رواية صراع القاسم الفصل العاشر والحادى عشر بقلم الكاتبه سلوي عوض حصريه وجديده
عباس :طاب وفاتن هنسيبها تعاود
حليمه؛ اجولك اخطفها معاها خلينا نخلصو
عباس: من عيني يا حمات ولدي
حليمه :ياك اتجنيت مش خيتك انا
عباس :وه طبعا خيتي ونور عيني
حليمه: طيب نص ساعة تكفيك تجهز نفسك
عباس: اجولك خليها ساعه عشان العمليه تتم وتبجا نضيفه
حليمه :نفذ انته وشوف خيتك هتعمل معاك ايه
عباس: ست الناس يا خيتي
حليمه: ساعه بالظبط وهتلجاهم طالعين من البيت اه صح جوللي هتوديهم فين
عباس' هوديهم بيت ابوكي الجديم مهجور بجاله سنين وحاوي تعبابين وعجارب وحاجات تانيه كتير
حليمه -عافيه عليك اجفل بجا عشان اشوف هخرجم كيف
عباس: اجولك انا جوليلهم اخوكي مشيعلك مبلغ كبير وانتي مش عارفه تخرجي تجيببه وان اخوكي مش هيعرف يخش البيت عشان جاسم محرج عليه يهوب من البيت عشان موضوع جواز مهران من نواره وجاسم رافض عشان عارف ان نواره رايداه
حليمه: اه يا ابليس جيبت المخ الكبير ده منين
عباس: الفلوس بتفتح المخ وكمان انتي المعلمه الكبيره
حليمه: فكرتك زينه وانا هعمل بيها
 |
اما ف العزاء نجد قاسم يتحدث مع عبدالسميع
قاسم :اسمع يامعلم فلوسك ودهبك بعد الواجب هرجعهملك
عبدالسميع: والله ما ها اخد حاجه عيب عليك يا راجل دول هديه مني لخيتك انا من النهارده هعتبرها خيتي الصغيره
قاسم :بس ده كتير
عبدالسميع: الدنيا بحالها متكترش عليكم ولا انته عايز تجطع معاي
قاسم :لا والله ابدا
عبدالسميع :يبجا تجبل الهديه
قاسم :خلاص جبلتها وانت كمان إنشاءالله محصول الأرض الجبليه اعتبره بتاعك من غير ولا مليم واعتبره هديه بردك
عبدالسميع :هديه مجبوله
وهنا يسمع عبدالسميع رنين هاتفه
عبدالسميع: عن ازنك يا كبير هرد علي التلفون
قاسم: ماشي براحتك بس متعوجش عشان ناكلو لجمه مع بعضينا
عبدالسميع :من عيني
ليرد عبدالسميع علي التلفون
حافظ :هاه أشيع الراجل دلوك
عبدالسميع: خليها بعد ساعه كده عشان الكل هيبجا مشغول ف الوكل
حافظ :حاضر يامعلم انته تؤمر
عبدالسميع: حبيبي يا حافظ
ليغلق عبدالسميع الهاتف مع حافظ ليتحدث مع نفسه
عبدالسميع :ايوه كده خلاص هخلص منك يا جاسم وكده كده خواتك ملهمش اي لازمه الا عبهم علي كيفي ياله هتصعب عليا يا جاسم وهتوحشني
ليضحك ضحكه شريره ثم يقول
عبدالسميع :خبر ايه يا عبده اتجنيت ولا ايه احنا ف واجب عزا اروح اجعد مع جاسم ولا كاني عملت حاجه ياله اشرب يا جاسم يااللي عاملي فيها فارس خمسه وعشرين سنه تجضيهم ف السجن يا عيني هتصعب عليا
---
اما حليمه كانت تتحدث مع نفسها
حليمه :احسن حاجه أشيع زياد واد جاسم واجوبه ينادملي علي دهب ويخليها تطلعلي
لتخرج من قاعتها وتذهب الي القاعه الموجود فيها اطفال العيله
حليمه :خد يا زياد تعالي عايزاك
زياد: نعم يا جدتي
حليمه :عايزاك تنزل لتحت تنادملي علي البت دهب وتجولها جدتي عايزاكي ضروري
زياد :حاضر ياجده
حليمه: جدع واد ولدي ياله روح
وبالفعل ينزل زياد ويتجه الي المطبخ
زياد: ابله دهب
دهب: نعم يا حبيبي
زياد: ايه ده هو انتي ابله دهب
دهب: اه انا
زياد: ده انتي طلعتي حلوه جوي جوي
لتضحك دهب بتعاكسني يعني
زياد :اعمل ايه اصلي عمري ما شوفت واحده حلوه كده
دهب: طاب جوللي عايز ايه احطلك وكل
زياد :له انا شبعان بس كلمي جدتي حليمه عايزاكي ضروري
دهب: حاضر هروحلها
زياد: طيب انا طالع
دهب: ماشي يا حبيبي
دهب :يا تري العجربه ديه عايزه ايه مني الاحسن اطلع اشوفها
لتضع دهب طرحه علي رءسها وتصعد الي حليمه
دهب: خير عايزه ايه
حليمه :وشك حلو عليا جوي اصل انا ليا عند عباس اخوي ربع مليون جنيه وهو كلمني وجاللي فلوسك جاهزه شيعي حد ياخدها عشان هو مينفعش ياجي هنا عشان جاسم متعرك معاه ومانعه ياجي البيت هنا ايه رءيك تروحي انتي وفاتن تجيبيهم منيه وهديكي خمسين ألف
دهب :بطمع وماله اروح
حليمه: بس خدي البت فاتن معاكي
دهب: ليه يعني
حليمه: عشان لو حد شافك طالعه وحدك ممكن يوجفك ويساءلك لكن لو خدتي فاتن معاكي حدش هيساءلكم هيجول بنته مع بعضيهم
دهب: مخك نضيف يا مرت ابوي طاب هتدي فاتن حاجه
حليمه: هديها عشرين ألف
دهب: له اديها عشره واديني انا ستين وهجولها اني واخده عشره زييها
حليمه: ماشي اللي يريحك
---
دهب: خلاص انا هنزلها بس صح اخوكي هيعرفني كيف
حليمه :مش انتي معاكي تلفون
دهب: اه اهو
حليمه: عندك رصيد
دهب: اه عندي
حليمه: خلاص انا هطلبه من عنديكي واخليه يجرب من البيت واول ميجرب يرن عليكي وتطلعيله علي طول بس عايزاكي تداري الفلوس واوعي حد يشوفهم معاكي
دهب: متخافيش جلابيتي واسعه هدسهم فيها
حليمه: جدعه جدعه دهب
دهب: بس انا عاوزه تلفون جديد عشان ديتي خلاص مبجاش من مجام بت محمد البكري
حليمه: لما تجيبي الجرشينات ابجي نجيلك تلفون زين وخدي حجه منيهم
دهب: شكلنا هنتفجو
حليمه: انا خلاص كده اتفجنا هاتي بجا التلافون ارن علي عباس اخوي
#سلوي_عوض
#صراع_القاسم
بارت 11
حليمه: وها هيا تتصل باءخيها عباس
عباس: البجيه ف حياتك يا ام جاسم
حليمه: حياتك الباجيه يا اخوي
عباس: انا واجف جريب من بيتكم عشان الامانه
حليمه: طاب خد كلم دهب هيا اللي هتاجي تاخد الفلوس منيك اه واسمع انا هرن عليك من تلفونها
عباس: ماشي يا خيتي اجفل بجا وهرن عليك من تلفون دهب لترن عليه حليمه سجل بجا التلافون ده عنديك واول ما دهب ترن عليك كلمها عشان تديها الامانه
عباس: من عيني بس شيعيها دلوك عشان مش عايز حد يشوفني وانا واجف
حليمه: حالا اهه ياله يا دهب يا بتي احسن لو جاسم شاف خاله ممكن يعمل نصيبه
دهب: اهه هنزل علي طول
حليمه: اطلعي من الباب بتاع الزريبه وانتي راجعه بردك خشي منيه
دهب: ماشي
دهب: بت يا فاتن ياله تعالي معاي الست حليمه جالتلي اخدك ونروحو نجيبولها فلوس من اخوها وهتدينا كل واحده عشر تلاف جنيه
فاتن: هروح معاكي بس معايزاش فلوس خديهم انتي انا جلبي واجعني علي الحج محمد ومش عايزه حاجه خالص
دهب: انتي حره طاب ياله جومي هنطلعو من باب الزريبه
فاتن: ليه يعني
دهب: ف السكه هجولك ياله بجا متبجيش بارده
فاتن: بحزن حاضر جايه معاكي اهه
عبدالسميع: ايه الاخبار
حافظ: تمام كل حاجه تمام
عبدالسميع: بجولك عندك خط مش متسجل
حافظ: مافيش اكتر منهم
عبدالسميع: براوه عايزك تخلي راجل من رجالتك يتصل بالحكومه ويبلغ عن جاسم وعن مكان الحاجه
حافظ: حالا اهه
عبدالسميع: جوامك بس خليني افش غلي
حافظ: ده مغلول منيه جوي
عبدالسميع: جوي جوي يا اخوي
حافظ: انا بجا هخليك تتشفي فيه
عبدالسميع: كلها حاجه بسيطه وهتفرح فيه وتكوش علي كل حاجه
حافظ: ده انته يبجالك الحلاوه
عبدالسميع: انا معايزش لا حلاوه ولا جبنه انا عاوز حاجه تانيه خالص
عبدالسميع: اللي عايزه هتاخده
حافظ: حبيبي يا اخوي
عبدالسميع: اجفل بجا ونفذ اللي اتفجنا عليه
ليغلق عبدالسميع الهاتف مع حافظ ليقول في نفسه: اروح اجعد جار المعدول يا فرحت جلبي لما الحكومة تاخدك يا كبير ههه وبعد كده كل حاجه هتبجا بتاعتي.
عبدالسميع: ليجلس بجانب قاسم ليجد قاسم حزينا
عبدالسميع: الله يرحمه يا صاحبي كلنا ماشيين
قاسم: صح كلنا ماشيين
اما دهب وفاتن خرجو ليقابلو عباس وبعد عشر دقائق يتقابلو معه
دهب: (ترن علي عباس)
عباس: ايوه يا بتي انا واجف جار العربيه الخضرا
دهب: خلاص شوفتك
عباس: تعالي يا بتي
لتقترب دهب من عباس
دهب: فين الامانه
عباس: ف العربيه اركبو يا بنته عشان اعدلكم الفلوس عشان حليمه مترجعش تجول ناجصين
لتركب الفتاتان السياره ليرش عليهم مهران مخدر
عباس: اطلع يا مهران علي بيت جدك الجديم
مهران: حمامه يا ابوي
وبالفعل ينطلق مهران بالسياره في طريقه الي بيت جده القديم
اما حليمه فها هيا تتصل بعباس
حليمه: عملت ايه
عباس: كله تمام وطالعين علي بيت ابوكي
حليمه: عافيه عليك
مهران: كده هتجوزيني نواره يا عمه
حليمه: حدش هياخدها غيرك غير العز اللي هتعيشو فيه
عباس: احنا هنعملو ايه في البنته
حليمه: هتربطهم زين وتحط لزجه علي خشم كل واحدة فيهم لغيت ما اجيك واجولك هنعملو ايه
عباس: وانتي هتاجي ميته
حليمه: متبجاش غبي بعد ما نجطعو للمجحوم
عباس: يعني لسه يومين
حليمه: ابجا انته بس شربهم مايه عشان ميموتوش
عباس: ناصحه انتي يا كبيره
حليمه: اجفل بجا سامعه صوت عربيات الحكومه
عباس: بخوف يا مري تلجي حد بلغ عنينا
حليمه: بطل غباوه واجفل جاتك الهم
عباس: طاب الحكومة جايه عنديكم ليه
حليمه: يا ابو عجل تخين انته ناسي ولدي يبجا مين جاسم كبير الكل اكيد جايين يعملو الواجب ويعزوه
عباس: طمنتي جلبي يا خيتي
اما قاسم الذي كان يجلس بجانب عبدالسميع
قاسم: عن ازنك اطلع اغير عشان الظابط جاي يعزيني
عبدالسميع: اتفضل يا اخوي
ليترك قاسم عبدالسميع ويدخل المنزل
قاسم: جبل ما اغير اجيب فلوس من المكتب عشان نحاسبو الناس
ليدخل قاسم المكتب وها هو قد وصل الظابط حمزه ليدخل العزاء
حمزه: فين قاسم محمد البكري
عبدالسميع: دخل جوه اول ماسمع صوت سرينه عربيات الحكومه الظابط اكيد حد بلغه
لينظر الي العساكر: ورايا العساكر
العساكر: حاضر يا افندم
وبالفعل يدخل حمزه مع عساكره
الحريم: فيه ايه
نواره: خير ياباشا
حمزه: كل واحده تقعد مكانها فين قاسم
نواره: اخوي ف المكتب
ليففتح الظابط باب المكتب ثم يقول للعساكر: فتشو هنا كويس
قاسم: فيه ايه يا باشا
ليضحك حمزه: هتعرف حالا
ليخرج أحد العساكر لفافه بها جميع انواع المخدرات
حمزه: فيه ده
قاسم: ايه انا معرفش عنها حاجه
حمزه: اه ما انا عارف ياله خدوه
قاسم: انته مش عارف انا مين
حمزه: لاء عارف طبعا تاجر مخدرات كبير
قاسم: قسما بالله معرف عنها حاجه
حمزه: مسنين ايه خدوه ياله
وبالفعل يقتاد العساكر قاسم
الشاويش منصور: حجك عليا يا كبير انا عبد الماءمور
حمزه: حطو الحديد ف أيديه
منصور: طاب ميخرج معانا من غير حديد
حمزه: بعبيصه اسمع الكلام
منصور: حاضر
ليخرج قاسم وموضوع ف يده الحديد والعسكر ممسكين به
نواره: اخوي اخوي انتو ماسكينه كده ليه وواخدينه علي فين
حمزه: اخوكي مجرم وتاجر مخدرات كبير واخدينه نفسحه حوالي خمسة وعشرين سنه
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل السابع والثامن والتاسع من هنا
الفصل العاشر والحادى عشر من هنا
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق