رواية جمعتهم الأقدار الفصل الحادي عشر حتى الفصل العشرون بقلم الكاتبه فريده أحمد حصريه وجديده على مدونة النجم المتوهج للروايات والمعلومات
 |
رواية جمعتهم الأقدار الفصل الحادي عشر حتى الفصل العشرون بقلم الكاتبه فريده أحمد حصريه وجديده على مدونة النجم المتوهج للروايات والمعلومات
ده مفتاح الشقه اللي فيها بنتك.. تقدر تطمن عليها.. بس ما انصحكش تحاول انك تاخدها معاك لاني هقدر ارجعها وبالقانون.. اللي انا وانت اكثر ناس نفهم فيه
بصله ابوها وقال بوعيد.. اللي عملته في بنتي مش هعديه بالساهل. تبقي غلطان لو دماغك صورتلك انك تلمس منها شعره واسيبك من غير ما اندمك
...
اما في السرايا
حلا واقفة في الجنينة مغمضة عيونها وسرحانه، قاطع سرحانها عاصي اللي دخل شافها كده ف قرب عليها وهو بيولع سيجارة،، قال وهو باصص قدامه... مالك
فتحت عيونها وبصتله ورجعت بصت قدامها وقالت.. مفيش
بس هو كان ملاحظ عليها الحزن والضيق
لف وشها ليه وقال... في حد زعلك هنا.. مراد ضايقك يعني
هزت راسها وقالت.. لا
بعدين بصتله وقالت بضيق... هو ايه اللي ابن عمك عمله في مراته ده.
بصلها وقال بسخرية... وهو ابن عمي لوحدي ماهو قريبك انتي كمان
بصتله بغيظ وقالت بضيق... دا حيوان مش بني ادم. ازاي يعمل فيها كده ويضر، بها بالشكل ده
رد عاصي بهدوء وقال... احنا منعرفش اي اللي حصل بينهم وصلهم لكده
قالت باندفاع وغضب.. ايا كان ملوش حق يضر، بها.. ازاي تسمحوله يعمل كده وكمان سايبنو ومحدش وقفه. الله اعلم قـ تلها ولا عمل فيها ايه
قال عاصي... احنا ملناش دعوة بيهم ولا لينا نتدخل.
قالت بسخرية... انا بكلمك ليه اصلا علي اساس هتحس يعني
اتنهد وقال... افهمي. دا واحد ومراته. يعني مينفعش اسالو ايه اللي حصل اساسا
قالت بسرعة... بس ممكن تمنعه انو يإذيها.. تقفو له..هو ايه محدش قادر عليه
لكن رجعت كملت وقالت بسخرية... هو انا بقول ايه. علي اساس تفرقو عنه. كلكو زي بعض
ثم اضافت وهي تقصد مراد...ولا الحيوان التاني
وبصتلو...انتو ازاي كده
قال عاصي باستغراب...طب هما وعرفنا. انا عملت ايه ان شاء الله
بصتله شوية وبعدين قالت ...متفرقش كتير
وسابته ودخلت
...........
وعند مرام
كانت بتتحرك في الشقة بحيرة وهي بتفكر ازاي تهرب
دخلت المطبخ اخدت سكـ، ينة وجريت علي الباب وبقت تحاول تفتحه لحد ما حست ان بمفتاح في الباب، بلعت ريقها بخوف لما افتكرته زين، وتلقائي رجعت لورا والسكينة وقعت من ايدها، بس اتفاجأت لما لاقيته ابوها
قالت بلهفة... بابي
وجريت عليه اترمت في حضنه وبقت تبكي جامد وهي ماسكة فيه
كان بيطبطب عليها وهو بيقول.... اهدي. اهدي ياحبيبتي
رفع وشها من حضنه وبقي يتأملها، كان وشها وجسمها واضح جدا عليهم اثر الضرب اللي معلم عليه
غمض عينه بغضب وهو بيتوعد ل زين علي كل اللي عملو فيها بإنه يدفعو تمن مدت ايدو عليها غالي اوي
بصلها وقال بقوة .... وغلاوتك لاندمه يا قلب ابوكي
هعرفو ازاي يتجرأ ويمد ايدو عليكي
كمل وقال..بس دلوقتي يلا تعالي معايا
مسحت مرام دموعها وقالت بتردد.... مش هينفع يابابا
بصلها باستغراب وقال... هو ايه اللي مش هينفع
وبرغم ان مرام كانت بتحاول تهرب من زين الا انها مرة واحدة تراجعت وبقت شايفة ان ده مش في صالحها
بصت ل ا بوها وقالت.... انا مش هينفع ارجع معاك يا بابي
قال بغضب.... ليه. خايفة منه.. نسيتي ابوكي مين
هزت راسها وقالت... عارفة..وصدقني مش خايفة منه
بعدين قالت بتعقل... بس لو رجعت معاك هتفضح يابابا وسمعتي هتضيع. مش انا لوحدي. وانتو معايا.. انا مش هقبل ان اسم حضرتك يتلوث بسببي. ومركزك يسقط و
ونزلت راسها في الارض
رفع راسها وقال.. انا لما جاتلي الرسالة مصدقتش الكلام اللي فيها لاني واثق في بنتي
لكن بصلها بشك ... ولا ثقتي مطلعتش في محلها..ايه معرفتش اربي؟!
دموعها نزلت وهي مش عارفه ترد
مسكها جامد وقال بغضب... الكلام اللي عرفتو ده صح. انطقي
كانت دموعها تنزل وهي مش قادرة تبصله
بقي يهزها ويقول بغضب... بصيلي وانتطقي
عيونه بقت مشتعلة من سكوتها وهو ماسكها من دراعتها الاتنين ويهز فيها ويقول... ردي عليا
اخيرا هزت راسها وقالت ببكا... انا اسفة يابابي.. اسفة
.........
خرج زين من مكتبه بعد ما جالو تليفون
وخد عربيته وطلع بيها علي
بعد وقت وصل ل مكان زي مخزن، دخل وكان في شاب مربوط وواضح جدا عليه علامات الضر، ب والتعذ، يب
ركله برجله وقال بجبروت... فوقلي ياروح امك
فتح الشاب عينه وبمجرد ما شافه واقف قدامه بجبروته اترعب لكن ما اظهرش ده
اتعدل بصعوبة نظرا لتقيده ف ايديه ورجليه مربوطين. متكتف يعني
بصله وقال ببرود برغم تعبه ..... لو جايبني هنا بسبب اللي شوفته في الفيديو. فا احب اقولك اتفرج عليه تاني
كمل بسخرية وقال... لان واضح انك مركزتش كويس وشوفت قد ايه هي كانت مبسوطة معانا.. دا غير اني بقا مخو، نتكش معاها، لانه لو برضو ركزت في تاريخ الفيديو كنت هتعرف انه من قبل ما ترتبطو
كمل وقال وهو قاصد يستفزو اكتر.... اما بقا انا جينا لمراتك. ف مش ذنبي انك اتجوزت واحدة شمال
اشتعلت عيونه بالنيرا، ن و
الثاني عشر
: مراتك نا،مت معايا انا وايهاب بمزاجها وكانت مبسوطة كمان
كمل وقال وهو قاصد يستفزو اكتر... مش ذنبنا انك اتجوزت واحدة شمال
اشتعلت عيون زين بالنيرا، ن وفي لحظة وبدون سابق انذار كان لكمة بشدة لدرجة ان بوق حسام كان بيطير د، م من اثر اللكملة
زين كان الغضب عماه بقي مش شايف قدامه، مسكه من هدومه وبقي يردلو لكمة في التانية، لحد ما بقي حسام في ايده جـ ثة
بعدين مسكه من فكه جامد وقال بغل.... لو جبت سيرتها تاني مش هقتـ لك.. انا هدفنك حي مكانك هنا
كان حسام عارف ان زين ما بيهددش
اترعب وهز راسه بهستيريا بإنه مش هيجيب سيرتها
وزين كان لسه ماسكه من فكه جامد، فقال... شاطر. اهو قدر اهون من قدر .. بكده هترحم نفسك شوية صغيرين
وبدل ما هدفنك صاحي ها..
قاطعه نظرة حسام اللي كانت كلها رعب . فابتسم زين بانتشاء وهو مستمتع بنظرة الرعب اللي في عينه
رجع كمل وقال بنبرة هادئة... تعرف انك مش هتشوف الشمس تاني
بصله حسام بدون فهم
ف هز راسه وقال باسف مصطنع... امم. زي ما بقولك. وبما اننا دلوقتي بليل ف علي ما الشمس تطلع هتكون انت استقبلت المفاجأة اللي محضرهالك
بقي حسام مرعوب اكتر، فهو يعرف زين وجبروته برغم انه من عيلة كبيرة وليها اسمها الا انه كان معترف بينه وبين نفسه ان زين اقوي منه
فقال برعب.... ا انت ناوي تعمل فيا اي
زين وهو بيفكه قال بطريقة ريلكس علي الاخر...هسيبك تمشي. واديك شايف بفكك اهو..اما ناويلك علي ايه ف متستعجلش علي رزقك.
وبعد ما فكه قال... يلا قوم ياوحش
كمل بأسف وهو شايف حالته ف كان حرفيا مفيهوش حيل يقوم يوقف... سامحني مش هقدر اسندك.. يلا اعتمد علي نفسك كده وقوم شد حيلك
بقي حسام بيحاول يوقف لحد ما اخيرا قام وقف بصعوبة وبقي يسند علي الحيطة لحد ما خرج
زين هو كمان خرج اتقابل بالراجل بتاعه اللي قال بأسف... اسف ياباشا بس اللي اسمه ايهاب هرب وسافر قبل ما نوصله.
وكمل بسرعة... بس هيروح فين. هجيبو لسعادتك ولو في بطن امه. اديني بس يومين و
قاطعه زين لما قال.... اللي بيعمل ما بيقولش يا غسان.. انا عايز فعل قدامي بلاش تهري عالفاضي
.....
عند مرام
قالت بخزي وهي بتبكي ومش قادرة تبص لابوها ... انا اسفة يا بابي..اسفه
اتصدم ابوها.. مكانش قادر يستوعب اللي فهمه فهو لحد اللحظة دي كان معتقد انها بريئة وانها مغلتطش
بصلها وقال بزهول ... بنتي انا خاطية
وفي لحظة كان نزل علي وشها بكف شديد
وهو بيقول... يافاااجرة. يعني اديكي الحرية تدوري علي حل شعرك و تضيعي نفسك وتحطي راسنا في الطين
مسكها من دراعها جامد وقال بغضب هادر وبأمر.... تمشي معايا دلوقتي بهدوء علي الفيلا
وكمل وهو بيتوعدلها.... اما حسابك هيبقي بعدين لما اشوف هتصرف معاكي ازاي
وبزعيق... يلااا
هزت راسها برفض وقالت من بين بكائها بسرعة.. مش هينفع يابابا. ارجوك سيبني مش هينفع ارجع معاك تاني يوم جواز.. كده هفضح نفسي
قال بسخرية.....لا اطمني انتي خلاص حطيتي راسنا في الطين
هزت راسها وقالت...لا محدش هيعرف حاجه.وزين انا متاكده مش هيفضـ حني برغم اللي عمله.. ارجوك يابابا سيبني
قال ابوها بغضب.... اسيبك ليه عشان يبقي صباعي تحت ضرسه..ولا فاكراه هيرحمك
قالت بسرعه... هو مش هيإذيني انا متأكده. اصله هيعمل فيا ايه اكتر من اللي عمله
قال ابوها.... انتي عارفة انه هيدفنك حية، وحقه
ثم تابع بقسوة...ومتفتكريش اني خايف عليكي يإذيكي. انتي تستاهلي الد. بح.. بس مش هسيبك ليه يد، بحك. انا اللي هد، بحك واغسل عاري بإيدي .
بلعت ريقها برعب
وهو قال بغلظة.... يلا قدامي
بقت تبكي وتترجاه يسيبها وهي بتقول... صدقني يابابا رجوعي معاك هينهي سمعتي وهتفضح
قال ابوها.... ما احنا اتفضحنا خلاص.. علي اخر الزمن جيتي انتي وسختي اسمي... بعملتك دي خلتيني مش هقدر ارفع عيني فيه بعد ما حطيتي راسي فالطين.
نهرها بغضب... عاجبك كده. بتكسريني قدامه
بقت تبكي اكتر وتقول... سامحني يابابي انا اسفة. عارفة اني غلطت.. بس صدقني كان غصب عني.. انا حكيت لحضرتك كل حاجه
قال ابوها بقسوة.... اللي عملتيه ملوش مبرر ولا ليه غفران
مسحت دموعها بعنف وقالت...انا غلطت.. ومعترفة ب ده.بس بردو اتظلمت واتغدر بيا
كملت بقوة وقالت... وهاخد حقي وهندمهم. واولهم زين..
اتنهدت وقالت... لو سمحت يابابي انا مش هرجع معاك. انا هفضل معاه علي الاقل شهر. وبعدين انا عارفة هعمل ايه
وهي بتتوعد ل زين بداخلها
......
وصل حسام بيته بصعوبة ، دخل رمي نفسه علي اقرب كنبه بتعب ومفيش لحظات وكان رزع جامد علي الباب
ليتفاجأ بالشرطة تقطحم المكان
ليقول الظابط معانا امر بالتفتيش وشاور للعساكر اللي انتشرو في المكان
هنا حسام اتاكد ان زين مكانش بيهدد، بقي في حالة يرثي لها
بعد ما بقي متيقن ان زين محضرله مفاجأة كبيرة
واللي كان خلاص بقي شبه متأكد ايه هي
وبعد ما العساكر فتشو كويس قرب واحد منهم علي الظابط وقال... لاقينا ده ياباشا
وهو يقدمله شنطة بها كميات كبيرة من بود، رة الكو، كايين
اخد منها الظابط كيس فتحه وقربه من انفه، بص لحسام وقال.. كو، كايين.. انت عارف دي فيها كام سنه
بقي حسام واقف بالعافية مش قادر ينطق او حتي ينكر ان الحاجة دي بتاعته
اخدوه الشرطة بعنف وخرجو بيه علي القسم
....
في السرايا...
فتحت حلا الباب بهدوء علي عاصي وقربت عليه وهو نايم ، قعدت جمبه وابتدت تهزه عشان يصحي، فاق عاصي بانزعاج، فتح عينه وبصلها لثواني
: في ايه
قالها بضيق لترد ببساطة وتقول بسرعة... يلا عشان توصلني للجامعة
رفع حاجبه باندهاش واتعدل وقال... اوصلك فين؟!.
لترد حلا وتقول... للجامعة. ايه ما سمعتش
اخد سجايره من علي الكومود اللي جمبه وهو بيقول.. انتي لسه بتدرسي اساسا؟
هزت راسها وقالت .. اها. في سنه رابعة.. يلا بقا عشان توصلني
ليقول عاصي بتعجب... يا شيخة.. يعني انتي بتصحيني عشان كده
نفخت بضيق وقالت... اه. وايه المشكلة
كملت بعفوية وقالت... هو مش انت جوززي
: الله. داحنا بقينا بنقولها عادي اهو
قالها بسخرية لتقول بضيق... والله زي انت ما قولت قبل كده. دا الواقع.. والواقع بيقول انك جوزي فلما اعوز حاجة طبيعي هطلبها منك
ابتسم بخفة عليها ورفع ايده يلمس خدها وقال... طيب اؤمري. عاوزاني اجبلك ايه
نزلت ايده بحدة،فبصلها بحاجب مرفوع
لكن هي اتجاهلت ده وردت علطول وهي بتبص في ساعة الموبايل وقالت باستعجال... مش عايزاك تجبلي حاجة. عايزة اروح الجامعة بس. وعايزة توصلني، ممكن.
: انتي جامعتك فين؟!
قالها بتساؤل وهو بيطفي سيجارته لترد وتقول... في القاهرة قال مرة واحدة .. نعمم.. انتي فاكرة اني هنزل بيكي القاهرة دلوقتي
بهتت ملامحها وقالت بحزن... يعني ايه
اتنهد وقال... انتي مستوعبة احنا فين
وقبل ماترد قال... احنا ياماما هنا في سوهاج.. عارفة من سوهاج للقاهرة بتاخدي قد ايه وقت في الطريق
هزت حلا راسها بتفهم وقالت بسرعة... عارفة طبعا.. ماهو عشان كده انا عملت حسابي وصحيت بدري وجيت اصحيك انت كمان، عشان منتأخرش
مسح علي وشه وقال... ليه هو احنا امتا دلوقتي،كام الساعة يعني
قالت بتردد.. 5
قال بعدم تصديق.. اكيد مش اللي فهمته
لكن هي هزت راسها بتأكيد وقالت بتردد... لا هو احنا فعلا الساعة خمسة الفجر
كملت بسرعة وقالت... ماهو انت لسه بتقول اهو الطريق طويل وهياخد وقت
وبدون ما تديله فرصة قالت.. انا هستناك في اوضتي علي بال ما تلبس
وقامت وقبل ما تتحرك قال بخبث.... تمام. حضريلي الحمام يلا
بصتله وقالت... نعمممم
قال ببرود.... مش انتي مراتي.. واجب عليكي تحضريلي الحمام
قالت.... لا بقي دانتا قاصد عشان لجأتلك.. طب مستغنية عن خدماتك
وراحت تمشي
قال عاصي... انتي الخسرانة
وقفت بتردد
وبعد دقايق كانت حضرت الحمام بالفعل، خرجت قابلته في وشها داخل،
بصتله بضيق و اتحركت اخدت شنطتها اللي حطتها علي الكومود اول ما دخلت
بس وهي بتاخد الشنطة بدون ما تاخد بالها ايدها اصتدمت بالصورة اللي موجوده علي الكومود فاوقعت انكسرت
واللي بتكون صورة مراته اللي محتفظ بيها
عاصي سمع صوت الحاجة اللي وقعت رجع بسرعة، بص علي الارض بزهول وتلقائي بصلها بغضب
قالت بارتبالك.. ا انا ما كنتش اقصد و
لكن هو كان غضبه اكبر من انه يراعي فعلا انه غصب عنها ..قال بزعيق... انتي غبييييةةة
بصتله بغضب وقالت... انا مسمحلكش. انت فاهم.. اياك تفكر انك ممكن تغلط فيا عادي واسمحلك ب ده. مش انا سامع
وخرجت بغضب شديد وهي حابسة دموعها
اما عاصي مكانش سامعها من الاساس، كان بيبص للصورة بس بزهول، مش مستوعب ان الصورة اللي محتفظ بيها بقالو سنين ومحافظ عليها اكتر من اي حاجة راحت في لحظة،،ولان كمان دي اكتر صورة ل مراته ليه ذكريات في قلبه فمكانش من السهل عليه انها حتي تتخدش ، نزل اخد الصورة من علي الارض بحزن شديد
وهو ماسكاها بإيده وبإيده التانية بيلمسها بلطف كإنها فيها الروح وخايف عليها تكون تألمت
دخلت حلا اوضتها وبمجرد ما قفلت الباب وقفت وراه واخيرا سمحت لدموعها بالنزول، بقت تبكي بقهرة وهي حاسة بالاهانة
.........
اما عند مرام كانت قاعدة علي الكنبه ضامة رجليها وباصه قدامها بشرود و هي واضح جدا علي ملامحها الشحوب
اتنفضت لما سمعت صوت المفتاح في الباب وبقت تضم رجليها لصدرها اكتر وتضم نفسها بإديها وبرغم انها كانت بتتوعد لزين لكن مقدرتش تسيطر علي رجفة جسمها لما حست انو قريب منها
قرب زين ليها بسخرية وقال.. كنت عارف انك ناصحة ومش هترجعي مع ابوكي
رفعت وشها الشاحب ليه وقالت.... هتطلقني امتا
الثالث عشر
احنا عندنا في الصعيد المره الخا'طية يا بتتد'بح يا بتتد،فن حية
قالها زين بقسوة وجبروت لمرام اللي بلعت ريقها برعب وبقت متيقنة ان زين مش هيرحمها ابدا
قالت بدموع... انت ليه مش عاوز تسمعني
كملت بترجي وهي بتبكي.... عشان خاطري اديني فرصة احكيلك
ليقول زين.... متتعبيش نفسك انا شوفت كل حاجه
لتقول مرام بتوسل مرة اخري .... يازين اسمعني وبعدها اعمل اللي انت عايزه
ليقول... اسمع ايه بعد اللي شوفته بعيني انتي خا، ينة
والخاين في عرفي ملوش عندي غير اللي قولتهولك
وسابها بترتجف مكانها ودخل الاوضة اخد الموبايل اللي كان سايبه قبل ما ينزل وخرج بدون ما يبصلها ولا يكلمها تاني
فتح باب الشقة ونزل
..
اما في اوضة حلا
كانت قاعدة علي حرف السرير حاطة ايديها الاتين علي وشها وبتبكي
دخل عاصي قرب عليها، شال ايديها من علي وشها وقال.. مش كفاية بكا
مردتش عليه ولا بصتله ومازالت بتبكي، اتنهد وقعد قدامها، رفع وشها بصباعه وقال... عارف اني اتعصبت عليكي.. متزعليش. بس..
قاطعته وقالت بجمود... اطلع بره
اتجاهل اللي قالته لما لاحظ انها غيرت لبسها فقال بتعجب... انتي يابت مش جيتي تصحيني عشان تروحي الجامعة.. انتي قلعتي ليه
قالت بجمود.... غيرت رايي. مش هروح. اتفضل بقي
كان هو جهز وحضر نفسه عشان يوصلها فقال باعتراض.. يعني ايه غيرتي رايك هو شغل عيال..
وبحدة... اخلصي اجهزي انا مش فاضي لشغل العيال ده
بصتله بغضب وقالت.... مش راحة ومش خارجة من البيت اصلا.. اي مزعلك دلوقتي ما انت اصلا مكنتش عايز توصلني
قال بغضب .. ما هو مش بعد ما تطيري النوم من عيني واقوم اجهز للهانم تيجي تقولي غيرت رايي. انا مش عيل صغير معاكي
بصتله بدموع وسكتت
اتنهد وقال فهو كان فاهم انها زعلانة منه ... طيب ما نا جيت اصالحك اهو.. حقك عليا متزعليش
وقام باس راسها وقال بحنية بعد ما مد ايده يمسح دموعها .. انا اسف.. يلا قومي اجهزي
وقبل ما ترد قال... في خمس دقايق. لو مجهزتيش مش هوديكي وهكمل نوم
لكن هي كانت فعلا صرفت نظر عن انها تروح ، قالت.. ممكن تكمل نوم واسفة اني ازعجتك.. انا كده كده مش هينفع انزل الجامعة اصلا
قال باستفهام... ليه
ردت والخوف ظاهر علي ملامحها فهي متيقنة لو نزلت الجامعة هتلاقي وائل اللي متأكده انه هيحاول بجيع الطرق يوصلها ، فقالت.... مش هينفع لان اكيد وائل هيعرف ويجيلي الجامعة و و
وبقت تتخيل اللي ممكن يعملو
تلقائي نزلت موعها برعب وبقت تبكي وتقول... هو لو شافني مش هيرحمني
مسك ايدها وقفها قدامه وقال.... شش
ومد ايده يمسح دموعها وقال... وائل مين ده ياهبلة اللي خايفة منه. ده بالنسالي صرصار ادهسه برجلي
قالت وهي ما زالت مش متطمنة وخايفة.. هو هو هيحاول يوصلي انا متأكده. ووانا هكون في الجامعة لوحدي و
قاطعها وقال وهو بيطمنها ... متخافيش.. مش هيقدر يقربلك اساسا. هو بقا عارف انتي في حمي مين
كمل وقال... ولو حاول هيبقي بيلعب في عداد مـوته
بصتله وابتدت تتطمن الي حد ما وهو ابتسم لها يطمنها اكتر
وقال.. يلا متتأخريش هما خمس دقايق زي ما قولتلك. هعمل تليفون تكوني قدامي جاهزة
وسابها وخرج
...
بقلم فريدة احمد
اما عند زين كان قاعد في عربيته تحت العمارة بعد ما نزل من الشقة
كان فاتح الموبايل اللي كان سايبه في الشقة بقصد
فكان عارف ان مرام هتحاول تدور علي اي موبايل في الشقة تتكلم منه
وبالفعل مرام وقعت في الفخ و بمجرد ما شافت الفون مفكرتش فتحته واتصلت ب ايهاب وطبعا زين كان عامل خاصية تسجيل المكالمات ف تلقائي المكالمة بينها وبين ايهاب اتسجلت
فلاش باك
نفذت تهديدك وبعتلو الفيديو. بس وديني لندمك يا ايهاب
ودي كانت الجملة اللي قالتها مرام بانفعال وغضب شديد لـ ايهاب بمجرد ما رد عليها
وقتها ايهاب رد باستغراب وقال.... انا مابعتش حاجة
مسح علي وشه بغضب وقال... اكيد الزفت حسام اللي عمل كده
فقالت مرام بغضب وغل ... ايا كان مين فيكو وديني لندمكو
لكن رد ايهاب عليها بسخرية وقال... هتعملي ايه. هو مش انتي برضو كنتي مقضياها معانا ولا احنا اغتصبنا، كي مثلا. ماهو كان برضاكي ولا نسيتي يا حلوة
كان زين بيسمع في المكالمة وعيونة مشتعلة و
الرابع عشر
مرام بقت بتدور علي الفون في الشقة زي المجنونه بعد ما ادركت ان بالاكيد زين كان سايبه بهدف المراقبة، بقت تلعن نفسها علي غباءها انها وقعت في فخ زي ده
فضلت تفتح في الادراج بهستيريا وتدور في كل مكان في الشقة لحد ما سمعت صوت زين من وراها بيقول.... اللي بتدوري عليه اهو
لفت لاقته ماسك التليفون
بلعت ريقها برعب و
.....
في السرايا
نزلت حلا من اوضتها بعد ما جهزت، اتقابلت ب الحاج همام وسميحة قاعدين علي الكنبة في الصالة اللي في منتصف السرايا
فقربت عليهم وقالت... صباح الخير
ردو الاتنين.. صباح النور
بعدين الحاج همام بصلها باستغراب وقال باستفهام... علي فين كده
ردت حلا وقالت... رايحة الجامعة يا خالو.. عاصي مستنيني بره في العربية
الحاج همام هز راسه بتفهم وقال... طيب خلي بالك علي نفسك يابنتي
قالت حلا .. حاضر
اما سميحة كانت بتبصلها بتقييم وهي بتقول في نفسها... والنبي عاصي محظوظ بيكي.. لو كان ابني هو اللي اتكعبل فيكي واتجوزك.. ياريت.. كان بقي احسن من الغندورة اللي بلي نفسه بيها. اللي جابتله وجابتلنا العار
انتبهت لصوت حلا اللي بتقولها... عايزة حاجة ياطنط
قالت سميحة.... عايزة سلامتك ياقلب طنط.. خلي بالك على نفسك
قالت حلا وهي خارجة... حاضر
قربت علي عاصي اللي كان قاعد في العربية بيدخن سيجار
فتحت باب العربية وركبت،
بصلها وقال... اتاخرتي ليه
قالت... علي بال ما جهزت
نفض السيجارة من شباك العربية وهو بيقول ....خليكي عارفة التأخير من عندك انتي اهو
قالت بالامبالاه .. اساسا معنديش محاضرات بدري
بصلها شوية وبعدين قال... امال مصحية امي من قبل الفجر ليه
قالت ببساطة... عشان الطريق هياخد وقت كبير انت ناسي
كملت وقالت بترقب... هو انت متضايق اني صحيتك
بعدين قالت...بص هو انا اسفة . بس انت اللي اتجوزتني اعملك ايه
قال بسرعة.... علي اساس متجوزك عشان جمالك. اهو نا شيلت نفسي الهم. بلوة وبليت بيها نفسي.
رفعت حاجبها وقالت... والله
ابتسم وهو بيدور العربية
وتمتم وقال.. كنت ناقص اربي من اول وجديد
بصتله بشراسه وقالت... بتقول حاجة
قال...ابدا بقول اربطي الحزام كويس
...
عند زين ومرام
بلعت مرام ريقها برعب وبقت مش قادرة تنطق
اما زين رمي الفون علي السرير وقعد علي الكنبة بعد ما طلع علبة السجاير من جيبه، ولع سيجارة اخد منها نفس وبقي ينفخ الدخان وهو بيتأملها بنظرات قا،تلة
بقت مرام مرتبكة جدا بعد ما ايقنت ان ظنها في محله وبقت متأكدة ان نهايتها قربت،، بقت في حالة يرثي لها، لكن حاولت تصتنع الغباء بصت للفون ورجعت بصتله وقالت بتقطيع ...م مش فاهمة. ت تلفيون مين ده
رد عليها بالرد اللي خلي الدم يهرب من عروقها برغم انها كانت شبه متأكدة، ... ده اللي سيبتهولك تكلمي منه حبيب القلب
كانت بتبلع ريقها برعب قاطعها لما قال... انتي ايه يابت الوساخة اللي فيكي دي
جريت عليه وقالت... لا يازين. اقسم بالله انت فاهم غلط..
مسكت ايده وبقت قاعدة عند ركبته وبتترجاه.. عشان خاطري اديني فرصة افهمك
قال متتعبيش نفسك... انا سمعت المكالمة
هزت راسها بهيستيرها وقالت.. لا المكالمة فصلت مني مكانش فيه شبكة. مش اللي فهمته
كان غير مبالي بكلامها، مكانش شايف قدامه غير الفيديو اللي شافو والمكالمة اللي سمعها، وكان طبيعي اي تبرير منها مش هيقتنع بيه من الاساس
ابتسم علي نفسه بسخرية وقال...لا وفكرتي تستغفليني..... مرة واحدة مسكها من شعرها جامد وقال.... بقي واحدة زيك تستغفلني انا.. انتي عارفة انا هعمل فيكي ايه. مدركة
اتألمت من مسكته وقالت بدموع... انا معملتش حاجة. صدقني مظلومة وشريفة
ضحك وبعدين قال... شرف ايه يا ام شرف. دانتي كنتي مع اتنين رجالة يابت. انتي عارفة اللي زيك بيسموها ايه.
انتي زيك زي اي مومس
صرخت به بعصبية وغضب... انا اشرف منك ياز، بالة
كف قوي نزل علي وشها وقال.... انا يابنت الكلب..
ونزل علي وشها بكف تاني..وحياة امي ما هرحمك..بقي واحدة زيك تستغفلي انا لا و بطولي لسانك
وقام وبقت ملامح الاجرام اترسمت علي وشه
بقت تزحف لورا برعب من هيأته
قرب منها مسكها من شعرها لتصرخ وتقول بزعر ....اسفة.. اسفة والله اسفة
وبقت تقول بتوسل.. يازين اسمعني ارجوك.. اقسم بالله انا ماعملت حاجة.. انا لسه عذراء صدقني
ضحك بقوة وقال... يا شيخة..عذارء..
وقطع ضحكته وكمل.. عملتي ترقيع يعني
وبصلها بطريقة ترعب وهو بيشدد علي شعرها جامد وقال... شايفاني عيل صغير يابت
كانت ماسكة ايده اللي ماسكة شعرها بتخفف من مسكته،قالت بدموع...صدقني يازين انا لسه عذراء والله
قال... مصدقك يا قلب زين، عملية صغيرة بترجع كل حاجة زي ماكانت.. انا فاهم
هزت راسها برفض وهي بتقول... لا والله لا. انا زي ما انا
قال بسخرية... ليه طلعو ما بيعرفوش ولا ايه. بس دول كانو اتنين. معقولة الاتنين طلعو نتي
كمل باللي رعبها اكتر وقال... طب ومراد نظامه معاكي كان اييه
قالت بسرعة...اقسم بالله ما حصل بيني وبينه حاجة حتي اسالو
وببكا.. يا زين اقسم بالله انا
قاطعها وقال.... انتي وسـ، خة ونهايتك قربت.اخلص بس من الخروف اللي كان معاكي التاني وبعدها ابعتك ل عزرائيل
وحدفها علي الارض بشده وخرج
.....
عند عاصي وحلا
فتح عاصي باب العربية وركب تاني وهو معاه اكياس كتير بها سندوتشات وماية وعصاير وكتير من الشوكلاته والحلويات
بصت حلا بدهشة للاكياس الكتير وقالت... ايه ده كله. انت اشتريت السوبر ماركت
بصلها وقال.... احنا قدامنا كام ساعة علي ما نوصل.وانتي مفطرتيش
قالت حلا... بس انا مش بفطر اصلا و
قاطعها وقال.... لازم تفطري. انا مش ناقص يجيلك هبوط وتجبيلي بلوة
بصتله بغيظ ولسه هتتكلم، قال... معاكي اكل يكفيكي اليوم كله. عاوزك متبقيش منه حاجة، يلا كلي
ودور العربية وطلع بيها
تحت نظراتها المغتاظة
لكن فتحت الاكل وبقت تاكل
لفت نظرها صورة مراته اللي موجودة في العربية
قالت وهي باصة للصورة.... للدرجادي كنت بتحبها
وبصتله
اتنهد وقال ببتسامة حزينة.... محبيتش غيرها. ولا هعرف احب غيرها
سألته بفضول لكن بتردد... هي اتوفت ازاي
: اتقتـ لت
رد عليها بيها لتشهق بصدمة، بلعت ريقها وقالت باستفهام... ازاي
بصلها ومتكلمش فقالت بإحراج... اسفة انا بس كنت
قاطعها لما قال بهدوء... في اعداء ليا قتلو، ها بغرض الانتقام
: وانت عملت ايه
رد ببساطة لكن قال بغل... قتلتـ هم
بلعت ريقها بصدمة وقالت... عادي كده.. انت ممكن تقتـ ل عادي
واتجمعت الدموع في عيونها وبقت تبصله بخوف
لاحظ ده عليها فقال...اهدي. انا كنت ظابط ف عادي اني اقـ تل
قالت بدموع... ب بس انت كنت ممكن تاخد حقك بالقانون.. تبلغ عنهم و
قاطعها وقال... وتفتكري ده كان هيشفي غليلي
بعدين قال وهو بينهي اي كلام في الموضوع ده
.. كلي ياحلا ومتفكريش في حاجة
..
بعد ساعات وقف امام الجامعة تبعها وقال... حمدالله على السلامة..
قالت وهي بتفتح باب العربية... شكرا علي التوصيلة
ولسه هتنزل. كان مسك ايدها
بصتله فقال....خلي بالك علي نفسك.لو حد ضايقك كلميني
هزت راسها، بعدين اتذكرت وقالت.. صحيح هو انت راجع الصعيد. طب انا هرجع ازاي
قال... لا انا عندي شغل هنا
لكن كمل وقال... بس بردو عندي اجتماع اخر اليوم وهيطول
اتنهد وقال... عموما متقلقيش. لو خلصتي بدري
هخلي مراد يعدي عليكي ترجعي معاه
قالت مرة واحدة... نعمم. مراد ده مين اللي هرجع معاه
قال بهدوء... اخوكي في ايه
قالت بضيق... بس ما تقولش اخويا
ابتسم عليها وقال... طب ما دي حقيقة هنغيرها يعني. شيئتي ام ابيتي هو اخوكي وما فيش حاجه هتتغير للاسف.
قالت بضيق... واقع مر
ابتسم عليها وهي كملت وقالت برجاء... ممكن تحاول تخلص شغلك و تعدي انت عليا.. انا مش عاوزة اتقابل بيه
اتنهد وقال... حاضر
ابتسمت وقالت... شكرا
وراحت تنزل.. بس هو قال... استني
وطلع فلوس كتير وقال... خلي دول معاكي عشان لو احتاجتي حاجه
بصت للمبلغ وقالت... بس ده كتير
قال... مش كتير ولا حاجه.. واي فلوس تعوزيها تطلبي مني متتكسفيش
هزت راسها وقالت بإحراج... مش عارفه اقولك ايه. انت مش مفروض عليك تعمل ده كله
مد ايده علي خدها وقال... انتي بنت عمتي يعني زي اختي. يلا انزلي
ابتسمت وقالت... انا متشكرة اوي
ونزلت وهو قال... خلي بالك على نفسك
قالت.. حاضر
...
كانت قاعدة وهي وزميلة ليها في الشركة وهي بتقولها... تفتكري لو طلبت منه المبلغ ده هيوافق يسلفهولي
قالت زميلتها... اكيد هيوافق
كملت وقالت وهي بتشجعها... بصي مراد بيه برغم انه يبان جبروت وبرغم كل اللي نسمعه عنه بس حقيقي لما حد من الموظفين بيطلب منه حاجة بيساعده
بصتلها بتردد وقالت... اصل المبلغ كبير و
قاطعتها صاحبتها... صدقيني مش هيرفض. والمبلغ اللي انتي شايفاه كبير ده. تافه بالنسباله لا يذكر
بصتلها وقالت... بس انا خايفة
قالت صاحبتها... متخافيش.. يلا ادخلي بقا
كانت ما زالت مترددة بس حاولت تشجع نفسها وقامت،اتحركت ناحية باب المكتب وهي قلبها بيدق بعنف
لفت بصت لصاحبتها بتردد لكن صاحبتها هزت راسها وهي بتطمنها
احدت نفس وغمضت عيونها وهي بتحاول تشجع نفسها وخبطت ليأذن لها بالدخول
دخلت وهي بتقدم رجل وبتأخر التانية
كان قاعد مراد علي مكتبة مرجع ظهره علي الكرسي وبيتأملها ببرود
مكانتش عارفة تقوله ايه بقت تحمحم بحرج لحد ما اخيرا نطقت وقالت... م مراد بيه.. احم. هو هو ممكن حضرتك تسلفني مبلغ
وكملت بسرعة وقالت... ووممكن تخصم مرتبي كله لحد ما ارجعهم لحضرتك
قال بسخرية.... وانتي لحقتي تشتغلي عشان تطلبي سلفة
بصتله بفقدان امل، لكن هو كمل وقال.. امم عايزة كام
بصتله بترقب... حضرتك هتسلفني
هز راسه وقال... اه.. محتاجه كام
اتنفست براحة لكن ردت عليه وقالت بتردد.... هو هو مبلغ كبير شوية
كملت بسرعة.... بس والله هتصرف وهردو لحضرتك في اقرب وقت
قال بنفاذ صبر... كام يعني
بلعت ريقها وقالت بتردد... 300 الف
رفع حواجبه وهو بيمثل الدهشة وقال... وانتي هتقدري تسددي مبلغ زي ده
نزلت راسها في الارض
بس هو كمل وقال... وعاوزاهم في ايه
اتجمعت الدموع في عيونها وقالت... ماما. ك كانت ماضية علي وصولات امانة وصحاب الشيكات قدموها للنيابه والشرطة اخدو ماما..لو مدفعتهمش ماما هتتحبس و
وبقت تبكي
كان بيسمعها وهو يصطنع الحزن والتأثر،، قام قرب عليها وقال... خلاص اتطمني. ماما مش هتتحبس
بصتله بأمل ودموعها علي خدها وقالت بلهفة... حضرتك هتديني المبلغ
هز راسه وقال... اه
كمل وقال... ومش عاوزك كمان تسدديه
بصتله بدون فهم ومسحت دموعها وقالت... مش فاهمه
قال ببساطة.... هديكي الفلوس. لا وكمان هزودهملك ل نص مليون ومش عاوزك ترديهم
بصتله بدهشه وهو كمل وقال بوقاحة ...هاخد مقابلهم حاجة تانيه
قالت بدون فهم... ي يعني ايه. ايه المقابل اللي عايزو مني
ليقول مراد... تفتكري واحد زيي هيعوز ايه من واحدة زيك
قالت ... مش عارفة
فقال... احنا هنعمل ديل مع بعض
بصتله بدون فهم ليقول؟؟؟
الخامس عشر
: تفتكري واحد زيي هيعوز ايه من واحدة زيك
قالت بصوت خافت مرتجف..مش عارفه
ليرد ويقول ببساطة وكإنه بيتكلم عن صفقة...احنا هنعمل ديل مع بعض
رفعت وشها وبصتله بعدم فهم فقال .... انا عايزك
بعدين مرر عينه علي جسـ مها بجرا، ءة وقال بوقاحة... عايز الجسم الكرباج ده
بصتله بغضب ولسه هترد عليه، قاطعها وقال...شش.. اسمعي
انا بقدملك عرض متحلميش بيه.. كل مشاكلك هتتحل
مش بس كده.. انا كمان هعيشك هانم.. فلوس وعربية و سكن كويس بعني اصح هنقلك نقلة تانية . وانتي مش مطلوب منك مقابل ده كله غير حاجة صغيرة.. هتمتعيني... قولتي ايه
لترد بدون تفكير وتقول بغضب وعصبية... قولت انك سافل وقليل الادب
لم يبال بعصبيتها فكان ردو عليها انه ابتسم بثبات وقال.... الفرصة مش بتيجي للانسان غير مرة واحدة،، صدقيني لو ممسكتيش فيها انتي الخسرانه
لكن هي فضلت علي موقفها ردت عليه بغضب وقالت... انت فاكرني ايه واحدة من الز، بالة اللي انت تعرفهم
قال ببرود ... انتي محتاجة الفلوس.. يعني محتاجالي
بس هي ردت عليه بعصبية وقالت...وانت فاكر
اني هريل علي شوية فلوس وابيع شرفي. انا غلطانة اني لجألتك من الاساس. فلوسك متلزمنيش
ابتسم ببرود وثقة وقال... هنشوف
بصتله بغضب شديد واتحركت فتحت باب المكتب وخرجت
وهي متعصبة جدا وبتلعن نفسها انها فكرت تلجأله
اما هو قعد علي كرسي مكتبه وهو واثق انها هترجعله
......
عند زين في القسم
قاعد في مكتبه مرجع ظهره للكرسي، رافع رجليه فوق المكتب وهو بيتأمل بسخرية حسام اللي واقف قدامه ايديه متكلبشة بالحديد
مسك سجايره سحب سيجارة ولعها وبقي ينفث دخانها ببرود
وقال....منور يا حس
ليقول حسام بغل.... انا محتاج اكلم المحامي بتاعي
ابتسم زين بسخرية وقام،، قال وهو بيطفي سيجارته في الطفاية .... وماله حقك
بصله وقرب عليه وقف قباله وهو بيتامله بسخريه وقال باستهزاء.... بس تفتكر هيعرف يخرجك منها
بلع حسام ريقه وسكت فهو كان متيقن انه مفيش محامي هيعرف يخرجه بعد ما طلعو الحاجة من بيته.. خصوصا انه هو اللي دخلها بيته يعني محدش دسها له
زين بصله بانتصار وقال.... طلعت غشيم المرادي
طول عمرك بتشتغل في المداري.. دماغك كانت فين المرادي وانت بتخزن الحاجة في بيتك.. بس هنقول ايه ما يقع الا الشاطر... اتمنالك اقامه سعيدة هنا
كان حسام بيبصله بغل شديد ومش قادر ينطق
وزين نادي علي العسكري بصوت عالي واللي دخل فورا وقال
بعد ما ادي التحية... اؤمر يازين باشا
قال زين ... خد المتهم علي الحبس
وبص لحسام وكمل بتجبر .... وخلي المساجين يتوصو بيه
بصله حسام بخوف وزين ابتسم له ببرود وتحدي
اما العسكري ف ازعن ل امره علي الفور وقال... امرك يازين باشا و اخد حسام رغما عنه اللي كان وشه بهت وبقي متأكد ان زين مش هيرحمه ابدا
..
بقلم فريدة احمد
في نفس الوقت
دخلت القسم لتقابل في وشها محامي والدتها واللي سالته بلهفة... عملت ايه يا متر
بس المحامي رد عليها وقال باسف.... للاسف مش هينفع تخرج غير لو صاحب الشيكات اتنازل وانا حاولت معاه بس هو مصر انه يا ياخد فلوسه يا يحبسها
غمضت عيونها بحزن بعد ما الدنيا اتقفلت في وشها وهي مش عارفة تعمل ايه
والمحامي قال... انسه ليالي لازم تحاولي تسدديله المبلغ والا والدتك هتتحبس.. انا مفيش في ايدي حاجه
بصتله بقلة حيلة وسكتت
اشفق عليها وقال.... طيب انا هحاول معاه ياخد نص المبلغ ويصبر علي الباقي لحد ما يتدبر.. مع انه رافض بس هحاول معاه تاني
قاطعته وقالت بإحراج.... مش معايا يامتر.. حتي نص المبلغ مش معايا واديك قولت هو رافض.. انا كمان حاولت معاه كتير واترجيتو بس مفيش فايده
بصتله وقالت... المهم دلوقتي ماما عاملة ايه.. انا عاوزة اشوفها
سكت ومكانش عارف يقولها ايه، فقلقت وقالت بترقب... فيه ايه يامتر.. ماما كويسة؟
لكن هو قال بحزن.... هي جتلها غيبوبة سكر ونقلوها مسستشفي السجن
.....
في شقة في المهندسين خاصة بمرام وصحابها
كانت شيري مريحة علي الكنبة وهي بتتكلم في الفون وبتقول.... انا اللي بعت الفيديو ل زين
ليقول الطرف التاني... دا بجد.. انتي اللي عملتي فيها كده
لتقول بشماته..... اه انا..امال كنتي فاكرة هعدي القلم اللي ادتهولي قدام الناس كده عادي من غير ما اردوهولها عشرة واندمها
لتقول صاحبتها.... يا جحودك وقدرتي تعملي فيها كده ومخوفتيش.. دي مرام لو عرفت انك انتي اللي عملتي كده مش هترحمك
ضحكت شيري وقالت بثقة... ولا هتعرف تعمل حاجه.. مش لما تنجي هي من ايد زين الاول.. دا احتمال يكون قتـ، لها اصلا
اما علي باب الشقة
كانت رانيا الصديقة المقربة ل مرام.. كانت حاطة ايدها علي بوقها بصدمة بعد ما سامعت كل حاجة وهي داخلة بالصدفة وهي بتقول في نفسها يابنت الكااالب
..........
في الجامعة
كانت قاعدة حلا علي سلالم الجامعة مع شاب وماسك ايدها
ليقاطعهم صوت عاصي اللي ميل عليهم وقال... اجيب اتنين لمون
رفعت حلا وشها بصدمه وبلعت ريقها برعب وقالت... ع عاصي
..
في اخر الليل وقف زين بعربيته في مكان مقطوع مخيف مليان بأصوات الذئاب
بصتله مرام اللي كانت معاه في العربية بعد ما بلعت ريقها برعب وقالت..... ا. ا نت ه هتعمل فيا.. ا ايه
وهي حرفيا جسمها بيرتجف وهي بتبص حواليها برعب من المكان
مردش زين و نزل من العربية، لف الناحية التانية فتح الباب وجذبها من شعرها، واخيرا قال... نهايتك حانت. هبعتك ل عزرائيل
السادس عشر
انا هبيع دهبي واسدد الديون عن امي عشان اخرجها من الحبس يامحمد
قالتها بتوتر لـ جوزها اللي كان قاعد بياكل، واللي بمجرد ما قالت كده ساب الاكل وبصلها وقال... طب اعملي كده عشان اطلقك فيها ياشيماء
قالت بدموع.. يعني ايه. عايزني اسيب امي تتحبس وهي تعبانه.. مين هيراعيها في السجن.
بصلها بغضب وقال بقسوة... انا مال امي انا تتحبس ولا تخرج.. انا قولتلها تستلف وتمضي علي وصولات. ماكل واحد يشيل شيلته
مسحت دموعها وقالت بغضب.... وهو كل ده كان عشان ايه. مش عشان جهازي اللي جوزتني بيه.. يعني عشانك
رد عليها وقال.... لا يا حلوة انا مليش فيه.. مادام مكانتش قادرة تجهزك كان بلاها جوازة.. ولا انا اللي هتكفل بفلوس جهازك كمان
قالت بدموع وخزي... انا مقولتش كده.. بس دي امي واللي هي فيه ده بسببي فيها ايه لما اساعدها
رد عليها بقسوة وقال.... وانا قولت لا
قام وكمل بتحذير.... اسمعي قسما بديني ما تتصرفي وتبيعي جرام واحد او اعرف انك اخدتي جنيه من ورايا تدفعيه لامك لتكوني طالق.. لا ومش بس كده هبعتك ليها الحبس تونسيها
وبمجرد ما انهي كلامه سابها وخرج بعد ما رزع الباب وراه
اما هي بقت تبكي وهي حاسة بالعجز والذنب من ناحية والدتها
...........
في الجامعة
حلا قاعدة علي سلالم الجامعة مع شاب ماسك ايدها وبيتكلمو
ليقاطعهم صوت عاصي اللي ميل عليهم وقال... اجيب اتنين لمون
رفعت حلا وشها بصدمه وبلعت ريقها بارتباك بعد ما سحبت ايدها من الشاب وقالت... ع عاصي
ليقول عاصي... معلش قطعت عليكم اللحظة الجميلة دي
وبص للشاب وقال بعد ما مسكه قفاه .... مين القمور
وبرغم ان حلا ارتبكت الا ان في اعتقادها انها مش بتعمل حاجة غلط فهي ارتبكت من الخضة فقط
ف ردت ببساطة وقالت.... سيبو. دا رامي البوي فريند بتاعي
قال عاصي وهو لسه ماسكه... بوي ايه ياروح امك
قالت بغضب.. انا مسمحلكش.. هو ايه اللي حصل اصـ..
قاطعها عاصي بغضب مكتوم وقال بحده.... قدامي علي العربية وحسابك بعدين
وبعدين بص للي ماسكه وقبل ما يتكلم
قال رامي هو كمان بغضب وهو مش فاهم حاجه....مين ده يا حلا
ردت حلا عليه وقالت ببساطة لتاني مرة... دا جوزي
رامي وشه بهت وقال.... اايه.. جوزك
وبصله وقال بخوف... ا اسف.. اانا
قاله عاصي بتحذير.... لو قولتلها بعد كده صباح الخير هعلقك من رجليك زي الد، بيحة علي باب الجامعة اللي قدامك ده تهوي للي رايح وللي جاي
هز رامي راسه وقال بخوف ..م مش هاكلمها
رفعت حلا حاجبها بغيظ منه انه استسلم كده،، اما عاصي سابه وقال... غور
وبمجرد ما سابه كان رامي اختفي
بصتله حلا بعصبية ولسه هتتكلم
قال بحدة... قدامي ياابت
بصتله بغضب ومشيت قدامه بضيق
وقفت قدام العربية بغضب وقالت.... ممكن اعرف ايه اللي عملته ده
مردش عاصي، فتح باب العربية ودخلها ولف الناحية التانية ركب
بصتله بعصبية وقالت.. انت بأي حق تدخل في حياتي.... انت مالك اصلا
قال عاصي بغضب .... انا جوزك يا هانم
قالت بعصبية... انت جوزي علي الورق بس.. ملكش اي حق تدخل في حياتي. انت فاهم
بصلها عاصي شوية وبعدين قال... وانتي حاطة فدماغك انك ممكن تبقي علي ذمتي واسمحلك تتمرقعي و تصاحبي شباب.. ليه ياروح امك متجوزة قرني
كمل بتحذير.... طول ما انتي علي ذمتي تحترمي اسمي .. اي حركة بحساب.. مفيش دخول او خروج غير بإذني.. النفس اللي تتنفسيه بإذن مني.. فاهمة
بصتله بدموع وقالت.... طلقني
مردش وشغل العربية وطلع بيها
....
في القسم
كانت واقفة ليالي ومعاها اختها اللي بصتلها وقالت... هتعملي ايه يا ليالي
قالت ليالي بتوهان.... مش عارفة
: محمد مرضاش يخليني ابيع الدهب
قالتها شيماء بحزن ف ده الحل الوحيد اللي كانت حاطة كل امالها عليه، فبصتلها ليالي وقالت بغضب.... وانتي ازاي تفكري في حاجه زي دي.. ما انتي عارفة جوزك قليل الاصل و واطي...دا غير انه اكيد سمعك كلام زي السم. صح
اتجمعت الدموع في عيون اختها وقالت.... مش مهم.. انا بس عايزة امي تخرج بأي طريقة.. هي مش هتتحمل الحبس
شردت ليالي لثواني وبعدين بصتلها وقالت بإصرار ... هتخرج. متقلقيش.. انا هتصرف
.....
وقف عاصي قدام فيلا في الزمالك، فبصتله حلا باستغراب وقالت... وقفت ليه
قال عاصي ... هجيب سيف من عند جدته
حلا بدون فهم... سيف مين
ليقول عاصي ... ابني
السابع عشر
: وقفت ليه
قالتها حلا باستغراب لعاصي اللي وقف بالعربية قصاد فيلا معينة
فقال عاصي وهو بيفتح باب العربية... هجيب سيف من عند جدته
حلا بدون فهم.... سيف مين
ليقول عاصي.... ابني
هزت راسها بتفهم وهي بتتذكر
فلاش باك
كانت قاعدة مشغولة في تليفونها وقتها قاطعتها سهي بنت خالة زين اللي جات قعدت جمبها وقالت بخبث.... وانتي بقا تعرفي ان عاصي عنده ولد
رفعت حلا وشها من الفون وبصتلها وسهي قالت... زي ما بقولك كده
ابتسمت حلا بسخرية وردت عليها ببرود....اي الحكمة من انك جاية تقوليلي المعلومة
اتغاظت سها لكن قالت.. والله قولت اكسب فيكي ثواب احسن ماانتي متغفلة كده
ضحكت حلا وقالت... متغفلة.. ازاي يعني.. علي اساس عاصي هيخبي ابنه عني العمر كله
اتنهدت وقالت... بصي يا اسمك ايه.. اطمني جوازي من عاصي مش اللي في دماغك.. احنا لسه عارفين بعض من يومين. اكيد ملحقناش نحب بعض يعني.. واكيد برضو خالتك حكتلك سبب جوازنا
بعدين قالت بسخرية... بس غريبة برضو غيرانه ليه مش فاهمة.. هو مش المفروض بتحبي زين برضو بس يا حرام كرفلك
اتغاظت سهي جدا وبصتلها بغل وقامت
باك
انتبهت حلا علي صوت عاصي اللي قال... هتنزلي معايا ولا هتستني في العربية
بصتله حلا وقال بعفوية.... هنزل معاك طبعا
ابتسم عليها وقال.... طب انزلي
نزلو واخدها ودخلو
...
عند صحاب مرام
دخلت رانيا وبمجرد ما شيري انتبهت ليها قفلت الفون بسرعة وبقت مرتبكة جدا، قالت بتوتر... هو هو انتي جيتي امتا يارنيا
رانيا وهي بتقعد علي الكنبة... لسه حالا زي ماانتي شايفة
وبعدين بصتلها و قالت ... مالك مرتبكة ليه كده
بلعت شيري ريقها بتوتر وقالت... ا ابدا. انتي بس خضتيني لما دخلتي
وبرغم ان رانيا كان هاين عليها تو، لع فيها بسبب اللي سمعته الا انها اصتنعت الغباء،، قامت وقالت... امم.. معلش بقا
واتحركت ناحية المطبخ اللي مفتوح علي الريسيبشن
بغرض اعداد كوب من القهوة
وقفت تعمله وشيري قامت قربت عليها قعدت علي كرسي البار وقالت بتساؤول.... متعرفيش حاجة عن مرام
اصلي بطلبها كتير علي الموبايل مش بترد
قالت رانيا... مش عروسة وفي شهر العسل اكيد مش فاضيالك.
قالت شيري.. اه صحيح.. بس وحشتني.. هو انتي كلمتيها
قالت رانيا وهي بتصب القهوة.... اه.
شيري بفضول... وعاملة ايه هي وزين
قالت رانيا بكذب وهي قاصدة تفرسها .. زي الفل..عايشين اجمل ايام حياتهم طبعا... ربنا يسعدهم دايما
اتصدمت شيري وشردت وهي بتقول في نفسها... يعني ممكن يكون مصدقش فيها وكل اللي عملته طلع الفاضي
اما رانيا كانت بتبصلها بغل علي اللي عملته في مرام صاحبتها واقرب واحدة ليها وبقت تتوعدلها بعد ما قررت في نفسها انها هتعرف مرام باللي عملته
...
عند حلا وعاصي واللي بمجرد ما دخلو الفيلا
كانت قاعدة ست في اواخر الاربعينات شيك وجميلة جدا
ومعاها طفل في عمر الـ 4 سنوات بمجرد ما شاف عاصي
جري عليه وعاصي ميل وشاله
وهو بيقوله... عامل ايه
قال سيف... كويس
قربت عليهم حماة عاصي وقالت ببتسامة وترحيب.. اهلا بيكو
وبصت ل حلا وقالت ل عاصي.... مش تعرفنا يا عاصي
حمحم عاصي وقال ... دي بنت عمتي.
صمت للحظات وبعدين قال .. ومراتي
في اللحظة دي كانت نازلة من علي السلم اخت مراته.. اللي اتصدمت جدا
مامتها كمان اتصدمت وافتكرت بنتها وهي حاسة بحزن شديد لكن مظهرتش ده وقالت ببتسامة... الف مبروك يا حبيبي.
بعدين قالت باستغراب ل حلا... بس احنا ازاي مشوفناكيش قبل كده
بس عاصي اللي رد و قال.... لانها طول عمرها عايشة برا مصر.. هي لسه راجعة من فترة قصبرة
افتكرت وقالت... ااه فعلا.. انتي بنت صفية. صح
هزت حلا راسها وهي ابتسمت وقالت.... كنت بحب مامتك جدا. ربنا يرحمها
حلا بحزن.. يارب
هنا نزلت بنتها وقربت عليهم وهي بتحاول ترسم علي وشها ابتسامة لكن فشلت فهي بتحب عاصي وانها تتفاجأ انه اتجوز ده مش سهل عليها ابدا.. هي حرفيا اتصدمت صدمة عمرها
مامتها قالت.... شوفتي مرات عاصي قمورة ازاي يا دينا
ابتسمت دينا باصتناع وقالت... اه
وبصت ل عاصي بصة هو عارف معناها لكن اصتنع الغباء وقال... ازيك يا دينا
قالت... تمام... عن اذنكم
وخرجت الجنينة
اما سيف كان عمال بيبص علي حلا باستغراب. فهو كمان اول مرة يشوفها
شد عاصي من قميصه خلا يوطي عليه وقال بهمس... طنط دي مزة اوي يا بابا
ابتسم عاصي علي ابنه، وقال...عجبتك
حمزة قال...اوي يابابا
حماة عاصي.... طيب انتو هتفضلو واقفين... اتفضلو
لكن عاصي قال... معلش ياماما. مستعجل. جيت اخد سيف وماشي علطول
وباس راسها وقال... عاوزة حاجة
قالت .. طيب اشربو حاجة
لكن عاصي قال... مرة تانية
وبص لابنه وقال... يلا يابطل
واخدو وخرجو
كانت دينا في الجنينة حرفيا مولعة اول ما خرجو
بصتلهم وقالت وهي بتصتنع الثبات... عاصي ممكن اتكلم معاك
قال عاصي... اتكلمي
بصت ل حلا وقالت... لو حدنا
وبصتله وقالت... ممكن
بس عاصي قال.... هو سر ولا ايه ما تتكلمي قدامها
لكن حلا علطول قالت.... هستناك في العربية
واخدت سيف وسبقته
كانت دينا بتبص عليها بغل ورجعت بصت ل عاصي وقبل ما تتكلم كان هو قال... خير
قربت ليه وقالت.... مين دي
قال ... ما انتي سمعتي جوا
قالت بغضب مكبوت.. دا بجد بقا.. يعني انت اتجوزت
قال ببرود... عندك مانع
اتحرجت لكن قالت والدموع متجمعة في عيونها... وانا.
قال... انتي ايه
قالت... انت عارف اني بحبك.
قال... وانا قولتلك مليون مرة طلعي الهبل ده من دماغك
قالت بعصبية... عشان ايه.. عشان مش عارف تنسي جوليا.
كملت بسخرية... طب ما انت نسيتها اهو
قال... مين قالك اني نسيتها
بصت ناحية العربية ورجعت بصتله وقالت... اتجوزت وعايش حياتك.. دا اسمه ايه
قال ..بعيد عن انه ما يخصكيش..بس ايه المشكلة هو انا كنت وعدتك بحاجة قبل كده.
قالت بدموع.... بس انا طول عمري بحبك.. حتي من قبل جوليا.. وانت اتجوزتها وسيبتني.. ودلوقتي هيا مش موجوده.. مش كنت انا اولي.. سبتني برضو واتجوزت واحدة تانية
قال بنفاذ صبر.... ادخلي جوا وياريت تطلعي الافكار دي من دماغك.. انا طول عمري بعتبرك اختي.. فاهمة
وسابها ومشي
وهي بقت واقفة تبص عليه بدموع وغل
وهي بتقول في نفسها.. وديني ما ههنيك بيها
فتح عاصي العربية كانت حلا مشغولة مع الولد، ركب وهي بصتله بضيق فهي كانت ملاحظة نظرات دينا لكن متكلمتش
طبعا هي مكانتش غيرانه بس كانت بتقارن بين الموقف اللي حصل في الجامعة والموقف ده
اما هو باس ابنه وطلع بالعربية هو كمان بدون كلام
....
بعد وقت وصلو قدام السرايا
نزلو وقبل ما يدخلو عاصي قالها... اللي حصل النهاردة ده لو اتكرر تاني مش هيبقي فيه خروج من البيت... هتروحي الجامعة لا تقفي مع اي شاب ولا تتكلمي مع حد. فاهمة.. عشان مش هنبه عليكي تاني
مستحملتش حلا،، بصتله بعصبية وقالت... لا مش فاهمة ومتفكرش نفسك عشان اتجوزتني هسمحلك تتحكم فيا و تفرض سيطرتك عليا.
مسح علي وشه وهو بيحاول ما يتعصبش عليها وقال... طول ما انتي علي اسمي هتحترميه لو مش برضاكي هيبقي غصب عنك.
قالت بعصبيه.... عايزني احترم اسمك وشكلك قدام الناس.. طب ما انت محترمتش شكلي ليه لما وقفت مع الغندورة اللي كانت عايزاك علي انفراد.. الله اعلم بينكم ايه
رفع حاجبه وقال... بينا ايه
قالت بضيق... اسال نفسك.. اسمع انت ملكش دعوه بيا . فاهم.. واذا كان جوازك مني هيخليك تتحكم فيا..يبقي نتطلق
بصلها شوية وقال... لا انتي غلطانة حتي لو مش مراتي فانتي في الاول والاخر من العيلة يعني تخصيني واقدر احكمك..العيشة اللي كنتي عايشاها برا تنسيها .هنا مش مسموح بيها..يعني نظامك اللي كنتي ماشية بيه هيتغير
.. هتعندي مش هيبقي في خروج من البيت نهائي حتي جامعة هتتحرمي منها
بصتله بغضب شديد ودخلت
كانو كلهم متجمعين علي السفرة
الحاج همام وسميحة قالو... كويس انكم جيتو يلا تعالو
حلا كانت حابسة دموعها قالت... مش جعانة.. عن اذنكم
وطلعت
اما زين قام من علي السفرة و اخد تليفونه ومفاتيحه
سمحية قالت... انت خارج
رد زين وهو متجه للباب... عندي مشوار مهم لازم اعملو
...
في اخر الليل
زين وقف بعربيته في مكان مقطوع مخيف مليان بأصوات الذ، ئاب
بصتله مرام اللي كانت معاه في العربية بعد ما اخدها من الشقة اللي كانت فيها وهي مش فاهمة حاجة
قالت برعب من المكان... اا انت هتعمل فيا ا ايه
مردش ونزل لف الناحية التانية فتح باب العربية وجذبها من شعرها وقال.... نهايتك حانت. هبعتك ل عزرائيل
بلعت ريقها وهي علي الارض بعد ما بقتش رجلها شايلاها وقالت ... هـ تقتلني
وهي بتبص للمسد، س اللي في ايده برعب بعد ما ايقنت خلاص ان دي نهايتها
قال... اتشاهدي علي روحك
بقت ماسكه في رجله برعب وهي بتترعش... لا يازين... لا متموتنيش
...
عند والد مرام كان في مكتبه وهو ندمان وبيوبخ نفسه انه سابها ومأصرش ياخدها معاه حتي لو بالغصب.. ف مهما كان غضبه منها فهي بنته ومش سهل يسمح ل زين ياذيها
قام بعد ما حسم امره انه هيروحلها ويرجعها معاه لو بالغصب
اخد مفاتيحه ونزل ركب عربيته واتجه للشقة اللي معتقد ان مرام فيها بس لما وصل انصدم لما ملقهاش
الثامن عشر
: اتشاهدي علي روحك
قالها زين ل مرام وهي علي الارض ماسكة في رجله و بتبص للمسد، س اللي في ايده برعب وهي بتهز راسها بهستيريا وتقول... لا لا يازين متمو،، تنيش
بس هو كان واقف بجبروت، بيبصلها بقسوة، غير مبالي بخوفها وارتجافها
ميل عليها بعد ما مسك فكها بقسوة وقال.... انا برضو شايف كده.. المو،، ت ليكي رحمة..
بص حواليه وقال... عشان كده هسيبك هنا.. تموتي بالبطيئ
بقت تهز راسها بجنون وتقول ببكاء.... لا لا لا.. متعملش كده حرام عليكي.
وهي بتبكي بكاء شديد وتترجاه.. ابوس ايدك ارحمني يازين
بس زين كان غير مبالي بخوفها ،، سحبها من ايدها وهو بيقول ... تعالي
اتحرك بيها خطوات بسيطة ووقف قدام بيت أثري قديم، خرج مفاتيح من جيبه ومن وسطهم طلع مفتاح معين فتح بيه
كانت هي بتبص حواليها برعب. المكان حواليها ضلمة، مش سامعة غير اصوات الذ، ئاب وكان ده البيت الوحيد اللي في المكان، يعتبر مفيش بيوت حواليه، او فيه بس علي بعد امتار كتير
حدفها زين علي الارض بقسوة، كانت اوضة بابها بيفتح من الخارج، يعني ليها باب خلفي وده اللي زين دخل منه ،
فيها سرير ومن داخلها حمام، كانت اوضة شكلها قديم
بصلها بقسوة و قال.. هتفضلي هنا لحد ما تقابلي وجه كريم.. مش هتشوفي الشمس تاني يامرام
وسابها وخرج بعد ما قفل عليها الباب كويس
بقت تصرخ بانهيار وهي بتبص حواليها برعب وتقول.... لا لا لا، ابوس ايدك متسبنيش هنا. يازييييببن.. متسبنيش حرررام عليييييك..
فضلت تصرخ وتصرخ برعب وقامت جرت علي الباب بعد ما خرج، بقت تخبط علي الباب بجنون.. افتحلي يازين.. حرام عليك متسبنيش هنا حرام عليك. يازييين
لكن هو كان سابها وهو غير مبالي بصريخها وتوسلاتها
فضلت مرام تخبط علي الباب وتترجاه وهي بتردد... ماتسبنيش يازين، متسبنيش حرام علي. متسبنيش
لحد ما تعبت ونزلت علي الارض مكانها، بقت ضامه رجليها وبتبكي برعب
.......
اما زين فكان بعد عن البيت بخطوات ، غصب عنه قلبه رق عليها، وقف مكانه ومسح علي وشه وقبل ما يفكر يرجعلها،
فوق نفسه بسرعة وهو بيتذكر الفيديو اللي شافه ليها وقد ايه خدعته وحاولت تغفله، اتنهد وهو بيمسح علي وشه مرة تانية
وقفل باب العربية ورجع تاني للبيت بس المرادي دخل من الباب الرئيسي فهو مكانش راجع لمرام
..
اما عند والد مرام نزل من العمارة بصدمة وهو قلقان جدا علي بنته ليكون زين اذاها، فتح عربيته وركب، مسك تليفونه قبل ما يطلع وبقي يحاول يعمل اكتر من مكالمة
وهو في شدة غضبه من زين وهو بيتوعدلو بالهلاك
..
عند زين كان نايم علي كنبه،حاطط ايده علي عينه بهم و هو ساند راسه علي رجل ست مسنة في اواخر السبعينات. لكن يبان عليها الشده
كانت بتمرر ايدها علي شعره بحب، اتنهدت وقالت ... مش هتقولي مالك ياولدي. ومين البنية اللي كانت هتصرخ من شوية دي
قال زين... دي مراتي
اتصدمت وقالت بزهول... وهه. مرتك. وكيف تعمل فيها اكده
سكت زين وهي قالت... رد عليا ياولدي
اتنهد زين وقام اتعدل وقال... غلطت وبأدبها
قالت بشك... غلطت كيف ياولدي
بس هو سكت، اتفهمت ده ومحبتش تضغط عليه، لكن قالت... طيب ليه جبتها هنا بالذات
رد وقال بتلقائية... عشان طالع مأمورية تبع الشغل ومش هكون مطمن عليها غير هنا
قالت... بتحبها ياولدي
رد وقال بدون وعي ... قلبي مدقش لحرمة غيرها
مسح علي وشه بعد ما انتبه لنفسه. رجع لجبروته وهو بيحاول ينساها،، اخد مفاتيحه وقال.. انا همشي.. متفتحيش ليها ايا كان.. هي متعرفش ان فيه حد ساكن هنا..
كمل وقال... انتي بس ابقي خلي الست اللي بتخدمك تبقي تدخلها اكلها وشربها وتقفل عليها تاني.
وهو بيأكد عليها مرة تانية... مش عاوز حد يدخل يتكلم معاها واوعي تهرب
فقالت الست العجوز.... حاضر ياولدي اتطمن
باس ايديها وراسها وهو بيقول... محتاجة حاجه
قالت... لا يا حبيبي.. بس خليك. هتمشي علطول كده. بتوحشك ياولدي
باس ايديها وقال... معلش بكون مشغول
بقت تدعيله وتقول... ربنا يقويك ياولدي
وهو باس راسها ومشي
..........
في بيت اهل مرام
كان واقف ابوها في التراس بعد ما قفل مكالمة كانت معاه
دخلت زوجته وقالت... رفعت
وقربت ليه وهي بتبصله بشك.. في ايه، كنت بتكلم مين وبتسأله عن مرام.
وبقلق... انا بكلمها تليفونها مقفول.. بنتي مالها يارفعت
سكت وهي قالت بقلق......رد عليا بنتي مالها.حصلها ايه
ومين ده اللي بتقوله يشوفلك مكانها
قال رفعت اخيرا.... بنتك حطت راسنا في الطين
قالت بدون فهم... انت بتقول ايه.. يعني ايه اللي بتقوله ده
اتنهد وبص قدامه وقال.... اللي سمعتيه ياصافي..
غمض عينه وقال... بنتك جوزها اكتشف انها كانت علي علاقة بحد تاني
بصلها وقال .... احنا معرفناش نربي بنتنا. وادي اخرتها.. حطت راسنا في الطين ووسخت اسمي وسمعتها
كانت مامتها بتسمع بزهول، مش مصدقة.. قالت.. مرام
هزت راسها برفض وقالت... اكيد الكلام ده مش صح.. بنتي استحالة تفرط في شرفها
قال بسخرية... لا هي فرطت فعلا
.......
تاني يوم صباحا
كان راجع زين البيت لغرض ياخد اوراق ويرجع تاني عشان يسافر للمهمة
وهو طالع اوضته قابلته سهي اللي كانت خارجة من اوضة سميحة، بمجرد ما لمحته طالع علي السلم وهو بيتكلم في التليفون
بقت تظبط نفسها وشالت الطرحة خالص من علي شعرها وبقت ترتب فيه باديها
: زين
قالتها سها بعد ما وقفته قبل ما يدخل اوضته
وهي بتقرب ليه قالت... وحشتني
نزل ايده من علي اوكرة الباب وقبل مايتكلم قالت.. احم.. هي مراتك فين.. انت طلقتها
بصلها شوية وبعدين رد عليها وقال... انتي مالك. بتسالي ليه
قالت وهي بتقرب ليه جامد ... عشان بحبك.. انا اللي بحبك. هي متستاهلكش. طلقها يازين
رفعت ايدها تلمس وشه وقالت... هو انا موحشتكش.. انت واحشني اوي. بقالك كتير مش بتيجي البيت
كان بيسمعها بهدوء لحد ما مرة واحدة مسكها من شعرها لتتأوه بألم وهو قال... اقسم بالله لو كررتي الحركات اللي بتعمليها دي تاني لأقطع خبرك.
وزقها بعيد وقال بغضب... غوري من وشي
ودخل اوضته
اما هي رجعت شعرها لورا بعنف و بقت تتنهد وتقول بغل... حتي لو انا مش من نصيبك.. ورحمة امي ما هخليك تتهني
مع اي واحدة يازين
..
بقلم فريدة احمد
في جنينه السرايا
كانت واقفة حلا ماسكة كتاب بتذاكر فيه
في اللحظة دي كان داخل مراد قرب عليها ومسكها من دراعها، اتخضت ولفت لتتفاجأ بيه اترعبت لما لاقته هو ولسه هتصرخ
قال بغضب... اخرسي
قالت برعب...ا. انت عايز مني ايه.. سيبني
انتبه لنفسه،، سابها وقال باستفهام ... قوليلي. ايه اللي وداكي شقة عزيزة في اليوم اياه
كمل بشك... انتي يابت ماشية في الغلط.. ليكي في الشغلانه دي
قالت بغضب.... ااخررس قطع لسانك. انا اشرف منك
قال... امال اللي وداكي هناك
قالت ... ما انت اكيد سألتهم وعرفت
قال... اه سألت.
وبشك... بس انتي ايه علاقتك باللي اسمها احلام.. تعرفيها منين
كمل وقال .... الا اذا بقا ليكي في الشغلانه
ردت عليه بغضب وقالت... اخرس يا حيوان
مسكها من دراعها بغضب وقال .. تحكيلي دلوقتي كل حاجة. ايه علاقتك بالبت دي يابت. انطقي
اتألمت من مسكته وقالت بخوف... هي صحبتي
قال وهو لسه ماسكها... ازاي، عرفتيها منين. ايه اللي لمك عليها
قالت... م من الجامعة. ك كنت لسه نازلة مصر ولما قدمت في الجامعة مكنتش اعرف حد وهي جات اتعرفت عليا. وبقينا صحاب.
قال... وبعدين
قالت.... هي مكانتش بتحضر كتير. لما سالتها قالت انها بتشتغل بس مقالتش هي بتشتغل ايه وانا مهتمتش..بس فضلنا صحاب، في يوم عرفت ف بعدت عنها. ومكنتش حتي برد علي تليفوناتها.. بعد فترة رجعت تكلمني تاني ولما مرضتش عليها بقت تبعتلي في رسايل انها بطلت الشغل ده، انا اصدقتها
ويوم ما هربت من عند عمي كلمتني وبعتتلي عنوان الشقة دي وكذبت عليا وقالت انها شقتها. بس لما روحت اتفاجأت انها شقة مشبوهة بتاعت دعا، رة وهي مبطلتش زي ماكانت مفهماني .. وقتها اتخانقت معاها ولما جيت امشي صاحبة الشقة كانت عرفت اني بدور علي شقة اعيش فيها. ف ادتني العنوان بتاع شقتك وقالت انها تبع ست صاحبة عمارة عندها شقق بتأجرها.بس طلعت هي كمان بتكذب عليا وكانت عملالي كمين
كملت وقالت بدموع... روحت عشان ااجر شقة اعيش فيها بعيد عن عمي وابنه
رفعت وشها وبصتله بغضب وقالت....بس لاقيت حيوان ميفرقش عن اي كلب بيشمشم علي اي لحمة في الزبالة
سابها وقال... لمي لسانك يابت
بعدين قال باستفهام... قوليلي عمك وابنه عملو معاكي ايه يخليكي تهربي
سكتت وهو قال وهو بيطمنها... انا اخوكي. وهجبلك حقك
قوليلي عملو ايه
....
امام القسم زين كان خارج ولسه بيفتح باب عربيته فهو كان خلاص هيغادر المحافظة
بيفتح باب العربية اتقابل ب والد مرام اللي كان داخل القسم بعد ما نزل من عربيته،، وقف قباله وقال... بنتي فين
رد زين وقال.... بنتك في الحفظ والصون
حاول يسيطر علي نفسه وقال بغضب مكبوت... وديتها فين انتطق
بس زين قال... قولتلك بنتك في الحفظ والصون. متقلقش عليها
ولسه هيركب عربيته
منعو ابوها قال بتهديد ... اللي بتعملو ده مش في صالحك
ابدا.. انت عارف كويس انا ممكن اعمل فيك ايه
بس زين ابتسم ببرود وقال... لا الحقيقة مش عارف
كمل وقال... انا قولتلك قبل كده مش هتعرف تعمل حاجة ياسيادة اللوا.. اصل هتقول ايه.. خاطف بنتك.. مفيش واحد بيخطف مراته.. للاسف مش هتعرف تتهمني بأي حاجة
بالنسبة لبنتك.. اتطمن، هأدبها وهبعتهالك
وسابه وركب عربيته وطلع بيها
....
عند مرام
كانت مكانها علي الارض دافنه راسها بين رجليها ليقاطعها صوت الباب بيتفتح، رفعت وشها كانت واحدة ست ودي بتكون خادمة الست الكبيرة. كانت معاها اكل حطته علي الارض وقالت... زين بيه امرني اجبلك اكلك كل يوم
كانت مرام بتبصلها باستغراب وقالت ... انتي مين
لكن الست مردتش علي سؤالها، كررت جملتها تاني وقالت... زين بيه امر اني اجبلك الاكل .. يلا كلي
مرام اتعصبت جدا ومسكت الاكل حدفته علي الارض وقالت... وادي الاكل اهو. مش عايزة اطفح.. خرجيني من هنا ياست انتي
نزلت الست علي الارض وبقت تلم في الاكل وقالت... انا معنديش اوامر بكده.. حتي معنديش اوامر ارد علي اسألتك
جذبت مرام شعرها لورا بعصبيه شديدة وبقت تتنهد بغضب
.......
في السرايا
حلا قاعدة علي الكنبة بتقلب في تليفونها
في اللحظة دي دخل عاصي
قرب وقعد علي الكرسي اللي قصادها وهو ايده علي رقبته بيحركها شمال ويمين بتعب
اما حلا اول ما انتبهت ليه بصتله بغضب وضيق،فهي مش ناسية طريقته معاها اخر مرة، قامت تسيب المكان وتمشي
بس هو فرد رجله وهي معديه وهو قاصد يكعبلها. ف وقعت عليه
مسكها وقال... علي مهلك
بصتله بغضب بعد ما فهمت وقالت... علي اساس مش انت اللي كعبلتني قاصد
قال ببراءةمصطنعة... انا
قالت بغضب... لا خيالك.. سيبني
كان مكتفها بإديه، قال بسماجة... لا
قالت ... سبني بقولك.. لو حد شافنا دلوقتي. شكلنا هيبقي ايه
قال... واحد ومراته ايه المشكله
لسه هتتكلم، قال وهو بيرجع شعرها لورا... بتعرفي تعملي قهوة
بصتله بتعجب وبعدين قالت... لا مش بعرف
بس هو قال... لا بتعرفي
وفك ايده من عليها وقال... روحي يلا اعمليلي فنجان قهوة عشان مصدع
بصتله بغيظ وفضلت واقفة مكانها. قال بحدة.. اتحركي يلا
مشيت بضيق وهي بتقول... بااارد ومستفز
.......
بقلم فريدة احمد
بعد يومين
ليالي داخلة الشركة اتفاجأت بالراجل صاحب الوصولات اللي حبس بيهم والدتها، خارج من مكتب مراد
اتصدمت واتدارت بسرعة وهي مزهولة حرفيا وفي دماغها سؤوال واحد ( ايه علاقت الراجل ده بمراد )
......
عند مرام
كانت راحة جاية في الاوضة بغضب شديد وهي بتتوعد ل زين بداخها وتقول... وديني لاندمك علي كل اللي عملته فيا وهتشوف يازين انا هعمل ايه
في اللحظة دي فتحت الاوضة الست بالاكل، دخلت وقالت بشفقة...المرادي لازم تاكلي يابنتي والا هتتعبي
قربت مرام ليها وقالت بخبث.... انا فعلا جعانه وبصت للاكل وقالت... وهاكل كل الاكل ده
رجعت بصتلها وقالت... بس ممكن تفتحي الباب
كملت بسرعة... اصل الجو حر و مخنوقة اوي.. افتحي نتهوي كده. وبعدين ما انتي معايا اهو
بصتلها الست بتردد لكن نفذت طلبها وفتحت الباب
مرام كانت عنيها علي الباب وهي ناوية تهرب وو
التاسع عشر
: انا موافقة
رد ببرود وهو بيولع سيجارته وقال... علي ايه
قالت....علي الديل اللي عرضته عليا..
كملت وقالت... بس بشرط
ابتسم مراد بسخرية وقال... شرط!
بعدين قال.... بس انا محدش بيتشرط عليا
بس هي ردت عليه وقالت بجمود وتحدي.... ده اللي عندي.. لو عايزني.. تتجوزني.. انا ماليش في الحرام
ليالي وهي دخلة الشركة شافت الراجل صاحب الشيكات اللي حبس بيهم والدتها، خارج من مكتب مراد، ساعتها ايقنت ان مراد ورا كل ده.. يعني مراد اللي اتفق مع الراجل يقدم الوصولات للنيابة عشان يبتزها
ليالي بقت في شدة غضبها وكانت خلاص داخلة لمراد تتخانق معاه.. بس اتراجعت في اخر لحظة لما ادركت انه خلاص حطها في دماغها يعني مش هتعرف تعمل حاجة، حتي لو اتصرفت في الفلوس وسددتها اكيد هيدبرلها اي مصيبة تانية
حاولت السيطرة علي غضبها ودخلت عنده بعد ما فكرت صح وقررت انها تستفاد بدل ما تخسر
وبقت واقفة قدامه بشموخ وهي بتقول... هو ده شرطي.. يا مش هتطول مني شعره
قام طفي سيجارته في الطفاية وقرب عليها وبقي يلف حواليها بسخرية وقال... وانتي فاكرة اني ممكن اتجوزك.
دا انتي طموحك عالي اوي
وبصلها وقال... انسي. اسمك مش هيتحط جمب اسمي
اتضياقت واتوجعت جدا. لكن ما اظهرتش ده وردت بثبات وقالت....... وانا قولتلك اني ماليش في الحرام.. عايزني يبقي في الحلال.
ولفت تخرج وهي واثقة ومتأكدة انه هيوافق وبالفعل قبل ما تفتح الباب وقفها صوته لما قال... هتجوزك عرفي
ابتسمت من جواها الي حد ما بس لما لفت ليه قالت... رسمي. تتجوزني رسمي عند مأذون
مسح علي وشه بضيق من طريقتها الواثقة من نفسها ، هو عايزها حتي لو هيتجوزها بس كبريائه مانعه. قال بغضب ... انتي فاكرة نفسك ايه يابت.. انتي اللي زيك بتيجي ب 500 جنيه
قالت بغضب... انا مش رخيصة زي اللي بتعرفهم وانت عارف كده كويس.
كملت وقالت...واللي عندي قولتهولك ياجواز رسمي عند مأذون يا بلاش.
ثم اكملت باللي فاجأو وقالت.... ومتفكرش انك عشان عرفت تأجر الواطي صاحب الشيكات واتفقت معاه يحبس امي. اني هخضعلك وابيع شرفي... صحيح انت قادر وانا ممكن معرفش اخرج امي بسببك. بس مهما تعمل صدقني مش هسلملك نفسي في الحرام
: تمام
بصتله باستفهام فقال... تمام. هتجوزك.. مش ده اللي انتي عايزاه
واخد مفاتيحه وقال... هطلع بيكي علي الماذون دلوقتي
سكتت تستوعب انه وافق بالسرعة دي. بس قالت... تخرج امي الاول
حاول السيطرة علي نفسه وقال بهدوء مصطنع... متقلقيش. هتخرج.. يلا. تعالي معايا
............
عند مرام
بصت للست وقالت بخبث... هاكل.. بس تسيبي الباب
مفتوح
وكملت بسرعة... اصل الجو حر ومخنوقة.. وبعدين متخافيش ما انتي معايا اهو
الست كانت مترددة. لكن في النهاية نفذت طلبها وفتحت الباب
كانت مرام بالفعل ناوية الهروب، بس بمجرد ما بصت في الخارج وشافت اتنين حرس قالت بوهن ... هما مين دول
ردت الست وقالت... دول الغفر اللي بيحرسو البيت
غمصت عنيها بيأس وبقت متأكدة ان خروجها من المكان ده مش هيبقي سهل ابدا
...
عاصي وقف بالعربية قدام الجامعة وبص ل حلا وقال...زي ما نبهت عليكي. لو عرفت انك..
قاطعته وقالت بضيق ..خلاص حفظت. مش هقف مع ولاد ولو اي شاب كلمني مش هرد عليه.ولو رخم هديله فوق دماغه .. تمام كده
قال... شاطرة
بعدين رفع ايده لمس خدها بحنان وقال... انا مش عاوز ازعلك ولا حابب اقسي عليكي.. بس لازم تفهمي وتقتنعي ان العيشة هنا غير بره. هنا في حدود. فهماني
هزت راسها بتفهم وقالت... حاضر
ابتسم ليها وقال... يلا انزلي وخلي بالك علي نفسك
قالت... حاضر
ونزلت دخلت الجامعة وهو فضل يبص عليها لحد ما اختفت من قدامه ولف بالعربية وطلع علي شغله
.......
امام مكتب المأذون خرجو مراد وليالي بعد ما اتجوزو رسمي
بصتله وقالت... اظن كده نقدر نطلع علي القسم عشان نخرج امي
قال وهو بيفتح العربية... انا كلمت الراجل صاحب الشيكات يسبقنا علي هناك. اتطمني
رجع بصلها وقال... بس احتمال متخرجش النهاردة لان في اجراءات بتخلص الاول، انتي اكيد عارفة
قالت... المهم نروح دلوقتي والراجل يتنازل
قال مراد ... هيحصل اتطمني.. يلا اركبي
وركبو وطلعو علي القسم وهناك الراجل فعلا اتنازل عن البلاغ
كانت واقفة قدام مكتب الظابط اول ماشافت مامتها خارجة مع العسكري، جريت عليها حضنتها بدموع وقالت... خلاص ياماما هتخرجي
قالت مامتها باستفهام وشك ... جبتي الفلوس منين ياليالي
بصت ليالي للعسكري وقالت... بعدين ياماما.
....
مساءا رجعت ليالي مع مراد شقته دخلت وهي بتقدم رجل وتاخر التانية وهي قلبها مقبوض
وهي بتقول في نفسها... انا ايه اللي عملته في نفسي ده
انتبهت ليه وهو بيبصلها بوقاحة ويقول... ادخلي غيري هدومك و
بس هي قاطعته وقالت.... اسمع. انت مش هتلمس مني شعره غير لما امي تخرج. سامع
مسح علي وشه بضيق وقال... امك ما خلاص هتخرج الصبح واتطمنتي عليها.. ودلوقتي نشوف احنا نفسنا بقا
قالت ليالي... قولتلك لما تخرج وترجع معايا
كملت وقالت بضيق... وبعدين انا لسه ماخدتش عليك.. اديني وقتي. الدنيا مش هتطير
قال مراد.... نعم يختي. وقت ايه اللي عايزاه.. اسمعي يابت.. انا مش عايز دلع.. احنا بينا اتفاق
قالت وهي بتقعد علي الكنبه ببرود... والله دا اللي عندي. هتديني وقتي.. مفيش حاجه بتيجي كده مرة واحدة. لازم يكون في تمهيد علي الاقل
قال بوقاحة... لا انا بحب ادخل في الموضوع علطول.
وهو احنا في ابتدائي هنذاكر
بصتله بغيظ وقامت وهي بتقول بتجاهل...فين الاوضة اللي هنام فيها
مسكها من دراعها وقال بغضب من طريقتها المستفزة...انتي فاكرة اني هسمحلك بكده واسيبك.. انسي. انا هاخد حقي الليلة
رفعت ايدها وبصباعها بقت تمرره علي صدره وقالت... مش هتقدر.. انا عارفة انك مبتاخدش واحدة غصب
بعدت عنه وهي بتقول.... يلا تصبح علي خير
ودخلت اوضة من الاوض قفلت علي نفسها بالمفتاح
اما هو كان واقف بزهول بستوعب اللي عملته،
ابتسم علي نفسه بسخرية وقال... شكلك هتتعب ياحلو
ومسح علي وشه بضيق واخد مفاتيحه وخرج بعد ما رزع الباب وراه
وقتها ليالي اتنهدت براحة وراحت علي السرير ونامت
.....
تاني يوم صحيت ونزلت من الشقة طلعت علي القسم
تقابل مامتها وهي خارجة،، اختها هي كمان كانت راحت لهم
خرجت مامتهم وبقو يحضنوها ويبوسو ايديها بفرحة وهما بيقولولها حمدالله علي السلامه
وخرجو اتجهو لبيتهم البسيط
بعد وقت
كانت ليالي قاعدة بتهرب من عيون امها وكالمتوقع سالتها بشك.... جبتي الفلوس منين ياليالي
ردت ليالي وقالت... احم.. هو. انا
قلقت مامتها وشكها زاد.. قالت.. انطقي ياليالي.. جبتي الفلوس منين
بصت لاختها وبعدين بصت لمامتها وفجرت المفاجأة... انا اتجوزت يا ماما
مامتها بصدمة... اييه.انتي بتقولي ايه
وبغضب... اتجوزتي.. اتجوزتي ازاي
قالت ليالي بسرعة.... اتطمني ياماما.. انا اتجوزت علي سنة الله ورسوله.
وحكتلها علي كل اللي حصل
قالت مامتها... وبعدين هتعملي ايه. بعد مارميتي نفسك في حضن شيطا، ن زي ده..
وبعتاب... ليه عملتي كده في نفسك يابنتي. ليه
قالت ليالي بقوة... متقلقيش عليا ياماما.. وغلاوتك لاندمه
....
بعد اسبوعين
زين كان لسه مسافر ومرام زي ماهي محبوسة بين 4 حيطان
كل يوم بيعدي عليها غلها من زين يزيد وتتوعدلو اكتر بانها هدفعه تمن كل اللي عملو فيها غالي
اما والدها حاول كتير يوصل لمكانها بعد ما كلف اكتر من حد لكن للاسف مفيش حد قدر يوصل للمكان اللي زين حبسها فيه
اما ليالي مستسلمتش لمراد ولحد الان مسمحتش ليه يلمسها
برغم غضبه عليها
..
في اخر الليل كانت مرام قررت انها خلاص مش هتصبر يوم واحد علي اللي هي فيه. ف عملت حيلة عشان حد يفتحلها و تقدر تخرج
بقت تخبط علي الباب جامد وهي بتصرخ و تقول... حد يلحقني
لحد ما واحد من الاتنين الغفر فتحلها
كانت واقعة علي الارض ماسكة بطنها وعمالة بتتوجع
الراجل قرب عليها بخضة وقال.. مالك ياست هانم
قالت بتعب... الحقني بطني بتتقطع
مكانش عارف يعمل ايه قال وهو بيلف حوالين نفسه... اعمل ايه اكلم زين باشا
قالت بسرعة... لااا.... ش شوفلي الست اللي بتيجي تدخلي الاكل.. خليها تعملي حاجه سخنة ولو في اي دوا مسكن تجبهولي بسرعة
قال علطول.... حاضر. حاضر
وخرج كان الغفير التاني قاعد علي الكرسي نايم
مفكرش يصحيه و ينبه لانه مجاش في دماغه ابدا انها بتمثل، ودخل البيت بسرعة يعرف الست الكبيرة
انتظرته مرام لما دخل وقامت بقت تتسحب لحد البوابة الكبيرة كان قاعد البواب بيسقط هو كمان
مسكت حديده من الارض، خبطته علي دماغه وقع علي الارض فاقد الوعي
بسرعة نزلت اخدت المفتاح من جيبه فتحت بيه البوابة بالراحة وبمجرد ما خرجت بقت تجري
..
خرج الغفير ومعاه الست الكبيرة، اتحركو ناحية الاوضة. لينصدمو
الست بصت للغفير وقالت بزهول .. فين البنية
قال الغفير هو كمان بزهول... والله ياست احسان سايبها بتتوجع علي الارض اهنه
قالت بغضب وزعيق... انت بهيم سبت الباب مفتوح ياجحش انت. اهي هربت..
وبقت تخبط علي دماغها وتقول.... اقول ل زين ايه دلوك. اقوله الامانة اللي امنتني عليها مكنتش قدها
قال الغفير بسرعة... هي اكيد لسه مبعدتش عن المكان. هلحقها
وجري
وهي بقت بتصحي في الغفير التاني وتقول... قوم يا بهيم انت التاني.. اييه ميـ، ت مدريانش باللي بيحصل حواليك فاق الغفير وهي بيعدل العمامة اللي علي راسه وقال... س ست احسان
قالت الست احسان بسخرية... قوم ياخويا قووم.. انتو غفر انتو. دي الحمير ليها منفعة عنكم
.. اما مرام فكانت استخبت ورا شجرة وهي شايفة الغفير عمال بيتلفت يمين وشمال. لحد ما مشي في اتجاه تاني
طلعت هي وبقت تجري
...
بعد ساعات قضتهم مرام في الطريق اللي مكانتش عارفة اوله من اخره. اخيرا قدرت توصل لبيت اهلها
بقت بتخبط علي باب الفيلا بتعب شديد لحد ما فتحت الشغالة واللي اول ما شافتها قالت بلهفة... مرام هانم
كانت صافي نازلة من علي السلم وهي بتقول... مين يا سماح
قالت سماح.... د دي مرام هانم
جريت صافي بلهفة وهي بتقول .. مرام. بنتي
مرام كان واضح جدا عليها التعب والارهاق. قالت م ماما
ووقعت فاقدة الوعي
العشرون
وصلت مرام بيت اهلها بصعوبة وهي واضح جدا عليها التعب والارهاق وبمجرد ما ما متها شافتها، جريت عليها بلهفة وهي بتقول.... مرام. حبيبتي
بس مرام كانت خلاص ما بقتش قادرة توقف علي رجلها، قالت بتعب... مامي
ووقعت فاقدة الوعي
.....
عند زين
كان نايم ليوقظه صوت الموبايل
فاق وكانت الست احسان اللي اول ما شاف رقمها اتخض فهو افتكر ان مرام حصلها حاجة، رد عليها وقبل ما يتكلم
جاله صوتها وهي بتقول بحرج... زين يا ولدي
وبصعوبة... مرتك هربت
.......
في الجامعة
حلا خارجة من المحاضرة اتفاجات ب وائل واقف مع واحد
وواضح انه بيسأله عن حد و طبعا اكيد بيسألو عنها
دا اللي استنتجتو وبقت مرعوبة، خايفة يشوفها، راحت استخبت بسرعة منه قبل ما يلمحها وهي حاطة ايدها علي قلبها. بقت واقفة متدارية في مكان لوحدها وهي بتاخد نفسها بسرعة وضربات قلبها سريعة من الخوف والتوتر
وبقت بتبص عليه من ورا الباب لحد ما شافته خرج من الجامعة، وقتها اتنهدت براحة
بعد دقايق كان عاصي اتصل بيها بعد ما وصل امام الجامعة وقالها تخرج له بره
خرجت بسرعة ركبت معاه وكان واضح جدا الخوف علي ملامحها
عاصي مكانش مركز معاها، قال بضيق .... كده النظام ده مش هينفع. المشوار طويل وانا مش فاضي للهانم اجبها للجامعة واخدها من الجامعة. مش شغال سواق انا.. ابقي انزلي علي الامتحانات بس و
قاطعته لما قالت بهدوء.... اتطمن انا اساسا مش عايزة انزل الجامعة تاني.
بصلها شويه لاحظ رعشة جسمها وتوترها، قال.... مالك
بلعت ريقها وقالت.. ...خلاص مش هاجي الجامعة تاني انا اللي بقولك .. واسفة اني بعطلك عن شغلك
كان ملاحظ انها مش طبيعية، ف كان لسه الخوف ظاهر علي ملامحها. خصوصا انه لاحظ كمان انها عمالة بتبص حواليها
ومكانش فاهم ليه
مسك ايديها اللي اتفاجئ بيهم متلجين وقال... اهدي. ايه اللي حصل.. في حد عملك حاجة
قات بدموع.... مش عايزة اخرج من البيت تاني
قال باستفهام... ايه اللي حصل. اتكلمي
قالت برعب و بنبرة متقطعة..... و. وائل.كا كان هنا.انا ش شوفته دلوقتي
ظهر الغضب علي ملامحه وقال ... كلمك. عملك ايه.. اتكلمي
بس هي هزت راسها ب لا وقالت... مشافنيش. انا استخبيت منه
مسح علي وشه وبصلها وقال... امال مالك مرعوبة ليه
قالت بدموع... عشان هو بيدور عليا
قال بغضب.... انا مش قولتلك متخافيش..خايفة كده ليه
مد ايده مسحلها دموعها وحاوط وشها بكفوفه وقال وهو بيطمنها... الواد ده. انا مش قولتلك متخافيش منه. يابت ده صرصار اقدر افعصه برجلي.. دا غير انه كده كده مش هيقدر يعملك حاجة.. ولا خليه يحاول.. ساعتها يبقي لعب في عداد عمره
........
عند زين كان في شغله وهو بيفكر في مرام،
مسح علي وشه واتنهد وهو بيحسم امره انه هيسيبها خلاص لحالها ويطلقها
.............
في فيلا اللواء
مرام نايمة في السرير، مامتها واختها قاعدين قدامها
اختها قالت... حمدالله على سلامتك ياقلبي
اما مامتها مسكت ايدها وقالت.... ها ياحبيبتي. احسن دلوقتي
هزت مرام راسها بهدوء وقالت... احسن الحمدلله
شردت وظهر الحزن علي ملامحها وبقت تتذكر كل اللي حصلها
انتبهت لمامتها اللي قالت بتساؤول.... احكيلي يا حبيبتي عمل فيكي ايه الحيوان ده
بصتلها بدموع متجمّعة في عيونها وسكتت
قربت مامتها حضنتها وقالت بغل.... كل اللي عملو فيكي هيندم عليه.. ابوكي مش هيفوت له اللي عمله اكيد
كملت وسالتها بتوجس... بس انتي صارحيني يا قلب مامي.. انتي فعلا غلطتي وعملتي علاقة مع حد
لترد مرام وتقول ...؟؟؟
....
في بيت ليالي
كانت قاعدة علي الكنبة قصاد الشباك اللي فاتح علي الحارة
كانت قاعدة شاردة لحد ما جات مامتها قعدت قدامها وقالت
.. هتعملي ايه في المصيبة اللي حطيتي نفسك فيها دي يابنتي.. ليه عملتي في نفسك وفيا كده بس
بصتلها ليالي وقالت.... انا معملتش حاجة غلط ياماما.. انا اتجوزت
كملت وقالت... وبعدين كنتي عايزاني اسيبك محبوسة ويتحكم عليكي بكام سنة وانتي اصلا تعبانة.. مين كان هيراعيكي
اتنهدت وقالت.... انا عملت الصح ياماما.. المبلغ مكانش قليل ولو كنت اشتغلت ليل ونهار ماكنتش هعرف اجمع نصه.. دلوقتى اهو في لحظة مراد دفعهم للراجل. مقابل اني
وسكتت
مامتها قالت بسخرية.... مقابل انك بعتيلو نفسك.. مش كده
زعقت فيها وقالت... مكنتش اعرف انك رخيصة اوي كده. بعتي نفسك عشان شوية فلوس.. ياستي ملعون ابوها.. مكنتش عاوزة اخرج من الحبس . علي الاقل كنا هنبقا بشرفنا
اتصدمت ليالي وقالت... وانا كنت بعت شرفي فين.. علي فكرة هو اتجوزني علي سنة الله ورسوله.
كملت وقالت... وملمسنيش ومش هيلمسني غير بمزاجي.. اتطمني ياماما بنتك بمية راجل
وقامت دخلت اوضتها وهي من جواها ندمانة بس كمان كانت بتقنع نفسها انها مغلطتش وانها اتصرفت صح
وبدل ما تخسر استفادت ده اللي كانت بتقنع نفسها بيه طول الوقت
في الوقت ده رن موبايلها مسكته وكان مراد اللي نفخت بضيق اول ما شافت رقمه، اتنهدت ورغما عنها ردت وقبل ما تتكلم سمعت صوته وهو بيقول بغضب .... انتي فين ياروح امك
غمضت عيونها وحاولت تتحكم في نفسها وردت... انا في البيت. هكون فين.. انت مش قولتلي متجيش الشركة
قال... وانتي بروح امك قاعدة عندك يتعملي ايه..
وبأمر..... نص ساعه هكلمك تكوني في الشقة مستنياني.. سمعتي
قالت بهدوء... حاضر
.....
عند مرام
كانت في اوضتها ومعاها صاحبتها رانيا اللي بمجرد ما عرفت راحتلها فورا
وبعد ما حكتلها علي كل اللي سمعته من شيري قالت... هتعملي معاها ايه يامرام
قالت مرام وهي بتتوعدلها.... هندمها اكيد
كملت بغل... وديني لندمهم كلهم واحد واحد
رانيا قالت.... علي فكرة حسام اتحبس. الشرطة خرجت المخد**ارات من بيته..
قالت مرام بشماته... في داهية
ورانيا كملت وقالت بثقة ..... بس اكيد زين ليه يد. انا متأكده انه هو اللي حبسه.
بصتلها مرام وبعدين قالت... والزفت ايهاب فين
قالت رانيا.... للاسف هرب بره مصر... بعد ما عرف ان حسام زين خطفه
بصتلها مرام باستفهام فقالت..... ما هي شيري سرقت الفيديو من علي تليفون ايهاب ولما حسام اتخطف، قالت لايهاب ان حسام بعت الفيديو ل زين، وطبعا كان حسام اتخطف ف ايهاب خاف وهرب
.....
مساءا
فتح مراد شقته ودخل، كانت ليالي قاعدة علي الكنبة
بتتفرج علي التلفزيون بملل، قرب وهو بيحط المفاتيح علي الترابيزة باهمال، هي رفعت عينها بصتله ورجعت بصت تاني للتلفزيون بتجاهل
فقال مراد .... قومي
بصتله وقالت بتعجب... نعم!
كان في ايده كيس ومن شكله واضح ان اللي جواه من براند غالي، حدفه عليها وقال... خمس دقايق تبقي قدامي لابسة قميـ ص النوم ده ومهيأة نفسك. الليلة دخلتك يا عروسة
اترعبت لانه كان واضح علي ملامحة الجدية. قامت وقالت بسرعة بعد ما اخفت توترها.... لااااا.. احنا متفقناش علي كده
احنا قولنا هتسيبني براحتي. حصل ولا لا
بس هو قال.....انا مقولتش حاجه.انتي اللي قولتي وبالنسبالي كلامك ملوش لازمة
كمل وقال...يلا ادخلي اعملي اللي قولتلك عليه
فضلت واقفة مش عارفة تعمل ايه
قال بحدة... ماتخلصي
بس هي استجمعت قوتها وردت عليه وقالت .. طب مش هتلمس مني شعره يامراد.. وريني بقي هتاخدني غصب ازاي
وسابته وراحت تخرج بس وقفها صوته لما قال.... علي فين
قالت... راجعه البيت
مسح علي وشه بغضب وقرب ليها بعد ما حاول يسيطر علي غضبه منها.. قال... انتي مش هتخرجي من هنا.
اتنهد وقال.... مش هقربلك... بس مش معني كده انك هتعيشي مع امك.. انتي هتفضلي هنا.. ادخلي يلا اتخمدي جوا
كمل بتحذير وقال..... لو عرفت انك خرجتي بدون اذني هزعلك
وسابها وخرج بغضب وهو مستغرب نفسه ازاي مش قادر ياخدها غصب وايه اللي مصبره عليها كل ده
........
تاني يوم
نزلت مرام من اوضتها اتقابلت ب مامتها اللي بصتلها باستغراب وقالت... انتي خارجة
ردت مرام وقالت وهي بتتجه للباب... اه يامامي
لكن وقفها صوت مامتها اللي قالت... استني
وقامت قربت عليها وقالت بتساؤول... علي فين
قالت مرام... مشوار ياماما.
وهي جواها كمية غل فظيعة من زين كملت وقالت.. فكرة لازم انفذها
وبدون ما تدي ل مامتها فرصة خرجت وهي بتقول...باي يامامي
.......
بعد وقت كانت وصلت لمكتب محامي ومش اي محامي. دا صاحب زين المقرب،
وهي قاعدة قصاده علي الكرسي وحاطة رجل علي رجل، قالت.... انا جيالك في قضية
وقبل ما يتكلم قالت.... عاوزاك ترفعلي خلع علي جوزي
اتصدم وقال.. لحظة بس.. خلع علي مين!!!
قالت مرة تانية.. علي جوزي اللي هو صاحبك
وكملت بسخرية.... جيالك في قضية خلع. اكيد هخلع جوزي مش هخلع ضرسي
اتغاظ منها لكن قال باستغراب وزهول.... يعني انتي عاوزة تخلعي زين!!
هزت راسها بتاكيد وقالت... اه
فقال بتعجب... ليه
ردت وقالت ببساطه...... صاحبك متجوزني من اكتر من شهر ولحد دلوقتي مدخلش عليا..
ليقول بزهول وهو مش قادر يصدق اللي بيسمعه.... انتي بتقولي ايه
قالت مرام بجحود... بقول اللي سمعته.. انا هخلعه
ثم اكملت بجراءة... انا من حقي اطلق واتجوز را**جل
كان مندهش من كلامها، في حالة زهول حرفيا
وهي كملت وقالت.... هترفعلي الدعوة ولا اشوف محامي تاني
هي كانت متأكدة انه هيرفض بس غلها من زين خلاها عاوزة تفضحه قدام اي حد وبرغم انها كانت متأكدة من رده راحتله بس عشان تفضحه قدام صاحبه
وكالمتوقع رد عليها وقال... اسف. اكيد مش هعمل كده في صاحبي
قامت وهي بتاخد شنطها وقالت...تمام
بس هو حاول يوقفها وقال... استني بس..
وقف قصادها وقال... نصيحة متعمليش كده يامرام.. انتي مش قد زين.
بصتله بسخرية وهي مش هاممها وقالت... يوريني هيعمل ايه
ولبست نضارتها وخرجت
مرجعتش مرام البيت وبالفعل نفذت اللي في دماغها فهي طلعت علي محامي تاني.
.....
بعد اسبوع كان زين في القسم بعد مارجع من المأمورية
دخل صاحبه اللي حاول كتير يكلمه عشان يعرفه باللي مرام ناوية تعمله لعله يوقفها بس زين كان تليفونه مقفول وبمجرد ما عرف انه رجع راحله القسم فورا
دخل قعد وهو مش عارف يقوله ايه
فقال زين بشك.... في ايه ياعماد
وقبل ما عماد يتكلم دخل العسكري وقال... زين باشا.. في واحد بره معاه جواب من المحكمة
الفصل الأول حتى الفصل العاشر من هنا
الفصل الحادي عشر حتى الفصل العشرون من هنا
الفصل الحادي والعشرين حتى الفصل الثلاثون من هنا
الفصل الحادي والثلاثون حتى الفصل الرابع والثلاثون من هنا
تعليقات
إرسال تعليق