رواية جبروت المهداوي الفصل الاول بقلم الكاتبه داليا منصور الفرجاني حصريه وجديده على مدونة النجم المتوهج للروايات والمعلومات

كانت ماسكة سكين*ة في اديها وجابتها من شعرها وهي محروق قلبها منها وبتقول:

- ورحمت الغالي مانتي عايشة هنيه واصل يانا يا انتي أنا مش هسيبك يا قتالة القتله ..

كانت افنان بترتعش وبتبكي وتقول:

- ابوس يدك يامرت ابوي شعري بيوجعني قوي انا مقتلتش حد همليني..

مرات ابوها رفعت السكي"نة وحطتها على رقبتها وهي بتقول بجنون:

- مش هسيبك هخليكي تروحيله..

وكانت لسة هتخلص عليها بس فجأة:

- سيبي البنت ايه اللي هتعمليه ده يا مخبوله هملي البت هتموتيها..

سنية بغضب:

- مهتركهاش واصل يا جابر يانا يا هيا في البيت دي...

جابر بخوف على بنته:

- طب همليها لتموتي البت بيدك ونزلي اللي مسكاه على رقبتها دي البت هتموت يا مخبولة..

سنية بكره:

- مش هخليها عايشة زي مقتل"ت ولدي مهيا مجرمة يا جابر...

كانت بتتكلم بجنون وماسكة افنان من شعرها وبتهزها جامد كأن عقلها مش فيها وتقول:

- مش هتركك واصل يا بت جابر يا قتالت القتلة ولدي عملك ايه ها...

جابر فجأة شد افنان من ايد مراته وهو بيقول:

- همليها يا سنية البت متدراش حاجة واصل من اللي بتقوليه ده البت لساتها صغيرة عاد..

سنية بحقد وهي بتقول:

- يانا يا هيا يا جابر هنيه اللي قتلت ولدي معسبهاش واصل تعيش وانا قاعدة جارها بنفس الدار...

جابر بهدوء:

- طب هتعملي ايه عاد اعقلي يابت الناس..

سنية بكره:

- أنا خابرة هعمل ايه زين يا جابر..

جابر بخوف:

- هتعملي ايه عاد يا سنية بصتك واعرة قوي..

سنية بكره:

- متخافش يا جابر مهكتله"اش دلوكيت انا هخليها تعيش عيشة تتمني لو موتها افضل..

خدت البنت من اديها وهي بتصرخ وجابر لسه هياخد منها البت سنية بكره:

- لو جيت ورايا يا جابر مهتقعدش هنيه واصل وبتك هقت"لها بنفسي وانت خابر ملكش مطرح تروح عليه عاد..

جابر بعد عنها وساب ايد بنته ونزل راسه وقال:

- بس هتاخديها على فين اياك بالوقت المتأخر ده..

سنية بكره:

- ملكش صالح بيها واصل كل اللي عوزاك تعمله تقفل خشمك ومتنطقش واصل وبتك هشغلها عند عمدت البلد خدامة تخدم اللي رايح وجاي...

وشدت البنت وخرجت من البيت وابوا افنان قعد وهو بيقول:

- سامحيني يابتي لو خدتك معنلاقيش مطرح نقعد فيه واصل وانتي هتخدمي وتلاقي مطرح افضل من اهنيه بكتير.....

.... في قصر العمدة الحاج مهدواوي كان قاعد فجأة سمع:

- الحق يا حج مهداوي في حرمة واقفة برة القصر وبتضرب بت صغيرة قوي..

مهداوي بغضب:

- ايه اللي عتقوله ده كيف تضرب الحرمة البت هي البلد مفيهاش حاكم اياك..

خرج مهداوي بسرعة علشان يشوف اللي بيحصل:

- ايه اللي عتعمليه يا ياحرمة عيب عليكي كده..

سنية بغضب وكره:

- ياعمدة البت دي قتلت ولدي وأنا جايباها علشان تاخدلي بتاري ياجلالة العمدة ابوس يدك سيبني اخد بتار ولدي..

العمدة بص على البنت وهو بيقول:

- تعالي يابتي مالك والحديت الحرمة ده صوح..

افنان وهي بتشهق وخايفة :

- أنا مقتلت"ش حد واصل مقتلت"ش حد ..

بص العمدة ليها وهو بيقول:

- قتل"ت ولدك كيف كده ها اتكلمي امال..

سنية بخوف وحزن:

- تركت ولدي وياها ورجعت لقيت الولد دهسته عريبة اعمل ايه عاد خدلي بطاري يا جلالة العمدة..

العمدة بصدمة:

- انتي بتلومي بت لساتها مكملتش ١٢ سنة جاية تاخدي بتارك منها مخبولة امال ايه الجبروت اللي في قلبيك ده عاد..

سنية بكره:

- مليش صالح عاد البت دي مهتقعدش معاي واصل ولو روحت معاي مش هتلحق توصل ومش هخليها تقعد في بيتي واصل..

مهداوي بهدوء:

- طب جيباها اهنيه ليه طلاما معتقعدهاش معاكي..

سنية بكره:

- ريداك تشغلها خدامة هنيه وكل شهر اقبض فلوسها منك يا عمدة...

مهداوي بصدمة:

- عتشغلي البت عندينا خدامة اتهبلتي في مخك والا ايه..

سنية بكره:

- عتشغلها والا اخدها اوديها لدار تاني تشتغل بس انا قولت استولى جناب العمدة..

مهداوي بتفكير:

- طيب وانا هاخدها تعيش اهنيه وتشتغل خدامة وادي العربون كمان اها..

سنية خدت الفلوس بطمع وهي بتبص لأفنان بكره وتقول:

- العوافي يا عمدة والبت دي لو عملت حاجة معاك قولي وانا اجي اعلمهالك الأدب واعلمها كيف تسمع كلامك ياعمدة...

العمدة بتفكير:

- يمكن تمشي من اهنيه يا وجوزك يجي ياخد البت يبقى استفدت ايه عاد..

سنية بكره:

- مش عاوزنها خليها معاك من اهنيه ورايح افنان بنت صالح جوزي اتوفت وهقوله كده بتك ماتت مع ولدي هي هتعيش خدامه هنيه وتجبلنا فلوس مطرح موت ولدي اللي هي السبب فيه ..

وسابتهم ومشيت والحاج مهدي حط ايده على راس افنان وهو بيقول:

- ليه قدرك كده يابتي شكلك تعبتي قوي بحياتك في عمرك الصغير قوي ده....

افنان بحزن:

- يعني مرت ابوي معتاخدنيش معاها ياعمدة..

الحاج مهدي بحزن:

- لع مهسبكيش تروحي معاها يابتي انتي هتقعدي معاي أنا وبس اهنيه..

افنان بحب:

- حاضر أنا هقعد اهنيه معاك أنت وبس بس انا لازم اخدمك زي مرت ابوي مقالت لتيجي تحش خبري وانا اخاف منيها قوي....

الحاج مهداوي بحب:

- متقلقيش يابتي انا اهنيه حاميكي ومهما تعمل معتقدرش عليا واصل وطول مهيا بتاخد فلوس شغل كل شهر مش هتقدر تاخدك من اهنيه..

افنان بحب:

- يعني مفيش مرت ابوي من اهنيه ورايح جناب العمدة...

العمدة:

- لاع مفيش مرت ابوكي..

افنان بحب:

- انديك بأيه يا جناب العمدة والا رايدني اناديك بحاجة تاني..

الحاج مهداوي بحب:

- ناديني باللي رايده تناديني بيه بس اقولك أنا من اهنيه ورايح ابوكي..

افنان بفرحة:

- يعني أنا بتك الوحيدة يا بوي مهداوي..

الحاج مهداوي:

- لع عندي ولد متجوز وعنده بت لسه مولوده لو رجع اهنيه هخليكم تتعرفوا على بعض..

افنان بفرحة:

- يعني أنا بقى عندي أخ كبير قوي كده انا مبسوطة يابوي..

الحاج مهداوي:

- وه كلمة بوي طالعة من بقك زي العسل يابتي..

افنان حضنته وهي بتبكي....

.... في مكان تاني ......

كان واقف في اوضت نومه وبيلبس علشان نازل الشغل جت مراته وهي بتقول بتعب:

- ايهاب انت رايح فين..

ايهاب بحب:

- هروح فين يعني نازل الشغل انتي ربنا قومك بالسلامة وجبتلنا بنوته زي القمر زيك هروح أنا بقى علشان الشركة بتاعتي واقفة بسبب غيابي، وأنا هبعتلك ممرضة تفضل معاكي..

نرمين بحب:

- ماشي ياقلبي أنا هنا بخير متقلقش عليا..

ابتسملها ولبس الجاكيت بتاع البدلة وخرج ونرمين كانت حاسة بوجع رهيب ومش عارفه سببه ايه فقالت بحزن:

- ايه اللي بيحصلي ده..

سمعت صوت بكاء بنتها راحت علشان تشيلها واول مشالتها عرفت انها جعانة بس مش عارفه توكل بنتها قالت ببكاء:

- مش عارفه ليه مش قادرة اخليكي زي كل الأطفال اتحرمتي يابنتي من البن وانتي صغيرة أقوم اجهزلك الرضعة بس سامحيني ياضي عيون امك..

الطفلة كانها حست بيها ومسكن صوابعها وهي بتلعب وبطلت بكاء..

- شكلك حسيتي بيا يابنتي بس أنا مش هطول معاكي خايفة عليكي يابنتي..

وفضلت تبكي بحزن

.... عند افنان..

العمدة خلاها تقعد في اوضة في القصر رغم هي صغيرة بس اجمل من بيتهم دخلت افنان وقعدت في ركن صغير لوحدها وهي بتبكي وتفتكر كل حاجة حصلت معاها..

~«««فلاش بالك»» ~~