رواية بنت الشيطان الحلقه الاولى والثانية والثالثة والرابعة والخامسة بقلم الكاتبه رحمه نبيل حصريه وجديده
في شقه بسيط جدا تتكون من غرفتين صغيرتين للنوم وحجره للضيوف ومطبخ وحمام صغير وصاله صغيره شقه بسيطه جدا ولكن جميله وبالطبع ليست هادئه ابدا
في احد الغرف كانت تنام هي بفوضويه حيث تنام علي بطنها وتضع يدها علي وجهه فتاه اخري تنام أيضا مثلها فجأه فتح باب الغرفه ودخل هو كعادة كل صباح بطبق فيه قطع ثلج ذهب إلى سريرهم واخذ قطعتين من الثلج ووضع في ظهر كل واحده منهم قطعه ثواني وبدأت رقصه الهنود الحمر الصباحيه المعتاده حيث نهضت الفتاتان من النوم وهم يقفزون بشكل مضحك ويصرخون من الثلج الموضوع في ظهرهم نظر هو إليهم بملل فهذا روتين كل صباح
بعدما هدأت الفتاتان نظرت هي اليه بشر
سمر /ابو ام رخامتك ياجدع يخربيت كده
عمر بملل /يعني هي اول مره يعني
نور وهي مازالت ترتعش /يا اخي تبا لك كل يوم نصحي نتنطط كده
عمر بضحكه /العيب عليا مش بعملكم تمارين صباح وكمان بتصحوا مفرفشين
سمر وهي تبحث عن شئ
عمر /بتدوري علي حاجه ياسمورتي
سمر /لحظه يا روح سمورتك
ثم نظرت لنور /الا قوليلي يانور مش كان في سكينه هنا امبارح راحت فين
عمر وهو يبلع ريقه /ليه يا حبيبتي هتبطخي علي الصبح كده
سمر بنفي /لا مش هطبخ ياعونيا ده انا هقطع بس
عمر /تقطعي أيه مش فاهم
سمر /هقطعك انت يا حبيبي
عمر وهو ينظر في الساعه /ياخبر شوفي اتأخرت ازاي المدير كده هيتعصب عليا وهو اساسا متعفرت لوحده يلا تيك كير يابنات
وركض قبل أن تتحدث سمر
نظرت سمر لنور وجدتها نائمه /يخربيتك بتنامي وانتي واقفه انتي يابت ملبوسه
نور نور انتي يازفتتتتته
نور وهي تستيقظ بفزع
 |
تمام يافندم
سمر /تمام يافندم مين اصحي يا ماما انتي في البيت مش في المديريه
نور /اه ياني ياما هموت وانام حرام عليكم مش بلحق انام
سمر /قومي يابت فوقي كده عشان تروحي شغلك مش قد الشرطه بتدخليها ليه
نور بنعاس /بابا الله يسامحه حب يعوض حلمه فيا لانه كان عايز ولد ويدخله شرطه بس ربنا رزقه بيا قام دخلني انا
سمر / انا عارفه دخلتي شرطه ازاي بغبائك ده
نظرت لها نور بغيظ/ غبيه في عينك ياحيوانه ده انا اللواء دايما بيديني أصعب المهمات دول مسميني امرأه المهمات المستحيله واي مهمه مستحيله بيجوا يتحايلوا عليا عشان اروحها مش عارفه اوصفلك كميه الحب والاحترام اللي بيحترموني بيها هناك
اللواء بصراخ /نووووووووووووور
دخل العسكري /في حاجه يافندم
اللواء وهو يشعر انه سيموت /فين الضابط نور
العسكري /لسه ماوصلتش يبشه
اللواء /فوضت أمري إليك يارب يارب ياتخدني ياترحمني منها يارب
ثم نظر للعسكري /اتفضل انت ولما تيجي خليها تجيلي فورا فاهم
العسكري /امرك يا سياده اللواء
اللواء /انا عارف البلوه دي وصلت لكليه شرطه ازاي يارب يانور ربنا يرزقك بواحد يطلع عينك واشوفك بتتسحلي كده عشان اطفي ناري منك هطلع معاش مبكر بسببك
في مكان مظلم كان مقيد علي كرسي وجلس أمامه رجل بكل كبرياء وقوه
الرجل وهو يدخن السيجاره /برضو مش هتعترف مين اللي بعتك تتجسس عليا
نظر له الرجل المقيد ببرود وسخريه /لا
احترق الرجل الذي أمامه من بروده /ماتنطق بقي صدقني النفي مش هيفيدك لو قلتلي مين اللي بعتك انا هديك مبلغ كبير عمرك ماتتخيله وهتكون دراعي اليمين
نظر له ببرود شديد /لا
احترق الرجل اكثر وأشار لرجاله ليبدأوا ضرب فيه ولكن لحظه واحده ووجد رجاله مسطحين في الأرض نظر لهم بصدمه ثم رفع نظره وحده يقف أمامه بطوله وعضلاته ونظرته المخيفه نظر له برعب /ازاي ازاي انت مين
نظر هو له نظرته المميته /انا الشيطان
وصلت نور لعملها وهي تركض في الممر وتصطدم بهذا وذاك وتركض وهي تولول /يا لههوي اتأخرت سياده اللواء هيموتني اه يانا كل بسببك ياسيد انت اللي رمتني الرميه الهباب دي
دخلت مكتبها بسرعه كبيره والذي يوجد به مجموعه اخري من الفتيات معها بالقسم
جلست نور وهي تتنفس بسرعه كبيره
صديقتها (مريم) /كالعاده متأخره
نظرت لها نور /اعمل ايه الطريق زفت خالص
صديقتها ميار /متبرريش عدم انتظامك بانه بسبب الطريق انتي غير مؤهله اساسا انك تكوني في مكان زي ده
نظرت لها نور بغيظ فهي دائما ماتتفنن في اغضابها منذ أن جائت لهنا وهي تزعجها
احمر وجه نور بغضب فكانت جميله جدا وطفوليه جدا /علي فكره بقي انتي واحده مش كويسه عشان كل يوم كده تقولي كلام مش حلو ليا
نظرت لها ميار بغيظ هي محقه فهي تغار كثيرا من جمال نور الطفولي هذا رغم ان ميار متفجره الانوثه ولكن نور جمالها فريد
دخل العسكري /حضره الظابط نور
نور مقاطعه /والله مانت قايل سياده للواء عايزني صح
هز العسكري رأسه
نور /اتفضل انا وراك
نظرت لها سماح صديقتها والتي تعد أقرب شخص لها في الصفات فهي غبيه أيضا
سماح وهي تأكل التفاح /استلم بقي ياكبير هيكدرك
ضحك الجميع علي نور
نور وهي تنظر لهم بغيظ /بتضحكوا علي ايه هي اول مره يعني
ثم تركتهم وتوجهت لمكتب اللواء وهي تدعي الله الا يزيد في صراخه عليها فهي يمكن أن تبكي
دخلت نور بعدنا سمح لها اللواء بالدخول
نور وهي تنظر له بقلق /حضرتك طلبتني يافندم
اللواء /اهلا بالباشا اللي معلي ضغطي وجابلي السكر
نظرت له نور براءه /انا يافندم.
اللواء /لا يابريئه ياملاك مش انتي
نظرت له ببسمه غبيه /شكرا يافندم
اللواء /حرام عليكي اعمل فيكي ايه اتنقلتي من ميه قسم جنايات ومخدرات وآداب اعمل ايه تاني اوديكي فرقه الآلات الموسيقية
نور وهي تكاد تبكي /طب انا عملت ايه يافندم بس
اللواء /هاني ابو العزم اللي وكلتك انك تراقبيه كويس
نور/منا راقبته والله يافندم وكنت وراه في كل حته اعمل ايه تاني طيب
اللواء وهو يمسك التقرير / حضرتك كتبالي ان الاستاذ بيشرب قهوه ساده وبيحب يلبس اللون الكحلي الاغنيه المفضله dance monkey
نور /ايه هو مش بيحب الاغنيه دي ولا ايه
اللواء وهو يخرج دواء من الدرج ويأخذ اكثر من حبه دواء مره واحد /اشكو إليك يارب
نور وهي تكاد تبكي /ايه طيب
اللواء /هو انا بعتك تعملي معاه لقاء صحفي انا بقولك تراقبي اعماله مش تراقبي بيحب القهوه ايه وبيلبس ايه
ثم قال بسخريه /اوعي تكوني نسيتي مقاس جذمته
نور بفزع / نسيت والله يافندم اسفه بجد
نظر لها بحاجب مرفوع كأنه يقول حقا
اللواء وهو يتنفس بصوت عالي /اسمعي يابت انتي لولا ابوكي الله يرحمه كان موصيني عليكي انا كنت دفنتك
نور في سرها /الله يرحمه بقي هو اللي رماني الرميه ديه
اللواء/ في سلسله سرقات بتتم في حاره اسمها حاره الفتوه عايزك تروحي وتعملي تحريات ومتلفتيش النظر ليكي فاهمه ودي آخر فرصه يانور بعدها هوقفك علي مدفع رمضان فاهمه
نور بدموع /فاهمه
نظر لها اللواء بشفقه فهي بريئه جدا ومثل الأطفال تفعل ما تأمر به علي اكمل وجهه ولكن إذا لم تحدد لها ماذا تفعل بالتحديد تخرب كل شئ وهذه غلطته انه لم يخبرها كيف تراقب هاني ابو العزم فقط قال لها راقبيه يوميا ولم يخبرها لماذا هو لا ينكر انها احيانا تدهشه بذكائها في التعامل مع المواقف الصعبه ولكن باقي الأوقات غبائها يطغي هي تركيبه صعبه جدا
اللواء وهو يحاول الا يجعلها تبكي /متزعليش مني يانور انتي عارفه انا بعزك ازاي انتي بنت الغالي وزي بنتي والله بس انتي فعلا بتخرجيني عن هدوئي.
نور /يافندم حضرتك قلتي راقبيه ومعرفش اراقبه ليه
اللواء /خلاص ياستي روحي المهمه دي وعايزك تحاولي توصلي لاي معلومه عنهم يانور وخلي بالك لحد يكشفك
نور وهي تنظر له ببسمه جميله /حاضر يافندم
عاد هو لمنزله ذهب للمطبخ وأخرج زجاجه ماء وشرب ثم خرج وصعد لغرفته خلع ملابسه كلها ماعدا الشورت فهو معتاد علي هذا استلقي علي السرير وهو يغمض عينيه لكي يرتاح قبل مهمه غدا هكذا حياته عباره عن مهمات يقوم بها ويعود وأصبح الأمر مثل روتين فاي مهمه معه ينجهزها وبدقه عاليه جدا فهو الشيطان معرف عالميا ومصنف كاكبر رجال المخابرات معروف من قبل جميع رجال المافيا اسما وليس شكلا فلا احد يعرف شكله الحقيقي فكل مهمه يذهب متنكر فيها بشكل مختلف تماما حسب نوع المهمه ولا يعرف احد شكله الطبيعي حتي رؤساء العمل هم حتي لايعرفون شئ عنه سوي انه مرعب ومدمر لايوجد فقط سوي الرئيس المباشر له هو من يعرف شكله وصديقه الوحيد جميع مهماته تكون شبه مستحيله ويستلم المهمه عن طريق ظرف يأتي له في البريد مكتوب بشفره معينه حيث انه لا يذهب للعمل او يجلس في مكتب مثل باقي الظباط هو مختلف تماما مرعب اسمه فقط كفيل ان يجعلك تموت من الخوف الي جانب مهاراته الكبيره حيث انه حرفيا اله قتال الي جانب تحدثه لأكثر من لغه ببساطه يستحق لقب شيطان وعن جداره نظر بجانبه للميكروفيلم الذي احضره من آخر مهمه واغمض عينيه وراح في نوم عميق
في مدرسه ابتدائيه
كانت سمر تسير في الممر متجهه للفصل فهي معلمه للغه الانجليزيه
دخلت للفصل لتجد التلاميذ كالعاده يصرخون ويعلو صوتهم ويقفزون علي الدسكات
دخلت سمر وهي تقوي نفسها علي هذه المهمه الجباره
سمر بصراخ /بسسسسسسس كل واحد يرجع مكانه
نظر لها الطلاب بلا مبالاة واكملوا ما كانوا يفعلون
سمر /من حق الاساتذه تطفش منكم ده انتم رخمين اوي
ثم خبطت علي المكتب بشده /قلت كل واحد مكانه
عم الصمت في المكان ونظر الجميع لها من هذه لتأمرهم نعم فهذه اول حصه لسمر في هذا الفصل الذي لم يكمل في اي معلم اسبوع كامل سمر وهي تنظر لهم /كل واحد يرجع مكانه حالا
صرخت في الكلمه الاخيره
نفذ التلاميذ أمرها بمضض
نظرت لهم بشرار /انا كنت ناويه والنيه لله اني أعمالكم كويس بس بعد اللي شوفته يمين بالله اللي هيتنفس هعلقه علي باب الفصل، امين
تحدث احد التلاميذ والذي يعتبر فتوه الفصل ويطلقون عليه عطوه /مابراحه يا ابله شويه علي نفسك
سمر وهي تنظر له بغضب /اولا اسمي ميس سمر ثانيا اتكلم باحترام ياض.
ثم نظرت لهم /اوعي يلا انت وهو تفكروني كيوت وبنت ناس لا اصحي ده انا ممكن اشرحكوا هنا سامعين
ومن انهارده لو سمعت شكوه من فصلكم انا مش هقوللكم هعمل فيكم ايه هسيب لخيالاكم العنان كده
يلا طلعوا كتب الانجلش عشان نبدأ الحصه
بنت بدلع غريب علي طفله /الكتاب الملون ولا الأبيض واسود ياميس
سمر /هو ايه اللي ملون وابيض واسود ده طلعوا كتاب الحصه
احد الفتيان وهو يسبل للبنت /يعني الملون ياجودي
نظرت سمر لهم بتعجب /يانوحي يانوحي
هي وصلت للتسبيل
اتعدل يلا انت وهي يخربيت ده جيل مهبب
طلعوا ياختي الكتاب الملون يا محنو
دي شكلها هتبقي سنه فله انا عارفه
في سوهاج وتحديدا منزل عائله المنصوري
عثمان /يعني عجبك يامرت عمي اللي عتعمله نور ده
سميره (والده نور) /عملت ايه نور عاد يا عثمان ماهي متلجحه في مصر اهي
عثمان /ماهي دي المشكله يامرت عمي كيف بنترك بنت عيله المنصوري لحالها في مصر
سميره /واه هي مش لحالها ياولدي هي قاعده مع عيال اختي هناك
عثمان /ياخالتي وانتي ازاي تسبيها مع شاب في مكان واحد أكده
سميره بيأس منه لأنها تعرف انه مجنون بنور /ده ابن خالتها واخوها بالرضاعه ياعثمان
عثمان محاول اقناعها /يامرت عمي ليه ماتجبيهاش تكون جدام عينك اهنه وانا اتزوجها
سميره /انت خابر عاد يا عثمان انها معتحبكش ومعتبراك اخوها وبس انساها ياولدي وشوف حالك انت وربنا يرزجك ببنت الحلال اللي تسعدك ياولدي وهي ربنا يرزجها بنصييها
عثمان وهو ينظر أمامه وقول في نفسه/ماعتكونيش غير ليا يابت عمي والايام بينا
عادت نور للمنزل ولم تجد احد لأنها عادت مبكرا دخلت وغيرت ثيابها وجهزت الطعام وجلست امام التلفاز وجدت كرتون سبونجبوب المفضل لديها اخذت تغني مع الاغنيه (من يسكن البحر ويحبه الناس) وهي تقول باعلي صوت/سبونجبوب سكوير باتس
في ذلك الوقت دخلت عليها سمر وجدتها تردد خلف الاغنيه سمر بصراخ /خايييينه وااااطيه يابسنت غدااااره قذررره يابسنت
نظرت لها نور /في ايه ياعم فوزي
سمر/كده يافواز تسمع سبونجبوب من غيري
نور /ماهي الحلقه بدأت وانتي اتأخرتي اعمل ايه يعني
سمر /طب اسكتي خلينا نسمع
دخل عمر وجدهم كالعاده أمام التلفاز تركهم وجلس علي السفره وبدأ بالأكل كل هذا وهم لم يشعروا حتي بدخول احد
انتهت الحلقه التفتت الفتيات السفره وجدن عمر يأكل واوشك علي إنهاء الطعام
نور بصراخ /بطاطسي ياطفس
عمر /احسن عشان تسمعي الكرتون تاني
نظرت له نور بدموع وقلب انكسر علي طعامها /مجرم خلصت بطاطسي يامجرم
نظرت سمر له /ساشرحنك يا عمر اقسم بالله خلصت البيض يامعفن.
وعمر وهو يأكل /في ايه ياحجه ريا وسكينه انتم كل ده عشان بطاطس وبيض شايط اهدوا شويه كده اقتربت منه سمر بشر نهض هو سريعا وركض لغرفته
ركضت سمر خلفه وهي تغني /الدور الدور الدور الدور هتموت ياللي عليك الدور
وخلفهم نور تضحك عليهم وذهبت للمطبخ لتقلي المزيد من البطاطس 🍟 لها
في منزل الشيطان كان يدخل وهو يبحث عنه لم يجده في الأسفل لذلك صعد لغرفته دخل وجد الغرفه ظلام دامس ذهب باتجاه الفراش وهزه /شيطان شيطان
في لحظه كان مسطح علي الارض وشيطان فوقه يضع سلاحه علي جبين صديقه
سراج برعب /ده انا الله يخربيت معرفتك يا اخي قوم عني
قام شيطان ببرود من عليه /قلتلك كام مره متحاولش تصحيني كده
سراج وهو ينهض /امال اصحيك ازاي يعني باللاسلكي
نظر له الشيطان نظره بارده وخاليه من اي شئ /نادي من بعيد ايه مش بتعرف تفكر
سراج /يا اخي مش هقرب منك تاني وانت نايم
شيطان وهو يرتدي قميص ويترك ازراره مفتوحه وخرج وخلفه سراج /اخلص ياسراج فيه ايه
سراج /الحاجه سماسم
نظر له شيطان /مالها
سراج /بتقولك ان في ناس اتهجمت على ابنها وخطفوه والست حاولت توصلك بس معرفتش كالعاده
شيطان وهو يشرب الماء /اللي خطفوه دول من نفس الحاره بتاعتها
سراج /ايوه من نفس الحاره
الشيطان وهو ينظر أمامه بنظره تنبأ انه يفكر في شئ /حاره الفتوه......
في المساء في منزل نور
كانت نور تفكر كيف ستذهب للحاره وكيف ستصل للعصابه فجأه خطرت لها فكره
في الصاله كانت سمر تجلس علي السفره وتصحح بعض الكورسات للتلاميذ وعمر يجلس أمام التلفاز
سمر /ايه القرف ده ده مش انجليزي ده خرا علي دماغهم اه يانا ياشبابك اللي ضاع في التربيه والتعليم ياسمر وايه ده كمان احيه ايه الكلام ده العيال بتكتبلي فرانكو ومفكرينه انجلش
عمر /هههههههههههه معلش ياحبيبتي حد قالك تدخلي تربيه اشربي بقي
نظرت له بسخط /يوم اسود ماهو كان يوم اسود يوم ما.. عفرييييييييت
عمر وهو ينظر لها /هو ايه اللي يوم ما عفريت ده
صرخت شيماء وهي تركض لاخيها/ الشقه ملبوسه بعفريته نتنه يا عمر
عمر وهو ينظر لما تنظر اليه /سلاما قولا من رب رحيم انصرف انصرف ياحفيظ يعني عفريته ونتنه كمان ياستير يارب
نور وهي تنظر لهم بسخط /عفريت لما يلبسك منك ليه يا كلاب ده انا قمر
عمر /بزمتك ودينك ياشيخه انتي مقتنعه انك قمر بعدين ايه اللي مهبباه في نفسك ده
نور /طالعه بكره مهمه في حاره ولازم اتنكر
سمر/تقومي تتنكري بعفريت
نور وهي تنظر لشكلها حيث كانت ترتدي عباءه بها الوان فاقعه ومرقعه وتضع في جيبها حزمه جرجير وترتدي باروكه شعر منفوش وتضع عليه حجاب والحجاب مرفوع بسبب الشعر ودهنت وجهها بلون غامق ووضعت حسنه كبيره بجانب انفها وطقم أسنان كبيره /ماله التنكر يعني مهو حلو اهو
سمر /حلو ايه ياشيخه اتقي الله بعدين معلش سؤال بايخ استحمليني المفروض انك دلوقتي متنكره في ايه اصل مش شايفه تنكرك غير في الكتعه
نور وهي تبرم شفتيها بملل /اصلك غبيه مش شايفه الجرجير ده
نظرت لها سمر بغباء /ايه ده هي المفروض ليها دلاله يعني مش من الديكور
تجاهلتها نور ونظرت لعمر /قلي انت ياعمر وسيبك من ام مخ تخين دي حزمه الجرجير دي مش بتوحي بحاجه
نظر لها احمد ووضع يده أسفل ذقنه كٱنه يفكر / امممممممم اوعي تقولي عشان الأكسجين
نظرت له نور وقذفته بريموت التكييف /أكسجين مين يا اهبل انت
عمر /الله مش خضره والخضره بتدينا أكسجين
نظرت لهم نور بغيظ/غلط كلكم غلط دي عشان توحي اني بياعه جرجير لاني هدخل الحاره علي اني بياعه جرجير
نظر لها عمر /لا فكره برضو
سمر ياشيخه /انتي منظرك ولا الدجالين نقصلك سبحه ومبخره وتلفي بيهم وتقولي حي
نور وهي تدخل غرفتها /اتريقي اتريقي ده اللي فالحين فيه انتي وهو ومش بتقدروا الناس العظيمه أمثالي
دخلت واغلقت الباب بعنف
سمر بتعجب /الناس العظيمه أمثالي البت اتهبلت اما اروح اشوف بقيت الكراسات
وعاد عمر لمتابعه التلفاز
في الصباح في حاره تنتشر فيها البلطجيه والفقر كانت عصابه الفتوه التي سميت الحاره علي اسمهم مجتمعين وهم يضحكون
نظر أحدهم للآخر بانزعاج بسبب بكاء هذا الطفل
حمص /ماتقوم ياعم حمو تشوف الواد ابن الزنانه ده
ذهب حمو للفتي الصغير وقام الصراخ في وجه
ذلك الوقت في حاره الفتوه كانت نور تسير وهي متنكره في زي بائعه الجرجير
دخلت الحاره وهي تحاول الوصول لأي شئ
في نفس الوقت كان شيطان يسير في الحاره بكل برود ولكن بالطبع متنكر ليس بشكله الحقيقي
أثناء سير نور لاحظت شخصين في احدي الزوايه يتبادلان شئ ما وعندما دققت لاحظت انه مخدرات ابتسمت نور وقد وصلت لمرادها تفرق الشخصين وسارت نور خلف الشخص الذي اعطي الاخر المخدرات فأكيد هو من العصابه صارت خلفه حتي وصلت لمنطقه مثل مكب النفايات وبه مخزن كبير دخل الشخص المخزن وهي اختبأت خلف الباب من الخارج وهي تسمع كلامهم عن الطفل نور / وكمان خطف أطفال مش سرقه ومخدرات بس
في الداخل كان هناك شخص يسير ولكن لمح ظل شخص عند الباب اقترب بحذر من الباب وفتحه فجأه فسقطت نور
نور بصراخ /اااااه ضهري ياغبي
نظر الرجل لها بشر انتي مين وايه اللي جابك هنا
نظرت له نور وقد كشف أمرها نور وهي تقلد صوت امرأه شعبيه / جرا ايه ياخويا جايه ابيع جرجير
الرجل وهو يجذبها /جايه تبيعي جرجير هنا انتي هتستعبطي ياروح امك
نور بصوت غليظ / الا الام يا باشا اه معلش دي نبع الحنان
الرجل / وكمان بتهزري طب تعالى بقي
واخذها ودخل للرجال كانوا يجلسون ويشربون الخمر والسجائر
الرجل وهو يلقي نور في الأرض
نور في سرها / كسرتني الله يخربيتك يا اخي
الرجل / شوف يامعلم البنت دي لقتها واقفه بره بتتصنت علينا يامعلمي
نظر لها الرجل الكبير بقرف من هيئتها / ارميها في المخزن لحد مانشوف حكايتها
نور / لا بقولكم ايه انا سمعت فلم الكرنك ميت مره وعارفه كل حاجه فاللي هيقرب مني هشرحه
الرجل الكبير / تشرحي مين يامره يامعفنه انتي مش شايفه نفسك ولا ايه
نور / نعم نعم نعم مالي شكلي ياخويا ده انا مزه كله يتمني قربي بس يكشي هي النفس بس
الرجل الذي احضرها / قومي معايا وبطلي رغي يخربيتك شكلك ده
نور وهي تشد يدها منه / بس متزقش الله
الرجل / انجري يابت من غير صوت
ادخلها في غرفه صغيره ورماها وذهب
نور / مابراحه ياجدع شويه الله
ثم قالت بنبرتها الطبيعيه / ياسوادك يانور عندها حق سمر اما قالت اني مش بعرف اتصرف اديني اتقفشت اهو ولولا تنكري كان ذمانهم اغتصبوني
ثم ابتسمت بفخر / انا ذكيه لانى اتنكرت كده تيجي سمر تشوفني
ثم تراجعت / لا تيجي تشوف خبتي ولا ايه ثم بنبره تمثل في البكاء / ياصغننه علي البهدله يانور اهئ اهئ كل بسببك ياسيد
في الخارج كان الرجال يجلسون يتحدثون حول صفقه جديده فجٱه رأوا ظل قادم من أمامهم رفعوا نظرهم وجدوا لرجل بلحيه كبيره وله أعين سوداء يقف أمامهم أغلق هذا الرجل الباب وذهب تجاههم تحت نظراتهم المتعجبه من جرأته كيف يأتي الي عصابه الفتوه بقدمه ذهب هذا الرجل والذي لم يكن سوي الشيطان متنكرا وجلس أمام كبيرهم ووضع قدم علي اخري
الكبير بغضب/ انت مين ياض انت وازاي تدخل كده علينا انت مش عارف احنا مين
نظر لهم نظرته المرعبه / لا عارف المرحومين والمغفور إليهم عصابه الفتوه
نظروا له بصدمه من هذا الذي يتجرأ ويحدث زعيمهم هكذا احد الرجال / انت حفرت قبرك بايدك
نظر لهم ببروده الذي يقتل من أمامه /تؤ تؤ تصحيح انتم اللي حفرتوا قبركم.........
خلص الفصل اتمني يعجبكم ودي مجرد بدايه بس وبإذن الله الجاي يعجبكم
مقابله الشيطان ونور هتبقي عامله ازاي
توقعتكم وايه رأيكم في أول فصل 🤗♥️
رحمه نبيل ❤️
#الحلقة_الثانية
في المدرسه
دخلت سمر للفصل ووضعت حقيبتها علي مكتبها
سمر / بهدوء كده عايزه اعرف مين كريم اشرف
قام فتي برفع يده / انا يا ميس انا
سمر / فخور اوي ياكريم تعالي ياحبيبي
ذهب إليها الفتي
سمر / عايزه اعرف ياكركر ياقلبي مين اقنعك ان الفرانكو هو الانجلش ياحبيبي
كريم / يعني ايه فلامنكو
سمر بصبر / كمان فلامنكو اتفضل يا استاذ كريم اسفه علي ازعاجك
ذهب كريم لمكانه
سمر / الاستاذ النحنوح خف تسبيل الله يكرمك ياحبيبي والبنوته الصغيره علي الحب لمي نفسك ياختي جاتكم البلي
طرق باب الفصل ودخل المدير
المدير / بقاطعكم ولا حاجه
سمر / اتفضل يافندم ولا يهمك
المدير / انا بس كنت عايزه اشوف مستويات الأطفال في تحسن ولا لا
سمر بصوت منخفض / هو انا لحقت اعمل حاجه ده انا مبقاليش هنا يومين
المدير / بتقولي حاجه يا استاذه سمر
سمر / احم لا يافندم ولا حاجه اتفضل يافندم
المدير للطلاب / good morning
نظر له الطلاب ببلاهه وفتحوا فمهم
سمر / احيه ياكسفتك ياحازم
احد الطلاب وهو يرفع يده / انا عارف ياميس اجابه السؤال ده اجاوب
سمر / سؤال؟!!! 🤔 جاوب ياحبيبي
الطفل / morning good
نظر له المدير ببلاهه قليلا / نعم ياحبيبي قلت ايه
الطفل بفخر / morning good
سمر بسرعه / قصده good morning حضرتك بس الولد ده عنده حول بس
الطفل باصرار /لا هي morning good
مش احنا لما حد يقول السلام عليكم بنقول عليكم السلام
هو زيها بقي good morning نرد morning good
نظر لها المدير
سمر بدفاع / ياحضره المدير دي لسه تاني class ولسه مبدأناش حاجه
المدير / بس مش لدرجه التحيه دي أساسيات يا استاذه ودول سنه سته
سمر / يافندم مش انا اللي كنت مسؤله عن الفصل انا لسه مسكاه قريب يعني ملحقتش اثبت نفسي
المدير / تمام يا انسه سمر قريب جدا هعمل مرور تاني واشوف وصلتي معاهم لفين
سمر / بإذن الله يافندم اشرف حضرتك
ذهب المدير نظرت سمر للطلاب بشر/ روحوا الله يكسفكم طلعوا الكتاب الأبيض، اسود يا خويا انت وهو
في شركات حميد الشرقاوي
كان عمر يعمل علي مشروع
دخلت عليه صديقته وهي فتاه لطيفه جدا وتحبه جدا ولكن هو يعتبرها شقيقته فقط
صابرين / صباح الخير ياباشمهندس
عمر وهو ينظر إليها / صباح النور ياصابرين اخبارك
صابرين / الحمدلله انت عامل ايه
نظر لها عمر ببسمه اخويه /الحمدلله بخير
صابرين / احم اي رأيك تتغدي معايا انهارده يا بشمهندس
عمر وهو ينظر لها ويعرف بماتفكر / اسف بجد يا صابرين بس والله مشغول جدا ممكن مره تانيه بإذن الله
صابرين بخيبه امل / تمام ولايهمك بعد اذنك
خرجت صابرين ونظر هو خلفها بحزن هو يعتبرها اخته فقط ولكن هي لاتنظر اليه هكذا دخل صديقه محمد ونظر لصابرين وهي تخرج
محمد / هي صابرين كانت هنا ليه
نظر عمر لصديقه /كانت بتعزمني علي الغدا
نظر محمد بحزن له قام عمر من مكتبه وذهب لصديقه / قلتلك يامحمد صارحها بحبك بدل مانت مش عارف ترسي علي بر كده
محمد / خايف ترفضني واخسر صداقتها ياعمر
عمر / يبقي علي الاقل عرفت مشاعرها بدل مانت متعلق مش طايل سما ولا ارض
محمد / تفتكر
عمر / توكل علي الله ياصاحبي
في المخزن نظرت نور في الغرفه التي هي فيها وجدت أطفال صغيره / اه ياجذم يعني مش سرقه بس لا واطفال كمان ومخدرات وبلاوي
ذهبت للأطفال وجدتهم يرتعشون من الخوف نظرت لهم بشفقه وخلعت العباءه التي ترتديها ووضعتها عليهم وبقت ببنطال قماش وتيشرت نور / يارب عديها علي خير حتي عشان الأطفال دول وانا والله لما اخرج هتدرب علي حجات تنفعني بدل مانا نيله كده
في الخارج
الرجل الكبير / لا ده انت عايز تتربي بقي
نظر لرجاله / هاتوه
ذهب احد الرجال ليحضره ولكن بمجرد ان رفع يده أمامه كان الشيطان يمسك يده ويضغط عليها بشده حتي سمعوا صوت تكسير عظامه نظر له الجميع بصدمه ثم هجموا عليه قام الشيطان ومسك الكرسي وضرب عليهم وكسره علي جسدهم حاء احد بسلاح كبير ولكن الشيطان مسك يده وقام بكسرها ورماه أرضا ومسك اخر من عنقه وخنقه وقام بضربهم جميعا ثم ذهب للكبير ونظر له نظره مرعبه / انت عايز ايه خد كل حاجه وسيبني في حالي ارجوك
نظر له الشيطان ببرود / مش بمد ايدي علي نسوان
كل هذا تحت أنظار نور التي كانت تنظر من النافذه عندما سمعت صراخ الرجال وجدت شخص يضرب الرجال بشده
نور / ايوه كسر عضمهم الكلاب دول
ثم صفقت بيدها / ايوه ياجامد لا باشا باشا يعني مفيش كلام اه لو يعلمني اضرب زيه كده
ثم فكرت لثواني / وليه لا انا هقوله يعلمني
بعدما انتهي الشيطان منهم توجهه الحجره التي توجد بها نور والأطفال وفتح الباب ركضت نور اليه / الله عليك يابني ده انت طحنتهم
نظر لها بتعجب من شكلها وتجاهلها وذهب للأطفال / كل واحد يروح لبيته يلا
ركض الأطفال للخارج ماعدا ابن السيده سماسم حيث انه كان نائم حمله الشيطان وخرج تبعته نور / انت بجد كنت فظيع انت عملت كده ازاي ها ها طب هو انت ممكن تعلمني ها اصل انا عايزه اتعلم ابقي زيك كده تفتكر هاخد وقت قد ايه اتعلم تفتكر هكون زيك كده انت مش بترد ليه
وقف الشيطان مره واحده اصطدمت به عندما وقف فجٱه
نور / اه خبطت في خرسانه ايه ضهرك ده
جائت السيده سماسم عندما رأته يحمل ابنها أخذته منه وهي تبكي وتقبله / ربنا يخليك يابني يارب ويسعدك دايما ويرزقك ببنت الحلال اللي تسعدك يارب
نظرت لها نور ببسمه ثم نظرت لهذا العملاق بجانبها
الشيطان / ولا يهمك
ثم تركها وذهب
نظرت له نور وركضت خلفه
نور / انت بتتكلم اهو امال مش بترد عليا ليه ها
ركب سيارته وكان سينطلق اوقفته نور
نور /طب حتي وصلني في سكتك ممكن
وقف ونظر أمامه ببرود
نور / اعتبر دي موافقه شكرا جدا
وركبت بجانبه
عم الصمت في السياره
بدأت نور تزيل تنكرها أزالت لون وجهها بمنديل وازالت طقم الأسنان وازالت الشعر المستعار
نظر لها ادم بصدمه من كتله اللطافه أمامه
نور / نسيت اشكرك علي مساعدتي
انا نور وانت
لم يرد عليها
نور/ انت ساكت كده علي طول
هو ليس معها الان هو مع هذه الملاك التي كانت رفيقه أحلامه منذ سنوات طويله نعم فهو منذ سنوات وهو يحلم بفتاه جميله والان هي امامه هو لايصدق
نور / مقولتليش اسمك ايه
الشيطان بدون النظر إليها / شيطان
نظرت نور له بتعجب من الاسم / ايه الاسم المرعب ده
وصل شيطان عند محطه باص واوقف سيارته نظرت له نور ببلاهه / ايه وقفت ليه
الشيطان ببرود / انزلي
نور / بس بيتي مش هنا
الشيطان / اركبي باص مش مشكلتي
نور وهي تهم بالنزول / ايه الوقاحه دي شخص معندهوش دم
نزلت نور وانطلق هو بسيارته بسرعه أخرجت نور هاتفها واتصلت بعمر ليٱتي لاخذها ونظرت خلفه بحزن كانت تريد أن تتدرب علي يده ولكن قررت انها ستفعلها ويدربها هو
ولكن كيف ستصل له
جاء عمر في هذا الوقت واخذها
عمر / خلصتي بيع جرجير
نور / هاهاها ظريف اوي يعني
عمر / مالك كده مش طايقه حد
نور / اسكت ياض ياعمر اما انا شفت حتت شاب ملهوش حل
عمر وهو يغمز لها / هي السنارة غمزت ولا ايه
نور وهي تضربه بكتفه / شوف الدماغ انا بتكلم في حاجه تانيه مش شكله خالص
عمر بتعجب / حاجه ايه
نور / ضربه
عمر / ضربه؟؟؟
نور بانبهار / اه ياعمر مشفوتش وهو بيضرب الاشرار كان عامل ازاي ولا بروده يخربيت كده ولا منظره تبص في عينه تحس بهيبه كده ونظرته مرعبه تخليك تتمني الموت
عمر بتعجب / هو مين ده
نور / معرفش حاجه وانا في المهمه كنت خلاص هروح بلاش بس هو جه انقذ الكل اه صحيح قاله اسمه الشيطان
أوقف عمر السياره بسرعه فارتد جسم نور للامام / في ايه ياغبي هتموتني
عمر وهو ينظر لها برعب / قلتي مين الشيطان
نور بتعجب من ملامحه / اه الشيطان ان تعرفه
عمر / ازاي شوفتيه اساسا وازاي متعرفيش شيطان المخابرات
نور بتعجب / شوفته زي ماشيفاك دلوقت وايه شيطان المخابرات ده
عمر /شيطان المخابرات ده حاجه كده زي الأساطير شخص اسمه لوحده كفيل يموتك بسمع انه مرعى جدا ومحدش عمره شاف شكله الحقيقي ده مشهور جدا يابنتي
نور / فعلا كان في لحيه وشنب كبار مغطين وشه غير انه لبس نضاره غطت ملامحه وكانش باين حاجه بس هو خطير اوي كده
عمر وهو يكمل طريقه / خطير ده مرعب بسمع عنه أساطير كتير والناس كلها عندها فضول تعرفه بس محدش يعرف شكله الحقيقي غير مدير اعماله بس
نور بفضول / مين هو مدير اعماله
عمر ظ سراج النويري
نور / مش ده مدير شركه النويري للادويه
عمر / هو ده يعتبر البوابه للشيطان اي حد عايز يوصل حاجه ليه بتبقي عن طريقه
نور وهي الآن عرفت كيف ستصل له وكلام عمر لم يزدها سوي اصرار اكثر
عاد لمنزله ونزع التنكر ونظر لنفسه في المرأه / اكيد مش هي ازاي ابقي بشوف واحده في أحلامي وتطلع موجوده فعلا اكيد مش هي حتي لو هي مش هينفع أقرب منها انا حياتي مش هتستحمل اي علاقه انا حياتي لشغلي بس اقنع نفسه بهذا وذهب ليستحم ويرتاح
في الصعيد
كان يجلس مع رجلان في منطقه نائيه وهو يشرب الخمر
عثمان / اه يامين يلايمني عليها
طه / هههههه انت لساتك عم تنمر علي بت عمك
عثمان / ومش هستريح غير لمن تكون مرتي
عوض / البت دي راحت مصر غير انها ضابط هتبصلك كيف يعني
عثمان / ليه مشبهش ياولد المركوب ولا ايه
طه / عوض مش جصده يا عثمان بس هو جصده انها اكيد شافت شباب هناك حلوين ومش هتبص للرجال حدانا اهنه
عثمان / ولو نور ماهتكونش غير ليا حتى لو اضطريت اقتل عشان اوصلها
دخلت نور للمنزل هى وعمر وجدت سمر تجلس وتسمع فيلم حزين 😔 وتبكي اقترب نور منها / يابنت الهبله يا سمر مالك ياختي
سمر ببكاء / اعاااااا شفتي يانور البطل ضحي عشان خاطر يسيب حبيبته تعيش بسلام كان ممكن يبطل خمره ويعيش معاها بسلام بس لا انتحر الجبان
نظرت نور للفيلم / اشيقي تو هو انتي مش اتفرجتي عليه ميت مره
سمر / بس حلو اوي بحب اسمعه
عمر بعدما بدل ثيابه وخرج / عملتي اكل ياسمر
سمر/ اكل ايه بقولك البطل انتحر
عمر / مايولع احنا هنطفح ايه
سمر / معملتش اكل
عمر / نعم ياختي معملتيش اكل ليه
نظرت له سمر / ايه جيت من المدرسه صححت الكتب وبتفرج علي الفيلم اقطع نفسي
عمر / لا معاذ الله نولع احنا حضرتك عادي
نور / خلاص ياعمر هغير واجي اعملكم بطاطس
عمر / بطاطس بطاطس معدتنا وجمعتنا منها
انا هنزل اجيب من السوبر ماركت لانشون وجبنه ومربي وهفوت علي الفرن اجيب فينو نمشي بيه اليوم
نور حتى تخرج عمر من عصبيه / اشطا ياكبير وانا هعمل عصير برتقان واعمل فشار ونجيب فيلم رعب وننتقم من البت دى
عمر بضحك / اشطا يبشه.
وخرج ليحضر الطعام وهي دخلت لتبدل ثيابها وبقيت سمر تشاهد الفيلم
دخل سراج للمنزل وجد شيطان يجلس أمام التلفاز وهو شارد نظر له بتعجب
سراج / شيطان انتي يابني.
نظر له بدهشه / انتي جيت امتي
سراج / لسه جاي مالك سرحان في ايه.
شيطان / ولا حاجه عادي مهمه كده جبت عشا معاك
سراج / اه جبت امتي ربنا يتوب علينا من أكل بره ده بقولك ايه مش ناوي تتجوز كده وتجيب وحده تعمل حس في البيت بدل ما احنا بوزنا في بوز بعض كده
نظر له شيطان / تفتكر حياتي تسمحلي اني اتجوز
سراج / ليه لا عادي
نظر له بشرود / انسي بقولك ايه يلا ناكل ونخرج عشان انا زهقان
سراج برفع حاجب / الشيطان عايز يخرج
الشيطان / ايه مش بني آدم ولا ايه.
سراج / لو عايز الصراحه ولا تمت للبني ادمين بصله
نظر له نظره مرعبه / طب يلا روح جهز السفره بدل ماتترحم علي نفسك
سراج وهو يركض من أمامه /هروح اجهز السفره
نظر شيطان في اثره وتذكرها هي مقتحمه أحلامه سرعان مابعدها عن عقله
عاد عمر وجد الفتاتان تتقاتلان
وضع عمر الأشياء علي السفره وركض لهم يحاول الفكاك بينهم ولكن كان الضرب الأكبر من نصيبه
عمر وهو يحاول جعلها تتوقف / اهدي يا سيد المعلمين بس هي قدك دي
سمر / ابدا وديني اجبها من شعرها الوليه دي
نور / امسكها ياعمر دي بقت مسعوره
عمر / طب في ايه فهموني
سمر وهي ترفع في وجههم فستان يبدو أن جديد ولكن به بعض القطوع.
عمر / ماله ده
سمر بصراخ وهي تحاول امساك نور من شعرها / الاستاذه قطعتلي الفستان اللي مش لبسته غير مرتين عشان ترقع العبايه اللي اتنكرت
نور تحاول اقناعها / عشان اكمل الدور يا سوسو يعني اروح بعبايه كامله وعاديه
نور وهي تضربها ولكن تأتي الضربات في عمر / لا ازاي تقطعي الدريس الجديد بتاعي عشان نسبك الدور وفي الاخر فاشله برضو
نور
نظرت لها نور بصدمه كٱنها قالت شئ لاتسمعه كل يوم / انا فاشله ياسمر
سمر / اه فاشله ايه زعلتي قال يعني مكنتيش تعرفي
نور نظرت لها بغضب / فاشله في عينك ياسمر انا ضابطه محترفه
سمر بسخريه / ضابطه ياشيخه غوري انتي بتعرفي تضربي عيل صغير
نوى بتحدي ستندم عليه / طب ايه رآيك اني في خلال تلات شهور هكون محترفه
سمر / لا والله طب انا موافقه
نور بتحدي / هتشوفي
عمر متدخلا ليفض القتال /time out ياجماعه يلا نطفح عشان هموت من الجوع
نور وهي تذهب ناحيه الغرفه / كلوا انتم بالهنا والشفا
سمر في اثرها / هي زعلت مني
عمر / الصراحه انتي زودتيها ياسمر مش كفايه كله شغال إحباط فيها نيجي احنا كمان نحبطها
نظرت سمر له بدموع خوف ان تكون احزنت والمت قلب اختها
دخلت سمر لغرفتها هي ونور وجدتها مسطحه علي الفراش وتنظر للسقف
سمر مقتربه منها / نور انتي زعلتي مني عشان قلت عليكي فاشله
نور وهي تربت علي يدها / لا عادي ياقلبي انا بتتقالي الكلمه دي اكتر من السلام عليكم وانتي عارفه اختك عمرها مابتحط حاجه في دماغها ابدا عشان اقدر اكمل.
عانقتها سمر / حبيبتي انتى مش فاشله ابدا كفايه قلبك الأبيض ده اللي زي الأطفال انتي جوهره يانور عيني
ابتسمت نور على اللقب التي تقوله دائما سمر / حبيبتي ربنا يديمكم ليا يارب
سمر / امين يا قطتي يلا بقي نطلع ناكل والا زمان الواد عمر نهي علي السفره. نظرت لها نور بضحكه طب روحي الحقيه وانا هغسل ايدي واحصلكم
خرجت سمر وأكملت نور تفكيرها كيف ستستطيع خلال ثلاث شهور القتال في البدايه هي كانت تأخذ امر الشيطان كتسليه لوقتها ومن باب الفضول ولكن الآن أصبح امر محقق يجب أن تبدٱ في خطتها سوف تجعل الشيطان يدربها بنفسه وهذا ماعزمت ان تنفذه في الصباح الباكر
في الصعيد كان يجلس كعادته مع طه وعوض
عثمان / يابووي البت نور مش عم تخرج من نافوخي
طه بخبث / هي تستحج الصراحه وهي كيف الجشطه
نظر له عوض بقرف هو يعرف طه دائما يطمع بكل شئ له ولا يبالي ان كانت تخص احد او حتي صديقه المقرب هذا اذا اعتبرنا ان نور تخص عثمان
كل هذا وعثمان لايعي شئ بسبب الثماله جاءت اليه فتاه تعمل هناك وأخذت تغويه واطاع هو شيطانه وغادر معها لشقتها التي اشتراها له فقط بعيدا عن منزلهم
كان شيطان يقوم بالتمارين في حجره تمارينه وكان يقوم بها بشده دخل عليه سراج وفي يده ظرف يوحي بمهمه جديده نظر له الشيطان نظرته المظلمه وجسده المعضل يلمع بسبب عرقه الذي يتساقط
سراج / القائد بعت لك تفاصيل المهمه الجديده
نظر له شيطان بمعني ان يكمل
سراج / جهز نفسك للذهاب لاسبانيا
نظر الشيطان أمامه بنظره توحي باستيقاظ الوحش داخله............
الفصل خلص اتمني يعجبكم وبجد من الاول كده عايزه تفاعل لان الروايه التانيه بجد مكنش فيها تفاعل كتير او يكاد يكون مفيش تفاعل يعني بارت قرأه تقريبا ١٥٠٠ شخص يبقي فيه ٢١ تصويت بس بجد حاجه بتخيب الامال والله هتخسر ايه لو البارت عجبك تدوس فوت لو سمحتوا ممكن تقدير شويه لتعبي
ياتري نور هتوصل للشيطان ولو وصلت هيوافق يدربها ولما يوافق حياتهم هتمشي ازاي بجنون وطفوله نور وبرود وشراسه الشيطان ♥️
كل ده هنعرفه في الفصول الجايه الروايه لسه في الأول ولسه الكبير جاي ورا 😉
دمتم سالمين ♥️رحمه نبيل ❤️
#الحلقة_الثالثة
رسالة لك 💌
إن الله الذي يُضيء ما بين المشرق والمغرب
لن يعجز أن يضيء عتمتك الصغيرة...))"♥🌍
صلوا على الحبيب المصطفى صلى الله عليه وسلم 💞 💞 💞 💞 💞 💞 💞
开始吧
💜💜💜💜💜💜💜💜💜💜💜💜
استيقظت نور من نومها ونظرت حولها لم تجد احد وتعجبت من ذلك فعاده يٱتي عمر ليوقظها هي وسمر اين هم ياتري هزت كتفها بعدم مبالاه وخرجت الصاله وهي ترتدي بيجامه طفوليه وتربط شعرها علي هيئه (ديلين فرس) دخلت المطبخ لتبحث عن إفطار لها وجدت رساله علي باب الثلاجه من سمر
سمر / صباح العسل يانور عيني عمر عنده مشروع جديد عشان كده مشي بدري وانا عندي حصه اولي عشان كده روحت المدرسه بدري ومرضتش اصحيكي عشان تعبك امبارح وانت مخطوفه ومسحوله ياعين امك
ملحوظه :انا اللي كلت الجبنه
انهت نور الرساله وهي تضحك علي ابنه خالتها المجنونه
فتحت الثلاجه لم تجد سوي بيض وخضار وبعض المربي واللانشون /لازم اقول لعمر يجيب خزين عشان الاكل ده
اغلقت الثلاجه ودخلت لغرفتها وهي تنوي ان تأكل اي شئ من الخارج خرجت من الشقه وجدت في نفس الوقت يخرج هذا الشخص السمج الذي تمقته استاذ عاطف محصل ضرائب معجب بها ويريد الزواج منها وعرض عليها ذلك
حاولت أن تتجاهله وتذهب ولكنه اوقفها
نور / نعم يا استاذ عاطف فيه حاجه.
عاطف بنظره تفحصيه لها /اه هو انا
نور لاحظت تفحصه لها / تصدق انك راجل ناقص
عاطف / الله الله الله ليه الغلط ده بس ياحظابطه
نور / حظابطه ده انت راجل وسخ متزوج ومخلف وعينك عايز تندب فيها رصاصه يامعفن
عاطف / ليه كده ايه اللي يعيبني يعني ده انا هعيشك عيشه ملوكي متحلميش بيها
نور وهي تشير لبطنه / بكرشك ده
نظر لها بحده
نور/ لا متشكرين افضالك مش بحلم انا بأحلام دي اصل بقول المعوذتين قبل ماانام
وتركته وغادرت نظر عاطف في اثرها بغيظ / ماشي يانور مسيرك يجي اليوم اللي تترجيني فيه اتجوز وساعتها هذلك يا قمر بس الصبر
ذهبت نور بغضب / ناقصه اهلك هي علي الصبح اووف
ثم ذهبت باتجاه عربه فول علي اول شارعها
نور ببسمتها المعروفه / صباحك فل ياعمو حمدي
حمدي وهو يضحك / يابكاشه صباحك قشطه ياقلب عمك حمدي ها ياست البنات نفس الطلب
نور / اه بس بسرعه ياعم حمدي عشان متٱخره
عم حمدي / حاضر يابنتي
وضع لها حمدي طبق فول ورغيفين من العيش وبيضه مسلوقه وطبق سلطه وطبق بطاطس مقليه اخذت نور تٱكل بسرعه وجدت هاتفها يرن نظرت وجدتها صديقتها مريم
نور وهي تٱكل / الو يامريم
مريم / انتي فين ياحجه اللواء عايزك وطالبك من بدري
نور / يا ربنا كل يوم لازم ابدأ بوصله تهزيق محترمه
مريم / هههه طب ياختي بسرعه لتبقي الدبل
نور / جايه اهو
اغلقت نور وصنعت ساندوتش لها وغادرت وهي تركض / سلام ياعمو حمدي عشان هتكدر
ضحك حمدي عليها فكل مره يحدث نفس الشئ هذه الفتاه ببسمتها وطفوليتها ومشاكستها قد عوضته غياب الأبناء دعي لها أن يرزقها الله شخص يسعدها ولم يعلم انها ستكون بنت الشيطان ♥️
في طائره متجهه لاسبانيا كان يجلس شاب صاحب بشره بيضاء وشعر اشقر وعيون زرقاء ولحيه خفيفه
اخذ الشاب ينظر في الملف أمامه الذي يحتوي علي مهمته نعم فهذا الشاب لم يكن سوي الشيطان ولكن متنكر حيث انه يلبس قناع بشكل اخر ولا احد يعرف شكله الحقيقي نظر في الملف أمامه مهمته الجديده هي الميكروفيلم الذي يتصارع عليه اكبر زعماء المافيا هو لايعلم مايحتوي عليه هذا الميكروفيلم سوي انه سلاح جديد وخطير ولكن ماهو متأكد منه انه مهمه جدا وهذا بسبب رغبه كل زعيم في الحصول عليه بل وصل الأمر للقتال بينهم واخر من فاز به أو عفوا سرقه هو ماتينيو الخابيترو زعيم مافيا أسبانيا والذي مولع بمصارعه الثيران كما يملك حلبه مصارعه خاصه به ليستمتع بالقتل نعم فالثور في هذه الحلبه ليس ثور 🐂 عادي بل ثور قاتل يقتل دون تردد ولم يستطع احد ترويضه سوي ماتينيو الخابيترو كما أنه ليزيد التحدي وضع جائزه لمن يستطيع هزيمه ثوره المميز وهي ان الفائز يمكنه طلب اي شئ منه دون أن يرفض طلبه أغلق الشيطان المستند ونظر أمامه يبدو أن مهمته هذه المره ليست ككل مره اغمض عينيه وهو يفكر في الطريقه التي سيصل فيها لماتينيو الخابيترو
وصلت نور المديريه وكل شخص يراها ينظر لها نظره لم تفهمها ويخبرها بالتوجه لمكتب اللواء تعجبت منهم نور هل لهذه الدرجه يحبون ان يتم تكديرها فهم يخبروها للذهاب ببسمه عريضه
ذهبت نور ودقت الباب وانتظرت الرد
اللواء من الداخل/ اتفضل
دخلت نور وهي تنظر له بقلق / حضرتك طلبتني
رفع اللواء رأسه لها / نور بنتي وبنت صاحب عمري الغالي
نظرت له نور بتوجس وضيقت عينها
أشار اللواء للمقعد / اقعدي اقعدي واقفه ليه ها تشربي ايه بقي
نور بدون تردد/ فراوله بلبن.
نظر لها اللواء بتعجب ثم طلب لها العصير
اللواء / برافو عليكي يابنتي انا كنت واثق انك قدها رفعت راسي بين المديرات التانيه
ثم اقترب منها بهمس / بس قوليلي ازاي عملتيها دي
نظرت له نور بتعجب ونفس الهمس / عملت ايه حضرتك
اللواء / كفايه تواضع بقي المديريه كلها شافت انتي عملتي في عصابه الفتوه دول متكسرين خالص ورجعتي الأطفال لاهلهم وبعدين كلمتينا نروح نقبض عليهم وهما متلبسين والمخدرات محطوطه مكان ما كانوا
نور وهي تفكر هي فعلا اتصلت بهم ولكن ليست هي من ضربتهم
نور لتوضح الأمور / بس يافندم مش...
قاطعها الطرق علي الباب ودخل العسكري يحمل العصير وضعها وخرج
اللواء وهو يشير للعصير/ اشربي يابنتي العصير واجهزي عشان المهمات الجايه محدش هيطلعها غيرك
بصقت نور العصير / نعم مهمات ايه اللي اطلعها دي
اللواء / انتي نجحتي في المهمه دي بامتياز فعشان كده المهمات الصعبه هنوكلها ليكي
نور وهي تنظر له بملامح توشك على البكاء اي مهمات صعبه هذه هي تكاد تقتل في المهمات العاديه نور محاوله التهرب / احم لا يافندم احب اسيب المهمات الصعبه للي بيعملوها مش عايزه اقطع عيش حد.
اللواء / انا اخدت القرار يا سياده النقيب اتفضلي انهارده اجازه تقديرا لتعبك امبارح
نور محاوله قول ماحدث / يافندم حضرتك فهمت غلط مش ...
اللواء مقاطع / انا اخدت قراري ياسياده النقيب اتفضلي
نظرت له نور بحنق طفولي وأخذت تتمتم وهي تخرج وتقلده / خلاص اخدت قراري ياسياده النقيب اتفضلي ياستير عليك راجل
ثم قالت ببكاء مصطنع / يامرك يا نور هعمل ايه دلوقتي اروح المهمات الصعبه واستشهد ولا ادور علي الراجل الغامض بسلامته واخليه يدربني ايوه ده فعلا اللي هعمله هروح للي اسمه سراج ده واقنعه يوصلني ليه مهو مقدميش حل غيره يارب بقي
ثم خرجت من المديرية وركبت تاكسي 🚖 وتوجهت لشركات النويري
وصلت نور للشركه وهبطت نظرت لها بانبهار / واااااااااو ايه الشركه دي
ثم نظرت للمدخل وهي تشجع نفسها الأمر الان لم يعد تسليه او فضول او حتي تحدي سمر بل حياتها ابتلعت ريقها وتوجهت للشركه اوقفها الحارس / رايحه فين انتي.
نور وهي تنظر له في الأعلي / طالعه لمدير الشركه
الحارس / وهو اي حد يجي للمدير نطلعه يلا ياعسل روحي العبي بعيد
نظرت له نور بغضب هل يراها طفله ام ماذا نظرت لثيابها هو معه حق فهي ترتدي سلوبيت جينز وقميص اصفر اسفله وتربط شعرها بفيونكه صفراء نظرت له برجاء ولكنه قابله ببرود نور في نفسها / ياباي علي دمك ايه ده انا شرطه المفروض ادخل عادي ايه الهبل اللي انا فيه ده
أخرجت نور الكارنيه الخاص بها ووضعته امام عينه وتكلمت بحده / عايزه اشوف المدير
الحارس بخوف / اسف يافندم مكنتش اعرف حضرتك اتفضلي
دخلت نور وهي تضحك عليه / ايه يانور الحلاوه دي يابت ههههه
وجدت أمامها الاستقبال ذهبت وجدت فتاه جميله جدا ومحجبه تجلس
نور / السلام عليكم
الموظفه / عليكم السلام اتفضلي اساعدك ازاي
نور ببسمه لطيفه / عايزه اقابل المدير.
السكرتيره / مستر سيراج
نور هزت رأسها
الموظفه / مستر سيراج في الدور 43 هناك هما هيوروكي المكتب بتاعه
نور /شكرا ليكي
الموظفه / العفو يافندم ده شغلي
انطلقت نور وذهبت المصعد وصل المصعد وفتح بابه ورأت شئ جعلها تفتح فمها بصدمه
وصلت الطائره أسبانيا وهبط منها الشيطان وسار بكل شموخ وركب سياره وذهب لفندق قريب من حلبه ماتينيو الخابيترو
دخل وفتح حقيبته وأخرج منها اسلحه مختلفه وقام بتحهيزهم وتخبئتهم في أماكن لا يستطيعون الوصول إليها غادر الشيطان حجرته متجها للحلبه ركب المصعد ولكن هناك شخص أوقف المصعد دخلت هي بكل اغراء فمن يري كتله الوسامه هذه ولا يحاول اغراءه نعم فالشيطان كان بشكله الحقيقي حيث انه له بشره برونزيه وغمازتين تظهران حتي اذا تحدث لحيه خفيفه تزده وسامه طوله وعضلات البارزه من التيشيرت الأسود رموشه الكثيفه
نظرت له بافتتان تدفع عمرها مقابل ليله بين أحضان هذا الفاتن بينما هو يتجاهلها كأنها هواء اقتربت منه محاوله خلق اي حوار معه حتي يلتفت لها ولكن كان بروده هو الطاغي عليه
تنحنحت الفتاه لتلفت انتباهه بينما هو ابتسم بجانبيه وسخريه عليها ولكن يالله زادته هذه الابتسامه وسامه وكأنه كان ينقصه نظرت هي له وسحرت تماما وكادت تعرض عليه هي ليله معه لايهم مكانتها فلتذهب للجحيم ستحصل عليه ولكن قبل أن تتحدث وقف المصعد وخرج هو منه زفرت هي بغيظ لضياع هذه الفرصه منها
خرج هو لخارج الفندق واستأجر سياره واخذ يحوم حول الحلبه حتي يدرسها جيدا
ثم ركن سيارته ودخل للحلبه وجلس وعينه لاتفارق وجه ماتينيو الخابيترو ينظر اليه بدقه ويراقب ملامحه يراقب حركاته دارت عينه في المكان ليري عدد الرجال فرأي عدد مهول منهم يحاوطون الحلبه درس الأمر جيدا والان انتهت هذه الجوله بموت رجل اخر علي يد الثور رأي ضحكه ماتينيو الخابيترو وكٱنه يسخر منهم لعدم مقدره احد علي مجابهه ثوره العزيز تحرك الشيطان لخارج الحلبه وهو ينوي ان يأتي لاحقا بعد أن يرتاح ولكن وقتها سيخرج من الحلبه لمنزل ماتينيو الخابيترو
عاد للفندق وتسطح علي الفراش وأغلق عينه لتأتي لاحلامه مره اخري سارقه النوم من عينيه
فتح المصعد لتفتح عينيها من الصدمه فتي يقبل فتاه بطريقه قذره في المصعد كأنه سيأكلها
نور بصراخ بلكنتها الصعيديه فهي عندما تغضب تخرج منها لكنه صعيديه تلقائي / اخص عليكم جليل الربابه منك ليها استحي يا وسخ ايه اللي عتعملوا في البنيه ده انت ناجص تأكلها يامعفن اسفوخس
بينما الشاب والفتاه يكادان يموتان حرفيا من الاحراج
نور وهي تتخطاهم لتدخل المصعد / ناس جليله حيا بصحيح
نظر الشاب للفتاه بعد ذهاب نور بحرج نظرت هي له بلوم وتركته وذهبت
نور في المصعد وجهها كان احمر من الاحراج الذي تعرضت له فهي كالطفله لاتعرف هذه التصرفات ابدا ليس كالشباب هذه الأيام يتفننون في هذه الأشياء القذره
وصل المصعد الطابق المطلوب وخرجت نور واتجهت للسكرتيره وجدتها عكس موظفه الاستقبال فهذه ترتدي ثياب اوووه عذرا ترتدي قطعه قماش بالكاد تغطي جسدها وشعرها المصبوغ والميكب الكثيف
اتجهت نور إليها / لو سمحتي ممكن اقابل مستر سيراج
نظرت لها للسكرتيره بقرف من أسفل قدمها لبدايه رأسها / في ميعاد مسبق
نور / لا بس كن...
قاطعتها / يبقي مينفعش تدخلي
نور / بلغيه بس ان.....
السكرتيره بصراخ/ انتي مش بتفهمي ماقلت ماينفعش
نور وهي تكاد تبكي فهي لاتحب لاحد ان يصرخ عليها رغم أنها شرطيه ويجب أن يكون قلبها شديد ولكنها لم تخلق لهذه الوظيفه كما تقول رغم ذكائها نور بحده ودموعها محبوسه / انتي بتزعقي كده ليه هو انا بشتغل عندك ولا ايه
السكرتيره / اخرجي بره بدل ما انادي الأمن
نور بنظره مميته / ناديهم كده وانا هبيتك في الحجز
خرج سيراج علي صوت نور والسكرتيره /ايه الصوت العالي ده
السكرتيره / سوري يامستر سيراج بس الانسه مصره تقابلك مع اني مفيش ميعاد مسبق
نظرت لها نور بتعجب من رقتها ثم نظرت لسيراج الذي نظر لها بصدمه يالله انها هي كيف ذلك
نور/ انا قلتلها اني عايزه حضرتك في شئ مهم والأستاذه علت صوتها ولا كأنها في شركه محترمه هي دي معامله الناس في شركه حضرتك يا سيراج بيه
نظر سيراج للسكرتيره / حسابك معايا بعدين
وانتي اتفضلي معايا
دخلت خلفه نور بكبرياء ولكن قبل أن تدخلت أخرجت لسانها للسكرتيره ورفعت راسها ودخلت
دخل سيراج وجلس علي مكتبه واشار لنور بالجلوس وهو مازال يحقق في وجهها ولا يصدق مايراه
نور / اسفه علي اللي حصل بره واني ازعجت حضرتك وجيت من غير ميعاد بس كنت عايزه حاجه مهمه من حضرتك
سيراج وقد آفاق من تأمله / حاجه؟؟ حاجه ايه؟؟
نور / احم الشيطان
في المدرسه كانت تسير سمر فجأه خرج هو في وجهها
سمة بشهقه / يا ستير يارب في ايه يامستر إيهاب حد يخرج فجأه كده
إيهاب بسماجه / حبيت أصبح بس علي العسل
سمر / ياخي بطل تلزيق بقي علي الصبح ايه القرف ده اخفي من وشي كده
ثم تركته ورحلت
إيهاب / مسيرك ياجميل تيجي تحت المخرطه
رحلت سمر وهي مغتاظه ودخلت لغرفه المعلمين
وجدت امرأتان تتحدث ان بصوت منخفض ونظرن للجميع في الغرفه
سمر/ اذاعه الشرق الأوسط هنا ناقصه قرفكم
احد الامرٱتان / ابله سمر ازيك محدش بشوفك من ساعه ما اتنقلتي هنا يعني ايه مش قد المقام عشان تقعدي معانا
سمر في سرها / اقوم اجبها من شعرها الحيزبونه دي
ثم نظرت لها ببسمه تجاهد لخروجها/ لا ابدا يا ابله انتصار بس مش بيبقي عندي وقت فاضي
المرأه الاخري / الله يعينك ياحبيبتي الا قوليلي صحيح مفيش حاجه كده ولا كده
سمر بحاجب مرفوع/ حاجه ايه دي
نجيبه (المرأه الاخري) / عريس ياحبيبتي ولا انتي ناويه تعنسي ولا ايه
انتصار / متزعليش مني بس انتي سنك كبير كده القطر يفوتك ياختي ارضي باي حد
نجيبه / انا عندي عريس ليكي إنما ايه مركز وقيمه المعلم زينهم منتي عارفاه يا انتصار
انتصار / المعلم زينهم الا يانجيبه لو تمت ااجوازه تبقي محظوظه اوي
نظرت لهم سمر بقهر / لا معلش مش هتجوز دلوقتى
انتصار / ليه ياختي ده انتي داخله على التلاتين هتستني ايه اكتر من كده
نجيبه /الراجل ميتعيبش يا ختي هو بس كان متجوز قبل كده مرتين بس ربنا رزقه خلفته كلها بنات فحابب يتجوز واحده تجيبله الواد
نظرت لها سمر بقوه تخفي خلفها انكسارها / ابقي شوفيله اي واحده يتجوزها غيري انا مش ارنبه عشان اتجوز واحد للخلفه بس وكمان مش فيا حاجه عشان اتجوز واحد متجوز مرتين وياريت كل واحده تخليها في نفسها وبلاش النميمه دي عشان ربك حذر منها يامؤمنه منك ليها
وأخذت حقيبتها وخرجت مع رن الجرس واتجهت للفصل دخلت بروح مكسوره بسبب الكلام الذي سمعته جلست علي مكتبها بحزن
نظر لها التلاميذ بتعجب فهي لم تصرخ بهم كالعاده لم تشعر بنفسها وهي تبكي نزلت دموعها بصمت فزع الطلاب علي معلمتهم التى بالرغم انها لم نكمل معهم سوي اسبوع ولكن أصبحت مكانتها عندهم كبيره اتجه إليها عطوه وقال محاولا ان يراضيها / في حاجه يا ميس
نظرت له ببسمه ودموع وهزت راسها بلا جاءت جودي إليها وقالت بدلعها المعتاد / متعيطيش ياميس سمر من اي حد نوتي يزعلك
الشاب الذي دائما يسبل لجودي(عمار) / يااااه ياجودي قد ايه قلبك ابيض وطيب
نظرت لهم سمر وضحكت وسط دموعها عليهم
سمر / يخربيتك مش بتضيع فرصه عشان تسبل فيها
ثم نظرت لعطوه / وانت يامعلم بسم الله ماشاء الله بقيت تقول ميس وتطورنا اهو
نظرت لجودي / وانتي ياحنينه خفي محن في كلامك شويه وانشفي كده الواد يقول عليكي نايتي خالص
عمار / لا يا ميس هي كده حلوه اوي
سمر / يالله يا ولي الصابرين
يلا ياحبيبي منك ليها لمكانكم
عاد الأطفال لاماكنهم سعداء لعوده معلمتهم المشاكسه وبدأت سمر الحصه تحت مشاكسه وعناد الصغار الذين أصبحوا جزء من يومها
كان عمر يعمل فدخلت عليه صابرين
صابرين بخجل / ازيك يابشمهندس
عمر / ازيك يا صابرين في حاجه
صابرين بحرج / اصل المدير العام باعت الملف ده يتراجع قبل مايتبعت الحسابات عمر / تمام ممكن تسيبيه علي المكتب وانا هراجعه بس اخلص اللي في أيدي ده
كان يتحدث وهو يعمل علي المشروع أمامه
صابرين بحزن لتجاهله / تمام بعد اذنك
عمر / اتفضلي
خرجت هي وتنهد عمر بحزن هو حزين لانه يعاملها بجفاء ولكن ماذا يفعل يجب أن يجعلها تنتبه لمن يحبها بصدق
في الخارج كانت تسير هائمه تفكر فيه هو حبها الوحيد او هكذا تظن سمعت صوت يناديها نظرت خلفها وجدته هو مؤنس وحدتها وصندوق أسرارها محمد صديقها المقرب
محمد / مالك يابنتي بنادي من بدري
صابرين بحزن / معلش مخدتش بالي.
محمد ملاحظا حزنها / مالك يا صابرين
صابرين بدموع / مش بيعبرني وبيتجاهلني دايما يامحمد
اغمض محمد عينه بعذاب هي تتحدث عن عمر / طب مش هنا تعالي لو مش وراكي حاجه اعزمك علي قهوه ونتكلم
صابرين / لا مش ورايا حاجه وكمان عايزه اتكلم مع حد عشان استريح
محمد / طب اتفضلي
ذهبت ولحق هو بها وضربات قلبه تعلو بسبب قربها من معشوقتها
نظر لها سراج بتعجب كبير / شيطان
نور / اه الشيطان عايزه اوصله وعارفه ان مفيش غيرك ممكن يوصلني ليه
نظر هو لها / وانتي عرفتيه فين
نور حكت له يوم مهمتها
الان فقط عرف لما دائما يجده شارد منذ ذلك اليوم لانه رأها مقتحمه أحلامه عرفها سراج فور رؤيتها بسبب الرسومات الكثيره الخاصه بها في قصر الشيطان حيث أن الشيطان يرسم دائما لوحه لها بالحلم الذي حلمه لم يظن سراج ان تكون هذه الفتاه موجوده حقا ولكن ياللقدر هى أمامه وتتحدث معه بل وتريد رؤيته وهو سيكون اكثر من سعيد في اصالها له بل وسيجعلها تري وجهه الحقيقي هو يشعر انها هي من ستكون رفيقه صديقه ولكن ليتأكد في البدايه انها ليست من طرف احد من أعدائهم
سراج / وانتي ايه اللي يوديكي مكان زي ده
نور / كنت في مهمه
سراج بحاجب مرفوع / مهمه
نور وهي تخرج الكارت الخاص بها / انا النقيب نور السيد
نظر سراج للكارنيه ثم نظر لها بتعجب كيف يمكن لهذه الصغيره ان تكون في الشرطه هو في البدايه ظنها طفله
سراج / ممكن اعرف عايزه تقابليه ليه
نور / احم افضل اعرفه هو بنفسه
سراج / تمام بس شيطان مش موجود حاليا
نور بخيبه امل / مش موجود امال ايه
سراج وهو يكاد يضحك علي منظرها الطفولي / هو خرج بره مصر
نور / وهيرجع امتي طيب
سراج / علي حسب الشئ اللي بيعمله ممكن تسيبي رقمك وانا هكلمك لما يوصل
نور / تمام ياريت لو مش هتعبك رقمي 011.....
سراج /تمام سجلته بإذن الله يرجع وابلغك
قامت نور من مكانها / طب استأذن انا وشكرا لحضرتك واسفه تاني لو ازعجتك
سراج / لا ولا يهمك نورتينا
خرجت نور وهي تتذمر لعدم وجوده هنا ياربي ستضطر ان تنتظر عودته فلتدعي الا يكلفها اللواء باي مهمه حتي ذلك الوقت
خرجت نور من المكتب وتحركت بكبرياء أمام السكرتيره وخرجت وهي تضحك علي ملامحها وركبت سياره واتجهت للسوق لتشتري بعض الأشياء بدلا من انتظار عمر
استيقظ الشيطان من نومه وجد انه نام لخمس ساعات قام وارتدي ثيابه وتنكر في شكل الشاب الذي حضر به وخرج متوجهه ناحيه الحلبه
دخل للحلبه وجدهم يسحبون الشخص الذي كان يقاتل الثور ويبدو انه أيضا تم القضاء عليه ضحك ماتينيو الخابيترو ضحكته المقيته وقال بلكنه اسبانيه / ماذا الا يوجد هنا رجل شجاع يستطيع أن يواجهه ثوري ام ماذا.
صدح صوت في الحلبه / انا استطيع ذلك
نظر الجميع لصاحب الصوت وجدوه شاب الذي لم يكن سوي الشيطان..............
خلص الفصل بس لسه حكايتنا مستمره ولسه يعتبر بنمهد للأحداث اللي بجد وما خفي كان أعظم
اتمني متنسوش الفوت والتعليق لو سمحتم
ياتري سمر هتفضل تسمع الكلام ده كتير ولا قريب هتلاقي اللي يعوضها؟؟؟
سراج هيخلي نور تقابل الشيطان وتشوفه بجد؟؟؟
ايه رده فعل الشيطان لما يقابلها؟؟
حياتهم هتبقي عامله ازاي لما نور تدخل فيها بضحكتها وعبطها ومشاكستها؟؟؟
الشيطان هيشوف الويل علي ايد نور هل هيستحمل ولا........ ♥ 🌍
#الحلقة_الرابعة
اللَّهُـمَّ إستجِب لنا ما تعجزُ ألسِنتنا عن قوله وأنتَ تعلمهُ وتقبّل كُلُّ دّعوة تسكُن في قُلوبنا ولا نعلم كيف نرفعُها إليكَ♥🌍
صلوا على الحبيب المصطفى صلى الله عليه وسلم 💞 💞 💞 💞 💞 💞 💞
开始吧
💜💜💜💜💜💜💜💜💜💜💜
صدح صوت الشيطان في الحلبه وهو يقول / انا استطيع
التفتت له جميع الرؤوس من هذا المختل الذي يدخل تحدي كهذا بعدما رآي ماحدث لمن قبله
ماتينيو الخابيترو نظر له بدقه / اذا يافتي انت تملك الجرأه لمحاربه ثوري
نظر الشيطان له ببرود
ماتينيو الخابيترو / اذا جهزوا هذا الشاب للحلبه
جاء بعض الرجال واصطحبوا الشيطان حتي يتجهز بعدما انتهي الشيطان اصطحبه الرجال للحلبه دخل شيطان وهو يركز بنظره علي هذا الباب الذي يخرج منه الثور دقائق وفتح الباب وهلل الناس لهذا القتال ودخل الثور بكل قوه وهو ينفث بشده حينما وقع نظره علي الشيطان ركض اليه بسرعه كبيره جدا نظر ماتينيو بتعجب لهذا الشاب الذي لم يخاف او يرجف من الثور بل يقف مكانه مثل الجبل اقترب الثور من الشيطان وهو ينوي قتله نظر الشيطان لماتينيو وجده يبتسم بثقه من خسارته وجه نظره للثور الذي اقترب منه كان الثور يندفع بشده له ولكن عندما أوشك علي الوصول له كان الشيطان اذكي وقام بالتنحي جانبا في آخر لحظه حتي لايلاحظه الثور كان الثور يندفع بشده ولكن عندما أوشك علي قتله تنحي بسرعه رهيبه فاصطدمت رأس الثور في السياج الذي يحيط بالحلبه ولم يدرك الثور شيئا سوي انه هناك شخص علي ظهرة
بمجرد اصطدام الثور ركض الشيطان بكل قوته واستخدم السياج ليقفز علي ظهر الثور
قاوم الثور بكل قوته هذا الشخص علي ظهره تعلق الشيطان به بكل قوه الثور مازال يحاول التحرر منه والجمهور ازداد صوته وهتافه لهذا الغريب الذي استطاع ان يفعل ما لم يستطع اكبر مدربين الثيران فعله استطاع الشيطان ان يكبح الثور عن جماحه هدأ الثور قليلا بعدما يأس من ابتعاده ولكن لم يتوقف عن المحاوله بعد مد الشيطان يده لرقبه الثور وضغط علي عرق معين مما ثبط وقلل من مقاومته حتي هدأ تماما واستكان في الأرض نظر الشيطان لماتينيو وجد نظره في عينه توحي بالصدمه سرعان ما انقلبت بسمه خبيثه وقام بالتحدث مع رجل بجانبه بهمس خرج الشيطان من الحلبه وسار بكل برود الي الخارج ولكن اوقفه ذلك الرجل الذي همس له ماتينيو
الرجل /لحظه ياسيد
نظر له الشيطان ببروده المعتاد
الرجل / سيدي ماتينيو يريدك في قصره يريد مقابلتك
الشيطان / لا اريد.
ورحل وتركه
الرجل محاول اقناعه للعدول عن رآيه / صدقني لن تندم علي ذلك سيدي سيستضيفك في قصره خير ضيافه كما انك لم تأخذ جائزتك بعد
شيطان وهو يدعي التفكير / حسنا لما لا سوف اتي ولكن اولا سأذهب لاحضر أغراضي من الفندق
الرجل /حسنا سأرسل معك احد الرجل لمرافقتك وإحضارك للقصر
هز الشيطان رأسه ببرود ورحل
في السوق كانت تسير نور وهي تبحث عن أشياء تشتريها فجأه وجدت أطفال يلعبون الكره علي جانب احد الطرق ذهبت إليهم نور
نور بطفوله توقعها دائما في المشاكل وتنسي انها شرطيه او فلنقل تحاول أن تتناسي / أهلا ياشباب ممكن العب معاكم
احد الأطفال / انتي بنت مينفعش
لوت نور شفاهها / بس بعرف العب كوره جربوني
طفل اخر / خلاص يا سعيد خليها تلعب وتبقي في فريقي
سعيد / ماشي ياحوده يلا نبدأ
نظرت إليهم نور بحماس طفله وذهبت لتعلب معهم وبدأت المباراه وكانت حماسيه جدا حيث استطاعت نور احراز هدفين
نور وهي تقفز وتصفق /هيييييه يامعلم يامعلم يامعلم يامعلم
سعيد / علي فكره بقي انتي بتغشي
نور وهي تضع يدها في خصرها / بغش فين ده منا بلعب زيكم اهو
سعيد / عشان انتي أطول مننا
نور / ده علي اساس اننا بنلعب سله ولا ايه مش فاهمه ايه علاقه الطول بالكره
سعيد / معرفش بس انتي بتغشي
نظرت نور بتذمر / انت عايز بس تبرر خسارتك
سعيد / ابرر ايه انتي متعرفنيش ولا ايه دول مسميني سعيد تريكه
نور وهي تشيح بيدها وتأخذ حقيبتها / ياعم اتنيل ده انا فزتك مرتين
سعيد بعصبيه / طب يلا امشي من هنا بدل منعلم عليكي
نور بتوتر فهم كثيرون جدا كما انهم أطفال لايمكنها اذيتهم / عيب حضرتك لما ترفع ايدك علي واحده ست بعدين كده كده كنت همشي
وأخذت حقيبتها وركضت
عادت سمر من المدرسه
ودخلت المنزل وجدت نور جالسه وهي شارده
سمر / نور بت يانور انتي يازفتتتتته
نور بفزع / ايه ياحاجه في ايه خضتيني
سمر / سرحانه في ايه ياضنايا يكونشي بتحبي
نور / علي ايه ياختي بحب علي ايه
سمر وهي تجلس بجانبها / ليه مش بنت
نور / لا هبله ياسمر ده انا المفروض ابقي ظابط واتلم بس لا مش بقدر كل ما الاقي حاجه بحبها اعملها وانسي نفسي ومركزي
سمر بحنيه / مش معني انك تعيشي طفولتك تبقي غلطانه لا انتي بريئه اوي يانور من جوا عيشي حياتك ومتفكريش في الناس بعدين هما الظباط يعني مش بشر وبيعيشوا زينا ويضحكوا ويلعبوا مع عيالهم وتلاقيهم يخرجوا ويجروا ويلعبوا كره قدام الناس في الاخر هما بشر.
نور بضحك / بلاش الكوره عشان كنت هموت بسببها
سمر / تعرفي يانور انتي ذكيه اوي علي فكره بس للاسف انتي مش واخده بالك من كده
نور / يمكن بس هبله برضو
سمر / عندك حق بس اكيد فيه في العالم ده شخص يستحمل هبلك
نور /فكرك كده
سمر وهي تضحك / مش متأكده الصراحه بس اكيد في مكان ما يوجد شخص سيحبك ياهبله
نور / في مكان ما
في اسبانيا
تجهز الشيطان وحمل حقيبته بمجرد خروجه من الغرفه وجد رجلان ينتظرانه في الخارج أخذوا الحقائب وتبعوه حتي وصل لسياره خارج الفندق ركب السياره وماهي الا دقائق حتي وصل لقصر ماتينيو هبط من السياره ونظر للقصر بدقه
دخل الشيطان للقصر وامامه رجلين حتي وصل لغرفه معينه ادخلاه فيها واغلقا الباب ورحلا
نظر هو للغرفه التي تبدوا اثريه حيث انها مبنيه علي الطراز القديم والاثري
وجد مقعد كبير مزخرف مستقر في وسط الغرفه نظر اليه وجد ماتينيو يتوسطه
اشار له ماتينيو للجلوس جلس الشيطان بكل برود له
ماتينيو / احيك يا فتي علي شجاعتك في الحلبه كنت حقا ماهر
نظر له ببرود
ماتينيو / وانا لست بالغبي لاضيع شخص مثلك
انتبه له الشيطان اكثر
ماتينيو / ما اقصده هو انني أريدك أن تكون من رجالي
الشيطان وقد خرج عن بروده اخيرا / حقا وماذا ساستفيد انا
ماتينيو ببسمه / كونك احد رجالى هو مكسب بحد ذاته فكل شئ سيصبح متاح لك لايمكن لاحد ان يتطاول عليك
الشيطان وهو يضع قدم علي قدم /حقا
ماتينيو / نعم
الشيطان / اذا دعني افكر في الأمر اولا
دخلت للغرفه سيده غايه في الاناقه والجمال وذهبت وجلست علي جانب كرسي ماتينيو ونظرت للشيطان
عرفها الشيطان بمجرد دخولها هي نفس الفتاه التي كانت في المصعد معه وحاولت اغراءه ولكن هي لم تعرفه لانه الان متنكر
الشيطان / اذا اين ساقيم
السيده وهي تنظر له بتقيم ليس سيئا و لكن هي لا تستطيع إخراج هذا الشاب الذي رأته من رأسها
ماتينيو / صوفيا خذي ضيفنا للجناح الخاص به
صوفيا / حسنا ياعزيزي
صوفيا للشيطان /هيا ياعزيزي اتبعني
نظر لها الشيطان ببرود وسار خلفها
وصلت لجناح كبير وفتحت الباب
صوفيا بدلع كبير / هذه غرفتك ياوسيم اتمني ان تعجبك
الشيطان / حسنا
تركته صوفيا وغادرت وهي مغتاظه من بروده الذي يذكرها ببرود ذلك الوسيم مسكينه لاتعرف ان هذا البرود لايوجد سوي في شخص واحد الشيطان........
سراج خرج من شركته وصعد لسيارته وغادر توقف في الطريق بسبب رؤيته لشجار لم يهتم وكان سيذهب الا انه رأي..
كانت سمر ذاهبه لتحضر بعض الأشياء قررت أن ذهب سيرا حتي يكون هناك وقت لها لتفكر جيدا فيما حدث مع هاتان الامرأتان فجأه وجدت رجل يمسك طفل ويضربه بشده والناس فقط تكتفي بالمشاهدة
انطلقت اليه سمر بسرعه وجذبت الطفل من يده الرجل
الرجل بغضب / انتي بتعملي ايه متدخليش في اللي ملكيش فيه
سمر / انت شخص مش محترم عشان تمد ايدك علي طفل
الرجل / انت مالك انتي عيل غلط وبربيه
سمر بغضب شديد وزعيق / وهو انت مش هتقدر تعرفه غلطه غير بالضرب ليه يعني حمار الأطفال مبيتعاملش معاهم بالضرب ابدا مهما حصل
الرجل /ملكيش فيه وانت اساسا متعرفيش حاجه في تعامل مع الاطفال
سمر / لعلمك بقي انا مدرسه واعرف اوي ازاي اتعامل معاهم كويس وعمري مامديت ايدي علي طفل عندي مهما عمل
نعم فسمر تصرخ وتهدد بالضرب ولكن لم يسبق لها أن ضربت احد
الرجل / الولد ده بيشتغل عندي ومكسر لي نص الكوبيات
سمر بحده اكثر / وكمان مش ابوه انت ايه يا اخي اتقي الله
الرجل / بقولك ايه اخفي من وشي احسن والله أمد ايدي عليكي
سمر / ماهو اللي خلاك تضرب طفل هيخليك تضرب ست بس اقول ايه البعيد مش راجل غضب منها الرجل بشده ورفع يده ليضربها ولكن وجد من يمنعه ويمسك يده بقبضه شديده
نظر له وجد في عينه نظره مرعبه
سراج بغضب شديد / ايه زعلت ليه ماهي مغلطتش فعلا انت مش راجل
الرجل / وانت مالك انت بتدخل ليه يعني
سراج بسخريه / والله لو كان في راجل بجد أتدخل مكنتش اتدخلت بس هنقول ايه الناس اتعمت
نظر الرجال الموجودين بخجل من أنفسهم اكتفوا فقط بالمشاهدة
سراج وهو يخرج محفظته / الخساير قد ايه
سمر / انت هتدفعله ولا ايه متدهوش حاجه
نظر اها سراج نظره مرعبه فصمتت علي مضض
الراجل / 150 جنيه
سمر/ بقي يامعفن تضرب الواد كل ده عشان150 جنيه نتن اوي يعني
كتم سراج ضحكته عليها ودفع المال له ونظر للطفل وقال له / امسك دول خليهم معاك وده الكارت بتاعي تعالالي الشركه وانا هشوفلك شغله كويسه
الطفل بفرحه / ربنا يكرمك يابيه يارب ويسعدك
نظر سراج لسمر / وانتي مش عارفه تسكتي ايه راديو
نظرت له سمر بغيظ / ملكش دعوه بيا
سراج / والله لولا اني اتدخلت الله اعلم كان هيعملك ايه
سمر وهي ترحل / متشكرين افضالك ياسيدي
وتركته ورحلت ضرب سراج كف علي كف / يابنت المجنونه
محمد / ها ياصابرين قوليلي مالك
صابرين وقد امتلئت عيناها دموع / مش حاسس بيا خالص يا محمد حاولت اوصله بأكثر من طريقه اني بحبه بس هو مش بيحاول يفهمني نظرته ليا اخت وانا بحبه اوي يا محمد
محمد وقد تمزق قلبه / انسيه يا صابرين وشوفي نفسك هو مش شايفك زوجه ليه تعذبي نفسك
صابرين بدموع قطعت قلبه / بحبه يا محمد بحبه اوي
نظر لها محمد وفي نفسه قرر قرار سينفذه
عادي عمر للمنزل وجد سمر تدور في الصاله وتجلس نور أمامها علي الاريكه تربط شعرها (گحگه) وتأكل جزر 🥕 تبدو مثل الطفله الصغيره وهي تنظر لسمر التي لاتتوقف عن التحرك
عمر / فيه ايه يانور سمر مالها
نور وهي تهز رأسها ومازالت تأكل / معرفش من ساعه ماجات من بره وهي كده
ثم نظرت له وكٱنه توصلت لكنز / تكونش اتخانقت
عمر بسخريه/ ليه بتقوليها كده كأنك اكتشفتى الذره ماهو طبيعي سمر خرجت يعني اتخانقت مش محتاجه فقاقه يعني
نظرت له نور بغيظ / اهو بحاول افكر وانت مش بتفكر معايا
توقفت سمر عن السير ونظرت لهم بشر / بس انت وهي ياجوز معفنين عشان مطلعش عليكم العفاريت
عمر وهو يحضنها من كتفها / في ايه بس يا سكرتي ايه اللي حصل
نور / حد عاكسك يابت
نظرت لها سمر نظره شر
نور في نفسها / ايه الغباء ده هي دي أشكال تتعاكس
سمر / لا اشكالك هي اللي بتتعاكس
نظرت لها نور بتعجب / انت سمعتي ازاي
سمر / انتي بتفكري بصوت عالي ياهبله.
نور بتذمر / هبله هبله انا بيتقالي هبله اكتر من صباح الخير
عمر / هنسيب عفاريت سمر ونمسك في الهبله نور
سمر / اخفي من وشي ياعمر بدل ماطلعهم عليك وانت عارفهم
عمر / على ايه الطيب احسن ادخل اغير جهزوا الاكل
نور / طيب انا هدخل اريح شو......
مسكتها سمر من ثيابها من الخلف تدخلى ايه ياعنيا يلا جهزي الاكل
نور / ده ظلم هو انا كل يوم اجهز الاكل ايه الافتري ده
سمر / اه احنا ظلمه ومفتريين في اعتراض
نظرت نور بشكل سمر /لا يبشه امرك ياكبير انت بس استرح ويبقي عندك احلي بطاطس مقليه
سمر / هو انتي يابنتي معندكيش غير البطاطس المقليه
نور / الله مش اللي اعرفه وبعدين انا بحب البطاطس المقليه 🍟
سمر / اعملي اي حاجه لحد ما اريح شويه
نور بتمتمه بعدما رحلت سمر / خدامه أهلكم انتم الاتنين
دخلت نور للمطبخ وجدت الأشياء التي جلبتها سمر وجدت فيها معكرونه ودجاج مجمد وخضار
نور / اممممم نفسي في مكرونه بالصوص وفراخ بالخضار
ثم نظرت للاشياء بحزن / بس بيتعملوا ازاي دول
نور / فاكره ماما عملتهم قبل كده قدامي صح اول حاجه نسلق المكرونه اشطا
أشعلت نور البوتجاز ووضعت عليه قدر من الماء ليسخن ثم أحضرت المعكرونه وقامت بغسلها
نور / ايه البتاع الأبيض اللي بيخرج من المكرونه ده للدرجه دي مش نضاف
وأخذت تغسل فيهم والمعكرونه تذوب وتتحول لدقيق وهي تغسل اكثر باعتقادها انها غير نظيفه حتى أصبحت المعكرونه تكاد تختفي نور بفخر وهي تنظر الجريمه التي صنعتها / هو ده الكلام ولا بلاش اوووبس المايه غلت
ومسكت المعكرونه ووضعتها في الماء وتركتها وأخذت تغسل الدجاج تحت الماء ثم أحضرت الخضار وقطعته ووضعته مع الدجاج في صينيه ووضعتهم في الفرن ونظرت في الساعه / لسه باقي ساعه اروح بقي اعمل الصوص
وأخذت تفكر كيف تصنع الصوص لم تعرف لذا قامت بتحضير سلطه بعد مرور ساعه والمعكرونه مازالت تسلق نظرت نور في الوعاء وجدته جف من الماء لذا أحضرت ماء وصبت عليه وتركته وذهبت لترى الدجاج وجدت بسبب النار العاليه ان وجهه أصبح مطهو جيدا ولكن لم تدرك انه مازال نئ من الداخل اخرجته من الفرن ووضعته على الرخام وانتظرت ساعه وفتحت وعاء المعكرونه عفوا وعاء عجين حيث أن المعكرونه أصبحت معجنه واصبحت كتله واحده
نظرت نور بتعجب للمعكرونه هي لم ترى معكرونه هكذا من قبل
نور / مش مشكله بقي انا تعبت هروح اندهلهم
نور في الصاله بصوت عالي / عممرررررر سمممممممرررر
خرج عمر / ايه يا حاجه بتنادي على عيل تايه
نور / الحق عليا بنادي عليك عشان تاكل نادي لسمر
عمر وهو يسير تجاه المطبخ / يلا ياسمر عشان ناكل
خرجت سمر وهي تفرك عينها / انا جيت اهو
عمر وهو يجلس / اكيد بطاطس مقليه كالعاده
نور بفخر / لا طبعا انا قلت اغير وعملت مفاجأه
عمر / ايه بيض شايط
نور / لا ياظريف عملت مكرونه وفراخ وسلطه كنت عايزه اعمل صوص بس معرفتش
نظرت سمر لها بصدمه / انتي طبختي يانور
نور بفخر / ايوه ويلا بقي قبل مايبرد
عمر وهو يشمر / ايوه بقي اخيرا ياشيخه ادخلي عليا بالتقيل
فتحت نور وعاء المعكرونه نظر الجميع اليه بدهشه كبيره
سمر وهي تكذب ما ترى / ايه ده انتي هتخبزي ولا ايه
نور / لا ليه
سمر / امال ليه عجنه
نور / دي المكرونه
عمر وهو يضع المعلقه في الطعام / دي مكرونه
نور وهي تهز رأسها/ اه والله هي صحيح ياسمر متجبيش مكرونه من اللي جبتي منه تاني
سمر وهي تشعر انها ستموت بجلطه / ليه ياعملي الأسود
نور / المكرونه كانت مش نضيفه خالص غسلتها اكتر من مره عشان تنصف تقريبا كده اللي كان زرعها مش منضف الأرض كويس
عمر وهو ينظر لها ويريد قتلها / نور معلش قولتيلي انتي منين
نور / منتا عارف أيه الغباء ده
عمر / معلش خديني على قد عقلي
نور وهي تنفخ / من سوهاج
عمر / يعني صعيديه
نور / ايوه ليه
عمر / على ما افتكر الصعايده دول اكتر ناس بتهتم انهم يأسسوا ست بيت كويسه
نور / اها صحيح
سمر بحده / وهي خالتي معلمتكيش ازاي تطبخي ولا عمرك دخلتي مطبخ يابنت سيد.
نور بتراجع من حده سمر / لا بابا كان دايما معودني اني أذاكر بس مكنتش بدخل مطبخ ورغم كده طبختلكم مكرونه
سمر وهي تنوي ضربها ولكن مسكها عمر / شوف برضو بتقول مكرونه دي مش مكرونه ياحيوانه انتى فى بني آدم بيغسل المكرونه ياغبيه لا وكمان بتتزرع انتي ازاى عشتي في منطقه زراعيه ومش عارفه إذا كانت المكرونه بتتزرع ولا لا وازاي خالتي عمرها ماد خلتك المطبخ حد يقنعني
ثم نظرت لعمر / سيبني ياعمر سيبني بس متخافش مش هضربها
نور / لا ياعمر اوعي تسيبها اخر مره قالت كده وضربتني
سمر وهي تصرخ / ماهو ده ليه عشان انتي مهزأه يامهزٱه
نور/ على فكره بقي انا ساكته عشان انتي الكبيره ومش عايزه اتخطى حدودي عشان مش بغلط في حد كبير
سمر / لا اغلطي يابت ماهو ده اللي ناقص ياعمر قلتلك سيبني يا اخي اجبها من شعرها بنت سيد
نور / اهدي بس خلاص متكليش مكرونه الفراخ حلوه اهي نجيب عيش وناكلها بعيش
نظر عمر / خلاص ياسمر فعلا الفراخ شكلها كويسه اقعدي بقي.
جلست سمر ونظرت المكرونه بقرف ثم أحضرت السكين وقامت بتقطيع الدجاج ولكنه كان لا يقطع بسهوله قطعته ورأت انه من الداخل مازال نيئ تماما تركت السكينه على السفره وهي تنظر للأمام وعمر ينظر للدجاج ويلوي فمه ويسير بعينه لنور ان تهرب
نور تركت السكينه الخاصه بها بهدوء وأخذت تنسحب شيئا فشيئا للخلف حتى نهضت وركضت وكأن شبح يتبعها ركضت خلفها سمر وهي تمسك السكينه / سأشرحنك يانور هرجعك لخالتي قطع
ونور تصرخ في ارجاء الغرفه / الحقوني هتقتلني ياعمر الكلب انت هتقتلني اعمل حاجه
وعمر وقع أرضا من الضحك
سمر / والله لو سيد طلع من تربته ما هينجدك مني يا جذمه انتي.
نور / طب نتفاهم طيب
سمر بضحكه ساحره / نتفاهم انتي خليتي فيها نتفاهم انا اقطعك الأول وبعدين نتفاهم انا مش عارفه انتي ظابط ازاي وصعيديه ازاي وبنت ازاي اساسا انتي البيبي بيفهم عنك ياهبله ياهبله
نور بحده / بت انا مش هبله
سمر / وحيات امك سيبتي ده كله ومسكتي في هبله
عمر / خلاص بقي ياسمر هي اول مره تعمل مصيبه دي ابسط مصيبه عندها
هدأت سمر قليلا وجلست على الاريكه يجاورها عمر
سمر / ربي لا أسألك رد القضاء ولكن أسألك اللطف فيه
عمر / خلاص بقي يا سمورتي انتي الكبير هنا اهدي
نور وهي تنظر لهم ببسمتها الغبيه / اعملكم بطاطس مقليه
في مكان حيث الجريمه هناك اسلوب حياه
في منطقه بعيده عن السكان
رجل بحده / ازاي ده يحصل يابهايم وكنتم فين لما دخلوا الحاره وبيتمشوا فيها علي كيفهم
رجل اخر / ياكبير كانوا متنكرين عادي واحده متنكره في بياعه جرجير والتاني مكانش باين من شنبه
الكبير / اغبيه مشغل معايا شويه اغبيه
ثم نظر له / عرفتوا هما مين
الفتي / البنت تبقى ظابط والولد منعرفش اي حاجه عنه غير أن هو جاي من طرف الست اللي اسمها سماسم هي اللي بعتته ينقذ ابنها
الكبير بشر / لازم يندموا مش اي حد يلعب مع ربيع الضو ويهرب....
نظر الشيطان حوله للغرفه ثم نظر للنافذه واقترب منها وفتحها وجد شجره كبيره جدا تقريبا بطول القصر نظر لها ثم وقف على حافه الشباك وقفة عليها تمسك الشيطان جيدا بالشجر واخذ يتسلق عليها حتى وصل الطابق المطلوب قفز فيه ونظر للهاتف في يده يحتوي على خريطه للقصر كله نظر فيها وحدد غرفه ماتينيو وسار في الممر وكلما قابله حارس اطلق عليه النار ببرود دون حتى أن يقف بل يسير وفي يده المسدس ويطلق على كل من يقابله والتأكيد لم ينس ان يضع جهاز تشويش للكاميرات قبل القفز لهذا الطابق وجد الشيطان الغرفه المطلوبه فتحها ودخل فيها واخذ يبحث عن الميكروفيلم ولكن لم يجد
فجأه سمع صوت يقول / هل تبحث عن هذا.............
خلص الفصل وقرب لقاء الشيطان ونور
اتمني يكون عجبكم متنسوش التعليق والتصويت
ياتري نوى هتشوف الشيطان بشكله الحقيقي
هل نور هتستحمل طباع الشيطان ولا لا
هل نور هتغير الشيطان
مين الراجل اللي كان بيتكلم عن نور والشيطان
مين اللي دخل على الشيطان وهو بيدور علي الميكروفلم
كل ده هنعرفه في الفصول الجايه من بنت الشيطان وحتى الآن لم تبدأ الروايه ولم تبدأ المتعه الحقيقه بس هتبدأ من لقاء الشيطان بنور انتظروني في الفصول الجايه 😉😉
دمتم سالمين 🌷🌷
رحمه نبيل ❤️ ❤️♥️♥️✌️
#الحلقة_الخامسة
رساله اليوم 💌 (اعتبرها اشاره لك ♥️)
وحدكَ يا الله
كنتَ ترى الوجع في قلب يعقوب
حين قال :
"إِنَّمَا أَشْكُو بَثِّي وَحُزْنِي إِلَى اللَّهِ"
اللهمَّ إنَّ شيئاً في القلب كهذا الآن
فَبرحمتك قُلْ لفرحة يعقوب بيوسف
أن تمرَّ بي):💛!
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
开始吧
💜💜💜💜💜💜💜💜💜💜💜
التفت الشيطان للصوت وجد ماتينيو يحمل الميكروفيلم ونظر له بشر
الشيطان ببرود شديد / نعم ابحث عنه
ماتينيو بتعجب من بروده / الست خائف
الشيطان ببسمه ساخر / اخاف ممن منك انت؟؟؟
ماتينيو / اتعرف ماذا انت تعجبني لذا أخبرني من ارسلك وكن من رجالي
الشيطان مدعيا التفكير / امممم عرض مغري حقا
ماتينيو / ام هذا أو الموت
الشيطان / هناك خيار ثالث
ماتينيو وهو ينظر له بدقه /ماذا تقصد
الشيطان وهو يخرج مسدسه وفي لحظه كان رجال ماتينيو جثث علي الارض / اقصد هذا
لم يستوعب ماتينيو ما يحدث الاعندما رٱي الشيطان يرض تجاهه صرخ ماتينيو في رجاله في الخارج / أبها الحمقي
دخل رجال كثيرون للغرفه وركض ماتينيو من الغرفه رأه الشيطان ولم يرد اضاعه الوقت لذا اقترب من النافذه والقي هنبله غاز سام وقفز بسرعه ولانه درس خريطه القصر جيدا كان يعرف ان غرفه ماتينيو تطل علي ممر في وسط القصر قفز الشيطان واخذ يركض بسرعه كبيره وصعد السلم وجد ماتينيو علي السطح علي وشك الصعود للطائرة ركض الشيطان للطائره وقفز عليها وهي تحلق كان الشيطان معلق في الهواء وماتينيو في الطائره
ماتينيو/ هل انت غبي اقول لك انه كان علي وشك اخذ الميكروفيلم مني
.........
ماتينيو / لا استطعت الهرب منه ولكن لم أعرف من هو
............
ماتينيو / لا أعرف اظن ان احد المنظمات أرسلته لسرقه الميكرو فيلم
..........
ماتينيو /حسنا القاك هناك
أغلق الهاتف وهو يزفر براحه لانه استطاع الهرب من هذا الشاب ولكن لم يكمل أفكاره حيث وجده أمامه مقتحما طائرته
نظر له برعب
ماتينيو / كيف كيف وصلت لهنا
الشيطان بنظرته المرعبه / انا هو قدرك يا ماتينيو الخابيترو ولا احد يهرب من قدره...
في مصر 🇪🇬
دخل للغرفه كالعاده معه مكعبات الثلج نظر في ساعته حسنا جان وقت الاستيقاظ وضع الثلج في ظهر كل منهما ثواني وبدأت رقصه الهنود الحمر
سمر / يا اخي ابو شكلك ده
نور وهي مازالت تقفز / تلج تلج تلج اه ياعمر الكلب انت
سمر وهي تنظر له بشر / طب والله مش هعديها المره دي ياعمر الكلب انت وركضت خلفه وهو يركض / خلاص ياسموره كل ده عشان عايز مصلحتك مش عايزك تتأخري على المدرسه
سمر وهي تحمل المكنسة / وانت مال مامتك هو انت اللي هتتجازي ها ولا انت اللي هتتهزٱ بدالي بعدين خايف اتأخر تيجي تصيحيني بتلج
نور وهي تخرج من المطبخ وتأكل من طبق الجبنه / اديله ياسموره الواد المعفن ده
عمر وهو ينظر لنور / انا معفن يانور ولما تقلب عليكي مين بيحوش مش انا
نور نجيبه / اه انت
عمر / ولما تضرب علقه سخنه مين بيمعلشك مش انا
نور./ حصل
عمر / ولما هو حصل يامعفنه ليه مش بتدافعي عني
نور / صدق صح
ثم نظرت لسمر/ اضربيه براحه ياسموره
وانا لحد ماتخلصي اكون غيرت عشان اجي امعلشه
سمر وهي تنظر له نظره الساحره الشريره / بس كده بكل سرور يا سكينه ياختي
نور /براحه علي الولد ياريا
عمر بصوت مرعوب من شكلهم / فيه ايه هتعملوا ايه
سمر / متخافش ياشاب ده حنا هنريحوك
ضحكت ضحكه شريره / نيهاهاهاهاها
عمر وهو ينظر لها بخوف / الحقيني يانوووور
استيقظت سراج من نومه وتجهز واتجه للشركه
دخل سراج للمكتب بعدها بلحظات دخلت السكرتيره تخبره المواعيد
سراج / تمام كده الوفد الألماني الغي معاده
السكرتيره / ليه يافندم ده مهم جدا
نظر لها سراج نظره مخيفه / اللي قلته يتنفذ وانا منستش ليكي اللي حصل امبارح ومعاملتك للعملاء
السكرتيره بتوتر / يافندم انا
سراج وهو يشير بيده / مش عايز اسمع حاجه اخرجي دلوقتي
خرجت السكرتيره وهي تتنفس الصعداء فمن لايعرف سراج النويري في غضبه فقبلا كان عميل مخابرات شرس ولكن حدثت حادثه قديمه جعلته يترك المخابرات ويتجه الصناعه التي ورثها عن والده قاطع تفكيره رنين هاتفه
سراج / الو ياعادل ها عملت اللي قلتلك عليه
.........
سراج / تمام ابعته علي الايميل
........
أغلق سراج الهاتف ونظره في شاشه الحاسوب أمامه وجد ملف مرسل له فتحه واخذ يقرأ فيه بدقه بعدما انتهي
سراج / نور السيد واخيرا لقيت اللي يعلم الشيطان الأدب مفيش غيرك اللي هيعلمه الأدب ويخليه يسيب بروده
ثم نظر للشاشه مره اخري وضحك / دي كارثه متحركه مش عارف ازاي طفله زيها دخلت شرطه بس ده المطلوب دي اللي هتأدبه لازم في أقرب فرصه لما يرجع اخليه يقابلها
في اسبانيا كان الشيطان يسير بكل برود تجاه المطار وهو يجر حقيبته بعدما انتهي من ماتينيو واخذ الميكروفيلم والان حان وقت العوده للوطن ارتدي نظارته ببرود وسار داخل المطار حتي وصل لباب المغادره ألتفت والقي نظره اخيره / والان ليبدأ اللعب
نور وهي تركض في الممر / يانهاري اتأخرت كالعاده يعني اتجمد وبرضو اتأخر الله يجازيك ياعمر ملكش ريحه اللازمه
دخلت نور لمكتبها وجلست وجدت ميار تتجهز وتٱخذ مسدسها
مريم / رايحه فين يا ميار
ميار بتكبر وهي تزيح خصلتها للخلف / رايحه في مهمه سياده اللواء طلبني فيها شخصيا
نظرت لها نور بغيظ
سماح / ومالك ياختي شايفه نفسك كده ولا اكنك رايحه تحرري القدس تلاقيها عاركه وعايزك تسلكي بينهم بفخادك دي
نظرت ميار لجيبتها الرسميه القصيره
ميار بعصبيه / احترمي نفسك يا سماح مش احسن من اللي 24 ساعه قاعده علي المكتب وبتاكل لحد ما بقت شبه المنفاخ كده
نور ولم تتحمل كلامها / احترمي نفسك ياميار علي الاقل اللي قاعده علي المكتب دي واحده محترمه وعارفه حدودها مش مقضياها
ميار بصدمه / قصدك ايه بكلامك ده
نور بشراسه لاتخرج سوي عندما يتأذي شخص قريب / قصدي انتي فهماه كويس اوي ياسنيوره واتفضلي يا حضره الرجل الأخضر العداله بتناديكي يكش تترقي وتغوري من هنا
ميار نظرت لها بشر / تمام يانور واللي يقف قصاد القطر ميعيطش لما يدوسه
نور / طب يلا يا قطر اتكلي علي الله
ميار وهي تخرج وتقول في نفسها بشر / انتي اللي جنيتي علي نفسك يانور الكلب انا وريتك مبقاش انا ميار المنصوري
استيقظ عثمان من النوم وهو يشعر بصداع نظر بجانبه وجد فتاه مسطحه بدون ملابس تقريبا
عثمان بعيون متسعه / ياسنه سوخه مين دي وايه اللي جايبها هنا
ثم هزها / انتي يا ست انتي بتعملي ايه هنا فوقي انتي ياست انتي
هزها اكثر ولكن لم تجب اقترب منها / انتي ياحجه ماتجومي بجي
فجأه اتسعت عينه مما رأي حيث انها غارقه في الدماء يالله ماذا حدث لها او بالمعني الصحيح ماذا فعل لها يالله هي لاتتحرك فحص نبضها وجده ضعيف جدا قام عثمان بارتداء ملابسه بسرعه كبيره وحملها واتجه لسيارته وسار باتجاه المشفي وهو يدعي الله أن تكون بخير هو لاقبل له بمواجهه جده اذا علم بذلك هو متأكد انه سيقتله ولن يرف له جفن ضرب المقود بعنف / البلوه دي
وجعت علي نفوخي منين.
في الشركه
وصلت رساله لسراج نظر فيها ثم ابتسم لنفسه / كده بقي نبدٱ الخطه ياعيني عليك ياشيطان وعلي اللي هيحصلك الحب بهدله وانا متٱكد ان لما تحب هتتسحل لان اللي زيك مش بيحب طبيعي زي اي حد هههههههه.
وصل الشيطان لمنزله دخل لغرفته وذهب تجاه لوحه موضوعه نزعها ثم ازال غطاء لايظهر للعين وضغط علي زر خلفه فتح باب سري دخل له كانت عباره عن غرفه سوداء كل شئ فيها من السواد الأثاث وكل شئ وكان بها خزنه فتحها ووضع فيها الميكروفيلم وكاد ان يخرج ولكن لمحها هذه الفتاه التي لاتترك في أحلامه نظر للوحه المرسوم لها بدقه وسار بيده علي وجهها / ياتري اي حكايتك وازاي ابقي بحلمك بيكي بقالي سنين وتطلعي موجوده بجد ياتري دي صدفه ولا فيه حاجه وراها... ♥ 🌍
نظرت نور لسماح بحزن / خلاص ياسموحه انتي عارفه باربي دي كل كلامها سم بنت المركوب دي
سماح ببسمه حزينه / عادي يانور انا اتعودت علي الكلام ده مجاتش عليها.
مريم / متقوليش كده ياسموحه ده انتي كفايه قلبك الأبيض ياعمري
نظرت لهم سماح ببسمه / ربنا يخليكم ليا يا رب
نور / اه اللحظات دي محتاجه حضن
ضمتهم نور إليها / مش ملاحظين حاجه
مريم / حاجه ايه
نور بضحكه / اللواء مطلبنيش انهارده
لم تكمل نور كلامها وجاء إليها عباس العسكري الخاص بمكتب اللواء (يشبه شخصيه العسكري نبيل في يوميات زوجه مفروشه اوي 😂😂😂😂)
نور / ايه ياعباس انتي مستني علي الباب عشان تدخل في اللحظه الحاسمه ولا ايه
عباس / لحظه حامسه ايه
نور / لا متخدش في بالك يا عباس قوله جايه
عباس / تمام
نور وهي تنظر لهم وهم يكادون يموتون من الضحك / اضحكوا اضحكوا ماهو انتم مش خسرانين حاجه منا اللي بتهزأ
ذهبت نور لمكتب اللواء وطرقت الباب سمح لها بالدخول
نور / حضرتك طلبتني يافندم
اللواء / ايوه اتفضلي يانور يابنتي
نور / هي فيها بنتي ربنا يستر
اللواء/ في الحقيقه في مهمه تخص خليه ارهابيه هيتم بإذن الله انهارده
نور / ربنا معاكم يا باشا
اللواء / هو انا بقولك عشان تقولي ربنا معاك
نور / مش فاهمه يعني حضرتك بتقولي كده ليه
اللواء / عشان انا رشحتك تطلعي في المهمه دي
نور بصدمه / افندم مش فاهمه
اللواء / انتي اخر مهمه اثبتي كفائتك عشان كده هتطلعي في المهمه دي
نور / يافندم دول مش شويه عيال صيع في حاره دول خليه ارهابيه اذا كان الاستاذ احمد عز بذات نفسه مقدرش عليهم في الخليه هقدر انا
اللواء / انا مش بقولك تهجمي عليهم انتي هتكوني في فريق المراقبه بس ولو حسيتم باي حاجه غلط اهجموا
نور / حضرتك مستوعب بتطلب مني ل ايه يافندم ده مش لعب ده فيها موتي بأقل غلطه
اللواء / وانا واثق فيكي يابنتي
نور / ليه حضرتك مصر اوى كده علي المهمه دي
اللواء بحده / اظن ده شغلك ياسياده النقيب ومفيش فيه اي نقاش انتي مش جايه هنا تلعبي اتفضلي جهزي نفسك المهمه عشان هتنطلقوا كمان تلات ساعات
نظرت له نور نظره خاليه من اي مشاعر / تحت امرك يافندم
دخلت نور لمكتبها وجلست ووضعت رأسها بين يدها هل ستسطتيع القيام بهذه المهمه هي لن تكون وحدها ولكن لاتعرف هي فقط متوتره فهذه اول مهمه لها خطيره لها بهذا الشكل وبها تشابك سامحك الله يا أبي انت من ألقيت بي هنا انا لا انتمي لهذا المكان فكرت نور مع نفسها مادام وصلت لهنا اذا لتقوم باقصي ما عندها لإثبات كفائتها لن تسمح لاحد ان يستهزأ بها ابدا يكفي نظرتهم لها بأنها لاتصلح لهذا المكان هي من داخلها تعرف انها لاتنتمي لهنا ولكن طالما بدأت في هذا فلتنهيه كما يجب ولن تتراجع عن ذلك
في شركه الشرقاوي كان عمر يعمل دخل عليه محمد وهو يبدو عليه التفكير
عمر / مالك يامحمد في حاجه حصلت
محمد بدون مقدمات / انا هتقدم لصابرين.
عمر وقد فتح عينه من الصدمه / تتقدم هي صابرين وافقت
محمد بحزن/ لا مش وافقت بس انا اخذت قراري هروح اتقدملها وعرفها مشاعري
عمر / طب ماتستني لحد ماتتٱكد من مشاعرك يامحمد بلاش تجرح نفسك أكثر
محمد / انا خلاص قررت ياعمر عايز اخلص ولو وافقت انا هعرف اخليها تحبني بس هي توافق بس
عمر وهو يذهب لصديقه / الف مبروك يا صاحبي
محمد / لسه يامحمد هتقدم معرفش اذا كانت هتوافق ولا لا
عمر / سيبها على الله بإذن الله الخير ربك يقدمه
محمد ببسمه / ونعم بالله
عاد سراج للمنزل دخل وصعد لغرفه الشيطان أضاء الانوار ولم يجده في غرفته كان سيرحل ولكن وجد باب الغرفه الخاص بالشيطان مفتوح دخل إليها وجده مسطح علي السرير وبحانبه لوحه لها نظر له سراج ببسمه/ انت كده اكدتلي ان اللي هعمله صح ياصاحبي
نظر له سراج نظره اخيره وخرج وهو ينوي تنفيذ خطته غدا
في المديريه كانت تقف نور مع مجموعه من الرجال ويالسوء حظها كانت ميار ضمن العمليه هذه اذا العمليه الخطيره التي وكلها بها اللواء القائد / اسمعوني كويس احنا هنراقبهم ونراقب الوضع مش هنتدخل غير نتأكد من الخبر انهم هيعملوا صفقه سلاح انهارده فاهمين يارجاله
الرجال بصوت جهوري / فاهمين يبشه
نور بصوت منخفض / وبالنسبه للكيسين الجوافه دول ملهمش نصيب من الحماس ده
القائد / نقيب نور في حاجه
نوى / ابدا يافندم كله زي الفل
القائد / علي بركه الله دلوقتي هنتوزع في العربيه
ميار وهي تمر بجانب نور / يلا بقي يا كبير ورينا شطارتك
نور بغيظ / يارب قذيفه تنزل علي دماغك تفرتكها ونخلص منك
القائد / يلا يانقيب نور
نور/ تمام يافندم جايه اهو
نور في سرها / ياصغيره علي البهدله يانور
لحقت بهم نور وركبت السياره وانطلقوا تجاه المكان المخصص للعمليه
عادت سمر للمنزل وجدت المنزل فارغ
سمر / غريبه فين نور المفروض تكون وصلت دلوقتي
دخل عمر / ايه ده انتي لسه جايه دلوقتي
سمر / اه كان عندي فتره مسائيه لحد مايلاقوا مدرس انجلش الفتره المسائيه
عمر هز راسه بتفهم / امال فين نور
سمر وهي تهز كتفها / معرفش جيت لقيت البيت هادي كده
سمع عمر صوت رساله وصلت للتو فتح هاتفه وجد رساله من نور
عمر / دي نور.
سمر / هي مالها اسألها اتأخرت ليه
عمر/ اهدي شويه يا سمر باعته رساله بتقول انها في مهمه ومش هتعرف تكلمنا هتخلصها وتتصل تطمنا
سمر/ مهمه ايه اللي تخليها متتصلش بينا دي
عمر/ معرفش بس بإذن الله خير وترجع بالسلامه
سمر / يارب هدخل اغير هدومي واجهزلك الاكل لحد ماتاخد دوش تفوق كده
قبل عمر رأسها / تسلميلي يا حبيبتي ♥️
وصلت سيارات الشرطه لمكان الخليه
وقفت علي بعد مناسب يمكنها من خلاله المراقبه هبطوا من السيارات واتخذوا أماكنهم المحدده في انتظار اشاره القائد
ميار بقرف / انا مش عارفه ايه اللي جابك معانا
نور بسخريه / معلش اصل مسكت فيهم فصعبت عليهم فقالوا يخدوني معاهم
نظرت لها ميار بغيظ تجاهلته نور
مر الوقت وهم مازالوا في أماكنهم
نور بملل/ بقالنا ساعتين واقفين ومفيش حاجه
القائد / هدوء ياسياده النقيب مينفعش نهجم غير وهما متلبسين
نظرت نور له بسخط وصمتت ولكن سرعان ماركزت بصرها علي نقطه خلف المنزل الذي يراقبوه نهضت نور دون أن يشعر بها احد وسارت لخلف المنزل وهي تتسحب حتي لايشعر بها احد اقتربت نور ونظرت وصدمت مما رأت
نظرت ميار خلفها وجدت نور تسير لخلف المنزل ولا احد يشعر بها كانت ستحذرها ولكن صمتت بخبث لتدعها تفسد المهمه حتي تتخلص منها
نظرت نور وجدت سيارات كبيره مليئه بالاسلحه ورجال كثيرون ينقلون الاسلحه اذا هم ينتظرون امام المنزل بينما هم يعملون من الخلف أخرجت نور هاتفها لكي لكي تبلغ القائد وبمجرد ضغطها علي الزر شعرت بمسدس يوضع أمامها رفعت وجهها وجدت أمامها رجل بلحيه كبيره جدا ويرتدي عباءه قصيره ويرتدي طاقيه يحمل مسدس. يصوبه لها
نور وهي تنظر له بصدمه / هو يوم باين من أوله
كان سراج يجلس ويشاهد التلفاز جاء اليه الشيطان وجلس بجانبه. ♥
سراج / مساء الخير ياكبير ايه منمتش من سنين انت نايم من الصبح
الشيطان وهو يتحدث ببحه ناعسه قليلا بسبب النوم / اصل منمتش من ساعه ماسفرت خالص
سراج / عارفك دايما كده
ثم نظر لثياب الشيطان وكالعاده يرتدي شورت فقط / يابني مش هتبطل ام العاده دي علي طول ماشي بشورت ده ناقص تعمل مهماتك بشورت برضو
الشيطان / اللي بستريح فيه بعدين ايه يعني مكسوف حضرتك
سراج في نفسه / لا انا على المسكينه اللي هتيجي بكره تلاقيك كده
سراج بصوت عالي / احم احم لا ابدا بس عشان تتعود يعني لما تتجوز وكده
الشيطان ببرود / ومين قال اني هتجوز اساسا
ثم قال بخبث / بعدين حتي اتجوزت وايه يعني امشي بشورت قدامها دي هتشو...
سراج وهو يمنعه من إكمال حديثه / بس يخربيت قله ادبك ياجدع ايه ولا باين عليك ابدا بس من صغرك منحرف كده
الشيطان بضحكه / انت اللي محترم زياده
سراج / مش فاهمك يا اخي منحرف بس مش بتلمس ست ابدا.
الشيطان وقد عاد لبروده / انت عارفني مش بحب احتك باي ست دول مصدر للمشاكل
سراج ضحك في سره علي ماسيحدث لصديقه فالملف عن نور كان ملئ بالمشاكل
الشيطان / بس انت بتتكسف على طول ولا كأنك كنت متجوز
سراج بحزن / انا ملحقتش اتجوز يا مالك انت نسيت انها اتقتلت يوم فرحنا
شيطان نظر له بحزن فهو لا يقول اسمه الحقيقي الا عندما يحزن كثيرا
جذبه الشيطان لحضنه / انت مكنتش بتحبها ياسراج ومتحملش نفسك مسئوليه ابدا انت ملكش ذنب في موتها مش كفايه سبت المخابرات بعد موتها
سراج بحزن شديد / هي ماتت بسببي يامالك اخر مهمه ليا قبل الفرح لما قتلت زعيم عصابه جه اخوه انتقم مني بس هي ضحت بنفسها ووقفت قدام المسدس وماتت بدالي
الشيطان / ماخلاص بقي ياكبير فك وبعدين قلتلك كام مره بلاش اسم مالك ده
نجح الشيطان في اضحاك سراج / والله يابني مش عارف ايه اللي جاب الشيطان لمالك مالك ده تحسه واحد هادي ومع نفسه
ثم ضحك كثيرا / اه لو حد يعرف اسمك الحقيقي
الشيطان وهو ينهض متجها للمطبخ / مش لما يعرفوا شكلي الأول
نور وهي انظر له بصدمه / هو يوم باين من أوله
الرجل بلغه عربيه فضحي / من انتي وكيف وصلتي الي هنا
نور / اي فلم فجر الإسلام اللي وقعت فيه ده
نظر الرجل لها والان فقط لاحظ ثيابها العسكريه / انتي من الشرطه
نور / لا دي كانت حفله تنكريه بس وتهت منهم
الرجل وهو يجذبها لداخل المخزن / تعالي معايا لما نشوف هنعمل فيكي ايه
نور وهي تبتلع ريقها /طب ماتسبني وتاخد ثواب تحرير رقبه
نظر لها الرجل بشرار
نور / اتفضل انا وراك
كل هذا وكان الهاتف يسجل المكالمه
علي الجانب الآخر
القائد/ النقيب نور كشفت مكانهم هما خلف البيت دلوقتي عايزكم تحاوطوا المخزن وتستنوا مني اشاره بالهجوم
دخل الرجل وهو يسحب نور ورماها أرضا أمام رجل اخر يجلس علي مقعد يبدو انه قائدهم
الرجل الذي احضر نور / دي ياسيدنا من العساكر لقيتها واقفه تتنصت علينا
الرجل الكبير / كان في حد معاها
الرجل / لا ياسيدنا مانت لوحدها
نظر الرجل الكبير لها بشهوه / حطها من الجواري لأجل الرجال تتمتع بيها بعد مايخلصوا
نور وهي تنظر له بقذاره/جواري ايه ياعم ابو جهل انت.. انت عبيط ولا ايه
الرجل وهو يضربها علي رٱسها بالمسدس /اخرسي يا كلبه بتغلطي في شيخنا
نظرت له نور بغضب ورأسها تنزف من ضربته وقامت بجذب قدمه فسقط علي الارض نظرت له نور بغضب / ايدك تتمد تاني اقطعهالك ياكلب
نظر لها الرجل بعدما نهض وكان علي وشك ضربها نظرت له نور بغضب
الكبير / توقف خذها لغرفه الجواري
نظر لها الرجل بشرار واخذها وسار بها في ممر والقاها في غرفه مليئه بالفتيات نظرت الفتيات لها ها قد جائت ضحيه اخري لهم نظرت نور لها وقد اشتعلت من هؤلاء الرجال وتوعدت لهم بالعذاب
في الخارج اعطي القائد اشاره الهجوم هجمت الكتيبه عليهم وحاوطوهم تفاجأ الرجال بالداخل ولكن سرعان ما ادركوا الموقف وركضوا لاسلحتهم واخذوها وبدؤا تبادل النيران
في داخل الغرفه الموجوده بها نور
نور / انتم مين اللي جابكم هنا
احد الفتيات بسخريه / نفس اللي جابك
نور / اللي جابني هو واجبي بس انتم وصلتم ازاي
احدي الفتيات وتبدو هزيله جدا / احنا من قري مختلفه الجهل منتشر فيها بيبعتوا شاب منهم معاه كام هديه يضحكوا بيها علي عقول اهالينا ويتجوزونا وبعدين يجيبونا هنا ويرمونا
نور بغضب /وانتم استسلمتم كده عادي
بنت بسخريه / ونعمل ايه يعني ماهي خلاص باظت
نور / ليه انتم شوفوا كام واحده لو وقفتم ضددهم هتغلبوهم بس محتاجين شويه تخطيط
بنت وقد وجدت امل / انا معاكي بس خرجيني من هنا دول بيذلونا كل يوم يرمونا لراجل من رجالتهم
نظرت نور لهم / طب احنا مع بعض هنقدر نهرب ومتقلقوش الكتيبه بتاعتي محاوطه المكان
فتاه / بس محدش هيوصلنا لان المكان اللي احنا فيه تحت الارض
نظرت نور حولها وهي تبحث عن أي شئ / احنا هنساعد نفسنا بنفسنا
توقفت عن البحث عندما وقعت عينها علي ماتريد ابتسمت بانتصار
في الخارج
القائد بصراخ / متخلوش حد يهرب
كان المخزن كساحه القتال يسقط بها جثث من كلا الجهتين
رأي القائد ميار وهي تختبئ خلف سياره بخوف نظر لها بغضب وكان سيصرخ بها ولكن لمح كبيرهم وهو يكرب سياره ويهرب اقترب منه القائد بسرعه كبيره ولكن لسوء الحظ لمحه كبيرهم ورأي ميار قريبه منه ركض لها ورفع عليها السلاك
الكبير/ نزل سلاحك يا حضره الظابط بدل ما تستلم جثتها
القائد وهو ينظر لميار ترك سلاحه أرضا
الكبير/ ارميه عندي هنا
قام القائد بدفعه للكبير وهو يتخذ حذره الايؤذي ميار
انحني الكبير لاخذ السلاح وهو مازال يوجهه السلاح لميار اخذ السلاح ودفع ميار لتسقط علي القائد وقاد السياره بسرعه كبيره واستطاع الهرب اخذ القائد مسدس ميار وركب سياره وسار خلفه بسرعه البرق
في الداخل كانت الفتيات تمسك قطعه حديد كبيره وتحاول كسر الباب ونور تجاهد لفتحه حاولن اكثر من مره حتي كسر الباب
كان بامكان الفتيات فعل هذا دون وجود نور ولكن اليأس كان قد تمكن منهم ولم يحاولوا حتي ان يخرجوا فنعم الإنسان لا يستطيع العيش دون امل ولو للحظه
خرجت الفتيات وركضن في الممر الذي يدلهم للخارج خرجن وجدن جثث كثيره ملقاه أرضا نظرت نور وجدت رفاقها يقاتلون اخذت نور سلاح من رجل كان ملقي أرضا وقادت الفتيات للخارج بمجرد وصولهم للخارج ركضن الفتيات بسرعه كبيره فهن لايصدقن انهن واخيرا نجوا من هذا الذل
كانت نور عائده لكي تساعد رفاقها ولكن وجدت من يضربها علي رأسها بقوه التفت اليه وهي لاتستطيع تحمل الألم نظرت وجدته الرجل الذي كشفها وجدت نظره خبث في عينه حاولت أن تفتح عينها ولكن للأسف تمكن الظلام منها واخر شئ رٱته هي ضحكته التي سببت لها الرعب........ ♥ 🌍
خلص الفصل واهو طويل جدا كمان عشان اللي بيقول ان الفصول قصيره اتمني يكون الفصل عجبكم
متنسوش التعليق باكتر جزء عجبكم، ايه توقعتكم للفصل الجاي
ومتنسوش الفوت لو سمحتوا تقديرا لتعبي
دمتم سالمين
رحمه نبيل ❤️ ♥️♥️✌️
....يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه السادسه والسابعه والثامنه والتاسعه والعاشره من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
![[[ عزلاء أمام سطوة ماله ]] الفصل الاول والتاني بقلم مريم غريب](https://blogger.googleusercontent.com/img/b/R29vZ2xl/AVvXsEj5dCDGVIHS3hvKQ2r0Qb68omPpCEZFmeMRmltllGi8n6APrgFrfcRImzFXSxz5CatOD5_XE-Zy0EOQM3AyWWGrRqnhw-OWF7vOaeIuXU7n1-y1FmxV0lhYQFsXs_wgpnU3qoqSrs-xD-DQ4wbTu9vzNpS6sieCu4pCciByU1GJcJO9DQdcuf3LYfVH/w100/FB_IMG_1649324978087.jpg)
0 تعليقات