الحلقه العاشره والحادية عشر سلوي بحب اهلا بيكم والله اتشرفت بمعرفتكم جدا
ردت منال سريعا : الشرف لينا يا قلبي ...ربنا يكرمك والله انا قلبي اتفتحلكم من اول ما شوفت وشك الحلو ده !! اومال فين العروسه ؟!!
لوت زينب شفتيها غير راضيه عن ما يحدث ولهفه منال !!...
نظر دياب الي عبدالله وهز رأسه علي زوجه اخيه العفوية الطاغية بحضورها كالعاده ...
ابتسمت سلوي وهي تتجه نحو باب غرفه سمر لتدقه برقه
 |
-يلا يا سمر الناس مستنيه ..اطلعي متكسفيش...
نظرت لهم سلوي وابتسمت تعتذر عن خجل ابنتها .....
كان وجه سمر بالداخل كالجمرة المشتعلة ، فركت بيدها علي الفستان البسيط التي اختارته هي ووالدتها ...اخذت نفس عميق وفتحت باب الغرفه لتقابل الجميع....
توقف قلبه للحظه عندما رءاها تقترب وتبخرت جميع مخاوفه وهو يراها تتهاوي بفستان رقيق و بسيط بلون سماوي منطفئ بخطوط رماديه صغيره طولا وعرضا من نفس النسيج يصل لبعد ركبتيها في رقي و قماشه يداري ثلث ذراعها ....
تابعها بعينيه وهي تصافح الجميع ويري القبول علي وجه والده المرتسم بابتسامه صغيرة وما ان تخطته حتي اتسعت هذه الابتسامه بحاجب مرفوع تجاه مصطفي ....وكأنه يهنأه علي اختيار هذا الجمال الخلاب !!
اما زينب فقد احمر وجها بغضب عندما رأت جمالها فصافحتها بلا مبالاه وجفاء علي عكس غادة وندي المنبهرتان بجمالها وابتسامتهم من اول وجههم لاخره ....
كانت منال اول من تحدث فيهم ...
-بسم الله ما شاء الله زي القمر ...ربنا يحميها ليكي يا سلوي ياختي...تعالي يا بيضه اقعدي جنبي هنا ....
نظر بلال الي مصطفي وهو يخفي ابتسامته بيده وكأنه يخبره بان الفأر قد وقع في المصيدة ، بسرعه تدخلت غادة بسؤالها....
-انتي عندك كام سنه يا قمر ؟ ولسه بتدرسي ؟!
نظرت لها سمر بابتسامه وهي تشعر بانها ستحب تلك الفتاتان ....
-انا عندي 20 سنه وبدرس في كليه تجارة انجلش في سنه تالته ...
ردت منال ونظرت بفخر الي دياب وكأنها تتحداه ان يرفض ...
-بسم الله ماشاء الله جمال وعقل وادب ....
مصمصت زينب ونظرت للجهة الأخرى الا ان حركتها تلك لم تخفي عن سمر التي توجهت بنظرها لاول مرة منذ دخلت نحو مصطفي الذي اشار لها بعينيه وحاجبه بان تتجاهلها ..فنظرت بعيدا نحو منال مره اخري...
انغمست بينهم وهي ترضي تساؤلاتهم وحماستهم الشديدة واحبت الجميع بصدق ماعدا عمته زينب كما اخبرتها غاده في عرضها للعائلة بلاسم والسن والدراسة وحتي العمل !! احبت تلك المجنونة الرقيقة والمتحمسة ولا تصدق انها اخت لمثل ذلك الكائن المخيف !!!
وبعد تقديم الحلويات والمقبلات وظهور ام عزت التي اخذت تشيد باهل سمر وانهم اهل كرم ثم اتتقلت بدورها تشيد باسم دياب العرابي وعائلتهم وكم كانت والده مصطفي المرحومه حنونه علي الجميع ، وصل مراد والذي تأخر بسبب والدته التي مرضت قليلا ولم يستطع تركها حتي اطمئن عليها ...
مراد بأسف و حزن : انا اسف اتأخرت يا مدام سلوي سامحيني ...
ردت سلوي بادب وصدق...
-عارفه يابني ولا يهمك المهم الحجة بقت احسن ...
-اه الحمدلله ...
دلف مراد يرحب بالجميع بعد ان اخبرتهم سلوي بانه بمثابه ولدها وقريبهم الوحيد بعد والد سمر ....جلس وسط الرجال ولم يلاحظ غادة التي تسمرت عينيها عليه بذهول من ذلك الرجل الوسيم صاحب العيون الرماديه التي لم ترا شبيه له في حياتها سوي في التلفاز !!
نكزتها ندي حتي لا يراها اهلها فرمشت وهي تحاول استيعاب ما يحدث حولها ....
احمرت وجنتها عندما تحدثت والدتها فنظر مراد نحوهم والتقت عيناهم لثواني قبل ان تحمر خجلا وتنظر الي ندي بتوتر وهي تشعر بصدرها يعلو ويهبط من شده الاضطراب...
مالت عليها ندي وقالت بتحذير...
-ايه يابت ما تنشفي كده !!
ابتسمت غادة لعمتها المراقبة لهم وهي تميل بدورها علي ندي لتخبرها...
-ايووووة شوفتي عنيه !! الناس دي بتاكل ايه ؟!
نظرت له ندي تتفحصه ولكنها التقط ببلال الذي قضب حاجبيه بغضب وصك علي اسنانه عندما رءاها تتفحص ذلك المدعو مراد وامسك نفسه قبل ان يذهب الي هناك ويصفعها...
شهقت بصمت بجوار غاده وعضت علي شفتيها واردفت بسرعه...
-الله يحرقك هتوديني في داهيه بلال شافني !! هيقول ايه دلوقتي ؟!
كانت غاده تحاول كبت ضحكاتها وهي تنظر الي ندي المتوتره وتردف ..
-احسن عشان متبصيش علي حاجه حد وهو مش هيقول ياختي ده هينفخك !!..
نظرت لها ندي بغضب واردفت بغيظ ...
-والله علي اساس انه بتاعك ؛ انا غلطانه اصلا اني بتفرج عليه عشانك !!
وضعت يدها علي يد ندي بابتسامه واردفت بضحك وحب...
-حبي بقا انتي ،انا عارفه يا بت وبضحك معاكي ...متزعليش بقا وبعدين لو علي بلال انتي متعوده علي كده ،ضرب الحبيب زي اكل الزبيب !!
-احمممم احممممم...
تسمرت كلتاهم واتسعت اعينهم عند سماع صوت سمر الاتي من فوق رؤوسهم فقد نسوا انها تجلس بالمنتصف بينهم وانهم يتخذون من ساقها مقرا لأحاديثهم المخزية !!
رفعت سمر حاجبيها وهي مبتسمه في وجوههم الشاحبة فمالت عليهم واردفت بهدوء...
-بياكل عادي علي فكرة بس بيحب كيك البرتقال اوي سوووسه اكل فيها ، كل ما مامتي تعملها ميقدرش يمشي قبل ما ياكلها كلها !!
ضحكت ندي ولم تسيطر علي نفسها، غير ابهه بنظرات والدتها وبلال المحذرة وتبعتها غادة و سمر منفجرتان ضحكا ...
ضحكت سلوي ومنال علي اثر ضحكاتهم ،بينما اخذ مراد يتلصص ويحاول تصوير ملامح تلك الصغيرة الرقيقه علي يمين سمر والتي تضحك ويدها علي فمها الصغير وعيونها بها سعادة حقيقه غير مصطنعه...
ظن مصطفي ان مراد ينظر الي سمر واخذ يعد انفاسه حتي لا يقتله امام والده وعمه !!
بينما ظن بلال ان تلك الضحكه البلهاء موجهه لندي واخذ يشد علي قبضتيه ويتركها عده مرات متخيلا عنق ذلك الحقير بينهم !!
شعر والد بلال باشتعال اولادهم وتشاحن الجو فقرر التدخل ...فتنحنح وهو يقول...
-وانت بتشتغل ايه يا استاذ مراد ؟
نظر له مراد الحائر قليلا ثم اجاب بموده...
-بشتغل مدير سلسله مطاعم بتاعت ابو سمر و بتدرب في مكتب محاماه ...
-تمام تمام !!
سأل دياب عن موقف والدها ...
-طيب وابوها هناخد موافقته ازاي ؟
تلجلجت سلوي قليلا ....
-هو عارف وموافق طالما انا موافقه ...هو كان نفسه يرجع بس معلش نصيب !
هز رأسه وهو يقلب الاحتمالات في عقله ويستشعر كذبها ولكنه لن يتحدث حتي يختلي بمصطفي ليفهم اكثر ....
هنا تدخل مصطفي سريعا وهو يعلن انهم سيعقدون قرانهم في اخر يوم من اسبوعهم ذلك ....
ضحك عبدالله علي تعجله وهز دياب رأسه لتسرع ابنه الذي يشهده للمرة الاولي في حياته وتأكد ان تلك الفتاة خطفت قلبه بالفعل ...
تم الاتفاق علي عقد قرانهم هذا الاسبوع والزفاف يتم عند عوده ابيها من السفر !! بالرغم من انزعاج مصطفي الذي يريدها ملكه في اقرب وقت ولكنه وعد نفسه بأن يجعل علي عاتقه امر تبرئ والدها واعادته الي احضان زوجته وابنته !!
قطع تفكيرة صوت والده الناهي ....
-انا شايف كفايه كده بقا نروح ونسيب الناس ترتاح ولا ايه يا مصطفي ؟!
هز مصطفي رأسه بالموافقه واردف بصوته الاجش للفتيات ...
-يلا هنروح ...
وقفت منال تخبره وكأنها صاحبه الدار...
-معلش يا مصطفي انت اللي جاي تخطب واحنا اللي سرقنا العروسه ، بس احنا ممكن نروح لو تحب وتفضل معاهم ربع ساعه تتكلم مع عروستك شويه ...
اراد مصطفي تقبيلها وداخله يصييييح (ايييييييه عظمه علي عظمه ياست ) !! ولكنه يعلم برفض والده مسبقا لذلك اردف بدهاء وسرعه ...
-لا مفيش داعي بس انا مكن اقعد مع مراد شويه عشان نتفق علي شويه حاجات قبل ما يمشي !!
هز عبد الله رأسه بالموافقه ...
-خليك انت معاهم يلا يا جماعه !!
انتصب والده بكامل هيبته وهو يشير برأسه بالموافقه ...
نزل الجميع ماعدا مصطفي ، جلس بجوار سمر علي الاريكه التي لا تتحمل اكثر من فرد قبل ان يجلس مراد ...مما دفع سمر لضم ساقيها اكثر بتوتر وخجل فقد التهم بجسده الضخم اكثر من نصف الاريكه و كلما حرك ساقه يتلامسان ...
مصطفي بحيرة وتساؤل .....
- بس انا عايز افهم بردو ...هو عمل كده ازاي وضحك علي ابو سمر؟!
اردف مراد بحنق : الثقه الزياده للاسف ده صديق عمره ...
-امممممم يعني انت شايف ايه الحل مفيش مفر او دليل...
-والله انا قاعد وسطهم بحاول اجمع اي دليل بس الحكايه كده شكلها كبيرة اووووي فوق ما نتصور !!
-بتقول كده ليه ؟
-اصل البت الحربايه اللي معاه دي سمعتها بتتكلم في التلفون عن حته تايهه وواضح ان الحته دي اثار ، فلو فعلا في اثار في الموضوع يبقي في حاجه خطيرة انا مش عارف اوصلها !!
فرك مصطفي ذقنه وهو يفكر وسأل مراد...
-واسمه ايه الراجل ده ...
-سعد الراوي ، بس راجل سم وحويط ، سايبني بس عشان كل العماله تحت ايدي بس متأكد انه مراقبني !!
-ماشي بعد كتب الكتاب هنشوف حل للموضوع ده ومش لازم نتهاون انا عندي فكره كده .....
قاطعته سمر المستمعة بتأني لحديثهم ....
-احنا مش بنتهاون بس الحمل كله علي مراد زي ما انت شايف انا محبوسه هنا ...
رد مراد بتهديد: انتي تاني يا بتاعت الحمل !!
رمقه بغيظ ثم وجه عينيه نحوها وهي تبتسم لمراد بمودة ....فردف بشئ من القسوة...
-المهم تسمعي الكلام وتقعدي في البيت !!
عقدت ذراعيها وتناست خجلها وقالت بحده...
-انزل ولا لا انا حرة ...
-لا مش حرة !!
تدخلت سلوي القادمه بطبق من الفاكهه ...
-ايه يا ولاد في ايه براحه شويه ...وانتي اتعدلي يا سمر !!
-اوووف انا بردو يا ماما مش هو اللي بيتحكم فيا...
-حقه يا ماما ده هيبقا جوزك خلاص !!!
ابتسم لها بانتصار ورفع حاجبه بتحدي ثم وجهه حديثه الي مراد..
-الدنيا اتأخرت ، انا شايف يلا بينا وهديك رقمي عشان نتواصل ...
-ايوة فعلا ...يلا بينا...عن اذنك يا حجه ..باي يا سمورة...
لاحظت ملامح الضيق علي وجه مصطفي ..فاردفت بدفئ زائد وابتسامه مشرقه ...
-بااااااي ما تتأخرش عليا اقصد علينا كتير بقا !!
ابتسم لها مراد وقال بحسن نيه...
-لا متخافيش وهبقي اكلمكم كل يوم ...
نظر لها مصطفي بحده وهو يري عبوسها يعود وهي تحيه قبل ذهابه ،تحيه لا تليق بعريس وعروسه طبيعين ولكن لا يهم فمن اين لهم بالطبيعيه !! هو سيعلمها كيف تحبه وتتعامل معه غصبا عن انفها الحاد الرسم و الرائع ...
اوصلتهم الي الخارج ولكن مصطفي باغتها عندما سحب الهاتف من يدها ورن علي هاتفه منه وقال بلا مبالاه ووسط ذهولها...
-هكلمك انهارده !!
ابتسم لهم مراد ونزل امام مصطفي وهو يفكر في غادة التي خطفت تفكيره اراد سؤال مصطفي عنها ولكنه قلق منه وقرر محادثه سمر اولا ...
مراد لنفسه : انا هعرف بس هي مين مش هتجوزها يعني !!
....................
بعد ان انهت مهامها مع والدتها توجهت للنوم ...تدثرت في فراشها تستعد لنوم هادئ يعيد لها رونقها عندما رن هاتفها بذلك الرقم الغريب ، لديها فكرة عن صاحبه ... اخذت نفس عميق وردت عليه ببرود مصطنع...
-الووو ؟
جاءه صوته القاسي المخملي ...
-الو انتي كنتي نايمه ؟
-لا كنت هنام ....
-امممممممم.. ليه ؟
اتاكد انك عامل متابعة ليا عشان تشوف باقي الرواية 👈 روايات كاتب الخيال
-ليه ؟! يعني ايه ليه كنت هنام عادي يعني !!
زفر مصطفي بضيق وقال...
-بس انا قلتلك استني مكالمه مني !
ردت سمر بحده : لا والله وانا المفروض كنت استني للصبح عشان استني مكالمه الباشا !!
رد بصوت قوي كالثلج : وتستني لتاني يوم كمان ! انتي واضح مش عارفه نفسك بتتعملي مع مين ...فوقي شويه وبلاش هبل العيال ده !! انا صبري قليل !!
سمر بصوت مختنق منه وهي تحارب دموعها من السقوط ...
-انا غلطانه اصلا اني رديت عليك من الاول ، مع السلامه !!
جاءها صوته كالرعد لتتجمد يدها قبل ان تضغط الزر...
-اعمليها كده واقفلي و شوفي بعد 5 ثواني هعمل فيكي ايه !!
زفرت بحنق وقالت بشئ من الخوف فلديها شعور قوي بانه لا يرمي كلماته في الهواء...
-نعم ، ممكن افهم متصل بيا ليه !!
-في واحده تكلم جوزها كده...احترميني شويه !!
قالت بنفاذ صبر : مش لما تحترم الست اللي هتبقي مراتك !
ابتسم لنفسه فبرغم عنادها هي تعلم جيدا مكانتها كأمراته !!....
يتبع تفاعلوووا جامد
#الحلقه_ال11
-والله انا بحترمها الدور والباقي عليها !!
-لا والله وهو لما تشخط وتنطر فيها ده احترام !!
-والله لو هي زيك كده مش بتسمع الكلام يبقي اديها بالقلم علي وشها كمان ...
صدمت واحمرت وجنتها غضبا ..واردفت بغيظ...
-نعم نعم !! ليه انت فاكرني من الشارع انا بنت ناس ومش هسمح لاي حد يمد ايده عليا ده تعنيف جسدي وممكن ابلغ عنك !!!
رد بهدوء وبرود ازعجها ....
-انا مش اي حد و مقولتش اني همد ايدي عليكي !
-لا قولت متنكرش ، لا يا بابا انا اللي يديني قلم اديله اتنين !!!
قهقه مصطفي وتقطعت انفاسه من كثرة الضحك ...
-فعلا ضحكتيني والله !!! مش عارف الجراءة دي بتجيلك وانا بعيد بس !!
-انا جريئه ومش بيهمني حاجه ...
- واضح ايوة بامارة الفستان ...بس كويس سمعتي الكلام المره دي ...
ردت بغيظ : لا اكسكيوز مي لو سمحت ..ماما اللي اختارت الفستان لانه ببساطه شيك مش عشان كلامك او رغبات جنابك !!
اردف ببرود قاتل : لا عشاني يا سمر وانتي عارفه كده كويس .....
-اووووف ممكن تقفل بقا مراد علي الويتنج !!
امسك الهاتف بشده كادت تفتته و اردف بغضب ...
-وعايز ايه زفت دلوقتي !! وبيتصل بيكي ليه اساسا !!
ارادت اغاظته فقالت بلا مبالاه لاشعاله....
-عادي هو بيتصل بيه كل يوم افضفضله ويفضفضلي !!
قاطعها صوت مصطفي المشتعل غضبا ...
-وفي واحده محترمه تفضفض لواحد غريب عنها ، ولا ده يبقي اسمه ايه وخدي بالك لبسك و طريقتك دي مش هتنفع معايا ومفيش حاجه اسمها سيبني اللي مش هيعجبني هيتغير ورجلك فوق رقبتك !!!
اغلق الهاتف في وجهها دون ان يسمع رد وهو يعافر حتي لا يذهب اليها ويقتلها و يسحب منها ذلك الهاتف اللعين و وبخ نفسه علي غباءه فالان اغلق وترك لهم فرصه التحدث معا !!!
...............
لم يعرف النوم طريق الي جفنيه هذه الليله وفي الصباح الباكر اراد الاتصال بها ولكنه يعاني من صراع داخله يين ارضاءها وعقابها ،كيف يمكن للنقيض ان يجتمع بداخله وكله بسبب جنيته !!..
اما سمر فقد نامت والدموع تغرقها وهي تتوعد له علي اهانتها !! وكلما تتذكر استسلامها له تريد لو تمزق وجهها ووجه ذلك الدب !!
.......................
-اي اي براااااحه ونبي !!
بلال بغيظ : ايه وجعك الكشاف يا حبيبتي ادهولك علي قفاكي !!!
ندي بحنق : تصدق انت رخم اوي ...بتمد ايدك ليه دلوقتي !!
فتح فمه بصدمه وهو يلوي ذراعها ...
-ليكي عين تتكلمي كمان وتغلطي !!
تنحنحت وهي تصطنع الدلال ...
-الله وانا عملت ايه يا قلبي بس...
نظر لها بنصف عين وقال بغيظ..
-قلبك !! وعينك اللي كانت بتبص علي الواد امبارح ده كان اسمه ايه ولا الهانم بتعاين !!
اصطنعت عدم الفهم وهي تجذب ذراعها منه لتقول وهي تحرك رموشها بخفه ...
-اديك قولت واد ، وانا مش ببص غير للراجل اللي قدامي ده بس..
عض بلال علي شفتيه وهو يشعر بانفاسه تعلي بما تضخه من لسانها ...فزفر واردف...
-انتي بتطلعي الكلام ده ازاي مش فاهم !!
ضحكت بانوثه وهي تنكزه بكتفها في صدره ...
-اللي في القلب بيطلع ع القلب...
-يامحنننننني...
مطت شفتيها كالاطفال وهي تبتعد ...
-محن طيب انا غلطانه اني بحبك وبعبر عن مشاعري ...
قضب حاجبيه وابتسم بلا مرح ..
-لا ياختي متعبريش...انا ماسك نفسي بالعافيه اصلا لولا كده كنت زماني وخدك في الاوضه الضلمه اللي جوا دي بتاعت الناس الوحشه....
احمرت خجلا وهي تنظر له بعدم تصديق ،تعلم انه يقاومها ويحافظ عليها طوال حياته وهو الامر الذي يجعلها تتخلي عن سيطرتها لقلبها في وجوده ولكنه لا يخيب امالها ابدا في جراءته التي تزداد يوما بعد يوم ....
قالت بعدم تصديق وخجل ...
-بلااااال اتلم !!
قال وهو ينفض ذراعه ويحرك رقبته ...
-ياشيخه بقا انتي خليتي فيها بلال ...يلا غوري يابت ، مش عايز اشوفك قبل يومين تلاته كده عشان اهدي...
سقط قلبها بداخلها هل يزال غاضب منها ؟! نظرت له بخوف وقلق واردفت بحزن وهي تمسك ذراعه...
-اخس عليك يا بلال هو انا بقيت من السهل كده نسياني ، يومين تلاته بحالهم مش عايز تشوفني او تكلمني ...انت مش بقيت تحبني!! ...قولي مين بالظبط اللي خدتك مني اعترف ؟!!!
ضرب كف علي كف في ذهول ....
-ايه يابت الفيلم ده ،يخربيتك ، انتي مجنونه ...روحي يا ماما ربنا يهديكي...
نظرت له بغضب : ايوة طبعا حلال ليك وحرام عليا ...طب و ديني لانا باصه علي كل شباب الحارة...
ركض خلفها ليقتلها ولكنها اطلقت قدميها للريح ونزلت سريعا الي شقتها وقلبها يدق خوفا الا ان الابتسامه لم تترك وجهها كحال جميع الاناث ممن يتحلين بالجنون !!!
نظر بلال خلفها وهي تركض و زفر بحيره من تلك الحمقاء ...
-يا ساتر !! بحبها ازاي دي مستفزه اوي الله يحرقها !!
اتاه صوت مصطفي الخشن من خلفه ...
-الله يحرقك قبلها هو النوم طار من عيني من شويه ...ما تروحوا بقا تتجوزوا واتلموا بقي بدل شغل السرسجيه ده !!
تنهد بلال بتمني وقال ...
-ااااااه نفسي والله ...وهيحصل !! انا هعدي موضوعك بس وهتفرغلهم ،انا خلاص مش قادر استني والبت هطير دماغي انا مش عارف افكر غير فيها !!
ضحك مصطفي : علي اساس انك بتفكر اساسا ...انت هتتلكك...
-هيهيهيههيهي ماشي ياعم الخفيف ...المهم بقي....
غمز له بلال واستكمل ...
-عملت ايه مع زوجه المستقبل...
رفع مصطفي حاجبه وهو ينظر الي الجهه الاخري بوجه خالي من المشاعر...ليزفر بلال بحنق وضيق وهو يردف...
-لا مش معقوله ، اكيد بتهزر ...لا يا مصطفي كده كتير ...اتخنقت معاها في يوم زي ده ...انت ايه يابني بروطه ،مفيش دم...
-خلاااااص يا عم الفهيم والرومانسي ونبي اتشطر علي اللي معاك وتعالي اتكلم...
ضحك بلال بعدم تصديق ...
-يابني اتشطر ايه ؛ اعمل ايه اكتر من كده انا مهما عملت او هي عملت احنا لبعض ..لكن انت اراهنك متعرفش عنها حاجه لسه وكل ماتشوفها تتخانق ، اديها فرصه وادي نفسك فرصه متبقاش قفل كده....
نظر له بغضب وهو يرتب السطح امامه ...
-لسان اهلك ده !! انا ساكت من الصبح وبعدين هي تستاهل اصلا وفكك من الحوار ده ...
-يعني مش هتكلمها !!
-لا ...
-بس انت عايز تصالحا صح وهي عمرها ما هتعبرك مش كده ؟!
زفر بضيق وقال...
-ايوة يا خفيف صح ...مبسوط كده ....
ابتسم بلال وهو يضع يده علي ذقنه ...
-حلك عندي يابرنس....
................
سلوي بهدوء : الو...
اتاها صوت منال السعيد من الجهه الاخري...
-ايوة ياحبيبتي صباح الخير ؛ عامله ايه ؟؟
ابتسمت سلوي بالرغم ان منال لن تراها وقالت بحب...
-صباح الورد يا حبيبتي ...انا الحمدلله وانتي و كلكم عاملين ايه ؟؟
-كلنا تمام الحمدلله وعروستنا الحلوة اخبارها ايه ...
-ههههههه يارب دايما ...الحمدلله لسه صاحيه اهيه...
-والله طيب كويس انا قلت الحق اكلمكم واقولكم انكم معزومين عندي علي الغدا انهارده ومش هقبل اي اعذار !!!
-بس يا منال عشان منتعبكيش ...
-اخس عليكي متقوليش كده ...قومي بس انتي فوقي كده وتعالي شرفيني ونقضي اليوم مع بعض وبالمره نتعرف اكتر قبل كتب الكتاب...
-اممممم ماشي خلاص هقول لسمر وهنيجي علي طول...
منال بفرحه : ماشي يا حبيبتي هستناكوا اوعوا تتأخروا....سلام...
اغلقت الهاتف ونظرت الي بلال الذي يعلوا علي وجهه ملامح الانتصار ومصطفي الذي يحاول السيطره علي ابتسامه ترغب في الهروب علي شفتيه ..
بلال بثقه : ايوة بقي يا ماما ...ما يجبها الا حريمها... شفت يااض يا مصطفي !!
منال وهي تلوي شفتيها ...
-ونبي اتلهي انت ، لولا ان البيه مزعل القمر ..مكنتش عبرتكم !!
ضحك مصطفي وقال....
-طيب وجوز القمر بقا صفر علي الشمال يا مرات عمي !!
عبثت بخصلاته كما اعتادت ان تفعل معه وهو طفل وقالت بحب...
-انت مشكله !! ربنا يسعدك يا جوز القمر...
سمعوا اصوات صراخ فجأه وكان اول من ميزها هو بلال التي اتسعت عينيه وانتفض من مكانه ليصعد الي بيت عمته ...ركض علي الدرج والجميع خلفه وبينهم والده الذي كان يتوضأ لتأديه الصلاة ...
فوجد ندي تبكي وهي تركض علي الدرج ناحيتهم ...التقطها بلال قبل السقوط ووالدتها تركض خلفها وبيدها حزام غليظ ...
بلال بغضب: في ايه يا عمتي بتضربيها ليه ؟
زينب وهي تلتقط انفاسها ...
-وسع انت يا بلال مالكش فيه هاتها بنت الكلب دي هنا هقطع شعرها في ايدي !!....
كانت ندي تبكي وتختبأ خلفه ومنال تحاوطها من الخلف حتي لجأت اليها تاركه بلال يتعامل مع والدتها ...
جاء صوت والده العالي من الخلف...
-انتي اتجنيتي يا زينب بتضربي البت بالبشاعه دي كده ازاي !!
زينب وهي تحاول اخفاء توترها ...
-البت دي مش مظبوطه خلاااص ،طلعت من طوعي ومفيش عريس يجي و تقبل بيه ...
تدخل بلال بعنف وهو يقول بدفاع ...
-انتي ازاي تقولي علي بنتك كده !! علي العموم ياستي اطمني بنتك تربيتي انا يعني برا البيت ده بميه راجل ومش بتقبل عرسان ليه عشان عارفه هي لمين !!!...
نظر الي والده بغضب وهو يحاول السيطره علي مشاعره...
-لو سمحت يا بابا انا صابر بقالي كتير واقول عشان تكبر وتخلص تعليم بس لحد كده وكفايه ، انا عايز اتجوز ندي !!
تدخلت زينب بعنف وغضب....
-معنديش بنات للجواز انا...البت اللي تبقي صايعه وشمال تتقطم رقبتها...
جاءها صوت دياب اخيها الاكبر هذه المرة لتنتفض من الخوف...
-والله عال وبقا عندنا بنات شمال ...انتي مش مكسوفه من نفسك وانتي بتقولي كده ايه خرفتي علي كبر ....
حاولت ان تستعطفهم فبكت وهي تمثل دور الام المظلومه ،الخائفه علي مستقبل ابنتها ...
-يا اخويا البت مش عايزة تتجوز وبترفض كل العرسان وانا عايزة افرح بيها ...
قاطعها بلال : الله طيب انا بقولك هتجوزها وانا اولي ببنت عمتي ولا انت شايف ايه يا عمي !!
هز دياب رأسه بتفكير وهو ينظر الي ندي الباكيه بحالتها المذريه فسأل...
-موافقه يا ندي !!
هزت ندي رأسها بسرعه اخجلتها قليلا ، ولكن سعادتها باقتراب حلمها قد اعماها عن الخجل والالم المنتشر في كل جسدها....
حاولت زينب الاعتراض فصاخ بها دياب...
-الله هو في ايه يا زينب ..خلاص الرجاله مبقاش ليهم كلمه وبعدين طالما ندي مواققه يبقي وصلك ياستي بنتك كانت بترفض ليه !! ولا انتي بتحبي الفضايح !!
اغلقت فمها وهي تغلي من ابنتها التي تعاندها فقد كانت تحاول اقناعها بان تذهب الي دياب لتبطي وتخبره بانها تحب مصطفي وانها اولي من الغريبه بابن عمها ولكن تلك الحرباء رفضت وأخبرتها بفجور انها تحب بلال وانها لن تتزوج من غيره...تلك الغبيه ضيعت اموال واملاك كثيرة ، وحتي وان كان بلال ميسور الحال وغني الا ان الغنيمه الكبري دائما تقبع للبكري !!
تدخل مصطفي بسرعه : كتب الكتاب نعمله في نفس اليوم يا حج والفرحه واحده ...
ليردف والد عبد الله بموافقه ....
-وانا موافق يا اخويا ؛ جه الوقت اللي افرح فيه بابني وندي دي بنتي وكل طلبتها مجابه والشقه والعفش و شوارها ذات نفسه علينا ...بس امها متمدش ايدها علي مرات ابني تاني !!
ضحكت زينب بغيظ : ايوة امها الشريرة ..انتو حرين اعملوا اللي في دماغكم ..انا كل همي اني افرح ...
وقف امامها دياب وهو ينظر الي عينيها وكأنه يخترق روحها ...
-انا فاهمك كويس يا اختي ..ارضي بالنصيب وسيبك من الوحاشة وبنتك هتبقي سعيده...
الجمها حديثه فهزت رأسها بالموافقه وانسحبت من بينهم الي شقتها ...
كانت غاده تبكي من منظر كدمات ندي المنتشره علي ذراعيها والعلامات الحمراء التي تميل للإزرقاق علي رقبتها...
اردفت منال وهي تحاول السيطرة علي دموعها...
-يوووه يا غاده انتي كمان متعيطيش ..دي شويه خبطات كده يومين وهيروحوا خالص...بيوجعوكي يا ضنايا...
كانت جملتها الاخيرة موجهه الي ندي التي تحاول جاهده ايقاف دموعها واسعد لحظات حياتها مخلوطه بالالم ...ظلت عيونها معلقه ببلال الغاضب بعيونه التي تجول عليها ولاتتركها وهو يحارب تلك الغصه في حلقه و الالم في قلبه و كأنه يذبح من اجل الم حبيبته وابنته !!...
عبدالله بقله حيله ...
-ياحول الله يارب !! انا هدخل اصلي ، ده ايه اللي بقينا فيه ده...
اغلق باب الشقه وراءه ودخلت منال بندي الي غرفتها لتبدل ملابسها الممزقه و تدهن مسكنات للالم علي جسدها ...انطلقت غاده الي شقتهم لاحضار بعض من ملابسها ...بينما دخل بلال خلفهم وهو يشاهد والدته تبحث عن اي شئ للتخفيف عنها ..جثا علي ركبتيه امامها ومسح دموعها برقه حتي لا يؤلمهت...
وضعت ندي وجهها بين يديه تستشعر الامان الذي يوفره لها ...
اتاكد انك عامل متابعة ليا عشان تشوف باقي الرواية 👈 روايات كاتب الخيال
منال وقلبها يؤلمها علي ابنها والتي تري الدموع تتجمع في عينيه وعلي ندي المسكينه...قالت بهدوء...
-بصي ياحبيبتي هحطلك المرهم ده و مش هتحسي بحاجه وارتاحي شويه هتبقي زي الفل وانت ياواد انت ماتسوقش فيها وسيب البت لسه مبقتش مراتك رسمي...
احمر وجه ندي قليلا وارتسمت نصف ابتسامه علي وجه بلال وهو ينظر الي عينيها يوعدها بالامان والراحه قريبا وعدم خذلها ابدا مره اخري ..
😂😂
تابعووووني
الحلقه الثانيه عشر والثالثه عشر من هنا
رواية عشق بلا رحمه كامله من هنا
رواية زواج لدقائق معدودة كامله من هنا
رواية بسمه موجوعه كامله من هنا
رواية معشوقتي الصغيره كامله من هنا
رواية طلاق بلا تبرير كامله من هنا
رواية الفرار من الحب كامله من هنا
رواية مستشفى بلا حياه كامله من هنا
رواية فرقتنا الظروف وجمعنا القدر من هنا
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
