تفاح_أخضر بقلم_أمينه (محبة الرحمن ) الفصل الرابع حصريه وجديده على مدونة النجم المتوهج للروايات والمعلومات
تفاح_أخضر بقلم_أمينه (محبة الرحمن ) الفصل الرابع حصريه وجديده على مدونة النجم المتوهج للروايات والمعلومات
(راما)
ضحكت وضحكت وبعدا اختفت الضحكه ورجعت ملامح وجهي مثل ماهي وسحبت حالي من قدامه وتسطحت ع السرير وسحبت الشرشف وغطيت فيه وجهي وغمضت عيوني ونمت اي نمت بدي اهرب من الواقع بدي نام وقت اصحى يكون حلم مزعج وخلصت منه وارجع لحياتي .. بسرعة جسمي استجاب لأستغاثتي وستسلم لنوم عميق .
ماوعيت الا ع ايد الممرضه عم تصحي فيا وتطلب مني جهز نفسي لحتى اوخذ الخزعه ..قمت من غير اي كلمه جهزت نفسي ومشيت معها ع غرفة التخدير.. اول مادخلتها مشيت القشعريره بجسمي ابردت بلشت ارجف .. ساعدتني الممرضه لحتى السطح ع السرير ثواني وتدخل د.هديل ومعها دكتور تخدير .
د.هديل تلبس القفاز : كيفك اليوم لسه عم تشكي من الصداع والغثيان والدوخه.
ساكته مافي رد بس عم ارجف .
د.هديل: اهدي حبيبتي لا تخافي رح بنجك موضعي وعن طريق ابرة نسحب جزء صغير من الورم الموجود حولين الدماغ وان شاءالله مابتحسي بشي ..تمام انبلش .
مافي اي رد مني عقلي موقف وماعم يفكر اويستوعب او يبدي اي ردت فعل .
د.هديل تأشر بعيونها لدكتور لحتى يبلش بالتخدير .
ماحسيت بشي لابأبرة التخدير ولابشي يمكن لانه جسمي مخدر لوحده .
خلصت وشلحت القفاز وطلبت من الممرضه تبعث العينه ع المختبر .
د.هديل: بدا اسبوعين وتطلع النتيجه لحتى هداك الوقت اشربي المسكنات الي اعطاكِ اياهم د.سيف وفيكِ تطلعي بعد ساعتين من المشفى .. سلامتك .
قبل ماتمشي .
: دكتوره ممكن تخبري د.سيف انه مابدي حد يعرف عن مرضي من اهلي خصوصاً اختي وخطيبي.
د.هديل: طبعاً ، وهاد حق من حقوقك في السريه وقت العلاج ... رح خبره .
طلعت .. وانا رجعت ع الغرفه وبقيت بالسرير عم اتقلب ماعرفت نام او يهدأ عقلي من التفكير لانه راحت السكره وأجت الفكره .. بحس اني مخنوقه بدي فل واهرب من هل مكان ومن غير أي تفكير بسرعه شلحت مريول المشفى والبست ثيابي وطلعت ..الأصح اني بدي اهرب واختلي بنفسي شوي لحتى قرر شو بدي اعمل ورتب الاوراق .
.....
د.سيف.
بكلمه وحده كسرتها ..
انصدمت .
شهقت .
بكيت .
ضحكت .
هديت.
سحبت حالا وتسطحت بالسرير وغطت وجها كأنها عم تهرب من شي وحش كاسر .
خفت عليها بدي خفف عنا بدي شيل الوجع الي بداخلها قربت بدي امسكها لكني تمالكت نفسي ورجعت لمكاني لحتى اعطيها وقت تمتص الصدمه والخبر البشع .. ابقيت واقف عندا شي ساعتين وانا عم حوم حولين سريرها ع امل تبدي ردت فعل اخر شي قربت ورفعت الغطى عن وجها كانت نايمه بسلام كأنها في عالم ثاني .
طلعت ع الساعة واذا فيها حدود الخمسه فجراً سحبت حالي وطلعت ع غرفتي وصورتها في بالي .. مابعرف كيف نمت .
اصحيت ع صوت فهد وهديل .
فركت عيوني وقمت بمضض ورحت لعندهم : خير ماعم يحلالكم القعده إلا في مكتبي .
د.فهد: خي مكتبك في راحه نفسيه موطبعيه .
د.هديل: من رأيي تحوله لغرفة استجمام وهيك.
رفعت حاجبي وقعدت ورا مكتبي: حلم ابليس بالجنه انت واياها ..شكله مافي مرضى لحتي مزروعين عندي.
د.فهد: خلصنا العمليات ولف ع المرضى هلأ بريك الغدا
وقفت: شو الغدا ليه كم الساعه.
د.فهد: ثلاثة الظهر .
شهقت وصرخت: كيف تتركوني نايم لهلأ ياربي في مرضى عندن عمليات وغير الخزع الي بدي اسحبها .
ها الخزغ راما لك كيف نسيتها.
صوتها قطع تفكيري.
د.هديل: أهدأ ليه معصب هل قد عادي شفتك مرهق ومانك حاسس بشي تركتك لانه العمر يخلص والشغل مايخلص .. ولاتكل هم المشفى العمليات كلا تنتين عملت وحده والدكتور جبر عمل وحده ووضع المرضى توب .. ومافي الا خزعه وحده سحبتها لمريضه وكل شي تمام .
قمت وبدي اطلع برا المكتب لحتى روح واطمن عليها .
د.هديل: صحيح قبل ماتطلع شو اسما المريضة تاعت الخزغة.
وقف قلبي ولفيت لجهتها: راما خير فيها شي.
د.هديل باستغراب من ردت فعلي: لا هي بخير بس طلبت مني أخبرك انه مابدها حد من اهلا يعرف بمرضها خصوصاً اختها وخطيبها.
هزيت راسي وطلعت بسرعه وخلال ثواني كنت بغرفتها بس هي مو فيها ..سألت الممرضه فاخبرتني انها تركت المشفى من شي خمس ساعات من غير اي تردد ركبت سيارتي وخلال وقت قصير كنت عند باب بيتها أنزلت بسرعة وطقيت الباب فتحت وحده الباب اه اتذكرتها هاي كانت مبارح عند راما .
منال مصدومه: دكتور .. خير في شي حصل لراما .
ثواني ينفتح الباب اكثر وزمرد تطلع وهي خايفه وقت سمعت اسم دكتور.
زمرد بخوف: وينها راما شو صار معها .
عقدت حاجبي : الحمدالله وضعها منيح وطلعت اليوم الصبح من المشفى بعد ماطلعت الفحوصات كلها بخير ليه وينا .
زمرد: من الصبح جوالها مغلق وسعيد سأل عنها بالمشفى حكوا انها طلعت ومن وقتها وهي مختفيه وقلبنا مثل النار عليها .
منال : حتى سعيد من الصبح ماخلا مكان الا ودور عليها .
بس سمعت اسمه انزعجت .
وجهت كلامي لزمرد: لاتخافي رح ترجع لأنه صحتها منيحه يمكن حابه تقعد لوحدها .
واذا صوت من وراي: خير شو عم تعمل هون .
لفيت ظهري لجهته وقت شفته تجاهلته وكملت حكي مع زمرد اعطيتها كرت فيه رقمي: هاد رقمي وقت ترجع ياريت تطمنيني.
البست النظارة ومشيت بس وقف سعيد بطريقي وصرخ: جاوب شو عم تعمل هون .
ضحكت ضحكه جانبيه : وقت كون ع باب بيتك فيك تسألني هاد السؤال.
تخطيته وركبت سيارتي وانا عم فكر وين ممكن تكون خايف لتعمل بحالها شي مو منيح ابقيت لف ولف بس من غير اي جدوه واذا جوالي يرن بسرعه رديت من غير ما بعرف مين .
د.عز الدين: انت وين .
: مين .
د.عز الدين: كمان مو عارف صوتي انا ابوك يا دكتور .
: اعذرني لانه بأزمة سير وماعم اسمع منيح .
د.عز الدين: بلا كثرة حكي انا بالمشفى تعال وبسرعه .
سكر الخط من غير مايسمع الجواب فانجبرت ارجع .. اول مادخلت مكتبه كان باين انه مزعوج كثير .
: خير في شي ليه هيك مزعوج.
د.عز الدين: طبعاً بدي انزعج ابني الكبير فهد كل همه خطيبته ومتى يطلع يطش ويسهر وطول الوقت مجاز وانت ايدي اليمين الك كم يوم مهمل المشفى وطول الوقت برا او نايم أو سرحان والموظفين عم يسرحوا ع كيفهم لا سائل ولا مسؤول.. بدي اعرف شو شاغلك عن المشفى .
: .......
د.عز الدين: طبعا مافي جواب لأنك مهمل .
كنت اسمع ومابقدر جاوب لانه عنجد انا قصرت بحق المشفى .
د.عز الدين: اقعد وخبرني و صار بتجهيزات احتفال التوقيع مع الاتحاد.
: كل شي تمام ومن بكرا رح نبلش تزين وترتيب كل شي .
د.عز الدين: التوقيع بعد بكرا لاتنسى وبدي شي يبيض الوجه .
هزيت راسي : تمام .
د.عز الدين: صحيح لاتنسى تبعث دعوى للمدربين وأشهر الاعبين في البلد .
: كون مطمن كل شي رح يمشي مثل مابدك وأكثر.
اذا جهاز المشفي الي معي عم يرن ..رديت واذا في عملية مستعجله .. وخلال ثواني كنت بغرفة العمليات عم اجري عمليه خطيره كثير بس عقلي وفكري عند راما .
......
سعيد
طول اليل ماقدرت نام لانه مقهور من الدكتور ومعاملته الفظه .. من فجت الضو اخذت اجازة من الشغل لحتى روح طالع راما من المشفى بس وقت وصلت مالقيتها وعرفت انها طلعت .. ووقت وصلت البيت مالقيتها وزمرد ومنال وبنت بدر (سوسو) كانوا عم يستنوا فينا ومن هون بلشت خاف عليها لانه ماعم ترد ع أتصالاتي وزاد اكثر بعد ما أغلق الخط تماما .. كان في مخ براسي وطار ماخليت مكان الا ودورت فيه بس عبث .
وزاد انزعاجي وقت قابلت الدكتور المتعجرف الي كان واقف ع باب بيتها وطنشني وقت حكيت وكمل طريقه كنت بدي اضربه بس وقفتني منال .
قربت الشمس من المغيب وهي لاحس ولا خبر .. فجأه تنط زمرد : عرفت وينا .
ركضت لعندا: لك احكي وين.
زمرد: وقت تضايق بتروح تزور قبر امي .
لسه ماخلصت كلمتها كنت موقف تكسي وطالع .
وصلت المقبره وطلبت من شوفير يستنى نزلت ركض ووقت شفتها حاضنه القبر قلبي رجف من هول المنظر .. مشيت لعندا وهزيت كتفها بس ماتحركت بسرعه لفيتها لجهتي بس شفتها تتنفس ارتحت وعرفت انها نايمه .. حملتها بين ايدي لحد التكسي ... وبعدا وصلنا البيت وضعتها ع سريرها وطلعت استنى لحتى تصحى .
....
(راما)
طلعت من المشفى وتوجهت لأكثر مكان برتاح فيه قبر امي اول ماوصلت بقيت واقفه عم اطلع عليه ودموعي عم تغبش الرؤيا ثواني نزلوا ع خدي دمعه ورا دمعه ما ألحق امسح الي قبلها تلحقها الثانيه وبعدا نزلت عند رجلها وانا عم امسك تراب قبرا وقتها انفجرت بالحكي والبكاء (( يااا امي يومي قرب وأخيرا ربي استجاب لدعائي ورح اجي عندك انت وبابا اااخ شو مشتاقه الكم .. بس زمرد رح تبقى لوحدها بهاي الدنيا والله لساتها صغيرة لحتى تفقد أهلها كلهم اااخ مابعرف شو اعمل خبرها ولا ساعديني يا أمي وخبرني شو اعمل مابدي روح من الدنيا واتركها وحدها )
حكيت حكي كتيررر وقت أهدأ وقت أبكي .. كنت اسمع صوت الجوال مارديت .. مابعرف كم مضى وانا قاعده نفس القعده اتعبت ودخت ونمت فوق قبر ا سبحان الله اجت في المنام وهي واقفه عند شجرت تفاح أخضر والأرض تحتها كله رخام ابيض وقت شافتني أشرت الي لحتى اجي لعندها مشيت ببطء واول ماوصلتها اعطتني حبة تفاح وطلبت مني أكلها وبعدها اطلعت في وهي تضحك مثل الحوريه وحكت الي ( كلي يا أمي ولاتاكلي هم شي كل شي بيد الله واكيد الله مايبعث الا بالخير لهيك اتركي الله يتولى كل أمورك انت وزمرد ) .
وبعدا اصحيت واذا انا في سريري وزمرد عندي اول مافتحت عيوني حضنتني وهي تبكي علي بخوف .. طمنتنا اني بخير ثواني صرخت لسعيد الي دخل بسرعه ومن غير أي تردد حضني وهو يرجف : ماعاد تعيديها لك مت من الخوف ليكون جرا الك شي .
اتنهدت لاني بحاجه لحضنه بس تمالكت نفسي لحتى ما ابكي وابوح بأوجاعي .
قعدنا سوا وخبرتهم انه كنت مشتاقه ل امي لهيك رحت لعندا بس غلبني النعاس ونمت صحيح ماصدقوا حكيي بس مشوها .
بعدا اجت منال وهي حامله سوسو لانه لسه بدر ماروح من شغله قعدت جنبي وبلشنا حكي وبعد فترة اجى بدر أطمن علي وتشكر سعيد ومنال وتفق معهن انه منال رح تكون مربيه لسوسو خلال فترة دوامه وبعدا كل واحد راح لبيته .
تمددت على سريري بهدوء وانا ماسكه الجوال بين أيدي اطلع عليه بذهن شارد بين كل الفوضى الي تحيط بي .. كنت أبحث بيني وبين نفسي عن الطريقه الي تساعدني في ترتيب اموري والاعمال المتراكمه علي .. دخلت زمرد تحكي معي بس ماسمعت شي من الي حكته بس حكيت نعم عن موضوع اجهله وماسمعته..لاحظت شرودي فخرجت من الغرفة واغلقت الباب وتركتني غارقة في حيرتي من الافكار وضائعة في متاهة المسؤوليات ضن منها انه راح نام واخذ قسط من الراحه .
وقت سمعت صوت وصول رساله بسرعه فتحت الجوال كانت رساله من سعيد (بحبك ❤️)
ضحكت وحضنت الجوال وقررت شو رح اعمل بقصة مرضي .
ثاني يوم من الصبح صحيت زمرد وتوجهت ع مدرستها وانا بقيت بالبيت ارتب فيه واذا جوالي يرن كان سعيد يطمن علي وبعدها سكرت الخط وحسيت بصداع بسرعة شربت أدويتي الي كتبها الي د.سيف واذا الباب يندق مشيت بأرهاق لحتى وصلت وفتحته .. استغربت وقت شفتها واقفه ع باب بيتي .
: تفضلي .
دخلت وهي تطلع علي .
قعدت : الحمدالله ع سلامتك أسمعت انك تعبانه .
فرحت بزيارتها لأنها سمعت بتعبي اكيد بتحبني لكن عم تخفي هل شي: الله يسلمك خالتي ام سعيد : اي إرهاق وعم اتحسن .
لوت ثمها: لساتك صبيه وعم تنامي بالمشفى من ورا إرهاق لكان شو بدك تعملي وقت تحملي وتخلفي هاد بدك تنامي بالمشفى اااخ ع حظك يا سعيد من يوم يومك مالك حظ .. لك انا بعمرك كنت مخلفة سعيد ومنال وغير بيت حماي الي قوم من فجت الضو اخبز وأعجن وحطب واهتم بالعيلة من كبيرهم لصغيرهم وعمري ماقلت اخ .. ااه جيل البسكويت انتم .
جرحتني بكلامها بس حاولت اكسبها لصفي لأنها ام الغالي .
: رح جهز الفطور لحتى نفطر سوا .
ام سعيد: لا اقعدي خاف تنكسر أجرك اذا حملتي الأكل لهون .
بلعت ريقي: خالتي ليه تحكي هيك والله اني بحبك .
ام سعيد: وانا بحبك كا جاره مو خطيبة ابني .
: ليش مو حابه هاي الخطبه انا بشو مو عاجبتك .
ام سعيد: لأنك مقطوعة من شجره ومانك متعلمة ومو بجمال لسعيد يقبر قلبي شو حلو وكله شبوبيه ومتعلم عفواً منك انتِ نحيلة كثير ووجهك محفر وكله حبوب .
من شو مخلوقه هل ام سعيد لحتى عندا جرح مشاعر الناس عادي .. لك كلامها مثل السم لهيك ماقدرت الا ارد عليها وفرغ كل الضغوطات الي مريت فيا .
: عفوا خالتي انا بنت من عيلة معروفه ومعروف مين ابي وامي والي اهل وعشيره لهيك مايطلع الك تحكي عني مقطوعه من شجره واذا ع الجمال انا هيك خلقني ربي بهاد الجسم النحيل ولي ع وجهي اكم حبة يطلعوا وقت الحيض وهاد طبيعي وجهي مانه محفر بالعكس صافي واذا ع التعليم انتِ اكثر وحده تعرفي ليه ماتعلمت والي الشرف انه كون عاملة نظافه واكل من عرق جبيني وسمعتي مثل المسك وعن مية زلمه وقت الجد لهيك مارح اسمحلك تحكي معي هيك واتمنى انك تحترميني لاني كنتك.
ام سعيد: اخ موكاسر ظهري غير الكلمه هاي لانه مابدي ياكي كنته الي لك بدي بنت اختي لك تقبرني تقول للقمر انزل وانا اقعد مكانك من جمالها .
: ليه عم تحكي معي روحي ع سعيد وحكيله روح اخطب بنت خالتك لانه الموضوع كله بأيده .
وقفت ام سعيد: اف منك حتى لسانك متبري منك كل كلمه ترديها بعشره.
: برد بس بأدب .
طلعت من البيت وهي تبربر .
اف شو نكدت علي وبكيت غصب عني واذا جوالي يرن رديت بسرعه
: راما .
: اي مين معي .
: كأنه عم تبكي.
: عفوا مين معي .
: د.سيف
: مين؟ كيف جبت رقمي .
د.سيف: مااعتقد تصعب علي .. المهم تعي ع المشفى بدي ياك ضروري لا تتأخري لانه عندي عمليه كمان ساعة .
سكر الخط من غير مايسمع جواب .
تأفأفت : مو ناقصني الا انت بعد ما صبحت بأم سعيد
بدلت ثيابي وطلعت عالمشفى واول ماوصلت مكتبه استأذن الي بدخول
يتبع
تعليقات
إرسال تعليق