رواية احاسيس ميته الحلقه السادسه والسابعه بقلم محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
رنت نغمه الرسايل علي موبيلي وبسرعة مسكت موبيلي وشوفت ادم دة قاعد في اوضة وباصص لكاميرا بتسجل فيديو وبيقول
ازيك يا ريحانه لو بتشوفي الفيديو دة يبقي اكيد اني ميت وموت علشان انتي تعيشي لاني دي الحاجة الوحيدة اللي ممكن تخليني اموت وانا حاسس ان حياتي ما رحتش هدر. عارف انك هتقولي انا مين انا ادم عبد الله ابن موظف بسيط ساكن في اخر الاقصر عنواني مش هيفيدك كتير. لكن احب اعرفك اني انا اللي قتلت جوزك و كنت فاكر انها خلصت لغاية كدة لكني اتصدمت لما رجلك جت في القضية وانتي برئية وما عرفش ازاي بتوع البحث الجنائي قالو ان بصماتك موجودة فوق المخدة وانها بصمات جديدة. لكن ما تقلقيش انا مسحت التقرير بتاعهم من سجلات الدخلية وهيراجعو البصمات تاني وهيتاكدو انهم كانو غلط. لكن علشان القضية تتقفل خالص وتطلعي براءة لازم اسلم نفسي واقول الحقيقية
السؤال المهم دلوقتي واللي اكيد بيدور في بالك انا ازاي وصلت لك واعرف دة كله عنك ازاي. احب اعرفك اني انا رحيم.
هنا انا اتصدمت وقفلت الفيديو وبصيت لصفية وقولت
سمعتي قال اية ولا انا مجنونه
صفية
سمعت ومش مصدقة اللي بيتقال لكن لازم نسمع الفيديو للاخر
وهنا داست صفية علي زرار التشغيل و اشتغل الفيديو من تاني و كمل ادم كلامه وقال
 |
عارف ان اللي انا بقوله دة صعب تصدقي لكني والله ما كنت قاصد كل اللي حصل دة
انا هكر وهكرت موبيلك من باب التسلية واللاب بتاعك اي حاجة كان عليه الجيميل بتاعك كان تحت سيطرتي وعرفت مشروعك الشريحة اللي عليها كل الجمل اللي بتحبي تسمعيها. التطبيق رحيم ضحكت عليكي في الاول وعلي اللي انتي ناوية تعملي وقولتي اية المجنونه دي لكني حبيت اللعبة وهكرت الشريحة وبقيت كل ما تحتاجي ل رحيم ارد انا وكاني هو. لكن مرة وراء مرة اللعبة قلبت جد و بدل ما بقيتي انتي اللي محتاجة
ل رحيم بقيت انا اللي محتاج ليكي و بستني بفارغ الصبر تحطي السماعة في ودنك علشان اتكلم معاكي وكنت بزعل لما بتقفلي لغاية ما عرفت باللي عايز يعمله غنيم وهنا كان لازم ادخل وامنعه ولو بالدم. بس وعد هطلعك من القضية ودي هتبقي اخر حاجة اعملها في الدنيا وهروح اعترف وانا واخد سم علشان بعد ما اخرجك من القضية اموت وافضل بالنسبة لك ذكري اتمني انها تكون ذكري حلوة
انا بصيت ل صفية وعيوني مليانه دموع وما خدش بالي ان لسة للفيديو تكملة لكني قولت
معقول اللي حوصل دة
صفية
دي حكاية اغرب من الخيال
ريحانه
لية عمل فيا اكدة
ومسكت الموبيل وحدفته في الحيطة وصرخت باعلي صوت عندي وقولت
دة اني شكيت في نفسي وحسيت اني مجنونه
صفية حضنتي وقالت
اهدئي يا ريحانه مش اكدة
ريحانه
اهدي كيف.
هنا اتفتحت باب الاوضة ودخل ابويا واخويا وقال ابويا بخوف شديد عليه
اية مالك يا بنتي
صفية
مافيش يا عمي
ابو صالح
ما فيش اية. دي صرختها خلعت قلبي.
صفية كذبت وقالت
اصلها يا عمي افتكرت اللي حوصل
هنا صالح اخويا شاف الموبيل المكسور وراح له ومسك الموبيل اللي جاب شاشة وقال
اية اللي عمل في الموبيل دة كدة
لكن قبل ما صفية ترد سمعنا كلنا صوت طالع من الموبيل وهو صوت ادم اللي كان بيقول في الفيديو اللي لسة ما خلص
عارف ان الصدمة صعبة علشان كدة انا فضلت ساكت كام دقيقة علشان لازم احترم رد فعلك. لكن والله العظيم انا بحبك يا ريحانه وكل الكلام اللي كان بينا في ليالي زعلك من غنيم كلام كان طالع من قلبي. ل اكتر واحدة حبتها في الدنيا. سلام يا احلي صدفة حصلت لي
وكان باين ان الجملة دي كانت نهاية الفيديو ومع اخر الجملة دي ينزل ابويا بالقلم علي وشي وقال
اة يا فاجرة يا بنت الكلاب
صفية
يا عمي والله ريحانه مظلومة
بص ابويا ل صفية بصة ترعب وقال
ما عايزش اسمع كلمة زيادة منيكي ما انتي اكيد كنتي عارفة بكل اللي بيحصل وساكتة ما هي صاحبتك
صالح هنا مسك صفية من شعرها وقال
وصاحبة الفاجرة مش بعيد تكون زيها
صفية صرخت فيهم وقالت
وكتاب الله ريحانه مظلومة
لكن ابويا سحب الشال من وراء رقبته ولف بي بوقي وايدي بعد مخلاهم وراء ظهري وقال ل صالح
شالها وتعالي ورايا
صالح شالني وانا كنت بعيط وبحاول افك نفسي من ايد اخويا اللي زي الصخر وصفية بتبوس ايدة ورجلة وبتعيط وبتقول
وكتاب الله اختك مش خاطيئة
لكن صالح زق صفية بعيد عنه و خرج وراء ابوه وحطني في العربية واتحرك بيا وصفية بتجري باقصي سرعتها وراء عربية ابويا اللي اتحركت لدرجة انها كانت هتقع تحت العجل وفضلت صفية تنادي عليهم وانا ببص لها من ازاز العربية اللي وراء وهي بتلضم وبتصوت ما هي عارفة مصير اللي زيي في الصعيد،،،،،،،
من مكان ما في الجبل كان صالح حفر تربة ليا ورماني فيها وانا بصرخ صرخات مكتومة وابويا بلا اي رحمة قال ل صالح
ادفنها
وفعلا بدا التراب يغطي جسمي ب وشي. علشان تحصل اخر شئ كنت ممكن اتوقعها واشوف اخر واحد كنت ممكن اشوفه،،،،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
ح(7)
احاسيس ميته
من تاليفي
محمد منصور
منص
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
قبل ما التراب يغطي جسمي كله شوفت اخر واحد كنت ممكن اشوفه في المكان دة. راجل عجوز مع كلبين بوليسي بيقول باعلي صوت عنده
انتم مين وبتعملو اية اهنا.
ابويا شخط فيا وقال
مالكش صالح انت وارجع مكان ما جيت احسن لك
الراجل العجوز دة وقتها كان قرب منهم وقال
كيف ماليش صالح انا غفير المنطقة دي وحارس مصانع عيلة ،،،،،،
لكنه هنا شافني في الحفرة وبص ل ابويا واخويا وقال
ليلة ابوكم سوداء
صالح بعصبية
لم لسانك ياراجل انت بدل ما اقطعهولك انت ماعرفش انت بتتكلم مع مين
العجوز
تطلعو زي ما تطلعو. انا مش هاسيبكم تقتلتو البت دي
وشاور عليه ابويا طلع سلاحة ولسة هيتكلم هنا الراجل العجوز ساب الكلبين البوليسي اللي كانو في ايده و كلب هجم علي ابويا والتاني هجم علي اخويا والراجل العجوز استغل هجوم الكلبين عليهم ونزل الحفرة و فكني وقالي
اطلعي علي الطريق وخدي اي عربية وامشي من اهنا
بصيت للكلاب اللي كان بتقطع في لحم ابويا واخويا وهنا العجوز دة قالي
كانهم صعبانين عليكي.
قولت وانا بترعش مش مصدقة اني لسة عايشة
لا. ماحدش فيهم صعبان عليه
وجريت باقصي سرعة عندي وروحت ناحية الطريق العمومي،،،،،،،،،
بعدها بكام ساعة كنت واقفة قصاد مطار الاقصر وقت ما جت واحدة صاحبة صفية وكان معاها بطاقتي والسماعة اللي عليها التطبيق وموبيلي واللاب توب بتاعي وشنطة فيها هدوم ليا وكل الفلوس اللي قدرت تجمعها وقالت لي
اتصلي بصفية
ريحانه
هتصل بيها بس لما اغير
وفعلا دخلت جامع في مكان مخصص للسيدات و غيرت هدومي في حمام الجامع دة وخرجت واتصلت بصفية وانا راجعه المطار ورديت صفية وقالت بلهفة
مش كنت جيت لك انا بالحاجة دي علي الاقل علشان اطمئن عليكي
ريحانه
ماعيزاش تخرب عليكي. لو ابويا او اخويا رجعوا وانتي كنت برة الدوار
صفية
ما حدش منيهم رجعو لغاية دلوقتي
ريحانه
معقوله يكون الراجل العجوز دة سلمهم للمديرية
صفية
سييك منيهم دلوقتي وعرفيني انتي ناوية علي اية
ريحانه
هسافر ل مصر كام يوم وانتي صلحي الموبيل اللي جاب شاشة وسمعي ابويا الفيديو من الاول ما هو دة دليل برائتي
صفية
اني والله كنت ناوية اعمل اكدة لكني مش لاقية الموبيل
ريحانه
كيف دة. ما هو كان في الاوضة
صفية
كان مع اخوكي وفي يدة حطو فين بقي اني ما عرفش
ريحانه
بالله عليكي يا صفية اقلبي الاوضة عليها وطيها واوصلي للموبيل باي شكل ما اني مش هفضل هربانه طول العمر
صفية
حاضر
ريحانه
واقفلي معايا وامسحي رقمي من عنديكي علشان لو صالح مسك الموبيل بتاعك ما يعرفش اني كلمتك و لما يرجعو ويسالو عليه عرفيهم اني جيت خد هدومي وحاجتي وسافرت مصر لغاية ما توريهم الفيديو كامل
صفية
حاضر
ريحانه
يلا سلام بقي دلوقتي
صفية
ريحانه خلي بالك من روحك
ريحانه
ربنا معايا هو عارف اني مظلومة
وخلصت المكالمة. ودخلت المطار وحجزت تذكرة لمصر بالبطاقة بتاعتي وكانت اقرب طيارة رايحة مصر بعد ساعة قعد في صاله الانتظار مستنيا ميعاد طيارتي وسند دماغي علي مسند الراس في الكرسي وغمض عيوني وبدات ذكرياتي تهاجمني شوية ذكرياتي مع غنيم وشوية مع رحيم. وهنا قلب دق دقة محبهاش انها تدق. دقة الحب انا بحب رحيم اللي طلع ادم. بحبه اة.
ما حدش يستغرب بعد كل اللي شوفته بسببه لكني ما اقدرش انسي انه ما استحملش اللي كان ناوي يعمله معايا غنيم وسيرتي تبقي علي كل لسان لما يرفع عليه قضية زنا. حبني بجد ومات علشان انا عيش وانا كمان حبيته وبجد. ومن غير ما حس فتحت عيوني وطلعت السماعة وما بقتش عارفة انا لما اشغلها دلوقتي هسمع صوت رحيم ولا صوت ادم لكن ادم ازاي دة مات ما فرقش معايا وحطيت السماعة في وداني ودوست علي زرار الباور واشتغلت السماعة وفضلت ساكتة مش عارفة اقول اية لكني هنا سمعت صوت ادم
فتحتي السماعة وساكتة لية
اتفزعت وقولت
انت
ادم
ادم انا ما موتش
ريحانه
وحاله التسمم اللي جت لك في مكتب مفتش المباحث
ادم
السم ضعيف لكن من اعراضة تقل اللسان ودة اللي كان بيسبب لي التهتهه وانا بتكلم وخلل في المخ يخليني اشبه مرضي التوحد لكن بالاسعافات الاولية يقدرو يلحقوني. ودة اللي حصل لحقوني وانا لسة عايش وفي المستشفي وكنت مستني تحطي السماعة علشان اسمع صوتك مع اني كنت متعمد اخليكي تصدقي اني موت علشان افضل بالنسبة لك ذكري حلوة
ريحانه
انت مجنون
ادم
بيكي. ودة اللي خلاني اقتل غنيم علشان فكر بس يأذيكي عشقي ليكي عدي حدود العقل
ريحانه
وابويا واخويا اللي شافوني فاجرة بسببك
ادم
كيف دة حوصل
حكيت اللي حصل والفيديو اللي سمعوا رغم ان الشاشة اتكسرت فقال
اني ما كنتش عايز يحصل اكدة. لكن دي غلطة اني قادر اصلحها
ريحانه
انتي مالكش صالح بيا فاهم ولا لا.
ادم
اني ما عرفش اعمل اي حاجة غير اني اكون ليكي
ريحانه
اني بسببك كنت هموت
ادم
واني بسببك هيتحكم عليه بالاعدام و هموت
ريحانه
انا ما قولت لكش تقتل علشاني
ادم
يعني كنت اسيبة يفضحك.
لكني لسة هرد سمعت صوت ابويا بيقول
دفعت كتير علشان اعرف اجي لك واشوفك يا ابن الكلاب
قولت في السماعة
ادم ابويا دة
ادم
هو
وداس علي زرار يفصل الاتصال بيني وبينه وقولت
ادم رد عليه ادم. ادم
وصرخ قلبي ومن بعده صرخت كل خلايا جسمي في نفس الوقت وصلت الطيارة اللي رايحة مصر واللي انا المفروض اركبها وبقيت بين نارين اهرب واسيبة يموت بسببي ولا ارجع له واحاول انقذه ولو ما عرفتش اموت معه. تفتكرو انا هعمل اية، ،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
تابعووووووني
تابعوا صفحتي علشان يوصلكم اشعار فور نزول الروايات من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع فصول الروايه من هنا 👇 ❤️ 👇
الحلقه السادسه والسابعه من هنا
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙
تعليقات
إرسال تعليق