رواية صراع القاسم الفصل السابع والثامن والتاسع بقلم الكاتبه سلوي عوض حصريه وجديده

رواية صراع القاسم الفصل السابع والثامن والتاسع بقلم الكاتبه سلوي عوض حصريه وجديده 

حليمه لتخرج وتدخل قاعتها وتفتح دولابها وتضع فيه الكوب والفوطه ثم تقول في نفسها: انا احسن حاجه اروح عند العمده اعمل نفسي رايحه اصالح صابرين ولما يعرفو أنه غار ويجولولي اعمل حالي متفاجاءه، ايوه كده ياله اهو اتكفت غار جطعه، وبعد كده ابجا اشوف هعمل ايه مع الست فاتن هيا والمغدوره التانيه. اما البس بجا عبايه زينه.

دهب: ذهبت الي ليلي ولم تجدها.

دهب: ياتري روحتي فين بس يا خاله؟ ده انا اسرجت سرجه منيهم عشان اجيكي. حتي بتصل بيها تلفونها مجفول. استر يارب، بس انا لازم اروح جبل ماحد يحس بغيابي.

دهب: الحمدلله محدش جاعد، اخش علي المطبخ.

حليمه: دهب بت يا دهب.

دهب: نعم يا ست حليمه.

حليمه: انا رايحه مشوار خلي بالك من البيت انا مش هعوج.

دهب: حاضر من عيني.

حليمه: لو سيدك جاسم ساءل عليا جوليله راحت تزور خالك

دهب: حاضر.

حليمه: كده بجا انا خرجت ولا كاني عملت اي حاجه.

شريف: يا جاسم ياكبير.

قاسم: ايه فيه حسك عالي ليه؟

شريف: جطر الجصب جاه وحملنا عشر نجلات ولسه باجي كتير.

قاسم: الله اكبر ف عينك، جول ماشاءالله.

اشرف: طاب جعانين يا اخوي.

قاسم: كلها ساعه وعبدالسميع ياجي افرحو، هتاكلو وكل عمركم ما دوجتوه، بس عارفين لو عملتو زي المره اللي عدت جسما بالله مهتعرفو هعمل فيكم ايه. انا طالع اشوف ابوكم عشان اجوله اني هنجله الجاعه الكبيرة.

قاسم: عامل ايه يا أبا؟ افرح عاوزك تفرح خلاص هنجلك الجاعه الكبيرة فيها شمش وهو يعني جبلي وبحري.

قاسم: ايه يا أبا مبتردش ليه؟ أبا يا أبا! معجوله يكون غمي عليه.

قاسم: يا اشرف يا اشرف، اتصل بالدكتور بتاع المستوصف، ابوك جاطع النفس.

اشرف: حالا. اهه سلامتك يا أبا.

دهب: بت يا فاتن سامعه الزعيج ده؟

فاتن: اه مش عارفه فيه ايه.

دهب: انا هطلع اشوف فيه ايه.

دهب: خير ياست نواره فيه ايه؟

نواره: بدموع ابوي تعبان، جاسم بيجول جاطع النفس وشيعنا للدكتور.

دهب: خير انشاء الله، هو كان زي الفل، انا وكلته وغيرتله ملابسه وجعد يحكي معاي وكمان خد علاجه.

نواره: ربنا يستر.

عفاف: امال فين حماتي؟

نواره: جالتلي راحه مشوار.

احلام: طيب مشاويرها كترت جوي اليومين دول.

دهب: معلش نسيت، هيا جالتلي أنها راحه بيت اخوها عشان تعبان شويه.

قاسم: يا اشرف متشوف الدكتور فين؟ ابوك عرجان علي الاخر.

اشرف: كلمته وجال جاي.

دهب: انا ممكن اشوفه؟ انا معايا دبلون تمريض.

قاسم: طاب اطلعي بسرعه.

قاسم: شوفيه يا دهب.

دهب: (تفتح عينيه وتجس نبضه وترفع يده لتسقط) يا نهار ازرج! (تنزل دموعها بغزاره علي خديها)

قاسم: فيه ايه؟

دهب: البقاء والدوام لله، ربنا يرحمه ويسامحه.

قاسم: بتجوللي ايه انتي؟

(يدخل الطبيب ومعه اشرف)

قاسم: اعمل معروف يا دكتور اكشف علي ابوي، لحسن دهب بتجول البجيه ف حياتك.

الطبيب: اطفو النور.

اشرف: (يطفي النور)

الطبيب: (يكشف عليه) البقاء لله.

قاسم: بتجول ايه انته؟

الطبيب: ميغلاش علي اللي خلقه.

قاسم: (يسقط علي السرير بجانب والده)

الطبيب: شد حيلك. اشرف انا هنزل اجولهم تحت. إكرام الميت دفنه، عاوزين نعمل الاجراءات.

قاسم: تعالي يا دكتور معاي، مجادرش اشوف ابوي وهو خلاص فارج الدنيا.

دهب: بحزن.. ممكن تسمحلي اجعد معاه واقرءله قراءن وادعيله؟

قاسم: ماشي خليكي جاعده وانا مش هخلي حد يخش عليكم، انا عارف انك حبتيه.

دهب: ملحجتش اشبع منيه.

قاسم: بحزن.. الله يرحمك يا أبا، ياريتني كنت بجعد معاك لكن الدنيا لهتني عنيك، وكره امي ليك اللي معرفلوش سبب، والكره اللي زرعته جوايا من ناحيتك خلوني جصرت معاك.

دهب: ياتري انته ابوي ولا جوز خالتي، بس انا حساك ابوي. (تضع يدها علي المخده) ايه ده المخده مبلوله كده ليه؟ طاب لو مايه جات منين؟ يكونش عرج؟ (تشم المخده) ايه ديه ريحه اعشاب، يمكن حد عمله اعشاب بس مين؟ فاتن مجالتليش انها عملتله حاجه. انا هريح جارك يا أبا.

دهب: (تنام بجوار الجثه وتشوفه في المنام) هو انته عايش؟

محمد: له.. حليمه سممتني، شربتني اعشاب مسمومه.

دهب: (تفزع) ايه ده انا حلمت بابوي؟ ايوه صح حلمت بيه وجاللي أن حليمه سممته.

اشرف: (يبلغ الجميع بموت والدهم)

النساء: (يصرخن)

قاسم: اكتمي منك ليها، جسما بالله اللي هتصرخ منيكم لا كون جاطع رجبتها. امك فين يا نواره؟

حليمه: (تدخل) ايه ده فيه ايه؟

نواره: ابوي مات مات يا اما.

قاسم: شريف روح افتح الجبانه وروج الدنيا هناك، وانته يا شرف روح خلي شيخ الجامع يذيع ف الميكروفون خبر وفاه ابوك، ياله خلصو بسرعه.

حليمه: اسم الله عليك يا محمد يا حبيبي، هملتني لمين يا محمد؟

عفاف: مش لايج عليكي الحزن يا حماتي، هو انتي كنتي بتعبريه ولا بتساءلي فيه؟

قاسم: (للطبيب) اعمل شمهاده الوفاه عشان نلحجو ندفنو جبل الليل.

الطبيب: حاضر نص ساعه وابعت حد ياخدها.

قاسم: كتر خيرك يا دكتور.

قاسم: بجولك يا اشرف هات الجزار خليه يدبح عجلين وهات الطباخين يطبخو عجل وعجل هيتفرج حي، اه وكمان كلم بتوع الفراشه عشان ينصبو لابوك عاوز نصبه كبير.

حليمه: عجلين حيين؟ طاب جول خروف.

قاسم: مش وجتك يا اما، وبعدين انتي مالك مش حزينه علي ابوي ليه، مش جوزك ده؟

عفاف: لمؤاخذه يا كبير اللي حتي منزلت دمعه عليه، طاب اطلعي حتي يا حماتي غير والبسيلك جلابيه سوده.

دهب: (نزلت من عند الحج محمد وهي بتمسح دموعها)

حليمه: كتي فين يابت؟

دهب: انا كت علي السطوح، اصلي سمعت صوت زي طلج النار جاي من فوج بس لما طلعت لجيت عيال بيلعبو.

حليمه: طاب غوري علي جاعتي، طلعيلي جلابيه سوده جاتك غاره تاخدك.

دهب: حاضر.

دهب: (تفتح الدولاب) ايه اللي ملكلك ديتي؟ وايه الفوطه ديه؟ حد يدس فوطه ضبطه ف الدلاب؟ (تلاقي الكوب) يبجا اللي ريته كان صح! حليمه سممت ابوي! انا ها اخد الفوطه ديه والكوبايه واسهم بعيد، والحمدلله الكوبايه في منها كتير والفوطه كمان اجيب غيرهم واغرجهم مايه وادسهم مكانهم جبل العجربه متاخد بالها.

دهب: اتفضلي الجلابيه ياست حليمه.

حليمه: مالك يا بت بتتلوي كده ليه؟

دهب: لمؤاخذه عايزه اخش الحمام.

حليمه: غوري خشي جاكي حمه برد.

دهب: (تدخل المطبخ تلاقي فاتن بتبكي بانهيار) بت يافاتن يخرب مطنك، عيونك وارمين من البكا.

فاتن: الحج محمد طول عمره بيعاملني كاني بته، وكان يجيبلي الحاجه الحلوه ويدسها ف سيالته ويجوللي كليها من غير محد ياخد باله. حتي العلام خلاني اتعلمت غصبن عن الكل. وجال ابوها سايب لها فلوس كتير، وعارفه جابلي سلسله دهب وحلج وجاللي ادسهم. الراجل ديتي جطع بيا يا دهب، الله يرحمه.

دهب: طاب خدي بس دسي دول ف اوضتنا.

فاتن: ايه دول؟

دهب: بعدين هفهمك.

فاتن: هاتي طيب.

الشيخ في الجامع: لا اله الا الله يفني العبد ويبقي الله، توفي الي رحمه الله الحج محمد البكري، والدفنه بعد صلاه العصر والعزاء في منزل العائلة.

ليلي: (تسمع) معجوله! محمد مات يا مري! ياا مري بناتيييي

#سلوي_عوض 

#صراع_القاسم 

بارت 8

ليلي: ياتري هيعملو فيهم ايه؟

 لتمسك ليلي صوره شريفه وهيا تبكي.. سامحيني يا شريفه، سامحيني يا اختي، انا غلطت ف حجك وجولت لدهب بتي أنها بت محمد، ايوه جولتلها كده عشان طمعت، لكن دهب صممت تنتجم منيهم، وخايفه اجولها الحجيجه تكرهني، بس انا دلوك خايفه عليها. انا هملت بلدنا من عشرين سنه وجيت عيشت هنا من غير ما حد يعرف عني حاجه، ولولاش المرحوم جوزي كان سايب جرشين مكتش هعرف اربي بتي ولا أعلمها. بس انا لازم اعرف دهب. تعرفي يا شريفه، دهب طالعه شبهك الخالج الناطج وكانك أنها. بس اطمني، فاتن بتك زينه وبخير، محمد الله يرحمه كان محاجي عليها، هيا كانت بتأجي تزورني وتطمني وخليتها تاخد دهب، بس متجولش أنها جريبتها. بس خلاص محمد مات وانا لازم اخد البنات واهمل البلد ديه، وكفايه لحد كده. انا لازم اتصل بدهب.

ليلي: (تتصل بدهب)

دهب: ايوه يا خاله.

ليلي: هو اللي سمعناه ده صح؟ أصلهم ف الجامع ذاعو أن محمد اتوفي.

دهب: اه صح اتوفي، بس اتسمم، حليمه الملعونه سممت ابوي.

ليلي: عاوزاكي تاجيني دلوك.

دهب: مش هينفع، وبعدين انا جبتلك ملجتكيش.

ليلي: كت ف مشوار بس لازم تاجي دلوك.

دهب: فيه حاجه؟

ليلي: اه لازم تاجي حالا.

دهب: طيب انا جايه لك.

قاسم: (اتصل بالمغسل)

المغسل: حاضر انا هجيلك علي طول.

قاسم: وعايزك تجطع كفن من احسن الجماش وتعطره.

المغسل: حاضر من عيني، بس يعني الجماش بتاع الكفن هيكون غالي.

قاسم: غالي غالي، اسمع اللي بجولك عليه واخلص، اجفل معايا، حد علي الانتظار.

المغسل: (يغلق)

قاسم: أيوه يا معلم عبدالسميع، انا جاي ف الطريج.

قاسم: معلش يا عبدالسميع أجل الزياره عشان ابوي اتوفي.

عبدالسميع: ميته ده؟

قاسم: لسه من شويه.

عبدالسميع: انا جاييك حالا عشان اوجف معاك.

قاسم: تشرف وتنور.

---

حليمه: (كانت تجلس هيا وزوجات اولادها ف انتظار السيدات المعزيات) مش عارفه ليه جاسم كبر الحكايه جوي، هيا مصاريف علي الفاضي، عجول وليله كبيره عشان ايه ده كله.

عفاف: كله من خير عمي الله يرحمه.

صابرين: (تدخل تبكي) صح اللي سمعناه ده عمي اتوفي؟

حليمه: اه اتوفي.

صابرين: انا جيبت حاجتي عشان اجعد ف بيتي واوجف جار جاسم.

حليمه: اصيله يا بتي.

حليمه: بت يافاتن انتي يا زفته!

فاتن: (تبكي) نعم ياست حليمه.

حليمه: خدي شنط ستك صابرين وطلعيها جاعتها.

فاتن: حاضر.

صابرين: استني يا فاتن، في جفص فيه فروج وحمام، دخليه هو برا حطيه ف المطبخ.

حليمه: له حطيهم ف العشه مع باجي الطير.

فاتن: حاضر.

حليمه: فين البت دهب؟

حليمه: دهب راحت تستلف جلابيه سوده عشان جلابيتها اتجطعت.

حليمه: (تتذكر) يا خيبتي ده خليتها تطلع جاعتي، لتكون شافت الحاجه يا مري! انا هطلع اطمن.

(تصعد حليمه الي قاعتها لتفتح دولابها لتجد الفوطه والكوب)

حليمه: ايوه كده جلبي غطس ف رجلي، اخبيهم فين دلوك؟ اه احطهم تحت السرير.

---

دهب: (قد وصلت الي منزلها) خير يا خاله، عايزه ايه؟

ليلي: اسمعي الكلام اللي هجولهولك زين.

دهب: جوللي بس بسرعه.

ليلي: انتي مش بت محمد البكري ولا بت شريفه، انتي بتي انا.

دهب: (بدهشه) بتجوللي ايه انتي؟

ليلي: والله زي مبجولك كده، انا زمان طمعت ورشيت موظف الصحه وخليته يكتبك باسم محمد البكري عشان يبجي ليكي الحج ف كل حاجه، لكن فاتن هيا بته الاصليه.

دهب: نعم! بعد مابجي عمري سته وعشرين سنه تجوليلي كده ازاي؟ وانتي كتي ليل نهار تجوليلي ميته تكبري عشان ترجعي حجك من حليمه وعيالها، وبعد مارسمت وخططت جايه تجوللي كده؟ انتي اكيد بتكدبي عشان خايفه علي منيهم. متخافيش يا خاله انا جدهم كلهم.

ليلي: والله العظيم انتي بتي وابوكي الله يرحمه عامر عز العرب.

دهب: انتي بتتكلمي من عجلك.

ليلي: والله العظيم انتي بتي انا وعامر.

دهب: وانتي عايزه ايه دلوك؟

ليلي: تعالي نهملو البلد ديه ونرجعو بلدنا الاسماعيليه.

دهب: له مش ههمل البلد، وهورث ف محمد البكري كمان، انا بته عند الحكومه والجدع يثبت غير كده.

ليلي: يا بتي حرام عليكي.

دهب: وانتي مش حرام عليكي لما تعيشيني طول عمر باسم اب وهو مش ابوي؟ وفالحه بس اكبري يا دهب عشان تجيبي حج امك، وف الاخر اطلع بتك؟ انتي عارفه لو الكلام اللي جولتيهولي طلع برا، انا ههج ومحدش هيعرفلي طريج.

ليلي: مش عايزين حاجه منيهم.

دهب: بس انا بجا عايزه، وها اخد اللي عايزاه، ومحدش هيرجعني عن اللي ف مخي لو كان مين.

---

ليلي: اسمعي كلامي يا بتي وبعدينا عن المشاكل.

دهب: يعني انتي طول عمرك مخلياني اجولك يا خاله وانتي امي؟ علي العموم متخافيش، انا معايا اللي يخرس اي حد.

ليلي: حليمه مش اي حد.

دهب: وانا معايا دليل علي حليمه أنها جتلت محمد وكمان بصماتها عليه.

ليلي: (بخوف) يابتي متجهريش جلبي عليكي، ديه ممكن تخلص عليكي وتتاويكي، اللي جتل مره يجتل الف مره.

دهب: وانا جولتلك خلاص انتهينا، ووالله العظيم لو عرفتي حد، اديني بجولك اهه للمره التانيه، هطفش ومحدش هيعرفلي طريج.

ليلي: له ده انا اموت من غيرك.

دهب: يبجا تسمعي الكلام ومتتدخليش.

ليلي: طاب وفاتن؟

دهب: فاتن متعرفش أن هو ابوها، خليني بجا اجب علي وش الدنيا كفايه فجر.

ليلي: ربنا يستر.

دهب: انا هروح دلوك عشان افجر المفاجاءه.

ليلي: طاب اصبري بعد الواجب.

دهب: ماشي هصبر.

(تتركها دهب في حاله حيره)

ليلي: اعمل ايه بس؟ انا اللي غلطانه، ديه آخره الطمع، ربنا يسترها عليكي يا دهب، شيطانك سايجك يا بتي زي مكان سايجني.

---

دهب: (وهي ف الطريق) انا لازم ابجا غنيه، وهما يعني الأغنيا احسن مني ف ايه؟ وبعدين لو حليمه اتكلمت انا هعرف اتصرف معاها.

(تصل دهب الي المنزل لتجد عمال الفراشه ينصبون الصوان، لتدخل المنزل لتجده مملوء بالسيدات المعزيات)

دهب: كدا يبجا محدش حس بغيابي. يا تري بجا اعرفهم دلوك ولا استني له؟ استني بعد العزا بس لازم أبين وشي واجهرك يا حليمه

لترفع دهب النقاب ثم تقول، وكمان هجلع الخمار والبس طرحه عاديه.

دهب: والله لاجهر جلبك يا حليمه صبرك عليا يا ملعونه.

 لترتدي دهب طرحه قصيره وتخرج علي الجميع.

نواره: مين ديه؟

حليمه: هيا فين اللي بتجوللي عليها مين؟

نواره: اهيه يا اما مش شايفاها؟

 لتنظر حليمه حيث شاورت لها ابنتها.

حليمه: بدهشه، شريفه ازاي هيا مش غارت ما تت؟

 لتقترب منها دهب.

دهب: ايه يا ست حليمه بتشبهي عليا؟

حليمه: انتي مين؟

دهب: انا دهب، بس اصل الخمار خنجني فجولت اجلعه.

#سلوي_عوض

#صراع_القاسم 

بارت 9 

حليمه: اه يا حربايه يا واكله ناسك انتي مين يا بت وايه اللي جابك هنا

دهب: انا دهب يا ست حليمه ايه

حليمه: له انتي شريفه

دهب: شريفه مين والله انا دهب

حليمه: يبجا انتي بت شريفه غوروها من جدامي معيزاش اشوف وشها

دهب: متخلينا ستر وغطا علي بعض يا مرت المرحوم جصدي الجتيل

حليمه: جتيل ايه انتي بتخرفي ولا ايه

دهب: والله انا عندي الدليل والفوطه والكوبايه يشهدو

حليمه: جصدك ايه

دهب: يعني خليكي حلوه معايا أحسنلك واجفي ف صفي بدل ما المستور يتكشف وساعتها هتصعبي علي عشان الإعدام هيكون جزاتك ولا ايه

حليمه: بخوف اكتمي يا بت

دهب: خلاص براحتك عجلك ف راسك تعرفي خلاصك

حليمه: طاب خلاص اسكتي وبعدين هجعد معاكي واعملك اللي انتي عايزاه

دهب: ايوه كده جدعه بس اوعي تفكري ناءذيني عشان فيه ناس عارفه بالموضوع يعني لو جرالي حاجه هيطلعو علي المركز وابجي شوفي بجا هيجرالك ايه

حليمه: جولتلك اسكتي دلوك

دهب: اهيني سكت يا مرت ابوي مش انتي كتي مرت ابوي بردك

حليمه: جومي من جاري شوفيلك حاجه اعمليها

دهب: بسخريه انتي عايزه دهب محمد البكري تخدم عليكم ده كان زمان

حليمه: وايش عرفنا انك بته انتي اه فيكي شبه كبير من شريفه بس ايه يعني يخلج من الشبه اربعين

دهب: له يا غاليه انا معايا كل الاوراج اللي بتجول اني بته

حليمه: خلاص بجا يا بتي بعدين بعد ما نجطعو للمرحوم

دهب: جصدك اللي جتلتيه

حليمه: خليكي حلوه بجا وانا هوجف جارك واعملك اللي انتي عايزاه

دهب: إن كان كده ماشي

حليمه: روحي بجا عشان محدش ياخد باله من حاجه

دهب: انا هروح المظبخ اجعد مع البت فاتن

حليمه: في سرها غوري ف داهيه انا لازم اخلص من البت ديه وبسرعه كمان احسن حاجه اعمل نفسي عيانه واطلع فوج واتصل باخوي واعشمه اني هجوز نواره لولده

اشرف: ياله يا جاسم مبجاش حد غيرنا هنا

قاسم: روح انته مع خواتك وهملوني انا هجعد مع ابوي شويه

اشرف: اللي تشوفه يا اخوي

قاسم: موت خلاص يا ابوي معجوله خلاص روحت وفارجتنا سامحني يا أبا انا عارف اني كت مجصر معاك جوي وكت مهملك سامحني يا أبا وابجا تعالي زورني ف المنام

ديه تبجا نهايتنا معجوله أخرنا حفره من التراب من غير مناخدو اي حاجه معانا يعني الفلوس اللي حوشتها كلها وحرمت نفسي وحرمت عيالي واخواني منها وعيشتهم ف فجر ومرار لما اموت مش هتنفعني انا لازم اتغير وادور علي آخرتي وربنا يسامحني علي اللي فات وكمان هرجع مرتي واحاول احبها وكمان عبدالسميع هفك خطوبته علي نواره واهملها تتجوز واحد من سنها إنشاءالله بعد العزا ميخلص هجعد مع خواتي واديهم اللي عاوزينه انا عارف انهم بيكرهوني وبيدعو علي لكن خلاص انا هوسعها عليهم واللي عايز حاجه ياخدها ساعدني يارب اني اغير من نفسي

قاسم: انا هجوم دلوك يا أبا بس هاجيلك علي طول ربنا يرحمك يا أبا

قاسم: أيوه يا معلم عبدالسميع

عبدالسميع: فينك يا نسيبي انا ف الصوان وبدور عليك مش لاجيك

قاسم: اهيني جاي بس اسمع احنا هنفضو الجوازه وهرجعلك الدهبات واي جرش صرفته هتاخده

عبدالسميع: ليه انا عملت ايه

قاسم: معملتش بس خلاص انا خدت الجرار ومش هرجع فيه

عبدالسميع: اللي تشوفه يا كبير بس احنا اخوات من غير اي حاجه

قاسم: اه طبعا

عبدالسميع: نعم يا اخوي بجا انا ارسم واخطط عشان اخد الكنز وانته تهدلي كل حاجه صبرك علي يا جاسم

عبدالسميع: اخبارك ايه يا معلم حافظ

حافظ: تمام

عبدالسمي: ع عايز منك خدمه وبمجابل كبير كمان

حافظ: من عيني

عبدالسميع: عاوز راجل من رجالتك يكون شارب من لبن أمه ويكون جلبه جاعد

حافظ: موجود

عبدالسميع: تمام اسمع بجا اللي هجوله زين

حافظ: جول

عبدالسميع: عاوزك تبعت معاه تشكيله من المزاج تشكيله كبيره وتخليه يلبس جلابيه حريمي ونجاب وياجي هنا بيت جاسم

حافظ: جصدك جاسم الكبير

عبدالسميع: اه هو

حافظ: طاب وراجلي هيعمل ايه عند جاسم

عبدالسميع: جاسم أبوه مات والدنيا هنا معبايه ناس برا وجوه ووسط الزحمه راجلك هيدخل ويدس الحاجه ف مكتب جاسم

حافظ: وافرض مسكوه

عبدالسميع: متخافش كلهم مشغولين ف الواجب ابعته انته بس

حافظ: طاب هيعرف المكتب منين

عبدالسميع: اديله رجمي وخليه يكلمني وانا هوصفله كل حاجه وهشيعلك مبلغ محترم

حافظ: إن كان كده تمام عاوزه ميته

عبدالسميع: جبل صلاه المغرب والشيخ بيجرا وانا هبسطه

حافظ: كده تمام هو اسمه همام وهيرن عليك دلوك

عبدالسميع: ماشي

حليمه: انا تعبانه جوي هطلع اريح شويه عن اذنكم البيت بيتكم تعالي سنديني يا نواره

نواره: بخوف مالك يا اما

حليمه: راسي وجعاني هنعس شويه وهبجا زينه انزلي انتي اجعدي مع الحريم

حليمه: ايوه يا واد ابوي فينك

عباس: انا ف الواجب

حليمه: وفين مهران

عباس: واجف جاري اهو مش لو كتو وافجتو علي جوازه من نواره كان زمانا لينا ف الخير ده كله

حليمه: اسمعني زين وانا اللي هجوز نواره لمهران

عباس: جوللي

قاسم: شكر الله سعيكم جميعا اجعدو ارتاحو عشان الشيخ هيجرا

عبدالسميع: البجيه ف حياتك يا كبير

قاسم: حياتك الباجيه بس مش عايزك تزعل مني

عبدالسميع: ده كلام ياراجل طاب ده من كتر حبي فيك جولت اناسبك بس انته غيرت كلامك بس مش مشكله المهم نبجو اخوات علي طول

قاسم: طبعا امال ايه اجعد يا راجل وانا هشيع حد من خواتي عشان نغدو الناس

عبدالسميع: كلك واجب

حليمه: اسمع يا واد ابوي اوعاكم تغلطو في أي من اللي جولتلك عليها فاهم

عباس: يعني المصلحه ديه فيها لجمه طريه كده

حليمه: ديه فيها فطير مشلتت غرجان سمن بلدي

عباس: يعني كام كده

حليمه: اول هام هتاخدلك مبلغ مكتش تحلم بيه وتاني هام هجوز بتي لولدك ويبجا دراع جاسم اليمين

عباس: بطمع خلاص انتي بس حاولي تخليها تطلع من البيت ولو معاكي صوره ليها شيعيها

حليمه: له ممعاييش بس اسمع انا هتصرف واخليها تخرج من البيت انته عارف البت فاتن

عباس: اه طبعا عارفها

حليمه: خلاص هشيعها مع فاتن

تابعووووووني 

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

الفصل الاول من هنا

الفصل الثاني من هنا

الفصل الثالث والرابع من هنا

الفصل الخامس والسادس من هنا

الفصل السابع والثامن والتاسع من هنا

الفصل العاشر والحادى عشر من هنا

أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇 

صفحة روايات ومعلومات ووصفات

❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹