رواية أحاسيس ميته الحلقه الاخيرة بقلم محمد منصور حصريه وجديده على مدونة النجم المتوهج
رواية أحاسيس ميته الحلقه الاخيرة بقلم محمد منصور حصريه وجديده على مدونة النجم المتوهج
فريد بعد ما شاف ريحانه وادم بص ل عبير وقال
افتحي الباب وخلصي علي اللي واقفين قصاد منه
لسة مايكل واسحاق هيكون ليهم رد فعل. طلع المسدس من جيبة وصوبه ناحيتهم وقال
كلمة واحدة تطلع منها هيكون ثمنها موتكم ايدكم ارفعوها ل فوق
رفعو الاثنين ايدهم وعبير مسكت سكينة كبيرة وراحت ناحية الباب وفتحته،،،،،،،،
درة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ادم شاف السكينة في ايد عبير وهي بتهجم علي ريحانه زق ريحانه بعيد عن مسار السكينة وهجم علي عبير ومسك معصم ايدها اللي في السكينة وحاول ان يوقع السكينة منها لكنه ما قدرش وعبير كانت اقوي منه وضربته بمنتهي القوة بالرجل في بطنه طار بعيد عنها ريحانه صرخت وقالت
ادم انت كويس
هنا لقيت ايد بتشدها من شعرها وصوت فريد بيقول
عبير ما ترجعيش من غير جثته
وقفل باب القصر و بقيت ريحانه جوة وشعرها في ايد فريد اللي موجه المسدس ناحية اسحاق ومايكل. لكن اسحاق استغل انشغال فريد ب ريحانه وشغل سيستم الدفاع عن النفس في برمجة درة وبدا العد التصاعدي لتشغيل درة في العد من 1. ونهاية العد الرقم 100. في نفس الوقت ريحانه بصيت لفريد اللي ماسك شعرها بمنتهي القوة وقالت لما شافته
انت
فريد
اية رايك في المفاجاة دي. لكن المفاجاة اللي بجد ان معايا حد عزيز عليكي
وخلها تشوف درة ريحانه اتصدمت وقالت باعلي صوتها
بنتي درة
فريد
خليتها روبوت.
ريحانه عيونها كانت بدمع وهي باصة ل بنتها اللي كانت عيونها مقفوله. وقالت
انا مش هرحمك بعد اللي انت عملته في بنتي
شد شعرها جامد وقال
ولا تقدري تعملي اي حاجة لانك ولا حاجة مجرد نكرة انا اعظم منك واقوي منك
ولمح بطرف عينه اسحاق بيتحرك فضربه بالنار الرصاصة جت في دماغة وقع علي وشة جثة مايكل بص للي بيحصل واترعب ولسة هيتحرك خرجت رصاصة تانية انهت حياته في لحظات وبص لريحانه وقال
ما بقاش فاضل كتير علي نهاية ما رسمتهاش بالشكل دة لكن القدر اختار طريق غير اللي انا خطط لي. لكن مش مهم. شكل النهاية المهم ان اطلع كسبان
وزق ريحانه بكل قوته ناحية الحيطة لدرجة انها اتخبطت في الحيطة ووقعت علي الارض من قوة الزقة راح ناحيتها وقال
كبرتي يا ريحانه والعجز بان عليكي
ريحانه كان بتقوم بمنتهي الصعوبه ووقفت علي رجليها بالعافية وقالت
خد حقك مني وسيب درة ترجع سليمة مع ادم ابوها مصر
مسكها فريد من شعرها وقال
ادم دة اللي انتي سيبتني علشانه مش كدة
وضربها لكمة بمنتهي القوة في وشها وقعت. بسببها ريحانه تاني علي الارض وقال فريد
عبير هتخلص علي ادم وانا هخلص عليكي ودرة خلصت علي المندوبين وهتشيل كل الجرائم دي وهرجع مصر وهبقي ملياردير وبالفلوس هعمل ريحانه زيك
ومسكها من رقبتها ورفعها
ل فوق وقال
بصي ل بنتك البصة الاخيرة قبل ما روحك تطلع
بصيت ريحانه ل درة اللي كان برمجة سيستم الدفاع عن النفس ووصل ل 99% وكل دة بيحصل من غير
ما فريد يشوف او يحس
و رفع فريد المسدس وصوبه ناحية دماغ ريحانه واستعد للدوس علي الزناد لكن درة مسكت ايدة ورفعتها لفوق وطلعت الرصاصة في سقف القصر وقالت
رجعت لك علشان نكمل كلامنا
وهنا ريحانه قدرت تفلت من ايدة وضربته لكمه في وشة لسة هيضربها كانت درة شالته من النص اللي تحت ورفعته لفوق وجريت بي ناحية الحيطة الخبطة وجعت طهره لكنه مسك راسها ولسة هيضربها لفت وشها ناحية ايدة وعضته عضة طلعت باللحم والدم كان باين انها اقوي لانها شالته ورمته بعيد. وهجمت عليه تاني لكن فريد حط ايدة وراء ودانها الشمال وداس علي زرار ايقاف التشغيل وفعلا درة اتوقفت عن الهجوم ووقعت علي الارض وبدا فريد يضرب فيها بكل قوته ومسك تحفة من الرخام ولسة هينزل بيها علي دماغ درة. الرصاصة دخلت ظهرة واستقرت في صدرة بص بصعوبه للي ضرب النار لقي ريحانه ماسكة المسدس وبتترعش حاول يقوم علشان يهجم عليها طلعت رصاصة تانية جت في صدرة. لكنه ضحك وقال
تفتكري ان الروبوت يموت برصاصتين في الصدر
هنا درة فتحت عيونها وقالت
لا. بيموت بكهرباء تدخل مخة
بص لها وقال
انتي ازاي فتحتي عيونك تاني
درة
اصل انا ما بقتش تحت امرك والزرار بيطفي السيستم لكن بيرجعه تاني بعد 10 ثواني
و بمنتهي السرعة مسكت سكينة الفاكهة اللي اتقتلت بيها نانا وغرزت السكينة في مخ فريد وسحبت سلك الشاشة ولفت الناحية اللي فيها الكهرباء حوالين السكينة وبدات الكهرباء تصيب المخ بخلل تام وبدا جسم فريد ينتفض والنار خرجت من دماغ فريد. ووقع علي الارض وانا وقفت وبصيت له وبصيت ل ريحانه اللي انا ما كنتش اعرفها وقولت
انتي مين
ريحانه قربت مني وقالت
انا امك.
درة
امي.
وهنا سمعو جرس باب القصر بيرن فقالت ريحانه
يارب يكون ادم
وراحت فتحت الباب بسرعة وشافت ادم ماسك في ايدة راس عبير وكان باين عليه انه كان في معركة دامية وقال
طلعت روبوت وتعبتني لغاية ما خلصت عليها
ورمي راس عبير بعد ما شاف درة وراح ناحيتها وقال
درة
درة بصيت له هو كمان وقالت
انت مين
ادم
انا ابوكي
ريحانه
بنتنا محتاجة يتعمل لها عملية في المخ وفي اسرع وقت
درة
انا مش محتاجة اي عملية ومش محتاجة اني اعرف اي بني ادمين كفاية اللي شوفته من اي بني ادم انا اتعملت مع
ريحانه
درة حبيبتي احنا غير اي حد صدقيني
وحاولت تقرب منها ريحانه لكن درة قالت بتهديد واضح وصريح
اوعي تقربي مني انا ما اعرفكمش
ادم قرب منها وحاول يمسك ايدها وهو بيقول
درة احن،،،،،
لكنها قاطعته لانها قدرت تلوي ايده بمنتهي القوة كسرتها. و قالت
انا مش عايزا اي كلام منكم
وهنا ريحانه شافت الجهاز اللي كان مع المندوبين وعرفت ان دة برمجت بنتها
فراحت للجهاز وقدرت تتحكم في درة وخليتها تنام ووقعت درة علي الارض وقال ادم
هنخرج بيها ازاي احنا داخلنا الاراض الامريكية اتنين
ريحانه بنبرة حزينه
الروبوتات. ملهاش اوراق دخول او خروج من الاراضي الامريكية، ،،،،،،،،
وبعدها بكام يوم درة كانت في مستشفي وفتحت عيونها وبصيت للي كانو موجودين في الاوضة اللي هي محجوزة فيها واللي كانو موجودين ريحانه وادم وزهرة اخت درة. وبصيت لهم درة وقالت ل ريحانه
ماما
ريحانه دموعها نزلت واترميت في حضنها وقالت
بنتي
درة
هو اية اللي حصل وانا هنا بعمل اية
ادم
دي حكاية طويلة لكن ملخصها اننا قدرنا نشيل من دماغك شريحة كانت سبب فقدانك للهوية بتاعتك ،،،،،،،
ورجعت درة ل اهلها وبلدها وبدات تتعافي شوية بشوية وانتهي الشر وبدات تعيش حياتها بين احضان اهلها.
خلصت الحكاية اللي يارب تكون عجبتكم. كنتم مع اقتباس من احلي الافلام الاجنبية واستنوني باذن الله يوم الاثنين وحكاية جديدة بعنوان
ارملة رجل حي
وسلالللللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق