رواية استروبيا الحلقه السابعه كتابة واقتباس محمد منصور **منص** حصريه وجديده على مدونة النجم المتوهج للروايات والمعلومات
 |
رواية استروبيا الحلقه السابعه كتابة واقتباس محمد منصور **منص** حصريه وجديده على مدونة النجم المتوهج للروايات والمعلومات
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
خلصت الحلقة اللي فاتت عند المشهد دة. فاضل ومن وراء عيلة شاكر كاملة واقفين جوة اوضة عايدة وباصين للكلب المقتول وقال فاضل
متاكدين ان ما فيش حد تاني معانا في الفيلا
شاكر
طبعا متاكدين
فاضل بص لهم كلهم وقال
اومال مين قتل الكلب واوضة مين اللي احنا فيها دي
شرين
دي الاوضة بتاعت عايدة ليها باب داخلي كانت بتستخدمة للوصول للمرسم الخاص بتاعها
فاضل بص ل شاكر وقال
دي اوضة تانية غير اوضة النوم بتاعتكم ولا انتم متوعدين هي تنام في اوضة وانت في اوضة
شاكر
دي اوضة تانية كانت بتحب تنام فيها اوقات ما هتكون ناوية ترسم وتصحي بدري تنزل المرسم بتاعها عن طريق الباب دة
وراح شاكر ناحية باب وفتح الباب اللي كان وراء منه سلم بينزل ل تحت فاضل راح ناحية الباب دة بتركيز شديد وكان بيفحص كل شبر في السلم اللي بينزله ل تحت لغاية مالقي نفسه عند المرسم من باب خلفي فتح الباب وهنا وتحت ضئ الكشاف العالي الموجود في المرسم شاف شعراية حمراء طويلة نزل لغاية الشعراية دي ومسكها بايدة بعد ما بص في المرسم بمنتهي التركيز ورجع زي ما جه ووقف قصاد شاكر والشعراية في ايدة وقال
مين من عيلتك شعرة احمر او كان احمر
شاكر
ماحدش كان بيصبغ شعره باللون دة الا عايدة
فاضل باستغراب شديد
عايدة. طيب ازاي و الشعراية دي ماكنتش موجودة لما فريق البحث الجنائي كان في المرسم ورفع البصمات وجمع الادلة
صابر
ممكن ما حدش شافها
فاضل
استاذ صابر فريق البحث الجنائي المكلف بتمشيط مسرح اي جريمة ما ينفعش يتقال عليه انه مشفهاش لانه فريق مدرب علي اعلي مستوي
صابر
ودة معني اية
فاضل
اتاكد الاول الشعراية دي بتاعت مين وبعدها. هقول لكم معني اية. ودلوقتي ممكن نراجع الكاميرات ونشوف مين دخل الفيلا وقت ما احنا كلنا كنا في الدور الارضي
شاكر
مع الاسف سيستم الكاميرات في عطل وطلبنا بتوع الصيانه ولسة ما حدش جه
فاضل
كدة اللي دخل عارف ان في مشكلة في الكاميرات يعني حد من عيلتك بلغة علشان يدخل براحته وكان داخل هنا بالصدفة وقت ما الكلب شافه وهجم عليه ودة اللي خلاه يقتل الكلب. لكن معلش نهايته قربت وعلي ايدية، ،،،،
ويتغير المشهد وبعد ما مشي فاضل ومعه الشعراية وجثة الكلب دخل صابر اوضة وبص ل سلوي وقال
هي مش شرين مرة صبغت شعرها احمر
سلوي
مالكش دعوي
صابر
مالك بس يا مراتي
يا حبيبتي.
سلوي
اصل انا عارفة انت بترمي
ل اية وانا بقول لك مالكش دعوي
صابر
ما هو من مصلحتنا ان الحكومة تشك في شرين واهه ل اختك ولا قريبتك
سلوي
شرين غلبانه و ماشوفناش منها حاجة وحشة وكانت بتحب ماما عايدة وماما عايدة بتحبها عايز تاذيها لية
صابر
كان نفسي اكون زيك طيب كدة لكن شرين دي خبيثة وانا هثبت لك
وراح صابر ناحية باب الاوضة فقالت له سلوي
رايح فين
صابر
هنزل الجنينة اشم شوية هواء
وخرج صابر من الاوضة وقفل الباب وراء منه،،،،،،،
ومن قدام باب اوضة شرين يقف صابر ويخبط علي الباب والباب بيتفتح سمع صوت شرين بتقول
ممدوح هتودين،،،،،،،،،
وسكتت لما شافت صابر قصاد منها فقال صابر
هتودينا في داهية دي التكملة بتاعتها صح
شرين
هو انت عايز اية
صابر
عايز اعرف الفيلا دي بيحصل فيها اية بالليل
شرين
انت دماغك راحت ل بعيد
صابر
يمكن اصلي سئ النية بالاخرين
شرين
انا بقي ما يفرقش معايا
صابر
حتي لو روحت وقولت لحضرة الوكيل انك بعد موت ماما عايدة صبغتي شعرك احمر
شرين
وفيها اية
صابر
فيها انك كدة مش زعلانه علي موت ماما عايدة
شرين
ناس زمان قالو الحزن في القلب ولو هتحكم علي زعلي او فرحتي من لون شعري.
ف انا هحكم عليك بالاعدام لما حضرة الوكيل يعرف مين اللي سرق شيك بيع ارض ماما عايدة وصرفه
صابر اتصدم وقال
انت عرفتي
شرين
انا اعرف كل حاجة بحكم اني مديرة اعمال ماما عايدة اللي في يوم صدقت انها ممكن تعمل منك راجل. وعملت لك توكيل وانا استخدمت التوكيل دة في الغدر بيها وصرفت الشيك قبل موتها بيوم. يعني بحسبة بسيطة مين لي مصلحة في موت ماما عايدة
وسكتت وبصت ل صابر اوي وقربت منه وقالت
ما تفكرش كتير انت. اصل انا هقول انها عرفت بسرقتك ليها ولما وجهتك وكانت عايزا تسجنك. قتلتها
صابر خد الكلمتين دول وقرر يمشي وهنا سمع شرين بتقول
صابر
وقف صابر ومن غير ما يبص لها وهو مديها ظهره قالت شرين
هو انا صبغت شعري امتي
صابر بكسرة نفس
عمرك ما صبغتي
شرين
وممدوح
صابر
عمري ما سمعتك بتقولي الاسم دة علي لسانك
وكمل صابر طريقة لاوضة وشرين قفلت الباب ،،،،،،،،
يطلع النهار ومع دقات الساعة 7. ومن جوة مكتب رئيس البحث الجنائي معتز كان قاعد فاضل مستني وصوله ووصل معتز وبص
ل فاضل وقال
هو انا ما عرفش ارتاح حتي يوم اجازتي
فاضل
امر مستعجل وما يستحملش التاخير
معتز لبس نظارته وقال
قضية جديدة
فاضل
لا قضية قديمة
معتز
اوعي تقولي قضية عايدة الشاعر
فاضل
هي
معتز
ما فيش فايدة فيك دة انا لما عرفت انك رجعت تحقق تاني في القضية ما صدقتش نفسي
فاضل
ما هو لما برئ يتعدم ظلم بسببك اقل حاجة تعملها علشانه تعدم القاتل الحقيقي
معتز
ماشي يا سيدي م انا مش هعرف اغلبك. اساعدك ازاي بقي
حط فاضل ايدة في جيبة وطلع الشعراية وقال
عايز اعرف الشعراية دي بتاعت مين
معتز
دة مش هيحصل الا عن طريق تحليل ال D.N.A. ولازم تجيب لي خلايا من المشتبه فيهم
مد فاضل ايدة في جيبة وطلع علبة ازاز صغيرة مكتوب عليها سلوي وعلبه تانية مكتوب عليها رشا وعلبة ثالثة مكتوب عليها شرين وعلبة رابعة مكتوب عليها فايزة وحط الاربع علب قصاد معتز وقال
جوة كل علبة خلايا المشتبة فيهم
معتز
وقدرت تجيب الخلايا دي ازاي
فاضل
زرعت علي مقبض كرسي القتيلة عايدة مادة تسمح بسحب خلايا من ايد كل اللي قعد علي الكرسي قدام مني رجاله وستات علشان لو احتجت مطابقتها مع اي دليل مادي وصلت له
معتز
وانت حاسس ان الشعراية دي لما تعرف صاحبتها ممكن توصل للقاتل
فاضل
القضية معقدة وهتخلص بتفاصيل التفاصيل وانا اتعمد اني احقق معاهم علي كرسي عايدة علشان انا لصقت المادة دي قبل ما ابتدي تحقيق معاهم والشعراية دي ما كنتش موجودة وقت ما اتقتلت عايدة لكني امباراح بالليل كنت عندهم واكتشفتها فوق ارضية المرسم
معتز
طيب علشان يبقي الفحص بتاعنا دقيق لازم خلايا من جسم عايدة علشان لو دة شعرها نتاكد ان الغلطة من عند فريق البحث الجنائي ودي موجودة من الاول
فاضل
سهلة ال D.N.A. الخاص بعايدة في الملف بتاعها في مكتبي هبقي اجيبة ليك. هستلم منك التقرير امتي
معتز
بكرة باذن الله،،،،،،،،
و يعدي اليوم وفاضل يروح ل معتز مكتبة وبعد السلام معتز قال
انت متاكد ان عايدة ميته
فاضل
الا متاكد دة انا اللي محقق في القضية بنفسي وكمان جثتها شوفتها بعيني وفريقك اكد انها ماتت بسبب طعنه سكين في اعلي الرقبة اصاب الشرايين السباتية مما ادي للوفاء. في خلال دقائق هو في اية يا معتز
معتز
اصل الشعراية اللي خدها منك كان عليها بقايا نقطة دم قدرت اشوفها تحت المجهر والدم دة لسة بحالته يعني نزل من الجسم من يوم تقريبا
فاضل
دة يوم ما كنت انا موجود في الفيلا.
معتز
والدم دة هو دم الكلب اللي اتقتل والشعراية بتاعت عايدة
برق فاضل من المفاجاة، ،،،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
