رواية احاسيس ميته الحلقه الثامنه من تأليفي محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ما بقتش عارفة اعمل اية بعد ما عرفت ان ابويا وصل
ل ادم وهنا اتصلت ب صفية ورديت ومن غير اي مقدمات حكيت لها كل اللي حصل وبعد ما خلصت قولت
اني هرجع له
صفية
خبر اية. انتي تبقي مجنونه لو عملتي كدة ووقتها هتموتي مع ادم وابوكي يتاكد ان فعلا كان في بينك وبينه علاقة
ريحانه
اومال يعني اسيبة يموت
صفية
هو كدة كدة ميت بايد ابوكي او بايد الحكومة انتي ناسية انه قتل غنيم. فاعقلي ورجوعك لي مش هيغير من مصيرة. سافري واني هنا هتابع الاخبار و هبلغك بكل جديد
 |
ريحانه
بعد اللي عمله علشاني اغدر بي
صفية
ريحانه ابوكي واخوكي مش هيعرفو يقتلو وهو وسط الحكومة وتحت حراستهم يعني اخرهم هيهددو لكنهم عارفين انه ميت والضرب في الميت حرام
بصراحة اقتنعت وقولت لنفسي السماعة معايا واكيد لو فضل عايش هيعرف يوصل لي ويطمئني عليه. وروحت ركبت الطيارة وحطيت السماعة في وداني وشغلتها يمكن اسمع صوته والتعب اتغلب علي القلق اللي كنت في. و عيوني غفلت و صحيت لقيت نفسي في القاهرة خلصت الاجراءات وبقيت برة المطار و اتصلت ب صفية وقولت
اية الاخبار يا صفية
صفية
اتصلت باخوكي ماردتش عليه وما عرفش هما فين لغاية دلوقتي
ريحانه
لسة ما رجعوش. هيكونو فين دول الوقت دة،،،،،،
في نفس الوقت دة كان ابويا وصالح قاعدين قصاد ادم في الاوضة المحجوز فيها جوة المستشفي وكان علي هدومهم دم ناشف مكان ما الكلاب عضتهم وهدومهم نفسها عليها تراب. لكن واضح ان البهدلة دي ما منعتهمش من انهم يروحو ل ادم المستشفي وصالح قال
ل ابوه
واخرتها اية يا بوي هنفضل قاعدين اكدة
ابو صالح
احنا دافعين الأفات علشان نقعد اكدة ونستني يمكن الفاجرة تيجي له
ادم كان سامعهم فرد عليه وقال
اني حكيت لك الحكاية مرتين ولسة مصمم ان بنتك فاجرة. بنتك يا عم الحج برئية وانا ضحكت عليها ارحمها وارجع خدها في حضنك بلاش الشر يعمي عيونك
ابو صالح
وهو انت لما تعرف باننا عرفنا باللي بينك وبينها هتقول اية غير اكدة. لازم هتنكر علشان انت عارف انا هعمل فيها اية وفيك
ابتسم ادم وقال
انا ميت. ميت بايدك بايد الحكومة مش هتفرق معايا لكن بنتك مظلومة حرام تدفع ثمن خيانه هي ملهاش ذنب فيها
ابو صالح
انت تسكت وبلاش اسمع صوتك العفش دة تاني بدل وكتاب الله اقتلك
ادم هز راسه بالنفي لانه مش عاجبة الكلام لكنه سكت وملقاش كلام تاني يقوله وسمع صالح بيقول
مع اذان الفجر احنا لازم نمشي من اهنا علشان لازم نغير هدومنا ونغير علي الجرح بعد اللي عملو فينا الكلاب
ابو صالح
انا ما فرقش معايا اي حاجة غير اني اوصل للفاجرة واغسل عاري بدمها، ،،،،،،،
ويطلع النهار ونروح للمنطقة المقطوعة في الجبل واللي كانو هيدفنو فيها ريحانه علشان نشوف الراجل العجوز اللي هو الغفير مع واحد تاني من نفس سنه وكان بيقول
اني ماصدقتش عيوني لما لقيت العربية داخلة المنطقة اهنا قولت دول تجار اثار
ولا سلاح وجائيين يسلمو بضاعة شمال اهنا مسكت الكلبين ومشيت علي اثار الكاوتش لغاية ما وصلت ليهم ولقتهم بيدفنو بت بالحياة
الراجل رد عليه وقال
دول مجرمين ولية ما سلمتهمش للمديرية
الغفير
ضربو نار علي الكلاب وقامو هربو كيف القطط
لكن هنا الراجل دة شاف الموبيل بتاع ريحانه اللي جايب شاشة واقع علي الارض فوطي وجابه وقال
اية دة
الغفير مسك الموبيل وفضل يقلب في وقال
دة شكله وقع من اللي كانو اهنا ليلة امبارح والله ل اخده اصلحة واعمله ظبط مصنع وابقي اعمل حساب توك توك واتفرج ودة شاشته كبيرة وهيخلي التوك توك ينور،،،،،،،،،،،
وبعد ما الموبيل بقي مع الغفير والموبيل دة عليه دليل برائتي قولت لنفسي
مافيش غير اني اخلي ادم يبعت الفيديو علي موبيل ابويا
وحطيت السماعة في وداني وقولت
ادم لو سامعني رد عليه
لكنه ما ردتش وما بقتش عارفة اعمل اية كنت محتاجة اوصل له ضروري لكني اول مرة احتاج لي
وما عرفش اوصل له ،،،،،،،
في نفس الوقت كان ابويا جوة العربية بيقول ل صالح
عايزك تدفع كل اللي يحتاجو ولاد الليل علشان نهرب ادم من المحكمة
صالح استغرب وقال
كلام اية دة يا ابوي
ابو صالح
كلامي ملهوش معنين
يا صالح عايز الواد يخرج
صالح
طيب لية
ابو صالح
علشان يوصلنا للفاجرة اختك
صالح
مش هنحتاجه لان اكيد صفية مرتي تعرف هي فين
ابو صالح
صفية لو تعرف مش هتقول لك وانت عارف انهم اكيد بيكلمو بعض لكن الواد دة لما يهرب هيوصل ل الفاجرة واحنا هنكون وراء ونوصل لها ونقتلهم هما الاثنين
صالح
خلاص يا بوي طالما انت شايف اكدة يبقي نهربه
ابو صالح
بس ما عيزش يحس ان احنا بنهربه هو لانه اكدة مش هيروح للفاجرة
صالح
اومال عايزنا نهربه كيف
ابو صالح
هفكر وهقول لك كيف.،،،،،،،،
في نفس الوقت دة كنت قاعدة في فندق من الفنادق اللي علي الكورنيش فاتحة الشاشة وقاعدة قصاد منها مش مركزة في اللي شغال قصادي ومستنيا ادم يرد. وفعلا رد ادم وقال
ريحانه انتي سمعاني
قولت بسرعة
اخيرا رديت دة انا بحاول اوصلك بقالي كام ساعة
ادم
كنت في النيابة علشان التحقيق. وعرفت ان تقرير البحث الجنائي الجديد طلع وانكتب في انك برئية
ريحانه
هتصدقني لو قولت لك ان مش دة اللي كان فارق معايا
ادم
اومال اية اللي فارق معاكي
ريحانه
اني اعرف ابويا وخوي. عملو فيك اية
ادم
ولا اي حاجة قعدوا معايا لغاية طلوع النهار ومشيو قبل ما مفتش المباحث يجي
ريحانه
طيب انا عايزاك تبعت الفيديو اللي بتعترف في بانك هكرت موبيلي
ل ابويا
ادم
ملهوش لزوم لاني حكيت له كل حاجة بالتفصيل لكنه مش مصدق
ريحانه
قولت له اني مظلومة
ادم
قولت
ريحانه
وكيف ابويا يصدق اني فاجرة دة اني بنته الوحيدة وتربيته
ادم
واضح ان الصدمة اللي خدها فيكي لغت عقله نهائي ومش هيديكي فرصة تانية علشان حتي يسمعك
ريحانه
يعني هعيش طول حياتي هربانه
ادم
انا السبب في كل اللي حصل لك وبيحصل لك
ريحانه بعصبية
واني دلوقتي هعمل اية باسفك بعد ما انكتب عليه اعيش حياتي كلها بعيد عن اهلي و انكتب عليه لقب فاجرة
ادم
انا ماكنتش عايز كل دة يحصل ولولا تقرير البحث الجنائي اللي انكتب غلط انا ماكنتش ظهرت في حياتك نهائي وكنت هفضل بالنسبة ليكي رحيم
صرخت في وقولت
اقفل انا ما عيزاش اسمع صوتك
وشيلت السماعة من وداني ورمتها جنبي علي الركنة اللي كنت قاعدة عليها وفضلت اعيط وبحرقة، ،،،،،،
في نفس الوقت دة كان اخويا مع مكالمة وبيقول فيها
ما خلاص يا زفت انت قولت لك هبعت لك بقيت حسابك بس القضية تتقفل ويتحكم علي ادم دة بالاعدام
اللي علي الخط التاني قال
ما خلاص القضية خلصت باعتراف ادم دة علي نفسه وخروج اختك براءة. واني يا سيدي صالح محتاج فلوسي علشان هقضي بيها مصلحة
صالح بعصبية
كان يوم اسود يوم ما اتفقت معاك علي انك تروح تقتل غنيم
هنا كانت صفية واقفة وسمعت كل اللي اتقال وقالت في سرها
يا ليلة ملهاش ملامح يعني ادم برئ من دم غنيم وراح اعترف علي نفسه علشان يطلع ريحانه منها. انا لازم اعرف ريحانه بكل اللي انا سمعته دة
ومسكت الموبيل واتصلت برقم ريحانه ولسة هتقول الو.
خلصت حلقة النهاردة وبكرة نكمل واللي عجبته الحلقة يعرفني بتعليق. ويقولي المكالمة هتكمل ولا. لا
تابعووووووني
تابعوا صفحتي علشان يوصلكم اشعار فور نزول الروايات من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع فصول الروايه من هنا 👇 ❤️ 👇
الحلقه السادسه والسابعه من هنا
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙
تعليقات
إرسال تعليق