رواية زواج لدقائق معدودة الجزء الثاني بقلم الكاتبه زهرة الربيع حصريه وجديده على مدونة النجم المتوهج للروايات والمعلومات

هننزل بالجزء التاني من روايتنا زواج_لدقائق_معدوده واكيد طبعا فيه بعض الاحداث ممكن تكونو نسيتوها وطبعا مش هنققدر نقرا الجزء الاول تاني علشان كده عملتلكم ملخص سريع للجزء الاول صلو على رسول الله

اول شخصيه في روايتنا هو نوح 💪

نوح كان كل هدفه يعيش مرتاح مع اخوه سند ويتجوز بنت الوزير ويعلى في منصبه اكتر واكتر ، بس كل حاجه باظت لما حليمه ورطتو مع شروق واضطر يتجوزها وبدا خلافه مع اخوه ..كمان حاول كتير يحل مشكلة غنوه ويعرف قتلت جوزها ليه وايه سر جوازها اللي استمر لدقائق معدوده بس وعلشان يعرف الحقيقه اتواصل مع جنة بنت عم غنوه اللي كان متاكد انها تعرف كل حاجه عن ماضيها واحساسو كان في محله،

و بعد محاولة كبيره مع جنه قررت تتكلم واتصلت عليه يرحلها بس كان وقتها حل مشكلتو مع اخوه لما عرف ان حليمه هيه اللي حطت شروق في سريره وكشفها قدام العيله وكان ناوي يخلص من حليمه ويطردها بره البيت ويروح يسمع من جنه كل حاجه

تاني شخصيه هو سند🥹

سند كان كل اهدافو يتجوز شروق حب عمره بس خطة امه بوظت الدنيا معاه وكرهتو في اخوه واستخدم غنوه علشان ينتقم من اخوه لانو عارف ان نوح معجب بيها وعلشان كده خطف حميد اخوها علشان يهددها وتقبل تتجوزو

بس غنوه كانت بتتصرف معاه بطريقه غريبه كل تصرفاتها بتدل على اعجابها بيه ووافقت على جوازها منو من غير ما تخاف اصلا على اخوها لحد ما بيفاجئهم حميد ويهرب من رجالة سند وبيتصاب وهنا سند بياخد غنوه ويروحو يدورو عليه وفعلا بيلاقوه وبيكونو هيروحوه وغنوه بتقول لسند كلمه غريبه جدا لما بيسألها امال كنتي هتتجوزيني ليه عشقاني في الضلمه هنا بترد وتقولو لاعشقاك في النور وقبل ما يفهم معنى كلمتها بتتقتل من اهل جوزها اللي قتلته وبتقع بين اديه وهنا بتعترفلو ان شروق ونوح بريئين وان امه هيه السبب بس سند كان خايف عليها ومصدوم لدرجة ان اللي سمعه مهتمش بيه

وحميد بيزعل على اخته وبيزعق لسند ويمشيه وميخلهوش يقرب لاخته

تالت شخصيه معانا هيه شروق💔

شروق بقى كانت بتتمنى نوح ومش عايزه غيره بس بعد كل الاحداث دي نوح كان بيعاملها اسوء معامله ووصل بيه الحال انو عايرها بعجز رجليها لانو كان فاكر ان هيه اللي نامت في سريره بنفسها ومن وقتها وشروق بتعرف قد ايه هو عمره ما حبها وبتفوق لنفسها ولما بتتكشف الحقيقه بتطلب من ابوها تسافر عند خالتها في القاهره تكمل دراستها الجامعيه بس نوح بيرفض جدا وبيقول لعمه انو هيسبها على زمته وانو هيكلم سند في الموضوع ده لان بنتهم مينفعش تسافر لوحدها لكن شروق بترفض تفضل معاه وبتطلب الطلاق

رابع شخصيه هيه اللغز غنوه الجزار💃

غنوه كانت مجهوله طول الروايه ولا مشاعرها مفهومه ولا حياتها جنه حكت لنوح ان والد غنوه كان بيعاملها وحش وعاشت حياتها زي اخوها الصبي وعلشان كده كانت قويه ومش بتخاف لكن غير كده محدش يعرف عنها حاجه ولا اتجوزت ليه ولا قتلت جوزها ليه ولا حتى بتحب مين

الحلقه الاخيره بقى انا عملت كوكتيل احيني عليه😂 لما نوح كشف حليمه نزلت شروق واصرت تمشي،، في الوقت ده قررت جنه تتكلم واتصلت عليه وقالتلو يجلها نوح كان هيخلص في البيت ويرحلها بس شروق اصرت على الطلاق

في الوقت ده كانت غنوه اتقتلت واخوها انهار ومشى سند واتهمو انو هو اللي قتلها وسند رجع على البيت بقلب مكسور وصدمه متتوصفش ونوح جري عليه بلهفه لما شاف حالتو سند هنا رجع لحضن اخوه اخيرا بس بعد ما فقد غنوه الشخص الوحيد اللي وقف معاه وصبره في ازمته

وهنا انتهى الجزء الاول وفضلت علامات استفهام كتير

ياترى ليه غنوه قتلت جوزها بعد دقايق معدوده من جوازهم وياترى شروق هتسافر ولا لا وهل نوح هيقبل بطلاقهم ويتجوز بنت الوزير ولا لا

وسند هيعيش ازاي بعد كده هيرجع يفكر في شروق بعد ما عرف برائتها ولا هيعمل ايه

وطبعا مننساش بنت الوزير واخوها اللي فضل طول الوقت ده محبوس في الاسطبل بسبب انو عاكس شروق

وكمان موقف نوح من موت غنوه هيتصرف ازاي مع حسنين بعد ما خان العهد وقتلها ومنظره ايه قدام البلد بعد ما اتقتلت وهيه في حمايتو

وكمان سند هيعمل ايه مع امه بعد اللي عرفو

وجنه هتحكي لنوح ايه عن غنوه

كل ده واكتر بكتيييير هنعرفه في الجزء التاني احداث رهيبه وخطيره ومواقف روووعه في الجزء الثاني من الروايه الاروع زوواج_لدقائق_معدوده الجزء الثاني

الفصل الاول من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا