رواية حر والملكة شمس الحلقه السادسه كتابة و اقتباس محمد منصور **منص** حصريه وجديده على مدونة النجم المتوهج للروايات

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

يوصل الكونتير فرنسا والعمال بداو ينزلو البضاعة الموجودة في الكونتير وهنا يشوفو حر المربوط ف راح ناحيته واحد من العمال وبدا يفكو. وهو بيقول له بالفرنسية

انتي مين

حر ما فهمش ورد عليه بالعربي

انا فين ولية عمي ناصر عمل فيا كدة

بصو العمال ل بعض لانهم مش فاهمين هو بيقول اية لكن في الوقت دة وقف ظابط من اللي شغالين في المينا الفرنسية وقال

نزلو علشان يتم استجوابة

وفعلا نزلو ووقف قصاد الظابط وقال الظابط

انت دخلت الاراضي الفرنسية بطريقة غير شرعية وباين عليك من ملامحك انك عربي

والسجن هيكون مصيرك

وبدا الظابط يسحب في حر. وحر بيقول

احنا رايحين فين

لكن الظابط ما ردتش وحر عمال يبص للميناء باستغراب شديد لانه مش فاهم ولا عارف هو فين،،،،،،،

ونروح ل قصر الجيار

و وحيد واقف قصاد ناصر وكان بيقول بعصبية

ابني فين يا ناصر

ناصر

هو انت لسة مصدق انه ابنك

وحيد مسك ذراعات ناصر الاثنين وقال بمنتهي الشدة

ايوة ابني

ناصر قدر يبعد ايد اخوة عنه وقال

لا. مش ابنك بس انت مش عايز تصدق ان صديق مات واللي عايش معانا دة الله اعلم هي اية حقيقته

وحيد

لو من الجن الازرق برضو ابني. اصل انت ما جربتش حرقة القلب علي ضناك لما يموت وانا علشان ربنا بيحبني عوضني ب واحد تاني

ناصر

يعني انت عارف انه مش ابنك

وحيد

عارف لكني مش هصدق ان صديق مات. فقولي يا ناصر وديته فين

ناصر

انا ما عرفش عنه حاجة وانت عارف اني كنت في الميناء بخلص اوراق شحنة فرنسا وممكن تسال كل اللي شغالين معانا هناك

وحيد

يعني اية. هيكون خرج راح فين ومارجعش لية،،،،،،

ويتغير المشهد ونشوف شمس في شقتها رايحة تفتح الباب اللي كان بيخبط وفتحت الباب علشان تشوف ست من ستات المنطقة جاية تطلبها علشان تغسل اختها لكن شمس رديت عليها وقالت

انا بطلت الشغلانه دي

الست دي رديت عليها وقالت

بطلتي ازاي دة انا اختي كانت بتحبك انت وخالتي وداد وكانت وصيتها ان

ما حدش يغسلها غيرك

شمس

انتي مين اختك

الست

سمية

شمس اتاثرت اوي لانها تعرف سمية دي وكانت بتحبها لانها كانت بتعطف عليها فقالت

الله يرحمها. ثواني البس واجي معاكي

ولسة هتتحرك افتكرت انها بمجرد ما هتلمس دماغ سمية هتشوف الماضي بتاعها ونور كمان هتشوفه وممكن بسبب دة يحصل شر مش معمول حسابه. فوقفت وقالت

بلاش انا شوفو حد غيري

الست

ووصية سمية

فكرت شمس للحظات وبعدها قالت

سمية اختك تعز عليه وانا هاجي معاكي بس هحتاج حد يقف معايا لاني مش هلمس راسها

استغربت الست وقالت

لية طيب

شمس

من غير لية. هينفع ولا لا

الست

اللي انتي عايزا يا شمس،،،،،،

ونروح ل نور اللي راحت لشقة ابوها اللي قدرت توصلها لما عرفت ماضي امها من شمس. و خبطت علي الباب وفتحت اختها الكبيرة فوزية اللي كانت في كدمة زرقاء حوالين عيونها باين اوي انها مضروبه لكنها بصت ل نور وقالت

نعم

نور

انا اختك الصغيرة

رفعت فوزية حاجبها وقالت

بقول لك اية يا بت انتي مش ناقصة هطل

ولسة هتقفل الباب في وشها قالت نور

مش امنا ثريا كانت حامل في اخر شهر وقت ما هربت من ضرب ابونا ليها ومن وقتها ما رجعتش

استغربت فوزية اكتر وقالت

الكلام دة عدي عليه سنين

نور

ولو عدي عليه سنين اكتر من اللي عديت ف دة مش هيغير شئ من الحقيقية انا اللي كنت في بطن امنا

فوزية

لو انتي اختي بجد فين امي

نور

ماتت وسابتني عند واحدة صاحبتها تربيني ولما كبرت جيت لكم وبرجلي. اومال فين بقيت اخواتي منال وضحي وياسمين و سمر

فوزية كان جوة منها كذا احساس وكلهم عكس بعض ما كنتش عارفة تفرح انها قابلت اختها الصغيرة اللي كانت ياما بتلعبها وهي في بطن امهم ولا تكذب كل دة بس تكذبة ازاي ونور عارفة كل حاجة. نور قربت من فوزية اللي كانت لسة بتفكر تصدقها ولا تكذبها وقالت نور

انتو مش عايشين في الجنة علشان اتبلي عليكم واقول اني اختكم بالكذب.

وحطيت صباعها عند عيون فوزية المتعورة وقالت

مش ابونا هو اللي عمل فيكي كدة برضو.

عيطت فوزية فقالت نور

ما كنش بيضرب امنا الا في عيونها كان عايز يعميها. هو فين صح

فوزية

نايم جوة

نور دخلت الشقة وقالت

وحشني وجاي له مخصوص ما هو لو كان حنين علي امي ما كنتش هربت وماتت في الشارع

ودخلت نور اوضة ابوها وقت ما فوزية راحت تنادي علي باقي اخواتها وتعرفهم ان اختهم الصغيرة رجعت لكنهم هنا يسمعوا صوت صرخة ابوهم جريو كلهم ناحية الاوضة وفتحت فوزية الباب وشافت نور ماسكة طفاية رخام في ايدها غرقانه دم وعيون ابوهم مفقوعين من ضرب نور ليهم بالطفاية بصو لهم كلهم وهما مرعوبين وقالت نور وهي داسية علي جثة ابوها

عملت اللي انتم كان نفسكم تعملو من سنين. انا راجع لكم اغير الماضي واعدل المستقبل. هتقبولني اخت ليكم

وطلعت الذهب من هدومها ورميته تحت رجل اخواتها بصو البنات للذهب اللي اختلط بدم ابوهم اللي بيجري علي الارض وهنا كان لازم يكون في رد فعل اما بانهم يطردوها برة البيت ويرفضو انها تكون اختهم او يقبلوها بذهبها المخلوط بالدم ياتري اخواتها هيختارو اية. بكرة باذن الله هنعرف. ولغاية ما يجي بكرة ما تعرفوني انتم هيختارو اية

عملت اللي عليه ونزلت الحلقة اعملو اللي عليكم وعرفوني رايكم فيها سلام

تابعووووووني وانتظروووني

الفصل السابع حتى الفصل الحادي عشر من هنا

بداية الروايه من هنا

رواية منعطف خطر كامله من هنا

رواية زواج لدقائق معدودة كامله من هنا

رواية خيانة الوعد كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا