رواية صراع القاسم الفصل الخامس والسادس بقلم الكاتبه سلوي عوض حصريه وجديده
وها هو الليل يمر ويأتي صباح جديد
في المطبخ:
حليمه: بت يافاتن ايه حكايه صاحبتك دي؟
فاتن: مالها ياست حليمه؟
حليمه: علي طول يعني متنجبه، اوعي يابت تكون عامله عمله وانتي بتداري عليها.
فاتن: له والله، أصل هيا الصراحه يعني بعيد عنك عنديها دمويه ف وشها، جامت حطتلها برهم جام زي متجوللي يعني خلي وشها كأنه محروج.
حليمه: اوعي تكون معديه تعدينا.
فاتن: له مش معديه، أصلها مره لما كانت شغاله عند ناس عنديهم جناين مانجه، فكلت جفص وحديها ومن يومتها وهيا كده.
حليمه: تستاهل، جفص مانجه بحاله، تلجاهم مشوها عشان كده.
فاتن: له، ده هيا اللي مشت وحديها، أصلهم كانو هيسافرو بلاد بره وكانو هياخدوها معاهم، وهيا مرضيتش.
حليمه: فجريه.
فاتن: نصيبها ياست حليمه.
حليمه: طاب ياله طلعي كيس فول واعمليه، بس جطعي طماطم وفلفل عشان يكترو الفول، وطلعي جبن جديم.
فاتن: حاضر.
حليمه: وابجي لجمي البكرج شاي وسكر، واسمعي اوعاكي تزودي السكر ولا تتجلي الشاي، وسخني كام رغيف بسرعه، ياله شهلي.
(تدخل دهب)
حليمه: ايه أمال حد جالك هنا بيت ناسك، الساعه كام دلوك؟ وحضرتك لسه صاحيه، مكتي خليتك نايمه ونجيبولك الفطور لغايه عندك.
دهب: انا آسفه بس اصل عشيه.
حليمه: هتحكيلي قصه أبو زيد، ياله خلصي ساعديها.
(تخرج حليمه وتترك دهب مع فاتن)
فاتن: اسمعي، هيا سألتني عليكي وأنا جولتلها.
(لتقص فاتن علي دهب كل ما حدث بينها وبين حليمه)
دهب: جدعه.
فاتن: طاب ياله طلعي كام رغيف وسخنيهم.
دهب: طيب.
أما قاسم فقد استيقظ من نومه:
قاسم: يا ابوي الواحد جسمه متكسر كده ليه؟ شكلي داخل علي دور برد، ابجا اجرشلي لمونه ولا حاجه. (ينظر الي ساعته) الساعه بجيت تسعه، اجوم عشان أفطر وبعد كده اشوف حالي واشوف الحزانه عشان كله يفطر مره واحده.
في المطبخ:
فاتن: الا جوليلي يابت خالتي، ليه جبل ما تاجي تخدمي معايا هنا؟ انتي وامي جولتولي اجول انك عنديكي دمويه، وليه معيزانيش اجول انك جريبتي؟ فهميني.
دهب: بعدين يا فاتن، بعدين هتفهمي كل حاجه لما اخد بتاري منيهم.
فاتن: هو انتي ليكي تار عنديهم؟ بس تار ايه ده؟
دهب: جولنا بعدين يا فاتن، واوعي تجولي حاجه لاي حد، فاهمه؟
فاتن: حاضر فاهمه، وربنا يستر.
(تدخل حليمه)
حليمه: خلصتو؟
فاتن: اه خلاص اهو هنرصو الفطور علي السفره.
حليمه: شهلو عشان كلهم جعانين والكبير نزل كمان.
فاتن: ياله يا دهب.
(تخرج فاتن بالصينيه)
دهب: هجيب الشاي واجي وراكي.
علي السفره:
صابرين: انا رايحه عند ابوي.
قاسم: كده منك لنفسك؟
صابرين: اه يعني لازم اخد الإذن؟
قاسم: اه، طاب روحي وما تجيش تاني.
حليمه: براحه عليها ياولدي، وانتي يا صابرين هودي يابتي.
صابرين: جعانه يا ناس، والخزين اللي شيعه ابويا خلص، وكللوني زي الناس وانا اجعد؟ لكن انتو أعوذ بالله منيكم، شح وبخل ومرار.
قاسم: اجولك حاجه، انتي طالج يا صابرين، ياله خلي أبوكي ينفعك، غوري ياله.
اشرف: مش كده يا اخوي.
قاسم: قسماً بالله اللي هيتكلم فيكم هيحصلها.
حليمه: خلاص يا اشرف، الكبير عارف بيعمل ايه.
قاسم: اطفحو ياله عشان تروحو تشوفو الجصب، الجطر جاي يحمل الجصب، وعلي الله الجي عود ناجص هتعرفو شغلكم.
شريف: حاضر يا اخوي.
(يرن تليفون قاسم)
قاسم: أيوه يامعلم عبدالسميع.
عبدالسميع: انا جاي النهارده علي الغدا.
قاسم (بصوت واطي): يخربيت ناسك، عازم نفسه علي الغدا، يعني هيغرمني تاني؟ جوازه ايه السوده ديه بس.
صابرين: انا ماشيه.
قاسم: متغوري، حد ماسك فيكي؟
(تتركهم صابرين وتذهب)
قاسم: ارجع الصوت تاني واتحججله بأي حاجه. الو الو.
عبدالسميع: بجولك انا جاي النهارده علي الغدا، ومتكلفش نفسك، انا جايب غدا وعامل حساب الكل وبزياده كمان.
قاسم (بفرحه): وليه تكلف نفسك؟ بس خير ربنا كتير يا راجل.
عبدالسميع: عارف عندك الخير كله، بس انا نفسي هفتني علي الكباب والحمام، جولت ناكلو لجنه سوا.
قاسم: ربنا يديم عزك.
عبدالسميع: جبل العصر هكون عنديكم.
قاسم: تشرف. (يغلق الهاتف)
قاسم: افرحو، جاييكم كباب وحمام، علي ياله علي الارض بجا، والحريم كلهم يطلعو جاعاتهم.
الجميع: حاضر يا كبير.
قاسم: ابجو انزلو علي الغدا.
(تخرج دهب بالشاي)
قاسم: الاجوليلي يا اما البت ديه خافيه وشها ليه؟
حليمه: اجولك انا، أصلها عنديها دمويه ووشها متشوه خالص.
قاسم: دخلي الشاي، فضيه ف البكرج وبعد الغدا نبجو نشربوه.
دهب: حاضر.
حليمه: هروح انا اشوف خالتك ام هناء، أصلها عيانه.
قاسم: بس تاجي جبل ميعاد الغدا.
حليمه: حاضر. (تخرج)
(دهب تحمل صينيه الطعام للحج محمد)
قاسم: بت يا دهب، انتي جربانه صح؟
دهب: انا له طبعاً.
قاسم: أمال مغطيه وشك ليه؟
دهب: أصل الصراحه الست والدتك جالتلي داري وشك، عشان يعني انته عينك زايغه.
قاسم: بتجوليلي ايه انتي؟
دهب: والدتك هيا اللي جالت.
قاسم: طاب وريني وشك كده.
دهب: حاضر. (ترفع النقاب والخمار ليظهر جمالها وجمال شعرها)
قاسم (بتعجب): يخرب مطنك، ده انتي جمر، البلد كلها مفيهاش واحده ف جمالك، غطي يابت غطي، واوعي تجلعي النجاب تاني، ده انتي جمالك عدا وفاج الجمال كله.
دهب: مش جربانه يعني؟
(ليضحك قاسم)
قاسم: له، الجربانه والحزينه صابرين، واهي غارت.
#سلوي_عوض
#صراع_القاسم
بارت 6
دهب: طاب خليني اعدي بجا عشان اطلع الفطور للحج.
قاسم: ماشي طلعيه واجعدي جاره وحكي معاه وونسيه.
دهب: هو انتو ليه مهملينه لحاله كده ده حتي يعني هو ليه عليكم حج.
قاسم: جله فضا بس.
دهب: اسمحلي يعني اجولك لو اي حد منيكم جعد معاه إنشاءالله نص ساعة حالته هتبجا زينه وكمان الجاعه اللي جاعد فيها كلها رطوبه وجسمه واجعه منيها.
قاسم: خلاص هخليهم يفضو الجاعه الكبيرة المجفوله ويفرشوها ويحطولك سرير كمان عشان من دلوك انتي هتجعدي معاه.
دهب: طاب والخدمة ف البيت؟
قاسم: له، انتي كل اللي عليكي خدمه ابوي بس.
دهب: طاب والست حليمه هتجول ايه؟
قاسم: مافيش حد هنا ليه كلمه غيري اه وخلي بالك معايزش حد يشوف وشك غيري.
دهب: طاب عديني بجا.
(تتركه دهب وتصعد الي قاعه الحج محمد)
دهب: اخبار الجميل ايه؟
محمد: كده بردك تعوجي علي.
دهب: له والله مسافه مجهزت الوكل.
محمد: مواكلش.
دهب: ليه بجا؟
محمد: عايزاني اكل؟
دهب: امال ايه؟
محمد: طيب اندهي علي فاتن ونفطرو احنا التلاته مع بعضينا.
(تضحك دهب)
دهب: طاب بس ياريت الوكل يكفيك انته وحدك.
محمد: لجمه هنيه تشبع ميه ياله بس.
دهب: حاضر.
(تنزل دهب الي المطبخ)
دهب: بت يافاتن الراجل عايز نفطرو معاه.
فاتن: طيب اطلعي انتي وهاجي وراكي.
(تتركها دهب، فاتن تخرج طبق كبير من أسفل التلاجه، تتلفت حولها ولاتجد أحد، تصعد الي قاعه الحج محمد)
دهب: ايه اللي معاكي؟
فاتن: صباح الفل علي الغالي.
محمد (بفرحه): صباحك زي السكر.
(فاتن ترفع الفوطه من علي الطبق)
دهب: يا حزينه ده لو حد شافك هتروحي ف داهيه.
(يضحك محمد)
محمد: متخافيش فاتن ديه جرده.
فاتن: شوف بجا ادي جشطه وادي جبنه خضرا إنما ايه وكمان رغفان سخنه.
دهب: يا حلاوتك فاتن بس يا بت ياله ناكلو.
محمد: والله أنا جعان جوي.
فاتن: هتاكل الوكل الجميل وتبجا زي الحصان.
محمد: حليمه فين مش سامع زعيجها؟
دهب: راحت مشوار واه صح جاسم ولدك جاللي أنه هينجلك الجاعه الكبيرة وهيخليني اجعد معاك ف الاوضه وكمان هيجيبلي سرير انام عليه عشان ابجا جارك لو احتاجت حاجه.
محمد: عارفه يا دهب ولدي جاسم طيب وجدع بس منيها لله حليمه علمته البخل ف كل حاجه وهو بعد مكان راجل تتمناه العين بجي كل همه الفلوس وأنه يكوش علي الدنيا.
دهب: اه صح ده بخيل بخل مافيش زييه ف الدنيا.
محمد: اصل احنا زمان كانت حالتنا علي جدها ومكناش لاجيين اللجمه عشان كده حليمه حتي بعد ما ربنا أدانا بردك عاشت كأننا لسه ممعناش ولما كت اجولها اصرفي واعملي وكل كانت دائما تجوللي له وانا ايه ضمني يمكن نفتجرو تاني احنا هنعيشو زي ما كنا الاول، البخل بجا ف دمها يا بتي. وبعد ما خلفنا باجي العيال بجيت تفرج بينهم وبين جاسم انا معجبنيش الحال. جومت سافرت الاسماعيليه وجولت اتاجر ف المانجه وربنا كرمني اخر كرم، جعدت هناك سنتين ولما عاودت كان كل همها الفلوس اللي رجعت بيها وانا ولا كاني موجود. جومت رجعت الاسماعيليه تاني كان العيال كبرو وجابلت بت حلال زينه ومؤدبه ويتيمه عرفتها كل حاجه عني وطلبت اتجوزها ووافجت. كان ليها اخت عاشت معانا وخلفت منيها بنيه كانت كل حياتي وكاني اول مره اخلف، لكن بعد كام سنه اتوفت وانا من بعديها تعبت وكت فاكر اني هموت فوصيت حليمه علي بتي واخت المرحومه شريفه وجتها، حليمه جلبت الدنيا علي راسي وحبستني ف الاوضه هنا لغيت ما التعب مسك جتتي كلها لكن ربنا كرمني وشديت حيلي وجدرت أخرج من الاوضه وروحت اشوف بتي وخالتها ملجيتهمش جلبت الدنيا عليهم وهما ولا حس ولا خبر. رجعت هنا واترميت زي ما انتي شايفه.
دهب: وبتك متعرفش مكانها؟
محمد: له يا بتي وهموت من الحسره عليها.
دهب: هيا بتك اسمها ايه؟
محمد: لوش عازه الاسم.
دهب: نفسي اعرف.
محمد: عاوزه الصراحه؟
دهب: ياريت.
محمد: انا بعد كام سنه لجيت ليلي اخت المرحومه جابتلي بتي وجالتلي خليها معاك، كان وجتها ليلي معاها بتها علي يدها وكانت شبهك جوي.
دهب: يعني لجيت بتك؟
محمد: اه لجيتها.
دهب: بس انته ف الاول جولت انك لسه ملجيتهاش.
محمد: معلش يابتي كدبت عليكي لكن انا حاسس ان اجلي جرب ولو جرالي حاجه خلي بالك منيها.
دهب: وهو انا اعرفها؟
محمد: بتي تبجا فاتن.
دهب: فاتن بتك ازاي اجولك انا؟
محمد: انا خليت واحد صاحبي يجيب فاتن علي انها بته وكت مديله فلوس كتير عشان يديهالي جدام حليمه ويجوللي انا مسافر وخلي بتي عنديكم. وطبعا حليمه فرحت بالفلوس وجالتلي اهي تخدم بلجمتها. جولتلها ابوها سابلنا فلوس كتير جالتلي خلاص خد الفلوس ورجعها لابوها.
دهب: ربنا يخليك ليها.
محمد: لكن انتي تعرفي فاتن منين؟
دهب: انا دهب بت ليلي اخت شريفه الله يرحمها.
محمد: وانا بجول ايه الشبه اللي بينكم ده.
دهب: خلاص هنزل انا وابجا اطلعلك كمان شويه.
(كل هذا وحليمه واقفه خلف الباب وسمعت كل حاجه)
حليمه: انا لازم اخلص عليك يا محمد وبعدها ابجا افوج للحلوين. انا هروح علي جاعتي عشان اشوف هعمل ايه.
(تذهب حليمه الي قاعتها. وهنا تخرج دهب من قاعه محمد وهيا ف حيره)
دهب: ايه الكلام ده انا اللي بته مش فاتن، انا هروح اشوف خالتي وافهم كل حاجه منيها، انا هخرج من غير ما حد يحس بي.
(حليمه تفتح الدولاب لتخرج منه لفافه)
حليمه: انا كده هعمل لمحمد الاعشاب واحطله فيها السم الخاين، خليني اخلص منيه وكمان جايب بته وسط عيالي.
(تنزل حليمه الي المطبخ لتعد الاعشاب وتضع فيها السم وتصعد الي قاعه محمد)
محمد: ايه يا حليمه لساكي فاكر اني؟
حليمه (بخبث): وانا أجدر انساك بردك، ده انا حتي عملتلك اعشاب عشان تدفي صدرك.
محمد: كتر خيرك.
حليمه: خد اشرب.
(لياءخذ منها محمد الكوب ليشرب الاعشاب)
محمد: ليه طعمها كده؟
حليمه: أصلها محلايه منها فيها.
محمد: تسلم يدك.
حليمه: اشرب يا غالي اشرب.
محمد: خلاص مجادرش.
حليمه: له كمله كله.
محمد (بطيبه): حاضر.
(ليشرب محمد كوب الاعشاب علي آخره)
حليمه: الف هنا.
(وهنا يصرخ محمد)
محمد: بطني بطني!
حليمه: بطنك ياخسيس يا خاين بجا جايبلي بتك تعيش معاي. علي العموم انته كده خلاص روحك هتطلع واخلص منيك ف ستين داهيه.
محمد: حرام عليكي يا مفتريه.
حليمه: خلاص كلها دجايج وروحك تطلع.
(وفعلا بعد دقائق كان محمد قد أسلم الروح لخالقها)
حليمه: حلال فيك انا بجا. ها اخد الكوبايه وامسحله خشمه بالفوطه وادسها عندي ف الدلاب.
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق