رواية صراع القاسم الفصل الثالث والرابع بقلم الكاتبه سلوي عوض حصريه وجديده
قاسم: وبعدين اشوف الست صابرين، البت بجيت جد الجاموسه.
ليضحك قاسم ويقول: احسن، عشان اللي يشوفها يجول اني مغرجها ف العز. اروح اشوف البت الجديده طلعت لابوي ولا لسه.
ليخرج قاسم ليجد دهب امامه تحمل صينيه الطعام.
قاسم: طالعه لابوي؟
دهب: اه حضرتك.
قاسم: جوليلي بجا، انتي مداريه وشك ليه؟
دهب: له عادي.
قاسم: بس حسك ناعم وحلو.
دهب: عن اذن حضرتك.
قاسم: روحي روحي.
لتدخل دهب قاعه الحج محمد.
دهب: السلام عليكم.
محمد: وعليكم السلام، انتي مين؟
دهب: انا دهب، خدامه جديده.
محمد: تعالي يا بتي، معلش ممكن تذجيني؟
دهب: من عيني حاضر.
محمد: حضرلك الخير يا بتي، انا جعان جوي، ليا يومين حدش ساءل في.
دهب: انا بعد كده هبجا مسؤوله عن كل حاجه تحتاجها، تعالي اعدلك عشان تاكل.
محمد: باين عليكي طيبه، ربنا يسترك، ينفع اشوف وشك؟
دهب: اه طبعا.
لترفع دهب النقاب.
محمد: ايه ده؟ شريفه! انتي شريفه صح؟
دهب: شريفه مين يا بيه؟ انا دهب.
محمد: سبحان الله، انتي شبهها جوي.
دهب: مين شريفه ديه؟
ليتنهد محمد: شريفه ديه حب عمري وكانت مرتي، بس ربنا بجازي اللي كان السبب. لكن انتي منين يا بتي؟
دهب: انا ابجا جريبه فاتن.
محمد (بدهشه): جريبه مين؟
 |
دهب: في حاجه؟
محمد (في سره): دلوك بس عرفت الشبه بينك وبين شريفه.
دهب: في حاجه؟
محمد: له، دهب يبجا تاخد العلاج وتاكل لجمه عشان نغيرو الجلابيه ديه.
محمد: بجاللي سبوع مغيرتش، ياشريفه حدش معبرني. عارفه يا شريفه؟ من وجت ما مشيتي وانا بركت زي الجمل ومجادرش اجوم.
دهب: والله انا دهب.
محمد: معاش، خوديني علي جد عجلي، بيني وبينك هجولك شريفه، لكن جدام اي حد انتي دهب.
دهب: حاضر، بس تاكل وتاخد علاجك عشان تشد حيلك.
محمد: هااعمل كل ديتي، بس بشرط.
دهب: شرط ايه؟
محمد: تطلعي كل يوم تجعدي معاي.
دهب: بس كده؟ من عيني.
محمد: تسلم عيونك، الا جوليلي هما عاملين ايه وأخبارهم ايه؟
دهب: هما مين؟
محمد: عيالي وأمهم.
دهب: حلوين، بس في حاجه هتجنني.
محمد: بعد الشر عليكي، حاجه ايه؟
دهب: اللي اسمه جاسم ده بخيل بطربجه محدش يصدجها، اعوذ بالله من بخله.
محمد: منها لله، هيا السبب، رضعته الجسوه والبخل ف كل حاجه.
دهب: جصدك الست حليمه؟
محمد: هو فيه غيرها؟
دهب: ده يا عيني معيش خواته ف ذل، والله افجر بيت ف البلد، بياكلو احسن منيهم.
دهب: اجولك علي حاجه.
محمد: جوللي.
دهب: مع انكم يعني غناي وعنديكم اراضي وفلوس كتيره، انا مبحسدش، بس يعني ده بيعد عليهم اللجمه، ولما دبحو فروجتين أدوني انا والبت فاتن كل واحده جونصه شويت رز، هو ده غدانا!
محمد: انتي بتجوللي فيها ما، اهم مشيعبنلي جحرود مطجش. ياله، المهم اسمعي، اوعي تخلي حليمه تشوفك من غير نجاب.
دهب: ليه يعني؟
محمد: بكره هجولك.
دهب: ياله بجا، الوكل برد.
لتبدء دهب في إطعام الحج محمد.
---
اما قاسم قد اتصل بصاحب الماركت.
قاسم: ايه يا عوف، الليل ليل، فين صبيك؟
عوف: تلجاه وصل عند حضرتك.
قاسم: استني كده، خلاص اهو وصل.
قاسم: فين الفلوس؟
الصبي: اهي.
قاسم: هات، طيب استني اجيبلك الحاجه.
قاسم: اه، ابجا جول لعوف العيال الصغيرين خدو كام حاجه كده كلوها، عيال بجا هنعملو ايه.
الصبي: الف هنا يا كبير.
قاسم: انته باين عليك بتفهم غير معلمك خالص.
الصبي: معلش يا كبير، هاتلي الحاجه عشان اتاءخرت.
قاسم: اصبر هطلع اجيبهالك.
ليصعد قاسم الي قاعته الخصوصيه ليحمل الاشياء وينزل.
قاسم: خد يا اخوي.
لياءخذ الصبي الاشياء.
قاسم: استني.
ليفـتح قاسم الايس بوكس وياءخذ واحده ايس كريم.
قاسم: هرطب علي جلبي بيها، ياله انصرف بجا.
الصبي: حاضر تحت امرك.
حليمه: يا جاسم.
قاسم: نعم.
لتري حليمه الايس كريم في يد قاسم.
حليمه: ايه ده؟ منين جالك؟
قاسم: اهو جاللي وخلاص، عايزه ايه انتي؟
حليمه: طاب هات حته.
قاسم: كل حاجه مشاركه فيها.
حليمه: خلص بجا جبل ما حد ينزل.
قاسم (بتاءفف): خدي يا اما، يا ابوي عليكي.
حليمه: بجولك.
قاسم: جوللي.
حليمه: عريس خيتك.
قاسم: ماله؟
حليمه: خليه يفك كيسه، شكله بخيل جوي، يجيبلها حتت دهب كده تذغلل عيونها.
قاسم: له مهو جاب وانا دسيتهم، روحي نامي بجا.
حليمه: ماشي، يجيب تاني، البت صغيره وحلوه، واخت الكبير، خليك ناصح كده، لازم يدفع دم جلبه، جال مالك مغليها، جال دافع دم جلبه فيها.
---
قاسم: اجعدي رطي انتي وعيدي وزيدي ف الكلام، وكتر الكلام بيجوع.
حليمه: ايوه صح، هطلع انام احسن.
قاسم: فين عيالك وحريمهم؟
حليمه: ف جاعاتهم كلهم.
قاسم: احسن يا كش يتخمدو خمده ميجومو منها.
قاسم: جوللي امين يا حليمه.
حليمه: تدعيش علي خواتك، حرام عليك.
قاسم: وهما مش حرام عليهم لما ياكلو فروجتين حيين ورز وطبيخ طماطم؟
حليمه: اسكت، ده مصاريني اتحشت حش.
قاسم: عشان تبجي تطلعي وتفوتيهم يجضو علي الوكل، جاهم وجع بطونهم، بس لو بطونهم وجعتهم هيجولو نروحو المستوصف، لكن له، والله ما اوديهم، خلي مصارينهم تتجطع عشان افش غلي فيهم.
--
اما في قاعه اشرف وعفاف.
عفاف: انته ياراجل جوم.
اشرف: ارحميني، جسمي مهدود.
عفاف: جعانه جوي، وولدك ليل نهار يرضع لما نشف جلبي.
اشرف: وانا اعملك ايه يعني؟
عفاف: جوم شوفلي اي حاجه اكلها.
اشرف: اتخمدي، مافيش وكل، اجيبلك منين؟
عفاف: معرفش، جوم.
اشرف: طاب اخرسي، هنزل ادعبسلك علي اي حاجه.
ليتركها اشرف ويخرج من القاعه ويهم أن ينزل، لينظر من علي درابزين السلم ليري قاسم يجلس، ليرجع الي قاعته مره اخري.
عفاف: جيت بسرعه ليه؟
اشرف: جاسم جاعد تحت، استني لما يطلع وشوفي حاجه عند نواره كليها.
عفاف: لسه هستني؟ بجولك دايخه وجلبي غطس من الجوع.
اشرف: اخرسي بجا، عاوز اتخمد.
--
عفاف: انا هتسحب واخش عند نواره اشوف عنديها اي لجمه.
لتخرج عفاف وهي تتسحب وتدخل عند نواره.
نواره: تعالي يا مرت اخوي.
عفاف: عندك حاجه تتاكل؟
نواره: اه عندي، بس اصبري، اسك الباب بالمفتاح.
لتغلق نواره الباب، وترفع المرتبه.
نواره: جدامك الوكل، تاكلي ايه؟
عفاف: ايه ده كله؟
نواره: بس يابت، ديه حاجه صابرين ابوها مشيعهالها، وفي ساجع كمان.
عفاف: الحجيني، الاجلبي غطس مني.
نواره: طاب كلي جبل ما امي تطلع وتشندل عيشتنا.
لتاءكل عفاف بنهم.
نواره: براحه يابت، انتي عمرك ماشوفتي وكل.
لتضحك عفاف: هشوفه فين ف بيتكم؟ الا جوليلي، صح انتي موافجه علي الراجل العجوز ده؟
نواره: هعمل ايه يعني، أن جاك الغصب خديه بالرضا.
عفاف: طاب ومهران؟
لتتنهد نواره: مهران وحيد ناسه.
عفاف: اهربي معاه.
نواره: يا مري له، طبعا ده كان جاسم يجطع خبرنا، امي جالتلي اتجوز العريس، ولما يموت اورثه واتجوز واحد من سني.
عفاف: الحمدلله شبعت، روحي يا نواره، ربنا يستر عرضك.
نواره: علي جاعتك، ياله.
عفاف: اصبحي بالخير.
نواره: وانتي من اهل الخير.
شرف: هدي، بطني وجعاني.
هدي: ليه؟ من إيه؟
شرف: أصلي حامل.
هدي: يخربيت ناسك! حامل إزاي؟
شرف: جر إيه ياراجل، إنت مش جوزي.
هدي: ما إنتي عارفه إن جاسم جال كل واحد تلت عيال بس، وإحنا عندينا تلاته.
شرف: وهو جاسم هيتدخل ف حكم ربنا؟
هدي: ف الكام، إنتي لسه أربعين يوم.
شرف: طاب أوعاكي تعرفي حد، على ما أشوف أجيبها لجاسم إزاي.
هدي: عارف، لو ينفع أزمج واروح بيت أبوي، لكن كل ما أزمج يرجعني ويجولي "عيشي، حد طايل عيشتك أجوله "مجوعينا يا أبا"، يجولي "دول أغنى ناس ف البلد". اسمعي، هوّعيشي.
شرف: يبجا تسمعي كلام أبوكي وتعيشي.
___
اما في قاعة شريف واحلام
أحلام: لميته، هنعيشو ف الشح ده؟
شريف: يا بت مش جايبلك شندوتشات كبده.
أحلام: ده كل موسم لما بتدس جفصين فاكهه من ورا خواتك.
شريف: احمدي ربنا.
أحلام: يعني إنتو تلت رجاله معارفينش توجفو لجاسم اللي خلاكم تنجو الغله زي الحريم؟
شريف: متخلنيش اجوم أعجنك.
أحلام: مجادرش غير عليا.أشطر علي أخوك ده حاجه مرض.
شريف: اتخمدي طيب، وفي جفصين فاكهه هبيعهم بكره واجيبلك اللي عايزاه.
أحلام: بتوعك وحدك.
شريف: آه دسيتهم من خواتي.
أحلام: خلاص عاوزه لحم كتير.
شريف: وهتعلي اللحم فين يا ناصحه؟
أحلام: خلاص هاتلي كباب.
شريف: حاضر هجيبه وابجي خديه بالسبت.
أحلام: من عيني ربنا يخليك لي.
شريف: طاب اتخمدي بجا.
اما قاسم فدخل القاعه عند صابرين
قاسم: بجا بتجرطسيني وتجيبي وكل من عند أبوكي وتدسيه مني؟
صابرين: أما عاوزني أموت من جله الوكل؟
قاسم: طاب طلعي الوكل بتاع أبوكي.
صابرين: خلص كلته.
قاسم: نهار أبوكي أسود.
4=الرابع 4 /
بارت 4
قاسم: نهار أبوكي أسود، خلصتيه كله؟
صابرين: ديه حاجه أبوي مشيعهالي عشان اتجوت بيها.
قاسم: تتجوتي؟ ده إنتي بجيتي عامله زي الخزان.
صابرين: خلاص بجي عايزه أنام.
قاسم: اتخمدي خمده تخمدك ف الندا بدري.
صابرين: أنا هروح لأبوي ف الصبح.
قاسم: غوري مطرح متغوري.
(يتركها ويخرج من القاعه)
قاسم: أنا عاوز أشرب جهوه، أخد البن بتاعي واعملي فنجان.
(أما دهب كانت تجلس ف القاعه المخصصه لها هيا وفاتن)
دهب: بت يا فاتن، أنا عشطانه.
فاتن: روحي المطبخ اشربي، بس اسمعي تولعي النور وتطفيه ف لحضتها.
دهب: طيب.
(لتخرج دهب قاصده المطبخ، لتسمع صوت أحد يغني)
دهب: يا أما المطبخ مسكون وله إيه؟
(ليسمعها قاسم)
قاسم: بتعملي إيه عندك دلوك يا بت إنتي؟
دهب: أصل أنا كت جايمه أشرب.
قاسم: تشربي وله تسرجي وكل من التلاجه؟
دهب: هسرج إزاي والتلاجه بجفل؟
قاسم: آه صح، المهم تعرفي تعملي جهوه مظبوطه؟
دهب: آه بعرف.
قاسم: خدي كيس البن، لجمي على جد فنجان وهاتي الكيس تاني.
دهب: حاضر.
---
(أما عبدالسميع كان يتحدث مع نفسه)
عبدالسميع: وبعدين يا عبدالسميع، لازم تخش جوه عيله جاسم بسرعه واصرف. ولا يهمك، الكنز اللي تحت البيت هيخليك أغنى واحد ف الدنيا كلها. أمال إيه؟ عشان كده هوصي الحاتي على كفته وكباب وحمام كتير، واخد زياره واروح عشان جاسم المجشف هو وناسه يبجو زي الخاتم ف صباعي. واخد كمان حلويات وكده أبجا زغللت عيونهم، مساكين ميعرفوش حاجه. تلجي جاسم نايم دلوك، بكره بعد ما أجيب كل حاجه اتصل بيه وأجوله أنا جاي أتغدي معاك. (يضحك) ده ممكن يموت فيها، يحسبني هكلفه.
---
(أما صابرين كانت قد أغلقت باب القاعه بالمفتاح، لترفع مرتبه السرير لتخرج كرتونه شيبسي)
صابرين: هو مادام خرج من عندي، يبجا راح جاعته الخصوصي. أكل أنا بجا وأمتع نفسي بدل ما أنا خسيت النص كده من جله الوكل.
(تنظر إلى المرايا)
صابرين: حسره جلبي على نفسي، خسيت كتير وكمان وشي مصفر كده. آه من جله الوكل. أنا هخلي أبوي يخليهم يدبحولي دكر بط وكام جوز حمام، آه ويتكبسو فريك عشان آكل وأشبع بدل الشح اللي عايشه فيه هنا. ووشي المصفر يرد، منك لله يا جاسم إنت وامك. الهي يشندل حالكم زي ممشندلين عيشتي. الهي تشتهو المايه متلجوها، وينشف جلبكم وكبدكم.
صابرين: يا أبوي، الشيبسي خلي صدري ولع. أطلع جذاذه ساجع أشربها. الهي تشرب المر يا جاسم إنت وامك.
---
(أما ف المطبخ، نجد دهب تصب القهوه)
دهب: الجهوه يا كبير.
قاسم: هاتي.
(يرتشف قاسم من القهوه)
قاسم: نفسك ف الجهوه حلو.
دهب: كتر خيرك.
قاسم: إنتي وكلتي أبوي وأدتيه علاجه؟
دهب: آه، وغير كمان ومنزلتش من عنديه غير لما راح ف النوم. حضرتك، بس يعني عايزه أجول حاجه لحضرتك.
قاسم: حاجه إيه؟
دهب: أصل يعني الحج محمد بيجول محدش بيساءل عليه خالص.
قاسم: اسمعي يا دهب، من النهارده كل شغلتك أبوي، أي حاجه غير كده له.
دهب: طاب الست حليمه هتوافج؟
قاسم: مافيش حد هنا ليه كلمه غيري، فهمتي؟
دهب: آه فهمت، وكمان هو جالي نفسه ياكل فروجه ويشرب شربتها.
قاسم: طيب بعدين، ما إحنا لسه دابحين فروجتين اللي طفحوهم المذاغيف.
دهب: اسمحلي حضرتك، هو بياخد علاج تجيل جوي ولازمه غذا.
قاسم: مش جولت بعدين؟ ياله روحي ناميلك كام ساعة كده.
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
تعليقات
إرسال تعليق