رواية استروبيا الحلقه الثامنه والتاسعه كتابة واقتباس محمد منصور **منص** حصريه وجديده على مدونة النجم المتوهج للروايات والمعلومات

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

من جوة مكتب فاضل ووقت ما كان قاعد بيبص في اوراق قضية عايدة الشاعر سمع باب مكتبه بيخبط بص للباب بطرف عينه وقال

ادخل

دخل عسكري وقال

استاذ شاكر المحمدي طالب يشوف حضرتك

فاضل

خلي يدخل

خرج العسكري ودخل شاكر وكان بيقول

هو اية اللي انا عرفته دة

فاضل

عرفت اية

شاكر

غفير ترب عيلتنا قال لي ان التربة اتفتحت و ناس تبع حضرتك خدو جثة عايدة منها

فاضل

اقعد يا استاذ شاكر و خليني افهمك انا لية عملت كدة

قعد شاكر وقال فاضل

اطلب لك قهوة معايا

شاكر

لا شكرا. ممكن افهم

فاضل طلب القهوة وحكي كل اللي حصل وفاضل خلص الحكاية وقال شاكر

انا مش قادر افهم حضرتك تقصد ان عايدة لسة عايشة طيب ولو هي عايشة مين اللي اتقتلت

فاضل

الطب الشرعي دلوقتي بيكشف علي جثة عايدة وهنتاكد لو هي فعلا جثة عايدة ولا حد تاني

شاكر

ولو ما طلعتش جثة عايدة

فاضل

كدة عايدة لسة عايشة وهنبدا ندور عليها ونعرف جثة مين اللي اندفنت علي اساس انها عايدة. وفي الحالتين اتمني ان ما حدش يعرف باللي حصل،،،،،،،،

ومن جوة اوضة شرين تقعد شرين علي السرير وقصاد منها يقف ممدوح وكان بيقول

هو صابر دة مش ناوي يجبها ل بر

شرين

مستني اية من واحد زي صابر.

ممدوح

لكن كويس انك عملتي معه كدة

شرين

كان لازم اخلي يخاف مني علشان يبعد عني

ممدوح

طيب تفتكري شك في حاجة

شرين

حتي لو شك صابر دة لازم يلبس البدلة الحمراء ونرتاح منه. علشان ما نروحش في داهية،،،،،،،

وبعدها بشوية يرن موبيل فاضل وظهر علي الشاشة رقم غريب فرد فاضل وقال

الو

صوت خشن بيستخدم في برامج تغير الاصوات بيقول

انا اعرف مين اللي قتل عايدة

فاضل

مين،،،،،،،،

وبعدها بكام ساعة كان صابر اتقبض عليه ووقف قصاد فاضل وقال صابر

يا حضرة الوكيل انا فعلا صرفت الشيك لكني ما قتلتهاش اقسم لك بالله ما قتلتها

فاضل

قولي يا صابر انت كنت فين وقت ما عرفت ان مدام عايدة اتقلت

صابر

كنت في اوضي مع مراتي سلوي

فاضل

متاكد

صابر

الا متاكد

فاضل

عايز اصدقك بس صعب.

ف عايز اعتراف بكل اللي حصل بينك وبين مدام عايدة وقت ما عرفت بانك صرفت الشيك من وراها ،،،،،،،،

هنرجع بالاحداث لكام يوم وراء وصابر واقف قصاد عايدة اللي كان قصاد منها شنطة مليانه فلوس وبتبص للفلوس وبتقول

كنت فاكر اني علشان عماله لك توكيل مش هعرف انك صرفت الشيك

صابر

ماما عايدة الفلوس اللي خدها من البنك كلها قصاد منك اهو ما صرفتش منها جنية. ممكن تاخديهم وبلاش الفضايح

عايدة

يعني انت خايف من الفضايح وما خفتش من ربنا لما تخون الامانه اللي كلفتك بيها. انا غلطانة اني بعد الحادثة اللي حصلت لك خليت شاكر يجيب الفيلا انت ومراتك وانت عارف ان شاكر ما بيحبكش لكني قدرت اخلي يوافق و شغلتك معايا شغلانه بسيط علشان تكسب فلوس وتصرف بيها علي مراتك وما يبقاش حد كاسر عينك وفي الاخر تسرقني

صابر

م انا شغال معاكي وانا عينية مكسورة ومش لاقي ليا اي لزمة

عايدة

وعلشان كدة سرقتني

صابر

ضعفت زي ما اي بني ادم بيضعف دة سيدنا ادم عصي ربه وكل من الشجرة ونزل الارض مادخلش جهنم وربنا غفر له

عايدة

وانت ذنبك زي ذنب سيدنا ادم. اسمع يا صابر انا علشان خاطر مراتك والفضحية اللي هتكون السبب في خراب سمعة العيلة دي اللي بحارب علشان اخليها احسن ،،،،،،

ونرجع ل فاضل اللي كان بيقول ل صابر

ولما هي قررت انها تسترك مين اللي كلمني وبلغني باللي حصل دة

هنا صابر شك في شرين وقال في سره

ما فيش غيرها عايزا تلبسهالي لكن ورب الكعبة

ل خربها عليها

وهنا سمع فاضل بيقول

ناوي تخربها وتقول مين

صابر

دة انت حضرتك عارف انا بفكر في اية

فاضل

ما تشغلش بالك بيا وقول مين اللي يعرف باللي حصل بينك وبين مدام عايدة،،،،،،

ويتغير المشهد ونشوف شرين قاعدة في مكتب فاضل وفاضل بيقول لها

اية رايك في اللي قاله صابر بخصوص انك كنتي صابغة شعرك احمر بعد موت عايدة

شرين

وانت برضو تصدق اني اعمل كدة بعد موت صاحبة الفضل عليه عايدة

فاضل كان باصص في عيونها بتركيز شديد وقال

لا ما اصدقش انا كان قلبي حاسس ان صابر دة كذاب

شرين

طيب اقدر امشي

فاضل

تقدري

وقامت شرين ومشيت وفاضل مركز معاها ومع مشيتها واول ما خرجت من مكتبه مسك اللاب بتاعه وفتح فيديو وبص في الفيديو بتركيز شديد وقفل اللاب وقام وخرج من المكتب بسرعة ،،،،،،،

ومن جوة مكتب معتز رئيس البحث الجنائي يقعد فاضل قصاد منه وكان بيقول

اية الجثة طلعت بتاعت عايدة

معتز

بتاعتها

فاضل

ازاي و عايدة عايشة

معتز

عايشة ازاي واية دليلك

فاضل

بعدين هقول لك ،،،،،،،

وراح فاضل لفيلا شاكر وطلب يشوف شرين وراحت له شرين المرسم وطلب منها يقعد علي الكرسي بتاع عايدة لكن شرين رفضت وقالت

حضرة الوكيل انت عارف اني ما بحبش اقعد هنا

فاضل

المرة دي وبس

شرين

هو في اية بالظبط

فاضل

انسة شرين نفذي اللي بطلبة منك

شرين قامت وقعدت علي الكرسي وكان الكرسي مظبوط علي طول شرين فقال فاضل

غريبة ان الكرسي طولك

شرين

اية الغريب في كدة

فاضل

اصل شرين اقصر منك يعني لو هي اللي قعدت علي الكرسي كان المفروض يكون اقصر من كدة مش يكون طولك

بلعت شرين ريقها بصعوبه وبص لها فاضل اوي وقال

قتلتي شرين لية يا مدام عايدة

برقت شرين من شدة المفاجاة وحاولت تهرب قبل ما فاضل يمسكها ويقلعها الماسك اللي كانت لبسا. ويظهر الوش الحقيقي. وش عايدة الشاعر، ،،،،،

ح(9)

استروبيا

كتابة واقتباس

محمد منصور

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

بعد ما قدر فضل يرفع الماسك عن وش عايدة وكشفها قدر يقعدها قصاد منه علي الكرسي وقال

خلصت وملهوش لزوم نفرهت بعض جري وهروب

عايدة بصوت حزين

هو قدرت تكشفني ازاي

فاضل

مش هقول لك عبقرية مني لان العبقري بجد في الحكاية دي هو انتي لكن الصدفة خلتني اخد بالي من مشيتك وانتي خارجة من المكتب عندي اخر مرة مع اني حققت معاكي كتير علي اساس انك شرين ودة خلاني افتح اللاب توب بتاعي واتفرج علي اخر فيديو ليكي وانتي ماشية جنب شرين وقت تكريمك بسبب اللوحة الاخيرة لوحة استروبيا. وخد بالي من تطابق المشيتين بس الفرق ان انتي كنتي بتنزلي جسمك ل تحت علشان تباني اقصر من طولك الاساسي ب كام سنتيمتر علشان تكوني نسخة طبق الاصل من شرين

وكان لازم علشان اتاكد اخليكي تقعدي علي كرسي عايدة اللي كان مظبوط علي طول عايدة مش طول شرين يعني بحسبة بسيطة لو شرين الحقيقية هي اللي هتقعد علي الكرسي ما كنتش رجليها هتلمس الارض. وكمان الشيك اللي صرفه صابر بتوكيل رسمي من عايدة. شرين ما كنتش تعرف باللي حصل بين صابر وبين عايدة لانك انتي مش متوعدة تحكي لها اي حاجة سلبية بتحصل من عيلة شاكر في حقك لانها يا ما رفضت انك تضحي علشانهم وكان عندها حق.

عايدة

انت عرفت دة كله ازاي

فاضل

من شاهد ظهر في الوقت بدل الضايع غير كل تفاصيل القضية

عايدة

مين الشاهد دة

فاضل

الدكتور صبحي اللي بيعالج رشا من الصدمة النفسية اللي جت لها بعد اعدام هاني وصبحي كان عندي امبارح في مكتبي وحصل بيني وبينه الحوار دة، ،،،،،،

ونرجع بالاحداث لليوم دة وصبحي قاعد قصاد فاضل في مكتبه وفاضل كان بيقول

انا عارف ان رشا بحكم انها علي طول في الفيلا وما بتخرجش منها واوضتها اقرب اوضة ل اوضة عايدة وشرين مديرة اعمالها فهي اكيد عندها معلومات مش عند اي حد تاني

صبحي

هي فعلا حكيت لي تفاصيل كتير لكن انا ما اقدرش اقول لان في قسم يمنعني من فضح اسرار المريض بتاعي

فاضل

احنا قصاد جريمة قتل وقاتل مجهول يعني الاسرار اللي حضرتك خايف تقولها ممكن بسببها نوصل للقاتل

صبحي

حضرة الوكيل انا مش هقدر اخالف تقاليد مهنتي

فاضل

دكتور. انا بناشد الانسان اللي جواك من فضلك قول كل اللي قالته ليك رشا ساعد العدالة ف الوصول ل مجرم عايش حر وسط عيلة ما يرضكش ان حد منهم يموت تاني مقتول

فكر صبحي ل كام ثانية قبل ما يقول

ما يرضنيش اديني حضرتك ساعة. ارجع العيادة بتاعتي واجيب لك كل الشرايط المسجل عليها اللي قالته رشا،،،،،

ونرجع ل فاضل وهو قاعد قصاد عايدة وكان بيقول

وعرفت بقي كل اللي كان بينك وبين شرين و ازاي الفترة الاخيرة ما بينكم زادت فيها المشاكل وخصوصا بعد ما شرين رسمت لوحة استروبيا وانتي نسبتيها

ل نفسك دلوقتي انا ما عنديش كلام تاني اقوله ومستني اعتراف رسمي منك بكل اللي حصل

عايدة بيأس شديد

هقول لك يمكن ارتاح،،،،،،،

ونرجع بالاحداث لكام يوم وراء ومن جوة المرسم شرين واقفة قصاد عايدة ولوحة استروبيا في ظهر شرين وبتقول بحدة

لا يا عايدة اللوحة دي لا. انا تعبت فيها جدا وطلعت كل ابداعي فيها ومش هسيبك تاخديها زي اللي قبل منها

عايدة

شرين انتي نسيتي نفسك

ولا اية ولا تكوني فاكرة نفسك موهوبة بجد كل اللوحات اللي اتباعت كانت بتتباع علشان اسمي فوق منها مش علشان اللوحة حلوة

شرين

ولما هي الحكاية حكاية اسمك ما نزل اسمك علي ورق ابيض فاضي ونشوف هيتباع بكام. الاصل في اللوحة مش في اسمك

عايدة

طلع لك صوت وبقيتي تعرفي تردي عليا بعد ما لميتك من الشارع لما جوزك طلقك

شرين

انتي ما عملتهاش لله وزي

ما انا كنت محتاجة لك انتي كمان محتاجالي ولا نسيتي ان لولا لوحاتي والفلوس اللي بتدخل من وراها كان زمان الفيلا دي اتباعت برخص التراب بعد ما عيال جوزك فلسو ابوهم

عايدة بحدة

اوعي تنسي نفسك وتجيبي سيرة ولادي علي لسانك

شرين

ولاد اية انتي لسة مصدقة نفسك دول مش ولادك دول انتي دفعتي فلوس كتير علشان يسمعوكي كلمة ماما لكن وقت الجد ما حدش فيهم شايفك امه لان اللي بيطلع من القلب بيوصل للقلب وانتي ما كنتيش ليهم ام انتي دفعتي علشان تسمعي كلمة ماما عايدة

عايدة بحدة

اخرسي انا امهم وهما بيحبوني ومهما يحصل بيني وبينهم هفضل امهم وهما ولادي

شرين

انتي حره في حياتك وانا من النهاردة برة الحكاية الماسخة دي

عايدة

عايزا تسيبي البيت وتمشي بعد ما عرفتي ان لوحة استروبيا معروض فيها مليون جنية

شرين

حقي ومش هسيبة ليكي او لغيرك

عايدة

اتغيرتي اوي وكل دة لية علشان جوزي بيحب فايزا ومش شايفك اصلا

شرين اتصدمت لان هي الحقيقي اصل شرين بتحب شاكر لكن عايدة كملت وقالت

مصدومة اني عارفة اللي جواكي وشيفاكي علي حقيقتك مش كدة.

شرين

انتي مجنونه

ضحكت عايدة ومسكت ذرعات شرين وقالت

انا مش مجنونه لكن انتي اللي مفضوحة ولما كنتي فاكرة ان شاكر بيحبك كنتي قاعدة وعادي لما اخد لوحاتك وابيعها طالما فيها مصلحة ل حبيب القلب شاكر انما لما ظهرت فايزه وعرفتي انه بيحبها قولتي كفاية كدة واخد اللوحة وابيعها واسيب الفيلا وامشي لكن انتي ما دخلتي هنا بمزاجي ومش هتخرجي بمزاجك

شرين

هتقعديني بالعافية يعني

عايدة

اة بالعافية انتي معايا مسيرة مش مخيرة ودة حقي وهاخدة منك زي ما كنتي عايزا تاخدي جوزي

شرين

بقول لك اية انا بنت خالتك ومتربين سوي يعني فهماكي كويس وانتي عارفة وانا عارفة انك عمرك ما حبيتي شاكر انتي بس كنتي محتاجة عياله علشان ما تحسيش بانك ناقصك حاجة

عايدة

اة ما حبتهوش لكنه جوزي ومش هسيبة ل حد

ضحكت شرين وقالت

هو مابقاش ليكي علشان تتحكمي في هو بقي ل غيرك وعارفه مين اللي سلط فايزه علي شاكر. ولاده ثروت وممدوح علشان يلهو عن الخراب اللي وصله لي الشركة

عايدة اتصدمت لكن فاقت بسرعة لما شرين مسكت اللوحة وقالت عايدة

رايحة فين

شرين

قولت ماشية

عايدة

مش هتخرجي من هنا يا شرين

ومسكتها عايدة لكن شرين زقتها بعيد عنها وقالت

قولت هخرج

ولسة هتخرج شرين ومعاها اللوحة مسكت عايدة سكينة تقطيع الفاكهة وغرزت السكينة في رقبه شرين والدم نزل منها زي الشلالال وهنا اتفتح باب المرسم ودخل ممدوح وشاف شرين علي الارض بتحاول تمنع نزول الدم بايدها وعايدة واقفة مصدومة وباصة لها وفي ايدها السكينة بتنقط دم. وبدات احداث النهاية لحكايتنا

استنوني بكرة باذن الله والحلقة الاخيرة

مستني رايكم اطال الله عمركم

بداية الرواية من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا

الروايات الكامله والحصريه بدون لينكات من هنا