رواية بنت الشيطان الحلقه السادسه والسابعه والثامنه والتاسعه والعاشره بقلم الكاتبه رحمه نبيل حصريه وجديده
رساله اليوم 💌 (اعتبرها اشاره)
لو كل حاجه ف حياتك بتيجي مش زي ما انت عايز ومخنوق وزعلان عايزة اقولك ان لو الدنيا كلها زعلتك رب الدنيا هيراضي قلبك ومش هيسيبك كده
*لأنه يحبك*💛
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
💜💜💜💜💜💜💜💜💜💜💜
كان الشيطان يسير في طريق مظلم جدا فجأه لمح نور يأتي من بعيد اقترب منه سمع صوت بكاء اقترب وجدها نفسها التي تأتي له دائما في كل أحلامه ولكن هذه أول مره تبكي كانت كل مره تضحك له اقترب منها وتحدث
الشيطان / بتبكي ليه
استمرت في البكاء
الشيطان / مالك بتبكي ليه
اقترب منها اكثر وادار وجهها له وجد دموعها تهبط بشده / ساعدني
استيقظت الشيطان بفزع وهو ينظر حوله ما هذا الحلم دائما يراها تبتسم ماذا حدث الان لها
.... ♥ 🌍
رأت نور وجهه الكريه يقترب منها بضحكه خبيثه ويجذبها من يدها بعيدا ولم تشعر بشئ
صرخت نور بكل قوتها / لالالالالالالالالالالا
دخل كلا من عمر وسمر ركضت إليها سمر برعب وعانقتها / اهدي ياحبيبتي محصلش حاجه
نور / هو كان بيشدني هو...
سمر وهي تهدئها / اششششش مفيش حاجه ياعمري هو معملش حاجه
نظرت لها نور بلهفه وهي اترجاها بعينها ان تكون صادقه
دخل القائد عليهم بعدما طرق وسمحت له سمر
القائد / حمدلله على سلامتك يا سياده النقيب
نظرت له نور وهزت رأسها بضعف وحزن
القائد بعدما رأي نظرتها ااخائفه / احنا بعد مادهمنا المكان في واحد من الظباط اللى معانا شاف واحد بيسحبك فالحمدلله جري ولحقك قبل مأيذيكي
نظرت له نور بدموع تهبط بشده وقالت بصوت مبحوح / بجد
 |
القائد ببسمه / بجد ياسياده الرائد
نور بنظره تعجب / رائد
القائد / ايوه الف مبروك يا سياده القائد علي الترقيه
نور بفرحه / بس انا انا معملتش حاجه عشان الترقيه
القائد / ازاي بقي ده انتي اللي كشفتي مكانهم لينا وكمان هربتي البنات اللي كانوا تحت الارض ومكانش جد هيعرف بيهم غير لما يموتوا ويتعفنوا انت بطل يا نور
نظرت نور بفرحه لسمر وعمر
اقترب عمر وعانقها / الف مبارك ياعمري
نور / الله يبارك فيك ياعمر
ثم نظرت للقائد / بشكرك جدا ياسياده المقدم..
القائد ببسمه / ولا يهمك علي ايه انتي انقذتي كتير اوي المفروض احنا نشكرك بعد اذنكم وحمدلله علي السلامه كمان مره
بعد خروج القائد
نور لعمر / عمر معلش عايزه اروح
عمر / طب ياقلبي استني لبكره ونروح بس ارتاحي انهارده
نور / لا معلش ياعمر شوف الدكتور كده انت عارف مش بحب مستشفيات وكمان انا الحمدلله كويسه
عمر وهو يتنهد بسبب عنادها / تمام يانور
خرج عمر للانتهاء من إجراءات الخروج
اخذت سمر تساعد نور للخروج جاء عمر وحمل نور
نور باعتراض / نزلني ياعمر انا هعرف امشي والله
عمر / تؤ تؤ انتي لسه تعبانه، لازم ترتاحي
خرج عمر وهو يحمل نور وخلفهم سمر ووضع نور في السياره من الخلف وبجانبها سمر حيث تنام نور علي قدم سمر
سمر لعمر / الحمدلله انها بخير انا كنت هموت لما كلموك وقالولك علي اصابتها
عمر وهو يشعر انه كاد يموت / الحمدلله يارب انها بخير
...... ♥ 🌍
في منزل صابرين كانت صابرين تنظر لوالدتها بتعجب كبير فهي تدور مثل النحله في المنزل
صابرين / في ايه ياماما مالك كده
ام صابرين (امل) / في عريس
صابرين / اه عريس لمين بقي.
امل /يعني هيكون لاشرقت ام خمس سنين ليكي انتي ياعجله
صابرين / بغض النظر عن عجله لاني اتعودت بس مين قالك اني هوافق وازاي تديلوا معاد انه يجي
امل / بت انتي الشاب المره دي محترم وهو كلم ابوكي وابوكي مش هيقبل رفض من بره بره زي كل مره انتي فاهمه اقعدي معاه الأول بعدين اتكلمي يلا ادخلي جهزي نفسك وحسك عينك تعملي اي حركه من حركاتك دي فهمتي
صابرين وهي تنظر بغضب لوالدتها / يعني ايه ياماما مش هينفع أرفض هو بالعافيه
امل / انا قلتلك علي الي ابوكي قاله وانتي حره بقي
نظرت صابرين بشرار ودخلت لغرفتها لاتحهز لعريس الغفله كما تقول
بعد مرور نصف ساعه تقريبا سمعت صوت والدها عائدا من الصلاه ويرحب بشخص يبدو أنه جاء معه سمعت صوت اختها وهي تدخل الغرفه
قمر / ابله صابرين عريسك قمور اوي اتجوزه انا والنبي
صابرين بملل / خفي دلوقتى ياقمر عشان مش فايقه
دخلت امها الغرفه
امل /يلا ياصابرين ابوكي بينادي عليكي
صابرين بأمل اخير / ياماما بالله عليكي انا مش عايزه اتجوز لو سمحتي تفهميني
امل / اخلصي العريس بره مش ناقصين فضايح بدل ما ابوكي يقتلك
نظرت لها صابرين بدموع وخرجت خلف والدتها دخلت للمطبخ، حملت صينيه المشروب
وخرجت وعينها في الأرض لم ترفعها سمعت صوت انثوي يبدو أنه والدته وهي تقول / بسم الله ماشاء الله يازين ما اخترت يابني
محمد ببسمه / صابرين ياماما ونعم فعلا
صابرين وهي تعرف هذا الصوت رفعت رأسها بصدمه /محمد.... ♥
..... ♥ 🌍
دخلت نور للمنزل ووضعها عمر في فراشها ثم قبل جبينها دخلت سمر وهي تحمل الطعام
سمر /يلا يانور عملتك الاكل
عمر وهو ينظر للطعام / عملتي ايه ها ها
سمر وهي تبعد الصينيه عنه / وانت مالك انت ده لنور
عمر / ماهى نور تعبانه ومش هتقدر تاكل
نور / لا هقدر انت مالك انت هاتي الاكل ياسمر
سمر/ كلي يانور عملتلك مكرونه ها مكرونه
نور / احم وريني كده اه صح مكرونه علي فكره بقي فيها شبه من بتاعتي
نظرت لها سمر بسخط
مد عمر يده واخذ قطعه دجاج 🍗 /بصوا انا اساسا جعان فمش هستني
ضحكت سمر / مهو لو تصبر علي رزقك على فكره انا عمله حسابي انا وانت مع نور
نور بتذمر طفولي / يعني آلاكل مش ليا لوحدي مش المفروض اني عيانه تجيبوا الاكل ليا لوحدي في السرير وانا اقولكم مش قادره اكل والله وانتم تجبروني اكل غصب عني
عمر وهو يٱكل / يخربيت الأفلام اللي لحست دماغك هنا لو قلتي مش هاكل هناكل احنا عادي يعني
نوى وهي تنظر له بسخط سرعان ما تذكرت / صحيح الفون بتاعي.
اخرج عمر هاتفها من جيبه
عمر / في واحد من الضباط سلمه ليا
نور / الحمدلله انه مضاعش
عمر / محتاج بس اسكرينه عشان بتاعته انكسرت
نور / اعااااا الحذم لسه مغيراها الكلاب
سمر بضحك / ياشيخه احمدي ربك انك سليمه
نور / معلش ياعمر حطه علي الشاحن
عمر وهو ياكل / لما اخلص اكل الأول يبقي احطه
نور / طفس يخربيت طفاستك
.... ♥ 🌍
مختار ( والد صابرين) / خلينا نسيب العرسان يقعدوا مع بعض شويه
احمد والد محمد / وهى كذلك
خرج الجميع وتركوهم وحدهم ولكن جلسوا على مقربه منهم
صابرين مازالت في صدمتها كيف ذلك محمد
محمد / احم صابرين
رفعت نظرها اليه.
صابرين / ازاي انت يامحمد ده انت علي طول اخويا ازاي ت
محمد مقاطعا / لا ياصابرين مش اخوكي ولا عمري اعتبرت نفسي اخوكي ياصابرين انا بحبك اوي ونفسي تكوني زوجتي ياصابرين اديني فرصه
صابرين / بس انت عارف كويس اوي اني بحب عمر
محمد بغضب / وهو مش بيحبك افهمي بقي هتفضلي تعذبي نفسك لأمتي كده
صابرين نزلت دموعها
محمد وقد ضعف أمام دموعها / خلاص ياصابرين لو سمحتي متعيطيش انا اسف لاني اتعصبت عليكي
استمرت هي في البكاء
محمد / يابنت الحلال يدخلوا دلوقتى يقولوا عملت فيها ايه هتجبيلي بلوه
ابتسمت صابرين علي كلامه
محمد / ايوه كده اضحكي ياشيخه بدل النكد اللي انتي عايشه فيه ده
محمد وهو يقترب اكثر / صابرين اديني فرصه صدقيني مش هخليكي تندمي ابدا والله انا بحبك اوي ياصابرين
لو سمحتي
صابرين وهي تنظر للرجاء في عينه / تمام يامحمد انا هدي فرصه لعلاقتنا عشان انا فعلا تعبت من كل حاجه
دخل الجميع مره اخري
مختار / ها ياصابرين موافقه علي الباش مهندس
صابرين بخجل / موافقه
أطلقت والده محمد ووالده صابرين الزغاريط وتم قراءه الفاتحه تحت فرحه محمد وقلبه الذي لايصدق حتي الآن
وخوف صابرين من القادم ولكنها اطمئنت ان محمد لا يمكنه ان يجرحها
.... ♥ 🌍
استيقظت نور في الصباح وجدت سمر مازالت نائمه
س
نور وهي تهز سمر / سمر ياسمر قومي اتٱخرتي علي المدرسه سمر
سمر بنعاس / ايه يانور في ايه
نور / قومي اتٱخرتي علي المدرسه.
سمر /مش هروح انهارده هغيب.
نور / تغيبي ايه هو انتي طالبه ده انتي مدرسه قومي ياهبله.
سمر وهي تتأفف / في ايه يانور مش هروح ياستي هتصل اخد اجازه
نور / لا قومي لشغلك يا سمر لو سمحتي
سمر / لا مش هسيبك هنا لوحدك
نور / هو انا صغيره ياسمر وبعدين انا كويسه مفيش حاجه خالص وكمان انتي بتيجي الضهر علي طول يعني مش هتأخري قومي روحي ومتقلقيش
سمر وهي تنظر لها بتنهد / انت عنيده كده ليه هتكوني بخير
نور / اه ياقلبي هكون بخير متقلقيش.
سمر وهي تنهض / طب تمام هقوم انا احضر نفسي
نظرت لها نور وهزت برأسها وفجأه رن هاتفها
نور / الو
......
نور / انهارده
.......
نور / لا انا كويسه
.....
نور/ تمام كمان ساعه هكون موجوده
...... ♥ 🌍
في قصر الشيطان
كان يجلس على السفره بشرود
جاء سراج / صباح الخير.
ولكن لم يستمع رد من الشيطان.
سراج / مالك مالك
الشيطان / في ايه يابني وبعدين بلاش الاسم ده
سراج / ماهو انت مش بترد عليا من بدري مالك
الشيطان بشرود في ذلك الحلم الذي رٱه / ولا حاجه
سراج وهو ينهض / طب امشي انا بقي اروح
لشركه انت هتروح في حته
الشيطان ببرود / اروح فين يعنى انا هعمل تمارين شويه واستني المهمه الجايه لاني حاسس ان اخر مهمه مش هتعدي بسهوله كده
سراج / ليه شاكك في حاجه
الشيطان / لا بس في حاجه كده في دماغي اتأكد منها وابلغك
سراج / طب امشي انا بقي عشان متٱخرش
خرج سراج من المنزل وهو يبتسم بخبث فقد حان وقت تنفيذ الخطه
..... ♥ 🌍
في الصعيد
في المشفي
كان عثمان يسير ذهابا وايابا وهو يكاد يموت من الخوف ليس علي السيده في الداخل بل من جده
خرجت الطبيبه بملامح غاضبه
عثمان / مالها يادكاتوره
الطبيبه بحده / تقربلها ايه
عثمان بتوتر / انا انا انا جوزها
الطبيبه بسخريه/ طيب ياجوزها المدام اتعرضت لاغتصاب وحشي ادي لكسر في الحوض وتأثر غشاء الرحم واتهتك
عثمان بصدمه / يعني ايه الحديت ديه
الطبيبه / يعني من الاخر احتماليه انها تنجب تاني ضعيفه ان ماكانتش مستحيله لو سمحت روح الحسابات وادفع
تركته وذهبت وهو يفكر كيف سيواجه جده
دخل عليها عثمان بقوه جعلتها تنتفض من مكانها
هي برعب / عايز مني ايه
....... ♥ 🌍
دخلت نور المديريه لان اللواء طلبها اتجهت مباشره لمكتبه ودخلت بعد أن اذن لها وطرقت الباب وجدت قائدها بالداخل ووجدت اللواء يتحدث بغضب مع ميار
اللواء بحده / اظن الكلام واضح ياسياده النقيب
ميار وهي تنظر بغضب لنور / واضح يافندم
اللواء / اتفضلي علي مكتبك
ذهبت ميار بغضب وعندما مرت بجانب نور نظرت لها نظره غاضبه ومتوعده
خرجت ميار وهي تكاد تحترق
نور / حضرتك طلبتني يافندم
اللواء بهدوء عكس ما كان منذ قليل /
اتفضلي استريحي
اللواء / سياده المقدم أدهم بلغني باللي عملتيه خلال المهمه
نظرت نور للقائد فابتسم هو لها
اللواء مكملة حديثه / انا فخور بيكي يابنتي جدا رغم كل المشاكل اللي كنتي بتعمليها الا اني كنت متأكد انك جواكي شخص محترف وذكي انتي امبارح مش بس عرفتى تنقذي المهمه لا وكمان انقذتي بنات كتير
نور / ده واجبي يافندم ومسئوليتي
اللواء /وانتي كنتي قد المسؤليه اكيد والدك فخور بيكي دلوقتي كان طول عمره بيتمني يشوفك وانتي شخص عظيم وليكي اسمك في الشرطه وانتى حققتي حلمه يابنتي
نور بحزن / ربنا يرحمه كان طيب جدا
اللواء / اتٱكدي يابنتي اني مكان والدك في اي حاجه تحتاجيها.
نور / شكرا يافندم ليكي
اللواء / القائد أدهم بلغني انك انتي اللى كشفتي مكانهم وانا حبيت احيكي يا بنتي علىى شجاعتك
نور / شكرا يافندم
اللواء / انا عرفت اللي اتعرضتي ليه امبارح عشان كده تقدري ترتاحي انهارده وبكره ترجعي لشغلك
نور وهي تؤدي التحيه العسكريه / متشكره جدا يافندم
خرجت نور واتجهت لمكتبها لتري صديقتيها دخلت نور وجدت ميار تنظر لها بحقد وغضب وخرجت
نور وهي تنظر لمريم / مالها دي.
مريم / سيبك منها دي هتولع منك من ساعه الترقيه
سماح / مبارك ياحضره الرائد
نور وهي تعانقها / الله يبارك فيكي ياقلبي عقبالكم يارب
مريم / اقعدي بقي احكي اللي حصل بالضبط
نور بحماس وهي تحكي / اسمعي ياستي
وقصت عليهم ماحدث معها حتي استيقظت في المشفي
سماح / يانهار كة ده حصل لك
مريم / الحمدلله انك فلتي منه وعدت علي خير ياقلبي
نور/ الحمدلله
مريم / لا بس انتي كنتي جامده ياكبير
نور / امال يابنتي ده أقل شئ عندي
مريم / تبا لتواضعك
ضحكت نور و سماح
قاطعهم رنين هاتف نور فتحت نور الهاتف وجدت رساله نظرت لها بفرحه
نور وهي ترتدي ثيابها / طب يابنات سلام بقي عشان عندي حاجه مهمه لازم اخلصها
مريم / استني بس
سماح / خلاص مشيت
....... ♥ 🌍
دخل عثمان علي الفتاه بشر
الفتاه برعب / انت عايز مني ايه
عثمان بحده وهو يهزها / انطجي ياحرمه مين جدفك عليا.
الفتاه وهي تتألم / اه سيب دراعي عم توجعني
عثمان / واجتلك كونان لو منطجتيش دلوك مين رماكي في طريجي
الفتاه / مفيش حد رماني انت اللي اخدتي امبارح علي شجتك واتهجمت عليا.
عثمان بصراخ / عبيط انا إياك عشان اصدج حديتك الماسخ ده
نظرت له الفتاه / صدج و لا ماتصدجش مهيهمنيش
عثمان وهو يفكر في حل لهذه الكارثه
عثمان / اسمعيني منيح لاني ماعكررش حديتي واصل انا هتحوزك لفتره لحد ما الموضوع ديهدي وبعديها هديكي جرشين تصرفي بيهم حالك وتبعدي عن وشي خالص والا معتلوميش غير نفسك فهمتيني
صرخ في الكلمه الاخيره مما جعلها تهز رأسها برعب من ملامحه وتهديده الواضح
.... ♥ 🌍
في منزل والد نور
الحاج حسين / صباح الخير يامرت ولدي
والده نور / صباح الخير يابا الحج
حسين وهو يجلس على السفره / امال فين ابنك يا ابراهيم
ابراهيم ( والد عثمان) بخوف من والده/ هو ياحج كان كان.
_انا اهنه ياجدي
...... ♥ 🌍
اتصل سراج بالشيطان
سراج / الو
الشيطان وهو يركض علي المشايه ويضع السماعات / الو ياسراج في ايه
سراج / احم لا كنت بس بسأل انت في البيت ولا لا
الشيطان وهو يتوقف / منا قلتلك اني هتدرب
سراج / اصل في ملف مهم جدا نسيته في البيت وكنت راجع اجيبه وافتكرت اني نسيت المفتاح عندك فكنت بتٱكد بس انك هناك
مالك وهو يمسح العرق / لا انا موجود
سراج /تمام انا قربت اوصل اهو سلام
مالك / تمام سلام
.... ♥ 🌍
كانت نور تركب التاكسي وهي تنظر بحماس من النافذه وتهدٱ قلبها
السائق / وصلنا للعنوان يا انسه
نور / تمام اتفضل
دفعت نور الاجره وهبطت من السياره ودخلت وهي تنظر حولها بانبهار.
كان مالك يشرب المياه وهو ينظر في هاتفه فجأه رن جرس الباب
اتجه اليه وهو يرتدي شورت كالعاده
فتح الباب وهو ينظر في هاتفه
مالك / ادخل ياعم ومتنساش المفتاح تاني افرض مش في البيت
كان يتحدث وهو يعطي ظهره للباب ويشرب وينظر في هاتفه
لا ينتبه لتلك التي تنظر ببلاهه لعضلاته المشدوده وجسده القوي
مالك وهو يلتفت / انت اتخرست ولا ايه يابني
نظر مالك وفتح عينه بصدمه ماذا تفعل هذه هنا وكيف وصلت لمنزله
.... ♥ 🌍
الحاج حسين / كنت فين ياعثمان ومين دي اللي معاك
عثمان برعب وهو ينظر لجده / دي دي ياجدي بتكون مرتي
نظر الجميع له بصدمه......
♥ 🌍 ................ ♥ 🌍
عارفه والله ان الفصل قصير بس هنزل كمان واحد لو لقيت تفاعل
♥ 🌍 ............... ♥ 🌍
لهنا وخلصت رحلتنا لأنهارده وطبعا للقصه باقيه لسه أحداث كتير هنعيشها ومن الفصل الجاي هنعيش معاهم كل لحظه
توقعتكم لرد فعل مالك؟؟
دمتم سالمين رحمه نبيل ❤️ ♥️♥️💚
#الحلقة_السابعة
أذنبت ياربي وءآذتني ذنوبي...مالها من غــافر ســواك 🌸
دنيــاي غرتني وعفــوك غرنــي ...ماحيلتي في هذه الدنيا الا انت🌸
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
开始吧
💜💜💜💜💜💜💜💜💜💜💜💜
في مكتب سراج كان يجلس ويبتسم باتساع علي نجاح خطته تذكر رسالته لنور بالعنوان وان تذهب اليه الان وبعدها تحدث لمالك ليخبره انه سيأتي حتي يظهر لنور دون تنكر لظنه انه هو من جاء ضحك ءسراج باستمتاع علي خطته سوف يجمع بين هذين الاثنين لعلمه بانشغال الشيطان بها دائما اذا هذه هي فرصته الوحيده لكي يجمع بينهم
........... ♥ 🌍
في الصعيد
في منزل اهل نور.
الحاج حسين بحده / انت جولت ايه ياولد كيف بتتجوز بدون علم حدا منينا جتلتنا بالحيا ولا ايه
نظر عثمان في الأرض لايعرف ماذا يقول هل يقول له انه اغتصبها وبسببه أصبحت عقيمه هل يخبره ان حفيده الذي يتباهي به بين العائلات هو مجرد شخص قذر يسير خلف اهوائه
ابراهيم بعضب / ماتنطج ولا خرست جول كيف اتجوزت بدون علمنا ياجليل الحيا
عثمان وهو يبتلع ريقه / يابا هي جات أكده مكنتش مرتب لحاجه واصل.
ابراهيم بسخريه / لا راجل ايه شربتك حاجه اصفره ومضيتك ولا هددتك
ام إبراهيم / الله كلكم علي ولدي ليه هو عمل ايه يعني هو اتجوز ما جتلش حد
ابراهيم / انت تخرسي خالص حسابك معايا بعدين ماهو كله بسبب دلعك الماسخ فيه تلاجيه عمل أكده بعلمك
عثمان مسرعا / لا يابوي امي ما تعرفش حاجه عن الموضوع
ابراهيم / خاف علي نفسك يا خويا
وياتري اتجوزت مين
عثمان بتوتر كيف يخبرهم انه حتي لايعرف اسمها اكيد سوف يشكون كيف يمكن لشخص الا يعرف اسم زوجته
عثمان / احم هي هي بتكون بنت ااااااا
الفتاه لتنقذ الموقف / انا فاطمه يابا الحاج
نظر هو لها وتنهد براحه لأنها انقذته ثم نظر لوالده يحاول ان يبرر موقفه
عثمان / يابا انا....
ابراهيم / أخرس من اليوم مالكش اب لان ابني عمره ما كان هيستحف بيا ويتجوز من ورا ضهري جيت انت قبل أكده وخبرتني انك رايد تتجوز وانا رفضت يبجي ليش تتجوز بالسر
نظر عثمان بخزي لوالده
حسين واخيرا خرج عن صمته / خد عروستك واطلع اوضتك يا عثمان
ابراهيم / لا يابوي ياخدها ويروح مترح مايروح ملهوش مكان اهنه
ضرب حسين بعصاه في الأرض / انا جولت كلمه خد زوجتك واطلع فوق يا عثمان
نظر عثمان لأبيه وجده ثم امسك يد فاطمه وصعد للاعلي
بعد ذهابه نظر الجد لإبراهيم / بتعصي كلامي يا ابراهيم إياك انا ربيتك علي أكده
نظر ابراهيم في الأرض بخزي / اسف يابوي
حسين / اللي حوصل حوصل هو اتجوز وخلص الموضوع منجيش احنا ونفضح نفسينا
نظر الحاج حسين لهناء (والده عثمان)
/طلعي الاكل للعرسان فوق ياهناء
هناء / عنيا يابا الحاج.
في الاعلي
دخل عثمان ووضع يده علي رٱسه بسبب ما اقحم نفسه فيه كيف فعل هذا كيف ورط نفسه في هذه المشكله شعر بها تقف أمامه رفع نظره وجدها تنظر بانبهار للغرفه
عثمان وهو ينظر لها بعضب فهو يشعر انها سبب جميع المشكلات
ذهب وامسك مرفقها بغضب شديد / اسمعي يابت انتي.. انتي اهنه مجرد خدامه بس وهي فتره وهطلجك وهجول اني مترحتش ليكي فهماني يابت المركوب انتي
نظرت له بخوف / ليه اني عملتلك ايه
عثمان /بعد كل المصايب دي وتجولي عملتي ايه وبعدين انا بحب بنت عمي وهتجوزها وانتي هطلجك واخلص من شكلك العفش ديه وانجري من خلجتي
ورماها حتي سقطت علي الارض وذهب للحمام
مسدت زراعها بألم / بجي أكده ياعثمان طب مبجاش فاطمه اما بوظتلك كل مخططاتك واخليك تندم على معاملتك دي وبكره الايام تبينلك
.......... ♥ 🌍
نظر الشيطان بصدمه لها ماهذا هل خرجت من أحلامه لتتمثل أمامه ام ماذا نظر لها وفكر هي لاتعرفه اكيد فهو عندما رأته كان متنكرا لذا ليدعي الجهل والبرود كعادته
ولكن كل هذا تبخر عندما سمع صوتها وهي تنطق اسمه
نور بصدمه / انت الشيطان
نظر لها بتعجب كيف عرفته
نور وهي تتمعن في وجهه / واااااااااو مكنتش اتوقع انك قمور كده
نظر لها بصدمه هل تتغزل به الآن ولماذا كلمتها هذه ارضت غروره فهي ليست اول مره يسمع امرأه تتغزل به
الشيطان محاولا الظهور ببروده / شيطان مين انتي مخبطه علي البيت عشان تهزري ولا ايه
نور بعناد / انت الشيطان ومتنكرش عشان سراج بلغني كل حاجه
لعن الشيطان سراج في سره والان ربط كل الأحداث ببعضها اخباره له انه سيأتي لكي لا يتنكر هذا الحقير سيريه
نظر لها ببرود كعادته / عايزه ايه وايه اللي خلاكي تدوري ورايا وتوصلي لسراج وتتكلمي معاه
كان يقول هذا الكلام بعضب لا يعرف لماذا
نور ببسمه طفوليه / طب دخلني الأول طيب
نظر لها بدقه ثم افسح لها الطريق للدخول دخلت نور ونظرت بانبهار للمنزل انه جميل جدا وبسيط رغم اثاثه الفاخر الا انه يدل علي ذوق صاحبه
فجأه وهي تسير تعرقلت في السجاد ووقعت علي طاوله واسقطت مزهريه تبدو ثمينه
نظرت لها نور باعين ستدمع ثم نظرت له نظره طفل مذنب / ما اخدتش بالي
مسح علي وجهه هذه الفتاه ستقتله
نظرت هي لغضبه بخوف ولكن دققت في ملامحه اكثر
الشيطان / لو خلصتي تأمل ممكن تقولي عايزه ايه مني
نظرت له نور والان فقط لاحظت عدم ارتدائه لأي شئ سوي شورت
وضعت نور يدها علي عينها ودارت بسرعه / البس حاجه عيب كده
نظر هو لها بحاجب مرفوع وتنهد بملل لايعلم مالذي يجعله لا يحملها ويرميها خارج منزله اخذ التيشيرت الخاص به من علي الاريكه وارتداه
الشيطان ببروده المعروف / لبست فتحي وتعالي قولي عايزه ايه عشان انا مش فاضي للعب العيال ده.
جلست نور وقالت في سرها / وقح اوي يعني حتي مسألنيش اشرب ايه
نظر لها بسخريه فهو استطاع قراءه حركه شفاهها
الشيطان ببرود / انتي مش جايه تتضايفي هنا عشان احطلك عصير
نظرت له بصدمه كيف عرفت فيما تفكر
الشيطان / ها عايزه ايه مني وايه اللي خلاكي تدوري ورايا لحد ماوصلتي هنا
نور متجاوزه وقاحته / احم انا كنت عايزه حضرتك ت ت
الشيطان / ت ايه
نور بصوت منخفض جدا / تدربني علي الفنون القتاليه
رغم سماع الشيطان لها فهو يسمع تدق الأصوات الا انه ادعي عدم سماعه / قلتي ايه.
نور بغيظ / يعني سمعتني وانا بكلم نفسي ومش سامعني وانا بكلمك
نظر لها ببرود / لا سمعت بس عايز اسمعك بصوت عالي
نور وهي تتنهد / عايزاك تدربني علي الفنون القتاليه لو سمحت
الشيطان ببرود / حد قالك اني بدرب يعني عشان تجيلي
نور / احم لا انا شوفتك يوم ماكنت بتضرب العصابه في حاره الفتوه وعايزه اتعلم ازاي اضرب وكده
الشيطان نظر لها ببرود / طلبك مرفوض
نظرت له نور بصدمه وفتحت فمها
الشيطان / اتفضلي وقتك خلص
نور / بس انا مش...
قاطعها ببرود/ اسمعي انتي شوفتي شكلي الحقيقي وكلمتيني وانا هسيبك تعيشي بعد ده كله المفروض تحمدي ربك ومتظهريش في وشي تاني
نور وهي تنظر اليه بحزن / بس هما بيتريقوا عليا اني مش بعرف اعمل حاجه وانا كنت عايزه اتعلم عشان اوريهم اني بعرف ابقي زيهم
نظر لها ببرود / روحي لأي مدرب قتال مش مشكلتي انا مش فاضي للعب العيال ده
نظرت له نور بحزن / يعني مش هتساعدني
الشيطان / لا
نور / لوسمحت
الشيطان مقاطعا / انا مش فاضي اني ادرب حد انا بيبقي عندي مهمات في دول تانيه ممكن تستمر لشهور يعني اولا وقتي مش سامح ثانيا انا مش بحب اتعامل مع حد معرفوش
نهضت نور ونظرت له بحزن لقد حطم أمالها / متشكره علي وقت حضرتك واسفه اني عطلتك
خرجت نور ونظرت للباب بحزن ماذا هل توقعت ان يرحب بالموضوع ويوافق علي الأمر علي الاقل حاولت
بعدما خرجت تنهد الشيطان يخرج أنفاسه يا الله يقسم انها ان استمرت بالنظر له بنظرتها هذه كان سيوافق يالله كيف تستطيع أن تفعل به هذا هو لايمكنه ان يوافق يخشي ان تصاب بسببه فاي شخص قريب منه دائما ماينتهي الأمر بقتله وهو لا يتحمل ان يقتل شخص لاذنب له بسببه نعم هذا هو السبب
حاول اقناع نفسه بهذا وانه رفض لحمايتها فقط نعم
نهض واتجه لغرفه التمرين ولكن اثناء ماكان يذهب لفت شئ في شاشات المراقبه نظره فتح عينيه بصدمه واخذ قميصه وخرج بسرعه البرق
.......... ♥ 🌍
سمر وهي تدخل للفصل / ياربنا ياعمر بقولك هي اللي اجبرتني انزل غصب عني وقالتلي انها هتكون كويسه وانا هخلص والله بسرعه وارجع
عمر / تمام ياسمر ومعلش لو كنت اتعصبت بس خوفت عليها
سمر / ولايهمك يابني كفايه العلقه اللي عطتهالك
عمر بغيظ / اقفلي يابت ده انتي رخمه بشكل
أغلقت سمر الهاتف وهي تضحك علي اخاها
سمر وهي ندخل /good morning kids
الطلاب /good morning
عطوه / ميس ميس
سمر / نعم يا اخ عطوه في حاجه
عطوه / يعني أيه كيدز
سمر / كيدز يعني أطفال يا اخ عطوه.
عطوه / ان بس احنا مش أطفال احنا رجاله
سمر / ماشي اسفين يامعلم.
طلعوا يلا الكتاب الملون
نظرت سمر وجدت عامر كالعاده يغاذل جودي / الأخ اللي بيسبل وراه الله يكرمك ركز معايا والأخت صغيره علي الحب سيبك منه وركزي معايا نبدأ ولا حد عايز حاجه
احد الطلاب / ميس ميس
سمر /نعم يا اخ شادي اتفضل.
شادي /ممكن اروح التواليت
سمر / ياسلام اتعلموا من الأخ شادي شايفين الكلام تواليت اتفضل يا اخ شادي بارك الله فيك
خرج شادي
سمر/ طب يلا طلعوا الكتب عشان نبدٱ
....... ♥ 🌍
هناء وهي تطرق الباب / افتحي ياولدي جبتلك الوكل
فتح الباب وجدت فاطمه تنظر لها بخجل مصطنع / اتفضلي ياما
هناء بفرح / يزيد فضلك يامرت ابني
اتفضلي ده الوكل كلي ووكلي عثمان كويس احسن اني عارفاه لمن يكون شايل الهم مش بياكل ياحبه عيني
فاطمه / متحمليش هم ياما سي عثمان في عيني
هنا / تسلمي ياحبيبتي افوتكم انا بجي
فاطمه /منتي منورانا ياما
هناء / لايبنتي معينفعش أهمل عمك لحاله احسن يجلب البيت فوج روسنا كليتنا وبعدين انتم عرسان جداد خليكم تاخدوا راحتكم
وذهبت هناء اغلقت خلفها فاطمه بخبث فها هي قد كسبت حماتها في صفها
خرج عثمان من الحمام وهو يرتدي سروال ويجفف شعره / مين كان علي الباب
فاطمه / دي كانت اما بتجيب الاكل عشان نتعشي
عثمان / مش واكل عايزه تاكلي انتي كلي وطفي النور بعد ماتخلصي
فاطمه / ليه أكده يعني ولا مانتش رايد تاكل معايا
عثمان / هو أكده مش حابب اكل معاكي حلو أكده
واعطاها ظهره ونام
نظرت له بشرار سوف تجعله يتوسل رضاها
.......♥ 🌍
خرج سراج من الشركه وركب سيارته وفي الطريق وقف في الاشاره ونظر بجانبه وتجمدت عينه عليها انها هي القطه الشرسه كما اطلق عليها تنام كالاطفال في السياره يالله انها حقا تبدو لطيفه جدا بهذا المنظر
فجٱه فتحت الاشاره وانطلق السياره وذهب هو أيضا ومازالت صورتها محفوره في رأسه
........ ♥ 🌍
دخل محمد للمكتب وهو سعيد جدا.
نظر له عمر بتعجب / خلصت الشغل في الموقع يامحمد
محمد كان شارد وهو يبتسم
نظر له عمر بتعجب ونهض وذهب اليه
عمر / محمد يامحمد انت ياحج في ايه
محمد / يا اخي انتي ايه فصيل اوي
عمر / كنت بسألك خلصت الشغل في الموقع
محمد / اه خلصت ورجعت الشركه علي طول الجو هناك حاجه زفت
عمر / انت هتقولي ده انا مقيم هناك قولي بقي كنت بتفكر في ايه
محمد وقد ارتسمت الابتسامه مره اخري / صابرين
عمر / صابرين!!!! مالها
محمد / وافقت علي الخطوبه
عمر / بتهزر؟!!!!بجد وافقت
محمد / اه وافقت امبارح روحت وطلبتها ووافقت انها تدي لعلاقتنا فرصه
عمر بسعاده / الف مليون مباااااااااااااااارك ياصاحبي
محمد / الله يبارك فيك ياعمر عقبالك يارب
عمر بضحكه / لا لسه شويه كده لما الاقي اللي تخطف قلبي بجد
محمد بضحكه / ماشي يابو قلب انت يلا بقي سلام عشان قلت لصابرين اننا هنتغدي مع بعض
عمر بغمزه / ايوه بقي من لقي احبابه
محمد / ههههههه يا اخي بلاش قر ده بس ابوس ايدك
عمر / دعواتي وقلبي معاك يابني
خرج محمد وهو يضحك وذهب لصابرين واخذها للذهاب لمطعم
....... ♥ 🌍
كانت نور تسير بحزن لانه لم يوافق وفجأه سمعت صوته من خلفها وهو يصرخ
الشيطان / حاسبييييييييي
وأخرج مسدسه واخذ يطلق النيران صدمت هي ولم تعرف ماذا يحدث ففي خلال ثواني كانت هناك سياره تقف أمامها وتأخذها من أمامه صرخت نور وأنطلقت السياره بعدما اخذت نور
ركض الشيطان خلف السياره بسرعه رهيبه كان يركض بسرعه وأخرج مسدسه وأطلق علي الإطارات ولكن اخطأها وأطلق مجددا حتي ثقب الإطار ودارت السياره وكانت علي وشك الانقلاب وقفت السياره وهبط منها رجال كثيرون وظلت نور في السياره ومعها رجل وضع لاصقه علي فمها وقيد يدها وهي تظر لما يحدث بالخارج اخذ الشيطان يضربهم بكل قوه ويتفادي ضربهم اخرج سلاحه وأطلق عليهم النار سقطوا أرضا اما بسبب ضربه او بسبب الرصاص
ركض للسياره ولم يكد يصل لها حتي خرج الرجل منها وهو يمسك نور ويوجه المسدس لرٱسها نظر له الشيطان بحذر فاي حركه خاطئه قد تودي بحياتها
الرجل وهو يصوب فوهه مسدسه لرٱس نور / متتحركش من مكانك والا اترحم عليها نظر له الشيطان نظره مرعبه كاد الرجل يتبول علي نفسه من نظراته نظر الشيطان لعيون نور وأشار لها علي قدمها نور بعدم فهم تهز رأسها
الشيطان في نفسه / ياربنا علي الغباء
أشار بحاجبه علي قدمها نظرت له نور تحاول فهمه وجدته ينظر بقدمها ويشير عليها ويفتح قدمه قليلا فهمت اخيرا مايقصد وفتحت قدمها له وفي ثانيه كان يطلق نار علي قدم الرجل حيث انها كانت ترتدي فستان وكانت تفتح رجلها قليلا فاطلق النار بين رجلها فاصابت قدم الرجل فركض له الشيطان وضربه وقام بإطلاق النار عليه اخرج هاتفه وأرسل رساله وأغلقه ونظر لها نظرت هي له ثواني وكانت فاقده للوعي بين يديه
حملها الشيطان واوقف سياره واعطاها عنوان منزله وبلا وعي ضمها له بحمايه كأنها ابنته نظر لها ببسمه صغيره /انتي فعلا محتاجه تدريب.
...... ♥ 🌍
عاد سراج للمنزل وهو خائف من رده فعل الشيطان علي مافعله
دخل ولم يجد أثر له هل قتلها ام ماذا لايستبعد هذا ولماذا كان باب المنزل مفتوحا هل حدث هجوم علي المنزل ام ماذا كاد ان يذهب لرؤيه شرائط المراقبه ولكن وجد الباب يفتح ويدخل الشيطان وهو يحمل نور علي يده فتح سراج فمه من هذا المنظر الشيطان يحمل فتاه ماهذا الذي يراه
مالك بغيظ / هتبصلي كتير اتصل بمازن فورا
سراج / عملت فيها ايه يخربيتك يا شيطان
الشيطان / اخلص ياسراج دلوقتي اتصل بمازن يجي يشوفها
سراج/ تمام تمام
اتصل سراج بمازن
سراج / الو يامازن
مازن ( طبيب ووسيم وهادئ جدا الصديق الثالث) بهدوء / ايوه ياسراج
سراج / معلش يامازن ممكن تيجي القصر وتجيب معاك شنطتك
مازن وهو ينتفض / مالك كويس ولا حصله حاجه
سراج / لا ده مش مالك لما تيجي هقولك بس بسرعه لو سمحت
مازن وهو يحمل حقيبته / تمام انا خارج اهو ربع ساعه واوصل لكم
سراج / ربع ساعه ويوصل
هز الشيطان رأسه بايجاب ولم يحيد بنظره عن نور تبدو مثل الملاك وهي نائمه تري ماذا ستفعل به...
......... ♥ 🌍
عادت سمر للمنزل
سمر وهي تضع حقائب التسوق علي الطاوله /نور يانور.... مالها دي مش بترد
نور
دخلت غرفه نور ووجدت الفراش فارغ
سمر بكل هدوء / خرجت انا كان قلبي حاسس الجذمه دي مش هتعدي يوم من غير بلوه
سمعت صوت الباب ركضت اليه وهي اظنها نور / كنت فين ياحيوانه
عمر بتذمر / انا سمعت منك شتايم كتير وقليل بس ماوصلتش انك تشتميني بحيوانه
سمر /معلش كنت فاكراك الحيوانه التانيه
عمر بهدوء / خرجت
هزت سمر رأها
عمر / يعني كمان ربع ساعه كده يكلمونا نروح نجيبها من اي بلوه
سمر / بالضبط
عمر / طب جهزي اتغدي قبل ما...
قاطعه رنين هاتفه باسم نور
عمر / الغي الغدي ياسمر خلاص
الو
.......
ايوه مين حضرتك وفين نور
......
يعني هي كويسه
.......
تمام ابعتلي العنوان وانا هاجي اخدها
نظر لسمر / يلا ياختي خلينا نروح نجيبها
سمر / الحمدلله مغيرتش يلا
........ ♥ 🌍
استيقظت نور وهي تأن من وجع رٱسها
نظرت حولها وجدت ثلاث شباب غايه في الوسامه
نور / ايه اللي وقعني في فيلم اجنبي
ضحك سراج بصوت عالي عليها بينما تبسم مازن ومالك هز رأسه بيٱس من هذه الفتاه
سراج / حمدلله على السلامه يا نور
نور / الله يسلمك ايه اللي حصل
سراج / في ناس حاولت اخطفك بس شيطان انقذك
نور / اها طيب الحمدلله
ثم نظرت للشيطان / شكرا جدا
سراج بتعجب / انتي يعني مترعبتيش لما عرفتي انك كنتي هتتخطفي
نور بعدم مبالاه / لا منا متعوده علي كده تعرف انا كنت لسه مخطوفه طازه امبارح
ضحك سراج علي هذه الفتاه يبدو أنه سيستمتع حقا
مازن / فعلا فى مكان ضربه في دماغك ارجو متتعبيش نفسك اكتر
نور وهي تهمس لسراج ليهبط لمستواها / مين القمر ده
قرأ الشيطان شفاهها وكان سينفجر من الغيظ بسبب عفويتها تلك
سراج بضحكه / ده مازن صاحبنا التالت والدكتور الخاص بعمليات الشيطان
ثم غمز لها.
هزت هي رأسها بتفهم / بس سبحان الله هو كلكم كده هو انتم كنت بتاكلوا كارميل وانتم صغيرين
انفجر سراج بالضحك يالله هذه الفتاه عفويه بدرجه كبيره
الشيطان بغيظ خرج صوته حاد /مش كفايه ضحك ولا ايه
نور بتذمر / وانت مالك انت ها
نظر لها مازن وسراج ببلاهه هل تتحدث للشيطان هكذا يالله هذه الفتاه تحفر قبرها بيدها
الشيطان ببسمه خبيثه / لازم تسمعي كلامي لاني مدربك وكل كلامي يتنفذ بالحرف......
♥ 🌍 ...................... ♥ 🌍
الفصل أطول من المره اللي فاتت اهو وانا بإذن الله كل مره هيبقي عندي وقت هكتب اكتر 🔥
اتمني بقي دعوه من قلبكم كده لاني داخله علي ايام طحن والله وهتنفخ بس زي ماوعدتكم كل يوم بإذن الله فصل الا لو حصل حاجه منعتني هنزل اعتذار بكده
♥ 🌍 ........................ ♥ 🌍
توقعتكم للفصل الجاي وياتري الشيطان هيعمل ايه لنور في التدريب وهل هي هتتحمل تدريبه وشراسته
كل ده واكتر في الفصل الجايه من
بنت الشيطان ♥️
#الحلقة_الثامنة
رساله اليوم 💌
••
اللهم لا تحرمنا من امنيةٍ تُفرِح قُلوبنا ، وتوبة تَجلى هُمومُنا ، وتَوفيقاً يُنِير دُروبنا وسَعادة تُذهِب حُزننَا..💜💭
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
开始吧
💜💜💜💜💜💜💜💜💜💜💜💜
نور وهي تفتح فمها ببلاهه ماذا هل وافق هكذا بسهوله سيدربها نظرت له بحماس شديد وقالت / وحياه امك
ضحك سراج عليها
نظر لها الشيطان ببرود
نور / احم اسفه اتحمست اوي بس بجد والله هتدربني
الشيطان ببرود / بكره الساعه 6 تكوني هنا
نور / ليه هبيع لبن ولا ايه
الشيطان / لو اتأخرتي ثانيه هعاقبك
نور فتحت فمها عليه ماذا يقول هذا هل هناك عقاب.
كانت ستتحدث لولا طرق باب المنزل هبط مازن وفتح الباب بعد لحظات وجدوا سمر تندفع هي وعمر
سمر / بقي كده ياكلبه البرك تضحكي عليا.
ثم اخذت تقلدها / روحي انتي ياسمر
انا كويسه ياسمر جذمه اوي يعني
ده انا هنفخك ياحيوانه انا يانور تضحكي عليا وياتري ايه البلوه المره دي اتسلختي ولا قطعوكي انا هموت واعرف انتي مبتهشيش دبانن ازاي ليكي كميه الأعداء دي
نور بتذمر / ماخلاص بقي ياسمر لسه هتهزأ من عمر
عمر / ايوه ياسمر سيبيلي فرصتي
ثم نظر لنور /ده انا هنفخك بقي انتي تسربي سمر عشان تعملي بلاويكي انتي مش بتحرمي ياشيخه نفسي يعدي يوم من غير ما ارجع الاقيكي عامله مصيبه انتي ايه ياستي مش بتتهدي ياشيخه
نظرت لهم نور بملل
الشيطان ببرود / لا وخبره في المشاكل كمان
نظرت له نور بغيظ هى حتي الآن لا تستوعب فكره انها ستستيقظ مبكرا
سمر / ماشي يا نور وحياه عم سيد اللي رمي علينا البلوه دي لاربيكي
نور / ما خلاص بقي ياوحش اهدي كده
كل هذا ولم ينتبه احد لهذا الذي صدم من وجودها هذه القطه الشرسه موجوده امامه وكأن القدر يعانده ترجم أفكاره علي هيئه سؤال / انتي تعرفيها
نظر الجميع له
سمر باعين مفتوحه / انت بتعمل ايه هنا
عمر بتعجب / تعرفيه ياسمر.
سمر /ده الراجل بتاع الكوبيات ياعمر اللي قلتلك عليه
عمر / اه افتكرت
سراج وهو يشير لنفسه /بتاع كوبيات انا
ضحك مازن ولأول مره علي صديقه.
وابتسم الشيطان يبدو أن الغباء وراثه بهذه العائله
عمر لسراج / شكرا انك اتدخلت وساعدتها اصل لو مكنتش اتدخلت كنت هروح اجيبها من القسم
هز سراج رأسه وهو مازال ينظر بغيظ لهذه الفتاه
مازن / طب استأذن انا بقي عشان العياده لوحدها
هز الشيطان برأسه
نظرت سمر لنور ثانيا / قومي ياختي والله حاسه اني في يوم هجيبك متقطعه
نور بتمثيل / انا تعبانه ياسمر اوي مريضه ياناس
عمر / يامسكينه
نور / اه والله ياعمر مسكينه ابعد بقي سمر عني عشان انا مريضه
عمر / انسي مش انا قبل كده اتحاميت فيكي وسبتيني ليها
سراج في سره / يابنت المجنونه ده انت عمله رعب ليهم.
سمر / ولو ولو لازم تتأدبي علي عملتك دي يلا قدامي وانت اللي هتعملي العشا
نور وعمر بصراخ معا /لالالالالا
نظر لهم سراج ومالك بصدمه
سمر /متخافيش يام مكرونه ابقي اقلي بطاطس هو ده اللي فالحه فيه يلا ياعمر شيلها
نظر الشيطان بحده لسمركيف تطلب منه حملها حدث نفسه ماذا اذا كان أخيها ولماذا هو غاضب هكذا هي لاشئ فقط سيدربها وينتهي الأمر
ذهب عمر وحملها وشكر مالك وسراج علي مساعدتهم لها وخرجوا من القصر
سراج لمالك / دول مجانين
مالك نظر له بشرار وتحدث ببرود مرعب / انت اللي قلتلها علي مكاني
مالك وهو يبتلع ريقه / اصل اصل
مالك ببرود /فاكر اني هحبها لمجرد انها شبه اللي بتجيلي في أحلامي انسي ياسراج مش الشيطان اللي يحب
وتركه وخرج
سراج بضحكه خبيثه / علي سراج يامالك ده انت عينك كانت هتطلع لما عرفت ان عمر هيشيلها هتقع ياصاحبي وجامد كمان
ثم تذكر قطته الشرسه وخوف الجميع منها فضحك كثيرا عليها انها حقا جميله جدا
......... ♥ 🌍
دخل الشيطان لغرفته وتسطح / ياتري هتعملي ايه تاني فيا يانور
اغمض عينيه ولكن رأي صورتها أمامه بتذمرها وضحكتها
الشيطان بجده لنفسه / متفكرش فيها انساها بقي انا ايه اللي خلاني اقبل اني ادربها
........♥ 🌍
في منزل حسين جد نور
كان عثمان مستغرق فى النوم وبجانبه فاطمه نظرت له وتأكدت انه نائم وتسحبت من جواره وأخذت تسير علي قدمها بكل هدوء حتي لا يشعر بها وسارت ناحيه مكتبه الذي يوجد باب في غرفته للوصول له دخلت بخفه واضائت مصباح صغير حتي لايشعر بالضوء وأخذت تبحث في كل مكان وتنظر في كل الورق على أمل أن تجده
ظفرت بضيق أين وضعه هذا الغبي
فجأه وقع نظرها علي خزنه في زاويه الغرفه ركضت إليها وحاولت فتحها وجدت رقم سري حاولت أن تكتب اي رقم لعله الصحيح استغرقت نصف ساعه ولك تستطع فعل شئ يأست من ذلك وعادت للنوم بجانبه وهي تفكر في طريقه للحصول علي الرقم من عثمان حتي تنتهي من هذه المهمه وترحل عن هنا
............. ♥ 🌍
عادت نور. وسمر وعمر للمنزل
عمر / اااااااه يانا ادعي عليكي اقول ايه يانور يابنت ام نور كشفت راسي ودعيت عليكي كل يوم بلوه اكبر من اللي قبلها ومين دول بقي اللي حاولوا يخطفوكي
نور وهي تهز كتفها بلامبالاه / معرفش والله يابني حب الناس بقي
سمر / سبحان الله كل ده ومش بتعرفي تهشي دبانه امال لو بتضربي وبتطلعي مهمات وكده كنت عملتي فينا ايه
نور / انتي بتسخري مني ياسمر طب هارو فكره بقي اللواء بيقولي انت رهيبه يانور انتي عبقريه يابنتي امال انا اترقيت ازاي
سمر / بدعي الوالدين
نور / طب ياسمر افضلي اتريقي كده كتير لحد ماكون قويه واهزم الكل ها
عمر / انا جعان
سمر وهي تنظر لنور / يلا ياحلوه بقي روحي اعملي اي حاجه
نور / علي فكره المفروض تعملوا ليا انا تعبانه والمفروض ارتاح
سمر وهي تدخل / ده المفروض بقي يلا قومي ومتتلكعيش يلا
نور بعدما دخل الجميع لغرفته صرخت /طب علي فكره بقي ده اسمه استبداد وظلم انتي ظالمه ومستبده يا سمر ها ومش هخاف اقولها بأعلى صوت
سمر خرجت لها/انتي يابت هبله ولا حاجه كل ده عشان هتعملي عشا طب ايه رأيك عشا بكره عليكي برضو وظلم بظلم
نور بتصنع البكاء / حرام عليكي ياسمر بقي
سمر وهي تدخل / اخلص ارجع الاقي الاكل علي السفره
نور وهي تدبدب في الأرض /اووووف
ياريتني كنت اتخطفت علي الاقل هاكل واشرب من غير ما اعمل شغله
سمر من الداخل / بطلي رغي يابت وخلصي
نور أخرجت لسانها
سمر / دخلي لسانك ياهبله
نظرت نور برعب حولها كيف عرفت هذه انها تخرج لسانها هل تضع كاميرات
سمر من الداخل /مش حاطه كاميرات ياغبيه بس عارفاكي كويس
ضحكت نور علي ابنته خالتها انها تحفظها
........ ♥ 🌍
في الصباح استيقظ سراج او لنقل لم ينم سوي ساعات قليله فقط لانه كان يفكر في قطته الشرسه ارتدي ثيابه وهبط وجد مالك يجلس ويأكل طعامه ببرود كبير جدا
سراج بلا مقدمات / مستنيها
نظر له ببرود كبير ولم يجب عليه
سراج بضحكه حاول كتمها / خلاص متقلبش وشك كده ياحج
يلا همشي انا كده عشان الحق الاجتماع have fun
وغمز له
نظر له الشيطان ببرود / رخم
....... ♥ 🌍
استيقظت نور من نومها بفزع نظرت للهاتف وجدت الساعه 6:05
نور /يانهارررري من اول يوم كده هتنفخ
نهضت وارتدت بلوزه سوداء بها رسومات حمراء وبنطال جينز تلجي
وركضت للخارج كان الجميع مازال نائما نزلت السلالم وجدعت هذا السمج يهبط أيضا
عاطف / الله الله براحه ياست البنات مستعجله ليه كده ورايحه فين بدري
نور وهي تشوح بيدها وتتجاهله / يا اخي خف شويه كده يخربيتك بكرشك ده
ركضت نور وتوقفت تاكسي وانطلقت لقصر الشيطان
........ ♥ 🌍
الشيطان وهو ينظر في ساعته
/ اتٱخرت من اول يوم شكلي هتعب معاها ماشي يانور اما وريتك
وصلت نور وركضت لباب القصر وضربت الجرس وهي تتنفس بسرعه كبيره
توجه هو للباب ببرود شديد وفتحه وجدها تستند علي الباب وتتنفس بسرعه كبيره نظر في ساعته ببرود / متاخره نص ساعه مش لمصلحتك التأخير ده
نور / اعمل ايه صحيت متٱخر وجيت جري
الشيطان وهو يدخل ببرود وأشار لها بأن تتبعه ذهبت خلفه دخل لغرفه كبيره في الدور الأرضي كل الحوائط من الزجاج ومليئه بالاجهزه الرياضيه وزاويه خاصه بالملاكمه
نظرت هي بفم مفتوح للمكان ماهذا الذي تراه هل جهز لها أدوات التعذيب
نظر هو لها بتوعد / يلا نبدٱ.......
....... ♥ 🌍
في المديرية كان المكان مازال فارغا فقط عمال النظافه هم من ينظفون دخلت هي ولم يراها احد ووضعت شئ في مكتب نور
ونظرت بشر / انا بقي هوريكي ازاي تلعبي مع ميار يا نور الكلب.....
........ ♥ 🌍
كانت سمر تسير في المدرسه بهدوء
فجأه اصطدمت به
نظرت له سمر وجدته يبتسم بسماجه / يافتاح ياعليم يارزاق ياكريم
نعم عايز ايه
إيهاب / عايزك انتي يامزه
سمر صفعته بشده / احترم نفسك ياقذر انت
وحسك عينك تقف في وشي تاني فاهم اما
شخص حيوان بصحيح
وتركته وأكملت طريقها للفصل دخلت وجدته هادئ الي غير العادي
سمر و هي تنظر بتعجب لهم / فيه ايه يا ستير مش مطمنه للهدوء ده
عطوه وهو يدعي البراءه / لا ياميس احنا علي طول كده
سمر / انت هتقولي خصوصا انت يلا طلعوا كتاب الحصه.
ثم اتجهت للسبوره والان فقط لاحظت لقد شوهوا الحائط خلفها بالرسم نظرت لها باعين حمراء / اه يا جذم ده انا هطلع عينكم ياكلاب.
......... ♥ 🌍
استيقظ عثمان لم يجد فاطمه بجانبه
وارتدي ثيابه رهبط للأسف وجد الجميع يحضر السفره ومعهم فاطمه
فاطمه / صباح الخير ياسيد الناس
نظر لها بتجاهل
عثمان / صباح الخير ياما
هناء / صباح الخير ياجلب امك جرب يلا عشان نفطروا
عثمان وهو يجلس / امال ابوي وحدي وينهم
هناء / ابوك وجدك فطروا من الصبحيه بدري وراحوا يلفوا على الأراضي عشان المحصول الجديد وبعدها هيرجعوا الدوار
هبطت والده نور / صباح الخير ياجماعه
الجميع / صباح النور
هناء / يلا عشان الفطور
جلست وكانت تأكل
عثمان / كيفها نور يامرت عمي
سميره / بخير ياولدي الحمدلله
عثمان / برضك منشفه دماغها علي موضوع مصر ديه ماهتدلاش حدانا
سميره / لع ياولدي ماهتدلاش هي الحمدلله شغلها ماشي كويس واترجت كومان ليه ترجع
عثمان بعصبيه / هو ايه اللي ليه ترجع هترجع لأهلها وبلدها وترجع ليا
سميره بتعجب / ترجع ليك ليه
عثمان / هتجوزها يامرت عمي
سميره / تتجوزها كيف ياولدي وانت متجوز
عثمان / وايه يعني الشرع محلل اربعه غير انك عارفه كويس اني بحب نور ومش هسيبها لغيري وهخليها ست البيت كله وفاطمه معتتكلمش ابدا ولا ايه يافاطمه
فاطمه يغيظ منه ومن اهانته لها / طبعا يا سيد الناس موافقه
سميره وهي تنهض منهيه الحوار / بس انا مش موافقه ياعثمان بنتي مش هتتحوز علي ضره ابدا
عثمان بسرعه / اطلجها واتجوز نور
نظرت سميره له بيٱس من تغير رأيه /اسمع ياولدي بنتي مش هتتجوزك وشلها من فوخك بجي عشان ترتاح وتريح غيرك
وتركتهم وذهبت
عثمان بصوت منخفض / برضك مش هتكوني غير ليا يا نور
هناء / جرا ايه يا عثمان مش هنخلص من الحكايه دي عاد
عثمان وهو ينهض بغضب / لا يا ما مش هنخلص منها غير لمن تكون نور مرتي ولو مكنتش ليا مش هتكون لغيري يا ما
بعد ذهابه تحدثت فاطمه في نفسها
/ بجي كده ياعثمان اني مش هناك ماشي اما وريتك المر مبجاش فاطمه بس اخلص اللي جيت عشانه لأول
..........♥ 🌍
نور وهي تتصبب عرقا / حرام عليك ده تعذيب مش تدريب يا اخي اتقي الله هموت منك
مالك ببرود / بطلي كلام وكملي جري يلا
نور / هموت مش قادره هو انا بقولك عايزه اخس انا عايزه اعرف اضرب
مالك ذهب إليها ومسك زراعها باستخفاف وانتي هتضربي بالدراع دي
نظرت له يغيظ هل يسخر منها هذا الشيطان
نور بغيظ شديد / اعمل ايه دلوقتي طيب
الشيطان ببسمه مستمتعه / انزلي ميه ضغط
فتحت نور فمها / نعم ميه ايه
الشيطان وهى يقترب منها اكثر ويقول ببطئ / ض غ ط ايه صعبه عليكي
هزت نور رأسها واصطنعت عين الجرو
هو / تمام يبقي 150
نور وهي تمثل البكاء / حرام عليك انت جزار
مالك / بطلي كلام وأبدأي
هبطت نور وبدأت تقوم بتمارين الضغط فجأه رن هاتفها نور بفرحه شديده / هيييييه خلص الوقت الحمدلله طب يا استاذ شيطان كان يوم لطيف جدا استأذن انا بقي عشان ميعاد الشغل و
قاطعها / مين قالك ان اليوم كده خلص
نور وهي علي وشك البكاء / يعني ايه
مالك / يعني بعد الشغل تيجي ليا تاني
نور وهي تركض خلفه بعدما تركها ورحل / لا استني بس انت بتهزر ياعم انا مش هعرف امشي تاني جسمي كله انكسر استني بس يا اخ شيطان انت ياعم
نظرت وجدته تركها وصعد الأعلي
نور / اشربي بقي مش كنتي عايزه تتدربي اهو ده انتي هتتنفخي طب ايه اطلع اتحايل عليه شويه
نظرت للاعلي
ثم قررت أن تصعد خلفه صعدت وجدت ممر طويل به العديد من الغرف
سارت فيه بهدوء شديد / استاذ شيطان انت هنا استاذ شيطان
سارت وهي تنظر حولها واصطدمت في طاوله زجاجيه سقطت الطاوله وماعليها من تخف من الخزف وتحطم كل شئ نظرت له يعيون مصدومه خرج مالك من الغرفه وهو يركض وكان وقتها خلع تيشرته خرج ولم يكمل ركض بسبب الزجاج المنتشر في كل مكان نظر لها بحده وجدها تنظر له ببسمه غبيه /اصل اصل اه كنت جايه اقولك ينفع نلغي بعد الشغل.
نظر لها نظره مرعبه
نور / مش هينفع صح طب استأذن انا سلام عليكم
وركضت الاسفل وكأن الشياطين تلاحقها
مالك وهو يجذب شعره / ايه المصيبه المتحركه دي ياربي ااااااااه خربت ام البيت طب يانور انا هوريكي
ثم ذهب للمطبخ ليحضر مكنسه لكي يرفع الزجاج من علي الارض
خرجت نور وهي تركض واوقت تاكس
نور وهي تتنفس بسرعه / الحمدلله فلت منه ياربي كان شكله مرعب كل ده عشان تربيزه وفازه ايه البخل ده.. بس كان شكلهم غالي اوي برضو ولو ولو مكنش ينفع يبصلي كده ياختي احمدي ربنا انه مقتلكيش ده كسر جسمي منه لله.
نظر لها السائق في المرأه كانت تحدث نفسها مثل المجانين
لاحظت نور نظرته لها ابتسمت بغباء ثم اصطنعت انها تبحث في هاتفها عن شئ حتي وصلت للمديريه
....... ♥ 🌍
دخلت السكرتيرة علي سراج لتوقيع بعض الأوراق
سراج وهو يفرك رقبته/ كده باقي حاجه تاني
السكرتيرة / ناقص بس حضرتك تعمل مرور على المدرسه اللي مبنيه باسم المرحومه
نظر لها سراج وهز رأسه وأشار لها بالرحيل نظر بشرود للباب بعد خروجها ونهض وحمل اشياءه وانصرف وذهب للمدرسه التي إقامتها تكريما لزوجته بعد وفائها
وصل للمدرسه وذهب لمكتب المدير
قام المدير وصافح سراج باحترام
المدير / اتفضل يافندم
سراج / شكرا ليك انا بس كنت بعمل المرور الشهري علي المدرسه واشوف احوالها بنفسي وأسألك لو في اي حاجه ناقصه المدرسه
المدير / ربنا يجازيك خير علي عملك يابني الأطفال دول أيتام وانت اللي ساعدتهم عشان يتعلموا
هز سراج رأسه وخرج مع المدير لتفحص المدرسه
المدير / احنا هنا بنعمل علي نفسيه الطفل ومراعيين جدا اننا نعوضه عن غياب الاهل ومش بنخليه يحس انه يتيم هنا المدرسين بيتعاملوا بكل الحب مع الأطفال كأنهم أولياء أمورهم
سمر وهى ترفع عطوه من ثيابه / ده انا هعلقك علي باب الفصل يا عطوه
نظر سراج لها بصدمه ثم نظر للمدير
المدير / احم دي دي
لم يستمع له سراج ودخل للفصل
سمة وهي تصرخ / انا قلت ايه ها قلت ايه قلت اي مشاغبه هعلقكم علي باب الفصل حصل ولا لا
عطوه / استهدي بالله وهفهمك بس
سمر / تفهمني ايه يا اخ عطوه
عامر / ياميس كنا بنلعب
سمر / الأخ سومه العاشق متستعجلش هخلص واجيلك
ثم نظرت لعطوه / ها كنا بنقول ايه
فجأه سمعت صوت حاد يصرخ / ايه اللي بيحصل هنا ده
نظرت سمر له وهي تحمل عطوه
المدير / جرا ايه يا استاذه سمر ايه اللي بتعمليه ده
سمر بتوتر / ده ده هما اصل
سراج بصراخ / ده استهتار ده تعامل تعامليه لطفل
ثم نظر للمدير / هو ده اللي بتعاملوه بيه الأطفال ياحضره المدير دي واحده مستهتره ومينفعش تكون مدرسه لأنها لازم تكون ام قبل كل ده
نظرت سمر له بدموع تلمع في عينيها ولكن أبت ان تنزل / لو سمحت تلتزم حدودك معايا انا الحمدلله بتقي الله في تعاملي مع الأطفال وبعاملهم كصديقه واخت قبل ما اكون ام وعمري ما اذيت حد منهم
ثم نظرت للمدير / استقالتي هتكون علي مكتب حضرتك بكره
نظرت لسراج الذي ينظر لها بتعجب / اصل مش متعوده حد ينتقدني علي حاجه انا مغلطتش فيها ملعون ابو الشغل اللي يخليك تتحكم فيا
وأخذت اشيائها ونظرت للأطفال وجدتهم يبكون بشده ذهبت لهم نور / ايه ياعم انت هو مش قلنا رجاله أسد يلا في ايه
جودي ببكاء رقيق / متمشيش ياميس انا بحبك اوي ماصدقت يبقي ليا ماما انا كنت بعتبرك ماما
نظرت هي لهم بدموع واحتضنتها / قلبي انتي يا جودي متخافيش هسأل عليكم وهجيلكم في فتره الزيارات بس خلي بالك من عامر احسن مش برتاح لتسبيله
ثم تركتهم ورحلت بعد أن ألقت نظره سخريه لسراج نظر سراج أمامه بشرود وعادت له ذكرياته عندما كان في الميتم ويتم ضربه ومعاقبته هو لم يقصدها هي لقد رأي مديره الملجأ فيها
نظر للأطفال وجدهم انخرطوا في البكاء ثم نظر للمدير الذي نظر باسف لرحيل هذه الفتاه التي ملئت المكان بالمرح
عطوه وهو يقترب من سراج / انا مش بحبك وعقول لربنا انك وحش خليتك سمر تزعل وتمشي
نظر له سراج بحزن هل لهذه الدرجه يحبونها حسنا هو سيعيدها لهنا باي ثمن حتي لو اضطر ان يعتذر لها
نظر للمدير / عايز عنون استاذه سمر
............. ♥ 🌍
كانت ميار تتحدث بصوت منخفض بعيد عن الجميع / فهمت هتعمل ايه
..........
لا خلي التنفيذ بكره مش عايزه غلطه واحده
..........
تمام سلام
التفتت وجدت أدهم خلفها فزعت هل سمع المكالمه
ميار بتوتر / اصل ده ده كنت بحجز عشان عيد ميلادي اكيد انت معزوم و...
لم تكمل وتركها أدهم ورحل
ميار / ياباي بارد الحمدلله مسمعش حاجه
انتهت نور من عملها وذهبت لمنزل الشيطان
طرقت الباب وجدته مفتوحا دخلت بحذر ان تسقط شئ اخر على الأرض
وجدت غرفه التمارين مضيئه
اقتربت واستمعت لصوت الشيطان يتحدث
مالك / لا قلتلك اوعي تعمل كده
...........
خليك عندك وانا اللي هجيلك
........
كلنا كويسين المهم انت خلي بالك من نفسك
..........
محتاج حاجه مني
.......
تمام هكلمك تاني
مالك وهو مازال يعطيها ظهره / لو خلصتي تصنت ممكن نبدأ
♥ 🌍 ........................... ♥ 🌍
خلص الفصل اتمني يكون عجبكم متنسوش التعليق وفوت
♥ 🌍 .............................♥ 🌍
ياتري فاطمه بتخطط لايه 🤔
ايه قصه سراج 🤔
سراج هيقنع سمى ترجع ازاي 🤔
ميت اللي كان مالك بيكلمه 🤔
ايه اللي ميرا بتخططله 🤔
كل ده واكتر هنعرفه في الفصول الجايه ولسه حكايتنا في اولها ولسه المتعه مبدأتش انتظروني في الفصول الجايه من
بنت_الشيطان
دمتم سالمين رحمه نبيل ❤️ ♥️♥️✌️
#الحلقة_التاسعة
🌹رساله اليوم 💌
✍قُلْ لأحلامك المستحيلة:
"وكانَ اللهُ على كلِّ شيءٍ مُقتدِراً"
✍وقُل لأمنياتك التي طال انتظارها
يأتِ بها اللهُ إنَّ اللهَ لطيفٌ خبير"
✍واذا ضاعت عليك فرصة واحترق قلبك عليها أطفئ لهيبها بهذه الآية :
"عسى ربنا ان يبدلنا خيرا منها"
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
开始吧
💜💜💜💜💜💜💜💜💜💜💜💜
مالك ببرود / لو خلصتي تصنت ممكن نبدأ
نور بتوتر / اسفه مكنتش قاصده اسمع والله
مالك هز رأسه وأشار لحائط عليه خشب معلق ( العقله)
نور وهي تنظر بغباء/ ايوه اعمل ايه
مالك / امسكي في الخشبه دي وارفعي نفسك
نور وهي تفتح فمها / ها
مالك / يلا اطلعي
نور / ايوه بس
مالك أشار بعينه دون حتي ان يسمع حديثها
ذهبت نور هناك ومسكت في الخشبه حتي وصلت لمستوي معين وتعلقت فيها وحاولت رفع نفسها ولكن كان صعب جدا واصبحت معلقه لا تستطيع حتي النزول
نور وهي ترفس بقدمها في الهواء/ الحقني مش عارفه انزل هقع
نظر الشيطان بشكلها فهي قصيره مع ملامحها وحركه قدمها انفجر في الضحك علي شكلها
نور يتذمر / بتضحك علي ايه ن نزلني
اقترب منها وهي مازالت ترفس في الهواء
مالك بضحك / اهدي يخربيتك مش عارف اقربلك عماله ترفسي مش عارف
هدأت نور واقترب هو ومسك قدمها وساعدها في رفع نفسها اكثر من مره حتي انتهي ثم قال / سيبي الخشبه عشان انزلك
نور وهي تتمسك اكثر / لا انت هتسبني أقع اتكسر
مالك / سيبي وبطلي لعب عيال
نور هزت رأسها بعناد
مالك بنظره محذره / نور
نظرت له و طريقه نطقه لاسمها خفت قبضتها عن الخشبه امسكها هو من خصرها ثم حملها لتنزل حتي وقفت أمامه وكانت قريبه منه بدرجه كبيره نظر في عينها التي تشبه عينيه بدرجه كبيره وشرد في ملامحها وهي كذلك شردت في ملامحه الرجوله
آفاق هو لنفسه وابتعد عنها نظرت هي بخجل له
مالك بصوت حاول أن يخرج طبيعيا / دلوقتي هدربك علي حاجه في القتال
نور بحماس شديد / اخيرا اي هيا ها اي هيا
مالك / عشان تعرفي ازاي تقاتلي لازم تعرفي نقاط الضعف
نظرت له نور بتركيز شديد
مالك وهو يمسك سكين 🔪/ لو معاكي سكين وعايزه تضربي حد تضربيها فين
نور بدون تفكير / في بطنه
مالك بذكاء / ده اللي مشهور ومعروف بالطريقه دي مش هيتوجع واحتمال انه ميموتش كمان في طريقه افضل توجع اكتر وتقتل
نظرت له بتعجب / ايه هى
وضع مالك السكين علي جانب رقبه نور عند العرق النابض / هنا المكان ده في نقاط تحكم في معظم أجزاء الجسم او
نور / او ايه
مسك مالك يدها سرت قشعريره في جسدها بسبب ذلك مسك هو اصبعها الأوسط / او تكسري الصباع ده
نظرت نور بتعجب
مالك موضحا / الصباع ده لو تنتيه لورا واتكسر بيسبب ألم رهيب بيشل التفكير هيخليه ميعرفش يفكر
ثم أشار باصبعين / او تحطي الصباعين دول في مناخيره وتشدي الحركه دي بتوجع اوي
نور بتقزز / يععععع ايه القرف ده
اقترب منها مالك / القرف ده هو اللي ممكن ينقذ حياتك في يوم انا بقلك علي نقاط الضعف اللي هتساعدك لو اتزنقتي ومش معاكي سلاح 🔫 تقدري تنقذي نفسك بيها
نظرت له نور بامتنان لمساعدته
مالك / احم اظن كفايه كده دلوقتي لأنك تعبتي الصبح في التدريب انا بخليكى تيجي بعد الشغل عشان اعلمك مهارات قتاليه اما الصبح للتدريب علي قوه جسمك نفسه
نور / وانا اللي كنت ظلماك وبقول عايز تطلع عيني
مالك وهو يبتسم ويذهب / اللي قلته ميمنعش اني برضو عايز اادبك
نظرت لاثره بفم مفتوح / مهو فعلا ادبتني انا مش قادره أقف على رجلي اساسا ااااه يا صغننه يا نونو
........ ♥ 🌍
وصل سراج لاسفل منزل سمر سٱل
صعد للمنزل وهو لايعرف اي شقه ولكن سمع صوتها وهي تصرخ
اقترب من الصوت وجدها تصرخ في امرأه
سمر بغضب /لمي جوزك انتي الأول ياختى وبعدين اتكلمي
سلمى ( زوجه عاطف) / جوزي ياختى محترم مش بيبص لحد هي اللي بترمى بلاها عليه ياختي
سمر بسخريه / اه باماره راسه اللي بتلمع وكرشه اللي مدلدل
سلمي / الراجل ياختي قيمته في كرشي
سمر بضحكه / اه فعلا طب خودي كرشه وابعدي عنا بقي ياعمري
نظر سراج لهذه السمر التي تتشاجر دائما
سمر / يلا على بيتك ياختي
سلمي وهي تغلق الباب / اما طردتكم من العماره مبقاش سلمي
سمر وهي تنظر للباب / ياختي لمي جوزك الأول ايه العالم الزباله دي
كانت علي وشك الدخول ولكن وجدته ينظر لها
سمر بتعجب / بتعمل ايه هنا
ثم تحولت نبرتها لسخريه / ولا جاي تكمل تهزيق هنا بس اسمع اما اقولك كلمه في حقي والله لكون م......
سراج مقاطعا / شششش يخربيت رغيك اسمعي مش عارف اتكلم منك يخربيتك
صمتت هي ونظرت له
سراج /انا احم احم كنت جاي اعتذر علي اللي قلته في حقك الصبح انا عرفت انك بتعامليهم زي عيالك واكتر وانا اسف مكنش قصدي احرجك
نظرت سمر له بحاجب مرفوع
سراج / طب اعمل ايه عشان تقبلي اعتذاري
سمر بخبث /شرطين
سراج / شرطين ايه
سمر / اول شرط تعتذر مني قدام كل اللي هنتني قدامهم
سراج / انا كنت هعمل كده من غير اي حاجه اساسا
سمر / الشرط التاني وده الأهم.
نظر سراج بانتباه
سمر / عايزه اطلع رحله
نظر لها ببسمه وغمز لها / تطلعي فين
سمر / مش اللي في دماغك يا سافل قصدي انا والعيال
سراج / ده اسمه استغلال علي فكره
سمر / فعلا صحيح انا مستغله
سراج وهو ينفه بضيق / موافق تحبوا تطلعوا فين
سمر بحماس طفله / دريم بارك عايزه اروح دريم بارك
نظر هو لملامحها الطفوليه وحماسها
سراج / تمام كده سامحتيني
سمر وهي تدعي التفكير / اممممم تمام عفونا عنك
ضحك سراج علي شكلها /ده كرم منك والله يا أستاذة سمر
سمر / ميس سمر لو سمحت
سراج وهو ينظر في ساعته ويضحك / تمام ياميس سمر استأذن انا بقي عشان مينفعش وقفتنا دي
والان فقط انتبهت لوقفتهم على السلم
سمر باحراج / اسفه بس انا لوحدي مينفعش ا...
سراج مقاطعا / انا فاهمك ولا يهمك سلام
سمر وهي تنظر له بشرود / سلام
........... ♥ 🌍
ميار / فهمته هيعمل ايه
........
مش عايزه اي غلط فاهم
.........
التنفيذ بكره
.........
تمام كده
ميار بخبث / اخرتك علي ايدي يانور
.......... ♥ 🌍
ارتدت نور الجاكت الخاص بها وكانت سترحل وجدت مالك أمامها وهو يغلق سوسته جاكته
نور بفضول / انت خارج
مالك / هوصلك
نور / لا لا مفيش داعي والله انا هرجع لوحدي
مالك وهو يسبقها ببرود / يلا
نظرت هي في اثره / هو ماله ده كل حاجه بيقولها لازم ينفذها لا وعلي طول يمشي من غير ما يسمع ردي اوووووف
مالك من الخارج / يلا
نور / حاضر جايه جايه
ركضت نور خلفه وجدته يستند علي سيارته أمام الباب الداخلي للقصر اقتربت منه / يلا
نظر هو لها ثم مسك الجاكت الخاص بها وقام باغلاقه ووضع قبعه الجاكت علىى رأسها
مالك بنبره وصلت لها حنونه / هتبردي كده خلي دي علىى راسك
نظرت هي له بعيونها الطفوليه لعنها فرى سره هي تضعفه بطريقه لم يعهدها من قبل
مالك وهو يذهب ليركب / يلا اركبي
صعدت نور بجانبه
وانطلق هو بسيارته
نور لتكسر الصمت / احم هو صحيح اسمك ايه
نظر لها بتعجب من سؤالها المفاجئ
مالك / ايه اللي جاب السؤال ده علي بالك يعني
نور / عادي يعني بس مش معقول اسمك شيطان
مالك ببرود / وانتي عايزه تعرفيه ليه
نور وهي تخشي برودته / معرفش بس عندي فضول اعرف ايه هو اسمك الحقيقي
وقف مالك بسيارته / وصلنا يلا انزلي
علمت نور انه لايريد التحدث في هذا الموضوع
وكانت علي وشك الهبوط حينما قال /مالك اسمي مالك
نظرت له بتعجب
مالك / متتأخريش بكره عن سته
هبطت نور وهي مازالت تفكر فيه وفي تصرفاته الغريبه والأهم من ذلك اسمه ولكن هي احبت اسمه كثيرا تشعر انه يزيده جاذبيه
دخلت نور العماره وصعدت للشقه وفتحت الباب وجدت سمر تجلس علي الاريكه فى الظلام
نور وهي تضئ الانوار / ايه يا اميره الظلام انتي طافيه الانوار ليه
سمر وهي تنظر بانزعاج لنور / يوه بقي يانور اطفي النور
ضحكت نور / يانور اطفي النور ههههه
يابنتي ايه جو الحب اللي عايشه فيه ده يكونشي فيه حب جديد ونونو حبيبتك متعرفش
سمر نظرت لها بانزعاج وقذفتها بالوساده / حب جديد ياتافهه يلا غوري اعملي الاكل
نور وهي تصرخ لاعتراض / انسي ياماما ده انتي لو جلدتيني كده مش هعمل حاجه انا جسمي مكسر عايز يتنقع في مايه بملح اه ياني ياما اه يا ما علي بهدلتي اه ياني ياسيد علي البهدله اللي رمتني فيها وفلسعت
سمر وهي تضحك عليها / احسن احسن يارب يطلع عليكي القديم والجديد عشان تتعدلي بقي يادزمه
نور وهي تنهض للتتجه للداخل / ده طلع عليا العفاريت كلها وقال ايه لسه بنسخن يكش يسخنوه في فرن بلدي البعيد
سمر وهي تضحك / مش هتاكلي طيب
نور / لا مش هطفح هرتاح بس
سمر /ماشي
......... ♥ 🌍
كان عمر يقود سيارته عائدا للمنزل فجأه وجد مجموعه من الشباب يبدو عليهم الثماله ويتجمعون حول شئ تجاهل الموضوع في بدايه الأمر حتي سمع صراخ انثي اقترب بسيارته بسرعه البرق مما اخاف الشباب وهربوا وتركوا جسد موجود في الأرض اقترب عمر من هذا الجسد وجده جسد لفتاه تبدو في العاشره من عمرها
عمر وهو يهز جسدها / انتي كويسه
الفتاه وهي تأن من الألم / آآآآآآه جسمي بيوجعني اوي جسمي مكسر مش قادره هموت
نظر لها بتعجب فصوتها يدل على صوت انسه
اقترب منها اكثر وحملها ووضعها في سيارته واتجه مسرعا لمشفي وقام بحملها للداخل اتجه لاحدي الغرف ووضعها علي السرير ونادي لطبيب
دخل الطبيب وأخرجه من الغرفه بقي في الخارج بدقائق خرج الطبيب ونظر له / انت تقربلها ايه
عمر / معرفهاش يا دكتور انا لقتها وانا مروح مرميه وفي شباب متلميه حوليها
الطبيب /تمام هي اتعرضت المحاوله اغتصاب ولازم أبلغ البوليس
عمر / اللي صح اعمله يافندم
الطبيب / تمام بس لازم تفضل هنا عشان تشهد باللي شوفته
عمر / تمام يا دكتور ممكن اشوفها
الطبيب / ممكن اتفضل شوفها
دخل عمر بعد أن طرق الباب دخل وجد فتاه اقل مايقال عنها ملاك بعينها شديده الخضار وبياضها الذي يغطيه الوسخ وشعرها الأصفر المجعد بسبب الإهمال فيه نظر لها باعجاب تبدو فاتنه
عمر / احم انتي كويسه
نظرت له الفتاه بدموع محبوسه / الحمدلله انا بخير شكرا ليك
عمر / ولايهمك ده واجبي
هي / لا اي حد غيرك كان قال وانا مالي ادخل نفسي في مشاكل ليه.
عمر / مش كل الناس وحشين
هي بحزن / كل اللي شفتهم وحشين
عمر / انتي اسمك ايه
هي / اسمي جنه
عمر وهو ينظر لها باعجاب واضح / انتي فعلا جنه قوليلي ياجنه تعرفي رقم حد من أهلك يجي ياخدك
جنه وهي ترتعش / لا لا ابوس ايدك
عمر بتعجب / لا ايه انا مقصدش حاجه انا بس عايز اساعدك
جنه / لا كتر خيرك كده انا هرجع البيت
عمر / مينفعش لازم نستني الظابط ياخد اقوالنا دي محاوله اغتصاب
جنه برعب / ظباط لا انا معملتش حاجه
عمر وهو متعجب من تصرفها / اهدي يابنتي ده بس هياخد أقوالك
جنه وهي تنهض بسرعه / مش عايزه اقول حاجه انا عايزه اخرج بس من هنا مش عايزه حاجه تاني
عمر / طب اهدي طيب انا هبلغ الدكتور انك متنازله بس انتي اهدي خليكي هنا هرجعلك
خرج عمر لكي يقول للطبيب علي طلب جنه وبعد محاوله اقناعه بالكثير وافق الطبيب وعاد عمر الغرفه وجدها فارغه نظر لها بصدمه أين ذهبت هذه الفتاه
بينما جنه كانت تتجه لمكان يشبه وكر العصابات
اتجهت لمنزل مكسور ومهجور
دخلت وجدته يجلس بشر علي مقعده
الرجل / كنتي فين يا بت انتي.
جنه برعب / اصل يامعلمي الناس اللي بعتني اديهم المعلوم ندلوا معايا وكانوا عايزين ي
المعلم / ي ايه يا ختي
جنه / يغتصبوني
المعلم / وايه يعني
جنه بنظره مصدومه / قصدك انك كنت عارف
المعلم وهو يشرب الشيشه / اه كنت اعرف هما دفعوا اكتر للمخدرات وست تدلعهم بس اظاهر كده انك فقر بوظتي المصلحه
نور ودموعها تهبط/ يامعلمي انا محستش بحاجه والله غير وانا في المستشفي و
المعلم مقاطعا بحده /نعم ياختي مستشفي ايه انتي كنتي في مستشفي ولا ايه وطبعا عملتي وش وهتخلي العين علينا
جنه / والله ابدا يامعلمي انا هربت منهم قبل ما البوليس يجي
المعلم / وكمان بوليس اسمعي يابت انتي تخفي اليومين دول ومتظهريش لحد الرجل تخف من نواحينا فهمتي
جنه / فهمت يامعلمي
المعلم / اخفي من وشي وشك فقر
ركضت نور من أمامه ودخلت لغرفه تشبه المخزن بها أطفال كثيرون يجلسون علي الارض منهم من يرتجف من البرد ومهم ومن يحتمي بركن في الحائط ومنهم من تخرج روحه بسبب جرعه زياده
نظرت لهم جنه بدموع وسندت رأسها علي الحائط / يارب الفرج من عندك يارب
.......... ♥ 🌍
دخل منزله بهدوء شديد كالعاده منزل هالي وبارد وفارغ لاروح فيه منذ وفاه عائلته وتركه وحيد وهو يشعر بأنه ليس حي رغم ان سراج ومالك حاولوا اكتر من مره اقناعه للعيش معهم ولكنه رفض بحجه انه يريد أن يعيش في منزل عائلته اتجه لصوره عائلته نظر لها بدموع
مازن بصوت ضعيف / وحشتوني اوي
ثم نظر لصوره صغيره علي الطاوله لفتاه صغيره / وحشتيني اوي يا اروتي وحشتيني اوي
........ ♥ 🌍
عاد عمر للمنزل وحد سمر تصحح الكرسات كالعاده اقترب منها وقبل رأسها
عمر/ حبيبه قلبي عامله ايه
سمر / شكل الغزاله رايقه اوي ياكبير
عمر / هو انا عشان بدلع يبقي الغزاله رايقه
طب مش مدلعك
ضحكت سمر / لا دلع براحتك المهم اسخنلك الاكل
عمر وهو يتجه لغرفته / انا حاليا جعان نوم 😴
سمر / تمام وانا كمان هروح انام تصبح على خير
عمر / وانتي من اهله ياعمري
وذهب الجميع للنوم وهم ينتظرون يوم جديد باحداث جديده
......... ♥ 🌍
استيقظت نور مبكرا جدا وارتدت ثيابها وذهبت لقصر الشيطان طرقت الباب فتح لها سراج ويبدو انه في طريقه لعمله من طريقه لبسه
نور ببسمه ساحره / صباح النور
سراج / صباح النور يا نور نورتي القصر
نور بضحك / شكرا احم خو شيطان فين
سراج / جوا ادخليله
نور / اشطا سلام بقي
ودعها سراج وانطلق لعمله
دخلت نور وجدت مالك يأكل ببرود وحينما رأها قام من مكانه / ورايا
دخلت نور خلفه وجدته يقودها لمنطقه تعلم التصويب
نور / تصويب
شيطان / بالضبط لازم قبل ما تمسكي السلاح تكوني قده
نور / تمام انا جاهزه
أعطاها مالك سلاح صغير مخصص للتدريب / الأول عايز اعرف مستواكي في التصويب عشان اعرف النقطه اللي هبدأ منها
نظرت له ومسكت المسدس وأخذت نفس وصوبت علي اللوحه الموضوعه ولكن اخطٱت وجائت في الحائط
نظر لها بحاجب مرفوع ابتلعت ريقها وصوبت مجددا وايضا جائت بجانب اللوحه
نظر لها بيأس وهو يمسح وجه نظرت له نور وهي علي وشك البكاء
مالك ببرود / انتي ازاي دخلتي شرطه
نور بحزن / بابا صاحب اللواء ووقتها كانت شروط القبول والاختبارات عاديه جدا واختبار التصويب وقتها عديت فيه بالعافيه
نظر لها مالك بحزن لحزنها / جربي تاني وركزي اكتر
هزت نور رأسها و ركزت مجددا وصوبت ولكن هذه المره جائت في إطار اللوحه المعدني وارتد إليهم مجددا مسكها مالك وانبطح أرضا فجائت الرصاصه في قطعه كريستال خلفه وحطمتها. نظر مالك الكريستال المنتشر علي الارض ثم نظر لها
نور وهي علي وشك البكاء / مش قصدي والله
مالك / انا برضو استغربت انك لحد دلوقتي مكسرتيش حاجه مهو مينفعش تدخلي البيت ومتكسريش حاجه دي حتي تبقي عيبه في حقك
نور / مش قصدي
اقترب منها مالك بدرجه كبيره مما جعلها ترتد للخلف / امتي هتتعلمي تركزي كويس وتستغلي ده (كان يشير لرأسها )
امسك يدها التي تمسك السلاح وقام بلف جسدها فأصبح ظهرها علي ضهره وهو يمسك يدها بالسلاح كان كمن يحتضن احد انخفض لمستواها واقترب من اذنها لفحت أنفاسه الدافئه اذنها
مالك بنبره مخدره من رائحتها / دايما تركزي وتحطي عينك علي الهدف اوعي عينك تبعد عنه حتي لو في حرب حواليكي امسكي المسدس بكل ثقه اوعي تترعشي ابدا ولا تبيني لحد خوفك وفي اللحظه المناسبه تصوبي
وصوب واصاب منتصف الهدف
نظرت نور للرصاصه في المنتصف ثم رفعت عينها له بنظره إعجاب ابتعد عنها مالك حتي لا يتهور اكثر
مالك / يلا هتفضلي تعيديه لحد ما تتظبط معاكي
نظرت نور له ثم نظرت للوحه بكل اصرار وأخذت تحاول مره واثنان وثلاثه حتي نجحت في ذلك استمر التدريب ثلاث ساعات استطاعت فيه نور التقدم بمستواها بشكل ملحوظ نور وهي تأخذ اشيائها /كده تمام بإذن الله بعد الشغل هاجي.
نظر لها ببرود وهز رأسه
نور بيسمه لطيفه / طب استأذن انا باي مالك
ورحلت بسرعه قبل أن يغضب بسبب منادتها له باسمه اما هو فتسمر مكانه بسبب نطقها باسمه يالله اسمه جميل جدا منها استفاق مالك من شروده وافاق نفسه انه لا يجوز له الشعور بهذه المشاعر.
............ ♥ 🌍
دخل مازن المشفي بكل شموخ وهيمنه والجميع يتحدث عن بروده ووسامته دخل مازن لمكتبه واخذ يفحص بعض الملفات فجأه طرق الباب ودخل شخص نظر مازن للشخص الذي دخل فتغيرت ملامحه بالتدريج وفتح اعينه بصدمه / انتي.........
........ ♥ 🌍
وصلت نور المديريه وتوجهت لمكتبها
نور / الحمدلله مفيش حد نطلي يقولي اللواء عايزك اووف الواحد مستريح اليومين دول
وضعت يدها علي رقبتها بألم/ مش مستريح اوي يعني
دخلت نور للمكتب وجدت ميار تنظر لها بنظره لم تفهمها تجاهلتها وجلست علي مقعدها
وجدت سماح تأكل / بت ياسماح ماتجيبي ساندوشت
سماح وهي تأكل / ساندوشت ياجاهله
نور / مش مشكله يعني بس هاتي واحد لاني خرجت وملحقتش اكل
مريم وهي تنظر لها / مالك يانور شكلك متبهدل كده ليه
نور وهي تضع يدها علي ظهرها / بعيد عنك وقعت في ايد جزار سحلني
مريم / جزار ايه
نور / متاخدش في بالك ده.....
قاطع كلامهم دخول عساكر يتبعهم أدهم (قائد نور في آخر عمليه)
أدهم / فتشوا المكتب يابني
نور / في ايه ياسياده المقدم
أدهم بنظره غريبه / دلوقتي هتعرفي
احد العساكر / لقيت دي يافندم
نظرت نور له بتعجب لانه اخرجها من مكتبها
نور / اي دي
أدهم اغمض عينه بحزن /سياده الرائد سلمي شارتك ومسدسك انتي موقوفه عن العمل ومحوله للتحقيق
نظرت له نور بصدمه وشهقت سماح و مريم
نظرت لها ميار بخبث وابتسمت
♥ 🌍 ............................ ♥ 🌍
اتمني يكون عجبكم متنسوش التعليق والفوت
بعتذر لو في تعليقات مردتش عليها بس والله ربنا يعلم البهدله اللي انا فيها 😂
♥ 🌍 ................................ ♥ 🌍
ياتري قصه سمر سراج نتمشي ازاي!
اي حكايه مازن !
مين الشخص اللي بيكلم جنه!
مين حنه وايه حمايتها!
مين اللي دخل علي مازن مكتبه!
نور هتثبت برائتها ازاي!
كل ده واكتر في الفصول الجايه من
# بنت_الشيطان
ومازال الحكايه بقيه
ومازالت المتعه مستمره
دمتم سالمين رحمه نبيل ❤️ ♥️♥️✌️
#الحلقة_10
رساله اليوم 💌
﴿فأرسلنا عليهم ريحاً وجنودًا لم تروها﴾
"ليس شرطًا أن ترى خطوات الفرج،
الفرج يسيرُ إليك في
الخفاء وأنت لا تشعر.!
استمر في دعائك
فالفرج قريب والله مجيب"🌿
صلوا على الحبيب المصطفى صلى الله عليه وسلم 💕💕💕💕💕💕💕💕💕💕
开始吧
🎊🎊🎊🎊🎊🎊🎊🎊🎊🎊🎊🎊
في المدرسه كان إيهاب يقف ويشرح التلاميذ بدل من سمر
إيهاب بصراخ / يابني ركز معايا انت وهو بقالى ساعه بتكلم وانتم قافلين مخكم ايه بهايم
نظر له عطوه بشر / انت بتشتمنا ليه كده احنا مش بنشتغل عندك
اقترب إيهاب منه وصرخ بوجه / انت بتعلي صوتك عليا يا حيوان
ثم صفعه بشده مما جعله يسقط أرضا
سقط عطوه علي الارض بسبب شده الصفعه
وجد قدم أمامه رفع عينه وجد سمر تنظر بعيون حمراء لايهاب
فزع إيهاب من وجود سمر أمامه
إيهاب بتوتر / س سمر هو هو كان بيق...
قاطع كلامه صوت صفعه هزت ارجاء الحجره من شدتها
سمر بصوت هادئ ولكن ملئ بالشر / عيالي لا تمد ايدك عليهم اقطعهالك انت فاهم
نظر لها إيهاب بشر / انت قد اللي انتي عملتيه ده
سمر / قده ونص كمان وريني هتعمل ايه ومره تانيه اشوفك بتقرب لواحد فيهم هقتلك
إيهاب بسخريه / باماره ايه انتي استقلتي وملكيش مكان هنا
سمر بضحكه شامته /هو انت ماعرفش ولا ايه مش انا رجعت للشغل
رأت سمر نظره غل في عينه فاكملت / لا وكمان الاستاذ سراج جه لحد عندي واعتذر مني
إيهاب بسخريه / لا والله وده من أمتي ان شاءالله مستر سراج بيعتذر لحد ولمين ليكي انتي
سمر وهي تنظر له بقرف / ليكي انتي!! انت بتتكلم عني بالطريقه دي مش انا اللي فضلت تحفي وراها عشان ترضي تبصلك يامعفن
إيهاب / كنت بسلي وقتي بس انتي طلعتي مش مسليه خالص لا وبتقولي ان مستر سراج راح واعتذرلك بجد انت مضحكه اوي لاقي كذبه تانيه تمشي ونصدقها
/لا هي مش كدبه
.............. ♥️🌏
مازن بصدمه / انتي
هي / انت بتعمل ايه هنا
مازن بحده فهو لم ينسي ما فعلته هذه الفتاه الغبيه / ده مكتبي وانتي اللي دخلت عليا المفروض انا أسألك بتعملي ايه هنا مش العكس
ساره / هو انت دكتور مازن
مازن وهو يعود بظهره للخلف باستمتاع / انتي شايفه ايه
ساره /انا انا اصل انا المتدربه الجديده و
مازن /امممممم انتي اللي هتدربي عندي
هزت رٱسها بخوف وهي تلعن لسانها الطويل
مازن باستمتاع / تمام وانا موافق تكوني المتدربه
ساره بفرحه / بجد والله هتدربني عندك
هز مازن رأسه
ساره وهي تنهض بفرحه / شكرا شكرا شكرا شكرا
مازن / اتفضلي روحي علي مكتب المتدربات لحد ما ابعتلك وتأكدي انه هيكون كتير
ابتلعت ساره ريقها من نبرته / تمام يا دكتور استأذن انا
وركضت للخارج وهي تتنفس الصعداء يالله سوف ينتقم منها عما فعلته غبيه غبيه
اما في الداخل كان يتذكر ماحدث هذا الصباح
Flash 📸 back
كان يقود مازن سيارته وهو متعجل لقد تأخر اليوم في النوم ولأول مره وفي طريقه تفاجأ بشجار توقف الطريق بسببه لعن مازن في سره وهبط بهيئته الساحره وهو يصرخ في الجموع / في ايه ليه الزحمه دي
احد الرجال / في بنت بتتخانق مع سواق وموقفه الطريق
مازن بسخريه / بنت موقفه الطريق وانتم بتتفرجوا عليها ومعطلين نفسكم بسببها
ذهب مازن تجاه الصوت وهو ينظر وجد فتاه تصرخ فى رجل وهو يرد عليها كانت كلما صرخت تعدل في حجابها بتوتر يبدو أنها تخفي خوفها في هذه الحركه
مازن بصوت جهوري / في ايه وليه موقفين الدنيا كده
السواق / يابيه معرفش البت دي باين عليها مخبوله ولا ايه
ساره / انا مخبوله ياعره الرجال
ثم نظرت لمازن /الراجل ده كان بيتحرش بيا
الراجل / انا برضو انتي كدابه ده انتي اللي من ساعه ماركبتي وانتي بتحاولي تغريني عشان تطلعي بمصلحة
ساره بدموع / اه ياكلب ياحيوان انت
مازن / بسسسسسس
نظر للسائق / وانت مدام شفتها انها مش كويسه كده بتركبها ليه
السائق / يبشه اصل هي مكنتش
مازن بضحكه شرسه /متقوليش انك ما اخدتش بالك انها شمال ورغم كده ركبتها
الا لو انت التاني اوسخ منها وشمال
السائق / يبشه انا...
مازن مقاطعا / اولا واضح اوي انك وسخ وبتفتري عليها فخد عربيتك وامشي بدل ماتتهزأ هنا وهسجنك
نظر السائق برعب / لا لا يبشه ابوس ايدك انا همشي من هنا
ذهب السائق نظر مازن لساره وكان سيتحدث ولكن وجد صفعه تسقط علي وجهه
ساره بدموع تسيل على وجهه / انا أشرف منك ومن عشره زيك ياوسخ وانا مش شمال ده انت وامثالك
رجل اخر كبير في السن / في ايه يابنتي انتي غاويه مشاكل مهو برأك قدامنا لازمته ايه اللي عملتيه ده
ساره وهي تنظر لمازن وتلاحظ محاولته للسيطره علي نفسه / احم طب انا لازم امشي من هنا دلوقتي
نظر مازن لها وهي تركض وقبض علي يده بقوه بغضب شديد
Back 🔙
مازن / اما وريتك الويل مبقاش مازن الشريف
.......... ♥️🌍
نظرت نور لادهم بصدمه كبيره / انا انا عملت ايه
ادهم بحزن عليها فكيف لهذه البريئه ان ترتكب هكذا شئ /انتي متهمه في قضيه مخدرات
شهقت مريم / مستحيل ده كدب نور ماتعملش كده
أدهم / انا بس بنفذ الأوامر مش بأيدي اي حاجه
نور بدموع وصوت ضعيف /معملتش حاجه خالص
أدهم / اسف يا نور انتى عارفه دى الأوامر اتفضلي معانا
سماح / هتعملوا ايه فيها
أدهم / هتتسجن لحد ما تتحول للتحقيق
نظرت ميار برضي لما حدث هذا بالتحديد ماتريده الا تستطيع نور رفع وجهها في احد
ذهبت نور مع أدهم بحزن كبير هي لم تفعل شئ لاحد
مريم بدموع / متخافيش ياقلبي كلنا عارفين انك متعمليش كده
سماح ببكاء لادهم / والله نور عمرها ماتعمل كده ابدا
أدهم / اسف مش في ايدى حاجه اعملها
ذهبت نور معه وهي تشعر انها في كابوس وستستيقظ الان
..............،♥️🌍
في شركه حميد الشرقاوي
حميد / ازاي ده حصل يا اغبيه
...........
ازاي انا مش دفعت للزفت اللي بيعدي الحجات دي
...........
تمام كده لعبوا في عداد عمرهم
أغلق حميد الهاتف وسمح للطارق بالدخول وجد عمر هذا للموظف الشغوف الذي يذكوة ببدايته
حميد بهدوء / نعم ياعمر فيه حاجه
عمر / لا يا فندم بس دي اخر تصاميم نفذتها
حميد / تمام اتفضل انت هراجعها وابغلك لو في ملاحظات
عمر / تمام شكرا يافندم
.............. ♥️🌍
سراج / ممكن تتفضل تشرحلي ازاي تكلمها بالطريقه دى
إيهاب بتوتر / اصل هي ياباشا كانت بتز...
سراج بنبره مرعبه / أخرس
نظر له ايهاب برعب حتي سمر أيضا خشيت من نظرته
سراج / انا مش عارف ازاي يشغلوا الأشكال دي هنا
جاء المدير عندما علم بوجود سراج
المدير وهو يدخل للفصل / سراج باشا حضرتك جيت هنا
سراج وهو ينظر بحده لايهاب / جيت عشان اعتذر للاستاذه سمر بس لقيت الاستاذ ده بيتكلم بطريقه قذرة معاها ازاي ده هيعلم أطفال ده نموذج سئ
المدير / اسف يافندم علي اللي حصل واكيد الموضوع هيتحل
سراج / مفيش مواضيع هتتحل يترفد حالا
المدير / يافندم بس
سراج بحده غير قابله للجدال / حالا
المدير / تنام يافندم اعتبر عقده معانا انتهي
نظر له سراج بغرور شديد ثم نظر لسمر التي تضحك باستمتاع ابتسم عليها
سراج / دلوقتي حابب اعتذر من الاستاذه سمر علي سوء الفهم اللي حصل امبارح وكتعويض عن أي حاجه انا هطلع الاطفال رحله علي حسابي
نظرت له سمر بفرحه وصفقت / يحيا العدل
ارتدي سراج نظارته وهو يضحك عليها ويغادر
ركض الأطفال لسمر بسرعه كبيره وعانقوها بشده مما جعلها تسقط في الأرض وهي تبادلهم الاحتضان وتضحك بسعاده
نظر إيهاب لهم بغيظ شديد وتوعد لسمر ثم اخذ اشياءه وغادر المكان
............... ♥️🌍
كان مالك يتدرب في منزله حينما وصله طرد بالمهمه الجديده اخذ الطرد ونظر اليه وجدها مهمه في إيطاليا وهي الاندساس بين عصابات المافيا بسبب الاجتماع الذي سيقام في إيطاليا بعد ثلاث اسابيع حرق مالك الطرد ونظر امامه وهو شبه متأكد ان هذا الاجتماع يتعلق بالميكروفيلم الذي معه
......... ♥️🌍
عادت سمر للمنزل وتلقت رساله من نور انها ستتأخر اليوم
نظرت سمر في هاتفها /ياتري محضرة بلوه ايه المرة دى يانور
أعطت نور الهاتف لادهم / شكرا انك خلتنى اطمنهم
أدهم / ولا يهمك ياريت لو كنت اعرف اساعدك اكتر بس اسف مش بايدى
نور / عارفه شكرا لحضرتك
ثم نظرت له بعيون زرقاء مليئه بالدموع كامواج البحر /ممكن اعرف هفضل هنا لامتى
أدهم / هتضطري تستنى لحد ماتتحولي للتحقيق واللجنه اللي هتحقق معاكى هتوصل بكره
نور / بس اظن المخدرات اللي لقتوها مش دليل كافي ممكن يكون حد حطها ليا اكيد لو أخذت مخدرات مش هكون غبيه لدرجه انى احطهم في المكتب
أدهم / للأسف مش ده الدليل الوحيد
العمليه اللي انتى قومتى بيها في حاره الفتوه وقبضتى علي الرجاله فيها بعد ضغط اعترفوا انك كنتى بتساعديهم دايما وبتتفقي معاهم وبتقابليهم وفي تسجيلات ليكم مع بعض وانتم بتتفقوا لا وكمان احيانا بتاخدي منهم بضاعه ولقينا امضتك موجوده علي ورق 📄 بيسمحلهم انهم يتاجروا فيها تحت حمايتك وقالوا انك اختلفتي معاهم اخر مره فقبضتي عليهم وكمان اخذتي منهم الكميه اللي اختلفتم عليها وواحد منهم هو اللي اعترف عليكي وقالنا علي أماكن التسجيلات والورق وأنهم كانوا محتفظين بيه عشان يضمنوا نفسهم
نور وهي تنظر بصدمه / ايه المسلسل ده انا مش بأذي نمله اخطط لده كله ازاي بعدين هما العصابه مصلحتهم ايه انهم يتهموني كده
أدهم / حقيقه انا معرفش اكتر من اللي بلغتك بيه بعد اذنك
هزت نور رأسها بحزن شديد من الظلم الواقع عليها
نور / يارب انت العالم اني مظلومه
........... ♥️🌍
نظر مالك في ساعته لقد تأخرت كثيرا حسنا فلتاتي فقط وسيعاقبها علي ذلك انتظر مالك للمزيد من الوقت
مالك / لا اكيد فيه حاجه
حمل مالك هاتفه وحدث سمر حيث انه اخذ رقمها من نور في حاله اذا حدث شئ
مالك / الو
سمر / الو
مالك / نور موجوده
سمر بتعجب / لا نور مش موجوده مين معايا
مالك ماذا يقول لها اكيد لن يخبرها انه الشيطان /احم انا مالك اللي بدرب نور والمفروض هي عندها تدريب بس اتأخرت
سمر / اه فعلا هي بعتت رساله ليا انها مش هتيجي دلوقتي وهتتٱخر شويه عشان عندها شغل مهم
مالك بتفهم / تمام شكرا ليكي
سمر /العفو
مالك / سلام عليكم
سمر / وعليكم السلام
أغلق مالك الهاتف ونظر بشرود لما يشعر ان قلبه يؤلمه هكذا
مالك / ياتري أنتي كويسه يانور ولا لا
............ ♥️🌍
في سوهاج
كان عثمان يتحدث مع جده ووالده الذي مازال يعامله بفتور منذ زواجه
عثمان / أكده ياجدي نحنا بنملك الأرض الغربيه كلياتها اخر شخص بيملك فيها باع لينا نصيبه
حسين / تومام شوف انت اللي هتعمله فيها وهيئها للزراعه عايز بحلول الموسم الجديد تكون جاهزه للزراعه
عثمان / تمام ياجدي صحيح ولاد الجبالي ما عيعدوهاش علي خير هما كانوا بيريدوها واحنا أخذنا منهم الأرض
ابراهيم بحده / واحنا هنخاف منيهم ولا ايه ما يتحرجوا بجاز
حسين / اهدي يا ابراهيم دايما أكده لسانك سابج عجلك
عثمان / متجلجش يا ابوي انا مظبط كل حاجه والاوراق كليتها عندي
حسين / خلي بالك يابني منيهم دول مستجبل كامل احنا حطينا فيهم كل اللي معانا
عثمان / متخافش ياجدي موجودين في الحفظ والصون
كل هذا ولم ينتبه لمن يستمع لهم
ابتعدت فاطمه بسرعه عن الباب حينما سمعت صوت أقدام قادم
فاطمه / لازم الورق يبجي معايا في اجرب وجت
......... ♥️🌍
المعلم / انجر ياض ناديلي ست الحسن والجمال من جوه
ركض الطفل الصغير للداخل وذهب تجاه جنه وهزها/ جنه جنه اصحي المعلم عايزك بره اصحي بدل مايدخل ويضربك
استيقظت هذه الملاك التي حكم عليها بالذل / قمت اهو يا حموكشه بس هغسل وشي وهاجي
حموكشه/ متتأخريش طيب
هزت جنه رأسها
ونهضت من مكانها حتي تتجهز لهذا الرجل السمج
خرجت جنه للمعلم ووقفت أمامه
جنه /اوامرك يامعلم
المعلم شوقي / انتي هتفضلي نيمالي كده يا روح امك ولا ايه ماتنزلي تشوفي رزقك كده وتقلبي اي حد
جنه بحده / قلتلك سرقه لا انسي مش بسرق انا
شوقي / يابت يا عبيطه انا عايز مصلحتك دي مكسبها اكتر من بيع المناديل والورد في الإشارات
جنه / برضو اللقمه الحلال احسنلي من الحرام حتي لو كانت قليله
المعلم بنظره قرف./ طب ياختي منتي فقر غوري شوفي شغلك
نظرت اليه جنه بكره شديد وأخذت اشيائها وذهبت لاحد إشارات المرور وعند توقف السيارات انطلقت لتبيع بضاعتها اخذت تمر علي السيارات
وصلت لسياره
جنه / بالله عليك يا بيه اشتري مني اي حاجه
كان عمر يحدث سمر علي الهاتف حتي سمع صوت نظر النافذه وجدها هي الاميره التي قابلها البارحه
عمر / طب ياسمر اكلمك بعدين
نظر عمر لها
عمر / مساء الخير انتي مش فاكراني
نظرت جنه له بتعجب
حنه وقد تذكرته / ازاي بس حضرتك اللي انقذتني امبارح ربنا يخليك لأحبابك يارب
عمر ببسمه / انتي طيبه اوي باين عليكي
نظرت جنه له بخجل
عمر بدون تفكير /تحبي اعزمك علي الاكل
نظرت له حنه بخوف / لا مش هينفع اكل معاك
عمر / ليه بس صدقني هنروح مطعم في مكان عام ومليان ناس يعني مش فاضي
جنه وهي تري الاشاره قد فتحت / معلش مره تاني سلام
عمر / طب استني ن
وجدها رحلت نظر إليها قليلا ثم انطلق
............ ♥️🌍
نور وهي تجلس وحدها في مكتب أدهم فقد جعلها تبيت ليلتها في مكتبه افضل من السجن نظرت نور للهاتف الموضوع وتذكرت الشيطان
نور / ياربي نسيت اقوله زمانه افتكر اني انسحبت ومش هروح
أمسكت نور الهاتف وحاولت تذكر رقمه فلم تستطع تذكرت رقم سمر فقط
اتصلت نور بسمر
نور / الو ياسمر
سمر / نور انتي بتتصلي من هنا ليه
نور / اصل تلفوني فصل شحن المهم بقولك ادخلي اوضتي هتلاقي فيها كشكول صغنون جنب السرير بتاعي هتلاقي فيه أرقام وفيه رقم باسم شيطان هاتيه
سمر / ياستير يارب ايه شيطان ده
نور / ده الل..
توقفت نور عن الكلام لعلمها انها لا يجب عليها كشف شخصيه الشيطان
نور / ده رقم اللي بيدربني بس انا مسمياه شيطان وكده انتي عارفه مطلع عيني
سمر / قصدك مالك
نور / انتي تعرفيه
سمر / اه اصله كلمني عشان يعرف مروحتيش ليه قلتله انك هتتأخري
نور / طب معليش ياسمر هاتي رقمه
سمر / تمام رقمه 01........
نور / تمام ياسمر وصحيح انا هبات هنا لأن المهمه محتاجه شغل كبير فيها
سمر بتعجب / تباتي ازاي عمرك ماعملتيها
نور ودموعها تنزل/ اصل المهمه دي خطيره اوي وكمان انا اترقيت يعني مهماتي زادت وكده يلا باي بقي عشان بينادوا عليا
اغلقت نور الهاتف ودموعها تسقط بشده علي وجهها
نور وهي تهدأ نفسها / خلاص يانور انتي نسيتي كلام سيد ولا ايه عمر الظلم ماهيدوم مسيره يجيله يوم وينتهي
كتبت نور رقم مالك وعندما كان يرن كان قلبها يضرب بشده لا تعرف لماذا ثواني وسمعت صوته ذو البحه المميزه وبرودة المعتاد
مالك / الو
نور وهي تبتلع ريقها / الو مالك
صمت مالك يستمع لاسمه الذي بات يعشقه منها ولكن لاحظ أثر حزن وبكاء في نبرتها
مالك / نور
لم تعرف لماذا ولكن تساقطت دموعها
توقف قلبه وهو يسمع صوت تنفسها العالي الذي تحول لشهقات تخرج منها
اما هي بكت لم تستطع التحمل اكثر
مالك وقلبه يقرع بخوف لايعرف سببه /نور انتي فين مالك يا نور بتعيطي ليه
نور ببكاء / معملتش حاجه
مالك وهو لايفهم شئ / في ايه طب اهدي وقوليلي حصل ايه
نور / انا مش مجرمه يا مالك انا معملتش حاجه والله
مالك وهو يكاد يفقد اعصابه / اهدي وقوليلي ايه اللي حصل
نور بشهقات شديده / اصل وانا
صمتت نور وهي تسمع صوت الباب يفتح
تعجب مالك من صمتها ولكن صمت هو أيضا
اخفت نور الهاتف خلفها بسرعه وجدت ميار تدخل للمكتب وهي تبتسم بتشفي / تؤ تؤ تؤ
ياحرام يانور شوفي وصلتي لفين بعد ما كنتي حديث الكل
نظرت لها نور بغيظ / انتي جايه تشمتي فيا ولا ايه
ميار بضحكه مختله / اشمت لا ياقلبي انا جايه اشوف نتيجه خطتي
نظرت لها نور باعين مفتوحه
تحدثت ميار بكل فخر عن خطتها ونست ان المكتب مراقب بالكاميرات / ايوه زي ماجه في بالك كده كل اللي حصل ده كان من تخطيطي انا
نور بصدمه من مقدار الغل والحقد في قلبها / ليه انا عملتلك ايه عشان ده كله
ميار بغل مرضي / عملتي ايه انتى نسيتي اهانتك ليا في المكتب ولا تكوني نسيتي كلامك اني شخص مش كويس
ولا المديريه اللي مورهاش غير نور العظيمه وميار الفاشله الجبانه اللواء بعد المهمه بعتلي وكلمني كلام سم
نور بدموع مصدومه مما تسمعه / وانا ذنبي ايه في ده
ميار / ذنبك انك دايما عايزه تبقي التوب والباقي يولع
نور / انتي مجنونه
ميار بضحكه مجنونه / لا بس اعترفي اني ذكيه قدرت بكل سهوله البسك قضيه محبوكه بزمتك اتوقعتي اني ورا ده كله
ميار بجنون / طب خليني احكيلك
اول حاجه سجلت ليكي كلامك مع سماح ومريم ووديت التسجيل لواحد شاطر اوي عرف يركب الصوت علي موقف تاني وهى انك بتتفقي مع العصابه علي بضاعه وجبت امضتك من ورق قديم وقلدته بالظبط بعدين بقي تيجي للجزء الصعب وصلت لواحد من العصابه اللي قبضتي عليهم ووصلت معاه لاتفاق انه يقول انك مشتركه معاهم الصراحه كلفني كتير لاني اضطريت اوعده اني هساعده يخرج بس انتي تستاهلي
نظرت لها نور ببكاء شديد وقالت بصوت مبحوح / حرام عليكي هتضيعي عمري ومستقبلي عشان اوهام وحنون منك انتي ايه اتقي الله
ميار بجنون /ده أقل حاجه ممكن تتعمل معاكي يانور
نظرت في ساعتها / اووبس لازم ارجع انا قلت اسلم عليكي قبل ما تتحولي للتحقيق يلا سلام
خرجت ميار وقعت نور علي الارض ببكاء شديد كان كل هذا تحت مسامع الشيطان الذي احمرت عيناه كأنها احتضن الجحيم
اخذ يتنفس بسرعه بسبب ما سمعه هو سمع كل شئ وايضا سجله وبالتأكيد المكتب به كاميرات هم ليسوا أغبياء لدرجه ترك اي مكتب بلا كاميرات نظر الشيطان بيسمه مجنونه هو سوف يستمتع بعذابها كثيرا
............. ♥️🌍
عاد عمر للمنزل / سمر يانور
سمر وهي اخرج من المطبخ / ايوه ياعمر نور مش هنا
عمر بتعجب / ليه هي فين
سمر / اتصلت الأول قالت إنها هتتأخر عشان عندها مأمورية مهمه ومن شويه قالت إنها هتبات عشان تشتغل عليها
عمر بتعجب / ومن امتي وهي بتبات في الشغل
سمر / نفس اللي قلته ليها والله بس قالت المنصب جديد وليه مسئوليات غير أن المهمه خطيره وهي هتسهر عليها
عمر / تمام لما ترجع ليا كلام علي بياتها بره ده
سمر/ طيب روح غير لحد ما احط الاكل
........... ♥️🌍
الممرضه / كده خلاص، يادكتور
مازن بارهاق / تمام همشي انا بقي
خرج مازن الجراج وركب سيارته وعندما خرج بها وجد ساره تقف وحدها يبدو أنها تنتظر سياره
اقترب منها وتوقف بسيارته أمامها
مازن / اتفضلي اوصلك
نظرت له ساره بحرج شكرا يا دكتور انا هعرف امشي لوحدي
مازن ببرود / الوقت اتأخر مش هتلاقي عربيات وكمان مش عايزين الموقف اللي حصل قبل كده يتكرر
نظرت له ساره بحرج على تذكرها لهذا الموقف وصعدت بجانبه لأنها حقل لن تجد سياره في هذا الوقت فهي تنتظر منذ فتره طويله
كان الصمت هو السائد في السياره
كسرت ساره الصمت وهي تقول / احم بعتذر علي اخر مره
نظر هو لها ببرود ولم يجيب ثواني وشعرت بالسياره تتوقف
مازن ببرود/ اتفضلي وصلنا
نظرت له ساره بحرج /شكرا لحضرتك
بعد ذهابها انطلق مازن بسيارته وهو يفكر باعتذارها الهذه الدرجه الموضوع سهل عندها ولكن صبرا سوف يريها الويل
.............. ♥️🌍
عاد سراج للمنزل بعد انتهاء عمله وجد المنزل كالعاده يسبح في الظلام دخل واضاء النور وتفاجأه من منظر مالك فكان ينظر أمامه بشرود وشعره غير مرتب وعيناه حمراء
سراج بقلق من هيئته / مالك انت كويس في ايه وقاعد في الضلمه ليه كده
لم يجب مالك فهو ليس معه بكل الاحوال
سراج / انت يابني فيه ايه ماتنطق كده
مالك وهو ينظر أمامه بتركيز / عايز منك خدمه
سراج بتعجب /خدمه ايه
مالك/ عايزه تروح القسم بكره الصبح
سراح بتعجب/ اروح القسم ليه في ايه
مالك / هتروح تسلم تسجيل
سراج وهو يجلس / لا انتي تفهمني كويس عشان مش فاهمك تسجيل ايه وليه اسلمه اساسا
مالك حكي له ما حدث باختصار دون التطرق لأي حديث اخر
سراج بصدمه / يابنت الكلب دي نور عامله زي العيال الصغيره ازاي يصدقوا عليها كده
مالك بسخريه/ جرا ايه ياسيادة العقيد انت نسيت القوانين ولا ايه الشرطه بتاخد بس بالأدلة الملموسه ملهمش دعوه بموضوع شكلها كويس وشكلها وحش
سراج / تمام هروح بكره بس انت فهمني ناوي علي ايه
مالك وقد خرج الشيطان من داخله نظر نظره مرعبه وبسمه مختله / ناوي علي كل خير..............
♥️🌍....
🌍♥️................................♥️🌍
توقعتكم للفصل الجاي وياتري ايه اللي هيحصل في حياه
مالك 😈
نور 😇
سراج😎
سمر😏
مازن 😑
ساره 🙃
عمر 🙄
جنه 😥
عثمان 😬
فاطمه ☠️
دمتم سالمين
رحمه نبيل ♥️
♥️♥️☠️
....يتبع♥️💪
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الاولى والثانية والثالثة والرابعة والخامسة من هنا
الحلقه السادسه والسابعه والثامنه والتاسعه والعاشره من هنا
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
 ل…){kind=link}
تعليقات
إرسال تعليق