أحاسيس ميته الحلقه الاولى حصريه وجديده
أحاسيس ميته الحلقه الاولى حصريه وجديده
كان اسعد يوم في حياتي لما روحت السوبر الماركت اللي في اول شارعنا وهناك قابلته وحبيته من اول نظرة ووقتها انا حسيت بفرحة ممزوجة بمتعه احساس ما اتكررش معايا الا مرة تانية في حياتي كلها لما قتلته،،،،،،
احاسيس ميته 2
درة
اقتباس جديد من احلي الافلام. فيلم شبه قصة من تاليفي كنت كتبتها من فترة وهي قصة احاسيس ميته. ورغم اني مؤلف القصة الاولي لكن الفيلم ينفع يكون تكملة لحكايتي اللي من تاليفي. يلا نبدا لكن قبل
قبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بدور احداث القصة دي سنة 2040.
انا درة. بت بسيطة جدا وحيده امي وابويا اللي ماتو وانا عيلة صغيرة واللي ربتني بعدهم خالتي اللي برضو ماتت لما بقي عندي 25 سنه
وبتبدا حكايتي لما كنت في العربية مع جوزي فريد وكنت نايمة وبفتكر اول مرة شوفت فيها فريد في السوبر ماركت ومن وقتها وانا بحبه اوي فريد بالنسبة مش حب بعيش بي دنيتي. لا. دة دنيا بعيش جوة منه احلي تفاصيل الحب. وكنا في العربية رايحين ل عم فريد رجل الاعمال اللي اسمه صابر
مع اني متجوزة فريد من سنتين تقريبا لكن دي المرة الاولي اللي هشوف فيها صابر وكان صابر دة ساكن في قصر كبير علي بحيرة في امريكا وسط الغابات وسافرنا امريكا انا وفريد وصابر دة بعت لنا العربية اللي تودينا القصر بتاعه عربية بتشتغل بالبصمة الصوتية وكان متسجل عليه بصمه صوت فريد فبصيت للغابة اللي حوالين مننا من علي اليمين والشمال
هو لسة بدري يا فريد علي ما نوصل ل قصر عمك
فريد اللي كان مشغل القيادة الالية
زهقتي ولا اية
درة
ايوة زهقت خراجين من الفندق بقالنا ساعة وشوية هو عمك ساب امريكا كلها وراح يقعد في اخر منطقة فيها
فريد
هو عم صابر كدة لي دماغ لوحديها وبيحب الهدوء ودفع ملايين علشان يشتري القصر دة ويعيش في لوحده
قبل ما صاحبتي نانا. تلعب عليه وتتجوزه
درة
انا بقي مش شايلة هم اي حد في الرحلة دي غير نانا دي اللي عمرها ما حبتني. ما عرفش لية
فريد
علشان انا سيبتها واتجوزتك انتي. واظن ان دة سبب كفاية يخليها تكرهك
درة
ما هي طول الوقت كانت قصادك ما اتجوزتهاش لية
فريد
علشان شوفتك وبعدها قلبي ما بقاش ملكي بقي ملكك انتي. يا قمري
ومسك ايدها وباسها بحب شديد وانا ابتسمت وقولت
ربنا يخليك ليا يا فريد
باس ايدي تاني وقال
ويخليكي ليا يا قلب فريد من جوة
ورجعت من تاني ابص للطريق اللي ملامحة ما بتتغيرش طريق اسفلت وسط اشجار ملهاش نهاية
وبعدها بكام كيلو وصلنا عند بوابة القصر الخارجية اللي اول ما شافت العربية اتفتحت ودخلنا القصر اللي كان رهيب. مش ممكن جمال القصر. وفضلنا ما شيين بالعربية خمس دقائق لغاية ما وصلنا عند الباب الداخلي للقصر ونزلنا من العربية وروحنا للباب ورن فريد الجرس وفتحت نانا الباب وكالعادة مقابله حارة جدا ل جوزي فريد لكن انا علي العكس نهائي مقابله باردة جدا لكن مش مهم انا اهم حاجة عندي اني مع فريد وفي القصر قابلنا صاحب فريد الانتيم وابن صاحب صابر وشريكة في الشركة. كريم ومع مراته عبير انا كنت بحبهم الصراحة لانهم ديما بيعملوني كويس وخصوصا عبير مرات كريم وبدانا نرقص ونحضر لحفلة مشاوي قبل ما اسمع صوت خشن جاي من علي السلم الداخلي للفيلا ودة صوت صابر اللي قال
ما بعرفش اصحي بدري لكن علشان خاطركم صحيت
بصيت لصاحب الصوت اللي كان لابس روب علي اللحم تقريبا وشنبه تقيل وجسمه ضخم ما حبتش منظره ولا حبيت ان ينزل يقابل ضيوفه بالمنظر دة لكن قرب مني ومد ايدة ليا وقال
سمعت انك قمر بس ما كنتش اتخيل انك احلي من القمر
وباس ايدة بطريقة مقززة وهو باصص في عيوني سحبت ايدي وبصيت ل فريد اللي كان بيقول
ما انا مش هتجوز اي حد
نانا بنبرة كلها غيره
انا ست وبقول لكم بلاش المجاملات تاخد اكتر من حقها لاننا بنصدق وبناخد قلم في نفسنا
راح صابر ناحيتها وقال
ماهي لو هي قمر ف انتي قمرين
وضحك ضحكة ماسخة وهنا عبير مسكت ايدي وقالت
تعالي احنا نروح نكمل شوي اللحمة
وفعلا مشيت مع عبير وبدانا نشوي اللحمة وقالت عبير
انا اول مرة اشوف الراجل دة
ومش مرتاحة لي
درة
وانا كمان مش مرتاحة لي شكله يخوف وبصاته لجسمي مش حلوة
عبير
سيبك منه وبلاش تركزي مع هما يومين هيعدو بالطول وبالعرض وبعدها كل واحد مننا هيرجع ل بيته
بصيت بطرف عيني ناحية ما هما قاعدين لقيت صابر دة ماسك كاس خمره وبيشرب من الكاس وهو باصص لي
ما اهتمتش لكني كنت خايفة منه وكملت شوي اللحمة وحطينا الاكل وبدانا ناكل وجه الليل وبعد سهرة طويلة كل واحد خد مراته ودخل اوضة نوم مجهزة بكل حاجة ودخلت مع فريد وقعد علي السرير وقولت
انت عارف اني صريحة وما بحبش اللف والدوران
فريد
عارف. وشكلك بيقول انك ما حبتيش عمي
درة
خالص
فريد
بقول لك اية عديها احنا مش هنعيش هنا طول العمر وبكرة طول النهار هاخدك ونروح البحيرة وهناك هعيشك يوم انسيكي في عمي واللي جابو عمي
وخدني في حضنه ومعها نسيت عمه ونمنا. ومع شروق الشمس كنت بفتح عيوني وبصحي فريد وبقول له
يلا بقي علشان توديني البحيرة
فتح عيونه بصعوبه وقال
انا تعبان شوية روحي انتي وانا هاجي وراكي
درة
هروح لوحدي
فريد
هتلاقي هناك عبير وجوزها. روحي انتي وانا ساعة بالظبط وهكون عندك
درة
لا هستناك
فريد
هزعل من نفسي لو قعدي تستنيني انا عارف انتي بتحبي البحر قد اية. اسبقي علشان خاطري وانا جاي وراكي. ولبس البحر انا حضرته ليكي
فعلا قومت من جنبه ولبست لبس البحر اللي هو اختاره لية. ولبست شورط لكن الغريب اني لقيت في جيب الشورط مطواة. استغربت المطواة دي بتعمل اية في الشورط قولت اسال فريد رجعت له لقيته نايم ما رضيتش اصحي وقولت يمكن المطواة دي علشان لو هنصطاد سمك لو حاجة اصلي مرة شوفتها بيصطاد السمك بالمطواة لما يربطها في خشبة طويلة وكانها رمح
وروحت البحيرة اللي كانت في طهر القصر لكني ما لقتش الا كراسي و كام شمسية وتربيزات في النص وشازلونج نايم عليه حد ما كنتش قادرة ابين هو مين وقولت يمكن كريم. وعبير جاية وراء منه روحت ناحيته. وسمعت نفس الصوت الخشن بيقول
ريحتك حلوة ومميزة
بعد ما كنت بتقدم بخطوات خفيفة وقفت والخطوات بقيت تقيلة ولسة هرجع لف وشة ناحيتي وقال
ضايقتك بكلامي ولا اية
درة
فريد تعبان ولازم ارجع له
قام بسرعة من فوق الشازلونج ومسك ايدي وقال
دة انتي هديتي ل فريد في عيد ميلادة. لية مش عايزا تقعدي معايا
بصيت ل ايدة اللي ماسكة ايدية وحاولت اسحبه منه وانا بقول
يعني اية انا هديتك ل فريد
صابر
زي ما عبير هديتي ل كريم بس انتي احلي من عبير بصراحة
هنا سحبت ايدي بقوة وقولت
كلامك مش مريح وانا عايزا امشي
مسكت ايدي تاني وقال
مش هتمشي، ،،،،،،،،
بعدها بشوية كنت في اوضة النوم واقفة قصاد فريد اللي فتح عيونه ولقي هدومي كلها دم وماسكة المطواة وهي بتنقط دم اتفزع من المنظر ،،،،
ومعاها خلصت الحلقة. حد يعرف اية اللي حصل. طيب اللي يعرف يقول. ويلا سلام ومعاها باي
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق