رواية أحاسيس ميته الحلقه الأولى بقلم الكاتب محمد منصور حصريه وجديده
بنتك يا ابو صالح بتخوني
بتخونك ازاي الكلام اللي انت بتقوله دة يطير في رقاب
اني مش جاي مضروب علي دماغي وما عرفش انا بقول اية
اتعصب ابو صالح وندهه باعلي صوته وقال
ريحانه
جت وقفت قدام منه بنت زي القمر ودي تبقي بنته وقالت له
خير يا بوي
ابو صالح
ولد عمك وجوزك بيقول كلام عفش في حقك
ريحانه
قال لك اني بخونه مش اكدة
ابو صالح
هو اكدة
ريحانه
وياتري قال لك انا بخونك مع مين
 |
ابو صالح
ما قالش
ريحانه بصت لجوزها وقالت ل ابوها
اقول لك انا
وحطيت ايدها في ودانها وطلعت سماعة بلوتوث صغيرة وقالت
انا بخونه مع دي. سماعة عليها صوت راجل بيدي للست كل الاحاسيس الميته اللي هي محرومة منها مع جوزها
بص للسماعة باستغراب شديد ومن هنا بدات اغرب حكاية ممكن تسمعو عنها حكاية
ح(1)
انا ريحانه من الاقصر بنت راجل غني اوي و يعتبر عمده البلد وكمان عضو مجلس شعب واسمه فريد حمدان. لكنه بيحب الناس كلها تنادي له ب ابو صالح. صالح دة اخويا الكبير احنا اصلا اتنين اخوات وبس. انا بقي اية حكايتي وبدات ازاي بدات لما دخلت كلية الهندسة قسم الذكاء الاصطناعي وبقيت متفوقة جدا والاولي علي دفعتي طول سنين دراستي وخلصت الكلية وكالعادة في الصعيد البنت لازم تتجوز وملهاش الا بيت جوزها واتجوزت علشان ما ازعلش ابويا مني دة انا حتي ما اخترتش اللي المفروض يكون جوزي لكنه هو شايف ان ابني عمي غنيم كويس وراجل زين يبقي هو اكدة لكن جوزي ما طلعش زين دة طلع اعفش خلق الله وكل الاحاسيس اللي كانت المفروض تتولد بيني وبينه بقيت
احاسيس ميته
من تاليفي
محمد منصور
منص
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
بعد سنة كاملة من الاهمال والتجاهل من جوزي غنيم قدرت اخترع شريحة صغيرة متحمل عليها تطبيق محاكاة لمحادثة كاملة مع شخص تاني تتحط جوة سماعة بلوتوث متوصلة بالمخ بالغدد الخاصة بهرمون السعادة وهما الاندورفين. والادرينالين. ومتستغربوش الادرينالين مش مخصص للخوف وبس لا دة كمان يعتبر هرمون للسعادة وازاي السماعة متوصلة بالغدد دي دة بيكون عن طريق برشامة صغيرة من مادة فلوكستين بتحفز الهرمونات دي وبتخلي السعادة في جسم الست ملهاش حدود. وهنا يجي دور السماعة البلوتوث بتاعتي وهقول لكم بتعمل اية،،،،،
في يوم من الايام وبعد خناقة كبيرة بيني وبين غنيم بسبب انه مش عايزني اشتغل دخلت اوضي وخد البرشامة من علبتي وحطيت السماعة في وداني ودوست علي زرار فيها يسمح لي اسمع صوت اكتر راجل انا حبيته في حياتي وهو دكتوري في الجامعة وانا سميته في التطبيق بتاعي رحيم علشان يرحمني من اللي بشوفة من جوزي وقولت في السماعة
عجبك اللي بيعمله فيا غنيم دة
رحيم دة عبارة عن تطبيق انا محملة عليه الالاف الجمل اللي بتحاتجها اي ست علشان الاحاسيس ما تبقاش ميته رد وقال
عبيط ما يعرفش قيمة النعمة اللي بين ايدة
ريحانة
بجد يا رحيم ولا انا عفشة وهو علشان اكدة ديما جاي عليه
رحيم
مين دي اللي عفشة دة انتي احلي من الكريمة. عارفة انا نفسي في اية دلوقتي
ريحانه
بلاش قلة حيا
رحيم
الحب ما ينفعش يكون من غير قلة الحيا
ريحانه
صدق صوح. طيب نفسك في اية قولي
رحيم
نفسي تلبسي الفستان الاحمر اللي بيجنن عليكي وترقصي علي اغنية فات الميعاد
ريحانه
انا مش فايقة يا رحيم وماليش مزاج
رحيم
المزاج هيجي لما ترقصي. ولا انا ماليش خاطر عندك
ريحانه
يعني مصمم
رحيم
اوي اوي
قومت ولبست الفستان الاحمر وشغلت الاغنية من علي اليوتيوب وبدات ترقص وتبص للمرايا وتضحك وهي بتعيط فيقول رحيم
دموعك دي بتقطع في قلبي
ريحانه مسحت دموعها وقالت
حقك عليه معلش
وفضلت اضحك واضحك وانا برقص وببص لنفسي في المرايا وكنت في منتهي السعادة وموقفنيش عن الرقص غير اني تعبت ووقعت علي السرير نايمة وخلعت السماعة ورميتها جنب مني،،،،،،
وعديت الايام علي كدة لغاية ما في يوم دخل عليه جوزي غنيم وسمعني وانا بتكلم في السماعة وافتكر اني معايا مكالمة ومسكني من شعري وبدا يضرب فيا. وراح بيا ل بيت ابويا وهناك قال
بنتك يا ابو صالح بتخوني
ابو صالح
بتخونك اية الكلام اللي انت بتقوله دة كلام يطير في رقاب
غنيم
اني مش جاي مضروب علي دماغي وما عرفش انا بقول اية
اتعصب ابو صالح وبص لي وقال
اية الكلام اللي بيقوله ولد عمك دة
ريحانه
قال لك اني بخونه مش اكدة
ابو صالح
هو اكدة
ريحانه
وياتري قال لك انا بخونه مع مين
ابو صالح
ما قالش
بصيت لجوزي وقالت ل ابوها
اقول لك انا
وحطيت ايدها في ودانها وطلعت سماعة بلوتوث صغيرة وقالت
انا بخونه مع دي. سماعة عليها صوت راجل بيدي للست كل الاحاسيس الميته اللي هي محرومة منيها مع جوزها
بص ابويا للسماعة باستغراب شديد وقال
كلام اية الماسخ دة
ريحانة
كلامي انا ولا كلامه هو
ابو صالح
كلامكم انتو الاتنين
غنيم
لا يا عمي الكلام الماسخ عند بنتك لكن انا عارف انا بقول اية
ريحانة
لو عارف صوح ما كنتش عملت كل الفضايح دي. ولو انت راجل صوح ما كنتش خلتني ادور برة علي اللي ناقصني معاك
كان هيهجم عليه لان الجملة وجعته اوي قبل ما ابويا يحط العجاز بتاعه في صدره ويقول له
عندك يا غنيم انت اتجننت هتضرب بنتي قصاد مني
غنيم
هو انت يا عمي
ما سامعش هي بتقول اية
ابو صالح
روح دلوقتي يا غنيم علشان انت متعصب وانا ما بعرفش اتكلم مع حد وهو متعصب
غنيم
هو دة اللي ربنا قدرك عليه يا عمي. تيجي في صف واحدة خاطية زي دي
ابو صالح بمنتهي العصبية
كلمة تاني فيها غلط
ل بنتي هنسي انك ابن خوي وهدفنك حي
غنيم بص ل ابويا وهو متعصب والشر طالع من عيونه وقرر يمشي وبعدها ابويا بص لي وقال
اطلعي اوضك ونامي والصبح نتكلم
ريحانة
بوي اني عايزا اطلق
ابو صالح بحدة
قولت اطلعي اوضك ونامي وما عيز كلمة تاني منيكي
وفعلا طلعت اوضي. واتصل ابويا ب اخويا صالح وجه صالح ووقف قصاد منه وقال
خير يا بوي مكالمتك ليا دلوقتي قلقتني
ابو صالح
اقعد يا صالح
وقعد صالح وحكي له ابويا اللي حصل وهنا اتعصب صالح وقال
وانت كيف صدقت كلام الفاجرة دي. اني لازم اطلع اشرب من دمها
ابو صالح بعصبية
اختك مش فاجرة ووطي حسك وانت بتتكلم معايا
صالح
حقك عليه يا بوي. بس الكلام اللي قالته بنتك دة ما يخشش عقل عيل صغير. اصله كيف يعني تكلم واحد في سماعة من اختراعها ويرد عليها كانه موجود معاها
ابو صالح
المجانين يا ابني ممكن يعملو اكدة
صالح
تقصد يا بوي ان اختي اتجننت
ابو صالح
اتجننت. واني السبب لاني جوزتها من غنيم اللي قلبه قاسي كيف الحجر
صالح
والعمل يا بوي دة احنا لا ينفع نقول انها خاطية ولا ينفع نقول انها مجنونه والا هتبقي سيرتنا علي كل لسان في البلد
ابو صالح
علشان اكدة انا جيبتك علشان تفكر معايا ازاي نحل الازمة دي ونطلع منيها من غير اي خساير،،،،،،،،
في نفس الوقت انا كنت قاعدة في اوضي وبقول لرحيم
مالك ساكت لية
رحيم
عايزني اقول اية بس بعد كل اللي بيحصل دة
ريحانه
صعبانه عليك
رحيم
نفسي اريحك من كل الهم دة
ريحانه
خدني في حضنك وانا ارتاح
ولفت ريحانه ذراعتها حوالين جسمها وكأن في حد حاضنها ومشيت ايدها علي شعرها وقالت
لسة شعري بيعجبك
رحيم
انتي عارفة اني ما بحبش لونه وهو اصفر
ريحانه
عارفة انك بتحبه وهو لونه احمر وردي. لكن اعمل اية الزفت غنيم بيحبه اصفر لكن والله ل اصبغة احمر وردي علشانك
وقامت وصبغت شعرها وبعد ما خلصت وقفت قصاد المرايا وقالت
اظن انا كدة حلوة في عيونك
رحيم
انتي ما فيش احلي منك في عيوني
ريحانه
بحبك اوي يا رحيم
رحيم
مش اكتر مني يا قلب رحيم من جوة،،،،،،،،،
وخلصت الليلة عند الحد دة ونمت وصحيت علي صوت غنيم اللي كان بيقول ل صالح وابويا قصاد باب اوضي
بقول لكم روحت ل مركز اتصالات وطلعت كشف بالارقام اللي بتتصل بيها وطلع في رقم باسم واحد اسمه رحيم بيكلمها في اليوم اكتر من عشر مرات
طبعا انا سمعت كدة وكنت هاتجنن هو انا بكلم حد بجد ولا دة التطبيق اللي انا مخترعا
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
تعليقات
إرسال تعليق