رواية استروبيا الحلقه السادسه كتابة و اقتباس محمد منصور **منص** حصريه وجديده على مدونة النجم المتوهج للروايات والمعلومات

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

بعد اللي قالته رشا في ودان فاضل طلب منها فاضل تخرج وطلب الاخين ثروت وممدوح وجم وقعدة قصاد منه وبص لهم فاضل وبعدها بص لثروت وقال

موبيلك

ثروت استغرب وما ردتش وفاضل قال تاني

موبيلك لو سمحت

ثروت

هو دة قانوني

فاضل

ما ينفعش تسال وكيل نياية علي اي اجراء بيعمله قانوني ولا. لا. ممكن موبيلك

ثروت

الموبيل عليه حاجات شخصية

فاضل

ما تقلقش اللي ماليش في مش هبحلق في

ممدوح

هو تفتيش الموبيل يخص التحقيق اللي حضرتك جاي علشانه

فاضل

يخصة. وبعدين هو في اي علي الموبيل تقلقه انه اشوفه اوي كدة

ثروت

ما فيش حاجة تقلق احنا بس مستغربين طلب حضرتك

فاضل

دة علشان انا حققت معاك قبل كدة وما طلبتش ابص في موبيلك

ثروت

بالظبط

فاضل

المعطيات بتتغير كل دقيقة وافتكر اننا ضيعنا وقت كتير اوي في هات الموبيل

ثروت ما بقاش قدام منه غير انه يدي الموبيل ل فاضل ومسك فاضل الموبيل وقال

افتحة

فتحة ثروت وفاضل بدا يقلب في الفيديوهات والصور. وملقاش اي حاجة لكنه فتح تطبيق يشبه تطبيق الخزنه بيتحط جوة منه الصور والفيديوهات وما بتتفتحش الا بكلمة سر وقال فاضل

كلمة السر

ثروت ارتبك

ما الموبيل مفتوح في ايد حضرتك

فاضل

كلمة السر اللي بتفتح تطبيق الصور والفيديوهات المخفية

ثروت ارتبك اكتر لكن فاضل قال بحدة

كلمة السر

كتب ثروت كلمة السر وانفتح التطبيق وبدا فاضل يقلب في لغاية ما وصل ل فيديو في عايدة وهي بترقص بقميص نوم قصاد راجل غريب وكان باين عليها انها تحت تاثير المخدرات لف فاضل الموبيل وخلي الفيديو شغال قصاد ثروت و ممدوح وقال

دة اية الوساخة دي. اللي انتم عملتو فيها كدة تعتبر امكم. وعملته كل دة لية علشان خايفة علي ابوكم من الخسارة اللي انتم السبب فيها

ممدوح

هو انت عرفت ازاي كل دة

فاضل

عملت تحرياتي وعرفت وعايز اعرفكم ان بعد اللي انا شوفته دة انتو الاثنين الاقرب ل ارتكاب جريمة القتل

ثروت

احنا ماقتلناش حد واللي احنا عملنا دة كان السبب نشفان راسها وكان لازم نحمي نفسنا من اللي كانت هتقوله ل بابا وبعدين

يا فندم احنا لو كنا عايزين نقتلها ما كنا قتلنها في بداية المشكلة اللي حصلت ما بينا

فاضل

ودة حصل امتي

ممدوح

من سنة تقريبا

فاضل شبه اقتنع لكنه قال

ممكن يكون حصل منكم اللي خلي المشاكل ترجع تاني بينها وبينكم و هددتكم بفضحكم ودة اللي خلاكم تقتلوها

ثروت

بقول لك اية يا باشا. احنا ما قتلنهاش وكمان انا عارف مين اللي قال لك علي اللي حصل بينا وبين ماما عايدة. هي شرين صح البت دة شيطانه وسوداء من جوة وعمرها ما حبت ماما عايدة رغم كل اللي عملته علشانها وهي بلغت عني علشان انا رفض اتجوزها

فاضل

بس اللي انا اعرفه عن شرين غير اللي انت بتقوله دة. دي كاتمة اسرارها ومديرة اعمالها ازاي مدام عايدة وصلتها للمكانه دي وهي بتكرها

ثروت

اصلها بت خبيثة وتقدر تعمل اللي اكتر من كدة ولو مش مصدقني اسالها عن اللوحة الاخيرة واللي كانت السبب في خناقة كبيرة بين عايدة وشرين،،،،،،،،

ويتغير المشهد وشرين تقعد علي كرسي عايدة بجبروت شديد وتبص ل فاضل اللي كان بيقول

تعرفي انك اول واحدة تقعد علي الكرسي دة من غير اي تردد

شرين

علشان انا الاولي بالقعدة علي الكرسي دة

فاضل

دة كدة الكلام اللي عرفته عن خلافك مع عايدة صحيح

شرين

احنا طول عمرنا مختلفين لكن اخر مرة اختلفنا فيها كانت اصعب مرة

فاضل

دي المرة بتاعت استروبيا

شرين

واضح ان اللي حكي لك مخباش عنك اي حاجة. لكن انا مش خايفة لاني في الخناقة الاخيرة كنت صاحبة حق

فاضل

ازاي احب اعرف، ،،،،،،

ونرجع بالاحداث لكام يوم وراء. وعايدة واقفة وراء شرين اللي كانت بترسم لوحة استروبيا ومندمجة اخر اندماج ولما حست بوجود عايدة سابت الريشة وقالت

معلش يا عايدة حبيت امشي ايدية

عايدة

بتعرفي تشخبطي حلو

شرين اضيقت وقالت

انتي شايفة ان اللي انا بعمله دة شخبطة

عايدة

اومال انتي شايفاها اية

شرين

انا شايفة انها لوحة حلوة

عايدة

ما تشكريش في شغلك سيبي غيرك هو اللي يشكر وانا من رايي ما ترسميش تاني،،،،،،

ونرجع ل فاضل اللي كان بيقول

يعني لوحة استروبيا دي بتاعتك انتي

شرين

بتاعتي ورغم انها كرهتني فيها لكني كملت رسم اللوحة وبعد ما خلصت سرقتها مني وباعتها بمليون جنية ودي كانت سبب الخناقة بيني وبينها. لانها مصممة ان اللوحة مش حلوة لكنها اتباعت بالسعر دة علشان محطوط عليها اسمها

فاضل

والخناقة خلصت بينك وبينها علي اية

شرين

علي السكوت اصلي مهما قولت ما حدش كان هيصدقني فقولت اسكت احسن واديني معاها باخد مرتب كويس

فاضل

معقوله واحدة زيك تكون بالسلبية دي

شرين

لما تكون عايدة بالنسبة ليا اخت كبيرة يبقي ما ينفعش اخسرها علشان خاطر اي حاجة وبعدين هي عملت علشاني كتير كفاية اني لما اطلقت وجوزي رماني في الشارع جبتني اعيش معاها في الفيلا. ودلوقتي حضرتك عايزني في اي حاجة تاني

فاضل

لا. تقدري تمشي دلوقتي. وانا كمان همشي علشان الوقت اتاخر، ،،،،،،،

ومع اذان المغرب بتاع تاني يوم كان فاضل جوة الفيلا وفي ايدة كلب بوليسي مدرب باعلي جودة بصو كلهم للكلب وقال فاضل

مش عايزكم تخافو من الكلب هو هنا لمامورية محددة بس قبل مايبدا يدور علي الدليل اللي جاي علشانه. احب اسال كل الموجودين. فلوس اللوحة المتعلمة بالالوان المية مع حد منكم

شرين

من بعد موت عايدة والفلوس جوة شنطة مقفول عليها ما حدش قرب منها

فاضل

تمام

شاكر

اية هو اللي التمام ممكن اعرف الكلب دة هيعمل اية بالظبط

فاضل

هيشم شنطة الفلوس وبعدها هيعدي علي اوضة اوضة في قلب الفيلا والاوضة اللي هيكون فيها فلوس افتكر ان صاحبها هيكون بنسبة كبيرة هو القاتل والقتل تم بغرض السرقة

صابر

دة تهريج

بص له فاضل بصة حادة فقال صابر باحراج

ما ينفعش حضرتك مصيرنا يكون مربوط بشمة غلط من الكلب دة

فاضل

نسبة الغلط عند الكلب دة صفر في المية. والخوف ملهوش مبرر

وبص فاضل ل شرين وقال

ممكن تجيبي شنطة الفلوس وتفتحي كل الاوض الموجودة في الفيلا

طلعت شرين ونزلت معاها شنطة الفلوس وحطتها قصاد الكلب وبدا الكلب يشم فيها وبعدها ساب فاضل السلسلة اللي كان ماسكة منها وطلع الكلب بسرعة للدور التاني من الفيلا وبدا يلف علي اوضة اوضة لغاية ما وصل عند اوضة معينه ودخل الاوضة دي وفضل يهوهو باعلي صوت عنده طلع فاضل ل فوق ووراء منه كل افراد العيلة ولقو الكلب جوة اوضة. مقتول ودة معني ان في حد تاني في الفيلا مين هو دة ،،،،،،

تابعوووووووني

بداية الرواية من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا

الروايات الكامله والحصريه بدون لينكات من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇