 |
الحلقة السابعة
اميرة في بيتنا
(اميرة قلبي)
(داخل شقه يوسف)
اميرة / وفيها اي بس يا جو
يوسف / بعصبية يعني اي فيها اي عايزه منال تفتح محل وتقعد فيه وتبيع فيه للي يسوي واللي ميسواش
اميرة/ بهدوء طيب ممكن تهدا ونتكلم بالعقل
يوسف /بغضب قفلي علي السيرة دي ليه هي اي نقصها
اميرة/ بجديه ناقصها تحس بكيانها وذاتها
يوسف /وهو الشغل اللي هيخليها تحس بكيانها وذاتها! وبتريقة وانتي بقا مش عايزه تحسي بكيانك
اميرة/بتساؤل يعني بعد ما اخلص دراسه مش هتخليني اشتغل
يوسف/ وانا بقا هبقي جوز المدام اللي بتصرف علي البيه بتاعها
اميرة /بدهشه امال ليه بذاكر وليه بتذاكر معايا يعني اتعب واذاكر واجتهد وبعدين هتقعدني في البيت
بقلمي زهره الجبل
يوسف /يبقي بلاش تتعبي وريحي نفسك
اميرة/ بصدمه اريح نفسي وانا اللي كنت فاكره نفسك تشوفني احسن واحده في الدنيا
يوسف/ متعشيش في وهم واحلام كدابه
صدمت اميرة من رد يوسف القاسي
اميرة /بخنقه ودموع متساقطه وهم واحلام كدابه
واسرعت الي الغرفه الاخرى وجلست علي الارض وضمت قدميها الي صدرها ودفنت راسها في كفيها الصغيرتين وبدات في البكاء
بقلم زهرة الجبل
(في غرفه اولاد صالح)
عمر /يعني معرفتش تعمل حاجه
عاصم /بغل اسكت يا عمورى الواد طول وعرض وحليوة بس اكيد هعمل حاجات كتير بس مش من اول مرة هسويه علي نار هاديه اصبر عليا
عمر/لما نشوف اخرتها معاك
عاصم /طفشان ابن اللذين علي يدي
عمر / عاصم متنساش اتفاقنا
عاصم /بتلقائيه اتفاق ايه
عمر /ولاء مش ليا ولا ليك
عاصم /بلؤم اكيد يا شقيقي
بقلمي زهرة الجبل
عمر /وهو يمعن النظرفي ملامحه
مش مرتاحلك
عاصم/ عيب تخاون اخوك شقيقك خلي عندك ثقه فيا
عمر /ثقه فيك قوم نام احسن
عاصم/ بهمس قال مش ليا وحياتك مش هتكون غير ليا
عمر /بتقول حاجه
عاصم/احم تصبح علي خير
عمر /بعدم ارتياح وانت من اهله
بقلم زهرة الجبل
(في غرفه بنات صالح)
امل /اوف كل ما اكلم جيمي يقولي مشغول
منال-..............
امل/هما الرجاله كلهم كدا
منال-....
امل -منال ساكته ليه ومش بتردي عليا
منال /خليني في حالي
امل/يعني اكلم نفسي زي المجنونه ماما مش بتفهمني لما اكلمها وتقولي اتقلي عليه ونسمه مشيت علي كليتها وانتي مش معبراني وجلال مشغول واميرة ديما بتذاكر يعني انتحر ولا اي
منال /ياريت تعمليها
امل /اهون عليكي يا منوله
منال-ذاكرى احسن
امل/منوله التلفون عمال يرن وانتي مطنشاه متردي علي المتصل
منال /بشخط وعصبية
ممكن تخليكي في حالك
امل /خلاص خلاص ليه العصبيه دى كلها انا هسبلك الاوضه كلها هروح اشوف ميرو
منال /احسن برضو
خرجت امل من الغرفه ورن جرس هاتف منال
منال/السلام هليكم
محمود/بشخط اخيرا رديتي
منال/محمود انا قولتك مش هرد هليك تاني
محمود /ليه اي حصل لدا كله
منال-محمود ارجوك كفايه لحد كدا كفايه رنات ساعات كتير بكون جمب اهلي ويسالوا من اللي بيرن ومش بعرف ارد اقول ايه
محمود /بعصبيه ما انتي لو رديتي وطمنتيني عنك مكنتش رنيت ميه مرة
منال/ومش هرد تاني كفايه لحد كدا
ولو حكمت هجيب رقم جديد واخلص
محمود/بعصبيه هو بمزاجك تقولي كفايه
منال /افهم يا محمود علاقتنا دي غلط ولازم تنتهي
محمود/ وقد وصل غضبه الي اعلاه واي الي في حياتك صح ما انتي كل حياتك غلط
صدمت منال من رد محمود فلم تتوقع هذا الرد القاسي
منال / بدموع متساقطه وانا بدات اصلح حياتي الغلط وضمن حياتي الغلط انت يا محمود ولازم اعمل الصح
بقلمي زهرة الجبل
اغلقت الهاتف واخرجت الخط ووضعته في الدولاب وجلست علي السرير وبدات في البكاء
(داخل بيت حسين)
*****في غرفه حسين
حسين /بحزن بكرة هروح اشوف عبدالحميد
فاطمة/ وهتعمل ايه يا ابو محمود
حسين/عقلي مش مطاوعني ابلغ عليه الشرطه غير لما اقعد معاه وافهم اصل الموضوع
فاطمه/ ولو مبلغتش صالح هيفكر انك بتستر علي اخوك
حسين/ ومين هيقول لصالح
فاطمه /مفيش حاجه بتستخبي ولو معرفش بكرة هيعرف بعدين
حسين /ولو عرف هيطلق اميره من يوسف مهو دا اللي عيزينه
فاطمه/بصدمه يالهوي يا ابو محمود هيطلق البت
بقلمي زهرة الجبل
حسين / واي الغريب في كدا مش هو دا الاتفاق من الاول يلتقوا عبدالحميد تطلق اميرة
فاطمة /مخبيش عليك يا ابو محمود انا حاسه ان اميرة مبسوطه مع يوسف وكمان كلهم بيحبوها
حسين/يعني يا ام محمود لو رجع عبدالسلام والحكومه مسكته وقالوا خدوا بنتكم هقولهم لا خلوها عندكم
فاطمه / لا مش هيقولوا هما حبينها وكمان جلال وامل قربوا المسافات وصفوا النفوس شويه
حسين/خلي الايام تورينا هيحصل اي
فاطمه /ربنا يستر بقلمي زهرة الجبل بقولك اي يا ابو محمود منعجل شويه فرح رحاب خلينا نخلص منهم هو وابن اختي
حسين /انا قولت في الاجازه الكبيرة واهو تكون خلصت دراسه
فاطمه /بيأس اللي تشوفه يا ابو العيال
(داخل شقه يوسف)
دخل يوسف الغرفه الموجوده فيها اميرة
يوسف /-هه هه هو انتي مش بتملي من القعده دي انا ذات نفسي مليت
لم ترد عليه اميرة واكتفت بالبكاء
يوسف /طيب قومي اقعدي علي السرير
اميرة /ياريت تحبني نص الحب الي بحبهولك
يوسف /انا مش هقولك بحبك كلام لا افعالي هتثبتلك اني بمووووت فيكي انا هعمل المستحيل معاكي عشان تبقي اشطر دكتورة في العالم كله ودا وعد مني
اميرة /بفرح يعني هتخليني اكمل تعليمي وابقي دكتورة
يوسف/ انا مش عيل عشان ارجع في كلامي انا من الاول قولت هخليكي دكتورة
اميره /امال ليه قولت وقبل ما تنهي جملتها
يوسف /لحظه غضب والكلام كان عن منال بس انتي اللي قلبتي الموضوع عنك وبعدين انتي اللي بتقولي هتصل بمحمود يخدني مش انا اللي بقول
اميرة /وانت ليه معارض علي شغل منال
يوسف /تاني يا اميرة دا احنا لسه مصلحين
اميرة/اقتربت منه بدلع خلاص يا تقنعني يااقنعك
يوسف / احم هنشوف
في الصباح الباكر داخل شقه صالح
اجتمعت الاسرة علي الفطور الصباح
صالح / خد امل معاك المدرسه
عمر/ حاضر هخدها
كريمه-/ مفيش واحد فيكم هيفرحنا وينوي يخطب
عاصم/ عمر اللي عليه الدور هو الاكبر
عمر/ ملكش صالح بيا لو عايز اتفضل
صالح/ اي هي عزومه بطل كلام ملوش معني انت وهو
كريمه/ عمر عندي عروسه ليك ادب وجمال لو شفتها مش هتقول لا
وهتقول اعيز اجوز علطول
عمر / لو سمحتي يا ست الكل الموضوع دا بالذات مش عايز حد يدخل فيه
صالح/ خلاص يا كريمه سبيهم علي راحتهم وسمعوا دقات جرس الباب
سماح/ صباخ الخير يا اموله
امل/ بضيق اهلا
ودخلت سماح علي الكل منهم من رد ومنهم من زم شفتيه ومنهم من اتظاهر بالاكل
سماح٠ الله امال فين منال
امل/ وانتي عايزة منال ليه علي الصبح كدا
سماح / بلؤم موضوع خاص بيني وبين بنت عمي
كريمه/ منال في الاوضه حاسه بشويه تعب روحي خففي عنها شويه
عاصم/ يهمس لامه دى لو شافتها هتتعب اكتر
كريمه/ بهمس دي بنت عمك برضو
دخلت سماح الي منال
سماح/ صباح الخير يا منوله
منال/ بقلق عايزة ايه علي الصبح يا سماح
سماح/ عايزه اعرف اخر موضوعي اي
منال / انا بعمل ال عليا
سماح / بشخط مش باين عليكي بتعملي اللي عليكي بصي بقي يا بنت عمي اخرك معايا اخر الاسبوع يا تخلصي موضوعي يا هيتفتح موضوع جديد وانتي عارفه اقصد ايه
منال/ بقرف اي البجاحه اللي انتي فيها دي وبدات اصواتهم ترتفع ودخلت امل
امل اي في اي مالكم صوتكم عالي كدا ليه
منال / بخوف هو حد سامع كلامنا برة
امل/ كلام اي
منال / لا ولا حاجه انتي ليه مرحتيش المدرسه
امل -/ جيت اخد حاجه من هنا
منال /طيب اخلصي خدي اللي انتي عايزاه نظرت امل الي منال وسماح
امل /مش مرتحالكم وحاسه في حاجه
منال-/بصوت عالي هكون في اي اخلصي خدي اللي عيزاه وسمعوا دقات علي باب الغرفه
منال /ادخل
اميرة /صباح الخير
فرحت منال وامل بقدوم اميرة عندهم
امل /بفرح اهلا اهلا بميرو القمر
بقلمي زهرة الجبل
الحلقه السادسه 👇👇👇👇👇
تعليقات
إرسال تعليق