رواية احاسيس ميته الحلقه الثالثه بقلم الكاتب محمد منصور حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
وانا في البالكونة ببص اشوف مين ممكن يكون شايفني سمعت جرس الموبيل بيرن روحت للموبيل جري ما عرفش لية ولقيت اللي بتتصل بيا مرات اخويا صالح وهي صاحبتي علي فكرة وبنت عمي واسمها صفية رديت بسرعة وقولت
ايوة يا صفية
صفية
اية يا بنتي اللي انا عرفته من اخوكي صالح دة
ريحانه
صفية انا محتاجة اتكلم معاكي اوي. تعالي، ،،،،،
وبعدها بشوية كانت عندي صفية وحكيت لها كل اللي حصل لكنها كانت ماسكة السماعة وبتبص لها وبتقول
انتي تعرفي ان الفكرة دي نقدر نلم من وراها ملايين
ريحانه باستغراب
صفية اني في اية وانتي في اية
صفية
اسمعيني كويس انتي عارفة اني قريت شوية في علم النفس وكتر تعلقك بالسماعة ورحيم اللي جوة منها خلاكي تسمعي وتشوفي اللي نفسك تسمعي وتشوفي حتي لو ما كنش دة حصل في الحقيقية
 |
ريحانه
يعني اية انا بيتهيالي
صفية
بالظبط كدة. حاله من حالات التوحد مع حد مش موجود.
ريحانه
يعني اني كيف ما ابويا قال بقيت مجنونه
صفية كانت بتحط السماعة في ودانها وهي بتقول
انتي عبقرية واي عبقري مجنون. اديني بقي برشامة من اللي بتاخديهم علشان نعلي هرمون السعادة
كنت مش فايقة للي بتعمله صفية وبفكر في اللي انا وصلت له و شاورت لها ناحية الكمودينو اللي جنب السرير دة المكان اللي انا حاطة في علبه البرشام ورجعت اقول ل نفسي
معقوله اني مجنونه والصوت اللي اني سمعته والسماعة مقفوله دة كان وهم. هو اكدة اكيد هو وهم ما لو في حد مراقبني ما كنتش سمعت صوت رحيم اللي اني مسجله علي السماعة
وهنا لفت نظري وصفية بتقول
عايزني ارقص لك انت باين عليك قليل الادب يا رحيم.
وسكتت شوية وبعدها قالت
خلاص هرقص لك
وبصت لي صفية وقالت
شغلي اي حاجة يترقص عليها
ريحانه
صفية اخلعي السماعة وتعالي نقعد نتكلم سوي
صفية
هرقص شوية بس وبعدين هقعد. شغلي اي اغنية بقي
ما عرفش انا كنت مضايقة لية هو انا ممكن اكون بغير علي رحيم من صفية. بس اغير اية دة مجرد تطبيق مش اكتر لا. دة جنان
وهنا لقيت صفية مسكت موبيلي. وشغلت اغنية وبدات ترقص وبصت للمرايا وهي فرحانه وهرمون السعادة علي اخرة. وكانت بتضحك اوي وبتقول
رحيم ما ينفعش اكدة لم نفسك دة كلام ما يتقالش
هنا انا اتعصبت وضفيت الاغنية وقولت
هو قال لك اية
بصيت صفية لية وقالت
مالك يا ريحانه واخدة الموضوع بجد لية كدة. دة كله هزار في هزار
حسيت اني زودها فعلا وقولت
اصلك بترقصي وسايباني لحالي وانا مخنوقة يا صفية
صفية قعدت قصاد مني وقالت
لا. عايزاكي تعقلي واللي انتي في دة ما ينفعش.
ريحانه
اية هو اللي ما ينفعش
صفية
انتي بتغيري علي تطبيق من اختراعك. عارفة دة معني اية
ريحانه
ما عرفش وما عيزاش اعرف
وخد السماعة من ودانها
و طفيتها و حطيتها جنب مني وقالت صفية
لازم تعرفي ان السماعة دي هتكون براءة اختراع وهنبيع منها اكتر من نسخة لان اغلب ستات بلدنا محتاجين اللي زي رحيم في حياتهم واهي ما تبقاش خيانه
ريحانه
انتي بتقولي اية لا. طبعا رحيم دة ملكي انا وبس
صفية
رحيم هي النسخة الاصلي اللي معاكي لكن النسخ التانية هتكون تقليد وكل ست هتشتري تسجل علي التطبيق كل الكلام اللي تحب تسمعه وتسمي التطبيق بالاسم اللي هي عايزا ونستغل نقطة ضعف الستات. ودانهم
ريحانه
اني ما عيزاش اعمل اكدة
صفية
ما تبقيش غبية في يدك اختراع هيرفع معدلات هرمون السعادة. لكل ست متعذبة زيك ونفسها في لحظات سعادة ولو بالكذب. وعلي رايك تطبيق بيسمح برجوع الاحاسيس الميته للحياة
ريحانه
برضيك لا.
صفية
ما تبقيش غبية التطبيق علاج ل مرض في مجتمعنا ملهوش اي علاج. رجاله كتير داسو علي حريمهم بجذمتهم ونسيو الاحساس ولو الست ضعفت ل اي كلمة حلوة سمعتها برة. لقب خاينة يطاردها طول عمرها لكن الراجل عادي لو غلط مع واحدة يقولو عليها نزوة. والمفروض ان الست تسامح. وبيقولو كمان عادي لو الراجل بص بص لكل ست شافها ما هو بيرجع ينام في حضنك. رجعي بعد ما خاني مع كل اللي عيونه شافتهم
كلام لا يرضي الله ولا الدين اللي شرعه الله. وانتي في ايدك العلاج لكل ست محرومة وتقولي لا
كلامها ضرب كل الثوابت اللي عندي وخلاني افكر في الحكاية من ناحية تانية ربنا خلق الرجاله نوع واحد لكن منه اشكال كتير ولكل ست راجل تحبة ويحبها. رحيم بتاعي لكني هنسخ منه نسخ كتير وكل واحدة هتسمي نسختها بالاسم اللي هي عايزا وتسجل عليه كل اللي نفسها تسمعه. وقفت وقولت ل صفية
انا موافقة
صفية
خلاص ابداي اشتغلي
ريحانه
مش هعرف اركز في اي شغل طول ما انا مرات غنيم
صفية
اني هخلي صالح يقفل الصفحة دي نهائي،،،،،،،،
ويتغير المشهد ونشوف غنيم واقف قصاد صالح ومعاهم ابو صالح في دوار الاخير وكان غنيم بيقول
مش هطلق يا عمي. مش هطلق يا صالح. ما انا مش هسيبها تعيش حياتها مع واحد غيري
ابو صالح
كلام اية دة. بنتي مش هتسييك علشان هتكون
ل غيرك وبكفياك بقي
صالح
لو قولت تاني جملة انها كانت مع حد غيرك هاخد روحك
غنيم
ما تزعلش اوي اكدة
صالح
طيب يا غنيم اعمل اعتبار ل عمك وطلق وزي ما دخلنا بالمعروف نخرج بالمعروف
غنيم
اكدة معروف. اكدة طلاق بالغصب واني ما هطلقش بالطريقة دي انا مش صغير يا عمي ولا قليل علشان اتجاب واقف قصاد منيكم كيف العيل الصغير وتقولي طلق واني اطلق
ابو صالح
ما حدش قال انك عيل لكني بنتي ما عيزاش تعيش معاك. مش بالغصب هو
غنيم
واش عجب دلوقتي. ما كانت عايشة ولا علشان خلاص بقي في غيري
صالح في الوقت دة مسك رقبة غنيم وقال
اني قولت لك لو كررتها تاني هاخد روحك
غنيم بصعوبه
الحقني يا عمي من ايد الطور دة
ابو صالح ادخل بعجازة وزق صالح في صدرة وقال
بعد. وبلاش شغل عيال صغيرة
صالح وهو بيسيب رقبته
انت ما سمعش يا با بيقول اية
ابو صالح
سامع ودة لي حسابه لكن مش دلوقتي.
وبص ابو صالح ل غنيم
اسمع يا ولد خوي بنتي عندي وما هترجعش بيتك تاني وبكفاية اللي حصل لها والجنان اللي صاب عقلها وورقتها تيجي لغاية عندي وحقوقها اني ما عيزهاش. يمشي معاك الكلام دة يبقي زين ما يمشيش يبقي انا هقوم اكبر محامي في مصر وهخلعك منيها وخلي سيرة العيلة تبقي علي كل لسان
غنيم
مش هطلق يا عمي ولو علي الفضايح ف اني هرفع علي بنتك قضية زنا وخليها تخرب علي دماغ الكل
وخرج غنيم من عند ابويا وانا سمعت كل كلمة اتقالت واتصلت ب صفية وقولت
شوفتي الواطي الناقص اني يرفع عليه قضية زنا
صفية
دة اتجنن رسمي وكيف عمي ابو صالح يسكت له
لكني ما ردتش عليها لما لقيت رساله جت لي علي الواتس بتاع الموبيل التاني مكتوب فيها
متخافيش انا جنبك.
رميت الموبيل اللي كان جنب مني وانا سامعه صوت صفية عماله تقول
الو ريحانه روحتي فين ردي عليه ريحانه
لكني ماسكة الموبيل التاني وبكتب علي الواتس
انت مين
اترعبت لما لقيت كلمة يكتب اللي بتبقي في الواتس ودة معني ان في حد هيرد برساله تانية وهنا ظهر قصادي علي الشاشة
انا رحيم
صرخت وبرقت ورميت الموبيل بعيد عني. واغمي عليه من الصدمة،،،،،،،،
في نفس اليوم دة بالليل ووقت ما كان غنيم نايم علي سريرة اتمسكت المخدة اللي كانت جنب منه واتحطت فوق وشة واتكتم نفسه ورغم انه حاول ينقذ نفسه لكنه ما عرفش ومات مخنوق واترفعت المخدة عن وشة واللي كان في الاوضة خرج وقفل الباب وراء منه.،،،،،،،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
تعليقات
إرسال تعليق