رواية استروبيا الحلقه الاولى بقلم محمد منصور حصريه وجديده على مدونة النجم المتوهج للروايات والمعلومات
 |
رواية استروبيا الحلقه الاولى بقلم محمد منصور حصريه وجديده على مدونة النجم المتوهج للروايات والمعلومات
من جوة اوضة نوم جوة شقة مفروشة كان نايم بهدوم الخروج هاني الابن الاصغر لرجل الاعمال شاكر المحمدي ويصحي هاني علي صوت خبط علي باب الشقة فيفتح عيونه بصعوبه ويبص يشوف هو فين وبدا يدرك انه في شقته. واتعصب لان صوت الخبط علي الباب كان مزعج فقام بصعوبه من فوق السرير وهو بيقول
اية كفاية خبط
وراح فتح الباب وشاف ظابط واربع عساكر والظابط قال
انت هاني شاكر المحمدي
هاني
ايوة انا
بص الظابط للعساكر وقال
هاتو
والعساكر مسكو وبداو يسحبو علي برة وهاني بيقول
طيب انا عملت اية. حد يقولي انا عملت اية
وخلص المشهد دة ب هاني وهو بيركب التويوتا بتاعت الحكومة. ومن هنا بدات حكاياتنا الجديدة.
استروبيا
اقتباس جديد من احلي قصص الجريمة للكاتبة المفضلة لي اجاثا كريستي وطبعا انا غيرت شوية في الاحداث علشان الاكشن يزيد
ويلا نكمل
استروبيا
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
هاني واقف قصاد وكيل النيابة فاضل اللي كان في ايدة فلوس عليها بقع الوان مية بيستخدموها الرسامين
وبص للفلوس دي وقال
هاني الفلوس دي بتاعتك
هاني
العساكر فتشوني وطلعوها من جيبوبي يبقي اكيد فلوسي. هو في اية حضرتك بقيته بتقبضو علي اللي معاهم فلوس
فاضل
لما تكون فلوس مسروقة وبسببها قتلت يبقي لازم نقبض عليك
هاني اتصدم وقال باستغراب شديد
سرقة اية وقتل مين
فاضل حط الفلوس علي المكتب وقال
هاني انت متهم بسرقة وقتل السيدة عايدة الشاعر
هاني اللي اتصدم اكتر واكتر
ما حصلش وازاي تفكرو اني ممكن اقتل امي
فاضل
عايدة مش امك عايدة تبقي مرات ابوك
هاني
انا عمري ما عملتها علي انها مرات ابويا دي هي اللي مربياني من وانا عندي 10 سنين وقت ما بابا اتجوزها من 15 سنة
فاضل
كلام عكس الدليل المادي اللي في ايدينا
هاني
واية هو الدليل دة
فاضل
الفلوس اللي كانت معاك
هاني
دي فلوس انا واخدها من ماما عايدة
فاضل
امتي. وانت سايب البيت ليلة ما اتقتلت مدام عايدة من تلت ايام بسبب خناقة كبيرة بينك وبينها دة انت حتي هددها وقتها بالقتل
هاني
كنت متعصب وقتها لكن مش معني اني هددها بالقتل اني هقتلها فعلا. دي امي
فاضل
طيب ما تيجي اقول لك اللي انا عرفته من الشهود اللي حكو اللي حصل بينك وبينها يومها، ،،،،،
ونرجع بالاحداث لوراء شوية وعايدة شاعر في المرسم الخاص بيها جوة الفيلا وقت ما دخلت عليها هاني وقال
عايز فلوس ضروري
عايدة وهي بترسم
مافيش فلوس وانا قولت لك انسي انك تاخد مني فلوس تاني
هاني
انت لية بتعملي كدة دة انتي منعتي بابا يديني فلوس
عايدة
علشان تتعلم الادب اصلك اخر شهر ساحب مني فوق ال 50 الف ج. وكنت فاكراك بتعمل بيهم مصلحة لكني اكتشفت انك ضيعتهم في الولا حاجة
هاني
انا شاب ومن حقي اعيش حياتي زي ما انا عايش
عايدة
عيش من تعبك ومن الجنية اللي تكسبة بعرقك انما فلوس مني تاني انسي
هاني بعصبية
ما انا لو اينك ما كنتيش قولت لي لا
عايدة
انت ابني دة انا داخلة البيت دة وانت عندك 10 سنين وانت 15 سنة بتقولي يا ماما عايدة
هاني
انتي اشتريتي كلمة ماما مني بالفلوس اللي كنت باخدها منك ماهو لازم واحدة زيك ما بتخلفش تدفع علشان تسمع كلمة ماما
عايدة وقعت منها الريشة اللي كانت بترسم بيها وقالت
يعني انا مش امك
هاني
انت مرات ابويا ولو انتي امي بجد اديني الفلوس اللي انا محتاجها
عايدة اللي كان قلبها بيتقطع لكنها قالت بعصبية
ما فيش فلوس وامشي من قدامي
لكن هاني مسك سكينة الفاكهة وقال
قولت هاتي فلوس والا هقتلك
هنا كان كل اللي الفيلا اتجمعوا، ،،،،،،،
ونرجع لمكتب فاضل و هاني بيقول
انت مش محتاج تعيد اللي انا قولته لاني فاكر كل كلمة انا قولتها. وقولت لحضرتك ان دة كان وقت نرفزة وحسيت وقتها قد اية هي بخيلة
فاضل
بخيلة لية بتقول كدة
هاني
علشان باعت اخر لوحة ليها ب مليون ج.
فاضل
دي لوحة استروبيا
هاني
هي. ولما احتجت منها 10 الاف ج. رفضت
فاضل
علشان كدة قتلتها
هاني انهار وقال
انا ما قدرش اعمل كدة
فاضل بعصبية
اومال الفلوس دي وصلت لك ازاي ودي فلوس اللوحة واللي عايدة حسب اقوال الشهود علمتها بالالوان المية علشان مش هتصرف منها
ولا جنية لان دي اغلي لوحة باعتها. يبقي ازاي الفلوس دي وصلت لك
هاني
دي مش فلوس ماما عايدة
فاضل
ما انت لسة قايل ان دي فلوس مدام عايدة
هاني بارتباك
نسيت. دي فلوس انا مستلفها من واحد صاحبي
فاضل
اسمه اية صاحبك دة
هاني
واسمه هيفرق معاك في اية
فاضل
انت هنا تجاوب وترد علي قد السؤال واكتر من كدة مش من حقك
هاني
اسمه فاروق
فاضل
طيب كلمه وافتح الاسبيكر
هاني
هو حضرتك مش مصدقني ولا اية
فاضل
انا هنا ما بصدقش الا اللي تشوفه عينية وتسمعوا وداني
وانت مش مستلف الفلوس دي واساسا ما لكش صاحب اسمه فاروق. احنا بقالنا تلت ايام بندور عليك من بعد ما مدام عايدة اتقتلت
هاني
دة يوم المشكلة اللي حصلت بيني وبينها
فاضل
بالظبط كدة
هاني
لكن انا خرجت من البيت قصاد العيلة كلها وما رجعتش تاني
فاضل
انت فعلا خرجت لكنك رجعت بعد ساعة وقتلتها
هاني
ماحصلش
فاضل
اومال كنت فين يوم الخميس من الساعة
10 ل 11
هاني
عربيتي عطلت في الطريق ووقف لي واحد ما عرفهوش وفضلنا نحاول نصلحها
ل مدة ساعتين
فاضل
واسمه اية الراجل دة
هاني
صبري
فاضل
ايوة صبري اية
هاني
ما اعرفش
فاضل
يعني انا دلوقتي مطلوب مني اكذب الشهود اللي هما عيلتك واللي قالو انك اتخنقت مع القتيلة عايدة الشاعر في نفس ليلة موتها ومعاك فلوس من اللي هي معلماهم بايدها علشان ما تصرفهمش واصدق ان عربيتك كانت عطلانه وفي حد ما تعرفهوش قرر يعطل نفسه علشانك ويقعد معاك لمدة ساعتين لغاية ما صلحها دة كلام يدخل العقل
هاني
مش مطلوب مني ان كلامي يدخل عقلك وانا مش محتاج اكذب علشان انا برئ
فاضل
برئ دي انا اللي هحددها.
وندهه فاضل للعسكري اللي دخل المكتب فقال له فاضل
اسحبة علي التخشيبة
هاني صرخ باعلي صوت عنده وقال
اقسم لك بالله انا برئ وماقدرش اقتل انا اجبن من اني اقتل. ويوم ما اقتل. اقتل امي اللي ربتني
لكن فاضل ما اهتمش لانه سمع الكلام دة كتير.،،،،،،
ومن جوة شقة فاضل كان فاضل باصص في ورق قضية عايدة الشاعر وقت ما مراته صفاء قعدت جنب منه ومعاها فنجان قهوة وقالت
مش كفاية شغل بقي
فاضل حط الملف جنب منه وقال
اصلها قضية غريبة. ولشخصية عامة مشهورة
صفاء
وهو اية الجديد ما انت ما بتحققش الا في قضايا الراي العام. ودي بقي عايدة الشاعر صاحبة اللوحة الاشهر دلوقتي لوحة استروبيا.
الا صحيح هو يعني استروبيا
ضحك فاضل وقال
يعني الخسارة بلا ثمن او الخسارة اللي ملهاش لزمة. وعرفت انها كلمة يونانية بمعني نجم او نجمة
صفاء
والله ما فهمت منك اي حاجة باين اوي ان عايدة الشاعر دي كانت مجنونه زيها زي باقي الفنانين
فاضل
عاقلة بقي ولا مجنونه اهي اتقتلت والغريبة ان اللي قتلها مستحيل يكون حد غريب من برة الفيلا اتقتلت علي ايد حد من عيلتها اللي المفروض
انها ضحت علشانهم كتير يعني مش من العدل ان نهايتها تكون كدة
صفاء
لية ما يكنش حرامي دخل وقتلها وسرقها
فاضل
احتمال ضعيف جدا. لان مافيش جوة الفيلا اي بصمة لحد من برة البيت
ولا الكاميرات رصدت حد غريب دخل او خرج يعني القاتل واحد من الثامنة اللي كانو في الفيلا وقتها وهما
شاكر المحمدي صاحب الفيلا
و سكرتيرته فايزة عامر. وابنه الكبير ثروت والوسطاني ممدوح وبنته سلوي وجوزها صابر والبنت التانية رشا. ومساعدة عايدة وبنت خالتها ومديرة اعمالها شرين. والاقرب لارتكاب الجريمة دي هو. هاني بسبب الخلاف اللي كان بينه وبينها وخصوصا انه مدلع وبتاع مشاكل
صفاء
لكن انت قولت انه ماكنش موجود والكاميرات ما صورتش حد دخل او خرج وقت ارتكاب الجريمة
فاضل
دة ما يمنعش انه مش متهم لانه ببساطة من سكان البيت ويقدر يدخل ويوصل لغرفة التحكم بالكاميرات ويمسح الفيديو اللي اتسجل في وهو داخل. وخارج. او يدخل من الاماكن اللي الكاميرا ما بتصورهاش زي باب الجنينة اللي وراء مثلا
صفاء
يعني بالقبض علي هاني القضية خلصت
فاضل
مش حاسس انها خلصت لكن حاسس انها لسة هتبتدي،
تابعوووووووني
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
