تفاح_أخضر بقلم_أمينه (محبة الرحمن ) الفصل الثالث حصريه وجديده على مدونة النجم المتوهج للروايات والمعلومات
تفاح_أخضر بقلم_أمينه (محبة الرحمن ) الفصل الثالث حصريه وجديده على مدونة النجم المتوهج للروايات والمعلومات
(د.سيف)
دخلت مكتبي وقعدت ع الكرسي ورجعت ظهري لورا واذا الباب عم يندق.
بصوت متعب : تفضل.
انفتح الباب ودخل اخي د.فهد وهو يضحك : كيفك خي.
قعد ع كرسي مقابيلي: هلا شو ذكرك فينا .
د.فهد: ههههه حكتلي هديل انك متغير وشكلك بتحب بس ماصدقت الاوقت شفتك كيف عم تهتم بالمريضه وباين عليك الخوف.
رفعت حاجبي: خطيبتك تتخيل اشياء من راسا ومانا موجوده بالحقيقه..قال شو بحب .
د.فهد: بس كأنه تعاملك مع المرضى والموظفين متغير.
: كيف يعني؟
د.فهد: مثلاً المريضه الي كنت عندا طريقة علاجك الها مو مثل باقي المرضه.. ولا لانه الي فترة مجاز حاسس هيك.
اخذت نفس: اول شي انا مثل ما انا مو متغير علي شي .. ثانياً المريضه الي عم تحكي عنا ودوشت راسي فيا من اول مادخلت موظفه هون يعني مسؤوله مني .
في شي ثاني بدك تسأل عنه .
د.فهد: اي .. بعثني ابي لحتى انسق معك لإعلان عن رعاية المشفى لاتحاد كرة القدم.
تضايقت: لسا عم يفكر بالموضوع اف والله بلاله هل شغله المشفى ماشي مثل الفل مافي داعي للمصاريف ولبعزقه.
د.فهد: خي مالك انت ماتعرف انه د.عز الدين مايدخل هيك شي الا يكون دارسه عن ظهر غيب ومدقق بكل كبيره وصغيرة لومافي من وراها فلوس كان مادخل هيك فوته ... ولا تنسى انه تقريباً الشعب كله يعشق كرة قدم من الذكور والإناث وكل ماتش كرة يسمعوا اسم المشفى رح يعلق بعقل الكبير والصغير.. رغم نجاحنا الداخلي والخارجي لازم نعمل هيك اشياء لحتى اسم المشفى ماينتسى.
: اف يكفي محاضرات شو المطلوب مني .
د.فهد: ولا شي بدنا نعمل حفلة صغيرة لتوقيع العقيد مع الاتحاد بس .
: وين بدكم يكون الاحتفال.
د.فهد: قاعة المشفى .
: متى الموعد؟
د.فهد: الخميس .
: ممم بعد خمس أيام تمام رح جهز كل شي وابعث الدعوه للمعنين .. هيك تمام.
د.فهد: ههههه تمام حاسس بدك تقوم تقتلني خي لك هاي أوامر الباشا الكبير .
: قصدك أوامر خالتي .
د.فهد: هي ولا ابي كله واحد .. ياه لساتك مابتحبها.
سكت وانا عم اطلع بعيونه ماعرفت شو جاوبه .
اندق الباب.
: تفضل .
دخلت الممرضه : تفضل دكتور هي صورة للمريضه راما .
اخذتها : شكرا فيكي تروحي.
طلعت .
د.فهد: افتح الظرف ليه ايديك عم يرجفو.
اخذت نفس وتكلمت بجديه: بدي شوف شغلي وانت عم تعطلني يلااا من غير مطرود .
وقف: بتمون خي بدي روح عند هديل واطمن عليها قبل ماروح ونام .
: من بكره الصبح تقطع اجازتك وتبلش دوام .. فيك تروح لانه الساعة واحده بعد منتصف الليل والوقت تأخر .
وهو طالع: بحس انك اخي الكبير مو العكس.
طلع وسكر الباب وانا بسرعة فتحت الظرف وطلعت الصورة ووضعتها على جهاز الأشعه واول ما قع نظري عليها وقفت وانا مو مصدق الي عم شوفه .
.......
(سعيد)
روحت من عند راما وأول ما دخلنا البيت بلشت أمي بالنق:اه مو مخلفه رجال طول بعرض لحتى تسكن في بيت المدام الي لسه ما تزوجت وعاملتك مثل الخاتم بأصبعا ياحيف بس ع تعبي .
منال: يا أمي مافي داعي للحكي هاد وتعملي هيك الوقت تأخر من رأيي تدخلي تنامي وترتاحي والصبح لكل حادث حديث.
غمزتلي منال لحتى بوس راسا وأطيب خاطرها.
بست راسا: اهم شي رضاكي يا أمي ومارح يسير الا الي يسر خاطرك.
: اخ يا سعيد لك بدي طق كيف رح تتزوج وحده مثلها مقطوعه من شجره وفوقها مو حلوة ووجها محفر وجسمها نحيل كثير ووجها اصفر لك كلا صفرا.
اخذت نفس لحتى أهدأ مابدي زعلها.
منال: استغفر الله... صح راما نحيله بس مانا بشعه وشكلها نعوم والحبوب الي عوجها من الإرهاق والتعب والسهر المفروض تفرحي لأبنك لانه اخذ بنت عن مية رجال بنت يتيمه وعم تربي اختا وتعلما وتاكل من عرق جبينا وما حد بالحارة قدر يحكي عليها كلمه لأنها ماشيه صح مو مثل بنت اختك الي كل هما الميك اب والموضه لك هاي بدها ملياردير لحتى يلحق عليها مصاريف.
ام سعيد: بدي روح نام احسلي .. مين بده يدافع عن ست الحسن والجمال غيرك لأنك مثل اخوكي ماكله بعقلك حلاوة .
دخلت تنام .
سعيد: وبعدين والله تعبت .
منال وهي طبطب ع ظهري: لاتزعل منا لانه خالتي اكلت راسا طول الوقت بنتي وبنتي ... اخي جوالك عم يرن.
فتحت خط واذا صوت زمرد عم تبكي: الحقني انا بالمشفى راما اغمى عليها مثل كل مرة .
بخوف: متى وكيف..هلأ ماكان فيا شي .
زمرد: مابعرف نحنا بالمشفى الي تشتغل فيا .
: ثواني بكون عندك.
خبرت منال الي أصرت تيجي معي .. وخلال وقت قصير كنت واقف عند راس راما وعم حسس ع شعرا وهي عم تطلع فيا بعيونا الذبلانه... ومنال وزمرد واقفين قبالها .
راما : مافيا شي لاتخافو بس إرهاق.
بستا ع جبينا: اكيد إرهاق سلامة قلبك يا قلبي.
منال : أحم نحن حنا مالك نزلت الرومنسيه عليك مره وحده ههههه.
زمرد: ههههههه لك توردو خدودا لراما .
واذا يدخل شب بعد ما استأذن ومعه بنت صغيره بحدود السنه وكم شهر : مرحبا ...كيفك اختي راما ان شاء بخير .
راما رفعت حالا وتركت ع السرير : هلا اخي بدر منيحه بعد ماشفتك انت والبطه سوسو .
ضحك: البطه مداومه معي اليوم شفتي ع هاي المصيبه.
راما: يي مو خبريه ليه وين خالتي .
بدر: أمي توفى جوز عمتي فنجبرت تسافر ع القريه وتترك الحلوة عندي .
كانت عم تحكي معه وتضحك ولا كأني موجود بلشت عصب : مين الأخ.
ضحك : اكيد انت سعيد .
عقدت حواجبي : ايه منين تعرفني .
: قد ما حكت عنك اختي راما ودوشتني في سيرتك سعيد سعيد سعيد .. هههه وفوقا معصب بتفكرني عم اسحب حبك منك .
زادت عصبيتي مين هاد إلي عم تحكي معه عني وعن حبنا مين يكون .
مسكت ايدي وبحنيتها وصوتها الهادي: أهدأ حبيبي مافي داعي تغار وتعصب هاد بدر زميلي بالشغل الي حكيتلك عنه انه يهتم فيا مثل اخته .
حكيت راسي بخجل وانا اضحك : ههه انت بدر ..تشرفت بمعرفتك واعذرني اذا ازعجتك بشي .
بلشت البنت الصغيرة تبكي .. حملها بس مارضيت تسكت حاولنا انه نهديها بس نكدت ... واذا يدخل دكتور عيونه حمر مثل الدم ووجهه عابس ومعصب وعم يصرخ: شو الازعاج هاد أطفال داخل المشفى وبنصف اليل كمااان لااااا كتير هيك ... وانت (وجه كلامه لبدر) شو عم تعمل هون في ساعات شغلك .
تلبك وجاوبه بدر: جيت اطمن ع اختي راما.
الدكتور: مانا اختك هي زميلتك واذا بدك تزورا بعد اوقات دوامك مفهوم ... يلا عشغلك.
كان حامل بنته الي عم تبكي وقت مرق من عند الدكتور .. صرخ الدكتور : وقف .. مين هاي الي حاملها .
قبل ليجاوب ...
منال: بنتي .
عم الهدوء...
وكل الانظار عليها وأولهم انا كنت بدي اخنقها كيف بنتك لك شو عم تخبصي.
بدر : اي بنتا كنت بدي قزدر فيا برا لحد مايخلصوا زيارة .
الدكتور رفع حاجبه : حولت وظيفتك من عامل نظافه لبيبي سيتر .
حسيت بدر انزعج وخفت يعمل شي يخسره شغله بسبب وقاحة الدكتور وتكبره.
سعيد : منال خذي بنتك واطلعي فيها برا لحد ما انزل وشكرا الك بدر.
اخذت البنت وطلعت برا وبعدا طلع بدر .
الدكتور بتعجرف: صوتا مزعج وازعج المرضى ( وجه حكيه إلي ) مافي زيارة هلأ فيكم تتفضلوا انت وزمرد وترجعوا الصبح .
رفعت حاجبي : عفوا تحكي معي !
الدكتور: ليه في رجال غيرك ليكون اسمك زمرد .
وقتا فرطت اعصابي هجمت عليه ومسكته من قبة مريول الطب وبلشت اصرخ فيه: احترم نفسك لاتفكرني موظف عندك عم تحكي معي مثل هيك .
مسك ايدي وعيونه مثل الشرار وصرخ: ااامن اااامن المشفى بسرعه تطلعوه برا .
ثواني دخلوا أمن المشفى وطالعوني لبرا وانا عم هدد واتفلت عليه .. وصوت راما وهي تصرخ لك اتركوه .
طالعوني لبرا وزمرد وراي ومنعوني ارجع ادخل لجوا .
اجت منال لجهتي والبت معها : خير اخي شوفي ليه هيك لحشوك لبرا .
حكتلها كل شي صار ... وانا لسا عم اتنفس بسرعه وعم اطلع ع مدخل المشفى .
زمرد: هدي اخي سعيد هاد الدكتور ابن صاحب المشفى د.سيف اكيد راما حكت الك عنه قدي عصبي ونذل مع الكل شكله كان معصب قبل لايدخل الغرفه .
: مين ما كان مايطلعه يحكي هيك معي.
زمرد: لك هو الي اسعف راما من البيت للمشفى .
فتحت عيوني ع الآخر: كيف .
حكت كيف .
عصبت: شو كان يعمل عند بيتكم بهيك وقت .
زمرد: مابعرف.
واذا بدر يطلع من الباب الرئيسي وتوجه لعنا : هدي وامسح وجهك بالرحمن .
اخذت نفس: ع فكره هاد مشفى خاص الزيارة فيه مسموحه في جميع الأوقات.
بدر :هاد الحكي بحال اذا بدك تدفع .. وضع راما والموظفين يختلف لانه عم تتعالج ع حساب المشفى وانت اعرف كيف بالحاله هاي يستعبدو الموظف على كل قرش يدفعوه عليه .
اهديت: اكيد راما انزعجت هلأ ومو ناقصها ... رح اتصل فيها .
زمرد : للأسف جوالها معي .
منال : من رأيي نروح والصبح نرجع .
بدر : اعطيني اياها للصغيرة وشكرا الك ع الموقف الي عملتيه جوا .
قاطعته: روح شوف شغلك والبطه رح روحها معنا ووقت تخلص الشغل تعال خذها .
بدر: لا خاف ازعجكم لانه رح روح ع العشرة المسا لبكرا.
منال وهي حاضنيتها: مو مشكله اصلا انا واياها صرنا صحبه ياحبيبتي شو نعومه .
ضحك مراد بحنيه : شكرا الكم .
سعيد هي رقمي رن وقت تخلص لحتى اعطيك العنوان .
وبعدا روحنا .
......
(راما)
......
كنت عم اصرخ لك اتركووووه .
اصرخ كأنه صوتي مو مسموع .. لحظات فضيت الغرفه ومابقي الا انا و د.سف بسرعه سحبت المغذي والابرة من ايدي وقفزت عن السرير وانا معصبه ولوح بأيدي : كيف تعمل هيك مع خطيبي مايطلعلك تصرخ وتطرده ..انت واحد نرجسي متكبرررر لك مافيك شيم الرجال .
احكي وهو ساكت ويطلع فيا كأنه مو سامعني .
زادت عصبيتي ضربته كف : حكت الي زمرد انك انت اسعفتني لهون بس بدي اعرف شو كنت تعمل عند بيتي بنص الليل وبحارة مثل حارتي مو قد المقام يا ابن الاكابر وشو جابرك تحملني وتسعفني مع اني جاهلة مو متعلمه يا بروفسور زمانك .. لك خلص طقت روحي منك وماعاد اتحملك اكثر من هيك ماعاد بدي الشغل الي عم تذلني فيه وفوقها مسامحتك مابدي منك باقي راتب لانه كرامتي أغلى شي عندي.
تركته ومشيت لجهة الباب وانا لسه بغلي ونط مثل حبة الفوشار .. قبل ما افتح الباب اخذت نفس ورجعت لعنده وهو لسه واقف ورفعت اصبعي وانا بطلع بعيونه : لا مو مسامحتك بباقي الراتب لانه تعبي وشقاي لهيك رح اخذهن من تحت شاربك .
بلشو عيونه يدمعو ..
وثمه ترجف...
بل كل جسمه...
اخذ شهيق..
وزفر الهوا فيه حرارة عن بعد أمتار تحس فيه..
حسيت مكركب و في شي وشي كبير..
بس اكيد مابيخصني لانه مابعنيله بشي .
هديت ورجعت خطوتين لورا وانا لسه بطلع بعيونه ..
عيونه؟ اه صحيح ليه عم يطلع فيا بحزن لا قصدي شفقه بس ليش يشفق علي.. يمكن لاني يتيمه ؟ طيب طول الوقت يعاملني بقسوة لا مو منشان هيك .. او يمكن لأني مريضه اه صح انا هون بالمشفى ولسه ماعرفت مالي ..
زادت دقاتي قلبي وملامح وجهي المنفعله تحولت لتساؤلات ..
لحظه كأنه فهم ع نظراتي .
لهيك بلع ريقه واخذ نفس احر من الي قبله ..
من غير اي مقدمات مسك ايدي بحنيه وشد عليها ..
خفت ..
عضيت ع شفتي ..
حركت راسي بلاااا..
بصوت مبحوح حكيت : لاتحكي كل مخاوفي من السنه الماضيه لحتى ما افحص عن سبب اغمائي والمشاكل الثانيه سببها يكون المرض هداك ...
شهقت ووضعت أيدي ع ثمي وعيوني لسه متعلقات فعيونه وعم يترجوه لايحكي انه فيا هداك المرض المميت.
بس مثل العاده خذلني وزاد حمرار عيونه وهز راسه بنعم .
بقيت اطلع فيه بدي ينكر مو يهز راسه بنعم .
بسرعه رفعت رجلي لحتى اقدر سكر ع ثمه لحتى مايحكيها .. ماقدرت كان طويل مثل الجبل بسرعه سحبت الكرسي الي وراي وطلعت عليه لحتى صرت أطول منه .. حنيت ظهري وسكرت ع ثمه وزفير نفسه يضرب بأيدي مثل اللهيب .
بترجي ودموعي ينزلوا : لاتحكيها الله يخليك مو منشاني منشان زمرد كيف رح تعيش لوحدا .
حسيت فيه وقت رجف كل جسمه وبعدا بلش يتمالك نفسه ثواني وقف د.سيف الي اعرفه .. شال ايدي وحملني من خصري ونزلني وحكي بجديه : للأسف حقيقه مافي مهرب منا كل الأعراض الي عم تصير معك ونتيجة الصوره اثبتت بوجود ورم وللأسف خبيث لكن لحتى نتأكد رح ناخذ خزعه الصبح .
هههههه حكاها عادي في ورم خبيث اخ شو انك انسان مجرد من المشاعر متل غصن انسلخ عنه لحائه ..مافي بقلبك شفقه عادي دجها بوجهي هيك .
سكتت لثواني وبعدا ابتسمت وبعدا قهقهت وبعدا ضحكت صوت ضحكي ملأ كل المكان 💔.
.......
كان كل شيء يدعو للبكاء..
كُنت اضحك بشده حتى كاد قلبي ان يتوقف عن النبض والحياة .
يتبع
تعليقات
إرسال تعليق