رواية احاسيس ميته الحلقه الخامسه عشر والاخيره بقلم الكاتب محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
دخل ادم الروبوت القسم ووقف قصاد عسكري وساله عني وقال العسكري
ممكن تسال عليها الظابط النبطشي
ادم
واللاقي فين دة
وصل العسكري ادم للظابط ووقف ادم قصاد الظابط وزي ما سال العسكري سال الظابط وقال الظابط
 |
في حجز الستات
ادم
كنت عايز اشوفها
الظابط
ممنوع
ادم
لازم اشوفها
الظابط
قولت ممنوع
ادم
انا ما ينفعش يتقال لي ممنوع
الظابط بعصبية
ابن مين في مصر انت علشان ما قولكش ممنوع
مسك ادم ايد الظابط وضغط علي عضمة في المعصم اسمها عضمة الزورقية
و اتوجع الظابط ولسة هيتكلم قال ادم
انا ضاغط علي اضعف عضمة بين الكف والمعصم ومعروفة طبية باسم عضمة الزورقية ف لو قولت حرف واحد
او طلبت مساعدة حد من اللي موجودين هنا هكسر لك العضمة دي
الظابط قال بصعوبه
هعمل لك اللي انت عايزه بس سيب ايدي
ساب ادم ايد الظابط وهنا الظابط مسك السلاح الميري بتاعه. وصوب المسدس ناحية ادم وهنا ادم هجم علي الظابط وطلعت الرصاصة وجت في صدر ادم اللي بص للظابط بغضب شديد وزقة بمنتهي القوة وهنا العساكر هجمو علي ادم
لكن الهجوم خلص علي اصابة العساكر. ومسك ادم عسكري من شعره وقال
فين حجز الستات
العسكري شاور ناحية طرقا وقال
اخر الطرقا دي
و بدا ادم يتحرك ناحية الحجز وسايب وراء منه فوضي ملهاش اخر وفتح باب الحجز وبص ل ريحانه وهنا انا شوفته وكاني شوفت ملك الموت وصرخت وهو قرب مني وقال
بينا كلام لسة مخلصش
في الوقت دة صرخت باعلي صوتي وهو قرب مني وحسيت قد اية الموت بقي قريب مني لكن فجاة اتوقف ادم عن الحركة ما عرفش لية لكني هنا سمعت صوت ادم اللي كان مع صفية وفي ايديهم شنطتين اكل وكان ادم بيقول
قدرت ادخل علي السيستم بتاعه و هكرته
بصيت ل ادم الروبوت اللي واقف تماما عن الحركة
وقولت
وانت ازاي عملت كدة
ادم راح ناحية الروبوت وشاور علي ذراعة اليمين وقال
عن طريق قراءة الباركود الخاص بي. وقت ما كان داخل للظابط قدرت اصور البار كود وافك شفرة بيانات السيستم الخاص بي
بصيت للباركود المرسوم علي ذراعه واللي انا كنت فاكرا وشم. وعيط من الفرحة وروحت وقفت قصاد ادم وقولت
اني كنت هموت
ادم
ما حدش يقدر يقرب منك طول ما انا عايش
ريحانه
انت بقيت سندي
صفية
اية انا هنا وعلي فكرة اني اللي قولت له نجيب لك اكل ونرجع لك و اني اللي شوفت ادم وهو داخل القسم
ادم
وانا اللي هكرت السيستم بتاعه
ريحانه
وانا بشكركم انتو الاثنين
ادم
بس احنا لازم نبلغ عن الشركة اللي باعت لك الروبوت دة. لانه خطر علي البشر
صفية
نفوق بس من حوار ريحانه وبعدها نركز مع الشركة اللي صنعت النوع دة من الروبوتات، ،،،،،،،،
وتعدي الليلة ويطلع النهار وصفية وادم رجعوا الاقصر وراح ادم ل مكتب يونس الحنش. وبعد معاناة وبعد مستني تلت ساعات كاملين قابلو يونس وقال
خير
ادم
انا جاي لك بخصوص القضية اللي انت رافعها علي ريحانه
يونس
ريحانه اخت صالح
ادم
وسط كل القضايا اللي عندك و فاكرها دة في اكدة اللي موصيك عليها
يونس
وانت مين بقي علشان احكي معاك في حكاية ريحانه
ادم
انا ادم المحامي بتاعها
يونس
انا اعرف كل محامين الاقصر وانت مش منهم
ادم
اني محامي لكني مش خريج حقوق
يونس
عايز تقول بالبلدي ان ريحانه في حمايتك
ادم
هو اكدة
يونس
طالما جيت لي يبقي هي اتقبض عليها
ادم
يعني انت ما تعرفش
يونس
انا مش فاضي لها دلوقتي لان معايا قضية تاني اصعب من قضية ريحانه دة حتي من كام ساعة جالي تيلفون بخصوص القضية دي. تصور يا استاذ ان معايا قضية راجل عايز يقتل مراته لكن عن طريق الحكومة ولبسها قضية وعامل انه بيدافع عنها زي ما انت بتعمل كدة
ادم
انا ماليش صالح بالحكاية دي و جاي لك علشان تتنازل عن القضية اللي انت رافعها علي ريحانه
يونس
مش انا اللي رفعت القضية دي دة اخوها صالح روح له خلي يتصل بيا و يقولي اتنازل ولا انت ما تقدرتش علشان انت عشيق اخته
ادم اتعصب لكنه مسك نفسه وقال
دة صالح حكي لك عني بقي
يونس
انا بالنسبة ل صالح وابوه مش محامي وبس دة انا يعتبر الصندوق الاسود اللي في كل اسرارهم. لكن ما تقلقش انت ممكن تفتح الباب وتخرج وانا هعمل نفسي ما شوفتكش اصلك صغير علي الموت. ولو فاكر ان اكمن
ابو صالح مات وصالح لسة في الرعاية دة هيخليك تفلت من الموت تبقي غلطان لان عم ريحانه لسة عايش والعار عاره
ادم
ما تسمعش عن اللي نام وهو سليم جه يصحو ما صحيش
يونس
عايز تقول اية
ادم
عايز اقول لك اني ما بخفش من الموت وممكن اخاف من عم ريحانه واجيب وراء وبعديها اموت وانا سليم في سريري. بس وقتها هموت خسيس وجبان وانا ما بيلقش عليه الخسة او الجبن
وحابب كمان افرجك علي فيديو صغير تاخد من وراء عظة
وطلع ادم موبيلة وشغل فيديو ل ادم الروبوت وهو بيكسر في القسم وبيضرب العساكر والظابط والطلق الحي ما بيقصرش في
و اتفرج يونس علي الفيديو واتصدم من الرعب وادم شاف ملامح وش يونس ضحك وقال ل نفسه
كويس اني خليت صفية تصور الفيديو دة بموبيلها وتبعده ليا اهو نفع.
يونس خلص الفيديو وادم سحب الموبيل منه وقال
هو دة انت
ادم حط الموبيل في جيبة وقال
انا التكنولوجيا الحديثة واخطر روبوت اخترعه البشر وعندي استعداد اقتلك ومش هاخد فيك دقيقة. اصل لسة قانون العقوبات ما حطش اي قوانين تمنع اللي زيي
يونس طلع مسدسة وصوبه ناحية ادم وقال وهو بيترعش
عارف لو مخرجتش من هنا انا هقتلك
ادم
ما عرفش عنك انك غبي انا متبرمج علي الدفاع عن نفسي ضد الخطر وعندي استعداد بعد اول طلقة تطلع من مسدسك اخد روحك بضربه واحدة من ايدي.
وقال ادم بصوت يحبس الدم في العروق
تحب تجرب. دوس علي الزناد وانت تشوف نار جهنم علي الارض
يونس اترعش اكتر وحط المسدس جنب منه وكان هيعيط، ،،،،،،،،،،
بعدها بيوم بالظبط خرجت من القسم بعد ما يونس اتنازل علي القضية واخويا فاق وخرج من المستشفي علي السجن. والروبوت تم اعدامة بمعرفة الحكومة المصرية. واتمنع استيراد اي روبوت من النوع دة تاني
وانا بدات اعدي كل اللي حصل لي. لكني خوفت ارجع الاقصر لبعدين عمي يقتلني او يقتل ادم. وفي يوم كنت قاعدة مع ادم علي الكورنيش وهو باصص لي وبيقولي
واخرتها هنفضل كدة كتير
ريحانه
خايفة اتجوز تاني
ادم
الخوف مش علاج ل مرض ربنا ابتلاكي بي لكن الصح انك تتعايشي مع الجواز علي ان ايامه كلها مش هتكون شبه بعضيها يعني في يوم حلو ويوم مر ويوم كله حب ويوم مليان قسوة. دي سنة الحياة ما حدش يقدر يغيرها مهما حاول
ريحانه
ولية ايامنا كلها ما تبقاش فرحة
ادم
وقتها الملل هيكون مصيرك الفرحة الدايمة موجودة في الجنة وبس
ريحانه
طيب توعدني بعد الجواز هتفضل تحبني
ادم
هحبك بطريقتي مش بالطريقة اللي انتي محملها علي التطبيق
ريحانه
انا خلاص نسيت التطبيق وبقيت معاك انت وبس
ادم ابتسم وقال
وانا كمان هكون معاكي وليكي انتي وبس
ومن غير ما احس لقيت نفسي اترميت في حضن ادم و ل اول مرة الاحاسيس متبقاش ميته.
خلصت الحكاية اللي يارب تكون عجبتكم ومستني راي كل اللي شرفني بقراءة. القصة. سلام
تابعوا صفحتي علشان يوصلكم اشعار فور نزول الروايات من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع فصول الروايه من هنا 👇 ❤️ 👇
الحلقه السادسه والسابعه من هنا
الحلقه الخامسه عشر والاخيره من هنا
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙
تعليقات
إرسال تعليق