رواية حر والملكه شمس الحلقه الاولي بقلم الكاتب محمد منصور حصريه وجديده في مدونة النجم المتوهج للروايات والمعلومات

كان احلي يوم في عمرها اصل دة يوم جوزها من اكتر بني ادم حبيته في حياتها الملك. حر وقررو يعملو فرحهم في اعلي نقطة فوق جبل الملح اللي كله من الملح

لكن للقدر راي تاني والفرحة انكتب لها الموت في عز ولادتها وهنا يهجم علي حر وشمس متمردين المملكة ويقررو يقتلوهم وادخل الحرس الملكي واشتبكو من المتمردين وحر كان اعزل مش معه السيف بتاعه لكنه اتصدي للمتمردين باقصي قوة عنده ولما سمع صرخة شمس في ودانه بص لقي اتنين من المتمردين بيخطفوها ،،،،،،،،

الحكاية المرة دي اقتباس من فكرة فيلم كتير هيعرفو لكن احداث من تاليفي مكس مجنون بين الواقع والخيال ف يلا بينا نكمل اول حلقة من حكاية

حر والملكة شمس

كتابة واقتباس

محمد منصور

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

حر لما شاف الخطر اللي في

شمس راح ناحيتها جري وهجم علي الاثنين اللي كانو بيخطفوها وقدر يتغلب عليهم ومسك ايد شمس ونزلو الاثنين من فوق الجبل جري ومن شدة سرعتهم كانو بيقعو شوية و يدحرجو شوية ويجرو شوية لغاية ما وصلو ل اخر الجبل. ومنه لطريق الغابة وكل دة. وكان وراء منهم عشرة من المتمردين لكنهم وصله ل نهاية الطريق عند بحيرة الزمن بص حر ل شمس وبص ناحية المتمردين اللي كانو بيقربو منهم وقال

شمس لازم ننط هنا وبسرعة

شمس

ما حدش نط في بحيرة الزمن وطلع منها كل اللي نط اختفو حتي جثثهم ملهاش اي اثر

حر

دي اساطير اهالينا اللي قبل مننا اللي كانو بيخوفنا منها لكننا نقدر ننط في البحيرة ونطلع تاني

وقرب المتمردين اكتر واكتر ومسك حر ايد شمس وقال

يلا يا شمس ما فيش وقت

شمس بصت للبحيرة بقلق شديد وبصت للمتمردين اللي بيقربو ولقيت ان ما فيش قدام منها اي اختيار تاني. وقالت ل حر

اوعي تسيب ايدي مهما حصل انت عارف اني بطمئن بيك

حر

وانا بعيش بيكي وليكي

وقربو المتمردين اكتر وحر وشمس نطو في البحيرة وغطسو للقاع ووصل المتمردين وقال واحد منهم

المجانين نطو في بحيرة الزمن

هنا قائدهم كان باصص للبحيرة وبيقول

ارتحنا منهم لان ما حدش نزل البحيرة دي وطلع

واحد من المتمردين قال

وافرض طلعو

بص له القائد وقال

هنرجعهم ليها تاني وهما اموات،،،،،،،،،

ونروح ل شمس و حر اللي قاع البحيرة وبيبصو ل بعض وبدا جسمهم يحتاج للاكسجين لكنهم كانو بيتسحبو ل تحت واتفتحت بوابة طلع منها نور وكائنات باجنحة كبيرة خدت حر بعيد عن شمس وساب ايدها غصب عنه وشمس فضلت تبص له وبتمد ايدها قبل ما الكائنات دي بسحبوها لتحت وسط النور وتتقفل البوابة وترجع البحيرة زي ما كانت،،،

بعدها بشوية ومن جوة جبانة يسمع ووقت ما كانت في جنازة بتتشيع يسمعوا اللي كانو موجودين صوت خبط علي باب الجبانة جاي من جوة استغرب كل الموجودين وقالت واحد منهم

فين التربي يفتح باب الجبانه دي اظاهر ان فيها حد اندفن وهو لسة عايش

جه التربي ووقف قصاد الجبانه وقال

دي جبانه عيلة الجيار ومفتاحها مش معايا

واحد من اللي كانو واقفين قال

اتصل بيهم يجو يفتحو

التربي بسرعة طلع موبيلة واتصل بكبير عيلة الجيار الحج ناصر وقال التربي

ل ناصر

الحق يا حج باين كدة ابن اخوك اللي انتم لسة دفنينه من يومين لسة عايش

ناصر

انت بتخرف يا راجل انت

ولا اية

التربي

وكتاب الله دة اللي حصل الجبانه بتاعتكم مش بطله تخبيط

ناصر

طيب انا جاي في السكة اشوف في اية،،،،،،،

في نفس الوقت ومن قدام مستشفي حكومي تقف الممرضة صفاء مع المغسلة وداد وكانت صفاء بتقول

جثتها بقالها في تلاجة المستشفي تلت ايام من وقت ما جت في حادثة الدائري و ملقناش معاها اي اوراق تعرفنا هي مين ومنين

وداد

خلاص اغسلها وندفنها في مقابر الصدقة. دة اكرام الميت دفنه

صفاء

انا علشان كدة اتصلت بيكي

وداد

طلعيها من الثلاجة خلي جسمها يفك شوية وحضري لي مية سخنة وانا هروح اصلي العصر. واجيب كفن وارجع لك نغسلها ،،،،،،،

ويتغير المشهد ونشوف ناصر الجيار مع اخو وحيد ووقفو قصاد الجبانة اللي لسة فيها خبط وقال وحيد بفرحة

دة كلام التربي باين عليه صح. وابني صديق عايش

ناصر

عايزك تهدئة يا وحيد لغاية ما نشوف اية سبب الخبط دة

وحيد بلهفة

طيب افتح يا ناصر مستني اية

وفتح ناصر باب الجبانة وهنا يشوفو حر اللي كان صورة طبق الاصل من صديق وقال لهم حر

انا فين وبعمل اية هنا

وحيد ما صدقش نفسه من الفرحة وقال

انت بخير يا قلب ابوك

وبدا يسحبة وحيد برة الجبانه وساعدة ناصر. وقعد حر وبص لهم هما الاثنين وقال

انا حر ومش فاكر اي حاجة تاني

بص ناصر ل وحيد والاثنين استغربو اللي هو قاله ،،،،،،،

ونروح للمغسلة اللي رجعت من صلاة العصر ودخلت علشان تغسل الجثة اللي قالت لها عليها صفاء لكن اتصدمت لما لقت الجثة قاعدة علي التربيزة الاستلس الخاصة بالغسل قربت منها المغسلة وبصت لها وقالت

انتي لسة عايشة

كانت شمس اللي قاعدة وقالت

انا شمس ومش فاكرة اي حاجة تاني

وبصت شمس ل بطنها الكبيرة. ودة لانها كانت حامل

في اخر شهر، ،،،،،،،،

تابعووووووني

رواية منعطف خطر كامله من هنا

رواية زواج لدقائق معدودة كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا