رواية عشق الحور الفصل 5657/58/59/60 بقلم الكاتبه نسمه مالك حصريه وجديده على مدونة النجم المتوهج للروايات والمعلومات

رواية عشق الحور الفصل 56/57/58/59/60 بقلم الكاتبه نسمه مالك حصريه وجديده على مدونة النجم المتوهج للروايات والمعلومات

اللي يريحك ياسليم

تنهد بقوه ليجلس امامها

طب ممكن افهم حضرتك

زعلانه ليه

قالت بعصبيه

عشان انت اخد كل حاجه بحساسيه زياده عن اللزوم تقدر تقولي ايه المشكله ان احنا نجيب من نفس المعرض اللي هيجيب منه غيث وجاسر

ياعيشه افهميني ... انا مش عاوز حد في اخواتك يحطني قدام الامر الواقع ...

لاء لو علي كده متقلقش

يعني محدش هيجيب حاجه

قالت بتردد

جاسر قلي سليم ممشيها رسمي والمفروض اجيب قوضتين

اهو دا اللي انا عامل حسابه

قالت بسرعه

ياسليم افهم الكلام كله كان قدام بسمه حتي اسالها ... ولو مش عاوز انا موفقه ... انا ماهعمل حاجه تنقص من كرامتك ياسليم ...

تنهد سليم بقوه

طب انتي ليه مصره علي المعرض ده

شوف جاسر هيجيب قوضه اطفال وغيث هيجيب تلت اوض لما احنا نجيب معاهم الراجل هيعملنا تخفيض بحق قوضه زياده وصلت

حدق بوجهها

#يعني انت عاوزه تجيبي مع اخواتك عشان تاخدي انتي التخفيض

#ايه فيها ايه دي يعني كل واحد هيدفع تمن حجته واحنا نستفاد بالخصم عشان الكميه ... وعلي فكره انا قلتلهم ....

تاملها بحيره عائشه فتنته الخاصه دوما ما تبهره والان تعجزه عن اعطاءها حقها

#انا مش عارف ااقولك ايه

قالت بالحاح

#قول موافق عشان خطري ياسلومتي

ابتسم #وهو بعد سلومتي دي هينفع اقول حاجه

قبلت خده وقالت بحماس

#يخليك ليه ياسلومي ياعسل انت

وضع يده علي خده وهمس

#حرام عليكي ياعيشه ...

اقتربت منه وقالت باسمه

#طب انا عملت ايه بس

#بتجنيني ياعيشه ... هو اااالعفش هيوصل في اد ايه

#يومين انا رحت امبارح مع بسمه جبنا الستاير وهتتركب بكره مش هتيجي برضه

هب واقفا. وقال بحنق

#استغفر الله العظيم ويتقفل عليه انا وانتي باب واحد

هبت واقفه وقالت بحنق

#هو انا هغتصبك ياجدع انت وبعدين ماحنا مرزوعين في العياده اهوه ومقفول علينا باب واحد

قرب وجهه منها وهمس

#انا اللي هغتصبك ياحبيبتي مضمنش نفسي .... بس هنا اشرف بره

رفعت حقيبتها من علي المكتب

# مشوفش خلقتك في البيت تمام انا مروحه وخلي اشرف ينفعك

كادت تصل للباب ولكنه احتجزها خلفه رفعت عيناها وقالت

#عاوز ايه

بلع ريقه بصعوبه وهمس

#انتي ليه مش عاوزه تحسي بيا

#انا ياسليم

تامل وجهها وهمس

# ايوه انتي ... عشان مش قادره تتخيلي العذاب اللي انا بعيشه وانتي قدامي ومش قادر المسك

عشان لولمستك مش هسيبك ياعيشه ... قلتلك انتي فتنتي بس انتي مش عاوزه تفهمي

#بس مش لدرجه انك مترضاش تعد معايا غير في الشغل وبس ياسليم ... هو انا مش من حقي اخرج معاك نتفسح زي المخطوبين ... تقولي كلام حلو بدل الدبش اللي انت بترميه ده

#انا برمي دبش ياعيشه

قالت بغيض #هو دبش بس دا دبش وظلط وطوب طب بزمتك في واحد يقول لمراته في التليفون ياجعفر

#يعني عاوزاني ااقول اسمك قدام الدكتاره

#لاياراجل دا علي اساس. ان الدكتاره دول ميعرفونيش مش كده

#لاء عرفينك بس انا بغير ... بغير حتي ان حد ينطق اسمك بغير ان حد يسمعه ... عيشه ليه انا وبس انا بس اللي اندهلها وادلعها ووواستغفر الله العظيم عدي ادامي

وكزت صدره وقالت بغيض

# هو انت متقلش كلمه عدله علي بعضها طب مش معديه هه

اسند ذراعاه علي الباب لتصبح محتجزه بجسده وهمس

#مهو انتي لومعدتيش قدامي دلوقتي مش هيحصل كويس ياعيشه

ابتسمت بسخريه

#هتعمل ايه يعني

اقترب ليلتهم شفتيها بشوق ... شوق سليم وحده من يستطيع ايصاله ... شوق يجعلها توقن انها ملكه قلبه دون منازع ... يذوب يتلاشي بدفيء شفتيها تاوهها المكتوم يضمها اليه يريد صهرها بداخله تجري باوردته وعروقه النابضه التي تعلن عن عشقها وحسب .. عشق الجميله فتنته وفاتنته انتبه على يديها الصغيره تحاول دفعه ليوقن انها علي وشك الاختناق يبتعد ليهمس من خلال انفاسه اللاهثه

#عارفه لو ممشتيش علي العربيه حالا هعمل الدخله هنا

شهقت بقوه لتدفعه وتهرب راكضه للخارج ليمرر هو اصابعه المرتعشه بشعره ويزفر بقوه

# منك لله ياعيشه .

٥٦هوس و.....غيره

تحرك للخارج وبعد قليل كان يوصلها للبيت ليعرجا معا علي بيت غيث

#الله ينور يااسطي

التفت بسمه نحوهما لتترك مابيدها وتقول

#اسطه ياسليم ... كنت باشمهندسه وانا بعملك العياده والبيت

سليم ضاحكا # طب دا عشان كنت محتجلك

خرج سليم من الداخل ليقول باسما

#عجباني ملكش فيه ياسليم خليك في جعفر بتاعتك

عائشه #طب ليه التلبيخ بقي دلوقتي .. بس بصراحه شغلك جامد يابسمه ... البيت شكله اتغير خالص .... عجباني اوي فكره الدفايه دي

بسمه #تمام هخلص البيت واعملك واحده بس لازم نغير الديكور كله عشان شغل البيت هنا ستيل عند سليم انا صممته مودرن

سليم #ياستي انا عجبني شكل البيت كده دفايه ايه اللي هعملها في الصاله

اعتنق غيث كتف بسمه وقال باسما

#اخوكي دا دبش،،،،، ملوووش في الرومانسيه دفايه ونور هادي وسجاده قدامها عليها كام شلته اوووووه

بسمه # وكرسي هزاز جنبها

عائشه # الله وبابا نويل ينزلكوا من المدخنه وصحي النوم انتي وهو

سليم #هي دي مراتي

عائشه #اي خدمه يابرعي

بسمه ضاحكه # فوله وانقسمت نصين ...

غيث ضاحكا # صح يابوسي ... كل حله بتنادي غطاها

عائشه #انا بقول يلا ياغطايا نروح الزريبه عشان نطلع العجول اللي هتدبح بكره

سليم #يلا يابنتي ملناش الااكل عيشنا

بسمه #دكتره بهايم صحيح

عائشه ضاحكه #ماشي يابسمه بس قليلي لسه قدامك اد ايه

#النهارده بليل كله هيبقي تمام بتاع الستاير جاي بكره

غيث #هنلحق نخلص

#ان شاءالله اطبق مش مشكله

عيشه حجزتي العفش

#هحجزه الصبح واعملي حسابك بكره هنخلص من الستاير والسبوع ومن بعده معايا ياجميله نشتري بقيت الحاجه اللي نقصانا تمام

بسمه #ربنا يسهل

سليم بتاكيد #تمام ياعيشه ... بس لازم حد ينزل معاكو وانا عندي كذا عمليه

غيث #انا هنزل معاهم يلا بقي زوقوا عجلكوا ورانا شغل مش فاضييين

تابعهم غيث يخرجوا ليلتفت الي بسمه الشارده ..منذ حديثها مع والدته وهي دوما تشرد ... تنهد بقوه واقترب منها

#في ايه يابسمه

#مفيش حاجه ... يلا عشان هندهن الدفايه وبعدين ننظف بقي

خلع قفاز يده وقال

#انا عاوز اشرب قهوه تعالي معايا

تحركت خلفه لتخلع قفازها وتغسل وجهها ويديها ثم تقف لتعد القهوه

#ممكن اعرف انتي متغيره ليه

التفتت اليه

#ولاحاجه ياغيث مش متغيره ولاحاجه بس يحيي وحشني وو

اقترب ليرفع ذقنها ونظر بعيناها ليقول بثبات

#لاء متغيره ولو فاهمه اني مش بحس بدموعك وانتي نايمه تبقي عبيطه .... قلت هتتكلم بس انتي مبتنطقيش ... في ايه يابسمه من يوم ما ماما كلمتك وانتي متغيره في ايه

#صدقني ياغيث مفيش حاجه وعلي فكره ماما مالتيش حاجه بالعكس بقي دي قلتلي اني عندها زي عيشه وحور ... وان انا غاليه عندها ووو

قال بحده

#بسمه انا مش بحب الاسلوب ده ....

ارتعشت ذقنها وتجمعت الدموع بعيناها لانت عيناه وقال بلطف

#طب متزعليش ... انا بس مش عايزك تخبي عني حاجه . .مش انا بحكيلك كل حاجه

# هي مش قالت حاجه صدقني دي حتي اديتني دول

قالت جملتها لتتوجه للغرفه عادت بعد قليل واعطته ظرف فتحه ليجد به عده رزم من

الاوراق الماليه

#بتاعه ايه الفلوس دي

اشاحت وجهها وقالت باختناق

#هي قلتلي انتي زي عيشه ...و اديتهوملي عشان انزل ... وواشتري الحجات اللي نقصاني ووو ... هي كانت طيبه جدا ... لدرجه انها قالتلي متقوليش لغيث .. . بس انا اللي حساسه شويه ...وباخد الحجات دي علي كرامتي .... انا عارفه ان مستوايا ااقل من مراتك ووو طريقه لبسي مختلفه ومش من نفس الوسط مش استايل يعني .... بس انااااا

ضمها الي صدره وقال بانفعال

#اوعي تخبي عني حاجه بعد كده .... وافهمي بقي انت مراتي ،،،يعني ملزومه مني يابسمه .... واعرفي حاجه مهمه الخلاف الوحيد اللي كان بيني وبين سما طريقه لبسها .... ابو سما كان لوا بس عمري ماقعدت معاه زي ماقعدت مع عم محمود ... عم محمود اللي عملني زي سليم وبقي يفتحلي بيته عشان يسمعني ..... عم محمود اللي حبيته زي ابويا عندي احسن من رئيس الجمهوريه مش لوا ... انا نسب عم محمود يشرف اي حد .. . ماما لما عملت كده مكنتش تقصد تجرحك عشان كده خدتك في قوضتها .... هي لحظه سكوتك لما اتكلمنا في موضوع الفرش بتاع عيشه ..... سليم راجل انا اديله اختي لوهيقعدها علي البلاط .... عيشه عاوزه تساعده وعلي فكره دا ميقللش منه .... بس احترمت انها ماشيه علي دماغه ومش عايزه تزعله .... بس هو غبي عشان هو هيكتب البيت باسمها ودا مهرها والمفروض احنا اللي نفرش .... انا بقي اديتك ايه مهر عم محمود حط ايده في ايدي واداني بنته من غير مايطلب اي حاجه ... قلي انا اديت بنتي لراجل ... لو انتي شيفاني مش كده يبقي لينا كلام تاني

قالت بسرعه

#لاء ياغيث انا مقصدش .... انا بس حسيت بالعجز عشان مقدرتش ااقولها لاء عشان متزعلش عشان انا عارفه ان نيتها طيبه .... بس حسيت اني مكسوره غصب عني ... عشان انا مقدرش ااقول لبابا حاجه .... بابا جهزني زي اي عروسه لما اتجوزت عارف ماما كانت بتشتريلي جهاز ومبتجبش لحور يعني انا والله عندي حجات بكفايه

قال بحده لايعرف سببها

#تمام وانا مش عاوز حاجه من جهازك ده يدخل البيت يابسمه

حدقت بوجهه #طب ليه

#من غير ليه انا حر .. حجتك تنزلي تجيبيها مع عيشه .. كلها جديده

#طب ماهي الحجات اللي عند بابا جديده

قرب وجهه منها وقال بحده وتحذير

#مش عاوزها وعدي يومك بقي

#انا مش فاهمه ياغيث انت بتزعق كده ليه

قال بعصبيه

#. لما تبقي عاوزه تجيبي قمصان كنتي بتلبسيها لراجل غيري يبقي معندكيش دم ولااحساس

بلعت ريقها بصعوبه

#علي فكره بقي بابا حرق كل الهدوم اللي لبستها واللي عنده حجات جديده

قرب وجهه منها وقال بغضب

#وانا قلت متدخلش البيت يابسمه .... اي حاجه كانت في بيتك القديم متدخلش البيت.....دا انا لو اطول انسف بيتك القديم ده هعملها

قالت بدهشه #طب ليه دا كله

جذبها بقوه ليحاوط خصرها بذراعه ويقول من خلف اسنانه

#عشان بغير ... بغير بجنون .. بغير من واحد ميت عشان شاف شعرك ولمسك ولو لمره واحده .. انتي بتعتي انا وبس

التهم شفتيها بقوه ... لايدري اي نوبه جنون تملكته ماان ذكرت ثيابها القديمه مجرد تخيلها ترتدي شيء عاري لرجل غيره يشتهيها يتلمسها . يمتلكها بعنف كما يفعل هو الان تماما ... شفتيه تتجول علي صدغها رقبتها الطويله عظمتي ترقوتها البارزه يده تكتشف جسدها ويده الاخري تبعثر سبائكها ليعاود ويلتهم شفتيها طعم دمائها مختلطه بملوحه دموعها جعلته يستفيق من هوس جنونه ويحاول لملمه شتاته التي بعثرته هي ...محاوله كبت شغفه المهووس ... لم يعهد بنفسه هذا الشغف المجنون حتي مع سما ... انه بالكاد يتحكم بانفاسه وجسده اللعين الذي يطلب وصال مرتعشه مغمضه العينين تبكي شفتيها متورمه واثاره الحمقاء تطبع علامات علي رقبتها اللبنيه المغريه ..شعرها مبعثر وجهها احمر هذا ان تغافل عن سترتها المفتوحه ... فتحت عيناها لتنهمر دموعها ... ونظره مرتعبه تظلل عيونها .... همس بما وجده من صوته المبعثر

#بسمه انا اااا

سهم مسموم اخترق قلبه عندما احتضنت نفسها بذراعيها وكانها تداري جسدها عنه نجح بمهاره بارعابها وتثبيت صوره احمق اخذها عنوه ... زفر بقوه ليتحرك حاملا لفافته ويخرج خارج البيت باكمله لتسقط هي في الارض تحتضن ركبتيها تحاول لملمه شتات نفسها وتسقط .دموعها تتحسس شفتيها المتالمه لما فعل هذا ... لقد احبته ... نعم لقد تعلقت به بمرحه وطبيته وحنانه عليها .... بمؤازرته لها في كل شيء ... اعتادت علي مداعباته الجريئه احبت غزله الممتع ... لقد جعلها تحلم بيوم التمتع بحميميته الناعمه ودفئه الذي يغرقها به ... .لما عاملها بهذا العنف ....بالتاكيد لم يقصد اغمضت عيناها لتعيد حوارها معه لقد شعرت بالانكسار عندما تحدثت عائشه هي تعرف جيدا ان والدها لن يحتمل تكاليف جديده ... وهي لن تثقل علي كاهله ... وكلمات زينب معها برغم انها تعلم بنواياها الحسنه ولكنها جرحت ... ثم حديثه ومؤازرته لها ليضمد جرحها كانت علي وشك ان ترتمي بين ذراعيه لتخبره انها احبته وهبته قلبها دون انتظار مقابل ...هي تعلم ان زوجته الراحله مازالت تسكن قلبه ...ثم غضبه الغير مبرر بسبب ثيابها التي لم تستعملها ثم سبه لها انها عديمه الاحساس لتفتح عيناها ويخفق قلبها بقوه

وهي تذكر انفعاله الذي اشعل عسل عيناه وتهديده بنسف بيتها القديم ثم جملته الاخيره عن الغيره ....هل يغار عليها من رجل رحل ورغما عنها ارتسمت علي شفتيها ابتسامه لتتحسسها وتتاوه بالم ويعاودها لمساته المجنونه المتملكه علي جسدها لتهب واقفه ... وتهمس

# انا بحبك ياغيث ... ياتري راح فين ....

لقد خرج بملابسه المتسخه فبالتأكيد لن يبتعد ارتدت اسدال صلاتها لتترجل من البيت تبحث بعيناها عنه في الظلام لتقع علي بقعه ضوء لتتحرك نحوها كان يتمدد علي العشب بجوار البيت ينظر للسماء تحركت نحوه ولكنه كان غارق بشروده تمددت بجواره تطالع النجوم لتهمس

#انا بحب النجوم اوي ... وانا صغيره كنت بحلم يبقي ليه بيت في النجمه اللي بتلمع اللي جنب القمر .....

رفع اللفافه من فمه ونفث دخانها

#بس دي مش نجمه دي الزهره

نزعت اللفافه من يده لتلقيها بعيدا

#عرفت لما كبرت .... عارف فضلت يوم بحاله اعيط ... النجمه بتاعتي خدعتني ...كنت مخصماها عشان بتنوريني نور مش فيها .... وفضلت يومين بحالهم مبصش عليها واكلمها ... بس اليوم التالت وحشتني بصيت عليها كانت بتلمع اوي ... وبعدها صالحتها ورجعنا اصحاب تاني ... بحب النجم القطبي كمان بس مش زي الزهره

حرك راسه لينظر لها

# بتتكلمي عن النجوم كانها حيه

#كل حاجه خلقها ربنا ليها عمر تبقي حيه زي الجبال .... هو انت مش بتحب النجوم

اسند راسه لزراعه ليؤثر بحق باروع انعكاس للنجوم داخل خضار عيناها همس

#بعشقها ..... بسمه انا بجد اسف

#انا مش زعلانه منك ...و

اقترب وقاطعها #مش زعلانه ايه انتي كنت مرعوبه ...وانا اتعصبت بزياده و

قاطعته #.. منكرش خفت منك .. بس مش زعلانه ...كان سوء تفاهم وووانتهي خلاص ... انا مكنتش ااقصد اعصبك بالشكل ده ...عشان الحجات اللي بقولك عليها دي موجوده في بيت بابا بكيسها متفتحتش عشان بابا حرق بقيت حجتي ... غيث انا فاهمه انه مش سهل انك تبقي مع واحده اتجوزت قبل كده

سحبها ليواجهه وجهها

#تاني يابسمه انتي مبتحرميش

ضغطت نفسها للارض وقالت بخوف

#خلاص انا اسفه مش هقول كده تاني

زفر بقوه واعتدل جالسا لتجلس بمواجهته

#اسمعي يابسمه ... انا اعصابي فلتت انا معرفش عملت كده ازاي انا عمري ماعملت كده ... انتي مش محتاجه تعتذري انا اللي غلطت في حقك وخوفتك مني ... فانا اسف ..والحجات اللي عند بابا باكيسها من الفرش اوكيه هتيها هدوم ليكي هحرقها يابسمه احنا هننزل مع عيشه نجيب كل حاجه جديده كلامي مفهوم

#حاضر .. بس ممكن اطلب منك حاجه

#اتفضلي

# ممكن لما يحصل بينا اي سوء تفاهم .... متتعصبش وتسيبني وتمشي .... ممكن تبقي تتوضي ونصلي وبعدين نتفاهم بعد كده ... غيث انا مش بحب المشاكل .. ومش بحب الخناق ... ومش عاوزه ربنا يغضب عليه عشان زعلتك

تاملها بنظره طويله اي نوع البشر هي ... لتكمل ابهاره وتقترب تطبع قبله رقيقه علي راسه

#حقك عليه

#حقك انت كمان عليه ... انا كمان مش بحب الخناق ... بس بتعصب بسرعه

ابتسمت #بس قلبك ابيض وبتصفي بسرعه .... النبي قال الحليم هو من يملك نفسه عند الغضب .... يلا قوم عشان الجو سقع وانت لابس خفيف ..هحضرلك الحمام وادخل نام انت وانا هخلص الشغل

هب واقفا ليعطيها يده

#ياسلام ادخل انام واسيبك تشتغلي لوحدك ...

جذبها فهبت واقفه لترتطم بصدره قال بمرح

#اللهم اخذيك ياشوشو ... يابنتي بطلي تتحرشي بيه بقي عيب عليكي

حاولت الابتعاد ولكنه احكم ذراعيه حولها وقال هامسا

#يابت ابعدي الشيطان شاطر انا اللي مذكرله

#طب سيبني

يحررها لتهرع هاربه للبيت ليضرب كفيه ويهمهم

#داانت ضربت علي كبر ياغيث

انتي يابت استني هنا

قال جملته ليهرع خلفها غريبه هي بسمته المثيره ... بدلت

حاله بلحظه وكلمه بهمسه ...

--------------------------------------------

٥٧حكمه وعقل و،،،،،جنون

#يعني ايه مش هتعرف تيجي يابني ادام بقولك سبوع ولاد اخوك النهارده

#هبقي اجلهم ياغيث بس مش دلوقتي انا عندي شغل كتير لاانت ولاجاسر حد فيكوا اجا من اسبوع وكل حاجه علي دماغي

#تمام تشكر بس الشغل مش لبليل ياعلاء

#ياغيث افهم مانا لواجيت هاجي لوحدي ايناس مش عاوزه تدخل البيت ..خصوصا بعد ماعرفت حكايه طلاقه لعزه ده

#طب وهي عرفت منين

#من عزه قالتلها انه طلقها واخد منها كل حاجه وظلمها وكلام فاكس كده طبعا مش مصدق منه ولاكلمه

#مهو جنابك مسالتش الست عزه دخلت وسرقت صور الملف اللي في الخزانه وسافرت عشان كده هو كمان سافر وراها

#تمام ياغيث كويس انك قلت

#انت مهنش عليك حتي تطمن علي مرات اخوك ياجاحد

#لاء اتطمنت من ماما ..كنت معاها علي التليفون ..وعلي طول بسالها

#ياسلام بتطمن من ماما دا علي اساس ان جاسر مسافر بره وهي بس اللي عارفه رقمه مش كده

#لاء افهم بقي انا قلتلها ان انا كمان مكنتش اعرف وعامل

زعلان منه بس متقدرتش تعلق وانا بكلم ماما

غيث بغيض #شوف المبرر

#ياغيث افهمني عزه بتلقح علي ان حور دخلت البيت عشان تاخد كل حاجه انت وعيشه مفضلش غيري

#اه فهنطلق الحجه خديجه وهنجوزهالك انت بتستعبط يلا انت سايب مراتك تحكي علي العيله اللي احواتك كلهم منسبينها

#يعني انا هسكتلها انا عايش في نكد يومي ياغيث ..حياتي بقت مرار .... انا عندي ولد اطلقها واخلص

#هي مكبره الموضوع اوي يا

علاء وبعدين هي عزه اتصلت بيها ليه

# عارف انا كمان كنت زعلان من جاسر عشان خبي عليه لحد ماايناس اتصلت بعزه عشان تغظها عرفت ان كان عنده حق والله ياغيث علي عيني بس بجد بيتي هيتخرب انا تعبت عشر تيام نكد واللي نبات فيه نصبح فيه اشتكيت لامها غلطت اخوك بنتي مش عاقر عشان يخاف من الحسد فيخبي عليها وانا مستحيل ااقول لجاسر يطيب بخاطرها دا اخويا الكبير برده وانا مردهلوش ....

زفر غيث بضيق

#طيب ياعلاء ... بس حاول حتي تيجي حتي لوحدك رجاله العيله كلهم وكبرات البلد جيين

#حاضر ... هاجي اعد ساعه كده اباركله وابارك لحور اللي اتخدت في الرجلين دي .... انا عارف انها ملهاش ذنب في دا كله

اغلق غيث الخط وزفر بضيق لينتبه لكلمه بسمه

#انا اسفه بس انت كان صوتك

عالي اوي

تنهد بقوه #تعالي يابسمه ااقعدي

جلست بجواره فقال

#مش عارف اعمل ايه ... انا متعود علي جحود علاء ... بس متخيلتش ان الدنيا متبهدله عنده اوي كده .... والمشكله ان جاسر فعلا متأثر وشايل منه

#هو انا معرفش التفاصيل ..

زفر بقوه # شوفي باختصار كده ايناس كانت صحبه عزه وجاسر مكنش عايزها تعرف عشان كده مقلش لعلاء ولاليها

#يعني علاء مكنش يعرف

#لاء عارف بس جاسر قله يوم مااجه سليم

#فهمت فهو قلها انا كمان معرفش

#بالظبط كده ...

# بص هي حقها تزعل بس هي مكبره الموضوع اوي طب ماحور كانت مخبيه انها حامل في تؤم ومحدش فينا زعل .. بالعكس فرحنالهم ... وجاسر كمان من حقه يزعل دا كان شايف حور واقعه بتنزف وسبنا ومشي معاها

#عارف ...دا انا اللي مش جوزها دمي اتحرق وزعلت ... انا مش عارف اعمل ايه ...

#طيب شوف انا هحاول محاوله كده مع حور وارد عليك مكنش هاجي معاك ونروح لعلاء بيته واحاول انا اتكلم مع ايناس

حدقها بذهول

#ايوه بس انتي متعرفهاش ايه اللي يخليكي تعملي حاجه زي كده

# يعني هنسيبه بيته يتخرب وكل يوم بيعدي الموضوع بيتعقد اكتر ... ولو ماما اتدخلت ممكن ايناس تعند ... انا هروح لحور ادعيلي بس

قالت جملتها ليتابع حركتها للخارج ماذا تريد منه تلك البسمه لما تصر علي ابهاره ودون وعي تحرك خلفها

ترجلت بسمه الي البيت لتقابلها عائشه

#ايه طلعه تجري ليه

#الراجل بيركب الستاير واتصل بيا

بسمه بحزم # والاستاذ سليم فين

عائشه #سليم ياستي خايف علي نفسه لتحرش بيه

كانت تتوقع ان تضحك ولكنها قطبت اكثر لتخرج هاتفها وتتصل

#انتي بتكلمي مين

رفعت يدها علامه السكوت وقالت بغضب

# انت فين

#########

#عدي يااستاذ روح علي شقتك واما تبقي توصل ابقي اتصل بمراتك تحصلك

############

#تبقي اتهبلت يااستاذ يلي عارف كلام ربنا عشان مراتك تقف لواحدها في وسط اربعه خمسه رجاله

##########

اغلقت الخط وقالت بغيض

#رجاله تنقط ... مترحيش الالما يتصل بيكي حور لوحدها جوه

عائشه بذهول

#اه يامسيطره داانا لساني نشف امبارح عشان يبقي معايا بكلم حيطه

ربتت علي خدها

#عشان انت مش عارفه تدخليله صح ..

قالت بالحاح

#ازاي ياخبره فهميني

#يعني لوسيادتك كنتي قلتي بس ان رجاله اللي جايه تركب مكنش هيبقي في داعي لسانك ينشف ولاحاجه ... عشان مينفعش تبقي مع رجاله من غير محرم واخواتك ملبوخين في السبوع

#وانا اللي بقول عليكي غلبانه داانتي دماغك سم زي غيث

بالظبط غيث ضاحكا #مش مراتي ياهبله

تحركت بسمه تجاه جناح حور لتطرق الباب دخلت بعد قليل

#ايه اخبارك ياام العيال

حور # الخلفه دي حاجه صعبه اوي يابسمه بس حلوه

#ربنا يخليهوملك وتفرحي بيهم

#يارب

#في موضوع كده عاوزه اكلمك فيه

#خير يابسمه ابيه مزعلك

#لاء غيث طيب ومفيش زيه

#بداتي تحبيه مش كده

هزت كتفيها

# شوفي هو انا اتعلقت بيه هو طيب وحنين ... بس غيث قلبه دفنه مع مراته ياحور

#عارفه يابسمه انا كمان كنت بفكر زيك كده اول مااتجوزت جاسر. .. البلد كلها عارفه انه بيحب مراته ....مكنش سهل عليه انه عينه متشوفش الاهي كنت بموت وانا عارفه انه اخدها في حضنه حبيته اوي وقلتهاله وانا عارفه انه عمره ماهيقولها بس دلوقتي بقيت متاكده ان مفيش في قلبه غيري انا وعيالي وبس

#عشان طلقها

#من قبل مايطلقها .. صدقيني بكره حبك هيملي قلب غيث بس انتي بينيله حبك

تنهدت بقوه وقالت

#نستيني انا جيالك في ايه .... موضوع علاء

#كل ما بحاول بس المح بيتنرفز

#طيب تعالي معايا وانا هكلمه نسند بعض

قالت بحماس

#تمام نطب عليه زي القضا المستعجل في المكتب ونحاصره وننقد عليه

قلبت بسمه كفيها

#انتي هتعقلي امتي

لدغت خدها #هو في احلي من الهبل اخبار البيت ايه

#تمام بتاع الستاير هيخلص عند عيشه ويجلنا

طرقت حور باب المكتب لتطل براسها كالعاده

#حبيبي فاضي دقيقه بسمه عاوزاك ولانعدي عليك بكره ياسيد

جاسر ضاحكا #تعالي

دخلت حور لتري غيث الضاحك

#اوبس انت هنا ياابيه

غيث#لاء مش هنا ياسيد

جاسر #تعالي يابسمه

دخلت بسمه لتتنحنح بقوه جاسر ضاحكا

#في ايه يابسمه

بسمه باسمه #بسلك العده بس عشان الصوت يطلع مظبوط

جاسر #هو انتي كمان بتغني

حور #دي صوتها احلي مني بكتير .... دي لما كانت بتبقي رايقه كنا بنلم علينا الجيران

بسمه ضاحكه #لحد ماسليم قفشنا ... وطلع فرمان دستوري ان الغنا حرااااااام

حور #يابنتي مهوبعد كده طلعلنا تصريح نغني في ودن بعض

تشارك جاسر وغيث بالضحك لتقول بسمه بجديه

#مبدأيا كده انا مستعده لاي رد فعل من حضرتك ومتقبله قرارك بالرفض او القبول

جاسر باهتمام

#هو الموضوع كبير كده ...عملتلها ايه ياغيث

بسمه #هو غيث ملو,ش دعوه بالموضوع ... سيدنا النبي قال

الجميع # صلي الله عليه وسلم

بسمه # ايه المنافق تلاته منها اذا خاصم فجر .... ولما سؤل عن الفجر في الخصومه ... قال لايخاصم الرجل اخاه فوق ثلاث يقبلان فيعرض هذا ويعرض هذا وخيرهم من يبدا بالسلام .....

وربنا يشهد انك غالي عندي زي سليم ... واخاف عليك تكون فيك خصله من نفاق ... وظني بيك الخير انك تبدا بالسلام

فرك جاسر جبهته لتكمل هي

# من حقك تزعل ... ومن حق

مراته كمان تزعل ... هي لو شيفه نفسها واحده غريبه عمرها ماهتزعل ..لكن الموقف نفسه يخليها تحس انها غريبه وملهاش مكان ....علاء غلط اكيد ... اشتري خاطر مراته ومشي معاها برضه غلطان بس حط نفسك مكانه مراتك هتخرب البيت لو عرفت حتي انك كنت عارف هتروح وراها وتحاول تلم الدنيا وتحافظ علي بيت فيه طفل ولايروح مع حور اللي معاها اربعه ومجرد وجوده تحصيل حاصل

جاسربغضب #دا مهنش عليه جتي يتصل

#التمس لاخوك المسلم ٠٧عذر .. انت عارف بيته عامل ازاي ... عارف المشاكل عامله ازاي بينه وبين مراته .... ومع كده كان بيتصل بماماويطمن ومع كده

قال هيجي عشان يقف مع اخوه .يوم سبوع عياله مع انه ممكن بيته يتخرب فيها فعلا

جاسر بضيق

#والمطلوب ايه دلوقتي

بسمه بحذر # تستغفر ربنا

قطب بين عيناه #استغفر الله العظيم مش فاهم

ابتسمت #تيجي معايا انا وغيث ونروح نطيب بخاطر مراته ..وقول لااله الاالله

جاسر بغيض #لااله الاالله .. انتي بتدبسيني

بسمه # لا والله انا بس بطرد الشيطان اللي بينزغ في صدرك دلوقتي ... الشيطان اللي خلي اخوات يوسف يرموه في البير ودلوقتي بيرفع سقف العند وكرامتي وانا الكبير ..... الحليم هو من يملك نفسه عند الغضب .. سيدنا النبي كان اليهودي بيحط القذاره قدام بيته ولما متلقهاش راح زاره مقلش انا النبي

جاسر # صلي الله عليه وسلم

حور #ربنا يخليك ياجاسر مش عاوز احس ان انا السبب في انك مقاطع اخوك ...

نظر جاسر الي غيث الذي يحدق ببسمه وعيناه تصرخ بالحب

#وانت يااخينا معندكش كلمتين انت كمان

#هاه ... بصراحه بعد كلام بسمه مفيش حاجه تتقال .انا رايح اسخن العربيه وهنستناك بره

قال جملته واحاط كتف بسمه بتملك وكانه يثبت ان تلك المبهره هذه خاصته وحده وقف امام السياره ليقبل جبينها

#ربنا يخليكي ليه .... يااحسن زوجه في الدنيا

جاسر بغيض #خلاص داقت بيك الدنيا جاي تحب في الجراج

غيث بغيض # انت ايه اللي جابك

جاسر #والله ارجع

بسمه #لاء لاء احنا اسفيين ...

قالت جملتها لتفتح الباب

الامامي

#داانا هفتحلك الباب بنفسي

غيث #كمان هتقعديه جنبي

ركبت بالخلف # ميصحش الكبير يقعد ورا

جاسر # كلك زوق يابسمه

ادار غيث السياره #اللهم طولك ياروح

ليرفع هاتفه

#ايوه يازفت انت فين

#########

#خليك متلقح عندك احنا جيلنلك

######

#انت هتصحبني اتهبب استني وخلاص

بسمه ضاحكه #ماشاء الله هو احنا رايحين نصلحه ولانضربه

غيث بغيض #لاء رايحين نكسر دماغك اسكتي بقي

تطلعت لوجهه الغاضب بالمراه وانكمشت علي نفسها تنحنحت

#طب ممكن ااقول حاجه

جاسر #عاوزه تقولي ايه يابسمه

تلاقت عيناهما بالمراه وكانها تساله

غيث#قولي

بسمه #يعني نجيب شيكولا ميصحش نطلعلهم بايدنا فاضيه

جاسر #والله عندك حق ااقف يابني اما اجيب علبه شيكولاته من المحل اللي هناك ده

اوقف غيث السياره بعصبيه

#اخلص

ترجل جاسر من السياره لتقول بسمه

#غيث هو انا عملت حاجه زعلتك

زفر بضيق #لاء وبلاش نتكلم دلوقتي

قال جملته ليشعل لفافته وينفث دخانها بعصبيه ماالذي اغضبه هكذا اللعنه علي نوبات الغضب الحمقاء التي اصبحت تنتابه كلما اقترب من ظلها رجل اي رجل حتي لوكانت كلمات عاديه كالتي قالها جاسر زفر بقوه نعم كان يغار علي سما ولكن ليس لهذا الحد الذي يجعله احمق بالكليه ومازاد الامر سوء عوده جاسر محمل بالشيكولاته اعطاها احد العلب وقال

#جبت واحده لحور ووحده لعيشه ووحده ليكي حور قلتلي انك ادمان شيكولاته زيها

لمعت عيناها الخضراء الايمكن ان ينتزع الشيكولاته ويقتل اخاه الان الذي استحوز علي اهتمامها وخصته ببسمه رائعه من شفتيها المكتنزه لتقول

#شكرا جدا بس علي فكره حور هي اللي زيي انا الكبيره

ليدوس بغيض علي دواسه الوقودفتنطلق السياره محدثه. صرير عالي ليقول جاسر

#يخرب عقلك انت عاوز تموتنا يلا .

لم يتلقي جاسر رد لذا حدق بوجهه غيث ورغما عنه ابتسم غيث اخيرا وجد طريقه للحب ولكن الغريب انه لم يكن يغار بهذا الجنون علي سما اوقف غيث السياره ليقول جاسر بسرعه

#معلش يابسمه انزلي انتي ثواني بس وجيين وراكي

نزلت بسمه لتتبعها عيون غيث جاسر بحنق

#انت يلا اتهبلت .. حصل ايه عشان ده كله لاوي بوزك وكنت هتموتنا كل ده عشان كلمتها ايه هتحطها في قمم فوق بسمه عندي زي عيشه بالظبط ولاانت شايف حاجه تانيه

زفر بقوه وقال

#انا عارف ياجاسر بس صب عني انا بيني اتجننت ... داانا امبارح كنت هموتها عشان قلتلي هتجيب الهدوم الجديده اللي هي اتجوزت بيها ... انا معنتش فاهم انا بتنرفز ليه كده

#بتغير ودا عادي اي واكد بيحب واحده بيغير عليها بس مش كده انت كده تخنقها ياغيث

#تفتكر بحبها ياجاسر

#لاء بتغير عليها شفقه عديادامي بدل ماهي واقفه لوحدها كده يلا

ترجل الرجلان من السياره وبعد قليل كان غيث يطرق الباب ليفتحه علاء

#في ايه ياغيث قلقتني

غيث بسخريه #في ايه جيين نصالح الكونتسه مراتك هتسبنا وقفين علي الباب

تحرك غيث لتتقابل عيون علاء بجاسر لحظه والثانيه ثم يرتمي بين ذراعيه ويقول بانفعال

#حقك عليه يااخويا

ربت جاسر علي ظهره

#داانت ابني مش اخويا بس

ياعلاء اوعي بقي عشان ندخل البنيه

تحرك جاسر لتبتسم بسمه لعلاء فيمد علاء يده مصافحا بسمه

# مبسلمش

علاء بحرج #انا اسف

بسمه #متتاسفش دي عادات اتعود عليها الناس بس تطبيق الدين اولي

علاء# اتفضلوا ياجماعه

بسمه #معلش انا كنت عاوزه اتكلم مع ايناس

علاء #حاضر اتفضلوا

جلس الرجال ليدخل علاء داخل احد الغرف

#هاه مين اللي اجا

#غيث ومراته وجاسر ياايناس افتكر مجرد انه يجيي لحد هنا كفايه اوي ولاايه ... بسمه كانت عاوزه تكلمك واعرفي حاجه دول. جيين لحد بيتك

قال جملته وخرج ليقول

#اتفضلي يابسمه البيت بيتك

ترجلت بسمه للداخل لتري ايناس

#سلاموا عليكوا

#وعليكم السلام اتفضلي

جلست بسمه علي المقعد بحرج فقالت ايناس

#مبروك انا مشفتكيش من يوم الفرح

#الله يبارك فيكي ... شوفي انا يمكن جديده علي العيله دي بس ربنت سبحانه وتعالي رزقني براجل اكرمني عشان كده اي حد من عيلته يبقي علي دماغي

#انتي بتحبي غيث اوي كده

#ربنا امرني اني احب زوجي واطيعه ... اني اتجنب زعله او انه يبات غضبان عليا .. احنا جينا النهارده مش عشان علاء لاء احنا جيين عشانك عشان جاسر غلط في حقك بس اللي عاوز ااقولهولك انه مخباش عليكي عشان انتي غريبه لاء عمل كده عشان هو عارف انك ممكن تقولي لعزه وهو مكنش عاوزها تعرف

#وليه دا كله

#بصي انا معرفش التفاصيل بس هو دا اللي انا عرفته انك كنتي صحبتها ... وعشان كده خبي دا هزت كتفيها

#علي العموم هو. اجا لحد هنا ودا كفايه انتي متعرفيش ابيه جاسر غالي عندي ازاي ... وهو لو كان كلمني وقالي متقوليش لعزه مكنتش هقولها .... صحيح انا اتصدمت من اللي عمله مع عزه بس انا عارفه ابيه كويس اوي همره مايبقي ظالم

اتسعت ابتسامتها

#والله داانتي طلعتي كيوت وحبوبه خالص وشكلنا هنبقي اصحاب وبعدين المسامح مش كريم لاء المسامح ايناس

لتنفجر ايناس ضاحكه ليقطع ضحكاتها صوت علاء

#ايظااااا ايناس بتضحك قلبي النونو يااااه

ضحكت بسمه وقالت #هي كانت قلباها نكد اوي كده

علاء #اجارك الله ايناس لما بتقلب يبقي

ايناس بغيض #ايه ياسي علاء

علاء#ملاك نازل من السما بيبقي علي دمغها اكليل وعندها اجنحه يلا جاسر سايب سبوع عياله ومستعجل

ايناس #طب يلا هلبس جاسر والبس عشان نروح معاه هو جاب ايه

بسمه #انيس وعشق

ايناس #ماشاء الله تؤم

بسمه #اهو انا معرفش المعلومه دي الايوم الولاده بس مزعلتش

ايناس #خلاص انا مش زعلانه انا هلبس عشان ننزل كلنا مع بعض

خرج علاء لتتبعه بسمه ليدخل الصاله جاسر # ايه مراتك مش عاوزه تقبلني

علاء بسعاده #لاء واضح ان بسمه عملتلها غسيل مخ هتلبس الواد وتلبس عشان نيجي معاكوا ... ربنا يبارجاسر فيها ياغيث ... هشيل العيال هاي واقرصهم من ودانهم واعضهم

جاسر #تقرص وتعض مين يلا

علاء# عشق وانيس

غيث #يخربيت هبلك

جاسر #سيبه ياغيث اهوه نزود عدد العجول اللي هتدبح ... خلي الفقرا ياكلو

تشارك الجميع بالضحك لينزل الجميع بعد قليل لقصر الراوي حيث الزينات وتجمع كبار البلد في الحديقه طاقم طباخين يقوم علي طهو اللحم وسليم وعائشه ومحمود ويونس يوزعوا اللحم علي جميع البلده دار دار كما اوصي جاسر عائشه

#انا اتهديت

# الدال علي الخير كفاعله ياعيشه ربنا يجعله في ميزان حسناتك

#وحسناتك ياحبيبي بس بجد اليوم متعب من اوله تركيب الستاير وبعدين الدبيح

#عارفه يوم ماجاسر قلي ادبح عجلين لما عرفنا ان حور حامل اول مادبحت العجل الاولاني بسمه اغمي عليها

قالت بدهشه #ايه ده بجد

#اه عندها فوبيا من شكل الدم

#بس دي كانت واقفه ثابته يوم ولاده حور

#يمكن عشان كانت خايفه اوي علي حور

#بس زوقها يجنن بجد خساره انها متشتغلش

#عارفه هي ممكن تشتغل في التصميم بس هي مجال شغلها جو البيوت صعب شويه

#فعلا عارف احنا نعملها مشروع

قطب #مشروع ايه

قالت بحماس #مش انت هتسيب العياده بتعتك وهتنقل في عياده تانيه

#ايوه

#تمام يبقي نفتحهالها مكتب للديكور .... البسمه للديكور ...جامد صح

#هو جامد الصراحه بس مضمنش غيث يوافق

#وهيرفض ليه ماسمي مراته كانت بتشتغل وهو معترضش

#بس برضه لازم يوافق الاول

#تمام انا هكلمه ايه رايك

#ماشي هتنزلو بكره تشتروا حجتكو مش كده

#اه غيث جاي معانا العفش جاي بعد يومين وهنتلبخ في الفرش

#تمام يبقي نحدد بقي انا هوديكي وهكلم جاسر علي الخميس اللي بعد الجاي

#مش هنلحق نخلص

ابتسم ليحرك السياره

#لاء هنلحق انا مش هقدر اصبر اكتر من كده ....

وصل سليم للبوابه ليترجل هو وعائشه ليقول

#بسرعه علي جو البيت ومشفوفش طرفك بره

قالت بنعومه هامسه

#حاضر ياسي سليم

لتتحرك من امامه بسرعه للداخل ويتحرك هو هائم بهمستها الناعمه يستفيق علي صوت جاسر

#ا هلا دكتور سليم تعالي اقعد جنبي ...

جلس سليم بجواره بين غيث

وعلاء ليقول محمود

#ربنا يجعهلم خلف صالح ويطرح فيهم البركه

جاسر #امين ياحج محمود

علاء #الاكل جاهز يارجاله اتفضلو

ليتحرك الجميع فيقول سليم

#بعد اذنك كنا عاوزين نحدد ميعاد الفرح

اعتنق جاسر كتفه

#نويتوا امتي

#الخميس اللي بعد الجاي

#الفرح عليه انا سيبتك تعمل كل اللي في دماغك

#بس

غيث #مفيش بس ... ومتنساش ان احنا لزقلنك ياجميل .... ورحله شهر العسل عليه ...

سليم #شهر عسل ايه دانا يادوبك هاخد اسبوع

جاسر# والله عندك حق بس غيث بينه اخد علي البرتعه ..

غيث #خلصتو تحفيل اوكيه اسبوع العسل عندي شاليهات تحفه في الساحل زي الكبينه كدا علي البحر ... الخضرا والماء والوجه الحسن ... انا بفول علي بسمه طبعا .

سليم #يعني عشان انا مش هعرف اغلط في اختي هتلبخ

غيث # انا البخ براحتي في اختي في اختك في

جاسر مقاطعا #متتلم بقي يلا وعدي يلا عشان تاكل

جلس سليم بجوار غيث ليقول

#غيث كان في حاجه كده عاوز ااقولك عليها .. انا هنقل العياده في البيت الجديد وعيشه كانت بتفكر ندي العياده القديمه لبسمه تفتحها مكتب ديكور تشتغل فيه ايه رايك

قال بشرود #انت كلمتها في الموضوع ده

#لاء هي متعرفش اصلا دي فكره عيشه علي فكره لو مش حببها تشتغل عادي

نظر اليه

#بس انت هتسيب عيشه تشتغل

#عيشه بتعمل درسات عليا وانا مقدرش امنعها عن علم ..وشغلها هيبقي معايا في العياده وحتي ان وافقت بسمه هتشتغل بضوابط هتصمم وتشرف بس

#هفكر في الحكايه دي وابقي ااقولك شرد مره اخري هو كغيث الذي يعرفه طوال عمره رجل متفتح متحرر كثيرا ... لم يعترض يوما علي عمل المراه بالعكس كان يشجع سما علي العمل ... برغم ان كل عملها كان بمواقع انشائيه ووسط رجال .... لما لايستسيغ هذا مع بسمه .. لما يتحول تفكيره لرجل منغلق عقله يفكر بتفكير رجل الكهوف الذي يريد احتجاز امراته وامتلاكها لتصبح له وحده .... لما معها كل شيء يختلف حتي هو وطريقه تفكيره يتحول لانسان منغلق لايستطيع التفاهم .... لما اصبح غيور لهذا الحد الخانق كما اخبره جاسر ... لقد لعن نفسه الف مره عندما نزع يحيي الصغير من احضانها ... هل صار يغار منه ايضا ... لقد اصبح مختل بالكليه ... منذ .

لمسها بجنون لسمحو اثر غيره عليها كان يريد هذا هو الان هاديء ويستطيع التفسير ... مجرد ذكر زواجها السابق جعله يجن جنونه ... ليري شخص عابث لم يعرفه بحياته يريد اثبات وجوده ولو بالقوه

#غيت بابا اوبح

نظر للصغير المتعلق بساقه يجذبه ليرفعه علي الطاوله يقبل جبينه

#ديما بتجيلي في وقتك

علاء# ابعته لامه ياغيث انت

اصلا مبتكلش

غيث #متخليك في فتتك وتفكك مني .... تاكل مم يايحيي

علاء #يابني اسمع الكلام مينفعش تقعده في وسط الرجاله ابعته لامه

غيث بضيق # متخليك في

حالك بقي

بدا يطعم الصغير

سليم #هاته ياغيث انا هدخله

لامه تاكله

احد الرجال #بس الولد متعلق بيك اوي ياغيث بيه

# عادي ياحج ابراهيم ابني طبيعي يتعلق بيا.

ابراهيم #بس اللي اعرفه انه مش من صلبك انه بن مراتك بت محمود

قاطعه بغضب #يبقي ابني حد عنده اعتراض

#لاع مهو ولد اصول بردك دا ولد سويلم

هب غيث واقفا وقال بغضب وحده

#بن الدسوقي ودا يكفيني

جاسر #جري ايه ياحج ابراهيم

#هو انا قلت ايه غلط ياجاسر بيه

جاسر بحزم #كلامك كله ملووش عازه ....

ابراهيم # حقك عليه ياجاسر بيه

حمل غيث الصغير الخائف من صوته العالي وحمل طبقه

جاسر #اعد ياغيث

غيث #انا شبعت اصلا انا هاكل يحيي بره

قال جملته ليخرج من الصوان الممتليء رجال ليذهب ناحيه بيته جلس علي الدرج ليجلس الصغير علي ساقه

#متزعلش انت ابني انا

وكان الصغير سيفهمه ربت علي خده وابتسم ليبتسم الصغير ويبدا باطعامه

# انا مش عارف ايه سر تعلقي بيك كده .. مش عارف يمكن عشان شبه امك ... انا معنتش فاهم نفسي يايحيي ... بتعامل معاها بغيث انا معرفوش غيث جديد عليه ... انت فاهمني طبعا مش كده .... قاعد بتكلم مع عيل عنده سنه

ليحتضنه الصغير ويقول بنعاس

# انت سيب انا

قبل جبنيه #مش عاوز تروح مع يونس

#يونت كخ .. يحيي حب غيت اد الديا كلها

#وانا بحبك اد الدنيا كلها ...

#بابا نينه هوووه

ليعدله بين ذراعيه ويداعب شعره يتامل ملامحه البريئه

خصلاته الشقراء وجنته الورديه ليتلمس يده الصغيره لقد وقع حب هذا الفتي بقلبه منذ راه للمره الاولي رابطه غريبه يشعرها معه

#مش هتبطل تتقمص زي العيال الصغيره

رفع وجهه لجاسر الواقف امامه

#انا متقمصتش ياجاسر بس بن الك.....ده بيلقح بكلام حرق دمي وبعدين فوضك الليله كانت حلوه اوي ...

#طب نيم الباشا وتعالي عشان عاوزك

#مش هينفع اسيبه لوحده جوه في ايه

#دلوقتي انت هتنزل بكره مع بسمه وعيشه عشان يشتروا حجتهم ... عارف لوقلتلك خد فلوس هتتنرفز بس حاجه عيشه تيجي بفلوسها

#والمطلوب

#تيجي معايا اجيبلك الفيزا بتاعه عيشه معاك

#طب ماتدهالها

#هتحاسب وانت معاها

#هحاسب انا وابقي احاسبك

#لاء ياغيث وبعدين دا كلام ماما

تعالي معايا عشان اجيبلك الفيزا من المكتب

#انت عرفت ان عزه عرفت وقالت لايناس انك ظلمها واخدت منها كل حاجه ..وان

ولاد الدسوقي بيوقعونا واحد ورا التاني

#انت جبت الكلام ده منين

#من علاء هو قالي ... القصد انا مش مرتاح لعزه

#عزه مغيش منها خوف انا لاوي درعها كاميره المكتب سجلت السرقه بحذفيرها والغبيه فتحت نور الموبايل فوشها باين

#يابن الل

#اخرس ونظف لسانك دا بقي تعالي بقي

هب واقفا وتحرك بجواره

# هي الناس دي هتمشي امتي

#صحي النوم ياحبيبي علاء وسليم بيفوضوها والكبار كلهم مشيو

تحرك خلفه للداخل ليتوقف الرجلان لهذا الصوت الشجي

# محمد سيد الكونين والثقلين والفريقين من عرب ومن عجمي

#دا مش صوت حور

هكذا علق جاسر ليتجه ناحيه المكتب ولكن اذنه تعلقت بصاحبه الصوت الشجي

#هو الحبيب الذي ترجي شفاعته في كل امر من الاهوال مقتحم

ثم الرضي عن ابي بكر وعن عمر وعن عثمان وعلي ذو الكرم

مولاي صلي وسلم دائما ابدا علي حبيبك خير الخلق كلهموا

#غيث انت اتحنطت

التف ليجد جاسر يقف امامه

#صوتها حلو اوي

ربت علي كتفه

#علي فكره احتمال تكون بسمه بس اللي كانت بترد حور

#بس انا مسمعتهاش بتغني قبل كده

# عادي يمكن عشان سليم قلها حرام مهي قيله الكلام ده قدامك الصبح يالواحظ

هرولت المراه اتجاهه

#ادخلي اندهي ستك بسمه من جوه

تحركت المراه ناحيه غرفه الصالون الكبيره لتخرج وتخرج خلفها بسمه تنظر في الارض

جاسر #تعبناكي معانا يابسمه

#متقولش كده احنا اهل

غيث #يحيي نام مش هتروحي رفعت عيناها من الارض فور سماع صوته

#تمام هاته عشان اديه لماما

#لاء هو نايم دلوقتي سيبيه يبيت معانا ونبقي نفوته عليها الصبح قبل ماننزل البلد وامني علي عيشه عشان نلحق نلف من بدري

دخلت لتعاود بعد قليل تقترب لتحمل الصغير يكفي اقترابها ليشتعل هو تمسك بالصغير

#سيبيه انا هشيله يلي بقي

تحركت بجواره ليخرجا من البيت قال

#هو انتي اللي كنتي بتغني

#هوانت سمعتني من بره يعني صوتي كان باين عند الرجاله

#افصلي انا سمعتك لما دخلت

قالت بارتباك #ايوه كنت بغني انا وحور

فتح الباب ليترجل داخل البيت

#هنيم يحيي واجيلك

نزعت حجابها ووضعته بغرفه الغسيل

#علي فكره صوتك حلو اوي

لفت لتصير تقريبا بين ذراعيه لتقول بارتباك

#شكرا ... انا اصلا بطلت اغني من فتره .... هحضرلك الحمام وهدخل اخد حمام لحسن حاسه اني ميته من التعب

#عاوزه تنامي يعني

#لاء محتاجه افرد جسمي بس

لايجب ان يقترب حتي لاتتفلت كل الامور من يده ... حسنا لقد اعتاد ان ياخذ حمامه بنكهتها الممتعه استعمال مناشف نظيفه كل شيء يحمل بصمتها له مزاق مميز ولكنه يريد الحديث معها انتهي من حمامه سريعا ليخرج متجها الي الغرفه كانت تجلس امام المراه تمشط شعرها الذهبي الذي تحول لادكن بفعل المياه جنيه هي جنيته الذي بات لايفهم ماينتابه معها اقترب ليمسك يدها بالفرشاه ويبدا في تمشيط شعرها الناعم تلاقت عيونهم بالمراه ... اللعنه علي تلك اللمعه المغريه بها

#انتي شعرك حلو اوي

#هوااانت بتحب الشعر الطويل ولاتحب ااقصه

اوقفها ليقول بتحذير

#عشان ادبح ... ايه اللي خلاكي تقولي كده

هزت كتفها #يعني كنت بفتكرك بتحب الشعر القصير

فهم متاخرا ماترمي اليه انها تتحدث عن سما زفر بقوه

#لاء بحب الشعر الطويل جدا ..

ابتسمت #انا كمان بحب الشعر الطويل اوي ... عارف شعري كان قريب من شعر عيشه كده بس انا قصيته

قطب بين عيناه

#طب ليه

فركت يديها وقالت بحذر

#هو اناااا قصيته من سنتين ... وو

لايدري لما تذكر مشهد لم يستطيع نسيانه يوم موت عمه عندما قصت والدته ضفيرتها الطويله لتسقط في الارض

#اه فهمت بس معنتيش تقصيه تاني

#انا مينفعش ااقصه من غير اذنك

قطب #اذني انا

#ايوه النبي قال كده ...

تحركت ناحيه الفراش لتتمدد عليه تقبل يحيي اقترب فيتمدد بجوارها وقال

#في حاجه كلمني فيها سليم النهارده

ارتفعت جالسه وقالت بسرعه

#علي فكره دا عادي جدا سليم اخويا والفلوس اللي

قاطعها #فلوس ايه

#مش انت بتتكلم علي الفلوس اللي ادهاني سليم عشان اجيب حجتي

اعتدل في مواجهتها

# يعني هو بيتجوز ومحتاج كل الفلوس اللي معاه تقومي تاخدي منه انتي يابسمه

هزت كتفها #انا قلتله كده بس هو اصر .... ولو رجعتهاله هيزعل

امال انت كنت تقصد ايه

# سليم كلمني ان هو هيسيب عيادته وعيشه فكرت انها تبقي مكتب ديكور ليكي

احتضنت نفسها

#ياحبيبتي ياعيشه

قال بغيض #يعني ايه انت موافقه

تنهدت #شوف هو انا موافقه من حيث المبدا مش المضمون

#مش فاهم

#يعني انا ممكن اشتغل بس مش في الديكور عشان الاختلاط هيبقي كتير وانا مش بحب كده

#امال عاوزه تشتغلي في ايه

#افتحها دار تحفيظ للاطفال دا حلم حياتي

#كتاب يعني

#اه كتاب خيركم من تعلم الفرات وعلمه ... والحمد لله انا خاتمه ومجوده واقدر افتحه

نظر لها بذهول

#انتي حافظه القران كله

قالت باحباط # بقراتين بس

#بس لاء لاء مقصره

#والله عندك حق انا فعلا قصرت هو انت حافظ اد ايه

حك راسها وقال

#هواااا انا يعني ممكن تعتبريني لسه داخل الدين جديد

#نعم

ربت علي خدها

#بلاش الازبهلال ده ... انا كل اللي حفظته تلت تجزاء

ابتسمت #طب وايه يعني ماانت ممكن تختم في سنه

#سنه قلبك ابيض اوي انا مش بعرف احفظ بسهوله

#هقولك علي طريقه تخليك تحفظ بسرعه كل يوم هتقرا قبل الفجر خمس ايات وتصلي بيهم الصلوات الخمسه وبعد العشا تقراهم كمان مره وهسمعهوملك

#والله طريقه كويسه فعلا تمام هجرب

#مقلتليش بقي رايك

#موافق طبعا بس في الحقيقه مكنتش هخليكي تشتغلي عشان الشغل في وسط رجاله

قاطعته

#وانت بتغير

ابتسم رغما عنه فما كان سيصرح بهذا

#انت قلتلي كده امبارح

حسنا انها ترد علي افكاره حاليا

#علي فكره اللي يشوفك اول مره يفتكرك غامض بس في الحقيقه انت طيب اوي عشان كل انفعالاتك بتبان في عنيك

تاملها بنظره فاحصه واقترب من وجهها

#لاياشيخه يعني انتي تعرفي انا عاوز ايه من عنيه

#امممم

#طب انا عاوز ايه دلوقتي

ابتسمت وقالت بارتباك

#مهو انا نسيت ااقولك انك قليل الادب

حدق في وجهها للحظه لينفجر ضاحكا بصوت اقلق الطفل النائم بجوارها لتربت علي كتفه حتي يستكين فيحتضنها هو الي صدره ليلفها بين ذراعيه ويهمهم في نفسه

#انتي بتعتي انا وبس

ليسمع همهمه مماثله انا بتعتك وبس...

58&59&60

مش عايز حد في البيت يعرف حاجه ولاغيث

طب ليه

من غير ليه سيب اخواتك يفرحوا ودعبث عاوز اعرف بيان فين

انت شاكك فيها بس المعمل الجنائي قال انه

قاطعه بيان بدات تضرب تحت الحزام وكده هي بتدي اشاره والمحتمل الكبير انها هتظهر اليومين الجايين اهم حاجه زود الحراسه في المصنع واي اوراق مهمه عندك في المكتب عينها في خزنه القصر وبلاش تروح شقتك اليومين دول

تنهد بقوه طب ماغيث وعيشه مسافرين بكره

متقلقش انا هلمح لغيث ياخد

باله واللي كانت بتنقلها الاخبار غارت ... افرد وشك عشان وصلنا

ترجل جاسر من السياره وتبعه

علاء ليتحركوا ناحيه بيت غيث طرقوا الباب ليفتح لهم ويتركهم كما هم ويدخل جاسر

يخربيتك مش هتكبر ابدا ... داانت ولاعيل صغير بيتقمص من اي حاجه

جلس غيث علي المقعد وقال بغيض

اه صح اخواتي الاتنين سيبيني ليله دخلتي

علاء بمرح بمصطنع

انت هتمثل دخلتي دا مش علي اساس انها بقالها شهر عايشه معاك ولاحاجه

غيث بغيض اطلع بره يلا

قفز علاء فوقه وقال مداعبا

ليه بس داانا هروشنك اخر حاجه هطلع فيك اللي اصجابي عملوه فيه يوم دخلتي

دفعه غيث وقال

ابعد عني يلا .. مش عاوز من وشكوا حاجه

جاسر لاء بس البيت جامد بعد مااتفرش زوقها حلو بسمه ...

غيث انا ميتحورش عليه كنتم فين بقالكوا يومين

جاسر كان في شغل في فرع مصر لازم يخلص

غيث عيل صغير برياله انا ..

شغل تسافرولوا انتوا الاتنين

علاء صفقه حلوه وكانو

طالبين يقابلو الكبير

غيث ولايدخل دماغي بنكله الكلام ده ..... جاسر ميروحش فرع السادس الالو كانت في مصيبه ... لولا الواد يحيي كان تعبان اول امبارح وانا قلقت اسيب الحريم لوحدهم كنت طبت عليكوا. ... هات من الاخر ياجاسر وقلي بيان عملت ايه

جاسر ايه اللي جاب في دماغك الموضوع ده

غيث عشان انا متاكد انها هتحاول تأذينا باي شكل ومش لوحدهاا هي وعزه خصوصا ان عزه عرفت ان الالماظ مضروب

علاء الماظ ايه

جاسر انا كنت شاكك في عزه من ساعه مارجعت ببيان البيت

قاطعه غيث فانا اخدت صور الماظها وظربتلها غيره مش ولاد الراوي اللي يضربوا علي افاهم ياعلاء

علاء بدهشه يابن اللعيبه يعني الكلام اللي قالته لايناس انك اخدت كل حاجه دا حقيقي بس مستحيل جاسر يفكر كده ...دي اكيد فكره غيث

غيث اخوك اصلا كان مستحرم يعملها قلبه الحنين مكنش مطوعه

جاسر بضيق فضوكوا بقي من الموضوع ده .... كله تمام ياغيث ولافي حاجه نقصه

غيث جاسر قلتلك مبيتحورش عليه ولو مقلتش في ايه هاخد العربيه واطلع علي العاشر دلوقتي

علاء طب انت ليه متاكد ان في حاجه حصلت

غيث عشان الست عزه هانم قلعت برقع الحيا وبقت مشيه في ديل بيان

جاسر انت عرفت منين الكلام ده

غيث حاطط بيان تحت عيني من بعيد واليومين اللي فاتو كانت بتقابل ناس مشبوهه في الوكر بتاعها ... ومعني انكوا تسيبوني في وقت زي ده تبقي عملت مصيبه

جاسر باهتمام

يعني انت عارف مكانها

اخده فيلا في الصحراوي ... حطه عليها حراسه عاليه وكل يوم والتاني بتعمل فيها حفله لوش الصبح ... يعني حاجه كده درمغه وعزه معاها

جاسر مقلتليش الكلام ده ليه ياغيث

غيث عشان مفيش مناسبه هي من ساعه مانا رجعت وحطتها في دماغي وهي كده

علاء بغيض اهي فلتت من دماغك ياخفيف وحرقت المخازن بالبضاعه

وكزه قويه من جاسر اسقطته ارضا وقال بغيض

انا عارف من الاول انت مينفعش يتقلك حاجه

اعتدل علاء علي الارض فقال غيث

عايز تخبي عليه حاجه زي دي ياجاسر

جاسر بضيق اكيد كنت هقولك بس اما ترجع بالسلامه

غيث سلامه مين انا مش مسافر

علاء ياسلام علي الغباء والبت اللي انت محنطها جنبك بقالها شهر دي ذنبها ايه

جاسر عشان عارف ان ده هيبقي رد فعلك مكنتش عاوز ااقولك .... احنا بقلنا يومين في النيابه ياغيث المعمل الجنائي

قال ماس كهربي وقيدها ضد مجهول

غيث وانت طبعا متهمتهاش

جاسر اتهمها ازاي والتقرير بيقول قضاء وقدر ... بس متقلقش الخساير ولاحاجه

علاء ولاحاجه ازاي بس ياجاسر

جاسر بغيض مبلغ التامين هيغطي ياغبي

هب علاء واقفا ليطبع قبله قويه علي خد جاسر

الله عليك يابو انيس انت مامن

مسح جاسر خده بتافف وقال

عارف لولا ابو انيس دي كنت شوهتك دلوقتي تك ارف ... طبعا مامن ضد السرقه والحريق المشكله مش في كده المشكله في مواعيد تسليم البضاعه

غيث لاء دي مقدور عليها

جاسر ازاي

غيث هنشغل المصنعين تلت ورادي ولسه علي التسليم شهر .بس المشكله ان احنا هنفضل قلقنين من بيان

علاء يعني ايه هنفضل ملطشه للست زفته دي

جاسر لاء انا هروح اشوفها عايزه ايه بالظبط

غيث لاء .... اهم حاجه امن المصنع كويس اللي هناك واللي هنا

جاسر اللي هنا متقدرش تيجي جنبه نص البلد شغاله في المصنع دول ياكلوا اللي يقرب منه ...بس انت في دماغك ايه

غيث بيان ناويه تهرب شحنه ماس

جاسر وانت عرفت الكلام ده ازاي

لسه معنديش تفاصيل بس اللي وصلني من الناس اللي بيدورا وراها بره انها سافرت من تلت اسابيع وقبلت اكبر تاجر ماس في العالم الراجل ده من ايطاليا وشغله مع المافيا ... ودا مبيقبلش حد ملوش معاه مصلحه وعلي فكره عزه كانت معاها

علاء انت طلقتها رسمي ولارميت عليها اليمين بس

الاتنين بعد مانزلت من عندها فوت علي الماذون .... بس معني كده ان عزه متورطه معاها

غيث ايه قلبك هيحن

جاسر لاء طبعا بس مصدوم ومتنساش انها لسه شايله اسم الراوي

غيث لاياشيخ وبيان مش شايله اسمه مش كده

جاسر الحكايه مش كده بس مش متخيل انها ممكن تبيع نفسها عشان الفلوس

علاء بلاش مثاليه ياجاسر مهي سبق وبعتك برده عشان الفلوس عزه الفلوس عندها اهم من حياتها نفسها

جاسر معلش مش عارف ابلع اني كنت غبي للدرجادي

غيث انا فاهم انت حاسس بايه بس عزه هتتلط في المشوار ده

جاسر اكشف اوراقك ياغيث انا مش فاهم حاجه

اشعل غيث لفافه

تمام بس اللي هقوله ميتقلش لحد

جاسر بغيض انت بتستعبط

غيث لاء ياحبيبي انا مش بقولك انت انا بقول لابو لسان طويل اللي مجرسنا في المنطقه

علاء بغيض عيل صغير انا اظن

غيث ولالمراتك ياعلاء

علاء هي ايناس ليها علاقه بالموضوع ده

غيث لاء ليها علاقه بعزه

علاء معدتش بتكلمها

غيث متضمنش ...

علاء خلاص مش هتكلم

غيث المعلومات اللي اجتلي من بره ختها الاسبوع اللي فات ورحت لمهاب عزت

جاسر ابو سما

تنهد غيث بقوه اه ... مهاب دلوقتي ماسك شغل في المخابرات ... المهم قالي ان عندهم معلومات عن الموضوع وان بيان وعزه محطوطين تحت المرقبه

علاء طب مهي لوتحت عينهم حرقت المخزن ازاي

جاسر انت غبي يلا وهي هتحرق المخزن بنفسها

غيث اكيد الناس اللي كانوا عندها من كام يوم هما اللي عملوها ... كده كده بيان هتلبس وعزه معاها ... في حاجه كمان بس عشان لو في دماغك حاجه تشلها ياجاسر

حاجه ايه

بيان مشغله عزه

مش فاهم

غيث مش محتاجه مفهوميه ياجاسر .... بيان بتبعت عزه لرجاله تقيله وبتبات عندهم

جاسر انت بتقول ايه

غيث زي مابقولك كده ... كان عادي يوصلني ان بيان تعمل كده بس لما بيان راحت معاها فيلا شوكت العمري وسبتها ونزلت اتاكدت .... ولعلمك انت لوشوفت عزه دلوقتي مش هتعرفها عملت نيولوك يمشي مع الوساخه

جاسر كفايه ياغيث ...اعوذ بالله هي وصلت للشرف كمان

علاء عندك حق انا كان ممكن اتصور ان عزه تعمل اي حاجه عشان الفلوس الادي

غيث المباديء مبتتجزئش ولعلمك امها قطعتها عشان كده عايشه مع بيان ... ايا كان سهير وحشه اه بس نظيفه

اغمض جاسر عيناه وزفر بقوه ليقول

خلاص ياغيث ... يبقي احنا هنامن المصانع

غيث فاكر البيت اللي انا اشتريته في مصر عشان سما لما تسافر لاهلها

اه فاكرها دي عماره مش بيت

مالها

هتبعت حد من بكره يظبطه مخزن والبضاعه كلها تتشون فيه والمخزن ابعت كمان حد ينظفه

جاسر بابتسامه

ولما نبدا ننقل نطلع عربيات فاضيه تروح علي المخزن

غيث احبك لما تشغل عقلك

علاء الحمد لله الغباء نعمه

لينفجر الاثنين في الضحك ...

الفصل التاسع والخمسون (حلالي)

مالك قلقان

لاياحبيبي انا فل اهوه

ياسليم علي ابوك

بابا مش المفروض بسمه كانت طلعت من بيتنا

عادي ياسليم بسمه مش بنت يابني جوزها عاوز يفرحها يشكر وبعدين هي قالت تخرج من هناك هي وعيشه عشان حور مش هتعرف تتحرك كتير بالعيال

طب اااا حلوه كده

فل ياعريس يالهوي علي دا موووز هنهار

التف سليم ليري يونس فقال

يلا انت مش هتكبر بقي

اقترب ليضع يده علي كتف سليم

تعالي بس داانا هديك الوصايا العشره وانت لبخه كده

وكزه سليم بقوه وقال

اهو دا اللي ناقص كمان اسمع

كلام العيال

يونس متاوها

اااه ايه اللي الفترا دا .... بقي كده وانا اللي قلت اجي اعملك جو

دفعه سليم

مش عايز من وشك حاجه غووووور

محمود ضاحكا خلاص البيت هيصفف علينا يايونس

يونس تمام يابو حميد واقطع عليك انت وديدي براحتي

محمود ديدي مين يلا

لدغ يونس خصر محمود

الموززه بتعتك ياحماده

قال جملته وهرب للخارج ليفتح الباب ضرب محمود يديه

علي اخر الزمن بقيت حماده وخديجه بقيت ديدي الواد ده مترباش اصلا

لولولولولييييي تعالو تعالو داانا هعملكوا زفه ايييييه

علا صوت جاسر الضاحك

يخرب عقلك يامجنون انت

خرج محمود ليتبعه سليم ليجدو علاء وغيث وجاسر بالخارج ليقول غيث

قلت البنات خارجه من قصر الراوي اخرج انا وسليم من بيت الدسوقي

محمود بابتسامه دامعه

دا بيت الدسوقي يتشرف بيك يابني

ليخرج يونس يحمل طبله ويغني

علي الدي جي يلا النهارده فرحي ياجدعاان عاوز كله يبقي تمام ... هتجوز هتجوز هتجوز

لفيتها ماشيه مشيت وراها قلت لازم افضل معاها عارفين قلتلها ايه بعد اذن سياتك انا معجب بسعاتك ممكن اكلم طنط يمكن ربنا يهديني واكمل نص ديني وابطل اتنطط ... وهتجوز هتجوز

ليصرخ سليم

ايه اللي بتقوله دا يازفت

وقف يونس علي احد المقاعد ليكمل

خلاص هتجوز وابطل ابص علي البنات ..هبطل اقضيها

اشتغلات ...

سليم مين دا اللي بيبص علي البنات اخرس يلا

علاء ضاحكا سيبه ياسليم

يونس وهو يهتز علي ضربات طبلته

رقصني علي الطبله مش همشي ورا واحده هي بوسه من العروسه بالعالم واللي فيه ياعم رقصني دي عروستي هتبوسني

توجه سليم ناحيته ليستوقفه غيث الضاحك

اخرس بقي يلا انت زودتها اوي

نزل يونس وقال ضاحكا

طب خلاص خلاص هقولكوا حاجه تانيه هاتي بوسه يابت هاتي حته يابت

ليحتجز سليم هذه المره جاسر ليقول ضاحكا

انت يلا كل اغنيك قذره كدا ليه

يونس بحنق لاء مهو متغيروش فكرتي عن الجواز ... هو مش الجواز دا بوس وكدا

لينتفض هذه المره محمود

لاء انت زودتها اوي

يونس ياجدعاااااان فرحاااااان اخواتي الاتنين بيتجوزا ااااا

بلاش افرح زي البني ادمين

زفر سليم افرح بس متغضبش ربنا ياسي يونس

ترك يونس الطبله وقال باسف

استغفر الله العظيم انا مقصدش ....انا بس كنت عاوز افكك ياسليم مش اكتر

محمود الصراحه عملت اللي عليك وزياده

طول عمرك بتقدر مجهوداتي يابوحميد

ليتشاركوا بالضحك في الاجواء المرحه التي نشرها يونس حولهم .. بعد قليل اتي المصور ثم ترجل الجميع داخل سيارته لينطلقوا ناحيه قصر الراوي حيث الاضواء بكل مكان اصوات الزغاريد العاليه بالداخل ليترجل جاسر بجوار سليم ومحمود بجوار غيث حيث الفتيات لتتالق عائشه بفستانها الابيض الواسع وطرحتها الطويله المنسدله علي وجهها يقترب سليم ليرفع طرحتها ويتامل وجهها الرائع دون اي اضافه شعرها الطويل ايه من الروعه فتنته لياخذ مبادره مجنونه يضمها من خصرها ليرفعها ويدور بها وتتعالي الاضواء لتصور عاشق فلت زمام امره وانهكه الشوق عيناه تراها وفقط ليتناول شفتيها بقبله ناعمه حسنا لقد اصبحت له دون حواجز دون قيود دون تانيب من ضميره ..ليفيق علي يد جاسر التي تربت علي كتفه وهمسته

اهدي يااخينا هتفضحنا

حسنا عيناه لاتريد ان تتركها وتخفض الجميله بصرها حرجا ليهمس هو

بقيتي مراتي خلاص

ليعلق جاسر في بيتكوا الكلام ده

لتتعالي الزغاريد العاليه وينشغل العروسان بالتصوير

عند غيث وصل محمود اولا لتدمع عيناه عندما يري بسمه بثوبها الفضي وطرحتها من نفس اللون ... وكانها للمره الاولي ستتزوج ابتسم ليقترب منها

الف مبروك يابنتي

قبلت يده الله يبارك فيك يابابا

ليمسك يد غيث يضعها بين يديها ويقول

انا بسلمك امانتي حافظ عليها ياغيث

في عنيا ياعم محمود

ماثور بنجمته اللامعه جذب احدهم بنطاله لينظر للاسفل

بابا غيت اوبح

رفعه غيث بين ذراعيه

تعالي ياسيدي عشان تتصور معانا ...

الفصل الستون (حنين خيانه وجرح)

صامته دامعه وعيناها تمتليء الم ... زفر بقوه يعلم انه جرحها ولكن لم يقصد انتهي التصوير ليحمل كل رجل امراته في سيارته وتنطلق مجموعه من السيارات خلف بعضها هكذا اصر سليم لايريد حفل ... وانصاع له غيث حاول الاخير عبور جو التوتر بينهما فقال

غيثهنطلع علي الغردقه علي طول وسليم هيطلع ورانا

اللي تشوفه

قالت جملتها لتريح راسها للاعلي وتغمض عيناها وكانها تغلق مجال الحديث ... لهاكامل الحق ان تغضب منه ..ماكان يجب ان يفعل مافعله لقد ذبحها وهو مدرك لهذا ... لقد هيج رؤيه مهاب ذكرياته مع حبيبته الراحله نعم حنين ملئه الشوق لها خصوصا ان اباها اصر علي اصطحابه لبيته ليكمل الحديث هناك حيث اشيائها صورها التي حرم نفسه منها حتي دميتها المحشوه التي كانت تحتضنها

ليلا قبل زواجهم وهي تحدثه بالهاتف كل شيء ذكره عن عمد بتلك بحبيبته هو لم ينساها ولكن احتجبت بقلبه

عارف ياغيث كل لما بتوحشني بتفرج علي فرحكوا وضي تعد تعيط وتضحك وتقولي انا كنت صغيره اوي ... يمكن ربنا عوضنا عن فرقها بضي بقت نسخه منها

اصلا هي وضي كانو زي التؤم

زمانها جايه من الشغل دول عشر سنين ياغيث ... انت لسه لابس دبلتها ليه برغم اني سمعت انك اتجوزت

تلمس خاتمها وقال بالم

عشان عمرها مافرقتني

غيث انا عارف انت كنت بتحبها اد ايه بس انت دلوقتي بقيت لوحده تانيه ودا حقك علي فكره مش بلومك بالعكس داانت اتاخرت اوي كمان ... متظلمش اللي اتجوزتها سما

خلاص راحت

بس لسه عايشه في قلبي اتجوزت اه عشان تعبت من الوحده .... عشان يبقي عندي اطفال

يعني مبتحبهاش ماانت كده هتظلمها

تنهد بقوه لقد اثرت به بسمه نعم تركت بصمتها في كل شيء حوله حتي في شخصيته المعتوهه التي لاتظهر الامعها لعل تلك الشخصيه هي التي احبتها اما غيث بقلبه ملك لسماه هذا ماسيطر عليه في هذه اللحظات حتي راها صوره حيه متحركه من حبيبته تقترب للتتفرس في وجهه نفس الشعر الاسود القصير نفس لون العيون العسليه ولكنها ادكن قليلا فقط نفس الشفاه الرقيقه نفس الطول والجسد حتي نفس الثياب المتحرره لتخرجه هي بجملتها

شكلك متغيرش ياغيث ولااكنك كبرت عشر سنين

لتتحرك شفتاه دون وعي تقريبا

سما

مهاب مش قلتلك بقت صوره منها دي صفا ياغيث

مدت يدها لتصافحه نفس ملمس اليد

بابا بيقولي اني بقيت شبهها اوي سبحان الله زي مايكون اكتشف دا فجاءه بعد ماماتت ربنا يرحمها انت عامل ايه

تمام وانتي

جلست علي المقعد لتربع ساقيها كما كانت تفعل سماه

شوف انا خلصت اعلام ودلوقتي بشتغل صحفيه بعيد عن السياسه طبعا عشان سياته اللوا بشتغل في مجال فني بغطي دفليهات

مهاب اه الدفليهات اللي خربه بيتي

ضي جيب الحكومه عمرانه ياسياده اللوا هاه اتغديتوا من غيري

غيث معلش انا لازم استاذن

صبا مستحيل لازم تتغدا معانا عشان في كلام عاوزه ااقولهولك علي فكره دورت عليك بس انت كنت بره

فعلا انا لسه راجع

تمام يبقي نتغدا وناخد قهوتنا في الفرنده تمام

طوال وقت الطعام وهو شارد في تلك النسخه الحيه من حبيبته نسي تماما ان هناك امراه يجب ان يحفظ غيبتها،،،،،،، بعد الطعام توجهه الي النافذه لتتبعه ثم تاتي الخادمه تضع القهوه لتنصرف تناوله الكوب وتشعل لفافه لتتناول كوبها

في الحقيقه ياغيث انا كنت بدور عليك عشان اعتذرلك

تعتذر ي عن ايه

اعتذرلك علي الكلام السخيف اللي قلتهولك لما ماتت سما انا كنت لسه صغيره ومش مدركه حاجه وانت عارف سما كانت غاليه عندي قد ايه خصوصا ان ماما الله يرحمها لما عرفت بالخبر اجتلها جلطه

تنهد بقوه انا مقدر الحاله اللي كنت فيها ومكنش في داعي للاعتذار ....

طمنتني المهم بقي عرفت انك هتتجوز

لما شعر بالخزي او كانه يداري جريمه ما قالت باسمه

علي فكره عادي انا اصلا لما بابا قالي استغربت معقول كل السنين دي عايش علي ذكراها انا كنت معتقده انك اتجوزت بره للدرجادي كنت بتحبها

قال بحنين ولسه بحبها ... ومش هبطل احبها لحد ماموت

قطبت طب ومراتك

يعني تقدري تقولي ان احنا محتاجين لبعض

رشفت بعض من قهوتها ليرتشف هو بعض قهوته فتقول

امممم احتياج جنسي بس في اطار رسمي

كح كح كح ....

في ايه مالك اشرب شويه ميه

تجرع بعض الماء وقال

لاء زي ماتقولي الجمله وقفت في زوري ... داانت عديتي سما بمراحل

ضحكت التطور التكنولجي ياغيث هي مش دي الحقيقه ...اللي بين اي راجل وست ايه غير رغبه بنزوقها ونجملها نسميها مره حب او مشاعر او نعملها اطار ونسميها جواز .... حتي اللي كان بينك وبين سما برضه

هب واقفا وقال بغضب

انا مسمحلكيش تفسري حبي لسما بالطريقه دي

امسكت يده لتجلسه وقالت باسمه

انت زعلت ليه .. يعني عاوز تفهمني انك كنت بتحب سما حب افلطوني وبقت حامل بوحي من السما مثلا

قال بتاكيد لاء بس في فرق كبير جدا بين الرغبه والحب ... عارفه ليه عشان ... لو الحكايه رغبه وبس كنت قدرت المس غيرها

قالت بنفس الابتسامه البارده نفس ابتسامه سما

امممم يعني عاوز تقول انك كنت عايش قديس ...

حاجه زي كده

امال هتجوز ليه

انتي مش شايفه انك زودتيها اوي

ضحكت بقوه

انتي بتضحكي علي ايه

اصلك متغيرتش لما بتتحاصر بتهرب ... ااقولك انا هتجوز رغبه برضه ..

انتي كل تفكيرك بيلف حولين الموضوع ده وبس

يبقي بمفهومك انت واحده قدرت تجذبك ليها بعد عشر سنين يبقي اكيد حبتها

عقد ذراعيه وقال بتحدي

دي حياتي انا اللي بمشيها

وقفت امامه وقالت بثقه

تمام امال ليه شوفت في عينك انك عاوز تلمسني

قطب بين عيناه

انتي اكيد مجنونه

عشان بقول الحقيقه .. انت من ساعه ماشوفتني وعينك منزلتش من عليا

انحني ليصير بمواجهه وجهها

عشان فكرتيني بسما

طب تفتكر لوانت اللي مت سما كانت هتفضل اد ايه من غير راجل

قال بارتباك

معرفش

ابتسمت ااقولك انا فتره العده ممكن تطول عليها كام يوم بس في الاخر كانت هتترمي في حضن اول راجل .... علي فكره انا لسه فاكره كلامها عنك كويس اوي .... غيث راجل فوق العاده .... هاه ياتري لسه زي ماانت ولاعجزت

تنحنت بقوه انتي سفله زياده عن اللزوم

ضحكت مره اخري

بس اللي اعرفه ان السفاله دي هي اللي كانت بتعجبك ... قلي بقي مراتك زي سما ولامختلفه

اعتدل واقفا

انا لازم امشي

قالت بثقه

ايه مش قادر تقاوم رغبتك فيا اكتر من كده .... توء المفروض تبقي اقوي من كده

انتي عاوزه ايه بالظبط

بتسلي عادي .... انا اقدر اقرا الرغبه كويس اوي في عيون الرجاله

قال بضيق

حتي لو اللي بتقوليه صح تبقي الرغبه في سما مش فيكي ومش غريبه انك لسه متجوزتيش لحد دلوقتي

مين قالك كده انا اتجوزت مرتين واطلقت

ليه

مفيش واحد فيهم قدر يملي عيني

امممم فقلتي تجربيني مش كده ... تستغلي انك شبه سما فتلعبي عليه اللعبه دي

تقصد لعبه سما في توقيعك ... مش كده .... متستغربش سما كانت بتحكيلي كل حاجه بتحصل بينكو من اول مامسكت ايدك في المدرج بحجه انها بتتسند عليك لحد مقابلتكوا الظريفه ورا اسطبلات بيتكو وفي القوضه الكبيره اللي فوق السطح بتعنا ....

شرد بتفكيره لايعرف تلك التفاصيل سوي سماه لتكمل

واد ايه انت رومانتك وشاعري مووووت ....

انتبه الي يدها التي تدعب سترته واقترابها منه لدرجه كبيره انفاسها واصابعها التي تلمست بشرته الساخنه همست اتاكدت انها مجرد رغبه عشان ببساطه دا اللي كنت بتحسه معاها

قال بهمس متقطع

انا مش فاهم انتي عاوزه توصلي لايه بالظبط

يمكن عاوزه اوصلك ... عاوزه اعرف ليه فضلت كل ده عايش علي ذكرها ...

نظر في عيناها

هي عملت ايه عشان تكرهيها اوي كده

مش بكرهها هيه بس كرهت ان محدش شايف صفا الكل شايف اني سما .... حتي انت شوفت في عنيك كل ذكرياتك معاها ...علي فكره انا مش همنعك لو لمستني ...

كاد ان يزل ويستسلم لتلك الغانيه كاد ان يتلمسها لولا رنين هاتفه الذي صفعه بقوه واشعره

بالخزي والعار ليري اسم بسمه ابتعد خطوه ليفتح الهاتف

غيث انت هتتاخر

بجفاء لايعلم سببه في حاجه

ااالاء ابدا انا اسفه ان انا ازعجتك

قاطعها بعصبيه بسمه عاوزه ايه

مش عاوزه حاجه .... اسفه كمان مره

ضحكه ماجنه وصوت صفا

ياااه داانت شرير مووووت بس هي اللي اتصلت في وقت مش مناسب ..

احمق ويستحق الشنق لم يغلق الخط اهتزاز الهاتف بيده اثبت انها اقفلته هي للتو في اللحظه التاليه كان يخرج من البيت مسرعا ..ليصل للبيت ليجدها

جالسه بالصاله الكبيره عيناها حمراء منتفخه من كثره الدموع رفعت بصرها لتهرب من عيناه وتقول بثبات

البيت خلص انا هروح ابات عند بابا لحد الفرح

مفيش خروج من البيت

لم تجادل لم تعترض فقط دخلت غرفه يحيي واغلقت الباب خلفها زفر بقوه هو الان واثق انها سمعت سخافه صفا تحرك ناحيه غرفه يحيي ليفتح الباب ويجدها تتحدث في الهاتف

معلش ياسليم هتعبك معايا

تمام شكرا

اغلقت الخط لتستلقي علي الفراش وتوليه ظهرها

هو في ايه عشان دا كله

اعتدلت جالسه

من فضلك ياغيث سيبني لوحدي

جلس علي طرف الفراش وقال بصدق

مفيش حاجه من اللي في دماغك

زفرت بقوه وراي شفتيها تتحرك ثم قالت

من فضلك ياغيث بلاش نتكلم دلوقتي

قال بعصبيه

هو بمزاجك اظن

لمعت عيناها بغضب لاول مره ليري نسخه اخري من غيث في عصبيته المفرطه

لاء ازاي ... بمزاج الباشا طبعا اللي مقضيها صرمحه ... سوري اتصلت في وقت مش مناسب قطعت عليك لو كنت اعرف مكنتش اتصلت

قال بحنق بسمه الزمي حدودك

هبت واقفه لترعد بوجهه

انا ملتزمه حدودي كويس اوي ياغيث باشا .. انت اللي مش ملتزم حتي بحدود ربنا ... يقدر الباشا يقولي كان فين ولابلاش ربنا امر بالستر

كنت عند والد سما يابسمه ارتحتي

ابتسمت بسخريه

ااااه فهمت رحت تشوف نسخه من المدام .... بس قلي بقي متجوزتهاش ليه ... اهوه حتي يبقي في الحلال

صفعه قويه ينفي بها جرمه المثبت عليه .... لتعتدل في مواجهته وتقول بثبات

اضرب كمان ... عشان انا استحق الضرب بالجزمه مش بالقلم

لقد اصابه الجنون كان يضربها بكل قوته والغريب انها كانت تغطي وجهها كان يصرخ بهذ يان

ايييه هتحسبيني انا حر ... الزمي حدودك متتعديهاش

لقد افرغ مخزون خزيه من نفسه فيها ذلته التي كادت تورده موارد التهلكه كان هو الاحق بهذا احق لانه اشتهي صفا لان حنينه لسما جعله يجاريها احمق قال

ايوه بحبها وهفضل احبها ... كل حاجه هتفكرني بيها هجري وراها .. .... اه كنت عاوزها عشان فكرتني بيها

اي جنون تلبسه ليفعل ما فعل هو نفسه لايدري لم يفق من هذيانه الاعندما سقطت فاقده الوعي من كثره الضرب .. ليري روبها المفتوح و اثار يده تنطبع علي جميع جسدها وعي مافعله وان الطريق بينه وبين بسمه اغلق ليرفعها ويريحها علي الفراش ليرتمي علي صدرها ويبكي يبكي كطفل صغير ينتحب

انا اسفه يابسمه اسف ....انا مش عارف عملت كده ازاي .انا تعباااان اوي خرجت فيكي كل غضبي من نفسي ....

لعل حبه لسما كان حب رغبه في فتاه متحرره تعلق بها بطيشه ولكن صرخات قلبه الان تعلن عن حب من نوع اخر ليست رغبه مجنونه كالتي تتملكه معها بل رعب رعب حقيقي من فقدها .. للمره الاولي يشعر بقلبه ينبض لها وحدها ليصرخ

والله بحبك يابسمه والله بحبك سامحيني

ليحتضن خصرها بقوه ويتوقف عقله عن التفكير ليسبح في نوم عميق ....... في الايام المقبله حاول اصلاح الامر ولكن كانت متباعده بشكل لايصدق حتي انها ماعادت تتخفف من ثيابها والادهي انها ترتدي حجابها علي طول الخط حتي اثناء نومها بغرفه يحيي ... تتحدث معه بطريقه عاديه امام الجميع ولكن عندما يبقوا معا تصبح انسانه اخري صامته علي طول الخط عيناها تحمل جرح ومنه هو ادرك فيما بعد انها كانت تخفي وجهها حتي لاتظهر اثار ضربه عليها يتمني فقط ان تعود بسمته الي الحياه ... لقد عادت لجروحها مره اخري حتي عندما مرض يحيي كاد قلبه ينخلع عليه ولكنها قالت بحزم

بعد اذنك عاوزه اقعد جنب ابني وهو تعبان

والمطلوب طبعا اسيب القوضه واخرج مش كده

او تكون مشكور وتروحني عند ابويا

بسمه انا تعبت ... انا حكتلك اللي حصل كله

استغفر ربنا يااستاذ غيث وعن اذنك بقي

ليخرج من الغرفه .... صوت زامور عالي جعله ينتبه لسياره سليم التي تخطته اوقف سيارته بجواره

ايه ياغيث انا قلت انت نمت علي الطريق احنا وصلنا

معلش ياسليم اصلي سرحت شويه

طب تمام انا معرفش الطريق

امشي ورايا

اوقف السياره امام الشاليهات لتفتح هي عيناها وتترجل من السياره

عائشه يخرب عقلك ياغيث المكان بجد تحفه ولاايه يابسمه