رواية احاسيس ميته الحلقه العاشره والحادية عشر والثانية عشرة والثالثة عشر بقلم الكاتب محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ما ردتش ادم وكنت هاتجنن وصرخت في وقولت
ادم لو سامعني رد بالله عليك ما تفضل ساكت اكدة
ومسكت موبيلي واتصلت بصفية واول ما رديت قولت وانا مفحومة من العياط
الحقيني يا صفية
صفية اتخضت وقالت
في اية،،،،،،،
ويتغير المشهد ونشوف صفية في المستشفي المحجوز فيها ادم وتقابل ممرضة وتسالها عن ادم وقالت الممرضة
البقاء لله
صفية ما بقتش عارفة تقول اية في نفس الوقت رن موبيلها واللي كانت بتتصل ريحانه بصت للرقم وقالت
 |
ودي اقول لها اية دلوقتي
وخلصت اول رنه لكن ريحانه رنت تاني وتالت ورابع وهنا رديت صفية، ،،،،،،
ويتغير المشهد ونروح
ل ريحانه اللي رمت الموبيل جنب منها وهي بتصرخ وبتعيط بحرقة مش مصدقة اللي سمعته من صفية اصلها عرفت ان ادم مات. وانهارات ريحانه وبدات تكسر اي حاجة تقابلها في سكتها وصرخت. وصرخت وصرخت لغاية ما وقعت من طولها علي الارض مغمي عليها،،،،،،
ونروح ل ابو صالح اللي كان متعصب وبيقول ل صالح
مات كيف.
صالح
ما عرفش لكن دة اللي حوصل
ابو صالح
اكدة اتعقربت وبقي الوصول ل اختك مستحيل
صالح
ما هي لو صفية تقول علي مكانها
ابو صالح
مش هتقول
صالح
يبقي هفضل اضرب فيها لغاية ما عضم جسمها يتكسر واكيد وقتها هتقول
ابو صالح
ولما تعمل كدة تفتكر ان عمك هيسيبك تعيش بعد ما كسرت عضم بنته
صالح
اعلي ما في خيله يركبه
ابو صالح
ما تبقاش غشيم احنا مش ناقصين وش كفاية حوار اختك اللي هربت منينا بعد ما لبستنا طرح العار
صالح
اني مش هسكت الا لما اوصل لها وارمي جثتها تحت رجلك
ابو صالح
عايز توصل لها خلي عثمان بتاع السياحة يشغل الموبيل بتاعه ويعرف هي نزلت في اني فندق.
صالح
ولية ما تكنش اجرت شقة مفروشة
ابو صالح
ريحانه بتخاف تقعد لوحدها ولما كانت بتدرس في القاهرة قولت لها اجيب لك شقة تمليك رفضت وعاشت طول سنين دراستها في فندق
صالح
لو اكدة يبقي عثمان هيوصلنا ليها بسهوله
ابو صالح
واني هتصل بالبنك وهوقف الفيزا بتاعتها علشان ما تعرفش تصرف. وعرف مراتك صفية انها لو حولت ليها جنية واحد تبقي طالق منك،،
في الوقت دة فوقت ولقيت نفسي نايمة فوق سرير وقصاد مني اتنين من الهاوس كيبن بتوع الفندق ومعاهم مديرهم اللي اول ما انا فوقت قال
حمد لله علي سلامة حضرتك
قولت
هو اية اللي حصل
المدير
حد من الهاوس كيبن سمعك وانتي بتصرخي وكنتي بتكسري في الاوضة فتح بالماستر كين اللي مع ودخل يشوف في اية لقاكي واقعة علي الارض فاقدة الوعي.
افتكرت كل اللي حصل وكان شكلي وحش اوي لانهم كدة اتاكدو اني مجنونه فقولت
انا بتاسف لكم علي كل اللي حصل وبلغ ادارة الفندق اني هدفع ثمن اي حاجة اتكسرت
المدير
احنا اللي بنتاسف لحضرتك لكن بعد اللي حصل دة مش هينفع تفضلي هنا لانك سببتي حاله من الفزع لاي نزيل جنب حضرتك
ريحانه
انا مستعدة اتاسف لواحد واحد بس انا ما عنديش استعداد امشي من هنا دلوقتي
المدير
بتاسف لحضرتك كمان مرة بس انتي لازم تمشي. افتكر 1/2 ساعة كويس علشان حضرتك تلمي شنطتك
هزيت راسي وقولت
اة كويس،،،،،،،،
وخرجت من الفندق بعد ربع ساعة مش نص ودفعت تقريبا 1/2 الفلوس اللي معايا ورحت كافية وطلبت قهوة علشان افوق وقولت بدل ما طلع فلوس من الشنطة ادفع بالفيزا وهنا عرفت ان الفيزا وقفت ما هي اصلا باسم ابويا. بدات تسود في وشي وما بقتش عارفة اروح فين والفلوس اللي معايا ما تقعدنيش في اي فندق عدل اكتر من شهر ما كانش قدامي غير الشقق المفروشة و زي ما انتم عرفتو انا بخاف اقعد لوحدي لكن ما فيش قدام مني اي حل تاني و اجرت شقة مفروشة بسعر كويس في وسط البلد و اتصلت بيا صفية وقالت
ناوية علي اية يا ريحانه
ريحانه
لو اقدر انتحر زي ما ادم عمل كنت عملت اكدة لكنها جبانه وبخاف من الموت
صفية
طيب هتعيشي ازاي وخصوصا ان اخوكي حلف عليه بالطلاق لو اديتك جنية
ريحانه
بيقتلوني بالبطئ
صفية
انتي لازم تكوني اقوي منهم
ريحانه
اني قوية دة اني اضعف من الريشة اللي الهواء بيطريها يمين وشمال
صفية
يعني هتستسلمي
ريحانه
ما عرفش
صفية
طيب اسمعيني كويس انتي في ايدك كنز لو شغلتي هتعيشي وتنسي اللي فات وتبقي اقوي من الاحزان
ريحانه
كنز اية دة
صفية
التطبيق رحيم بتاع الاحاسيس الميته
ريحانه
تقصدي اني انشر التطبيق بين الستات
صفية
بالظبط كدة. تديهم التطبيق وكل واحدة تحمل عليه الجمل اللي تحب تسمعها في اوقات الحرمان من الحب
ريحانه
ودة يحصل كيف
صفية
اعلان ممول علي الفيس بكل تفاصيل التطبيق وازاي اللي محتاجة التطبيق تحمله من علي المتجر وتوصله بسماعة بلوتوث مع اسم برشام السعادة. قصاد مقابل مادي انتي اللي تحددي. واياكي تحطي اي عنوان ل شقتك ممكن يوصل ابوكي واخوكي ليكي
ريحانه
بس انا دماغي مش رايقة لكل اللفة دي
صفية
ريحانه الدنيا مش هتقف بعد موت ادم لازم تكملي و اوعي تنسي ان ادم دة سبب كل اللي انتي في
ريحانه
هي الواحدة مننا بتقابل كام واحد في حياتها عنده استعداد يموت علشان هي تعيش
سكتت صفية لانها ما لقتش رد فقالت ريحانه
سكتي علشان كتير مننا بتتمني انها تقابل اللي زي ادم ولو في احلامها.
صفية
برضيك لازم تنسي وتعيشي
ريحانه
سهله اكدة. حاضر هنسي واعيش، ،،،،،،،
وبدات مرحلة تانية في حياتي كلها شغل علي التطبيق اللي اتباع واشتهر بسرعة رهيبة. وبقيت ديما حاطة ابويا واخويا ومحاولات الوصول ليا اللي كانت ديما بتفشل في ظهري. اصلهم ما ينفعوش يكونو اهل وسند بدل ما يحاربو علشان ارجع لهم ويتاكدو اني مظلومة. بيحاربو علشان يخلصو عليه انا ماليش
الا ادم ومع ان القدر حرمني منه لكني قدرت اتواصل عن طريق النت مع شركة في الصين بتصنع روبوتات من السليكون. حاجة كدة تديهم شكل البني ادم اللي انت عايزه يعمله منه نسخة طبق الاصل بمواصفات بشرية واللي يشوفه يستحيل يقول انه روبرت. ودورت علي كل صفحات الفيس لغاية ما وصلت لصفحة ادم ونزلت صورته وبعدها ليهم وخلتهم يحملو علي السيستم بتاعه التطبيق بتاعي اللي سميته ادم بدل رحيم. وجه ميعاد تسليم ادم ليا بعد ما استنيته. 6 شهور وفتحت باب الشقة بعد ما رن الجرس ولقيت اتنين من الصين فقولت لهم بالانجليزي
فين ادم
هنا يظهر من وراهم نسخة ادم اللي انا طلبتها بصيت لها وانا مش مصدقة نفسي ودفعت باقي الرسوم وظبط ادم علي اللغة العربي وقولت له ادخل
ودخل ادم ومن غير اي مقدمات لقيت نفسي بترمي في حضنه. وهو لف ايدة حوالين وسطي بشكل غريب فاتصدمت وبعد عنه وقولت
انت انسان مش روبرت
رد عليه مع ابتسامة خفيفية وقال
انا ادم
اتصدمت وكنت هموت من المفاجاة، ،،،،،،،،،
ح(11)
احاسيس ميته
من تاليفي
محمد منصور
منص
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
ودخل ادم ومن غير اي مقدمات لقيت نفسي بترمي في حضنه. وهو لف ايدة حوالين وسطي بشكل غريب فاتصدمت وبعد عنه وقولت
انت انسان مش روبرت
رد عليه مع ابتسامة خفيفية وقال
انا ادم
اتصدمت وكنت هموت من المفاجاة وبصيت له بتركيز شديد وهو فضل باصص لي وساكت فقولت
انت ادم الروبوت. مش اكدة
ادم
انا ادم الروبوت
بلعت ريقي وكنت باصة في عيونه اللي غير عيونا وباين ان فيها تفاصيل كتير تخص تصنيعه وقولت
طيب اية اللي انت عملته دة
ادم
عملت اية
ريحانه
لفيت ايدك حوالين وسطي بطريقة خوفتني منك دة انا افتكرت بني ادم
ادم
المفروض انك بتحبيني وانا بحبك وانا تم برمجتي لتبادل الحب معاكي بطريقة المحاكاة الخاصة بالبشر
قربت منه وانا مش قادرة اصدق ان التكنولوجيا ممكن تكون وصلت للحد دة. من الاتقان بس لية لا انا دافعة كتير علشان يكون ادم معايا وبدات افحص جلد جسمه اللي كان قريب من جلدنا لكن في اختلاف طبعا وقولت
مع اني لسة خايفة منك لكني عايزا اترمي تاني في حضنك
ادم
وانا كمان عايز اكون في حضنك
واترميت في حضن ادم وهو حضني اوي وانا حضنته جدا وقولت
لف بيا
و رفعني عن الارض بقوة تحبها اي ست و بدا يلف بيا وانا سبت نفسي لحضنه وفضلت طايرة لفوق ومع كل لفة كنت بتمني افضل في الهواء كدة طايرة من غير اجنحة. وما خرجنيش من الحالة دي الا موبيلي اللي رن و هنا قولت ل ادم
كفاية يا ادم
اتوقف عن اللف و نزلت للارض وروحت لموبيلي واللي كان بيتصل بيا رقم غريب رديت وقولت
الو مين معايا
صوت ست اول مرة اسمعه بتقول
انا واحدة عندي مشكلة مع جوزي ونفسي اشغل التطبيق بتاعك علي الموبيل بتاعي
استغربت وقولت
التطبيق تحميلة سهل وتشغيلة اسهل
الست
ما انا مش عارفة ازاي
ريحانه
هو انتي صوح وصلتي
ل رقمي ازاي
الست
عن طريق جوجل
ريحانه
بس اني مش حاطة رقمي ضمن بيانات الحساب بتاعي
الست
انا مش اي حد انا بنت اللواء تهامي عز الرجال والاحسن ليكي تعرفيني ازاي التطبيق بيشتغل
بصراحة اترعبت وقولت
طيب واني اقدر ازاي اساعدك في اللي انتي عايزا دة
الست
تقابليني في اي مكان تحددي وتشغلي الموبيل والا هبعت لك ناس من رجاله بابا ياخدوكي وفي القسم هتشغلي التطبيق علي موبيلي. قولتي اية
ما بقتش عارفة ارد اقول اية لكني كنت خايفة ادخل قسم تاني. فقولت لها
ممكن نتقابل في كافية الجزيرة اللي جنب نادي الزمالك عارفا
الست
عارفا
ريحانه
خلاص يبقي ميعادنا بكرة الساعة 5 بعد العصر
الست
تمام. بس نصيحة يا شاطرة بلاش تتاخري
وقفلت الست دي ومش عايزا اقول لكم انا كنت مرعوبه ازاي وهنا سمعت ادم بيقول
ملامح التوتر والقلق باينه عليكي بنسبه تتعدي
ال 80 في المية
ريحانه
سيبني. لحالي دلوقتي
ادم
تقصدي اية
ريحانه
مش عايزاك تتكلم
وفعلا ادم دة. نفذ الامر وفضل واقف ساكت وانا بصيت له وقولت
مكالمة ضيعت فرحتي بيك
ومسكت موبيلي واتصلت بصفية ورديت وحكيت كل اللي حصل فقالت
مش صوح اللي انتي عايزا تعملي دة
ريحانه
اومال اعمل اية دي هددتني بانها هتسجني لو رفض اقابلها
صفية
تسجنك بتهمة اية. هي اية سايبة
ريحانه
صفية اني عايشة لوحدي في القاهرة و مافيش حد في ظهري ودي وصلت لرقم موبيلي عن طريق حساب الجيميل بتاعي يعني تقدر تعمل اكتر من انها تسجني.
صفية
يارتني كنت جنبك ما كنتش خليتك تروحي لها لوحدك
ريحانه
م انا برضو اديتها ميعاد في عز النهار وفي كافية وسط البلد. وسيبك بقي من السيرة دي وافتحي الكاميرا هوريكي مفاجئة.
صفية
مفاجئة. اية يا مجنونه
ريحانه
افتحي الكاميرا بس واخلصي
وقفلت معاها واتصلت بيها مكالمة فيديو وسلط الكاميرا علي ادم اتصدمت وقالت
نهارك اسود هو لسة عايش وكمان معاكي في شقة واحدة
ضحكت وقولت
دة مش هو دة روبوت يعني انسان الي مصنع من السليكون اللي يشبه جلدنا تحبي اثبت لك
وهنا بصيت ل ادم وقولت
اقعد يا ادم
ونفذ ادم الامر وقعد وبعدها قالت ريحانه
قوم اقف
قام وقف ادم وصفية قالت
دة روبوت ازاي دة شبهنا بالظيط
ريحانه
ما هي دي التكنولوجيا الحديثة
صفية
انتي ازاي وصلتي للروبوت دة.
ريحانه بهزار
اية عايزا واحد يكون شبه الاكس بتاعك. سامح
صفية ضحكت وقالت
انتي لسة فاكرة
ريحانه
يا بت دة حب عمرك دة انتي بتعشقي اكتر من اخويا
صفية
ريحانه بطلي جنان وانا ما عرفش انتي كيف هتعيشي مع ادم دة لحالك في الشقة
ريحانه
انتي محسساني اني عايشة مع راجل بجد. دة مجرد اله زيه زي الموبيل واللاب وكدة
صفية
ودي تبقي عيشة. يا ريحانه فطرة ربنا اننا نعشق الراجل بكل العيوب اللي في وهو يعشقنا بكل العيوب اللي فينا انما تعيشي قصة عشق مع مخلوق من صنع البشر دة مش صوح ومش حل للي انتي في
ريحانه
ما فيش احلي من العشق من مخلوق من صنع البشر. لان الرجاله كلتهم وصلونا ل اننا نعيش احاسيس ميته
صفية
بتلعبي بالنار يا ريحانه واللي ضد الفطرة اللي خلقنا بيها ربنا مش هيعرفك معني السعادة
ريحانه
صفية خليني اعيش الفرحة زي ما انا عايزا اعيش
صفية
ربنا يسترها عليكي من شر عقلك.
ريحانه
صفية انتي جربتي التطبيق قبل اكدة وكان عاجبك وانتي اللي خلتيني ابيعة للستات
صفية
ايوة دة تطبيق للسمع انما مش اقامة علاقة مع روبوت اللي انتي في دة علاقة مسمومة
ريحانه
صفية اني ما نقصاش صداع كنت فاكره انك هتفرحي ليا اني لقيت الفرحة اللي اتحرمت منها لكن يا خسارة
صفية
شيطانك ضاحك عليكي واخاف من بكرة لو فضلتي اكدة
وقفلت صفية وصحيت جوة مني حاجة كانت بتموت لكني قومت وقفت وروحت ناحية ادم وقولت له
بتعرف تبوس
ادم
بعرف
ريحانه
طيب بوسني،،،،،،،،،
ويطلع النهار وكنت بفطر وقت ما كان ادم واقف قصاد مني بصيت له وقولت
انت اية ما بتاكلش
ادم
انا غير معد للاكل
ريحانه وهي لسة بتاكل
اومال تتشحن بس مش كدة
ادم
بالظبط وشحن بطاريتي بيتم بشكل تلقائي لاني بستمد اي طاقة حوالين مني ومن خلال الطاقة دي انا اقدر اعيش
ريحانه
اني مش مصدقة كيف الصين قدرت تخترع روبوت بالدقة دي. دة انت مافيكش غلطة
ادم
انا مصنع علشان اكون مصدر السعادة ليكي
ريحانه
طيب عايزا وانا باكل كدة تسمعني كلام حلو يفتح النفس
ادم بدا يقول
عطشان ولا ماء يرويني انتِ مائي حبك يا سمراء يجري
في دمائي انت عشقي
لك وجدي وانتمائي لك أقدم روحي لتبقين انت واكون سعيداً بفدائي
ريحانه
دول كمان محملين في الذاكرة بتاعتك ابيات شعر. بس انت حاسس وفاهم انت بتقول اية. اكيد لا.
ادم
لا. حاسس وفاهم انا مبرمج للموت بس انتي تعيشي
ريحانه سابت الاكل وقالت
كيف ادم الله يرحمة مات علشان انا اعيش
ادم
انا ادم
ريحانه
عارفة. اني بتكلم عن ادم تاني
ادم
حاله الحزن في وجهك تخطيت ال 90.في المية وفي هذة الحاله انا مبرمج
ل اضحاكك
وهنا ادم قال نكته.
اية الفرق بين الحاسب الالي والحفرة
بصيت له ريحانه وقالت
قديمة اوي
ادم
النكتة قديمة لكن الحفرة اللي انا اقصدها لسة جديدة
ضحكت ريحانه وقالت
لا جدع عرفت تضحكني
ادم
معدل السعادة في وجهك تخطي ال 70 في المية
ريحانه
ممكن ما تقفلنيش منك بالاشعارات بتاعتك دي.
ادم
مش فاهم
ريحانه
يعني بلاش كل احساس انا بعدي بي تنقله ليا بالنسبة المئوية
ادم
فهمت وهيتم الغاء الاشعارات الخاصة بحالاتك المزاجية
ريحانه
يكون احسن
ورجعت اكمل اكلي لكني هنا قولت ل ادم
ما تقولي بيت شعر تاني بس باحساس كدة
ادم
تحبي اقوله ليكي باحساس هشام الجخ
ريحانه
هو انت عارف هشام الجخ.
ادم
انا اعرف كل الشعراء الاحياء والاموات
ريحانه
معلش سؤالي كان غبي دة انت اكيد جوجل يبقي ابن خالتك
ادم
انا مقطوع من شجرة ماليش ولاد خاله
ريحانه
لا. لما اهزر معاك اضحك كدة وما تقفلنيش منك
ادم
لم افهم
ريحانه
اضحك ومش مهم تفهم
ضحك ادم. وفضل يضحك فقالت ريحانه
بس كفاية
وسكت ادم فقالت ريحانه
العيشة مع الكائن دة لذيذة بس ممله كان فيها اية لو الرجاله يعملو اللي احنا عايزينه وما ينكدوش علينا،،،
وتعدي الساعات بسرعة وكنت الساعة 5 بالظبط في الكافية مستنيا وصول الست اللي كلمتني وكان معايا ادم لكن هنا اشوف ابويا واخويا وابويا قال
عرفنا نوقعك ونجيب لغاية عندنا يا فاجرة
صالح
مش قولت لك يا بوي انها جبانه وخوفها من الست اللي تابعنا اللي كلمتها هتخليها تيجي لغاية عندنا
و برجليها
ابو صالح بص ل ادم وقال
جاية ومعاها الفاجر اللي خلانا نفتكر انه ميت علشان يعيشو مع بعض في القاهرة
كنت هتشل من المفاجاة لكن دة ما كنش مهم لان اللي حصل كان سواد لما ابويا طلع الطبنجة و الرصاصة طلعت منه والدم غرق الكافية لكن
ح(13)
احاسيس ميته
من تاليفي
محمد منصور
منص
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
اول ما ابويا طلع الطبنجة تقريبا انا شوفت ملك الموت وقولت في سري
يارب الحق اتشاهد
وطلعت الرصاصة وجت في ادم اللي وقف قصاد مني بلا اي تفكير. والرصاصة عديت الجلد الصناعي بتاعه وخبطت في حاجة معدن ودة تقريبا جسمة من جوة. طبعا هتقولو والدم اللي غرق الكافية اللي انا قولت لكم عليه امباراح دة كان دم ابويا اللي هجم عليه ادم وضربه بالكرسي الحديد بتاع الكافية علي دماغة و اتفتحت دماغة والدم غرق وشه ووقع من طوله وقبل ما صالح يتحرك كان ادم نزل علي دماغة هو كمان بالكرسي وبص لي ادم وقال
معدل الخطر اصبح اقل من 20 في المية
ومسكت ايدة وقولت
مش وقت اشعارات يلا نهرب من هنا
وجريت انا وادم اللي لما حس بتعبي شالني وجري بيا وباقصي سرعة لغاية ما بعدنا عن الكافية وركبنا العربية بتاعتي و اتحركنا بمنتهي السرعة،،،،،،،،،
ونروح ل الاقصر وفاكرين مفتش المباحث اللي كان بيحقق في قضية مقتل غنيم
اللي كان اسمه فريد. اهو فريد دة كان قاعد في مكتبه وواقف قصاد منه مجرم سوابق وكان متكلبش وفريد دة كان بيقول
ما تقصر في ليلتك يا دومة واقول اية اللي بينك وبين صالح
دومة
يا باشا ما فيش بينا اي حاجة
فريد بعصبية
ولا. بطل صياعة دة محول لك 200 الف ج. لية واحد زي صالح يحول ل ابن ليل زيك المبلغ دة. ولية كنت عند سور بيت غنيم ليلة
ما اتقتل
دومة
وهو المشي حرم عند السور
فريد
لا يا دومة ما حرمش لكن لما ابن ليل زيك يكون قريب من سور بيت غنيم و في نفس الليلة يتقتل يبقي انت المتهم الاول ولما صالح يحول لك فلوس يبقي هو اللي سلطك تعمل اكدة. فبلاش تضيع وقتي ووقتك و اعترف
دومة
ما عنديش كلام اقوله
فريد
خلاص يا دومة اجيب شريكك زقزوق اللي صورك وبلغ عنك علشان انت كلت عليه نصيبة في مقتل غنيم
دومة
عملها ابن الكلاب
فريد
م كافية رغي بقي وقول اللي عندك خلينا ننفض من الحوار الماسخ دة
دومة
هقول لك يا باشا من كام شهر جالي لغاية عندي صالح،،،،،
ونرجع بالاحداث لنفس الليلة اللي اتقتل فيها غنيم لما صالح خرج من عند ابوه وركب عربيته وقال لنفسه وهو متعصب
لازم غنيم دة ما يطلعش عليه الصبح لانه ما اتخلقش اللي يفكر يرفع علي اختي قضية زنا و يفضحنا في البلد
رد عليه صوت جوة منه وقال
هتقتل ابن عمك خلاص اتجنيت يا صالح
صالح رد علي الصوت دة
اومال اسيبة يفضح اختي ويحرق اسم العيلة اللي عيشنا سنين نبني في انا وابوي
رد الصوت دة عليه وقال
ولما عمك يعرف انك قتلت والده الوحيد تفتكر هيسيبك تتهني بحياتك
صالح
ومين قال اني هقتله بايدي. انا هسلط عليه ابن ليل يجيب اجله،،،،،،
وراح صالح ل دومة و اتفق معه ان غنيم يموت الليلة وفعلا دومة قتل غنيم،،،،،
ونرجع ل مفتش المباحث فريد اللي كان بيقول
ولية فلوسك اتاخرت لغاية ما حولها ليك صالح
صالح
كان خايف من تحريات الحكومة و مطئمنش الا لما ادم مات يعني خلاص القضية اتقفلت ووقتها حول لي فلوسي
ضحك فريد وقال
ومين قال ان ادم مات
دومة استغرب وقال
انتو اللي قولتو
فريد
كنا بنكذب علشان المستخبي يبان واهو بان اصلي من الاول وانا عارف ان ادم برئ لانه كان بايت جنب ابوه العيان في مستشفي الاقصر ليلة ما اتقتل غنيم. طولت القضية معايا لكن في الاخر وصلت للي عملها مبروك عليكم الاعدام ،،،،،،،
ويتغير المشهد ونشوف فريد جوة اوضة مطرفة في اخر الاقصر واقف قصاد ادم وابوه وكان بيقوله
عامل اية يا ادم
ادم
الحمد لله مش ناقصني غير اني اشوف ابويا
فريد
قريب هتخرج للدنيا وانت
ما فيش خوف عليك من صالح وابوه. لان خلاص طلع امر بالقبض علي صالح
ادم
اخيرا وصلت للي عملو اكدة
فريد
عارف ان الفترة اللي كنت مخبيك فيها هنا طولت لكن دة كان لمصلحتك ودة خلي المجرمين يتحركو بمنتهي الحرية لانهم افتكروا ان القضية خلصت بموتك. وكمان انت كنت بتحمي ريحانه من اللي كانت عايزا تعمله ما هو ماكنش لازم ترجع الاقصر مهما حصل
ادم
ريحانه هي عاملة اية صوح
فريد
لما تطلع شوف هتعرف توصل لها ازاي وعوضها عن كل اللي فات
في الوقت دة رن موبيل فريد فطلع الموبيل من جيبة ورد وقال
الو
وسكت شوية وبعدها قال
كيف و امتي حصل دة.
وسكت شوية وبعدها قال
انا جاي حالا
وقفل المكالمة وقال ادم
في اية
لكنه ما ردتش عليه واتصل برقم واول ما رد صاحب الرقم دة قال
احجز لي علي اول طيارة رايحة القاهرة
وقفل المكالمة وقال ادم تاني وهو قلقان جدا
في اية يا حضرة المفتش
فريد بص له وقال
ابو صالح . وصالح في الرعاية المركزة حالتهم حرجة بعد ضربه فوق دماغهم كسرت لهم الجمجمة
ادم
ومين عمل فيهم اكدة
فريد
لسة ما تمش تفريغ الكاميرات عموما انا لازم امشي. حالا وهبقي معاك علي تواصل
ومشي فريد و ساب ادم في حالة من الحيرة مش مصدق اللي سمعه لكن قلبه دق. وقلق علي ريحانه وماكنش يعرف اية سبب القلق.،،،،،،،
وانا في الوقت دة كنت قاعدة قصاد ادم اللي كان واقف ساكت وقولت له
انت ساكت لية اكدة
ادم
انتي ما طلبتيش مني الكلام
ريحانه
لا اتكلم ما تسكتش
ادم
اقول اية طيب
ريحانه
ما عرفش بس انا قلبي مقبوض
ادم
متخافيش انا جنبك
ريحانه
اني خايفة علي ابويا سنه كبير والخبطة اللي خدها فوق دماغة كانت صعبة اوي
ادم
انا كنت بدافع عنك
ريحانه
كنت ضربته بالراحة مش جامد اكدة
ادم
انتي ازاي طيبة كدة مع واحد كان عايز يقتلك
ريحانه
دي مشاعر واحاسيس انت
ما تعرفهاش
ادم
انا اعرف اكتر من اللي انتي تعرفي
ريحانه
معلومات اة. انما احساس لا.
وهنا رن موبيلي واللي كانت بتتصل بيا صفية و رديت وقولت
ايوة يا صفية
صفية كان بتعيط وهي بتقول
ابوكي مات يا ريحانه
وقع الموبيل من ايدي لكني سمعت صوت ادم بيقول
ريحانه انا ادم ردي عليه
ما كنتش مستوعبة اللي انا سمعا وهو كمل وقال
انا حقيقية مش وهم ولسة عايش وصلت ل صفية ومحتاج اوصل لك
كنت بعيط بحرقة وجوة مني احساسين عكس بعض زعلانه علي موت ابويا وفرحانه ان ادم لسة عايش ومديت ايدي ومسكت الموبيل وقولت
ادم
رد عليه الروبوت وقال
نعم
بصيت له وقولت
مش انت. انا بكلم ادم اللي بعشقة و عايزاك تسكت خالص
و لسة هقوم علشان اخش اتكلم جوة ادم الروبوت مسك ايدي وقال
معدل الخيانه اصبح زيادة عن 80 في المية
ادم صرخ في الموبيل وقال
ريحانه صوت مين دة
ريحانه
ادم الحقن،،،،،،،
لكن ادم الروبوت مسك الموبيل ورمي في الحيطة وقال
من قوانين المحاكاة لعلاقة الحب بيني وبينك اني اكون مصدر السعادة ليكي لكن في حاله الخيانه الموت هيكون مصيرك.
ريحانه
انا اشتريتك بفلوسي علشان اعيش معاك اللي اتحرمت منه. مع اللي بعشقة. مش علشان تقتلني
ادم
انا اصدار تجريبي ل اكتر نسخة تشبه البشر في كل تصرفاتهم وردود افعالهم. وفي الدول العربية والاسلامية بيكون رد الفعل علي الخيانه الموت ودة من ضمن الشروط الموجودة في عقد التعاقد بينك وبين الشركة المصنعة لي ان المحاكاة هتكون طبيعية
ل اقصي درجة وفي حاله الخيانه الموت هيكون مصير الخاين.
ريحانه
اني ما عرفش حاجة عن الاتفاق دة. و انت تبعد عني فاهم ولا لا
ادم الروبوت كان بيقرب منها وهو بيقول
مش فاهم. تم رفض الامر
ولف ايدة حوالين رقبتي وبدا يخنق فيا بمنتهي العنف،،،،،
خلصت الحلقة ومستني رايكم. سلام
تابعووووووني
تابعوا صفحتي علشان يوصلكم اشعار فور نزول الروايات من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع فصول الروايه من هنا 👇 ❤️ 👇
الحلقه السادسه والسابعه من هنا
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙
تعليقات
إرسال تعليق