رواية احاسيس ميته الحلقه الرابعه عشر بقلم الكاتب محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
كنت في التخشيبة نايمة وانا قاعدة وقت ما دخل العسكري وندهة اسمي قومت بصعوبه وقولت
انا ريحانه
قال العسكري
حضرة الظابط عايزك
ومشيت مع وروحنا مكتب الظابط وهناك شوفت صفية وادم. حسيت ان الامل رجع تاني و عيط اوي واترميت في حضن صفية وقولت
اني بموت بالبطئ يا صفية ماعرفش لية الدنيا بتخبط فيا اكدة
صفية
اني السبب اني اللي قولت لك بيعي التطبيق ونزلي علي المتجر
ادم
مش وقته الكلام دة خلينا نفكر في الخطوة اللي جاية ونعرف مين قدم البلاغ دة في ريحانه
بصيت ل ادم وقولت
من وقت ما ظهرت في حياتك و عشقك كبر في قلبي وانا بتمني اشوفك لكن واهو انا شوفتك لكن برضو هتحرم منك
 |
ادم
ممكن ما تفكريش في اي حاجة وخلينا نعرف مين عمل اكدة
ريحانه
الظابط قال هتعرفي في النيابة
ادم
من غير ما نوصل للنيابة لو فكرنا صوح هنوصل للي عمل اكدة لان بمنتهي البساطة المحضر اتقدم فيكي ملحق بصورة شخصية ليكي وكمان اسمك رباعي
صفية
تقصد اية يا ادم فسر كلامك
ادم
بمنتهي البساطة ريحانه مش منزله اي بيانات شخصية عليها علي حساب الجيميل بتاعها اللي عن طريقة تم ربط الحساب بي المتجر واللي برضو عن طريقة بيتم تحويل ارباحها من بيع التطبيق يعني لو حد قرر يدور وراء الجيميل علشان يعرف بيانات عن صاحبة التطبيق مش هيوصل ل اي معلومة لكن اللي قدم البلاغ عارف ريحانه كويس وكمان قريب منها. زي اخوها مثلا
اتصدمت واستغربت ودة كان حال صفية اللي قالت
صالح بعمل اكدة في اخته
ادم لصفية
علشان يوصل لها. وانتي مش فاكره اننا واحنا في الطيارة حكيتي لي حكاية الست اللي كلمت ريحانه وقالت انها بنت لواء وعايزا تشغل التطبيق علي موبيلها وطلع في النهاية ان الست دي تبع صالح
ريحانه
ايوة صوح. دة حصل واهو بسبب اللي. عملو دة ابويا مات واخويا حصل اية صح
صفية
لسة في الرعاية المركزة حالته حرجة
ريحانه
وابويا اندفن
صفية
اندفن ليلة امبارح
ريحانه نزلت دموعها لكن ادم قال
ابوكي شريك معاكي في اللي انتي وصلتي لي دة. لانه رفض يصدقني لما اعترفت له انك برئية وخلي جحود قلبه يكون اقوي من حبه ليكي
ريحانه
اني اللي غلط واستاهل اللي بيحصل فيا وانت من الصعيد وعارف معني الشرف عندنا
ادم
عارف لكن لازم نحكم العقل شوية دة انتي لو بنتي وحصل معاكي اكدة هتلكك علشان اطلعك قصاد نفسي برئية مش ادوس علي حبك اللي في قلبي واكون قاضي وجلاد في نفس الوقت
صفية
مش عايزين نضيع وقت في كلام مش هيقدم ولا هياخر. عايزين نتاكد ان صالح هو اللي عمل اكدة
ادم ل ريحانه
مين المحامي بتاع ابوكي
ريحانه
محامي عفش عمري ما حبيته زيه زي غنيم. اسمه يونس الحنش
ادم
تعرفي رقم موبيله
ربحانه
لا.
ادم
خلاص انا هتصرف
ريحانه
هتعمل اية يعني
ادم
هقعد مع واشوف دماغه فيها اية ولما ما كانش سالك هرجع للهكر تاني والكلام اهنا هيتغير.
وبص لها ادم في عيونها وقال
متخافيش انا جنبك،،،،،،،
في نفس الوقت دة كان ادم الروبوت ماشي في الشارع وبيبص ل اي كاميرا موجودة في الشارع والغريب والعجيب انه كان بيقدر يخترق سيستم الكاميرا ويشوف هي سجلت اية اخر 24 ساعة. وقدر ادم دة يشوف العربية اللي ركبتها ريحانه مع الست. وحفظ رقم العربية وبدا يشوف يقدر يستفيد ازاي من رقم العربية وظهر له المرور. وفعلا راح المرور وقابل عسكري هناك وقال للعسكري
معايا رقم عربية كنت محتاج اعرف كل المعلومات عنها
العسكري
انت مباحث ولا اية
ادم
مش فاهم
العسكري
هو اية اللي مش فاهم من الحكومة يعني
ادم عمل بحث بسرعة عن كلمة حكومة و عرف هي اية في مصر فقال
ايوة انا من الحكومة
العسكري
مش باين عليك
ادم عمل بحث سريع عن اسم اللواء المسئول عن مرور القاهرة وقال
انا اعرف اللواء سيف عبد الحي.
وظهر له اسم لواء تاني وقال
واللواء فؤاد الشرقاوي
وظهر له اسم لواء ثالث وقال
واللواء عبد الحميد منصور
العسكري كان مبلم وقال
خلاص يا باشا كفاية صدقت وامنت انك تبع الحكومة.
ادم سكت والعسكري عمل بحث عن الرقم بتاع العربية وظهرت له كل بيانات الست دي وقال العسكري البيانات
ل ادم اللي حفظ البيانات واتحرك، ،،،،،،،
ومن قدام باب شقة في عمارة يقف ادم وكان بيرن الجرس وقت ما فتح له راجل في الستينات تقريبا بص ل ادم وقال
انت مين وعايز اية
ادم
عايز الهام عبد الحق صادق
الراجل
الهام مراتي وانت عايزها في اية
ادم
اسئلة عن مراتي
الراجل سمع صوت الهام اللي قالت
مين يا محمود
محمود جوزها قال
حد عايز يسالك عن مراته راحت الهام ناحية الباب وبصت ل ادم وقالت
مراتك مين
ادم
اللي انتي ركبتيها امبارح بالليل من قصاد عمارة 13
افتكرت الهام. ريحانه والرعب اللي كانت في فقالت
انا ماركبتش حد امبارح
وبعدها قالت ل محمود
اقفل الباب يا محمود
محمود حاول يقفل الباب لكن ادم الروبوت قال
معدل الكذب تخطي ال 80.في المية
ودخل ادم بعد ما زق محمود بعيد عنه وقرب من الهام اللي صرخت وقالت
مش هقول لك هي فين علشان كان باين عليها انها مرعوبه منك
ادم
هكرر السؤال ومحتاج
ل اجابة من غير كذب فين ريحانه
الهام اترعبت منه وقالت
نزلتها عند قسم الدقي
ادم
معدل الصدق 100 في المية
وسابهم ادم وخرج واللي كان بيحاول يمنعه من الناس اللي اتلمت علي صرخة الهام كان بيضرب بمنتهي القوة، ،،،،،،،
ومن جوة مكتب يونس الحنش اللي كان بيتكلم في الموبيل بتاعه و بيقول
كويس انهم مسكوها. اقفل انت دلوقتي وانا شوية هتصل واقول لك تعمل اية
وخلصت المكالمة دي
و يونس اتصل برقم تاني ورد صاحب الرقم وقال يونس
اية يا كبير البت وقعت
سكت يونس شوية وبعدها قال
انت كنت عندها. الله اكبر عليك بتضرب وتلاقي قال يعني معاها وانت وراء كل اللي بيحصل لها
وسكت شوية وبعدها قال
خلاص اللي انتي شايفو. وماله سلام يا باشا، ،،،،،،،
ونروح ل قسم الدقي وادم الروبوت واقف قصاد منه وبيبص للقسم بيدرس كل تفاصيلة وبعدها دخل القسم،،،،،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
تابعووووووني
تابعوا صفحتي علشان يوصلكم اشعار فور نزول الروايات من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع فصول الروايه من هنا 👇 ❤️ 👇
الحلقه السادسه والسابعه من هنا
الحلقه الخامسه عشر والاخيره من هنا
❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙❤️🌹🌺💙
تعليقات
إرسال تعليق