رواية عشق الحور الفصل 61/62/63/64/65/66 بقلم الكاتبه نسمه مالك حصريه وجديده على مدونة النجم المتوهج للروايات والمعلومات

(احترق ياعزيزي)

تابعتهم يتحركوا يدخل سليم الحقائب ويعود . لينحني ويرفع عائشه بين ذراعيه هو فقط يراقب عيناها اللامعه بالسعاده من اجل اخيها ثم توجهت الي السياره لتحمل حقيبتها وتتحرك للداخل تاركه اياه واقف مكانه تلك البسمه العنيده زفر وحمل حقيبته بعصبيه ودخل ليصفع الباب بقوه

كان سيثير اي شيء لترد عليه فقط ولكنه لم يجدها ،،،،،وجد حقيبتها مفتوحه وضوء الحمام مضاء ،،،،،،،بدل ثيابه وجلس علي طرف الفراش يدخن ،،،،،،خرجت بعد قليل ترتدي اسدال صلاتها وعلي يدها فستانها الفضي لتطويه وتضعه في الحقيبه،،،، تخرج منها شيء ما وتحملها لتضعها بجوار الخزانه ثم تتحرك لتضع مابيدها علي احد الطاولات ،،،،،،تزفر بضيق وتلملم بذلته التي القاها علي طرف الفراش وتعلقها بالخزانه وتبعها باقي ثيابه ،،،،،،بسمه لن تتغير تهتم بكل شيء بكل التفاصيل المتعلقه به ،،،،ولكن هو وضع نفسه خارج اولوياتها بفعلته ،،،،،،الي متي ستظل تعاقبه علي رغبه رعناء انتابته ،،،،،،،وعصمه الله ان يقع في المحذور،،،،،، حسنا سيتحدث معها بهدوء افاق من شروده ليجدها دخلت في صلاتها،،،،،،،،،،، تاملها للحظات لايعرف عددها ولكن غارق في ملامحها الملائكيه وبدا عقله بمقارنه بسيطه بين هذا الطهر والشفافيه والنقاء لبسمه وبين عهر وسفاقه صفا وووللاسف سما قبلها ... لقد كاد يقع في نفس الفخ للمره الثانيه،،،،، وسؤال صفا مازال يرن براسه ،،،،،،،هل كانت سما ستعيش علي ذكراه كل هذا الوقت،،،، بالتاكيد ل،،،،،ا ولكن بسمه .... بسمه ظلت علي ذكري زوجها الراحل لسنتين ،،،،،ومابينهما ليله واحده امتلكها عنوه وتذكر كلمتها

حتي لوكان عجزه المرض برده كنت هفضل معاه .....

وقتها صرح عقله ان سما ما كانت لتصبر عليه ابدا ....

الحكايه دي مش كل حاجه

هكذا ظن او كان متيقن،،،،،،،، وقتها احترم موقفها ونبل اخلاقها بسمه لم تعيش زوجه ... فقط كانت مضمده للجروح ... محتمله لالام الاخرين ... حسام ومرضه وهو وجنونه العابث ....ولكن لااحد يتحمل المها هي،،،، لقد نفي حبه لها امام صفا،،،،،،، وكانه يوصمه واعلن بسفاقه في وجهها انه رغب بامراه غيرها،،،، لانها تشبه حبيبته الراحله .. الراحله للمره الاولي يطلق عليها الراحله دون سماه ... لايستطيع تصديق انها تلاعبت به من اجل رغبه كما ادعت صفا ،،،،،ولكن عقله يصدق

كلامها ... سما كانت امراه شغوفه بشده ..وهذا ماجعل ذكرياته معها في سته اشهر كثيره ... كل الذكريات حميميه ... وعاود مره اخري لتذكر مجون صفا ،،،،،،،،،،لما يصفها بالمجون وهو كان يحب مثيلتها كان ... لقد اصبح حبه لسما ماضي انتهي ..... ولكن ماينبض بقلبه ويحيي احساسه الان تلك الساجده لربها تناجيه هل تشتكيه لربها ... تشتكي ظلم رجل لم تري منه الاالقسوه الحيه ،،،،،،،،،القسوه التي ماعامل بها احد من قبل ... حتي عندما تلمسها .. تلمسها بقسوه ليترك شفتيها مدممه ،،،،،،،،ورغم هذا صالحته هي،،،، وكانها تفهمت جنون غيرته عليها ،،،،،،،هذا الجنون الذي تولد من اجلها فحسب بداخله .... حتي رغبته بها مختلفه ... تنهد بقوه ... لقد ظن ان رغبته ماتت مع الراحله عن عالمه ،،،،،،،،، ولكن بسمته احيتها لم تعد رغبه شاب في مقتبل العمر كل مايفكر به متعه فراش ...مهلا هل كانت علاقته مع سما مجرد رغبه كما ادعت صفا .... لقد احبها ...احبها بمفهوم مراهق في العشرين من عمره ... لم تنضج مشاعره بعد .... لهذا مشاعره تختلف مع بسمته المجروحه .. موده ورحمه ... هكذا وصفت هي الزواج ان انتفي السكن فتبقي الموده والرحمه ...هذا كان حالها مع حسام اما معه ....اللعنه رصيده لديها صفر في كل شيء ..... لقد اوجدت بسمه بداخله قلب جديد ،،،،،،،مشاعر رجوليه مكتمله ... لرجل ناضج ،،،،،،مشاعر عشق دافئه ،،،،،،،تتحول لهوج مجنون ماان يقترب منها ...رغبته بها تختلف يريد القرب واحتواءها،،،،،،، ولكن مايحدث معه هو نفسه عاجز عن تفسيره ... فماان يقترب حتي يلغي كل شيء بعقله وتبقي هي فقط ... لقد حرمته من ضمها نائمه عندما انفصلت بنومتها في غرفه يحيي ... لم يكن يدرك ان هذا سيؤثر عليه هكذا .. لم يستطيع النوم لليالي يدخل الغرفه ليراها تحتضن يحيي اليها ،،،،،،يحسده بشده انه ينعم بدفيء ذراعيها الحانيه ... شهقه خافته تبعتها همهمه باسمه لينتبه انها مازالت ساجده طوال فتره شروده ليهمهم باختناق

متدعيش عليا يابسمه ... والله انا بخاف من ربنا اوي

لتخرجها همهمته المختنقه من دعائها وخشوعها لترفع راسها وتختم صلاتها ،،،،،،، لما يظن انها تدعو عليه ... منذ اليوم المشؤم الذي اعلن فيه ضمنيا انه لايراها امراه، وانه سيسعي خلف كل شبيهه لزوجته وهي في كل صلاه تدعو الله ان يغفر له ذلته ،،،،،ويسكنها بقلبه كما سكن هو قلبها ،،،،،،برغم كل مالاقت منه الاانه سكن بداخلها .... ولكن مازالت مجروحه وقلبها يأن رغما عنها ،،،،،،،،،،،،،،وكلما لان قلبها لمحاولاته المستميته لاصلاح الامر بينهم تتردد كلماته الزابحه في اذنها تطلب من الله ان يمنحها القدره علي الصفح ان يغفر ذنوبه لاتعرف لما تأثرت بجملته برغم ذلته هي لم تنفي ايمانه وخوفه من الله لااحد معصوم ... هل يعلم انها ظلمها ودعوه المظلوم لاترد .... لملمت سجادتها لتطويها وتضعها علي جانب الاريكه وتجلس عليها الغرفه بكاملها ليس بها سوي سرير وخزانه صغيره وتلك الاريكه وجزء صغير كمطبخ مكشوف وحمام

تنهدت بقوه وقالت

محدش يقدر ينفي خوف حد من ربنا ... وانا مبدعيش علي حد

لقد اعطته بصيص امل ليتحرك ويجلس بجوارها ويقول بحذر

بس انا سمعتك بتقولي اسمي يبقي يابتدعي عليا يابتدعيلي

تنهدت بقوه لتقول احسن الظن

ابتسم ليقترب قليلا طب بتدعيلي ليه

شبح ابتسامه يطفو علي شفتيها اشتاق اليه وبشده لتمنحه لفته من عيناها الخضراء الساحره

عشان لما بدعي لحد بظهر الغيب ربنا بيبعت ملك يقول ولك مثله

قال بغيض

اااه يعني بتدعيلي مصلحه .. داانت مستغله بقي

اخيرا انتزع ضحكه لتظهر غماذات خديها الرائعه ضحكه حقيقيه لم يراها لعشره ايام ليقترب اكثر ويمسك كفها بين يديه توقع ان تسحبها ولكنها لم تفعل

بسمه انا عارف اني غلطت اوي في حقك ..افتريت عليكي وجرحتك وو

قاطعته

حط المسميات في مكانها اسمها خنتك ...

هبت واقفه واكملت باختناق

انا من ساعه ماعرفت مفتكرش اني اعترضت مره واحده علي انك كنت بتحب مراتك .. وافتكر كمان اني معترضتش لما كنت بتجيب سيرتها وتفتكر حياتك معاها ... عشان دي مراتك بحلال ربنا .... لكن تروح ترجع ذكرياتك معاها مع واحده حيه ... تبقي خيانه والخاين ملووش امان

لهذا الحد جرحها وهي كانت تضمد جراحه بصبر .. ولكن فعلته انفذت صبرها بلع ريقه بصعوبه وقال

يعني انا في نظرك خاين ومليش امان ... واقول انا جبان وندل وبيمد ايده علي واحده

رفعت يدها امامه وقالت بثبات جعله يحدقها

القصه دي انا متكلمتش فيها ومعتبتكش فيها عشان انا عارفه كويس اوي ايه اللي خلاك تعمل كده

وقف امامها وقال بترقب اللي هو

نظرت بعيناه وقالت بثبات

انك كنت بتخرج غضبك من غيث اللي ضعف

حدق بوجهها كيف علمت بهذا

عرفتي ازاي

قالت بالم

عشان انت مبصتليش ولامره ،،،،،،كنت عاوز توجع نفسك بس .. عشان كده كان لازم استحملك لاخر طاقتي

قال بانفعال ليه

عشان ده حقك عليه،،،، اني استحملك وقت غضبك .... عشان كده كنت بداري وشي منك عشان الاثر ميبنش ... وعشان كده كمان جبت فستان مقفول عشان محدش يسال انتي جسمك ازرق من ايه ..انا ممكن اتحمل منك اي حاجه الاالخيانه

هل احدهم قبض علي قلبه وضع صخره ما تحجب عنه التنفس اخذ نفس عميق لعل الهواء يتخلل رئيته

معني كده انك هتسيبيني

عقدت ذراعيها

هو دا القرار اللي كان مفروض يتاخد ..... بس للاسف مينفعش

جملتها الاولي منعت الهواء والاخيره فتحت بصيص امل

يعني هتفضلي معايا

مش هو دا السؤال .. السؤال مينفعش ليه

هو تقريبا يعرف ما ستقوله ولايحتاج ان يستمع اليه ولكنها اكملت

عشان خاطر سليم وعيشه للاسف احنا مربوطين زي شبكه عنكبوت ..لو اتفلت منها خيط كلها هتتفلت ... ولاسليم ولاعيشه ليهم ذنب

قال باختناق

يعني انتي كملتي عشنهم بس ،،،،،،،يعني مينفعش تديني فرصه تانيه،،، نفتح فيها صفحه جديده ونعتبر اللي فات مات ونبدا من الاول

تنهدت بقوه

تفتكر اللي فات مات فعلا .. ولااي حاجه بتمر بتعيد فيه الروح وتخليه حي ....

قال بتاكيد

لاء مات .... وعاوز افتح صفحه جديده

شبح ابتسامه تتلاعب في عيناها ليتجمد حرفيا وهي تنزع حجابها لتحرر سبائكها ثم تبعد عنها اسدالاها ليظهر تحته ثوب ليس ثوب شيء ما بلون ارجواني من الشيفون يظهر ... جسد مرمري ملفوف باتقان ... لتحطم مابقي من تماسكه وتقترب خطوه وتهمس بصوت ناعم بشده

هفكر .... تصبح علي جنه ياغيث

حركتها في حد ذاتها كارثه ،،،،،قنبله موقوته وهو علي وشك الانفجار ترفع احد الاغطيه ووساده وتبدا في فرشها ببطء ممتع . . ثم تتمدد علي الاريكه لترفع عليها الغطاء مانعه عيناه من النظر ،،،،،قاسيه زفر الهواء بقوه ليقترب منها ويتجمد مكانه

اطفي النور ياغيث

ليقول بغيض بتأدبيني ياست بسمه ..... مااااشي

ليغلق الضوء ويجلس علي الفراش يشعل لفافه وينفث دخانها مصاحبه لزفراته الضجره

لو مش جيلك نوم اووم صلي ركعتين قيام لليل

هل يخنقها الان .... ولكنها محقه هو يحتاج للصلاه لتهدا طاقته المجنونه وجسده المشتعل الذي يخرج ابخره ساخنه من اذنيه ...

لقد اعتاد سابقا رؤيه سما بثياب مماثله. ولكن هي كيف وتتها تلك الجراءه انثي مكتمله اكثر مما يجب وهو مسكين جائع عطش حتي الموت .... ولكنها حرمته من الطعام والشراب وامرته بالصوم لكن الي متي ....هب واقفا امام الاريكه ليقول

طب هتصلحيني امتي

لتتنحنح لثبت له انها تضحك انت ورزقك

قال بالحاح طب اخدك في حضني بس

لتواجه قائله لما اطمنلك الاول

اقترب هامسا

بس انتي عمرك مالبستي كده

اعتدلت جالسه لتظهر ماخفي تحت الغطاء اللعين ثم تطلق رصاصه طائشه تصيبه في الصميم

ليه مش واحده ست ... ولالاءانا نسيت انا مبملاش عينك

هب واقفا وقال بحنق

لاء بتمليها ...بتمليها اوي بس كده افتري يعني

لترتاح علي الاريكه وتدفن راسها في الوساده لتضحك وتهمس بلا صوت

اصبر عليا ياغيث ان ماوريتك مباش انا بسمه الدسوقي يابن الراوي ...

الفصل الثاني والستون (قره عين لي)

عالم ملييء بالمفاجاءت الممتعه حبيبته... ناعمه دافئه شهيه بشده ... تلمس شفتيها الناعمه .. فتنته الخاصه بشده عائشته من جعلت له قلب يصرخ بالعشق ..

مااروعها وهي نائمه وتلك البسمه الناعمه تزيين وجهها الرائع لمسه اخري علي خدها لتفتح عيناها ليغرق بعيون غزالته الشارده ثم تهتف

يافضحتي انت ايه اللي جيبك اوضتي ياسليم

نظر في عيناها للحظه بذهول لينفجر ضاحكا

ايه اللي جيبني اوضتك. .انت اتهبلتي ياعيشه احنا في الغردقه واتجوزنا امبارح

اغلقت عيناها للحظه لتفتحها متسعه وتضربه بكفيها الصغيره علي صدره

اه ياقليل الادب ياسافل انت عملت فيه ايه

سقط علي ظهره من كثره الضحك لتخطف قبله من شفتيه وتقول

قمر يابن الايه انت ياخربيت طعمتك

ليحتجزها قبل ان تقوم ليقول

يعني بتغفليني وتشتمي وعاوزه تهربي

لتقرب وجهها منه وتهمس

انا بحبك اوي ياسلومتي

ليذوب بسحر شفتيها الرقيقه يبتعد

احلي صباح في الدنيا ولاايه

نظرت حولها

احنا لسه بليل

لدغ خدها الفجر اذن يلا عشان نصلي

قبله اخري علي شفتيه وهربت للحمام

ثواني بس هتوضا واجيلك

فرد ذراعيه علي الفراش جنته هي زوجته وحلاله وستبقي دوما فتنته اعتدل جالسا .... ليفرك راسه

وضوئي راح انت يابت اخلصي عاوز اتوضا

خرجت من الحمام لتمر امامه ترتدي اسدالها

يلا يابابا هتفضل متنح عاوزين نصلي

ليهز راسه بقوه ويتحرك ناحيه الحمام مااروع ان يؤمها في الصلاه بصوته الرخيم انتهي ليجلس امامها يفتح يديها ليسبح عليها ثم يقبلها ويهمس

ربنا يخليكي ليه ياجنتي

عارف ياسليم عمري مااتخيلت ان ممكن احب حد كده انا بحبك اوي ياسليم ..

وانا كمان بحبك اوي قره عين لي

قالت باسمه لاء لاء انا مش واخده علي الكلام ده انا واخده علي جعفر

ليضحك بقوه فتظهر غماذات خديه لتتلمسها

تعرف ان انا بحب غمازاتك اوي

امسك يدها ليقبلها وهمس

انا بقي بحب كل حاجه صوابعك البيضه الصغيره اللي شبه يمامه بيضا وعينين الغزال السودا المكحله اللي دوختني .شعر ربونزل الطويل وشفيفك الحلوه ياااا ياعيشه تعرفي انا حلمت اد ايه باللحظه اللي هتبقي فيها ليا .... بتعتي انا وبس المسك وانا مش خايف اغضب ربنا فيكي يحرمني منك

قالت بانفعال

يااااه عارف بقي انا حلمت من امتي تقولها من يوم الحدوته والورده البيضا

فك حجابها ليمسح علي شعرها بحنان

عارف انك شيفاني متزمت وم

وضعت يدها علي شفتيه لتهمس

اه كنت بتغاض منك ،،،،،،بس عمري ماشوفتك كده ابدا انا احترمتك من اول يوم شوفتك فيه ،،،،لما قلتلي ادخل الاول لحور لحسن تكون قلعه حجابها ... انا طول عمري بحلم بواحد ياخد بايدي وندخل الجنه مع بعض . وعمري ماشوفت حد في المكان ده غيرك

طب اااااايه بقي

ايه

هو اسبوع انا محتاج عشرين سنه عشان اشبع منك

قربت وجهها منه وقالت بابتسامه

مش فاهمه

رفعها بين ذراعيه ليريحها علي الفراش ويهمس

بس كده انا هفهمك اصل انا بحب اعمل شغلي بضمير اوي ...

الفصل الثالث والستون (معشوقتي الفاتنه)

ربته ناعمه علي خده فتح عيناه ونظر الي الصغيرين بلهفه

بقوا احسن قوم انت ارتاح ياحبيبي

انا بس غفلت شويه

قبلت جبهته وقالت

جاسر انت تعبان طول اليوم في الشغل دا العادي مع العيال والحمد لله الدكتور طمنا والحراره نزلت قوم ارتاح انت ياحبيبي

تمدد بجوار اطفاله ليقول

طيب انا هريح هنا جنبك ... مش هعرف انام وانتي بعيده عن حضني

قالت بغيض

اه فتاخد عيالك في حضنك مش كده

ابتسم وقال بذهول

انتي مجنونه بتغير ي من عيالك

لتقفذ المجنونه فوقه وتقول

انا بغير من امك مش هغير من عيالي

احتضن خصرها وقال بهمس

وحشتني شقاوتك ياحور ... انا قلت نستيني من كتر لبختك بالعيال

تلمست وجهه وهمست بعشق

اخص عليك انساك .... هو انا في حد جوايا غيرك

عيالك

تلمست شفتيه وهمست

عشان انت ابوهم بس

التهم شفتيها بشغف لتان كالعاده داخل انفاسه . عاشق مجنون هو لطفله لم تتم العشرين قلبت حياته راسا علي عقب ... ليحملها ويغرق في جنتها المزدهره حتي اعلن اطفاله وقت خروجه من جنته ليبكي احدهم وتتبعه الاخري ليبتعد عنها هامسا بحنق

دا وقته ياولاد ال...

وضعت اصابعها علي شفتيه اوعي تشتم ابوهم دا حبيبي انا

ليهمس بشغف

ااااه حرام عليكي ياحور انتي وعيالك ....

تقبل شفتيه وتهمس اوعي تنام هنيمهم واجي

قال بغيض انام ايه بقي ....

لتتحرك لفراش الاطفال الموضوع بغرفتهم تطعم احدهما وتربت علي الاخري ليقوم ويرفع ابنته الباكيه حتي تنتهي هي من اطعام انيس قال

حور انا هسال الدكتور يكتب لبن اطفال يساعد مع الرضاعه انتي كده هتخلصي مني

نظرت اليه وفالت ضاحكه

هياكلوني يعني .... بس ااماشي عشان انا عاوزه افضي شويه عشان حبيبي

نظر للصغيره التي تشبهه ولكن تاخذ عيون البندق

شوفتي ياعشق عجبك اللي امك بتعمله في بابا الغلبان

وضعت انيس النائم علي الفراش واقتربت منهم

متصدهوش ياعشق دا ماما غلبانه خااالص بابا هو اللي شرير

لتتناول الصغيره وتجلس مره اخري علي طرف الفراش ليجلس خلفها يدفن راسه في عنقها ويهمس

انا برضه شرير ياحور

ربتت علي شعره وهمست بتاكيد

ايوه عشان انت مخبي عني حاجه من يوم دخله غيث وعيشه

اعتدل ليجلس امامها وقال بانفعال حاجه ايه

نظرت بعيناه

مهو انا لو اعرف مكنتش سالت

ايه اللي خلاكي تقولي كده

ربتت علي خده وقالت

حبيبي انا احس بيك من عنيك وعنيك مليانه قلق

تنهد بقوه صغيرته دوما تقراه ككتاب مفتوح لقدكان واهم عندما اعتقد انها ماعادت تهتم قلبها النقي دوما يقرأه ويعرف مكنونه تنهد بالم وقال

مفيش حاجه مهمه ... متشغليش بالك

اراحت انيس بجوار اخته وامسكت يده لتتحرك الي فراشهم

حبيبي لو مقلش ليه هيقول لمين

مفيش حاجه الحمد لله حصل ماس كهربا في مخزن العاشر واتحرق

قالا بقلق لااله. الاالله فداك متزعلش نفسك ربنا يعوضك ان شاء الله بس مش جاسر اللي تزعله الفلوس حتي لوكانت خساره

ابتسم عايزه ايه ياحور

قالت بحذر مش عارفه ليه حسه ان اللي مزعلك ليه علاقه بعزه

قطبت وايه اللي فكرك بعزه دلوقتي

وضعت يدها علي قلبه

عشان حسه ان ده موجوع

احتضن يدها وقال بتاكيد

دا بتاع حوروبس ..الحكايه كلها ان متخيلتش انها ممكن تمشي شمال عشان الفلوس

بلحظه اختفت نظره الحنان والعشق وحلت نظره شرسه لتهب واقفه وتتخصر وتقول بغيض

وانت مالك تمشي يمين ولاشمال ولاتولع حتي ده يزعلك في ايه هاه

ورغما عنه كتم ضحكاته

يخربيت هبلك وطي صوتك العيال هتصحي

لدغت خده

ايوه كده اضحك ضحكتك بتنور الدنيا .... انا عارفه انها مش سهله ... بس احمد ربنا انه نور بصيرتك في الوقت المناسب دلوقتي اللي هتعمله هي اللي هتشيله بس لو كانت لسه علي زمتك

قاطعها كنت قتلتها

ربتت علي خده

شوفت بقي ازاي ربنا رحيم .. اللي تضرب الراجل اللي مديها اسمه في ظهره ممكن تعمل اي حاجه

تنهد بقوه عندك حق ... في حاجه كمان عا وز ااقولك عليها لما غيث رجع وقلتله ان انا شاكك في عزه طلب مني صور لمجوهراتها

قاطعته بحماس

بدلتهم بمضروب يخربيت دماغك ياابيه

بالضبط كده مجوهرات عزه الاصلي كلها عندي

تربعت وقالت بحماس

شوف بقي مجوهرات عزه اكيد هتعمل مبلغ حلو وانا عندي الدهب بتاعي هو. صحيح قليل بس اهي نوايه وتعوض تمن البضاعه

قال بانفعال

انتي بتقولي ايه .... اصلا البضاعه انا مامن عليها ومبلغ التامين هيغطي بس هنشغل اليومين الجايين في الشغل عشان هشغل المصنع تلت ورادي وعلاء هيشغل مصنع العاشر كده برضه انا قلتلك عشان تغطي عليه عند ماما ومتزعليش عشان هنشغل

لدغت خده متقلقش ياباشا وراك رجاله ياكلو الظلط ني

ربت علي راسها وقال ضاحكا

هو الظلط بيطبخ ياهبله

نطبخوا عشان عيونك ياجميل علي فكره انا قلقانه علي بسمه

قطب ليه

تمددت علي الفراش لتريح راسها علي صدره

في حاجه بينها وبين ابيه مش مظبوطه انت ملحظتش حاجه

داعب شعرها وقال

لاء بس انتي قلتي كده ليه

تنهدت اصل بسمه كانت فرحانه اوي خصوصا بعد سبوع العيال يوميها ايناس اتدلها الوصايه العشره في قمصان النوم بحجه ان مرات غيث الاولانيه كانت يعني

قاطعها ماعلينا فهمت وبعدين

المهم لما بسمه جابت حجتها اجت عليا تورهاني وهي فرحانه وبتتنطط وكل اللي كان هممها هيعجبوه ولالاء

مهو كان معاهم

لاء هو سبهم ينقوا واستني بره بسمه في جوزتها الاولانيه مكنتش فرحانه كده قبل الفرح باسبوع تقريبا ماجتش طول اليوم حتي مرجعتليش انا وماما وعيشه الصفحه اللي بتديهالنا كل يوم رحت اطمن عيها اتلقيت عينيها حمرا من كتر العياط بس مرديتش تقولي في ايه ومن اليوم ده ولمعه الفرحه اللي في عنيها اتطفت حتي لما اجو يحضروا الشنط هي وعيشه مرديتش تحضر شنطتها انا اللي حضرتهالها ويوم الدخله كانت بتعيط الصبح ... هواكيد حصل حاجه بس لو انطبقت السما علي الارض بسمه مش هتحكي حاجه

عارف انا ابيه غالي عندي صحيح بس لو جرح بسمه هاكل مصرينه دي غلبانه اوي ياجاسر وبتحبه

غريبه بس انا ملحظتش حاجه علي .....لاء ممكن يكون عندك حق غيث كان عصبي زياده عن اللزوم ... انا حتي سالته قالي مفيش حاجه متوتر عشان الجواز وانا اتلبخت في حكايه الحريق ... علي العموم انا هتصل بيه الصبح

رفعت الهاتف وقالت بالحاح

اطمن عليهم دلوقتي عشان خطري والنبي والنبي

صلي الله عليه وسلم ... مش قلنا بطلي تحلفي بالنبي

ابتسمت لاتجعلو الله عرضه لايمانكم

يبقي متحلفيش خالص

دا لغو وربنا ميحسبش عليه

قال ضاحكا

ياسلام علي الفتوي ... بتالفي دين جديد انت

ابتسمت لاياحبيبي بلبخك اتصل بغيث بقي

طيب خلاص هتصل روحي شوفي عيالك بقي وانا هبقي اطمنك

دا لاممكن ابدا

رفعت الهاتف لتتصل برقم غيث وناولته له زفر بقوه ووضعه علي اذنيه جاءه الرد سريعا

لسه فاكر تسال احنا بقلنا خمس تيام

يعني انا غلطان اللي مردتش ااقطع عليك

ولاتقطع يعني هتفرق طمني علي اللي عندك

تمام البت عيشه عامله ايه

متقلقش سليم طلع سهون كبير احنا تقريبا كده بنشوفهم صدفه ربنا يسعدهم

في ايه ياغيث ... صوتك مش عجبني

ولاانا عاجب روحي ... مخنوق اوي ياجاسر

في ايه ياابني متنطق انت بره في صوت جنبك

اه قاعد علي القهوه

الساعه عشره وقاعد علي القهوه ... هو انت رايح الغردقه تعد علي القهوه

مش احسن مااطرشق .. كل اما اقول خلاص هتتحل تتنيل بزياده انا مش فاهم ايه اللي خلاني اروح معاهم بس

غيث انا مش فاهم حاجه تروح مع مين

طقت في دماغ اختك النهارده انها تتفسح في الغردقه طبعا سليم ملوووش في الجو ده خاف علي نفسه الفتنه اللئيم ،،،،،،،بس بالله هو صح المناظر هنا ذي بره بالظبط ،،،،،،،،المهم خدت البنات ولفيت بيهم الغردقه،،،،،،، شبطوا يتفرجوا علي دفليه فيه فساتين سهره هي عيشه الزفته اللي شبطت دخلتهم ... حظ اخوك الزفت صفا كانت بتغطي الدفليه ،،،،،،طبعا شافت خلقتي لزقت،،،،،،،،،،،، وبدل ماكانت المسافه شبر بقت ميل تاني

صفا اخت سما

قال بضيق ايوه ربنا يحرقها مطرح ماهي قاعده عشان ارتاح هي السبب في اللي انا فيه دا كله

غيث انا مش فاهم حاجه

انا مش قلتلك اني رحت لمهاب عزت

اه طبعا فاكر

مسك فيا وعزمني علي الغدا المهم قبلت الست زفته اول ماشفتها حسيت اني شايف سما قدامي

وبعدين يارافع راسي

والنبي انا مش حمل تريقه دلوقتي .... المهم قلتلي عايزاك،،،،،،،، عبيط واهبل وبرياله واتهببت قعدت معاها ... مجرد اني اشوف صوره من سما فجرت جوايا كل حاجه ... كنت دقيقه كمان وهغضب ربنا

الله يحرقك هو انت كل ده لسه مغضبتوش دا مجرد قعدتكوا مع بعض لوحدكوا تغضب ربنا

والنبي انا مش ناقص تأنيب انت كمان ... انا اعرف منين ان الدنيا هتتنيل كده ،،،،،اللي فوقني اتصال من بسمه ،،،،،،،،اخوك الغبي ساب التليفون مفتوح عشان تسمع صوت الزفته

يخرب بيتك

مهواش ناقص هو مخروب خلقه

اقسم بالله انا لومكانها كنت شوهتك دا ااقل واجب

قال باختناق

طب ياريتها عملت كده ... ياريتني ماروحت ولاشوفتها في الساعدي ... انا نيلت الدنيا بزياده بدل مااشرح واعتذر ضربتها

هب جاسر واقفا ليبتعد عن حور الباكيه

نهار ابوك اسود

ومش اي ضرب انا كنت بخرج فيها كل غضبي من نفسي ،،،،،،،،ومش اتنيل واسكت لاء،،،،،،، داانا قلتلها كنت عايزها عشان فكرتني بسما،،،،،، انا هجري ورا اي حاجه تفكرني بيها ... ضربتها بفتري كانت بتدري وشها مني عشان محدش يلاحظ ،،،،،شوفت حد في الدنيا كده مفوقتش الامااغمي عليها من كتر الضرب،،،، والله ياجاسر بحبها اوي بحبها ،،،،،،،،لدرجه ان انا نسيت سما نفسها

الله يلعن ده حب يااخي انت اصلا ملكش امان ياغيث ... لما انت مش قادر تنسي مراتك بتبهدل بنات الناس معاك ليه

متقولش ملكش امان انا عمري ماغدرت بحد

لاء غدار وخاين وملكش امان اللي عايز افهمه هي سكتت ليه وكملت معاك

عشان خاطر عيشه وسليم . مرديتش تكسر فرحتهم

اصيله ومتستحقش ظافر واحد منها

عارف ... اعتذرت وقدمت مبررات انا نفسي مش مقتنع بيها .... وقلتلها نبدا صفحه جديده قلتلي هفكر بقالي خمس تيام طالع عين اللي جابوا اهلي،،،،،، حد بن حلال قالها ان سما كانت بتلبس عريان ...والمفروض ان انا اعمل صنم مبيحسش

ضحك جاسر بقوه

والله تستاهل . بس مكنتش اعرف ان بسمه دماغها عاليه كده

هو انا لسه قلتلك حاجه،،،،،، دي مشتغالاني بلوفر علي المقاس نقصلي شويه واشيط .... كر الشريط لورا رجعت عيل عنده ست اشر سنه،،،،،، احب فيها

بالجوبات والورد تقصلي شويه وهجبلها شجره واطلع عليها زي رميو وبطل ضحك عشان انا علي اخري ...

ابطل ضحك ازاي بس.ياسي روميو،،،،، دانت حالتك كرب .... دي بتربيك بصراحه انت محتاج تتربي

واي تربيه طب انت تصدق اني احفظ البقره في ست ايام

ايه دا بجد البقره كلها ،،،،،،نجحت بسمه في اللي احنا فشلنا فيه ،،،،،،،،يعني انت خنتها وهي بتحفظك قران مش بقلك خساره فيك

والله ياجاسر بحبها ... عارف يمكن مش زي حبي لسما انا كنت لسه صغير طايش مشاعري مش راكزه ... بسمه عيشتني في دنيا تانيه ... بيت وزوجه واستقرار حقيقي ... بسمه بتكملني في كل حاجه ... بتكمل النقص اللي فيه هي صحيح طلعت عيني بس انا حابب حياتي معاها خلتني احب الدنيا تاني عارف معتبتش عشان مديت ايدي عليها ... قلتلي انا عارفه انك كنت بتخرج غضبك من نفسك .... عمر مااتخيلت ان يكون في حد فهمني وحاسس بيه بالشكل دا كل زعلاها عشان الخيانه عشان ضعفت

كل البني ادميين كده انت شايفها لحظه ضعف مش كده

ايوه لحظه ضعف وشيطان اتحكم فيه

تمام اعكس الصوره بقي وهي اللي وقعت في لحظه الضعف دي

قاطعه بغضب

هقتلها

طب اهدي بس واحمد ربنا انك لسه عايش وهي كان عقلها كبير ومقلبتش الطربيزه علي الكل وقدرت تسامح وتكمل

مسمحتش وكملت عشان خاطر سليم

انت غبي واحده هتهد حياتها وتعيش مع واحد خاين عشان اخوها لو مش بتحبك مكنتش عملت كده

يعني ايه

يعني هي لو رميه طوبتك متعملش كده ياغبي ... كانت ااقل حاجه اتعملت معاك رسمي علي انك واحد غريب واتفقت معاك علي الطلاق بعد شهر اتنين عشان خاطر علاقه عيشه وسليم

تصدق صح بس اهي اتنيلت بظهور ست زفته

طب احكيلي انت اتصرفت ازاي

يابني انا كنت واقف في وسطهم لابيا ولاعليا اتلقت اللي بتتعلق برقبتي،،،،،،،،، والله بعدتها واتعملت بزوق احنا في وسط الناس ،،،،،،،وعرفتهم عليها عيشه اختي التانيه امات منقضه واتحولت تنين مجنح بيطل نار وبنزين مشتعل ،،،،،،،،انا عارفها كويس اخت المدام بس مش انا طبعا،،،،،،،، جردل ميا سقعانه اتكب فوقي وانا واقف ،،،،،،،،،والبارده التانيه بتقولي اه اكيد غيث حكالك عني وعن مغامرتنا الحلوه ،،،،،،،المفتريه انا مشوفتهاش الامره واحده من يوم مارجعت

يخرب بيتك مش قادر قلبي هيقف طب هي عملت ايه

طلعت نار من بقها ولعت التانيه،،،،،، عسل بسمه حطت ايدها في ايدي ،،،،وببرود تلجني انا،،،،،، طبعا غيث مبيخبيش عليه حاجه ابدااا صح يابيبي ...عارف العبيط اللي متقمص دور الكوره اللي بيحدفوها لبعض اهوانا بقي كنت الكوره ،،،،،،،،،الجميل بقي ان صفا فعلا كانت شيطه وحسيت ان ودنها بتطلع دخان وبسمه بتقولها اصل غيث بطل يبص للحم الرخيص ... ربنا تاب عليه ،،،،،،طبعا دي مشت والست شعليله هانم اشتغلت انت ازاي تخليها تقرب منك كده وتكلمك بالمياصه دي

دي بسمه

ياريت دي عيشه بسمه التزمت بالصمت الرهيب لحد ماوصلنا عيشه ودخلنا الشاليه ... انها تنطق يامسلم ولاالهوا .... غيرت هدومها وعدلت فرشتها علي الكنبه ونامت جيت اكلمها ااقولها انا مليش ذنب ،،،،،،بخت فيا زي القطه،،،،،،،، وقالتلي احسنلك بلاش نتكلم دلوقتي ..وانت عارف اخوك طبعا طول عمره اسد سيبت الشاليه كله وخرجت

انت غبي ياغيث ايه اللي خرجك عارف دماغها دلوقتي راحت فين انك رحت تقابل صفا ،،،،انت اللي خليت الثقه بينكوا صفر

انا خرجت عشان مضغطش عليها مش اكتر اصل اتضحلي انها لما بتتنرفز بترتش ظلط زيي

اعمل ايه ياجاسر انا تعبان اوي نفسي تسامح وتفتح قلبها نفسي اعيش حياتي معاها

صوت بكاء عشق تسلل الي اذنه

نهارك اسود انت في البيت

جاسر ضاحكا امال الساعه عشره بليل هكون فين يعني

يعني ايه فضحتني وصلت التليفون بالاذاعه المحليه ياجاسر ...

ياشيخ اتهد،،،،،، انت في ايه ولاايه دلوقتي،،،،، خليك في وكستك ،،،،،،،وبعدين حور اصلا اللي قلتلي اتصل بيك،،،،،، عشان كانت قلقانه علي بسمه وكانت ناويه نيه طيبه كده انك لو جرحتها تاكل مصرينك

طب وهي كانت عارفه حاجه

خالص بس باللي سعادتك هببته طفيت الفرحه اللي كانت في عنيها ... بسمه منطقتش انت اللي خريت زي الجردل

طب انا كنت بفضفض مع اخويا ... قفلت زي الضمنه ياجاسر معنتش لقيلها حل

داانت عايز الامم المتحده عشان تحللك المشكله دي

لم ينتبه لحور الاعندما نزعت الهاتف من يده لتقول بغضب

اما تيجي ياابيه ان مانطيت في كرشك مباش انا حور

طب ولزمتها ايه ابيه بقي،،،،،، طب ماتقوليلي علي حل يمكن ينفع اختك ممرطاني ياحور

تستاهل المرمطه ...بس زي بعضه شوف انت تقوم تشتري شيكولاته كتير كتير وورد وتروح تصالحها هتصدرلك الوش الخشب ،،،،،،،تنح غتت خليك ثقيل رزل،،،،،،،، دا الاسلوب الوحيد اللي يمشي مع بسمه وهي غضبانه ،،،،،،،،،،،اصلها بتزهق بسرعه وبتنسي بسرعه وقلبها طيب اوي

طب تفتكري هيجيب نتيجه

اعمل بس اللي قلتلك عليه وهتشوف

افتكر ان انتي اللي هتشوفي يوم شربات بسبب شده التليفون دي

رفعت عيناها لجاسر لتري عيناه تلمع بغضب لتتنحنح بقوه

ااااااانا معرفكش اصلا انت بتكلمني ليه هاه

طب ادهوني يااختي

مطت شفتيها وناولته الهاتف لتهرب من امامه

عاوز ايه تاني هي مش قلتلك علي الحل غور بقي

طب ممكن تهدي شويه ... حور متقصدش وانت عارف دا . . وبعدين الايام دول انت مش قلتلي حاجه شبه كده واحنا ريحين بيت علاء ..... مينفعش نغير من بعض ياحبيبي

خلصنا بقي ابقي طمني عملت ايه

ماشي تمام بس بالله عليك متعكنن عليها بسببي

خلاص بقي خلصنا سلام

ليغلق الخط ويفاجا بالمجنونه تتعلق بعنقه وتهمس

والله ماكنت اقصد ،،،،،،،اخر مره ومش هعملها تاني

مجنونه عابثه تطيح بكل تعقله بلحظه ليسحقها بين ذراعيه ويهمس

انتي بتعتي انا وبس فاهمه ولالاء

قربت وجهها لتتلامس الشفاه وتهمس

فاهمه وبعشق غيرتك عليه ،،،،،،انا العروسه اللعبه بتاعته جاسر وبس صح

ليلتهم شفتيها بشغف حارق تطيح بعقله في ثانيه تبدل حاله ليبتعد لتلتقط انفاسها اللاهثه

صح وحشتيني اوووي ووحشني اللعب بالعروسه بتعتي

نعم مشتاق لحد الجنون مهوووس بتاوهاتها الناعمه وجسدها الشهي الشاب بين ذراعيه ...

٦٤،٦٥،٦٦

(اسف وااااااجنه)

ترجل غيث للداخل ليضيء الغرفه ويتطلع اليها انها نائمه كما تركها اقترب حتي جلس علي طرف الاريكه التي لاتحتل سوي ربعها تقريبا لتقول

من فضلك ياغيث ابعد عني الساعدي

كان علي وشك التحرك ولكنه تذكر كلمات حور

لامش هبعد ومش هسيبك

لتعتدل جالسه دفعه واحده وتقول بغضب

عاوز مني ايه هاه ،،،،،،انت مش سحبها وراك لحد هنا وتلقيك لما بتخرج كل يوم بتروحلها ،،،،،،مهي بجحه لدرجه انها تقول مغامراتي مع غيث

قرب وجهه منها

احسني الظن ياست بسمه

قالت بحنق فيك دا علي اساس ايه بقي

علي اساس اني بحبك ومعنتش شايف في الدنيا غيرك

دمعت عيناها واشاحت وجهها مفيش اسهل من الكلام

تنهد بقوه في ايه في القران بتقول ممكن حاجه نحبها وتطلع فيها شر وحاجه نكرهها ويطلع فيها خير صح

وعسي ان تكرهوا شيء وهو خير لكم وعسي ان تحبوا شيء وهو شر لكم ..

ربت علي خدها لتبتعد اغمض عيناه بالم وناولها الاكياس والورود

ربنا يفتح عليكي ... اللي حصل بيني وبين صفا مش اكتر من اللي حكتهولك،،،،، صفا انا مشوفتهاش من يوم مارجعت من بره الااليوم ده .....ومكنتش ريحلها كنت رايح لابوها بكلمه في موضوع في مكتبه وهو مسك فيا علي الغدا والمره التانيه النهارده .... وعلي قد ماكرهت اني ضعفت وكنت هلمسها فعلا لولا اتصالك بيا فوقني وحماني ... علي قد ماحبيت اللي حصل كله عشان عارفني حقيقه واضحه جدا ،،،،،كانت ملخبطاني ومش عارف ارسي علي بر فيها

استطاع لفت انتباهها لتقول باهتمام

اللي هي

ايه اللي معلقني بيكي انت بالذات،،،، انا عشت عشر سنين بره يابسمه ،،،،،،،لفيت فيهم العالم تقريبا،،،،،، شوفت ستات بعدد شعر راسي واتعرض عليه علاقات وكنت برفض

قالت بترقب بترفض خوف من ربنا ولاعلي شان سما

الاتنين ... انا قربت من ربنا اوي لما هانت عليه نفسي وحاولت انتحر

قالت بصدمه تنتحر للدرجادي

هز راسه موافقا ليتنهد بقوه واكتر متستغربيش ... انا اجتلي حاله اسمها اكتئاب انطوائي عشان كده دخلت المصحه .... صوره سما وهي متقطعه مبيفرقش خيالي وكلام صفا ليه ان انا السبب في موتها زود الحاله دي بقي يجيلي صداع لدرجه ان منخيري وودني بينزفوا وتقريبا كنت قربت ادمن مهدئات ،،،،،وفي لحظه استسلمت للشيطان عاوز اخلص من العذاب دا وبس

مد يده اليسري امامها وقال

وقطعت شريين ايدي كلها

تلمست جرح يده ونظرت بعيناه ليكمل

انا عملت كده بليل،،،،، بعد اخر مرور للدكتاره عشان محدش يكتشف الابعد اما اموت ،،،،،وسبحان الله ربنا ماردش اني اروح كافر،،،،،، حاله صرع في القوضه اللي جنبي خلت الدكتاره ييجوا ... ويتابعوا القوض كلها عشان ميكنش حد صحا من صوت الراجل ،،،،ودخلت قوضه العمليات ،،،،،لما فوقت فوق علي صوت ادان منين سمعته ازاي معرفش ،،،،،بس الصوت كان بيرج القوضه الله اكبر الله اكبر ،،،،،فتحت عنيا كنت في قوضتي بس كنت مربوط في السرير .. وشفت شاش كتير علي ايدي بدات افتكر اللي حصل

سقطت عبره من عيناه وقال باختناق

وقتها حسيت ان ربنا بيفوقني وبيبعتلي رساله لسه دورك مخصلش ... كنت بعيط بانهيار بس فقت من الضياع اللي كنت فيه ،،،،،ووقفت علي رجلي ومن وقتها مقطعتش فرض ... بس لما خرجت من المصحه كنت عارف ان مفيش حد هيحل محلها ابدا .،،،،،،اشتغلت كل حاجه ممكن تتخيليها،،،،،،،، جاسر مكنش سيبيني كان بيكلمني علي طول ويقولي ارجع،،،،،،، بس انا مكنتش قادر... مش قادر ادخل مصر مش قادر ادخل البلد انا عاوز انسي الوجع اللي كنت فيه،،،،،، مش عايز ارجعله تاني،،،،،، لحد مافي يوم شريكي في السكن كان مصري اتعشينا مع بعض ودخل نام،،،،،، جيت اصحيه الفجر لقيته ميت،،،،،،، خفت اموت في الغربه ملقاش حد يدفني ولايصلي عليه ... رجعت بنعشه لمصر وقلت هعيش علي امل اني اروحلها ... عارفه انا قلتلك الكلام دا كله ليه

سقطت دموعها وقالت باختناق

عشان تبرر انت بتقابل اختها ليه

هز راسه نفيا وامسك يدها ليضعها علي قلبه

لاء عشان ااقولك القلب ده لما بيحب مبيشوفش الااللي يحبها وبس ....ومن اليوم اللي كنت هغلط فيه مع صفا وبالتحديد بعد مااغمي عليكي في ايدي وقلبي معتش شايف غيرك .. اه لما شفت صفا رجعتني لورا اكترمن عشر سنين ،،،،،،، بس بكلامها فوقتني علي حقيقه انا مشوفتهاش كده

قطبت عيناها حقيقه ايه

حقيقه اني كنت عيل ،،،،،انبهرت بحاجه مختلفه عن اللي اتربيت عليه ... وهي بتلعب معايا نفس اللعبه اللي اتلعبت عليا من عشر سنين ووقعت فيها ... قلبي وجعني وهي بتسال سؤال وقفني عاجز اني ارد عليه

لو انا اللي مت سما كنت هتعيش من غير راجل قد ايه ...معرفتش ارد عارفه ليه .... عشان انا واثق ان

كلام صفا صح ... فتره العده ...

قالت بانفعال لاء طبعا مفيش واحده تعيش الحب دا كله

وضع اصابعه علي شفتيه وقال بانفعال

لاء هو ده اللي كان هيحصل .. سما لوكانت مكانك واتجوزت واحد زي حسام كانت هتطلق منه من تاني يوم .... عشان كده انتي نعمه ربنا ليه ... انا اسف ،،،،اسف عشان جرحتك ،،،،،، اسف عشان حملتك فوق طقتك ومع كده كنتي فرحانه ،،،،،اسف. عشان كسرت فرحتك .. اسف عشان ضعفت ...بس والله مااعرف انها في الغردقه ولاشوفتها من يومها الاالنهاردة .... بسمه انا بحبك بجد،،،،،،، اللي اكتشفته في الفتره اللي فاتت ان ليا معاكي ذكريات اكتر منها ... تفاهم وعشره ومشاركه استقرار وبيت ودفي قرب من ربنا بتخدي ايدي فيه وانا حابب امشي معاكي .. عشان انتي بتكمليني انتي نصي التاني مش سما ... انا مكرتهاش بس مش قادر احبها ،،،،،،وهي كل اللي كان بيربط بيني وبينها علاقه سرير وبس من نحيتها،،،،،،، عشان ادق تفاصيلي معاها كانت بتحكيها لاختها ،،،،،حجات كتير ومواقف اكتر تخليني اصدق اللي صفا قلته ،،،،،حجات مشوفتهاش انا كده انا شوفتها حب وهي

في سابقه فريده من نوعها وضعت اصابعها علي شفتيه

اطلبلها الرحمه .... منكرش بغير منها .... بس دي في ايد ربنا

زلزال عنيف اصاب منطقه الغردقه بهزه ارضيه تزلزله هو فقط من اصابع دافئه علي شفتيه وحديث مبهم عن الحب دون تصريح ... ليمسك يدها الصغيره يمسح بها شفتيه يقلبها بشوق متعطش ويهمس

يااااه اتمنيت اللمسه ولما حستها عشقتها ... انا بحبك اوي،،،،،،، بحبك حب محستهوش قبل كده ولاهحسه ... اتمنيت لمسك حلمت بيه ونفسي احسك في حضني .... نفسي احضن قلبك عشان يحس بيه ... نفسي ابدا حياتي معاكي نفسي اعيشها اوي ... متحرمنيش من حضنك عشان وحشني اوي

لترتمي علي صدره تحتضن خصره وتهمهم بكلمه اعادته للحياه حياته الجديده معها وحدها

انا بحبك اوي ياغيث

ليرفعها من علي الاريكه ويدور بها كامل الغرفه

بعشقك ياعمري الباقي كله وعوضي عن اللي راح

ينزلها ليقترب من جنته المحرمه عليه دخولها لتضع اصابعها علي شفتيه

نصلي الاول عشان ربنا يباركلنا في حياتنا

ليعض علي شفتيه

اااه يا فصيله بس عندك حق يااجمل بوسه في الدنيا انا عاوز ربنا يباركلي في حياتي معاكي ...

الفصل الخامس والستون (جنه مزدهره)

رنين مستمر لهاتفه جعله يفتح عيناه ويرد

ياشيخ اتجي الله حد يتصل بحد دلوقتي

دلوقتي داايه داحنا الظهر

ماشي ياسيدي انا نايم الساعه سبعه الصبح

يسهلووووا ولاوكستنا

ليغلق الخط فالجميله فتحت عيناها لتظلله بخضارها الممتع ليضع الهاتف ويقترب هامسا

صباح الفل يابسمه قلبي

لتمنحه ابتسامه ناعمه يظللها النعاس

صباح النور

قرب وجهه منها وهمس

حاف كدا مفيش ياحبيبي

حبيبي وروحي ودنيتي كلها

ليهتف يالهوي علي كده ...

لتمرر اصابعها الصغيره علي خده وتهمس

مبسوط معايا ياغيث

اقترب من وجهها وهمس

انا اتولدت امبارح بس . . دخلت الجنه وعشت فيها ومش عاوز اخرج عايز اغرق فيها وبس

ليتناول شفتيها بقبله شغوفه متملكه ملعون هو ان اعتقد انه احب او مارس حبا من قبل ...امتلاك جميلته الخجلي .. بسبائكها التي تشتته وشفتيها المكتنزه المغريه للالتهام ... ان يطبع علامه ملكيته عليها ... شغوف بشغف احمق لاينتهي ويبدو انه لن ينتهي ... ضعيفه هشه بشده ...يمكنه اكلها كالحلوي اللذيذه الشهيه ... مجرد تجاوب فطري يجعله اكثر شغفا منذ امتلكها للمره الاولي بالامس ليوقن انها كما توقع تماما امراه لم تكتمل بعد .... يرسم لها رغبتها كما يشاء وكانها عذراء ..تسير حيث يوجهها ... ليشعر بالنشوه انه رجلها الاوحد .... ارتعاشها متعه همسها متعه تاوهاتها متعه انها متعته الخاصه والخالصه ...شدها بين ذراعيه ليداعب

خصلاتها الذهبيه خدها الاحمر

انا بحبك اوي ياغيث ... عارف الحب ده احلي حاجه في الدنيا عارف انا اول مره شوفتك فيها فضلت اليوم ده طول الليل اصلي واستغفر ربنا

طب ليه

هزت كتفها وقالت

اصل فضلت افكر فيك غصب عني قلبي وجعني وانت بتقول المدام بتعتي مفيش حاجه تصحيها حسيت انك شبهي ... تعرف يوميها مسكت هدوم يحيي وفضلت اشمها واطبطب عليها

طب ليه الهبل ده

اصل انت فضلت شايل يحيي طول اليوم ريحه برفانك علقت في هدومه...

عدلها ليصبح وجهها في مواجهته وقال باسما

وبعدين

وبعدين فوقت اخدت الهدوم وغسلتها وفضلت استغفر ربنا وصمت تلت ايام

حدق في وجهها

يعني قمتي الليل وصمتي تلت ايام عشان شميتي ريحه البرفان

لاء عشان فكرت فيك ... وقلت مش هشوفه تاني ... بس غصب عني برضه كنت بتخطر علي

بالي ...لما حور اتصلت ببابا عشان تقوله ان عيشه جايه وانت جاي معاها لازم يمسك فيك عشان ميفضلش قاعد في العربيه هربت رحت بيتي ولما اجا يونس عشان يروحني قلتله بيت معايا النهارده ...يوميها فضلت اصلي لربنا وادعيله عشان ميخلنيش افكر فيك في الحرام ..... عارف يوم ماكلمتني كنت فرحانه بس خايفه ... مش عارفه خيفه منك ولاخايفه اتعلق بيك تروح مني ... لما شوفتك في المقابر حسيتك موجوع اوي عارف كان نفسي اطبطب عليك وااقولك انا جنبك ....فرحت اوي لما بابا قلي غيث عاوز يعمل فرح عشان يفرحك ... بس اتصدمت لما اجي قلي يوم كتب الكتاب انتي هتروحي مع غيث عارف كنت بترعش زي عيل صغير اول مره يدخل امتحان يوميها فضلت تتكلم وتحكي بوجع اللي جواك ... عارف انا حبيت حبك ليها ،،،،،،حسدتها عليك عمري مااتخيلت ان في راجل ممكن يحب بالشكل ده ... بس غصب عني كنت مجروحه اوي اول مره احس بالاحساس ده .

اول راجل قلبي يدق عشانه ... قلبه مش ملكي ...يوم ماحولت تلمسني خفت منك اوي كنت مرعوبه بجد لحد ماافتكرت كلمتك انا بغير فضلت اتنطط بيحبني ....كنت بستني الليل عشان انام في حضنك ... انا عمري مانمت في حضن حد الايحيي .. كنت فرحانه عارف كنت بنقي هدومي وانا بحلم هتعجبك ولالاء ... لحد اليوم اللي كنت فيه عندها سليم اتصل بيا وقالي ان الدار خلصت وعاوزني اروح عشان اشوف نقصها حاجه ولالاء اتصلت بيك عشان اسالك اروح ولالاء بس سمعت صوتها كنت بموت عاوزه امشي من البيت باي طريقه ،،،،،،بس مش قادره مينفعش اخرج من غير اذنك ...اه كنت متنرفزه اوي بس كنت بثق فيك اوي ،،،،،،غيث عارف ربنا وبيصلي مستحيل يعمل حاجه تغضب ربنا .. الكلام اللي قلته كان صعب اوي ،،،،،،،انا اللي غبيه حبيت واحد قلبه مع مراته ومش هيكون ليه مكان في قلبه ..عارف فكرت في كل حاجه الااني ابعد عنك ...وافتكرت كلام ايناس اللي علاء قاله ليها علي سما ،،،،،تمام هو بيحب كده ماشي انا هخليه يحبني غصب عنه

قاطعها ياظالمه يامفتريه انت عارفه الحجات اللي كنتي بتلبسيها دي كانت بتعمل فيه ايه

تلمست شفتيه توء ... انا كنت عوزاك ...تعرف ان اي واحده تقدر تلبس عريان ووو

التهم شفتيها بشغف يبدو انه لن يهدا يبتعد ليلتمس مكتنزته الفاتنه

مش ده ... عشان اشوفك لازم احبك ...يمكن انا راجل عجيب شويه ... الرغبه عندي مرتبطه اوي بالحب ....عشان كده مقدرتش اشوف واحده بعد اما سما ماتت غيرك ... انت الوحيده اللي هزيتي حاجه جوايا عارفه امتي لما اخدتي مني يحيي وهو نايم اول مره شوفتك فيها وايدك لمست ايدي ...

قالت بعتاب طب ووووصفا

مشوفتهاش انا كنت شايف سما انتي مش هتنسي صح

اممممم افكر

لاء بلاش افكر دي اخاف منها

لتضحك قائله هوانا زودتها اوي يعني

قرب وجهه منها

هو انتي زودتيها بس ... داانتي عليكي زووق في الانجري ناااااار ياماما

همست بنعومه هو عجبك

عجبني بس ..دا جنني ... عارفه قبل الدخله لما بعدتي ونمتي في قوضه يحيي،،،،، كنت هموت واخدك في حضني،،،،،، اتعودت انام وانتي في حضني،،،، هموت واخنقك وانا شيفك لبسه طرحه وبتنامي بيها وحطالي

علامه ممنوع الاقتراب ..ويوم الدخله لما خرجتي بالاسدال كنت عارف انك لسه رافعه نفس العلامه كانت اكبر احلامي اشوف سبايك الدهب بتعتي

تلمس شعيراتها الحريريه واكمل

المس ايدك من غير ماتسحبي ايدك مني ..... وهوب الجميله اعلنت العصيان وولعت بالقوضه واللي فيها

انفجرت ضاحكه

بتضحكي دا انا كنت حاسس بنار طالعه من وداني ... لاء وانتي بتكملي عليه لبسه ارجواني وشفاف .... لاء وبكل برود بتتحركي عادي ...طب اعمل صنم تمثال انا يعني ،،،،،،لاء ومش جيلك نوم قوم صلي ... عارفه ...لما روحتك امبارح رحت قعدت علي القهوه اللي بقيت ساكن فيها تقريبا

قطبت قهوه

اه كافي شوب جوا المنتجع هنا،،،،،،، مهو اللي كنت بتعمليه فيه مش قليل ،،،،،،،لاء وكل يوم نيولك مختلف بقميص بيعملي اشعال ذاتي ... دا انا رجعت عيل اكتب جوابات واعمل قلوب واجيب ورد يمكن الجميله تحن .. بقي قلبي بيتنطط لما مسكت ايدك ومسحبتهاش مني ... عارفه لما قبلناها كنت بلعن واسب في عيشه عشان هي السبب .كنت عارف ان الباب اللي بدا يلين وبدا يفتح خلاص اتقفل بميت مفتاح ،،،،،،،،انا استاهل اوسخ من كده عارفه يمكن الفضل اني اقربلك كانت حور

قطبت حور اشمعني

مهو وانا قاعد في القهوه جاسر اتصل يطمن وطبعا خريت زي الجردل،،،،،، حكتله كل حاجه،،،،،،، قلت يمكن اتلاقي عنده حل،،،،،، اخدت كميه كلام في جنابي كل ده مش مهم ... المهم بقي ان الباشا كان موصل التليفون بالاذاعه المحليه ،،،،،،،الست حور كانت قلقانه عليكي وهي اللي قلتله اتصل ،،،،،وتقريبا سمعت المكلمه كلها،،،،،،،، هوب اتلقتها طلعالي في التليفون لما اشوف خلقتك هنط في كرشك فقلتلها قليلي حل ... قلتلي هات ورد وشيكولاته كتير كتير وروح هتصدرلك الوش الخشب غتت تنح رزل وخليك ثقيل بسمه بتزهق بسرعه ... هي عيله صغيره بس جباره البت دي عمري مااتخيلت ان الغتاته هتنفع معاكي

كانت تضحك بقوه يخرب عقلك ياحور ... فضحتيني

لدغ خدها وهمس بس عرفت نقطه ضعفك

لمشت خده انت نقطه ضعفي ياغيث ... حياتي معاك هي الحاجه اللي اتمنتها وكنت بدعي ربنا في كل صلي يخليني اسكن قلبك زي ماانت ساكن قلبي

بسمه انا اول مره في حياتي احس باللي انا حاسه وانتي في حضني دنيا تانيه دخلتها معاكي قلبي يحضن قلبك ... حاجه كده مجنونه مهوووسه ببقي عاوزك وبس ... انتي اللي الدنيا صلحتني بيكي ...

ليلتهم مغويتها نعم يريدها يريد سحقها علي صدره التزود من رحيقها الممتع .. يعلمها علي يده كيف يكون الحب الشغف والرغبه فحبيبته طفله ... تنضج بين ذراعيه ورده سقط عليها ندي الفجر ولم تتفتح وهو اكثر من سعيد لتتفتح علي يده لقد ظلت محتفظه بعطرها من اجله .رنين متواصل من هاتفه ليفتح الخط ويقول بغيض ولكن بصوت متحشرج من العاطفه

الله يحرق دي اخويه ياسيدي،،، مش عاوزها ااقولك انا اتبريت منك سيبني في حالي بقي

متبلع ريقك وصلي علي النبي بس

اغمض عيناه وزفر بقوه ليعتدل

صلي الله عليه وسلم ... معلش ياسليم هي اجت فيك غلط

محصلش حاجه واضح ان انا اتصلت في وقت مش هووه انا كنت عاوز ااقولك ان احنا ان شاء الله هنطلع علي الطريق بعد المغرب فعيشه عاوزه تروح البحر قبل مانمشي ففي شط خاص مقفول يعني فلو حابب تيجي انت وبسمه ونتغدا سوا

ماشي ياسليم هقولها وارد عليك تمام

ماشي ياغيث

اغلق الخط ونظر لجميلته بعيونها الخضراء التي اصبحت اكثر دكانه بلمعتها المميزه رموشها الشقراء التي تنطبق بنعومه لتخفي وهج عيناها ووجهها المنتشر به الحمره المميزه لها وحدها حمره الخجل

ااااا دا اااسليم .. عيشه عاوزه تروح البحر وهو جاب شط خاص وووو

هتفت بحماس

يعني هننزل البحر وتعوم معايا

قال باحباط يعني انت عاوزه تروحي

هو انت مش عاوز

طبع قبله سريعه علي شفتيها وهمس

صراحه انا عاوز اشبع منك

خلاص بلاش نروح

كفايه اني اشوف عنيكي بتلمع من الفرحه .. وبعدين مانا هخدك في حضني في الميه يلا خدي حمامك علي ماالم انا الهدوم عشان هنخلص البحر ونطلع بعد المغرب علي الطريق

قربت وجهها منه

غيث باشا الراوي اللي بيرمي كل حاجه في الارض هيلم الهدوم شكرا ياحبيبي مش عاوزه خدماتك الجليله ..

بتتريقي يابنت الدسوقي ... طب مش انا معنتش برمي الهدوم علي الارض

تابعها ترتدي روبها وتقترب منه لتلدغ خده

انت شطور خالص مش عنت بترمي حاجه علي الارض بقيت بترميها علي السرير

بحركه بسيطه صارت تجلس علي ساقه فهمس

اهوه تطور دا ولامش تطور

داعبت خصلاته السوداء الناعمه الطويله نسبيا وتهمس

عارف سعات بحسك ابني زي يحيي انا بحب الم من وراك ورتبلك حجتك

ليريح راسه علي صدرها ليضمها اليه

انتي كل حاجه ليه في الدنيا مش مراتي وحبيبتي وبس لاء انتي امي اللي مشوفتهاش وابويا اللي مخدنيش في حضنه وبنتي واختي .... انتي كل انثي تعدي علي حياتي او ممكن يكون لها مكان جوايا

همست بعجز ااانت بتجيب الكلام دا ازاي

من قلبي يابوسي ..

قبله ناعمه من شفاه مكتنزه وهمسه

ربنا يخليلي قلبك

لتهرب الي الحمام زفر بقوه ومسح وجهه بيديه مهمهما

يخرب عقلك يابسمه بتعملي فيه اييييه ...

دمتم سالمين 💜☕

احتمال كبير في فصل ع السحور اتفاعلوا بقا ياريت 💜💜💜

الفصل السادس والستون (تمسح ألم تزرع فرح)

القبض علي شبكه لغسيل الاموال تقوم بأدارتها احدي سيدات الاعمال التي ظهرت فجاه بالسوق المصريه لتستغل اسم عائلتها

طبق جاسر الجريده بين يديه بغضب والقاها علي المكتب امامه

لطخت سمعتنا بنت ال...

غيث هدي نفسك ياجاسر الكل عارف ان احنا ملناش علاقه بيها احنا اسمنا نظيف

جاسر مهي وسخته يعني خلاص مكانت اتنيلت اتقبض عليها في اي دهيه بعيد عننا

غيث خلاص بقي واهو علي الاقل كده امنا شرها ... خمس شهور عيشين في قلق

جاسر بتردد عندك حق ... هي اااعزه اتقبض عليها معاها

حدق بوجهه وقال بترقب بتسال ليه

سؤال عادي ياغيث اصلي مش شايف اسمها

يهمك تعرف

حدق بوجهه مخبي عني ايه

الهانم طلعت ... مفيش عليها تهمه كل الشغل كان باسم بيان

جاسر يعني خرجت

قطب غيث بين حاجبيه وقال

انت لسه بتحنلها ياجاسر

قال بضجر احن ايه انت كمان،،،،،، انا مش طايق اشوف خلقتها،،،،،، بس غصب عني بسال زي ماتعودت طول عمري اسال

غيث يبقي لسه بتحبها

لاء ياغيث قلبي بقي لحور وعيالي وبس ... بس العشره

اه العشره اللي هي صنتها اوي دي كانت في العده وكل يوم في حضن واحد شكل عشره ايه اللي بتتكلم عنها ... دي لو بس خطرت علي بالك يبقي تستحق ضرب الجزمه ومنتاش مقدر النعمه اللي ربنا انعم بيها عليك

جاسر بغيض متحترم نفسك يالا ،،،،انت مش هتبطل لسانك الطويل دا ... قلي ايه اخبارك مع بسمه

فل يامعلم كله تمام ....

ويحيي

يحيي دا حبيب قلبي اتفرج عليه وهو وقفلي علي الباب انت هتسيب انا بيبقي هاين عليا ممشيش

ضحك بقوه وقال

انت عارف لو انيس ولاعشق قلولي كده مش هخرج من البيت اصلا

عشق دي حدودته يحيي فاكرها عروسته اللعبه واول حرف شين ينطقه عشق بتعتي

طب لم ابنك بقي عشان بغير

هتقف في وش عصفورين الحب هو قرب علي تلت سنين وهي عندها سته شهور

انفجر جاسر ضاحكا ليقول

برضه لم ابنك عن بنتي مش عاوزين نكرر حكايه عزه مره تانيه

قال بيقين دي بنت حور هتربيها زي ماهي اتربت ودا بن بسمه يعني تديله بنتك وانت مغمض

حبتها اوي كده

تنهد حبيتها بس انا عشقتها بسمه نصي التاني اللي بتكملني في كل حاجه

يعني نسيت سما

اكيد منستهاش بس خلاص معنتش قادر احبها في حجات كتير حصلت بينتلي حجات انا مكنتش شايفها المهم البت عيشه خلصت الدبلومه بتعتها وهتنقشها بكره اعمل حسابك بقي وقول لحور

والله البت دي ديما رافعه راسنا

البركه في سليم داحنا كل اما بنروح نتلاقاه قاعد بيذكرلها علي فكره زعلانه منك انت وحور عشان مبتروحولهاش

ماانت عارف حور ملبوخه اد ايه بالعيال والدراسه دي لسالها تكه وتشد في شعرها فظاع بجد عشق تعيط انيس وراها بيجوعوا مع بعض وبيعيوا مع بعض

طب ماتجيب حد يساعدها

مهي زهره بتساعدها

لاء انا ااقصد حد متخصص يساعدها

طب متشوفلي الموضوع ده هي قربت علي الامتحانات ومش عارفه تذاكر منهم دا لولا بسمه بتخدهم الصبح مش عارف كانت هتعمل ايه

تمام علاء جايب واحده كويسه عنده وهو مراته لاشغله ولامشغله هكلمه يشوفلنا واحده

تمام ..متنساش تقول لعلاء عشان يحضر بكره

ماشي يلا سلام

تابعه يخرج ليفتح جاسر الجريده ويقرا الموضوع للمره الثانيه وشرد عقله بفتاه صغيره تربت معه حتي بلغت السادسه طفله كان يهتم بكل شؤنها الصغيره دماها العابها ماكان يحتمل يوما عبره واحده تسقط من عيناها حتي لوانها خرجت من قلبه لم تعد زوجته لم يبقي لهامكان بحياته لم تعد امراته الفريده ولكن ستظل تلك الذكريات تراوده وتشعره بالحزن الي ماآلت اليه الامور تنهد بقوه ليذهب الي البيت حيث حوريته التي تفترش الفراش بكتبها ترفع شعرها الطويل باحد الاقلام وتضع الاخر بيدها ليقترب منها

حبيبه قلبي وصلت لفين

لترفع عيناها وتسيل دموعها

انا فاشله ،،،،،،،،،،،مش عارفه الم حاجه انا محضرتش ولامحاضره عقبال مابفك طلاسم الكتب بكون تعبت ....

ليزيح كتبها ويجلس امامها يمسح دموعها

حبيبتي عمرها ماتبقي فاشله ابدا .... اللي مش فهماه انا هشرحولك ماشي

لتتعلق بعنقه ربنا يخليك ليه

ثم تقترب تتشممه

امممم ريحتك حلوه اوي

ليحدق بوجهها في ايه ياحور مالك

لتتشمم بقوه انت حاطط برفيوم حلو اوي

ليحك راسه

انا مش حاطط برفيوم اصلا .. مش عارف ليه مش مرتاحلك

مطت شفتيها وقالت

ليه بس ...كل ده عشان بقولك ريحتك حلوه . اهي قلبت معدتي ارتحت

قالت جملتها لتهرب ركضا نحو الحمام ليسمع صوت تقياها ليلحقها يسندها يغسل وجهها ويجلسها بالخارج

في ايه ياحور حاسه بايه بالظبط

رفعت عيناها المليئه بالدموع

اصل اصل

اصل ايه ياحور انطقي !!!

اصل انا حامل

حبيبته دوما ماتنزعه من حزنه لتزرع ورودها ورايحينها العطره

انت زعلان مش كده

رفعها بين ذراعيه ليدور بها وقال بسعاده

زعلان ... انتي مجنونه هبقي اب ... بس دا تعب عليكي اوي

قبلت شفتيه وهمست

انا عارفه من اسبوع بس خفت ااقولك لحسن تزعل

ازعل ازاي .... وانتي بتشيلي كل وجع جوايا بتمسحي حزني في لحظه وتدخليني دنيا كلها نور ملك لحوريتي المجنونه وبس .... اوعي تخبي عليا حاجه بعد كده ....

قبلت وجهه بانفعال

ربنا يخليك ليه ياجاسر

ويقومك بالسلامه ياعيون جاسر ..دلوقتي بقي هنعد نذاكر وهقول للواحظ تظبطلك الاكل هنا وغيث وعلاء هيجبوا مربيه متخصصه عشان عشق وانيس عشان بكره هنروح نحضر مناقشه دبلومه عيشه

اللئيمه نزله دح وانا مش عارفه ادح ربنا يسعدها يارب

ويخليكي ليه يااجمل حوريه في الدنيا

مقلتليش بقي نفسك في ولد ولابنت

اللي يجيبه ربنا خير واحنا علي اتفقنا ولد تسميه انت بنت هسميها انا ولو كانوا اتنين

حور صارخه لاااااااااا اتنين تاني حرام عليك

انفجر ضاحكا

طب تمام هاه هتسميه ايه

امممممم طب اقترح

غيث

امممم ماشي غيث حلو وهو لما احب اشتم ابيه اشتمه براحتي

وكز راسها يابت بطلي

طب لوبنت هتسميها ايه