رواية احاسيس ميته الحلقه الرابعه بقلم الكاتب محمد منصور حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
كنت بفتح عيوني بصعوبه علشان الاقي نفسي في اوضي وقصاد مني ابويا وصفية واخويا وكان باين علي وشوشهم القلق وقال ابويا
الف سلامة عليكي يا بنتي
اتفزعت لما افتكرت اخر حاجة شافتها عيوني قبل ما يغمي عليه وهي الرسايل اللي جت لي علي الواتس من رحيم. وقولت ل صفية
عايزاكي ل وحديكي
استغرب اخويا وابويا لكن صفية قالت
معلش يا عمي خد صالح واخرج
ابو صالح
هو في اية يا صفية
 |
صفية
مافيش حاجة يا عمي بس معلش سيبنا لوحدينا
وخرج ابويا ومن بعده اخويا صالح وهنا بصت لي وقالت صفية
في اية يا ريحانه
ريحانه
رحيم بعت لي رساله علي الواتس وقالي ما تخفيش اني جنبك
صفية
ازاي دة حوصل
ريحانه
مش مصدقاني صوح
ومسكت الموبيل اللي جت عليه الرساله وفتحت الرسايل وهنا الاقي مافيش رسايل جت لي قولت ل صفية
والله العظيم جت لي رسايل من رحيم
صفية كانت باصة للموبيل وبتقول
لو جت لك فين هي.
ريحانه
ماعرفش. هو اني اكدة بقيت مجنونه رسمي
صفية
انتي لازم يكشف عليكي دكتور نفسي لان حصل بينك وبين رحيم حاله من حالات التوحد ودة خطر عليكي
ريحانه
اني ما عرفش اخرة اللي بيحصلي دة اية. بس مش هستسلم للجنان ولازم اتعالج،،،،،،،
ويطلع النهار. والدنيا تتقلب لما يتعرف ان غنيم مات. وطبعا الدكتور اللي كشف عليه ما كنش محتاج وقت كتبر علشان يكتشف انه مات مقتول. والمباحث بدات تحرياتها وانا مش مصدقة ولا مستوعبة اللي بيحصل وعايزين الحق انا شكيت في نفسي لية ما يكنش جالي اتفصام في الشخصية واكون انا اللي قتلته لما عرفت انه ناوي يرفع عليه قضية زنا. وروحت للمديرية وقعد قصاد ظابط مباحث ملامحة بدل علي ذكاء مخيف وشخصيته كانت تجبر اي حد علي انه ما يقولش الا الحق والمفتش دة اسمه. فريد. وقال لي
مدام ريحانه ما حبش اقول اللي هقوله دة لكن البصمات اللي لقيناها علي المخدة اللي مات بيها جوزك كان عليها بصماتك
ريحانه
من الطبيعي تكون بصماتي فوق المخدة لان دي اوضة نومي زي ما هي اوضة نوم غنيم
فريد
وهي تفصيلة زي دي انا ما عرفهاش. ان بتكلم ان البصمات الموجودة فوق المخدة بصمات جديدة ما عداش علي وجودها فوق المخدة اكتر من 10 ساعات. واللي اعرفه انك سايبة البيت بقالك يومين
هنا انا كنت هاتجنن يعني انا فعلا بقيت مريضة نفسية ومشيت وانا نايمة وكمان قتلت غنيم. لا. انا مستحيل يبقي دة حالي وهنا فريد قالي
مدام ريحانه روحتي مني فين
ريحانه
اني مع حضرتك
فريد
واضح انك مش معايا وبتفكري. في اللي عملتي
ما هو برضيكي ما كنش سهل عليكي لما تعرفي ان جوزك يرفع عليكي قضية زنا
فقررتي تقتلي.
ريحانه بعصبية
اني ما عملتش كدة
فريد
اني مصدق انك ما عملتيش اكدة لوحدك لان الطريقة اللي مات بيها غنيم محتاج حد عفي وقوي علشان يقدر يكتم نفسه. فانتي كان معاكي راجل ساعدك في قتل غنيم. ودة عشيقك
ريحانه اتعصبت اوي وقالت
حاسب علي كلامك يا حضرة المفتش اني مش خاطية
فريد بهدوء
و اتعصبتي لية اكدة انا معاكي مش ضدك وعايز اوصل للحقيقية
وقلب وشه وقال
حتي لو الحقيقية دي عفشة ودلوقتي احب اعرفك انك مقبوض عليكي. واحسن لك تشوفي محامي جنايات شاطر لان موقفك في القضية ضعيف،،،،،،
ويتغير المشهد والعسكري كان بيسحب فيا في طرقات المديرية وابويا واخويا كانو ماشين وراء مني وانا بقول لهم
اني ما عملتش اكدة اتصرف يا ابويا. وخرجني من اهنا
ابو صالح
ما تقلقيش انا هخرجك من اهنا مهما كلفني الامر دة،،،،،،،
ومن جوة مكتب المفتش فريد كان واقف ابويا ومع صالح اخويا وابويا بيقول
بنتي ما خرجتش من البيت طول الليل
فريد
يا حج ابو صالح بصمات بنتك فوق المخدة اللي مات بيها غنيم
صالح
ابويا بيقول لك ما خرجتش يبقي ازاي قتلته
فريد
انا قدام مني ادله بتقول كلام عكس اللي انتم بتقوله يبقي اصدقكم انتم واكذب الادلة
ابو صالح
طيب ما ينفعش بنتي تبات في الحجز
فريد
بنتك متهمة ولازم تبات في الحجز القانون واضح وصريح في النقطة دي.
ابو صالح
بنت ابو صالح مش هتبات في الحجز
فريد
دة امر
صالح اللي ادخل علشان يهدي الجو
لا. يا باشا متحسبهاش اكدة بس بنات الناس ما تنفعش تقضي ولو ساعة مع المجرمين والسوابق
فريد بعد تفكير للحظات قال
خلاص هخليها تبات في اوضة المامور ودة النهاردة بس وبشكل استثنائي ،،،،،،،
ونروح للتخشيبة وانا كنت قاعدة جوة منها علي الارض ومهما اوصف لكم الريحة الوحشة اللي شمتها في التخشيبة مش هقدر اوصفها صح لغاية ما جة عسكري وندهه اسمي وخدني وخرجت من التخشيبة،،،،،،،،
ومن جوة دوار ابويا كان واقف ابويا قصاد اخويا ومعاهم صفية وكان ابويا بيقول
انت اللي عملت اكدة يا صالح
صالح
كلام اية دة يا بوي
ابو صالح
اخر مرة لما كان غنيم عندنا انت خرجت بعد مني بساعة وكنت ناوي تخلص عليه. علشان ما يرفعش علي اختك قضية زنا
صفية
يا عمي صالح رجع من عندك علي عندي وكان بايت جنبي علي السرير
ابو صالح
رجع بيته امتي
صفية
حوالي الساعة 1.
ابو صالح
يعني ماشي من عندي الساعة 11. ورجع بيته الساعة 1. كان فين طول الساعتين دول
وبص ابو صالح ل ابنه فقال صالح
كنت في المخزن يا بوي بحضر البضاعة اللي رايحة بكرة للمعلم دياب وعندك رجاله المخزن اسالهم. وبعدين اني عارف غنيم زين وعارف انه ما كنش هيعمل اكدة دة بيعشق ريحانه
صفية
عشق اية اللي وصلها للجنان
صالح
صفية ما نقصاش كلامك ويلا نروح علشان خاطر العيال لوحديهم من الصبح
وبص ل ابوه وقال
عايز حاجة يا بوي
ابو صالح
لا. روح
ومشي صالح وخد معه مراته وبعدها ابويا طلع الموبيل بتاعه واتصل برقم وقال
حمدان صالح والدي كان عنديكم امبارح في المخزن بعد الساعة 11
صوت حمدان
لا يا عم الحج مجاش اهنا. هو في حاجة ولا اية
ابو صالح
مالكش صالح انت
وقفل المكالمة ورمي الموبيل جنب منه علي الركنة وقال
اني كنت عارف انه كذاب لكن معلش ملحوقة يا صالح يا والدي ومسيري اعرف الحقيقية، ،،،،،،،
ويطلع النهار ووقت ما كنا كلنا في مكتب المفتش فريد سمعنا صوت خبط علي باب المكتب فبص فريد للباب وقال
ادخل
فدخل العسكري ووقف قصاد فريد وقال
في شاب برة عايز حضرتك بخصوص قضية غنيم
بصيت للعسكري وقال فريد باهتمام
خلي يدخل
وخرج العسكري ودخل الشاب اللي كان وسيم جدا لكن باين انه مريض بالتوحد فبص له فريد وقال
انت مين
الشاب دة قال وهو بيتهتهه
انا ال اللي قت قتلت غن غنيم. وريحانه برئية
كلنا بصينا لي وكنا مستغربين من اللي بيقوله،،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
تعليقات
إرسال تعليق