رواية صراع القاسم الفصل الثاني عشر بقلم الكاتبه سلوي عوض حصريه وجديده
حليمه ف ايه ايه الصوت ده وايه الزعيج ده متحترمو نفسيكم عندينا ميت
نواره: ببكاء حار الحكومه جبضت علي جاسم بيجولو بيتاجر ف المخدارت
حليمه: حكومه مين وجبضت علي مين مجنونه انتي
نواره: زي مبجولك كده يا اما جبضو علي اخوي
حليمه: ازاي يتجرؤ ويجبضو علي الكبير وفين اخواتك
نواره: معرفش
حليمه: روحي اندهيهم
نواره: هخرج كيف والدنيا معبايه رجاله
حليمه: بجولك غوري
نواره: حاضر
لتخرج نواره الي إخوتها
نواره: شريف هات خواتك وتعالو كلمة امكم
شريف: روحي واحنا جايين وراكي
لتدخل نواره الي المنزل
نواره: جايين ورايا
حليمه: اما اشوف انا مين اللي اتجرء علي جاسم ولدي
 |
ليدخل شريف ومعه إخوته
حليمه: انتو ازاي تهملو الحكومه تاخد كبيرهم
اشرف: يعني كنا هنعملو ايه يا اما
حليمه: تعملو ايه كيف يعني تروحو ورا كبيرهم ولا تجعدو كيف الحريم جاتكم الهم عيال مدلدلين
شرف: طاب احنا ف يدنا ايه تعملوه
حليمه: غورو شوفوله محامي وفضو الواجب ده ياله ولمو الصوان خلاص مافيش عزا تاني
عفاف: طاب نغدو الناس العجل اللي اتدبح واتطبخ هنعملو فيه ايه
حليمه: خلاص طفحو هم شاءالله اخر طفحه
احلام: طاب والعجل اللي هيتفرج
حليمه: انتي تموتيني يابت اسمع يا اشرف كلم الجزار ياجي يشتري العجل
اشرف: كيف بس يا اما واخوي جاسم جالنا فرجوه علي أهل البلد
حليمه: اه ما انتو بتاكلو اته محلوله هيخس عليكم ايه يعني جال نطفحوهم ونفرجلهم لحم ني ما هو موت وخراب ديور اسمعي يا هدي الوكل اللي اتطبخ خدي مفتاح التلاجه
هدي: وهيا التلاجه فيها حاجه
حليمه: اسمعي يا بت جسمي الوكل علي شهر تجعدو تطفحو فيه
هدي: كيف يعني الرز بتاع الفته هيخرب والتسبيكه كمان
حليمه: له مافيش حاجه هتخرب يعني نبجا دابحين عجل وكل تجولولي عاوزين وكل خلصي يابت وانتي يا احلام الوجايب اللي جابتها الحريم هاتيها كلها جدامي عشان ادسها ف المخزن
نواره: ايه يا اما اللي بتعمليه ده ابويا مات واخويا اتحبس وانتي بتدوري علي عفش البطن
حليمه: اكتمي يابت
يحدث كل هذا أمام النساء المعزيات وأخذت النساء ف التهامس والتغميز
احلام: خدي يا حماتي الواجايب اهي
حليمه: بصوت عالي نعم كيلين سكر وباكو شاي امال مالهم معبيين البيت
احلام: كتر خير اللي جابتهم هو انتو بتواجبو حد
حليمه: تتحدث الي السيدات برا اطلعو برا فضناها مافيش عزا ولا زفت ياله غورو
---
اما عباس هاهو قد وصل الي منزل والده المهجور
عباس: ياله يا مهران هاتي واحده واحده
مهران: حاضر يا أبا
عباس: هنجيدوهم ونكممو خشومهم
مهران: هما كده كده مش هيفوجو غير الصبح المخدر تجيل جوي
عباس: اهم حاجه أن محدش شافنا وكمان البنته دول مجطوعين يعني محدش هيساءل عليهم
مهران: زمان عمتي هتدينا مبلغ كبير وكمان هتجوز نواره وابجا نسيب الكبير
عباس: ايوه بجا ويمسكك الأراضي كلها ما انته عارف اخواته مبيعرفوش يعملو حاجه
مهران: ومين عارف يمكن بعد كده ابجا انا الكبير
عباس: بس اوعي تنسي ابوك يا كبير
مهران: عيب عليك يا ابا ده انا كلي ليك
---
عباس: طاب شهل ياله شهل هاتهم
وبالفعل يخرج مهران ليحمل الفتاتان ليدخلهم الي المنزل
---
اما ف القسم فكان قاسم غير مدرك لما يحدث معه
الظابط: قوللي بقا ياحلو بقالك اد ايه بتتاجر ف المخدرات
قاسم: انا عمري متاجرت فيها ولا اعرف شكلها حتي
ليضحك الظابط: لا يا راجل امال ايه اللي طلعناه من مكتبك ده
قاسم: معرفش مش بتاعتي
الظابط: بقولك ايه انا مصدع ومودي مش مظبوط فاءحسنلك تعترف
قاسم: عايزني اعترف بحاجه مش بتاعتي ومعرفهاش
الظابط: خلاص احنا نعمل محضر ونحولك للنيابه شاويش منصور تعالي خده وديه الحجز
منصور: حجك عليا يا كبير انا عبد الماءمور
قاسم: ولا يهمك يا راجل يا طيب اكيد خواتي هيجيبولي محامي وهيثبت براءتي
منصور: ربنا ينصرك ويخليك لينا يا كبير انا هجيبلك وكل
قاسم: له متتعبش نفسك والله ما ليا نفس
منصور: يعني هتكسفني انا هجيبلك لجمه علي جد الحال
قاسم: ماشي يا عم منصور
منصور: ربنا يجبر بخاطرك
أما ف منزل قاسم نجد أن اشرف هاهو قد خرج علي المعزيين
اشرف: خلاص يا جماعه شكر الله سعيكم هتاكلو لجمه وتتوكلو علي الله وخلاص مافيش عزا تاني احنا جطعنا علي كده
ليقترب منه عبدالسميع
عبدالسميع: خير فيه ايه
اشرف: مافيش امي جالتلي اعمل كده
عبدالسميع: بعد ما الواجب يتفض انا عايز اجعد معاكم عشان جاسم محملني امانه
اشرف: حاضر من عيني
عبدالسميع: مالك يا اشرف كل حاجه هتبجا زينه
اشرف: والله معارف اعمل ايه ولا احاسب الناس منين الفلوس محدش يعرف طريجها غير جاسم
عبدالسميع: وهو انا يعني مش زي جاسم
ليخرج عبدالسميع رزمه ماليه من محفظته
عبدالسميع: خد يا راجل حاسب الشيخ اللي بيجرا وحاسب بتوع الصوان وخلص ليلتك
اشرف: كتر خيرك
عبدالسميع: خير ايه بس ده انا كلي ليكم ياله بس عشان نشوفو ورانا ايه
اشرف: حالا اهه
لياءخذ اشرف المبلغ ليقول بفرحه
اشرف: الفلوس ديه كتيره جوي احاسب الناس واخد الباجي ده اتاري جاسم كان مانع عننا خير كتير يارب ياءبدوه خلينا نشم نفسنا شكلها هتروج وتحلي وكده كده شريف وشرف بيسمعو كلامي يعني بعد كده انا الكبير كبير الكل ياسلام كمان لو امي تحصل ابوي تبجا عنب ولوز
اشرف: والله وبجيت الكبير يا اشرف وهتاخد كل حاجه بس بردك انا زعلان علي جاسم
وهنا يأتي شريف
شريف: ايه يا اشرف واجف كده ليه
اشرف: مافيش بس بفكر هنعملو ايه ف اللي احنا فيه
شريف: امال لوعرفت النصيبه التجيله
اشرف: نصيبه ايه تاني
شريف: تعالي خش معايا جوه عشان اجول الكلام مره واحده
اشرف: تعالي
ليدخلو الي المنزل
حليمه: عملت ايه يا شريف جومت محامي لاخوك
شريف: له يا اما
حليمه: له ليه هنسيبو الكبير كده
شريف: المحامي لما حكيتله علي اللي حصل جال عايز نص مليون جنيه نصهم مجدم والنص بعد البراءه
لتضرب حليمه بيدها علي صدرها
حليمه: يا مري ديه فلوس كتير ه جوي
نواره: وايه يعني فدا اخوي ما احنا عندينا فلوس كتير
حليمه: انا هخلي صابرين تكلم ابوها وهو يدفع مش جاسم يبجا تسيبه
حليمه: الا صح هيا صابرين فين
هدي: تلاجيها جاعده فوج تحش هيا وراها غير الطفح ليل نهار
حليمه: وانتي ايه اللي مضايجك بتجيب من عند ابوها مش مجطوعه زيك يابت الكلاب الا ماحد من ناسك جاه الواجب وجاب معاه زياره لكن صابرين جات وجابت الخير كله
نواره: اما امال فين البت فاتن
عفاف: ده حتي دهب كمان مش باينه
حليمه: معرفش خلونا ف اللي احنا فيه دلوك حد يطلع ينادم علي صابرين
عفاف: انا هطلعلها
لتصعد عفاف السلم متجهه الي قاعه صابرين لتفتح الباب لتجد صابرين تضع طعام كثير علي السرير
عفاف: بت ياصابرين انتي جاعده تحشي هنا والحكومه جبضت علي جوزك
صابرين: والحكومة تجبض عليه ليه
عفاف: يابت دول طلعو مخدرات كتيره من مكتبه وبيجولو عليه تاجر كبير وشريف راح للمحامي جاله عاوز نص مليون وحماتك عايزه ابوكي العمده يد فعهم
صابرين: نعم وأبوي ماله
عفاف: اعملي معروف انا مجولتش حاجه وبعدين متجيبي من اللي انتي بتاكليه
صابرين: اجعدي كلي معايا وبعدين نبجو نشوفو فيه ايه اجعدي يابت كلي ده وكل زين جوي
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل السابع والثامن والتاسع من هنا
الفصل العاشر والحادى عشر من هنا
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق