رواية حر والملكة شمس الحلقه الخامسه كتابة و اقتباس محمد منصور **منص** حصريه وجديده على مدونة النجم المتوهج للروايات والمعلومات

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

نور ما لحقتش تفرح بالذهب اللي في ايدها وبصت للراجل الضخم صاحب الصوت وقالت

انا

وبحركة مفاجاة حدفت السبيكة الذهب في وش الراجل دة وقامت تجري لكن الراجل قدر يتفادي السبيكة دي ومسكت نور من شعرها قبل ما تخرج من الشقة لكن نور زيها زي شمس ما بتحسش باي وجع لكنها بصت له وضربته بايدها في معدته اتوجع الرجل وضربها بكل قوته لكمة خلتها تتخبط في الحيطة وتقع علي الارض لكنها قامت وقفت عادي وكان الطبيعي انها تجري لكنها عملت عكس كدة دة جريت ناحية الراجل وهجمت عليه وفضلت تضرب في والراجل مستغرب قوتها لكنه قدر يزقها بعيد عنه ومسح الدم اللي نازل من وشه وقال وهو بيهجم عليها تاني

يا بنت الكلب بقي انتي تعملي فيا كدة

ومسكها من وسطها ورفعها لفوق ورماها علي الارض وهنا نور تشوف سلك كهرباء عريان خارج من فيشة تحت تربيزة بصت للراجل بطرف عينها وبصت للسلك ومسكته وجسمها كله اتنفض من الكهرباء لكنها بايدها التانية مسكت الراجل الضخم من رجله وبدات الكهرباء تجري في جسم الراجل الضخم اللي ما استحملش ووقع من طوله علي الارض وهنا نور تسيب السلك العريان وتبص للراجل اللي لسة بيتنفض من الكهرباء. وسابت رجل الراجل اللي كان بيطلع في الروح وراحت ناحية السبائك الذهب وحطتها بين هدومها وخرجت من الشقة وبصت اخر مرة علي الراجل اللي مات وقفلت الباب وراء منها بمنتهي الجحود،،،،،،،،

ويتغير المشهد ونروح ل ناصر اللي كان متعصب اوي وباصص ل وحيد وبيقول

وانا قولت صديق مش هبخش الشركة تاني لانه سبب خسارتنا في اخر كام سنة حوالي 400 مليون ج

وحيد

هو انت عايز تشيلها ل ابني وخلاص. انت نسيت ان ابني دة هو اللي قدر يجمع كل الفلوس اللي عندنا

ناصر

واهو رجع من الموت علشان يخربها ويضيع كل اللي احنا جمعنا

هنا يتفتح باب المكتب اللي كانو قاعدين في ويدخل فهد ويقف قصاد منهم ويقول

علشان دة مش صديق

بصو له الاثنين وقال وحيد

انت رجعت تخرف تاني

فهد

انا ما بخرفش وسنين كتير بقول لكم ان دة مش صديق واكبر دليل علي كلامي ان عدي كام سنة وهو زي ما هو ما بيكبرش

وحيد وناصر بصو ل بعض وقال ناصر ل فهد

صدق انك في دي معاك حق

فهد

اية اخيرا نويت تصدقني علشان بدا يخسرك

ناصر

ولا ما تظبط كلامك

فهد

الكلام بيوجع لما بيجي علي الجرح ورغم اني طول السنين اللي فاتت عمال اصرخ واقول ان دة مش صديق دة حد غريب ل عمرنا شوفنا بيتعب ولا عمرنا شوفنا اي شهوة بتتغلب عليه وديما المبرر بتاعك اصل اللي شافه في القبر تعب له اعصابه

وحيد

لو ابوك قرر ان دة خلاص مش ابني علشان ما بقاش يكسب من وراء ف انا هفضل اقول ان دة صديق ابني

واتغيرت اللهجة ل تهديد صريح وكمل وحيد وقال

واياك الكلام اللي اتقال هنا يطلع برة الاوضة دي مش هيحصل لكم طيب

ناصر بحدة

هتعمل اية يعني يا وحيد

وحيد بص في عيون ناصر اوي وقال

جرب وانت تعرف انا هعمل اية

وسابهم وحيد وخرج ورزع الباب وراء منه وقال ناصر

عمك باين عليه اتجنن

فهد

كلنا مجانين لكن كل واحد مجنون بطريقته

وساب فهد ابوه ناصر وخرج من الاوضة وهنا ناصر قال

جنان ب جنان بقي صديق مش هيبات فيها يا وحيد،،،،،،

ويتغير المشهد و شمس كانت قاعدة في شقتها وقت ما دخلت عليها نور وكان باين علي وشها الضرب والاذي فقالت لها شمس

كنتي فين واية اللي عمل فيكي كدة

نور

كنت بجيب اللي يخلينا نعيش زي البني ادميين

وخرجت نور الذهب من هدومها ورمته علي الارض قصاد شمس بصت شمس للذهب وقالت

دة ذهب الست اللي انا كنت بغسلها مش كدة

نور قعدت علي اقرب كرسي قصاد شمس وقالت

ما انا ورثت منك كل حاجة الا اني افضل صغيرة زيك مهما العمر فات

شمس

الذهب دة يرجع مكانه حالا

نور

مش هيرجع وانتي عارفة اني زي ما ورثت منك ورثت من امي الحقيقية اللي انتي سرقتي جسمها انا نص بني ادمه ونص شيطانه زيك

شمس بعصبية

اخرسي وانا غلطانه اني حكيت لك كنت فاكرا انك هتفهمي كلامي صح وتساعديني اعرف انا اية لكن واضح اوي انك ناوية تستخدمي ضدي

نور

اسمعي يا شمس احنا عايشين مع بعض علشان ملناش الا بعض وانتي ما تقدريش تستغني عني لكن انا اقدر عادي ولو كنت محتاجاكي علشان لقمة تسد جوعي وبيها اعرف اعيش

ف انا من النهاردة مش محتاجاكي

وراحت ناحية الذهب وقالت

لاني معايا اللي يخليني اقوي منك

شمس راحت ناحيتها وزقتها بعيد عن الذهب وقالت

الذهب دة هيرجع ل اصحابة

نور زقت شمس بقوة وقالت

وانا قولت لا.

شمس ضربتها بالقلم لكن نور بصت لها في عيونها ومسحت الدم اللي نازل من بوقها وقالت

انا ما بحسش بالوجع لكن انتي تحسي بوجع روحك عليا

وبدات نور تعيط بحرقة وتعيط وشمس كانت روحها بتتوجع اوي وحاولت تاخد نور في حضنها لكن نور زقتها بعيد عنها وفضلت تعيط وتعيط وشمس كانت روحها بتتحرق من جوة علي عياط نور لانها حبيتها اوي زي بنتها وبقيت نقطة ضعفها وفضلت تعيط نور ل غاية ما شمس وقعت علي الارض ما كنتش مستحملة وجع روحها. ولما نور شافت المنظر دة قربت من شمس ومسكت شعرها وقالت

لازم تتخلصي من نقطة الضعف دي علشان تكوني اقوي من كدة. و تقدري تقفي قصاد مني

وسابتها نور و خدت الذهب و خرجت من البيت وسابت وراء منها شمس واقعة علي الارض،،،،،،،،،

ويتغير المشهد ونشوف هند في العيادة بتاعتها قاعد قصاد منها حر وكانت بتقول

اخيرا وصلت ل شمس

حر

يا بعد كل السنين دي. ووصلت لها ازاي

هند

فيديو قديم علي صفحة

ل واحدة اسمها صفاء شوفته بالصدفة

حر

شكلها اية شمس دي

هند