رواية جمعتهم الأقدار الفصل الحادي والثلاثون حتى الفصل الرابع والثلاثون بقلم الكاتبه فريده أحمد حصريه وجديده على مدونة النجم المتوهج للروايات والمعلومات
 |
رواية جمعتهم الأقدار الفصل الحادي والثلاثون حتى الفصل الرابع والثلاثون بقلم الكاتبه فريده أحمد حصريه وجديده على مدونة النجم المتوهج للروايات والمعلومات
هتعملي ايه يامرام.. هتعرفي زين انك حامل؟
ودا كان سؤال صاحبتها ليها اللي قالتهولها بترقب وهما خارجين من عند الدكتورة بعد ما اتاكدت انها حامل
لترد عليها مرام وتقول.... اعرفه ايه. انتي هبلة!
ثم تكمل وتقول... مش لازم حد يعرف اصلا. حتي اهلي
لتقول صاحبتها بتعجب... ليه مش عاوزة تعرفي
لترد مرام بحسم وهي بتوقف جمب عربيتها وقبل ما تفتحها
قالت.... عشان هنزله.. البيبي ده لازم ينزل. ومش عاوزة حد يقف في طريقي ويمنعني.. فهمتي بقي ليه مش هعرف حد
قالت صاحبتها بصدمة... انتي بتقولي ايه يامرام.. انتي بجد عاوزة تعملي كده.. دا ابنك. عاوزة تقتـ ليه
لتقول مرام بانفعال.... انا مش عايزاه.. مش عايزة حاجة تربطني ب زين. افهمي بقا.
بس صاحبتها قالت... ايا كان مشاكلك انتي وزين يامرام.. مينفعش تقـ تلي ابنك.. انا مش هسمحلك بكده
ثم تكمل وتقول.... وبعدين مش يمكن البيبي ده اللي يصلح بينكم وترجعو
لتبتسم مرام بسخرية وتقول... نرجع
بعدين قالت.... هو انتي متخيلة ان انا وزين ممكن نرجع في يوم من الايام.... اللي حصل بينا يارنيا مينفعش يتصلح
في حجات لما بتتكسر مبتتصلحش وده اللي حصل ما بينا
لتقول رانيا... بس متاكده ان هو بيحبك وانتي كمان لسه بتحبيه علي فكرة ومتنكريش
لتقول مرام بقوة .... لو قلبي ده اللي هيخليني اضعف هطلعه وادوس عليه برجلي
......
في السرايا
قال الحاج همام لليالي وهو شايف زين نازل... اخوكي زين هيوصلك
وبعدين يقول ل زين.... خد اختك في طريقك معاك ياولدي وصلها الشركة
ليقول زين... نعم!!.. اوصلها فين. هو انا فاضي
وبيتجه ناحية الباب لكنه وقفه ابوه لما قال بحدة... استني عندك.. قولت خد اختك معاك
ليقف زين بضيق وليالي تقول... خلاص يابابا. ما انا قولت لحضرتك ممكن اخلي السواق يوصلني عادي
ليقول الحاج همام... لااه اخوكي اللي هيوصلك
بس زين قال... اوصلها ايه يابوي ولا سواق ايه. هي تنزل الشركة ليه من الاساس.
ليكمل بحزم ويقول...احنا معندناش حريم بتشتغل
للحظة ليالي خافت يمنعها لكن رد ابوها علي زين طمنها لما قال..... بس دي ملكنا اللي هتشتغل فيه. يعني مهتشتغلش عند حد غريب.
بس زين قال... مفرقتش يابوي... احنا معندناش حريم تخرج من البيت وتشتغل. الموضوع مفيهوش نقاش
ولسه هيتحرك يخرج
بس وقفه ابوه لما قال ...بس انا موافق ياولدي اختك تنزل وتشتغل. مادام مهتعملش حاجة غلط
زين بصلها وكانت هي تنظر له بانتصار.. بص ل ابوه وقال.. يابوي
بس الحاج همام قال بحزم... قولتلك انا موافق. ويلا وصلها في طريقك. ودا امر
...........
مرام في العربية، وقبل ما تطلع بصت لصاحبتها وقالت... مش هنبه عليكي تاني يارانيا.. بابي ومامي ما يعرفوش بحملي
لتقول رانيا بقلة حيلة... مع اني مش معاكي ابدا في قرارك ده.. بس متقلقيش
بعدين قالت... بس ياريت تفكري تاني قبل ما تندمي
قالت مرام.... انا عارفة بعمل ايه كويس وبعدين ما بندمش علي قرار باخده
بعدين قالت... المهم ابن الكلـب ايهاب والقذ، رة اللي معاه
عينك ما تغفلش عنهم.تراقبيهم يارنيا وتعرفي كل تحركاتهم
ثم تتنهد وتقول بغل.... مش هرتاح غير لما انتقم منهم
لتقول رانيا بغل هي الاخري فهي اكتر واحدة حاسة بمرام وباللي عملوه فيها ... انا اكتر منك. اتطمني هما كده كده بيتقابلو كتير. وهنوقعهم اكيد
..........
في شركة عاصي
عاصي قاعد في مكتبه مرجع ظهره لورا ومغمض عينه، فجأة اتفتح الباب بهدوء وكانت اخت مراته اللي لما شافته كده، قربت عليه بتمهل وميلت باسته
فتح عينه بمجرد ما شافها قال بغضب... انتي ايه اللي جابك هنا
قالت وهي بتقعد علي حرف المكتب وبتمد ايدها تعبث في زراير قميصه.. وحشتني قولت اعدي اسلم عليك.. هو انا موحشتكش
قام واتجه ناحية الشباك وقال... لا موحشتنيش.. امشي يا دينا ومتجيش هنا تاني
قربت عليه حضنته من ظهره وقالت... اخص عليك. مش عاوز تشوفني
لف ليها ومسكها من دراعها بغضب وقال... اتظبطي. واياكي تعملي الحركات دي تاني. فاهمة.. انا لحد دلوقتي مش عاوز ازعلك
قالت... هتزعلني عشان بحبك
قربت ليه اكتر وقالت... انا عرفت ان جوازك من بنت عمتك عشان تحميها يعني مبتحبهاش. انا كنت حاسه برضو... مدت ايدها تلمس وشه وقالت... عاصي انا بحبك اوي بحبك بجنون. بعشـ. قك. ليه مش حاسس بيا
وبتقرب شفا، يفها من شفا، يفه وبتحاول تبو، سه
بس هو دفعها ومرة واحدة. نزل علي وشها بقلم قوي
وقال بغضب... اخر مرة هحذ، رك
وهو بيشاور علي الباب.... امشيي
بصتله بدموع وهي حاطة اديها علي خدها واتجهت ناحية الباب وخرجت بسرعة
................
في شركة مراد
مراد خرج من مكتبه بعد ما سمع دوشة في الخارج. اتفاجأ وهو شايف مهندسة ديكور وعمال داخلين خارجين وهما بيجهزو مكتب لليالي زي ما طلبت
قال... ايه اللي بيحصل هنا
ف رد شخص من اللي بيشتغلو وقال... بنجهز المكتب الجديد ل استاذة ليالي. زي ما همام بيه أمر
ف بص ل ليالي اللي بصتله بتحدي وهو قرب عليها وقال... مكتب ايه ده
قالت ببرود... مكتب مديرة الشركة.
بعدين قالت... هو انا مقولتلكش
قال مراد... لا مقولتليش
قربت جمب ودنه وقالت... اصل انا هبقي مديرة الشركة دي. زيك بالظبط.
بعدت وكملت... يعني مفيش قرار هيتاخد يخص الشغل هنا غير لما اكون بعلم بيه. لا ولازم اوافق عليه كمان
ابتسم بسخرية وقال... دا الكلام حقيقي بقي
قالت... امم
وبصت للعمال وقالت وهي بتتجاهله... حطلي التابلوه ده هنا.. اه فوق المكتب بالظبط
.......
تاني يوم
في جنينة السرايا
كانو واقفين التلاتة زين وعاصي ومراد. كل واحد فيهم شارد في مشاكله
زين واقف بيدخن سيجارة ومراد زييه
عاصي قاطعهم لما قال... عارفين انا مش قلقان غير من ايه
بصولو باهتمام فقال... خايف يطلعلي اخت من تحت الارض انا كمان
ابتسمو غصب عنهم وهو قال وهو بيشاور علي مراد.. ومش خايف غير من ابن ال...ده اللي داير يلم في بنات العيلة التايهين
مراد بصله بغيظ وقال... دا عشان تعرفو اني فيا شئ لله، ربنا بيوقعم في طريقي
قال زين باستهزاء... ده من قوة ايمانك بس، ربنا بيصخرك ليهم
..........
بعد اسبوع...
فتحت حلا باب اوضة عاصي ودخلت تصحيه بعد ما جهزت عشان يوصلها الجامعة، بس هو كان صحي وفي الحمام بياخد شاور
قربت من باب الحمام وقالت... عاصي. انا جهزت..
بعدين قالت.... خد بالك انت بتاخرني علي فكرة
ليقول عاصي من جوا.... مش تحمدي ربنا اني بوافق اوديكي
قالت.. وانت عايز تعترض كمان
قال بهزار .... انا مش عارف عملت ايه في حياتي عشان ربنا يبليني بيكي. هو انا ليه حاسس اني كنت مخلفك وناسيكي
مثلا
كانت عارفة انه بيهزر فقالت... قاعدة علي قلبك وهتوصلني كل مرة برضو
ابتسم وهو جوا وهي راحت قعدت علي السرير تستناه
بس لفت نظرها صورة مراته اللي علي السرير
هي عارفة انه دايما بينام وهو حاضن صورتها. شافته اكتر من مرة، بس الغريب انها في المرة دي اتضايقت جدا وكانت حاسة بغيرة متتوصفش، هي نفسها مكانتش فاهمة هي غيرانه ليه وتلقائي قامت وهي متضايقة وراحت اوضتها
وقفت قدام المراية وهي بتقول لنفسها... مالك يا حلا غيرانه ليه. انتي مبتحبيهوش
وده اللي كانت بتقنع نفسها بيه
اتنهدت وقالت في نفسها ... اهدي كده. انتي كنتي عرفيته من امتا عشان تلحقي تحبيه يعني
وبقت تطرد الاحساس ده من دماغها
لحد ما دخل عاصي وقال.... مأخرتش الهانم اهو. يلا
بس هي بصتله وقالت بجمود... انا متشكرة. مش عاوزاك توصلني انا هنزل مع مراد اخويا
رفع حاجبه وقال... مراد واخوكي. دا احنا مبقناش عندنا مشاكل خالص وبنقولها عادي اهو.. من امتا التغيير ده. رضيتي عن مراد امتا
قالت... هو مش اخويا برضو.
بعدين قالت... وبعدين مش عاوزة اتقل عليك واتعبك..انا هنزل معاه هو هيوصلني
اعتقد انها زعلت من كلامه بس هو كان بيهزر معاها كعادته
فقال... انتي زعلتي مني. مانتي عارفة بهزر معاكي
بعدين قال... يلا قدامي وبطلي هبل
بس هي قالت بعصبية.... قولتلك مش هنزل معاك
........
في شقة علي النيل
وتحديدا في اوضة النوم كانت شيري وايهاب اللي كانت محاوطة رقبته قالت بحب.... متعرفش واحشني قد ايه
قال وهو بيلمس شفايفها بصباعه... ماحنا كنا لسه مع بعض من يومين. لحقت اوحشك
قالت... انت سافرت فترة متعرفش كنت مشتاقة ليك قد ايه
قربت باسته علي شفا. يفه وقالت... عشان كده مش شبعانة منك ابدا
نزل ايدها وقال بسخرية ... عشان كده اتجوزتي
بس هي قالت بسرعة.. انت عارف. بابي اجبرني
وبضيق كملت... عشان البيزنس بتاعه. ما انت عارف ليه مصالح رأفت الحكيم عشان كده جوزني ابنه
كملت بشرود وقالت... بس مش هرتاح غير لما اطلق. انا مبحبوش.
وبقت تقرب ليه اكتر وتقول وهي بتعبث في زراير قميصه... انا بحبك انت وهموت عليك انت
وبتفتح في زراير قميصه وكل زرار تفتحه تقرب تبوس مكانه بتمهل
لحد ما خلته مبقاش مستحمل
زقها بخفة علي السرير اللي وراها وقرب عليها و
..
بعد وقت سمعو خبط جامد علي الباب. قامو اتخضو وفجاة بصو البوليس هجهم علي الشقة. والظابط بيقول هاتوهم
الثاني والثلاثون
دخلت مكتب الظابط وهي ملفوفة بالملاية، منزلة راسها في الارض، لتتأملها مرام بملامح ساخرة وتقول ببرود... قربي ياشيري
لتتفاجأ شيري وترفع وشها بلهفة وتقرب عليها وتقول باستنجاد... مرام. الحقيني يامرام
بس مرام كانت بتبصلها بملامح باردة، قالت.. اقعدي
وهي بتشاور لها علي الكرسي اللي قصادها
بعد ما الظابط خرج
قعدت شيري وهي بتبكي، بصتلها وقالت... شوفتي حصلي ايه
وتترجاها وتقول... كلمي باباكي يامرام هو يقدر يخرجني
ولكن مرام بعد ما اتجاهلت طلبها قالت ... انتي ازاي عملتي كده.
وتصطنع التعجب وتقول... هو انتي كنتي لسه علي علاقة ب ايهاب اصلا
نزلت شيري راسها في الارض بإحراج ومبقتش عارفة ترد
لتكمل مرام وتقول.... دانا لسه عارفة بخبر جوازك من يومين. وانك متجوزة يدوب من شهر.. لحقتي تخو، ني جوزك.. انا مش عارفة اقولك ايه بصراحة
لتقول شيري بخفوت....عارفة اني غلطت
وبعدين تبصلها بترجي وتقول.... اوقفي جمبي يامرام. متسبنيش اتحبس
ثم تكمل بترقب... انتي اكيد مش هتتخلي عني صح
وهي معتقدة ان مرام موجودة عشان توقف جمبها، فهي متعرفش ان مرام هي السبب في دخولها القسم من الاساس
ولكن تفاجأها مرام وتقول ..... ازاي عاوزاني اساعدك تخرجي من هنا وانا اللي بلغت عنك اصلا
لتنصدم شيري بشدة وتقول.... انتي
وهي بتحاول تستوعب ولكن مرام تأكدلها تاني لما هزت راسها بتأكيد وتقول..... ايه رايك. عجبتك مفاجأتي. ما هو كان لازم اردلك الجميل
كانت شيري مزهولة حرفيا.. مكانتش عاملة حساب اللحظة دي او علي الاقل في الوقت ده.. فهي كانت معتقدة ان مرام متعرفش باللي عملته فيها من الاساس
لتقول مرام.... فكراني لسة متغفلة ومعرفتش باللي عملتيه ياسا، فلة.. بقي بتخر، بي حياتي وتدمريني .. كل ده عشان ايه.. عشان السواد اللي جواكي مني
لتكمل وتقول بقوة وجبروت... بس اظن انتي اكتر واحدة عارفاني. وعارفة ان برد القلم عشرة.. مبروك عليكي الفضيـ، حة ومبروك عليكي السجن ومبروك عليكي طلاقك.
.. انا عرفت ان جوزك طلقك بعد ما عرف انهم جابوكي من السرير وانتي في حضن واحد ياقذ، رة.. طلع راجل والله
قامت وقالت بسخرية ... اتمنالك اقامة سعيدة هنا
وبتتحرك عشان تخرج، بس شيري جريت عليها مسكت ايدها وبقت تترجاها ببكاء وتقول... لا يامرام.. متتخليش عني. ابوس ايدك خرجيني
وهي تحاول تمسح دموعها وتهز راسها وتقول... انا عارفة اني غلطت في حقك واستاهل الد، بح.. بس بلاش الفضيحة. عشان خاطري يامرام.
وهي تبكي بشدة.... ارجوكي
وبعدين تقول... بصي انا مستعدة احكي ل زين كل حاجة واقوله انك بريئة واني انا اللي عملت كده وايهاب وحسام كانو متفقين عليكي. هحكيله كل حاجه. بس متتخليش عني
وهي ماسكة ايدها وبتترجاها بدموع
ولكن مرام تشد ايدها منها بقسوة وتقول بسخرية... وانتي فاكرة اني محتاجة اعترافك.
ثم تكمل بغل... ولا فاكرة لو عملتي كده ده هيشفعلك عندي
وكانك معملتيش حاجة ويبقي كده حقي رجع
ثم تنظر لها بشماته وتقول.... اللي انتي فيه دلوقتي ده هو اللي يشفي غليلي.. طلاق وفض، يحة وحبس. اشربي
ثم تنظر لها بتشفي مرة اخري وتخرج،، لتصر، خ شيري بانهيار وتقول.... لا يامرررااام متسيبنيش يامرررام حررام عليكيييي. يامرررراااام
ولكن مرام خرجت وسابتها غير مبالية بصريخها وتوسلاتها
كانت خارجة من القسم بترفع وشها اتفاجأت بزين اللي كان
داخل مكتبه واللي كمان اتفاجأ بيها
بصتله بصمت و
...
في السرايا
وخصوصا في اوضة سها
سهي قاعدة في سريرها شاردة،، كل اللي بتفكر فيه ازاي تجلب زين ليها قبل ما يفكر يطلقها او يرجع لـ مرام
بقت تقول في نفسها بإصرار... استحالة اديله فرصة يطلقني او يتجوز غيري.او يرجع حبيبة القلب.. هعمل المستحيل لحد ما يحبني ويكمل معايا انا. انا وبس
وفي اللحظة دي تسمع رنة تليفونها لتسحبه من علي الكومود اللي جمبها وبمجرد ما تشوف المتصل تنفخ بزهق وترد بضيق
.......
: انتي اللي عملتي فيهم كده؟
قالها زين لمرام وهو واقف معاها لترد وتقول... متعودتش اسيب حقي
ليقول زين بعد ما ينظر لها بإعجاب بسبب قوتها... برافو عليكي
بس هي كان واضح ان في حاجة شاغلة ذهنها، هو فهمها، فسالها... مالك؟
اتنهدت وكأنها نسيت اللي حصل بينهم وقالت... ايهاب.. طبعا مش هياخد حكم
ثم تقول وهي حاسة ان لسه انتقا، مها مخلصش... انا عارفة
ان القانون مش بيعاقب الراجل علي الز، نا الا لو متجوز وخا، ن مراته في مسكن الزوجية.
ثم تكمل وتقول بوهن... وايهاب لا خا، ن مراته ولا متجوز من الاساس
بس فاجأها زين لما قال... مين قالك انه مش هيتحبس
بصتله باستفهام فقال.... اه مش هياخد حكم في القضية دي. بس هياخد في قضية تانية
بصتله بترقب وهي بتحاول تفهم يقصد ايه فقال... انا محضرله مفاجأة في انتظاره من وقت مانزل مصر ومن الليلة هيبات في الحجز جمب صاحبه
قالت بلهفة.. بتهمة ايه
ليقول زين.... مش انتي عارفة انه بيتاجر في غسيل الاموال
هزت راسها وقالت... اه صح
فقال زين.... دي قضية مش هياخد فيها اقل من سبع سنين
كمل وقال... كل الادلة والاثباتات عندي يعني لو وكل اكبر محامي مش هيعرف يخرجه منها
بقت تبصله بتعجب، ازاي برغم كل المشاكل اللي حصلت بينهم ومتجاهلش حقها وصمم ينت،قم، ليها حتي بعد ما انفصلو
فهم نظراتها ليه فقال.... كان لازم اخد حقك يامرام
.......
اما في السرايا
ردت سهي بضيق وقالت... ايوا يا بوي. عاوز ايه، بتتصل ليه يعني
قال ابوها... محتاج فلوس ياسهي يابتي. انا واقف مستنيكي تحت في الجنينة اهاه
نفخت بزهق وقالت بسخرية .... اه صحيح. وانت بتفتكرني غير عشان الفلوس
ليقول ابوها... ما انتي عارفة يا بتي الحال ضايق بيا اليومين دول و
لتقاطعه وتقول بضيق.. نازلالك.. سلام
وتفتح الدرج وتاخد فلوس وتسحب طرحتها وتنزل علي الجنينه
وبدون سلام ولا كلام ترزع الفلوس في ايده وتقول... خد عالله متخلصهمش في يومين. كانك بتشفتهم.. انا مش بشتغل. امسك ايدك شوية انت والسنكوحة مراتك
ليقول ابوها... بتزلينا يابنت الكلب عشان بتصرفي علينا
لتقول بسخرية... والله اشتغل ومتلجأليش
......
عند سميحة
زين واقف بيدخن بشرود
جات سميحة وقالت... توك ماافتكرتني يابن بطني
لف ليها وقال... ما انتي عارفة ياما الشغل واخد كل وقتي. انتي عاملة ايه
قعدت وقالت زي ما انت شايف.. ابوك طلقني وسيرتي بقت علي كل لسان واللي يسوي واللي ميسواش بيلسن عليا.
لتكمل وتقول بغضب.. شوفت امك علي اخر الزمن
ثم اضافت بتعالي ... اناا اللي مكانش حد يستجري يرفع عينه فيا.. يتعمل فيا كده
وهي بتاكل في نفسها من الغيظ والغضب
بصتله وقالت بسخرية.... قولتلي انك هتتصرف. معملتش حاجة يعني
قال... هعمل ايه ما البت طلعت بنته.
قالت بدون ماتحس ... ما احنا عارفين انها بته
ولكن تدرك اللي قالته وتسكت فجأة وهي بتلعن نفسها
فيبصلها زين بشك ويقول... يعني انتي كنتي عارفة انها بنته
وبعدين يقول بعد ما يربط الاحداث ببعضها... يعني الست اللي ابويا جابها مكانتش بتتبلي عليكي. انتي عملتي كده فعلا.. انتي اللي هربتيها زمان
قالت بتلجلج.... لاااه. كلام ايه ده.. وانا مالي هي اللي طفشت...ياولدي دي ولية كدابة اذا كانت هي ولا اللي ماتتسمي مرات ابوك..دي اكيد متفقة معاها ومقبضاها عشان تقول كده.
ثم تصتنع الطيبة وتقول... انا معملش كده ياولدي. انت مصدقني.. صوح
وهي بتبصله بترقب خايفة يكون صدق فيها، ساعتها مش هتكسب تعاطفه معاها
بس هو مردش لكن قال... هحاول اخلي ابويا يردك
قالت بسرعة ... والقرشانة اللي جابها هي وبتها. هتسيبهم
قال... دي مش هقدر اتصرف فيها... كنت شاكك انها بنته. بس لما اتاكدت مش هينفع اعمل حاجة
بصتله بغيظ وبعدين اتنهدت وقالت... المهم.. انت دخلت علي سهي ولا لسه
بصلها شوية وقال.. كده كده هطلقها ياما بنت اختك متلزمنيش
قالت بعصبية... امال مين اللي تلزمك..انت مش طلقت الغندورة
ثم تتكلم بهدوء وتحاول اقناعه وتقول ... اسمع يازين سهي بتحبك. تمم جوازك منها ياولدي وخلف منها..مش احسن من الخا، طية اللي كنت متجوزها
ولكن قاطعها زين بغضب لما قال ... يامااا
وبتحذير...مش هسمحلك تتكلمي في شرفها تاني.. مرام اشرف من الشرف
لتقول سميحة بسخرية.... ولما هي شريفة. طلقتها ليه
بس هو قال... عشان حاولت تقل مني. لكن مرام شريفة
وبتحذير لاخر مرة... اخر مرة تيجبي سيرتها بالباطل
و سابها بعد ما اخد مفاتيحه ومشي
.....
اما سهي بعد ما ابوها اخد الفلوس ومشي طلعت اخدت حاجة ونزلت وخرجت من السرايا بعد ما اتاكدت ان محدش شافها وهي خارجة
بعد شوية وصلت مكان مخيف، ناس شكلهم يرعب
ستات كتيرة ماليين المكان
بلعت ريقها وهي بتقرب من الست المسؤلة عن المكان وقالت... ب بلغي الشيخ اني جيت وجبت الحاجة معايا
لتنظر لها الست بريبة وتقول.... خليكي مكانك
ودخلت وبعد شويه خرجت وهي بتقولها... اهم حاجة. جبتي الفلوس
هزت سهي رسها والست قالت...ادخلي
مدت سهي رجلها ببطيئ وهي بتبلع ريقها من رهبة المكان ولكن افزعتها لما قالت... اااخلصي ياختي.. غيرك مستني دوره
سهي.. حاضر. حاضر
ودخلت برعب
قاعد في الضلمة قدامه نا،، ر ودخان
شاورلها بصمت بمعني تقرب
قربت برعب
قال.. جبتي القطر
قالت... جبته جبته... اهو
وهي بتديهوله
قال... فين الفلوس
طلعت من شنطها رزمة فلوس وهي بتديهاله قالت... اهي
قال.. اقعدي قدامي
قعدت. وبعدين قالت... والنبي ياشيخ. طمني انه هيجيب مفعول ويحبني زي ما بحبه
وكملت... وو كمان خليه ميتجوزش غيري ولا يطلقني وميرجعش مراته و
قاطعها لما قال.... اسم امه ايه
...
تاني يوم
حلا خارجة من الجامعة. اتفاجات ب وائل ابن عمها، اللي قال
ببتسامة شر... يا اهلا بالغالية
بلعت ريقها برعب وهو قرب منها مد ايده علي شعرها وقال بحب.. وحشتيني يابنت عمي
و سحبها من ايدها وهو بيقول... اتاخرت عليكي انا عارف
قالت بغضب... سيبني ياحيوان..
وبتحاول تخلص نفسها من ايده
بس هو قال بغضب..ششش
ودخلها العربية رغما عنها
الثالث والثلاثون
وفي وقت ما كانت حلا خارجة من باب الجامعة. اتفاجات بـ وائل ابن عمها، اللي قال ببتسامة شر... يا اهلا بالغالية
بلعت ريقها برعب ومبقتش قادرة تنطق ولا تتصرف ازاي
وهو قرب منها وبهدوء مريب مد ايده علي شعرها وقال بحب.. وحشتيني يابنت عمي
وسحبها من ايدها وهو بيقول... اتاخرت عليكي انا عارف
بس هي برغم خوفها مثلت القوة وقالت بغضب... سيبني ياحيوان..
وبتحاول تخلص نفسها من ايده
قال بغضب..ششش
وهو بيرمي سيجارته اللي اخد منها اخر نفس و بعدها داسها برجله وفتح باب عربيته وهو بيقول بغضب... اركبي ياروح امك
وبيزقها في العربية، بس هي اتسمرت مكانها ودفعته بقوة وقالت بغضب.... لو فاكر انك هتقدر تاخدني معاك غصب عني تبقي غلطان
قرب ليها وقال بسخرية ... انتي شايفة كده.. يعني انتي اقوي مني مثلا
لسه هتتكلم قال... طب امشي معايا بهدوء بدال ما افرج عليكي الجامعة
بس هي كمان قالت بقوة ... دانا اللي هصرخ وهلم عليك الناس دلوقتي
ولسه هتصرخ كتم بوقها وقال بغضب مكبوت ... كنتي هتعملي ايه ياروح امك...بس تمام كله بحسابه. وحسابك عمال بيتقل.. بس متقلقيش هحاسبك علي كل تصرفاتك من اول هروبك من البيت وجوازك من ورانا لحد اللحظة دي
وبيسحبها من ايدها بحدة ويقول...ادخليييي
هنا كانت خلاص خارت قوتها ومبقتش قاردة تمثل القوة فهي مرعوبة اصلا. هي كانت متيقنة انه مش هيرحمها، قالت بدموع ورعب.... ارجوك سيبني. ارجوك يا وائل
بس كانت عارفة انه استحالة هيسبها بعد ما حصل عليها اخيرا
لكن حاولت تقنعه يسيبها لما قالت .. بص هتطلق وهرجع. بس سيبني دلوقتي ارجوك. انا عاملة عليك صدقني
بصلها بسخرية ف هزت راسها وقالت.... اه دول ممكن يقطعوك. اسمع مني هما اساسا متستحلفين ليك
بس هو قال... انا مبخافش من حد ياروح امك.. هترجعي معايا وانا اللي هطلقك منه بنفسي متقلقيش.
في اللحظة دي وقفت عربية قصادهم ونزل منها ثلاث رجال
شهقت حلا وهي شايفاهم بيقربو عليهم لما افتكرت انهم رجالة تبع وائل وجايين يخادوها، بس اللي حصل كان غير متوقع، ف الرجال اخدو هما وائل لما في لحظة كانو سحبوه وهما بيقولو.... معانا ياروح امك، ملحقش وائل يدافع عن نفسه ف كانو في لحظة دخلوه العربية وركبو وطلعو بيها
حلا كانت واقفة عيونها مفتوحة علي اخرهم من الصدمة. بتحاول تستوعب اللي حصل.. بس اعتقدت انهم اعداء وائل
او الناس اللي بياخد منهم المخدر،، ات ف وائل في الاساس مد، من ف ظنت انه مثلا عليه فلوس ليهم او بينهم خلافات عشان كده اخدوه بالطريقة دي وهيتحاسبو وبعدين يسيبوه
زي كل مرة
ورجعت لخوفها تاني من ان وائل مش هيسيبها واذا كان متوفقش المرادي في انه يخطفها ف اكيد هيحاول تاني
...........
في كافيه
كانت قاعدة مرام بتشرب قهوة بشرود لتتفاجأ بصوت أليف بيقول... ده ايه الصدف الحلوة دي
رفعت وشها وقالت باستغراب... طارق
وده بيكون فرد من نفس الشلة اللي كانت مصاحباهم وفي نفس الوقت بيكون كمان ابن خالتها
سحب كرسي وقعد وقال.. عاملة ايه
قالت... تمام
: سيجارة
قالها بعد ما طلع سجايره ولع لنفسه وبيمدلها تاخد
بصتله وبعد تردد مدت ايدها اخدتها، حطتها بين شفايفها وهو بدوره قرب ايده ليها بالولاعة لتأخذ مرام نفس من السيجاردة وبعدين تنفخه بهدوء في الهوا
لسه هتاخد نفس تاني رجعت نزلتها وطفتها وهي بتفوق نفسها،
غمصت عيونها وهي بتقول في نفسها.. مش لازم عشان اتخذلتي ترجعي للي كنتي فيه يامرام. فوقي
وفتحت عيونها وهي بتحسم امرها ان الطريق ده مش هترجعله تاني ابدا
اخدت تليفونها وشنتطها اللي كانو علي الترابيزة وقررت تسيب المكان وقبل ما تقوم
وقفها طارق اللي هو كمان كان شارد فيها لدرجة ماخدش بالو انها كان ماشية..
طارق كان بيحضر للي عاوز يقولهولها ومش عارف يبتدي منين. لكن شجع نفسه وكان مرة واحدة قالها... ما تيجي نتجوز يامرام
ودي الجملة اللي قعدتها تاني في مكانها بصدمة وقالت... نعم!!
قال... انتي عارفة اني بحبك من زمان. طول عمري بتمناكي.
مد ايده يلمس ايدها وبصلها وقال..فكري في عرضي يامرام
بس هي سحبت ايدها وقامت بهدوء ومشيت
وهو بقي يبص علي اثرها بشرود ويقول في نفسه بإصرار مش هسيبك تضيعي من ايدي تاني
.....
دخلت حلا شركة عاصي وهي بتبكي قربت علي السكرتيرة وهي بتقول بلهفة... عاصي هو فين. فين عاصي
وقبل ما السكرتيرة ترد كانت جريت علي مكتبه فتحته، بمجرد ما شاف منظرها ده قام اتخض وهي جريت عليه حضنته وكأنه امانها
مكانش فاهم هي مالها بس ضمها ليه
وهو بيقول بقلق.. مالك ياحلا. في ايه. ايه اللي حصل
بس هي كانت رافضة تتكلم، بس ماسكة في حضنه وبتبكي
رفع وشها اللي مليان دموع وقال بقلق... ايه اللي حصل. حد عملك حاجه. حد ضايقك. اتكلمي
قالت... انا خايفة
قال باستفهام وقلق... من ايه
واخدها علي الكنبة وهي لسه ماسكة في حضنه وهو بيقول.. تعالي
وقعد وقعدها في حضنه.. مرر ايده علي شعرها وهو بيمسح بإيده التانية دموعها، قال ... يلا قوليلي. ايه اللي حصل يخليكي بالحالة ده
طبعا عاصي مجاش في دماغه واحد في المية ان وائل قابلها
لانه هو اللي كان مكلف الرجالة بخطفه وكان جاله تليفون من رجالته ان كل شئ تمام وانهم خطفوه وهو دلوقتي موجود في مخزن تبع عاصي. كمان اللي خلاه ميشكش فيه ان الراجل بتاع عاصي لما بلغه مقالش علي المكان اللي خطفوه منه اللي هو قدام الجامعة ولا قاله انه كانت واقفة معاه بنت، يعني محكاش تفاصيل، ودا بسبب ان الراجل ميعرفش حلا اصلا
يعني لما شافوها مع وائل ميعرفوش ان دي مرات عاصي ولا قريبته
: اتكلمي ياحلا. مالك. ايه اللي مخليكي خايفة وبتترعشي كده
قالت وهي بتترعش... هو. هو..
قال وهو بيضمها ليه وبيهديها...شش اهدي واتكلمي
في اللحظة دي الباب اتفتح ودخلت واحدة في اواخر العشرينات شيك جدا ودي بتكون شريكته
واللي كانت دخلت وهي بتقول... جيت بدري اهو قبل ما الميتنج يبتدي
وقربت تصافحه ولكن مكتفتش ب الايد، مالت عشان تبوسه
عاصي اتفاجأ من تصرفها. هو عارف انها جرئية. بس هو دايما حاطط حدود و معاملته معاها بتكون في اطار الشغل فقط. فعشان كده اول مرة تتجرا وتتصرف كده معاه،
اما حلا فصدمتها مكانتش تتوصف. مش مصدقة البجاحة اللي شافتها من شريكته، كمان اتوقعت ان ده بيحصل في الطبيعي وان عاصي بيتعامل كده مع الستات عادي
لقت نفسها بتقوم وتقول... انا ماشية
بس عاصي وقفها وقال... ماشية فين
واتجاهل شريكته خالص اللي كانت واقفة بتبصلها من فوق لتحت ومستغربة لهفة عاصي عليها، هي كمان ما تعرفش ان حلا تبقي مراته
فقالت.... مش تعرفنا
بصلها بحدة بسبب حركتها معاه وقال... حلا تبقي مراتي
هو قال مراته عادي بما ان حلا فعلا مراته مش انه خايف علي مشاعر حلا مثلا لانه مجاش برضو في دماغه ان حلا هتغير من الموقف اللي حصل ده
حلا قالت... عن اذنكم
وخرجت بس عاصي خرج وراها يلحقها و
.......
في فيلا والد مرام
كانو متجمعين علي السفرة
نزلت مرام، قربت من بابها ومالت باسته وقالت... لسه زعلان مني يابابي
قال... مفيش اب بيزعل من بنته
وكمل بحدة... بس نفوق لنفسنا بقا ونبعد عن الطريق الغلط
اديكي شوفتي اخرته
هزت راسها بحزن واتنهدت وقالت... اكيد يابابي مش هرجع تاني
سالي قالت... بس بنتك ايه يابابي بمية راجل في يومين اتنين اخدت حقها من اللي اذوها بتهم ايه معتبرة
وبصت لمرام وقالت...طول عمرك قوية. جدعة يابت
صافي مامتهم قالت بتشفي... مبروك عليهم الحبس والفضيحة.
وبغل... ولو انهم يستاهلو اكتر من كده بعد اللي عملوه في بنتي..دمروها وخربو حياتها دول يستاهلو الحر،، ق مش سجن بس
بصت سالي لـ مامتها عشان نفسية مرام وقالت... خلاص بقي يامامي مش لازم نفتكر اللي فات
اما مرام بصت لـ باباها وقالت... بابي كنت حابة اسافر
بصلها شوية وقال... ليه وفين
قالت... عاوزة اشتغل.. هسافر امريكا امسك شركتنا اللي هناك. ممكن
وقبل ما يرفض قالت مامتها.... فكرة حلوة. انا معاكي في القرار ده ياقلب مامي
وبرغم انها صعب عليها فراق بنتها بس كانت شايفة ان السفر ليها والشغل هو اللي هيخليها تتخطي اللي حصلها
وبصت لـ رفعت وقالت...ايه رأيك يارفعت
بس رفعت مكانش مقتنع، قال... وليه متشتغلش هنا. لازمته ايه تسافر وتتغرب وتبقي لوحدها
هو كان قلقان عليها وده الطبيعي
قالت مرام بسرعة... يابابي متخافش عليا انا مش صغيرة
والشركة اللي هناك محتاجة حد مننا يدريها وحضرتك عندك شغلك في الداخليه. ومامي مينفعش تسافر. سالي عندها ابنها وجوزها.. اما انا اهو فاضية ف ليه مسافرش انا
.. عشان خاطري يابابي
الي حد ما اقتنع. فهو كمان حس ان ده اللي هيحسن نفسيتها .. هز راسه وقال.. موافق
وبصلها وقال...عشان واثق فيكي
فهمت مغزي كلمته فقالت... ان شاء الله هكون قد ثقة حضرتك متقلقش يابابا
........
في السرايا
وفاء في اوضتها واقفة قصاد الشباك شاردة
دخل همام بهدوء. قرب عليها وقال... لسه برضو ما عايزاش تتجمعي معايا في اوضة واحدة
لفت ليه بصتله بصمت وهو بقي يتأملها بحنين واشتياق ويقول.... ياااه ياوفاء.. ايام وليالي وشهور وسنين عايش معاكي بروحي بس. مش مصدق اني لقيتك من تاني وشايفك قدامي
اخيرا نطقت وبصتله وقالت .. انت وحشتني
وبدون مقدمات اترمت في حضنه و لاول مرة بعد حرمان سنيين كتيرة
غمضت عيونها وهي بتقول.... وحشتني ياهمام. اووي
مكانش مصدق ف من وقت ما اتقابلو ما سمحتش ليه يلمس ايدها حتي كان عندها رهبة ومستغربة ومكسوفة، 25 سنة بعد، مدة مش قليلة ابدا.
مكانش مصدق انها خلاص شالت الحاجز وبقت معاه وفي حضنه
ضمها ليه بسعادة متتوصفش وقال... انا اللي اتوحشتك جوي يابت قلبي
ابتسمت في حضنه علي تسمته ليها اللي كان دايما يقولها .. قالت.. لسه بنت قلبك
قال وهتفضلي طول العمر
رفع وشها وقال وهو بيتأمل ملامحها اللي محفورة جواه..طول عمرك بتكبري تصغري ياوفاء. لسه زي ما انتي كانك بنت عشرين
ابتسمت بخجل وقالت... بتبالغ علي فكرة
قال... لاه مببالغش. دي الحقيقة. انتي اصبي من بتك اللي تحت دي
....
اما ليالي كانت طلعت وماشية باتجاه اوضتها بس اتفاجات باللي بيسحبها
وكان مراد اللي دخلها اوضته وهو كاتم بوقها
.......
و عند سميحة
كانت واقفة في اوضتها بتبص علي الجنينة من شباك اوضتها بشرود وهي بتقول في نفسها.. ايه يا سميحة. هتسبيها كده تاخد مكانك.
رجعت قالت بإصرار.. لاااااا.. ده بعدها.
لفت وقالت بشر... مبقاش سميحة ان ما نهيت عمرها بت الكلب. المرادي لازم تمو، ت
وبقت تفكر ازاي هتـ قتلها
....
عند سهي دخلت اوضة زين قبل ما يرجع. قربت علي السرير حطت العمل تحت المخدة وهي بتقول... قريب اوي هتكون معايا. معايا انا وبس ياحب العمر
الرابع والثلاثون
طلعت ليالي وهي ماشية باتجاه اوضتها اتفاجات باللي بيسحبها وكان مراد اللي دخلها اوضته وهو كاتم بوقها
قفل الباب بالمفتاح وهي بصتله بغضب وقالت بعصبية...
انت ايه اللي عملته ده ياحيو..
بس قاطعها لما قال... شش. اووعي. اقطعلك لسانك
و قرب أحتجزها بينه وبين الحيطة وقال.. خليكي هادية كده
عشان نتبسط احنا الاتنين
بلعت ريقها وقالت بتوتر... خرجني يامراد. عايز مني ايه
قال وهو بيتفحص جسـ مها... عايزك
اترعبت وبلعت ريقها بخوف من اللي فهمته وقالت... مراد. اعقل.. انت مش هتلمسني. فاهم
قال ببرود.... انا جوزك ويحقلي المسك في اي وقت.. وانا دلوقتي عايزك
ومال عليها دفن راسه في رقبتها
بس هي بقت تترجاه وتقول.. مراد ارجوك. ارجوك ابعد.
وبدموع... بلاش عشان خاطري
بعد وبصلها لقي دموعها نازلة... قال بسخرية... للدرجادي
قالت وهي بتمسح دموعها... افتحلي الباب خليني اخرج
بس هو قال... مفيش خروج الليلة من اوضتي ياليالي
قالت... يعني ايه
قال... يعني هتباتي في حضني الليلة
قالت بغضب... وانا قولتلك انسي انك تلمسني تاني. مش
هسمحلك يامراد
كملت وقالت... وياريت تخلص وطلقني بقا.. لاني استحالة هكون ليك فاهم
اتضايق جدا لكن قال.. وانا ما بطلقش
قالت.... يعني ايه
قال بسخرية بعد ما اتحرك وهو بيفك زراير قميصه عشان ينام... يعني لو خايفة اقربلك متقلقيش. انا مباخدش واحدة غصب حتي لو مراتي.. لكن اطلقك دي بمزاجي
قال بغضب... هطلقني غصب عنك.
كملت بسخرية وقالت... وانت عارف.. بابا يقدر يخليك تطلقني من بكرة
رد عليها وقال بسخرية اكبر...... بابا. الله يرحم.. دلوقتي بقيتي قوية وبتتحامي في ابوكي
قالت ... دا عشان ربنا اراد اني ما اتزلش لواحد زيك يبيع ويشتري فيا
بصلها شوية وقال... ليه ياليالي مش عاوزة تسامحيني. قولتلك اني بحبك وعايزك. كنت مستعد اعملك كل اللي تطلبيه واجبلك كل اللي تعوزيه حتي من قبل ما اعرف انك بنت عمي
قرب ليها وقال... اديني فرصة ومش هتندمي..انا فعلا بحبك... من اول مرة شوفتك فيها وانتي خطفتي قلبي..انا من وقت ماشوفتك ما لمستش واحدة . لاني مش عايز غيرك انتي.. صدقيني بحبك
كان الصدق باين في عيونه. كانت بتبصله بحيرة.. بس عقلها كان رافض يصدقه او بمعني اصح هي رافضة تدي نفسها فرصة تصدقه. هي مصرة انها متضعفش ولا تخضع ليه. كل اللي بتفكر فيه تنتقم منه وتجرحه
قالت... طلقني يامراد لان عمري ما هسامحك.. طلقني لان استحاله يكون في بينا حياة مشتركة. انسي
بصلها بيأس ومسح علي وشه وقال... يعني مفيش فايدة
قالت .. لا. مفيش فايدة
بس هو كان واثق انها بتكابر لانه كان حاسس بحبها ليه حتي لو بتظهر العكس. ده اللي كان حاطه في اعتقاده،، لكن هل هي بتحبه حقيقي؟؟؟؟ هنشوف
انتبه لصوتها وهي بتقول.. افتحلي الباب خليني اخرج
بس هو راح علي السرير ببرود ونام وقال.. مش هتخرجي من الاوضة غير الصبح
قالت... مراد متهزرش هات المفتاح
قال.... انتي سمعتي.. متتعبيش نفسك.. لو عاوزة تيجي نامي جمبي معنديش مانع.. عاوزة تتلقحي علي الكنبة اللي يعجبك. لكن خروج من الاوضة انسي
قالت بعصبية... وانت فاكر اني هسمحلك تحبسني معاك
كملت وقالت بتهديد ...علي فكرة انا ممكن اصرخ دلوقتي والم كل اللي في البيت.
وبسخرية... وساعتها بقي شوف هتعمل ايه ولا هتقولهم ايه
ضحك وقال... طب ما تصرخي.
كمل وقال ببرود.. ساعتها هقول انك انتي اللي جيتيلي برجلك ولا ناسية ان دي اوضتي. دا غير انهم هيقولو واحد ومراته.
وبصلها وقال بخبث... بعد ما اعرفهم اننا اتصالحنا
وغمزلها وكمل... وان صريخك ده بسبب اني اتعافيت عليكي شوية
اتحرجت جدا من وقاحته وقالت بغضب...انت سافل
قال...عارف
راحت قعدت علي الكنبة بضيق وقلة حيلة
وبقت تبصله بغضب وهي مش عارفة تتصرف ازاي
قال وهو بيقلب في تليفونه... انا ممكن اوافق اخرجك. بس بشرط
قالت بسرعة... ايه هو
قال.... لو جيتي بوستيني دلوقتي هديكي المفتاح
اتغاظت اكتر وقالت... مش بقولك سافل
قال... والله ده اللي عندي لو عااوزة تخرجي
بعدين قال... يلا انا مستنيكي اهو. بوسة صغيرة وهتخرجي بعدها علطول
قالت... ده في احلامك.. قال ابوسه قال
بقلم فريدةاحمد
.....
: يعني ليالي اختك طلعت بنت الراجل المليونير ده.
قالها جوز شيماء اخت ليالي وهو متفاجأ
لترد شيماء وتقول... اه
قال بسخرية .... دا اللي هو ازاي. انا طول عمري اعرف انها اختك من الام والاب. فجاة طلع لها اب جديد. ولا هي امك كانت....
بس قاطعته شيماء بغضب لما قالت... اخررس قطع لسانك..
امي اشرف من عيلتك كلها. امي كانت متجوزة علي سنة الله ورسوله
قال بسخرية... امال اي حوار ان اختك مطلعتش شقيقتك ده بس متسجلة باسم ابوكي. ولا هو عمل عملته وخلع
قالت بغضب... قولتلك امي كانت متجوزة...واقسم بالله لو جبت سيرتها بكلمة متعجبنيش ما قعدالك فيها
وقامت بغضب
بس هو مسك ايدها بسرعة وقال... خلاص ياشوشو ماتبقيش قفوشه
وقعدها تاني وقال... ماهو انا برضو مش فاهم الحكاية
بصتله بضيق وغضب لكن اتنهدت وقالت... دي حكاية طويله ماما كانت مخبياها
قال.. ايوا بقا ليه
بصتله بضيق لكن حكتله علي كل حاجه
وهو بصلها وقال.. طب وانتي كنتي مخبية عني ليه كل ده
قالت... انا اساسا مكنتش اعرف. اتفاجات زي ليالي.
بعدين زمان انا كنت عيلة مكملتش 3 سنين يعني مكنتش اوعي علي حاجة مش فاكرة اصلا
اتغاضي عن كل اللي سمعه لكن قال وهو بيفكر في المهم......
طب انتي دلوقتي موقعك ايه
بصتله باستفهمام فقال... امك واختك دلوقتي بقو فووق
قالت...مش فاهمه بردو بتلمح لـ ايه
قال بنفاذ صبر..... امك واختك دلوقتي اتنقلو نقلة تانية وبقو عايشين في العز ومسكو الملايين. ايه بقا
قالت لما فهمته...علي فكرة ليالي اللي بنته مش انا يعني متحلمش
قال بضيق... بس اكيد هينوبك حاجة من التورته. اكيد مش هيسيبوكي كده في الفقر وهما يعيشو في العز
قالت... ومين قالك اني محتاجة فلوس
قال بسرعة...مش محتاجة يعني ايه.. وبعدين انتي بنتها مينفعش تسيبك كده وهي تغرق في الملايين
قالت بسخرية... لا وانت قلبك عليا اوي. علي اساس مش انت اللي عايز الفلوس
قال... طب وانا وانتي ايه.. اسمعي انتي لازم تخليها تامنلك مستقبلك وتطلبي منها فلوس و
بس قاطعته لما بصتله باحتقار وقالت..انا مش مصدقة بجاحتك يا اخي.. علي اساس ايه بتبص لفلوسهم وعايز منها. علي جدعنتك معانا.. دا لما امي كانت هتتحبس شوفت انت عملت ايه
قال بضيق... وليه نقلب في القديم بقا.. وبعدين هو انا بقولك كده ليه انا عايز مصلحتك
بس هي قالت.. ريح نفسك. انا عمري ما هطلب من امي فلوس.. وانت انسي خالص الموضوع ده ومتحلمش كتير هاا
بصلها بضيق وبعدين قال.... طب قومي ياختي اعمليلي كوباية شاي
بصتله بسخريه وقامت بزهق دخلت المطبخ وهو بقي يقول في نفسه... لو مكنتش اتعميت في نظري واتجوزت انا ليالي. كان زماني غرقان في العز دلوقتي.. ده ايه الحظ المنيل ده
......
عاصي وصل السرايا بعربيته، ومعاه حلا اللي كانت نامت في الطريق
نزل لف وشالها وطلع علي اوضتها دخل نزلها في السرير برفق وغطاها كويس وخرج
.....
اما في اوضة مراد
كانت ليالي نامت في الكنبة، مراد قام شالها ونيمها في السرير ونام جمبها بعد ضمها ليه بتملك
....
تاني يوم صباحا
ليالي فتحت عيونها كان مراد واقف بيلبس قام المرايا
قامت اتعدلت واول ما ركزت انها كانت نايمة في السرير شهقت وبقت تطمن علي نفسها وتقول بجنون... انت. انت عملت فيا ايه
قال ببرود وهو بيلبس ساعته... هكون عملت ايه يعني. زي ما اي واحد بيعمل مع مراته
اتصدمت وقامت قربت عليه وهي بتقول بجنون... ياحيوان يازبالة. انت نمت معايا وانا مش في وعيي. انت خدرتني و..
بس هو حط ايده علي بوقها بسرعة وقال... بس الله يخربيتك. انا مقربتلكيش.
شالت ايده وقالت... ولما كنت نايمة في الكنبة. ازاي بقيت في السرير
قال...لقيتك بردانة صعبتي عليا نقلتك ونيمتك في حضني.غلطان انا
كمل وقال بمكر... وبعدين انتي كنتي قافشة فيا كاني ههرب منك وتقولي.. احضني يامراد
ابتسم وهو بيبصلها بسخرية وقال... اه لو شوفتي نفسك وانتي..
قاطعته وقالت... انت بتكذب علي فكرة.. وانا هعمل كده ليه. بحبك مثلا
قال.. جايز
بصتله بضيق ولفت تمشي
بس هو قال... علي فين
بصتله وقالت ببرود واستفزاز... رايحة اجهز عشان عندي شغل. ولا نسيت اني بقيت زيي زيك في الشركة
قال مراد... انتي ليه محسساني اني مضايق انك بقيتي ماسكة زيي في الشركة. او ليه فاكرة اني مش عايزك في الشركة
بصلها بحب وقال وهو بيلمس خدها... انا لو عليا عايزك قدامي علطول في كل مكان يا لي لي. علي الاقل لما اشتاقلك و احب ابوسك الاقيكي جمبي مش بعيدة
وفي لحظة ميل خطف بوسه من خدها
وهو بياخد مفاتيحه قال...اجهزي.. مستنيكي في العربية
بس هي ردت عليه رد بارد وقالت وهي قاصدة تحرجه .. لا انا غيرت رايي هأجز النهاردة
: براحتك
قالها ونزل
وقفت شاردة وهي بتبص علي طيفه
بعدين اتنهدت وهي بتحط صوابعها بين شعرها وبترفعه لفوق
وخرجت من الاوضة راحت اوضتها
بقلم فريدة احمد
....
حلا قاعدة في سريرها شاردة
لتتفاجأ بدخول عاصي اللي كان في ايده ورق، قرب قعد قدامها وهو بيمدلها الورق واللي كان عبارة عقودات بيع،،قال ... شوفي دول كده كل املاكك ولا في حاجه ناقصة
بصتله حلا باستغراب وبعدين بصت للورق وابتدت تلقب فيه، اتفاجأت لما لقت عقودات بكل املاكها اللي ورثتها من والدها،، قالت... اه دي كل املاكي اللي بابي سبهالي فعلا
بعدين قالت... ثواني ناقص عقد العربية مش موجود
بس هو طلعه من بين الورق وقال.. اهو
شافته وقالت.. اه. سوري ما اخدتش بالي
قال.. ولا يهمك.. المهم كده كله تمام. مفيش اي حاجة ناقصة.
افتكري لو ناسية حاجة
قالت... لا. دي كل املاكي
بعدين بصتله وقالت... بس انت عملت امتي كل ده
ثواني واتذكرت من يومين لما قعد معاها وسألها عن املاكها. وقتها جاوبته وعرفته بكل الاملاك اللي عمها اخدها منها. بس افتكرت ان بيسال عادي من باب الفضول، مكانتش تعرف انه عشان يرجعهم ليها
بصتله وقالت...هو انت يوم ما سالتني كان عشان..
قال... وقتها كلمت المحامي وخليته حضرلي العقودات دي
كمل وقال ...مش فاضل غير اني هاخدك معايا بكرة او في اي وقت يعجبك عشان نسجلهم في الشهر العقاري بعد ما ابن عمك ابن ال *** ده يوقع بالبيع عشان يتوثقو والمليكة ترجعلك رسمي
قالت... بس هتعرف ازاي تخليه يوقع. ما هو اكيد مش هيتنازل
بس عاصي قال بثقة... هيتنازال عشان اسيبه.
بعدين بصلها وقال بتساؤل ... المهم. قوليلي بقا كنتي بتعيطي ليه امبارح لما جيتيلي الشركة. وليه فجاة تربستي دماغك الجزمة دي ورفضتي تقولي
بصتله بضيق و قالت.. وائل جالي الجامعة وكان عايز يخطفني.. عشان كده كنت خايفة وجيتلك
قال باستغراب...وائل مين . ده متلقح عندي في المخزن من امبارح
بصتله وفي اللحظة دي فهمت،،، قالت...لحظة.. هو انت اللي خطفته اصلا.. يعني الرجالة دول كانو تبعك .. احيييه
كملت وقالت... دول لولا جم شالوه من قدامي كان زمانو هو اللي خاطفني دلوقتي
قال ... ازاي
حكتله حلا علي كل اللي حصل
........
زين قاعد على الكنبه بيشرب قهوه بهدوء في اللحظه دي نزل عاصي وقرب قعد على الكرسي بعد ما نادي على حلا بصوت عالي وهو بيقول... حلا... يا حلا
سمعت حلا صوته وهي مع ليالي في اوضتها
قالت باستغراب.... ماله ده بينادي عليا كده ليه.. لما اشوف عايز ايه
وقامت خرجت من الاوضة، بصتله من على السلم وهي بتقول... نعم
قال.... انزلي
نزلت قربت عليه وقالت... في حاجه ولا ايه
قال... ادخلي اعملي لي فنجان قهوه
بصت علي زين ورجعت بصتله وهي بتكتم غيظها وتقول.... يعني انت جايبني على ملا وشي من فوق عشان اعملك قهوه وبعدين ما البيت مليان شغالين حبكت انا ما تخلي حد منهم يعملك
بس هو قال ببرود.... لا عايزك انتي اللي تعملي
نفخت بغيظ وقالت......يارب صبرني
وهو قال... يلا اتحركي
مشيت وهي بتقول.... اااوف
اما هو بص لزين وقال.... بتعمل فنجان قهوه ما حصلش
زين ابتسم بهدوء وعاصي اتنهد وقاله بجديه... قولي مالك بقا عشان شكلك مش عاجبني
زين رفع حاجبه وقال...مش فاهم وانا لازم شكلي يعجبك يعني ولا ايه
بصله عاصي بقرف لكن قال بجديه ...انا فاهم ان قرار طلاقك مأثر فيك.
بعدين قال... سبحان الله يااخي طب ليه طلقتها من الاساس
سكت زين وعاصي اتنهد وقاله... انا عارف ان اللي حصل بينكم صعب. بس مكنتش وصلتها للطلاق مادام بتحبها وهي بتحبك
بس زين رد وقال.... مكانش ينفع ياعاصي.. انا وهي خلاص كنا اتحرمنا علي بعض. مكانش ينفعش نكمل... لا انا كنت هقدر اتقبل عملتها واكمل واعدي بعد ما حاولت تسوء سمعتي وتهين رجولتي ولا هي هتسامحني على اللي عملته فيها. الطلاق كان اسلم حل
بقلم فريدة احمد
........
عند سميحه
سهى قاعده معاها وهي بتقول... خلاص هانت يا خالتي ولدك قريب اوي مش هيشوف غيري
قالت سميحه بسخرية..... ده ازاي يا روح خالتك هتسحريلو
لتقول سها بدون ما تحس... سحرتلو خلاص. عملتله العمل اللي هيخليه ميشوفش غيري
هنا سميحه زعقت مرة واحدة وقالت بصدمة... عملتيله ايه يا روح امك. عمل ايه يا بت المهبوشه انتي.. انتي بتعمليي ل ابني اسحار يابت انتقطي
لتلعن سها نفسها علي غباءها وتقول بسرعة.... يا خالتي مش اللي في دماغك انا عملت له عمل بالمحبه عشان يحبني يعني
بس سميحه قالت بغضب.... وانت يا روح امك عشان يحبك تقومي تعمليله اعمال عشان يتجنن. اسمعي انتي حالا تروحي للدجال اللي عملهولك وتخليه يفكو والا قسما بالله اقـ تلك بيدي دول
سهي بخوف وهي بتحاول تشرحلها... ياخالتي صدقيني ما مامنهوش ضرر. بقولك عمل بالمحبة بالمحبة. والشيخ طمني
كملت وقالت.. مش انتي بردك معايزاش يرجع للي ماتتسمي ويتمم جوازه مني
قالت... اه ياختي بس من غير ما حاله يتشقلب
بس سهي قالت وهي بتحاول تطمنها وتقنعها... صدقيني مهيحصلش حاجة تضره. وممكن تسالي الشيخ بنفسك
بعدين قالت بخبث وهي بتغير الموضوع عشان تتوها..... وبعدين مش تسألي علي المصيبة اللي عمي همام جابها السرايا.... ولا انتي هتسبيها تاخد مكانك ولا ايه
سمحية قالت... ليه يابت قالولك عليا قليلة الحيلة
لتقول سهي... ماهو انا شايفاكي ساكتة يعني يا خالتي كانك استسلمتي
بصت سميحة قدامها بشرود وقالت بشر ... انا ساكتة بس كنت بدبرلها في النهاية اللي هتجيب اجلها من غير ما هو يشك فيا
قالت سها... مش فاهمة. يعني نويتي علي ايه يا خالتي
قالت سميحة.... هقـ، تلها.
وبعدين قالت... وبيدك . ما هو ده السبب اللي بعتلك تجيلي عشانه.
لتخبط سهي علي صدرها بصدمة وتقول.. يامري.. انتي عاوزهم يد، بحوني
لتقول سميحة بغضب... اكتمي يابت
وبعدين تقول وهي تحاول تطمنها... محدش ها يدري بحاجة
لو نفذتي اللي هقولهولك صح
لتبلع سهي ريقها بخوف من اللي ناويته خالتها فهي اكتر واحدة تعرفها وتعرف شرها،،
وبرغم ان سهي صعب عليها انها تقت، ل لكن لا تجرأ علي الاعتراض
هزت راسها وقالت... عاوزاني اعمل ايه ياخالتي
لتقول سميحة بتحذير ... بس الاول حسك عينك حد يحس بحاجه.. اللي هقوله هتنفذيه بالحرف الواحد
لتبلع سهى ريقها برعب ولكن ما بيدها حيله ف تهز راسها بطاعة وتقول... اؤمريني يا خالتي
فتقول سميحه.. دلوقتي هقولك تعملي ايه. اسمعي زين
وابتدت تعرفها اللي هتعمله و
......
في فيلا والد مرام
كانو متجمعين كلهم ما عدا مرام، طارق كان موجود عندهم
بعد مافاجأهم بطلبو لايد مرام
بص ل ابوها وقال... قولت ايه يا انكل
ابوها رد عليه وقال... طارق انا كلامك الفارغ ده هعتبر نفسي ما سمعتهوش
ليقول طارق... ليه يا انكل. انا قلت حاجه غلط مانا داخل البيت من بابه اهو.. وبعدين انتوا عارفين اني بحب مرام من زمان من واحنا عيال ودلوقتي جات لي الفرصه اتجوزها و
هعوضها
وبقى يحاول يقنعهم يقنعوا مرام بجوازه منها
بس صافي قالت بتعجب ..ازاي عاوزني اقنعها تتجوز و هي لسه في عدتها
ليقول طارق... انا بقول بس تحاولي تقنعيها تفكر في الموضوع.. والجواز هيكون بعد العدة طبعا
ولكن صافي قالت ... يا طارق مرام اساسا كلها يومين وهتسافر تشتغل... دا غير اني عارفة بنتي اكيد مش هتوافق. بعدين دي خارجة من تجربة صعبة ونفسيتها مش احسن حاجة.. يعني مستحيل تفكر في الجواز من الاساس او تدخل في اي علاقة دلوقتي.
بس طارق ميأسش قال.... ما انتو ممكن تحاولو معاها امال انا جايلكم ليه
اتنهدت صافي وقالت بنفاذ صبر.... طارق انا اكتر واحدة اتمني تبقي مرام ليك. بس انا عارفة بنتي مش هتوافق
بس قاطعتها مرام وهي نازلة من علي السلم لما قالت... ومين قال اني مش هوافق
بصولها باستغراب فقربت وقالت... انا موافقة
يتبع.....
الفصل الأول حتى الفصل العاشر من هنا
الفصل الحادي عشر حتى الفصل العشرون من هنا
الفصل الحادي والعشرين حتى الفصل الثلاثون من هنا
الفصل الحادي والثلاثون حتى الفصل الرابع والثلاثون من هنا
تعليقات
إرسال تعليق