت بتتكلم بيها... انتي بتحبيه بجد ولا بس غيرانه انه سابك وهيتجوز واحدة تانية

لترد ليالي بدون ماتحس وتقول بدموع... بحبه. انا حبيته اوي. مكنتش اعرف انه لما يسافر ويبعد عني هكتشف اني بحبه اوي كده

ثم تمسح دموعها مرة تانية وتقول بثقة... انا متاكده انه لسه بيحبني.

لتكمل بقوة وتقول..... ابعدي عنه يامرام والا..

لتقاطعها مرام... والا ايه

ثم تقول.... انتي هبله ياليالي. انتي متخيلة ان انا ومراد ممكن نتجوز!!

لتنظر لها ليالي بعدم فهم فتقول مرام ببساطة... دي تمثيلة انا ومراد متفقين عليها.

لتندهش ليالي وتقول بلهفة... انتي بتتكلمي بجد

لتهز مرام راسها وتطمنها اكتر وتقول.... اولا انا ومراد زي الاخوات ومفيش بينا اي حاجة. ثانيا اكيد مكنتش هوافق اتجوزه بعد ما كنت متجوزه ابن عمه يعني وبعدين اكيد مكنتش هعمل فيكي كده

....

مراد في اوضته قبل ماينزل وهو واقف قدام المراية بيلبس الجاكيت لفت نظره علي التسريحة مشبك شعر. مسكه وفهم انه بتاع ليالي، ابتسم لما فهم انها كانت بتدخل اوضته وهو مسافر وبقي بيتأكد للمرة الالف ان ليالي عشقته

اخد تليفونه ومفاتيحه ونزل اخد عربيته وطلع علي الشركة

....

عند مرام بعد ما ليالي مشيت من عندها اتفاحات بصاحبتها داخلة هي كمان وبدون سلام ولا كلام قالت بغضب... ايه اللي عرفته ده يامرام

لتقول مرام... عرفتي ايه

: هو انتي هتتجوزي مراد!

وهي مش مصدقة.. انتي اتجننتي. هتتجوزو ازاي. انتي مستوعبة انتي هتعملي ايه.

لتقول مرام ببرود وهي بتحاول تستفزها اكتر... وايه المشكلة يابنتي

لتقول صاحبتها بعصبية... انتي مش شايفة ان فيها مشكلة.. انتي اكيد اتجننتي رسمي. اسمعي يامرام. يوم ما قررتي تخبي حملك انا سكت بس المرادي مش هسكت ومش هسمحلك تنفذي الجنان اللي في دماغك ده. سامعة

وسابتها ومشيت

بقت مرام تنادي عليها تفهمها لكن مسمعتهاش ومشيت وهي متعصبة منها

مراد قاعد مع بيري في مكتبه وبعد ما اتطمن علي الشغل بصلها وقال... برافو عليكي يا بيري انتي طلعتي ممشية الشغل احسن مني

قالت بيري بغرور... يابني انا طول عمري businesswomen ناجحة جدا. اكيد مش شركتك اللي هغلب فيها يعني

ابتسم مراد عليها وهي قالت بضحك... بس خلي بالك انا طول فترة ال 3 سنين اللي فاتت عشت معاناه. ليالي كانت بتعاملني كأني ضرتها

ابتسم مراد بهدوء

وهي قالت ببتسامة .. لسه بتحبها

وقبل ما يرد كانت ليالي فتحت باب المكتب ودخلت ببرود

بصت لمراد وقالت... عايزاك

ليقول مراد ببرود... اتكلمي. سامعك

بس ليالي بصت علي بيري بضيق وقالت... لوحدنا

هنا بيري قالت... طيب يامراد. انا همشي. كده كده انا خلصت شغل وكنت ماشية

وقامت اخدت شنطها وخرجت

كانت ليالي بتبص عليها بضيق وبمجرد خروجها بصت لمراد وقالت...مقولتليش هتعمل فرحك امتا

ليبتسم مراد ابتسامة جانببة ويقول... اكيد مش جاية تباركيلي

قربت ليه وقالت.... امم.. حبيتها بقا صح

ابتسم وقال.... اوي ومش شايف غيرها ممكن تبقي شريكة حياتي

بس هي قالت بثقة... مراد انت بتحبني

: كنت

قالها ببرود لتميل عليه وتقول بثقة اكبر...انت بتعـ ـشقـ ني

بص علي اديها اللي تسللت لفتحة قميصه. شال ايدها وقام وقف اتحرك وبقي قصاد الشباك، قال ببرود... دي اوهام ياليالي. شيليها من دماغك عشان متتعبيش.. انا مش فاكرك اساسا

قربت وقفت قدامه. بصت لعيونه وقالت.... انا متاكدة اني لسه هنا

وهي بتشاور بصباعها ناحية قلبه.

كملت وقالت... لو انا بقول اي كلام واللي في دماغي اوهام زي ما بتقول. بصلي في عيني وقول انك نسيتني.. يلا بصلي

بس هو اتحرك وقال... روحي علي مكتبك ياليالي

اتعصبت وقربت ليه تاني وقالت بعصبية... انت بتعمل معايا كده ليه.. علي فكرة انا معملتش فيك ربع اللي عملته فيا. نسيت انت عملت فيا ايه

ضربته بإديها الاتنين علي صدره وقالت .. انت اخدتني غصب وبالتهديد.. نسيت عملت ايه في امي عشان توصل لمرادك.. صدقني رد فعلي كان طببعي جدا. كنت عاوزني اعمل ايه. هاا. بعد ما تعمل فيا كووول ده. كنت عايزني اسامحك عادي ولما تقولي بحبك اقولك وانا كمان.طب احبك ازاي ولا اسامحك ازاي بعد كل اللي عملته فيا. كان لازم انتقم منك وارد اعتباري. زعلان اوي من رد فعلي وزعلان من ابويا عشان وقف ضدك، طب ماهو كمان كان طبيعي رد فعله.. كنت عايز لما يعرف انك عملت في بنته كده يقولك برافو وخدها وكإنك معملتش حاجة.. مراد انت عملت فيا كتير.. وانا غلطت مش هنكر.. بس انت السبب. اللي عملته فيا كان صعب.. بس.بس انا سامحتك لاني حبيتك

بصلها بسخرية فقالت... لا انا حبيتك بجد. حبيتك اووي.. متعرفش ازاي كنت بتعذب في بعدك.

رفعت اديها تلمس وشه وكملت وهي مغيبة... مراد انت وحشتني اووي.. هو انا موحشتكش

وهي بتقرب ليه باشتياق

بس هو بعدها وقال... انتي مش علي ذمتي ياليالي

غمضت عيونها كانت فاهمة انه لسه شايل منها، بس بعدين بصتله وقالت... انت لسه بتحبني يامراد؟...رد عليا ارجوك

رفعت ايدها مسكت وشه خليته يبصلها و قالت... لسه بتحبني.. لسه بتحبني يامراد

كانت بتبصله بلهفه وهي مستنية الاجابة، بس هو كان ساكت

بقت تكررها وتقول .. رد عليا لسه بتحبني يامراد. لسه بتحبني

لحد ما استسلم لمشاعره، قال بهدوء ... لسه بحبك.. لسه بحبك يا ليالي

مكانتش مصدقة نفسها انه أخيراً نطقها نطت في حضنه بفرحة و

لفت ايدها حوالين رقبته وهي بتحضنه باشتياق لكن فجأة بعدت باحراج وهي بتعض علي شفتها بخجل وقالت .. نسيت اننا متطلقين

باس راسها وقال بحب... هردك ياليالي

وهما لسه مع بعض مراد تليفونه رن وكانت مرام اللي اول ما رد عليها قالت.... مراد اسفة بس مقدرتش اكمل في التمثيلة. انا قولت لليالي و

بس سمعت صوت ليالي جمبه ابتسمت وقالت.. لا دا احنا شكلنا اتصالحنا كمان.

وقالت بضحك... طب هسيبكو

وقفلت

ابتسم مراد بعدين بص لليالي وقال بخبث ... انتي كنت بتدخلي اوضتي وانا مسافر؟

لتعض ليالي على شفتها ب احراج وتبتسم بصمت

دخلت القسم وعلي مكتب زين عدل،دخلت قربت عليه وهي بتاخد نفسها وبتقول....زين الحق مرام

وقبل ما زين يتخض كانت كملت وقالت... مرام هتتجوز

رد وقال ببرود.... ماتتجوز.. انا مالي جاية تقوليلي ليه

مكانتش مصدقة رد فعله قالت.... بقولك هتتجوز ومش هتتجوز اي حد دي هتتجوز مراد قريبك

قال... مايخصنيش بردو

قالت بتعجب وهي هتتجنن... انت ازاي مش فارق معاك!!.. زين انت لازم توقفها. عشان

لتكمل بدون ما تحس..عشان حتي ابنكم ده.ذنبه ايه و

وفجاة سكتت بعد ما استوعبت اللي قالته. لينظر لها زين ويقول..ابننا

بلعت ريقها برعب وهي بتوبخ نفسها

وقف قرب عليها مسكها من دراعها وقال بنبرة خطيرة...ازاي. انطقي

بلعت ريقها بخوف لكن قالت بحسم...الولد يبقي ابنك مش ابن طارق. مرام كانت حامل وقت ما اتطلقتو

اتصدم وعيونه بقت بتطلع شرار

.....

امام النادي وقفت مرام بعربيتها، بصت لـ ابنها اللي كان معاها وهي بتقول ببتسامة.. وصلنا يا سولي

ثم فتحت العربية ونزلت منها وقبل ما تلف الناحية التانية لتأخذ طفلها، اتفأجات لما شافت زين واقف قدامها ساند علي عربيته

بصتله بصمت، ليقول :

“لو اللي عرفته طلع صح اقسم بالله ما هرحمك..والمرادي هعاملك قانوني.. صدقيني هسجنك انتي وابن ال******* اللي اتفقتي معاه علي اللعبة الو، سخة دي

وهو يرمقها بنظرات شر وتوعد لترتبك مرام وتبلع ريقها برعب

وقبل ما ترد عليه اتجه نحو باب عربيتها ، فتحها واخد الولد برفق شاله بين يديه واتجه لعربيته

لتقول مرام بغضب وجنون… سيب ابني. انت واخده علي فين

ولكنه تجاهلها مردش عليها، ليبدأ الولد بالبكاء ويقول.. ماما

ليقول زين وهو يصطنع اللطف والحنان… متخافش يا حبيبي

وهو بيقعده داخل عربيته ويقفل الباب ويتجه الناحية التانية يركب ويسوق بأقصي سرعة

تحت زهول مرام اللي واقفة اللي لم تسطتيع التصرف من صدمتها وارتباكها

فتحت عربيتها بسرعة اخدت تليفونها طلبت الحاج همام اللي كانت يدوب لسه راجعة من عندو بعد ما قابلته و اللي اول ما رد عليها قالت ببكاء.... ليه يا انكل قولتلو بسرعة كده. طب ليه مفهمتهوش

مكانش الحاج همام فاهم حاجه، قال... اهدي يابنتي وقوليلي ايه اللي حصل.

قالت ببكاء... زين قابلني دلوقتي واخد مني الولد وهددني. حضرتك اللي قولتله. طب ليه و

ليقاطعها الحاج همام ويقول... يابنتي انا مقولتلوش حاجة. انا كنت لحقت..

ليتنهد ويقول... طب اقفلي وانا هكلمه

قفلت مرام وقعدت تبكي في العربية وهي خايفة جدا من اللي ممكن يعملو فيها زين

...

اما عند زين دخل المستشفى وهو شايل الولد اتجه لدكتور التحاليل وقال … عاوز اعمل تحليل ال D NA

.....

مرام رجعت البيت وهي بتبكي، اهلها اول ما شافوها اتخضوا وقامو قربوا عليها و هم بيقولوا..... في ايه مالك في ايه

لتقول ببكاء.... زين اخد مني سليم

ابوها قال بغضب.... وياخده بتاع ايه

مرام سكتت