رواية ظل امرأه عنيده الحلقة الخامسة عشرة والاخيرة بقلم الكاتب عادل عبدالله حصريه وجديده على مدونة النجم المتوهج للروايات والمعلومات
استيقظت فاتن وارتدت ملابسها وخرجت من منزلها للذهاب الي عملها وبمجرد خروجها من المنزل وجدت امير امامها مباشرة في انتظارها !!!
فاتن : حمدلله ع السلامة يا امير ، مبروك انك خرجت .
امير : اول مرة اشوف واحدة بتبارك للراجل اللي سجنته علي خروجه !!!
فاتن : ده يبقي كلام امك صحيح بقي !! ، انت ازاي تفكر اني ممكن اكون سبب في سجنك ؟؟
امير : اناي متجوزة واحد واصل و قولتيلي بكره تشوف انا هعمل فيك ايه ، وتاني يوم بقيت نفسي في السجن !!!
فاتن : لا يا امير مش انا ، ممكن اكون قولتلك كده من زعلي منك لكن انت عارف اني مستحيل اعمل كده .
امير : اثبتيلي .
فاتن : اثبتلك ازاي ؟؟
 |
امير : قوليلي الاول ايه اللوك الغريب ده ؟؟!!!
فاتن : قصدك اللبس الواسع والحجاب ؟؟
امير : ايوه ، بصراحة مش لايقين عليكي يا موزة .
فاتن : انا توبت يا امير ودلوقتي بصلي واصوم واقرا قران وبطلت كل اللي كنت بعمله و بتمني ان ربنا يسامحني .
امير " يضحك بسخرية " : بعد ايه ؟؟ ده انتي يا بت مفيش راجل الا لما ... معاه !!!
فاتن : ربك غفور رحيم .
امير : ونعم بالله ، بس انا الكلام ده مش واكل معايا !! الراجل اللي اتجوزتيه هو اللي عمل فيكي كده ؟؟
فاتن : لأ انا اتطلقت منه بعد شهر واحد .
امير : اخد مزاجه و الب منك .
فاتن : يلا الله يسامحه بقي .
امير : بردو انا مش مصدق حوار التوبة ده ، ولا مصدق انك ملكيش يد في اللي حصلي .
فاتن : اسأل امك وامي علشان تعرف انا زعلت ازاي لما اتسجنت .
امير : لأ ، انا اسأل نفسي ، بقولك انا النهاردة هستناكي كمان ساعتين في الشقة ، امي رايحة مشوار ومش هترجع الا اخر النهار .
فاتن : بقولك انا توبت يا امير وبعدت عن الحاجات دي ومش هرجعلها .
امير : تبقي كدابة و انتب اللي دخلتيني السسجن وهتشوفي مني ايام سودا .
فاتن : انا ماشية .
امير : استني هنا بكلمك ، ماشية رايحة فين ؟
فاتن : رايحة الشغل .
امير : انتوا بقيتوا تشتغلوا بالنهار ؟؟
فاتن : انا اشتغلت في شركة محترمة وبقيت انسانة تانية يا امير ارجوك ساعدني اني اكمل حياتي صح .
امير : انتي عايزة تشتغليني انا يا شمال !!
فاتن : انا مش هرد عليك ، ربنا يسامحك .
ثم تركته وانصرفت !!! فنظر لها في غضب : مش هسيبك يا موزة ، مش هسيبك .
ظلت كلمات امير ووعيده لها يتردد في أذنها حتي وصلت عملها .
رؤوف : مالك يا فاتن النهاردة ؟ شكلك زعلانة !!
فاتن : لا ابدا مفيش حاجة .
رؤوف : طيب اتفضلي اقعدي .
فاتن : حضرتك انا عندي شغل .
رؤوف : مش هعطلك عن شغلك كتير ، اتفضلي اقعدي .
جلست فاتن ثم سألها : قوليلي بقي ايه اللي مزعلك ؟؟
فاتن : والدتي تعبانه شوية .
رؤوف : الف سلامة عليها ، طيب خدي الفلوس دي علشان تكشفي عليها .
فاتن : لا لا انا اسفة جدا انا معايا فلوس .
رؤوف : مفيش مشكلة ، خدي المبلغ ده علشان يكون معاكي فلوس بزيادة .
فاتن : لا انا متشكرة جدا .
رؤوف : طيب عموما اي حاجة تحتاجيها اطلبي مني بدون خجل .
فاتن : الف شكر يا رؤوف بيه .
رؤوف : طيب فيه موضوع تاني مهم عايز اكلمك فيه .
فاتن : اتفضل تحت امرك .
رؤوف : طبعا انتي بتشتغلي معايا من فترة وانا شوفت منك كل خير ادب واخلاق وتربية ونشاط في العمل .
فاتن : ربنا يخليك يا فندم .
رؤوف : وانا بصراحة معجب بيكي من اول يوم شوفتك واعجابي بيكي زاد يوم بعد يوم .
تنظر له فاتن بتعجب وحيرة !!!
رؤوف : انا عايزك اتجوزك .
فاتن " بدهشة شديدة " : افندم ؟؟؟؟؟
رؤوف : بقولك انا عايز اتجوزك .
فاتن : لكن اناااا..
رؤوف : ارجوكي بلاش تسرع ، انا هقولك كل ظروفي و كل اللي لقدر اوعدك به ومعاكي مهلة تفكري فيها .
تنظر له فاتن في صمت ومازالت الدهشة تتملكها !!!
رؤوف : انا عندي ٥٢ سنة ومتجوز من اكتر من خمسة وعشرين سنة وعندي ٣ بنات منهم بنتين متجوزين وبنت في الجامعة لسه عايشة معايا ومع مامتها ، وانا ومراتي علي خلاف كبير من سنين وكنت بأجل فكرة اني اطلقها او اتجوز عليها لغاية لما اطمن علي البنات والحمد لله اطمنت عليهم ، ولما فكرت في الجواز مش لقيت احسن منك ، صحيح فيه فرق سن كبير بيني وبينك لكن صدقيني مش هتحسي بالفارق ده ابدا ، غير انك هتعيشي معايا في شقة فخمة وهكتبلك مبلغ كبير تشيله في البنك للزمن وكل طلباتك هتكون مجابة .
فاتن : يعني ايه تعيشي معايا ؟؟ انت عايز تتجوزني عرفي ؟؟
رؤوف : لا لا انتي فهمتي غلط ، انا هتجوزك جواز رسمي لكن لي شرط وحيد .
فاتن : ايه هو ؟؟
رؤوف : ان جوازنا يكون في السر علشان ظروفي .
تنظر له فاتن في حيرة !!!
رؤوف : مش عايز رد منك دلوقتي ، خدي وقتك وفكري برحتك وردي عليا .
ينتهي اليوم وتعود فاتن الي منزلها ومازالت مشاعرها تتأرجح بين الخو.ف من امير وبين الامل في حياة افضل كما وعدها رؤوف ولكن ... من يضمن لها تلك الوعود من رؤوف ؟؟ فهي ما زالت حائرة .
مرت ساعات الليل حتي ظهر صباح اليوم التالي و بدأت تقتنع بعرض الزواج من رؤوف رغم فارق العمر بينهما و قلقها من مستقبلها معه ، ولكنها بالتأكيد لن يأتيها عرض زواج مثله خاصة بسبب ماضيها الذي مازال يؤرقها !!!!!
ارتدت ملابسها واخذت حقيبتها وخرجت الي العمل .
و تكرر ما حدث في اليوم السابق !!!
خرجت من المنزل لتجد امير في انتظارها !!!
فاتن : صباح الخير يا امير .
امير : صباح الجمال يا موزتي .
فاتن : عايز ايه يا امير ؟؟
امير : انتي عارفة يا موزتي ، وحشاني اوي وقولتلك عايزك .
فاتن : وانا قولتلك انسي ، انا بدأت حياة جديدة علي نضافة .
امير : واعمل انا ايه لسه بتوحشيني ومقدرش استغني عنك .
فاتن : وانا قولتلك قبل كده اتجوزني وانت قولتلي ازاي تتجوز واحدة شمال زيي !! خلاص بقي سيبني في حالي وابعد عني .
امير : وانا مقدرش ابعد عنك حتي رغم اني عارف اللي عملتيه فيا لكن بردو قلبي هو اللي بيحركني وبيقولي مبعدش عنك ابدا .
فاتن : من الواضح ان الكلام معاك مفيش منه امل .
ثم تهم فاتن بتركه والانصراف فيمسكها من ذراعها وفي تلك اللحظة تفاجئ بمن يأتي مسرعا في لمح البصر وينهال عليه ضر.با مبرحا !!!
نعم هو كما توقعت ذلك الرجل المقنع ذو الماسك الغامض !!!
يحاول امير الدفاع عن نفسه ولكنه لا يستطيع !!!
يستمر الرجل في ضر.ب امير حتي يفر منه هاربا !!!
فاتن " بتعجب " : انت مين ؟؟
الرجل : انا اللي ربنا بببعتني ليكي في الوقت المناسب .
فاتن : ايوه يعني انت مين ؟ صوتك مش غريب عني !! وريني وشك علي الاقل علشان اشكرك .
الرجل : انا مش عايزك تشكريني ، كل اللي عايزه اني اشوفك سعيدة وفي امان .
فاتن : ايه يعني انت ملاك من السما ؟!! من فضلك عايزة اعرف انت مين ؟؟
الرجل : هيفرق بالنسبالك تعرفي شخصيتي انا مين ؟؟
فاتن : اكيد هيفرق كتير اوي ، ارجوك صوتك مش غريب لازم اعرف انت مين .
يرفع حمزة الغطاء عن وجهه فتصا.ب فاتن بالدهشة !!!!!!
فاتن : انت !!!!!! مش ممكن !!!!!
حمزة : لأ طبعا ممكن ، اللي يحب يعمل اكتر من كده .
فاتن : ازااااي ؟؟؟ وعملت كل ده ليه وازاي ؟؟
حمزة : من اليوم اللي عرفت فيه انك نويتي تتوبي وتبعدي عن الغلط وانا كنت ملازم ليكي زي ظلك بحميكي من بعيد بدون ما تشعري .
فاتن : معقول ؟؟!!! وازاي انا مش عرفت ولا حسيت ؟؟
حمزة : لأني كنت عايزك تكوني في امان بدون ما اسببلك ازعاج .
فاتن : انت اللي عملت كل ده ؟؟؟
حمزة : انا اللي بلغت الشرطة عن سهير صاحبة الشقة وبعدتها عنك وانا اللي ضر.بت شعبان بالعربية قبل ما يوصلك لأنه كان عايز يغت.صبك قدام الناس في الشارع .
فاتن : أنت ؟!! وانت اللي حر.قت الكشك وشعبان جواه ؟؟
حمزة : لأ انا مش مجر.م علشان اعمل كده ، انا صد.مته بالعربية علشان دي الطريقة الوحيدة اللي اقدر امنعه عنك ، انما هو ما.ت بقدره لأنه كان متخد.ر وهو في الكشك اللي اتحر.ق من سيجارته و هو شارب مخد.رات ومش في وعيه .
فاتن : وانت بردو اللي ضر.بت طارق ؟
حمزة : ايوه انا ، لما حسيت انه ضغط عليكي وبدأتي تضعفي كنت لازم اتدخل وابعده عنك .
فاتن : للدرجادي بتحبني ؟؟!!
طارق : واكتر مما تتخيلي او عقلك يصورلك .
فاتن " بحزن " : لكن انا كنت ...
حمزة : ششششش ، متكمليش ، انا عارف لكن كنت عارف ان جواكي خير وانك في يوم هتتغيري والحمد لله انك اتغيرتي ، واللي يهمني انتي دلوقتي ايه .
فاتن : يااااه !!! انا مش مصدقة !!!!!
حمزة : وعلشان تصدقي ممكن اخد ميعاد علشان اقابل والدتك واطلب ايدك منها ؟؟
فاتن : مش هييجي يوم وتندم ؟؟
حمزة : مستحيل .
فاتن : ولا في يوم هتقولي ماضيكي كان كذا وكذا ؟؟
حمزة : مش ممكن .
فاتن : انت متأكد يا حمزة ؟؟
فاتن : زي ما انا متأكد من حبي ليكي .
فاتن : وانا موافقة ، لكن ليا طلب واحد بس عندك يا حمزة .
حمزة : اؤمريني يا قلب حمزة .
فاتن : عايزين نمشي من هنا ونعيش بعيد في مكان محدش يعرفنا فيه علشان نبدأ حياة جديدة بدون اي حاجة ممكن تضايقنا .
حمزة : رغم اني ممكن احميكي من اي حد لكن ده بردو نفس رأيي .
تركت فاتن عملها الجديد وبدأت في ترتيب نفسها للزواج ومضت فترة قصيرة وتزوجت فاتن وحمزة .
وبكده تكون خلصت حكايتها بعد ما عرفنا مين هو كان ظل فاتن المرأة العنيدة اللي عاندت الكل علشان تثبت علي توبتها .
يارب تكون نالت رضاكم واستحسانكم .
قال تعالي :
﴿ ۞ قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾
[ الزمر: 53]
صدق الله العظيم
انتهت .
موعدكم مع اولي حلقات روايتنا الجديدة رواية_حين_تبكي_الجدران
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
