رواية جبروت المهداوي البارت التاني بقلم الكاتبه داليا منصور الفرجاني حصريه وجديده على مدونة النجم المتوهج للروايات والمعلومات

سنية بحقد كانت مسخنة السكي"نة وحطتها على اديها افنان بصراخ:

- لاع ابوس يدك يامرت ابوي جلدي ساااااح لاع أه .

مسكتها من شعرها وجرجرتها وهي بتقول:

- أنتي معتش تعتبي هنيه واصل وعقابا ليكي هتباتي بره بيتي..

افنان بخوف ووجع:

- وأنا هروح فين يا مرت أبوي...

سنية بكره:

- هتقعدي بره البيت لحد ما ابوكي يجي من الغيط يشوفلنا صرفه فيكي عاد لأني معتش قادرة اتحملك واصل...

خدتها وطلعتها بره البيت وسابت الباب مفتوح علشان تعرف تشوفها وهي متزنبه...

........ بعد فترة...

كانت افنان قاعدة قدام البيت وجسمها كله وجعها من قرص النموس ووجع اديها المحروقة ولسه متعالجتش افنان ببكاء.

- يارب أنا خايفة قوي..

ست ماشية من قدام بيتها:

- افنان يا حببتي قاعدة كده ليه يابتي..

افنان بحزن:

- مرت ابوي قالتلي مدخلش واصل وابات اهنيه..

الست بحزن عليها:

- طب تعالي يابتي معاي وسيبك من مرت ابوكي في الساعة دي اصل قاعدتك بره كده واعرة قوي ومترضنيش ايه اللي يحصلك يابتي..

افنان لمحت مرات ابوها جاية ارتعشت سنية بعصبية:

- ايه خير يا سعاد واقفة كده ليه عاد معندكيش شغل والا موركيش غيرنا عاد..

سعاد بحزن:

- حرام عليكي البنية دي لساتها صغيرة عاد كيف اللي عملاه فيها ده يا سنية البت يدها كيف الماية من اللي عملاه فيها الطفلة معتستحملش لساتها صغيرة..

سنية بكرة:

- ملكيش صالح عاد يا سعاد خليكي في حالك يا خيتي أنا حرة مع داري وبت جوزي..

سعاد سابتها بحزن وهي بتقول جواها:

- حرمة مفترية كيف تعمل كده في يد الطفلة دي لساتها صغيرة قوي..

سنية بصت على افنان وهي بتقول:

- شكلك هتجبيلي المشاكل بقعدتك كده خشي مش ناقصة مشاكل عاد..

هزت افنان براسها ودخلت مرات ابوها وافنان شافت اخوها واقف وبيضحكلها وجاي في اتجاها..

افنان بجب:

- انا اللي مصبرني على كل اللي بيجرالي انت يا خوي جايز لم تكبر تكون سندي من الدنيا الواعرة دي..

سيف ابتسم ومسح دموعها وهو بيقول بتأتأة:

- انا حبك يا نان..

افنان حضنته وكانت داخلة بيه بس سمعت صوت مرات ابوها سابته ودخلت جري..

مرات ابوها بعصبية:

- مش قولتلك امشي ورايا ليه اتأخرتي كده يا منيلة..

افنان بخوف:

- كنت واقفة مع سيف اخوي لصغير بره ودخلت يا مرت ابوي..

مرات ابوها بصدمة:

- امال هو فين عاد مدخلتهوش معاكي ليه يا منيلة...

افنان بخوف:

- جا...

ولسة مكملتش الكلمة وسمعت صوت صويت والكل بيجري وينادي بأسمها..

- في ايه يا سعاد رجعتي تاني ليه عاد..

سعاد بخوف:

- الحقي يا سنية ولدك واقع وعربية خبطته..

سنية جرت وهي بتصرخ هي وافنان وفعلاً لقت الطفل مات...

سنية بصراخ:

- ولدي قوم يا ولدي متسبنيش لوحدي قوم يا ضي عين امك..

الطفل مات والكل كان واقف في العزاء والستات كلهم بيعزوا سنية بعد الدفنة بس مكفهاش اللي حصل في ابنها قامت بكره وغيظ وجريت مسكت السكي"نة وجريت على افنان الطفلة...

«~بااااك»

افنان ببكاء:

- معرفش ليه مرت ابوي عملت فيني كده أنا معملتلهاش حاجة واصل..

..... تاني يوم الصبح...

الخدامة:

- بتي انتي يابتي افنات اصحي..

افنان صحت وكانت نايمة على الأرض وقامت مخضوضة وهي بتقول:

- ايه يا عمة في حاجة امال..

ريحانة:

- مفيش حاجه يابتي بس جلالة العمدة بعتني ليكي علشان الوكل جاهز..

افنان بحب:

- حاضر يا عمة ريحانة جاية وراكي قوام ومش هتأخر عليكي واصل..

قامت افنان دخلت الحمام وخرجت وهدومها كانت وحشه وقالت بقرف:

- هدومي عفشة قوي ومش معاي اي خلقات البسها واصل مش عارفه اجيب منين عاد..

وبعدين خرجت للحاج مهداوي..

الحاج مهداوي بحب:

- تعالي يابتي اقعدي اهنيه جاري..

افنان بكسوف قالت:

- لاع ياعمدة انا مهقعدش جارك واصل أنا هنيه خدامة برضه والعين معتترفعش على الحاجب..

الحاج مهداوي:

- وه يابتي مش امبارح قلتيلي انا ابوكي امال غيرتي رأيك والا ايه عاد..

افنان بحرج:

- للاع هو أنا اطول اكون بتك يا حج بس مرت ابوي بتاخد منك فلوس ولازم اشتغل بالفلوس اللي عتاخدها مرت ابوي..

الحاج مهداوي بحزن بس محبش يجرحها لأنها باين عليها عندها عزت نفس رغم عمرها الصغير..

- ماشي يا بتي بس شغلك اهنيه هيكون بسيط قوي يا بتي علشان انتي لساتك اصغيرة قوي على شغل الكبار ده...

افنان بحب:

- انا هدخل للخالة ريحانة جايز تكون عايزة حاجة مني..

.... عند ايهاب كان داخل تاني يوم بعد تعب زايد من الشغل وعاوز ينام نادى:

- نرمين انتي فين انا جيت نرمين..

سمع صوت بكاء بنته ومفيش صوت دخل الأوضه جري لقاها واقعة على الأرض..

ايهاب بخوف:

- نرمين مالك ايه اللي جرالك..

نرمين بتعب:

- سامحني يا ايهاب.....

واغمى عليها ايهاب شالها وجرى بيها وساب بنته لوحدها في الشقة ونساها خالص..

في المستشفى ايهاب بخوف :

- دكتور بسرعة يا عالم..

كل الدكاترة جم لأنهم عارفين مين ايهاب المهدي..

الدكتور للممرضة:

- بسرعة خدوها على اوضت الكشف بسرعة..

خدوها بالترولي وكان وشها شاحب وقع على الأرض وقلبه بيدق جامد وخايف من اللي ممكن يحصل وبيفتكر ليه حصل لحببته ده..

بعد نص ساعة الدكتور خرج وهو باين على وشه الخوف ايهاب بسرعة راحله وهو بيقول:

- ها يا دكتور طمني على مراتي مالها...

الدكتور بأسى:

- احنا عملنالها تحاليل بس اظاهر مراتك حصلها تسمم من الولادة..

ايهاب بصدمة:

- قصدك ايه بالكلام ده..

الدكتور بحزن:

- مراتك في مراحلها الأخيرة يا ايهاب بيه عندها كانسر وجالها حالة تسمم من الولادة ومن طريقتها هي كانت عارفة ومقالتش خالص وحالتها متأخرة..

ايهاب بخوف:

- يعني ايه الكلام ده مراتي هتروح مني..

ومسك الدكتور وهو متعصب وبيقول:

- مراتي خط احمر يا متخلف أنت دكتور فاشل مراتي مفهاش حاجه..

الدكتور وهو حاسس بيه:

- ايهاب بيه أنا مقدر حبك بس السرطان الثدي نادر لم يصيب ست حامل ده بيكون بنسبة ١ من ألف...

ايهاب وقع على الأرض وفضل يصرخ من الوجع مراته حببته بتروح منه..

الدكتور بهدوء:

- استاذ ايهاب لازم تجيب الطفلة علشان في احتمال نكون حاملة نفس المرض..

ايهاب بداء يفتكر بنته وساعتها ساب المستشفى وجرى بسرعة على بيته واول مدخل مسمعش صوت لبنته خالص خاف ورجليه مش شيلاه وخايف ليكون جرالها حاجه لأنه مش هيستحمل فقدان مراته وبنته في نفس الحظة..

ايهاب بصدمة:

- انـتي..

.... عند افنان بتسمع صوت قوي وبيصرخ صوت طفلة غيرة...

افنان كانت ماشية في اتجاه الصوت واول موصلت لقت الطفلة دي بتبكي قوي..

افنان بطفولة وحب:

- الله انتي حلوة قوي بت مين يا قمر انتي..

الطفلة بصت عليها وهي بتبكي وعيونها حمرة افنان ابتسمت وهي بتقول..

- ضحكتك حلوة قوي يابوي على جمالك...

رفعت الطفلة صوابعها على وش افنان وبعدها افنان مسكت صوابعها وباستهم وبتقول..

- ياترى مين جابك اهنيه المكان مهجور قوي ياترى قدرك شبه قدري كده ومرت ابوكي تركتك اهنيه شبهي..

الطفله بتبصلها وهي بتضحك..

- متقلقيش عاد مش هسيبك واصل انتي من دلوقتي هتبقى خيتي لصغيرة..