رواية أميرة الصعيد البارت السابع والثامن بقلم سما حسين
 |
البارت السابع
شوية وسمعوا صوت زعيق جامد والمفاجأة طلع حازم بيتخانق مع بتاع البطاطا اللي تحت البيت عشان عايز ٤بطاطا ونص والراجل قاله دي بتتباع بالكيلو
هند وفيروز شافوه من البلكونة
هند نزلت عشان تحل الموضوع
هند :في ايه
حازم :بص يا ستي انا كنت عايز بطاطا حلو
هند : وبعدين
حازم : انا كنت عايز ٤بطاطا ونص
هند :كيلو
حازم :لا
انا عايزها بالواحدة
هند : احم ده من حقه يديك بالجزمة
هند خلصت الموضوع واخدت منه الاكل ومشته
اكلوا وقعدوا يتكلموا شوية
هند : ناوية علي ايه
فيروز : مش عارفة
هند :يعني ايه مش عارفه انتي لازم تاخدي قرارك دلوقتي
فيروز : أنا خايفة ما ارجعش بابا يتعب
وبرده خايفة ارجع وانا مش معايا الحقيقة أنا متلخبطة اوي ومش عارفة اعمل ايه
هند : بصي انتي عرفاني صريحة بصي انتي لازم تكوني دلوقتي جامدة وقوية وعارفة انتي عايزة ايه ومش عايزة ايه
فيروز : معلش انا هتقل عليكي كام يوم كده
هند :لا انتي اخرك انهاردة
فيروز :تمام اوعدك همشي بكرة
هند :اخس عليكي يعني كل السنين دى وبردة تفتكري أن انا اعمل كده
فيروز :قصدك ايه
هند :قصدي عايزة تمن الايجار والأكل اللي انتي اكلتيه عندي
فيروز :نعمممم
هند :يا بنتي بهزر معاكي انتي براحتك
فيروز: شكرا ليكي بجد ...............ممكن سؤال
هند :بت هتوجعي دماغي لا قومي مشي احسن
وراحت حضناها وقعدت تضحك
هند :اتفضلي
فيروز :هو انتي ليه عايشة لوحدك
هند :بصي يا ستي انتي طبعاً عارفة أن اهلي ناس أغنيا ومعاهم فلوس
فيروز :وفين المشكلة
هند : دي اكبر مشكلة ف حياتي
فيروز :ازاي يعني
هند :عايزني تحت أمرهم في اي حاجة وبيتدخلوا في حياتي محسسني أن انا لسة طفلة وان هما يقدروا يعملوا اي حاجة بفلوسهم
فيروز :حبيبتي العيشة دي اي حد يتمناها
هند :انا حابة اكون مستقلة بنفسي
فيروز : تصدقي انا مغلطتش لما قولت عليكي فقرية .......هي صحيح بالنسبالي عيشة تطهق بس بالنسبة لأي بنت تانية نفسها في العيشة ده
هند :انا بقا مش حابة العيشة دي
فيروز :واخوكي
هند :ده بغل يأكل ويشرب وينام
فيروز : بس والله طيب
هند :هو صراحة طيب بس عبيط واهبل
فيروز :صراحة معاكي حق ف دي
هند : دي عادتي اصلا مش بعرف اقول حاجة غلط
فيروز: ي سلام
هند :بقولك ايه انا مخنوقة ما تيجي ننزل شوية نتمشي
فيروز :انزلي انتي
هند :وانا اسيبك عشان تسرقي بيتي
فيروز بضحك:اه
هند :لا قومي بقا يلا عشان خاطري
وفضلت هند تزن علي فيروز لحد ما فيروز وافقت
فيروز :بصي انا هنزل اه بس مش هنتاخر
هند :تمام
هند نزلت هي وفيروز
هند : بقولك
فيروز : نعم
هند : انا هجيب حاجة نشربها
فيروز :تمام
هند: اجبلك آيس كوفي
فيروز : آيس كوفي الله يرحم جدك كان بيشرب العصير بخرطوم الغسالة
هند : ههههههههه تمام هجبلك
لما هند جابت الآيس كوفي
هند : اتفضلي
فيروز : شكرا
وفجأة شافو
البارت التامن
أميرة الصعيد
بقلم : سما حسين
وفجأة شافوا زين
زين : ازيكم ي بنات عاملين ايه
فيروز وهند : الحمد لله
هند عشان كانت عايزة تسيبهم يتكلموا مع بعض شوية
هند :طب انا هروح اجبلك حاجة تشربها
زين :ملوش لزوم
هند : تمام براحتك
زين :انتي صدقتي هاتيلي قهوة سادة
هند :تمام
هند راحت عشان تجيب القهوة لزين
زين لفيروز : بصي اولا انا ..... آسف وثانيا
فيروز : وثانيا ما تتاسفش أما ثالثا ف شكرا علي اللي انت عملته معايا
زين : انا وبلا فخر لا دي اقل حاجة عندي
فيروز : لا بلاش الفشخرة الكذابة دي
زين : طب وانتي ناوية علي ايه
فيروز :يا ادي ناوية علي ايه هو اي حد يشوفني يقولي ناوية علي ايه
زين :بردو ناوية علي ايه
فيروز :مش عارفة والله انا تايهة
زين :ماتخافيش انا جنبك
فيروز :شكرا بجد علي كل حاجة عملتها انا صحيح كنت يكرهك بس دلوقتي .......
زين : دلوقتي ايه
فيروز :بقيت اكرهك اكتر
زين :يا سلام علي الصراحة متشكرين يا ستي
هند : انا جبت القهوة
زين :جت في وقتها صاحبتك صدعتني
فيروز :بابا أخباره ايه
زين :مش عايز اقلقك بس هو تعبان
هند :لا صراحة مقلقتهاش خالص دي مش هتنام وهتقرفني وانا عايزة انام
فيروز : طب وماما ايه اخبارها
زين :انهي واحدة فيهم
فيروز ببكاء : الاتنين
زين : اللي هي اسمها ليلي دي نايمة ومرتاحة عل الآخر
انما طنط شرين هتموت من العياط هناك
فيروز قعدت تعيط جامد
هند لزين : انت ايه اللي جابك جاي تنكد علي البت وبعدين ايه الصدفة اللي زي العسل دي
مشي روح امك عايزاك
زين: هوصلكم وهروح علطول
هند :شكرا احنا مش صغيرين
زين :لا اطفال ويلا بقا مشوا عشان تروحوا
زين وصلهم ومشي
فيروز اول ما دخلت الشقة
فضلت تعيط
هند : انتي بتعيط ليه
فيروز : انتي مش شايفة زين قال ايه
هند : يخربيتك يا زين بيت سنينك مش هعرف انام
هند : بقولك ايه يا فيروز انتي لو كنت عايزة تروحي كنتي روحتي انهاردة قبل بكرا بس انتي لا عارفة تروحي ولا عارفة تقعدي كل اللي انتي بتعمليه بتحطي ايدك على خدك وتفضلي تعيطي
فيروز : حطي نفسك مكاني هتعملي ايه في الوضع ده
هند : بصي بما اني إنسانة دمها بارد جدا هسيبهم يولعوا وانا اطلع اتفسح وارجع لهم يعني بعيط شوية دموع تماسيح يعني عشان يحسوا علي دمهم ويحسوا أن عندهم بت وكانت بتعيط ومش عارفة تعيش حياتها سعيدة بسببهم
عند الحاج سعيد
الحاج سعيد كان تعبان جدا والدكتور بيقول أنه لو فضل في حالته دي كتير ممكن يدخل في غيبوبة ومش عارفين ايه اللي هيحصل بعد كده
عند فيروز
فيروز بطلت عياط شوية ودخلت نامت
الصبح
فيروز: هند بتعملي ايه
هند :بحلق دقني
فيروز : يا خفة دمك
هند :بعمل الفطار
فيروز بالرغم من أنها كانت جعانة بس كانت زعلانة بردو
فيروز :طب ما متعمليش حسابي معاكي
فيروز كانت مفكرة أن هند هتقعد تتحايل عليها
هند :انا كدة كدة ماكنتش عاملة حسابك
هند كانت عايزة فيروز تقع في الكلام وتقول إنها جعانة
فيروز كانت بتتكلم بسرعة وتقول : بقا كده طب عند فيكي هتعمليلي أفطر معاكي عشان انا جعانة
هند :انتي ايه يا حلوة
فيروز :انا انا ايه انا ولا حاجة
هند :طب كويس انك عارفة أن انتي ولا حاجة
قعدوا يفطروا
وبعدين لقوا الباب خبط فكروه حازم بس المفاجأة أن اللي علي الباب كان
الروايات الاكثر قراءه👇👇👇
تعليقات
إرسال تعليق