رواية أنا قبيحه الفصل الثالث والرابع بقلم نور الشامي حصريه وجديده على مدونة النجم المتوهج للروايات والمعلومات
 |
رواية أنا قبيحه الفصل الثالث والرابع بقلم نور الشامي حصريه وجديده على مدونة النجم المتوهج للروايات والمعلومات
نظرت جميله بصدمه وصرخ الجميع عندما وجدو السياره تقترب من جميله وهي متجمده مكانها وفجأه قبل ثواني من اصتدام السياره بها سحبها احدي الاشخاص ووقع فوقها وهو يضع يده تحت رأسها حتي لا تصتدم في شئ ففتحت جميله عيونها وانصدمت عندما وجدت أنس هو من انقذها فأنتفضت من مكانها ونظرت الي زهره ثم تحدثت مردفه: انتي بتعملي معاايا اكده لييه… اذا هو مهربش بتجولي اكده لييه
نظرت زهره اليهم بتوتر ثم تحدثت مردفه: والله كان هرب… اخوي مش انت هربت؟!
انس بحده: ولما انا هربت موجود هنا ازاي دلوقتي انا قاعد اهه لا هربت ولا اتنيلت لو عايز اهرب مكنتش اتجوزتها من الاصل
نظرت زهره اليه بصدمه فهي سمعته بأذنيها ورأته وهو يذهب بالسياره مع صديقه فتحدثت يسرا بغضب مردفه: مش هتبطلي حركاتك دي بجااا… مرت اخوكي كان ممكن يوحصلها حاجه بسببك وبسبب تفاهتك
اومات زهره راسها بضيق تم التزمت الصمت فنظرت يسرا الي يد أنس وتحدثت بلهفه مردفه: أنس ايدك اتجرحت يا حبيبي تعالي نروح المستشفي
نظر أنس الي يده وتحدث مردفه: لا مفيش داعي… هو مش الفرح خلص كده صح
أدم بضيق صديقه : أنس انا هروح اشوف اوتيل او هقعد عند حد من اصحابنا وبكره هكلمك
أنس: لا انت اقعد عندنا ونبقي نشوف موضوع الاوتيل دا بعدين
يسرا بابتسامه: ايوه يا حبيبي اجعد معانا دا صفوان هيفرح جووي انت عارف هو بيعتبرك زي انس
ادم: حاضر
بعد فتره انتهي الزفاف وذهب كلا منهم الي بيته وودعت وصال اختها بالدموع اما عند أنس كان يقف مع ادم في الغرفه المخصصه له فتحدث أنس بضيق مردفا: فعلا لو مكنتش رجعت كان ممكن يحصلها حاجه
تنهد ادم ثم تذكر فلااش بااك
كان يقود سيارته وبجانبه ادم الذي يتحدث مردفا: يا أنس حرام… مكنتش وافقت من الاول يا ابني البنت انت بتقول الكل بيتريق عليها تعرف هيعملوا فيها اي لما يعرفوا انك هربت
أنس بضيق: تفتكر ممكن يقولوا ان هي السبب؟! انا عارف مجتمع معفن
ادم: اكيد يا انس… فكر تاني
انس بلهفه: يلا نرجع بسرعه
القي انس كلماته ثم التفت بالسياره ورجع مره اخري
فلااش باااك
ادم: الحمد لله… بس ادم اختك لازم تطلع مراتك من دماغها شويه حرام البنت شكلها غلبانه وكده هيحصل مشاكل كتير
انس بضيق: انا هتصرف معاها.. يلا نام انت وارتاح وانا هروح انام
اما في غرفه جميله كانت تقف تنظر الي نفسها في المرأه وهي تتذكر كلمات والدتها ووالدها والجميع وهم يقولون ان شكلها سئ وانها غير متعلمه وكل الصفات السيئه تجتمع بها فنظرت الي الغرفه والي شهادات التقدير الموجوده في الغرفه وجهاز الرياضه وصور أنس التي تنتشر في جميع الغرفه فهو حقا وسيم بطريقه مخيفه كيف سيكون نظرات الناس لها وهم يرون انها قبيحه وغير متعلمه وسمينه وتكون زوجه أنس الشاب الوسيم الرياضي المتعلم والحاصل علي اعلي الشهادات.. جلست جميله علي الفراش وهي تتنفس بصعوبه وتبكي بشده حتي سمعت صوت خطوات قادمه فنهضت بسرعه ومسحت دموعها وغسلت وجهها وجلست بهدوء فدخل أنس ونظر اليها وتحدث مردفا: انتي هتنامي بالفستان ولا اي
جميله بتوتر: اهلي مجابوش كل هدومي.. والهدوم ال اهنيه مش هعرف البسها
اقترب انس من الخزانه فوجد جميع ملابسها كاشفه اكثر مما تستر وجميعها ملابس نوم فذهب الي خزانته واخذ بيجامه له ثم تحدث مردفا: البسي هدومي لحد ما اهلك يجبولك بقيت الهدوم او ابقي انزلي مع ماما اشتري الهدوم ال انتي عايزاها
اخذت جميله البيجامه وذهبت لترتديها وعندما خرجت انصدمت عندما وجدت أنس ممدد علي الفراش عاري الصدر ويرتدي سروال رياضي فقط فأنتبهت الي يده المجروحه واخذت حقيبه الاسعافات الاوليه ثم وضعتها امامه وتحدثت بأحراج مردفه: ايدك لازم تتعالج
رفع انس نظره اليها وابتسم تلقائيا عندما وجدها ترتدي ملابسه ولكنه انتبه لهذه الجروح التي تملئ رقبتها فاقترب منها وازاح الملابس قليلا عنها ووجد كتفها ايضا به جروح وجاء ليكشف عن باقي جسدها ولكن مسكت جميله يده باحراج وتوتر وخوف وتحدثت مردفه: لع…. لو سمحت
لم يستمع أنس اليها وكشف عن جسدها وانصدم عندما وجد ظهرها يمتلئ بالجروح فغطت جميله جسدها وجاءت لتذهب ولكن مسك يديها وتحدث مردفا: ليه كل دا؟! دي اثار ضرب ولا دا كمان من الوقعه ال كانت علي السلم؟! انتي مين عمل فيكي كده
جميله بتوتر: محدش عمل حاجه انا ال وقعت من علي السلم.. ممكن انام بجا لو سمحت
اشار أنس الي الفراش ثم تحدث مردفا: اتفضلي نامي علي السرير وانا هنام علي الكنبه
نظرت جميله اليه بعدم فهم لماذا لم ينام بجانبها علي الفراش…ولكنها لم تسأل وذهبت للنوم اما عند انس فجلس لبعض الوقت وبعدها ذهب للنوم وفي صباح اليوم التالي كانت وصال تتحدث بضيق مردفه: لع يا ماما لازم نروح بحاجات مينفعش اكده اهل جوزها يجولوا علينا اي
نبيله بحده: اروح اجيب حاجات ولما تتطلج مين هيرجعها تاني
تنهدت وصال بضيق وحزن ثم تحدثت مردفه: طيب انا هنزل استناكم تحت واشوف تاكسي لحد ما تلبسي
القت وصال كلماتها ثم ذهب واشترت بعض علب الحلويات والشوكلاته واخذت ملابسها الجديده من الخزانه ووضعتها في حقائب للهدايا ووضعتهم في التاكسي بدون علم والدتها اما في بيت أنس كانت زهره تقف في الاعلي تنظر الي ادم وهو يركض بجانب البيت حتي وجدت التاكسي يقف عند باب البيت فتنهدت بضيق وعرفت انهم اهل جميله اما في الاسفل نزلت
نبيله من التاكسي وتحدثت وصال مردفه: ماما ادخلي انتي وانا هحاسب التاكسي واجي
دخلت نبيله وانتظرت وصال حتي اختفت والدتها ففتحت شنطه السياره ووجدت ادم يدخل الي البيت فتحدثت مردفه: هو انت حارس اهنيه
نظر ادم اليه بضيق ثم تحدث مردفا: لا انا صاحب انس هو شكلي حارس
وصال بتوتر: اسفه بالله عليك ممكن تساعدني ادخل الحاجات دي جوه من غير ما ماما تشوفها انا ابجي وصال اخت جميله
ادم بأستغراب: اوك هاتي
اخرجت وصال الحقائب من السياره وادخلها ادم فتحدثت مردفه: حسابك كام يا اسطي؟!
السائق: 100 جنيه
وصال بفزع: نعم؟! 100 جنيه اي هو انا جايه من المريخ دا هما خطوتين
السائق بضيق: انتي خديتيني واشتريتي الحاجات دي وبعدين رجعنا بيتك وبعدين جينا اهنيه تاني
نظرت وصال الي حقيبتها ولم تجد سوي 30 جنيها بسبب الاشياء التي اشترتها فوقفت في حيره حتي وجدت ادم يعطي للسائق الحساب فنظرت اليه بأحراج ثم تحدثت مردفه: خد دول 30 جنيه وهروح اجيبلك الفلوس
ادم بضحك: اعتبريهم هديه مني هو اي ال هتروحي تجيبي الباقي
وصال بلهفه: لع والله لهروح اجيبهم واجي
وضعت وصال النقود في يده ثم ركضت بسرعه وبعثت رساله لاختها انهم في الاسفل وانها تحتاج 70 جنيها للضروره اما عند جميله ابدلت ملابسها وكانت جالسه علي الفراش تنتظر خروج انس من الحمام حتي خرج وهو يعدل ملابسه ويتحدث مردفا: منزلتيش ليه مش قولتي اهلك تحت
تنهدت جميله باحراج ثم تحدثت مردفه: انا… انا عايزه 70 جنيه
التفت أنس اليها ثم تحدث بأستغراب: اشمعنا 70 جنيه
جميله بأحراج: عايزاهم ضروري جووي والله
نظر انس اليها بعدم فهم ثم اعطاها الفيزا الخاصه به وتحدث مردفا: خدي ال انتي عايزاه
نظرت جميله بضيق ثم تحدثت مردفه: لع انا مش عايزه البتاعه دي عايزه فلوس
فتح انس محفظته ثم اخرج 400 جنيها وتحدث مردفا: مش معايا غير دول علشان لسه مسحبتش فلوس خديهم
اخذت جميله 200 فقط ثم شكرته ونزلت الي الاسفل واعطت لاختها النقود بدون ان يراها احد وجلست مع والدتها ويسرا وزهره وبعد فتره نهضت نبيله ووصال وصعدوا معاها الي غرفتها فتحدثت نبيله مردفه: ها اي ال حوصل
جميله بتوتر: مش فاهمه
نبيله بحده: اي ال حوصل يا بت انتي عملتوا اي امبارح
جميله بارتباك: معملناش حاجه يا ماما نمنا… انا نمت علي السرير وهو علي الكنبه
نبيله بعصبيه: مش جولت والله ما هي نافعه.. جسما بالله العظيم ما انتي نافعه ولازم تطلجي… يعني اي مفيش حاجه حوصلت وكل واحد نام في مكان للدرجادي مش طايج يبص في وشك… كنت عارفه ان فيه سبب وانه مستحيل يبص لواحده زيك.. انتي مش شايفه نفسك تخينه وشكلك زي الزفت ووحشه.. انا ازاي خلفت بنت وحشه اكده زيك
وصال بحزن: خلاص بجا يا ماما حرام عليكي بلاش تكسري بخاطرها اكده يوم الصباحيه
نبيله بسخريه: صباحيه اي وزفت اي هي دي وش جواز ولا صباحيه شوفي شكلها
مسكت نبيله جميله من وجهها بغضب وهي تتحدث مردفه: دا منظر واحده تتجوز واحد ابن ناس وغني دي اخرها تروح تتجوز واحد شبهها واهه حتي الجواز مش نافعه فيه و
لم تكمل نبيله كلماته وفجاه احد سحب يديها بقوه من علي وجه جميله فنظر ووجدوا يسرا هي من تمسك يد نبيله وتنظر اليها بغضب مردفه: انتي اي ال بتعملييه دا… ازاي اصلا تسمحي لنفسك تكلميها اكده
نبيله بضيق: دي بنتي وانا بنصحها
يسرا بعصبيه: هي اهنيه مرت ابني وانا مشهسمح لحد يعامل مرت ابني اكده حتي لو كانت امها.. انتي اصلا امها؟! يعني انتي بجد ام؟! انا كنت مصدومه وانا بسمع كلامك دا اصل مستحيل يكون فيه ام تعمل اكده في بنتها
نبيله بغضب: بنتي واعمل معاها ال يعجبني اضربها اجتلها اشتمها انا حره انا بنصحها بدل ما هي شبه البومه اكده
يسرا بصراخ: بس بجاااا…. بس متجوليش اكده حرام عليكي.. حرام عليكي بلاش تجولي اكده
كانت جميله تنظر اليهم بخوف وهي تبكي بشده حتي قاطعها صوت والدتها وهي تمسك يديها وتتحدث مردفه: المكان ال امك مش هيحترموها فيه مش هتكوني موجوده فيه
نظر الجميع اليها بصدمه ثم تحدثت وصال مردفه: ماما بالله عليكي اي ال بتجوليه دا
لم تهتم نبيله لكلام احد وسحبت جميله بقوه خلفها وهي تبكي وتتحدث مردفه.: طيب استني يا ماما البس الحجاب… استني بالله عليكي
زهره بحده: هو اي ال بيوحصل دا
جميله ببكاء شديد: سيبيني يا ماما بالله عليكي.. طيب هلبس الحجاب هطلع اكده ازاي
سحبت زهره حجابها بسرعه ثم وضعته فوق راس جميله وتحدثت بغضب مردفه: انتي واخداها اكده ليييه اي الغباء دا
لم تهتم نبيله لاحد وجاءت لتخرج من البيت ولكن وجدت انس وادم امامها فتحدث انس مردفا: في اي… انتي بتعيطي ليه وانتي ماسكاها ليه بالطريقه دي
نبيله بعصبيه: بنتي وهرجعها معايا تاني
أنس بهمس لأدم: لما اشتمها دلوقتي وامسح بيها الارض هيقولوا عليا قليل الادب صح؟!
ادم بضيق: صح
اقترب انس منها ثم بعد يد نبيله عن جميله وتحدث مردفا: دي مراتي… ومراتي مينفعش تطلع من البيت غير بأذني ولا حضرتك فاكره ان علشان متربي بره مصر طول عمري هبقي راجل بقرون ومش هعرف احكم مراتي
نبيله بحده: دي بنتي واخدها براحتي
انس بصوت اعلي: ودي مراتي وانا الوحيد ال اقول تمشي امتي وتروح فين ومع مين وبلاش تعلي صوتك علشان انا اكيد هعلي صوتي اكتر منك والناس هتقول عليا قليل الادب علشان بتعدي حدودي مع الاكبر مني… وانا للاسف مش هسمع كلامهم وهقلل من احترامك علشان حضرتك ال هتخليني اعمل كده فياريت تتكلمي وتتعاملي مع مراتي بأحترام فاهمه
نظرت نبيله اليه بغضب ثم وجهت نظرها الي جميله وتحدثت بعصبيه: هترجعي معايا ولا لع؟!
صرخ انس في وجهها بغضب مردفا: مش بمزاجها ولا بمزاجك… دا بمزاجي انا.. حتي لو هي قالت اوك هرجع مش هرجعها هو احنا بنلعب
القي انس كلماته ثم سحب جميله وصعد الي الاعلي فذهبت نبيله وهي تشعر بالغضب الشديد وخلفها وصال اما في الاعلي كانت جميله تبكي بشده وانس امامها حتي اقترب منها وتحدث مردفا: اهدي وقوليلي اي ال حصل
جميله بأنهيار: ال حصل اني وحشه… دي سبب مشكلتي ان شكلي وحش وكل حاجه فيا غلط واني فاشله.. طيب اعمل اي هو انا اختارت شكلي والله العظيم حاولت كتير جووي اغير من نفسي ومن شكلي بس مش بعرف.. انا عارفه اني وحشه بس اعمل اي…هو ذنبي اني وحشه كلهم بيجولوا عليا اكده وان ازي واحد زيك يتجوزني… انت متجوزني لييه جولي الحقيقه بالله عليك بلاش تعيشني في وهم وخلاص انا هقبل الواقع جولي انت متجوزني ليه
نظر انس اليها ثم تحدث بضيق مردفا: علشان كنت فاكر انك هترفضي وقولت لو قبلتوا هفركش الخطوبه بس كملتها ويوم الفرح فعلا انا كنت هسافر بس رجعت تاني انا مش بحبك وعارف اني مش هحبك ومش عايز اخدعك او اعيشك في وهم بس هساعدك.. اي حاجه عايزه تعمليها هساعدك فيها وشهرين ونتطلق.. انا مش عايز اعيش هنا ولا اعيش معاكي كزوج وزوجه طبيعين
جميله ببكاء وصدمه: علشان انا وحشه صوح
أنس بضيق: لا غلط انتي بالنسبالي مش وحشه.. الجمال دا بيبقي نسبي بين شخص والتاني اختك حلوه وجميله بس انا شايفك انتي احلي بالنسبالي كل واحد بيشوف الجمال علي حسب نظرته هو مش علي حسب الشخص اذا جميل او لا انا مشكلتي معاكي مش شكلك ولا اي حاجه بس انا فعلا مش هعرف اعيش هنا ولا معاكي وبقولك الحقيقه اهه
جميله بانهيار: محدش عايزني كل الناس بتكرهني وبتجول عليا فاشله ووحشه لا ام ولا اب ولا الناس ولا حتي جوزي كل الناس مش بتحبني و
لم تكمل جميله كلماتها وفجأه وجدت أنس يفقد توازنه ويقع علي الارض مغشي عليه فجأه ووو
الفصل الرابع
انصدمت جميله عندما وجدت أنس فاقد وعيه علي الارض فأقتربت منه وتحدثت بخوف ولهفه مردفه: أنس جوووم.. انس في اي… انس
دخلت زهره علي اثر صوتها وخلفها أدم الذي اقترب منه وتحدث بلهفه مردفا: أنس ماالك
زهره بعصبيه ولهفه: عملتي اي في اخوووي… أنس
اخرج أدم جهاز صغير وبعد دقائق تحدث بهمس مردفا: السكر عالي روحي هاتي الابره بسرعه
نهضت زهره بسرعه واحضرت العلاج فتحدثت جميله بلهفه مردفه: هو اي الابره دي وفي اي انا مش فاهمه حاجه هو زين
أدم بقلق: متخافيش هو كويس خالص اهه
نظرت جميله اليه ووجدته يفتح عيونه فتحدثت بلهفه مردفه: انت كويس… حوصلك اي. انا السبب والله ما هعمل حاجه تاني ولا هزعلك تاني
زهره بعصبيه: زعلتي اخووي في اي انا عارفه ان انتب هتبجي السبب في كل المشاكل ال هتوحصل اهنيه
نظر ادم اليها بضيق فنهض أنس بتعب ثم تحدث مردفا: انا همشي عندي شغل… ومش عايز وجع دماغ يا زهره ملكيش دعوه بجميله لو هتفضلي بتعامليها كده يبقي تبعدي عنها
القي أنس كلماته ثم ذهب مع ادم اما عند وصال كانت تجلس في الغرفه تشعر بالضيق وهي تتذكر كلمات والدتها لجميله حتي سمعت صوت صراخ في الاعلي فخرجت ووجدت والدها يتحدث بعصبيه مردفا: انا هتصرف معاها ازااي متسمعش كلامك وتفضل هناك بعدكل ال حوصل دا
وصال بحده: يمكن علشان دا جوزها مثلا؟! دا جوووزها تسمع كلام مين وبعدين يا بابا ما اهل ماما لما كان بيوحصل حاجه كانوا بيجيوا وانت بتشتمهم وتهين بكرامتهم الارض وتجولهم مش هتمشي معاكم بالعكس بجا أنس معملش اكده دا كلم ماما بكل احترام
دياب بعصبيه: يعني انا مش محتررم…. بجيت دلوجتي انا ال مش محترم
وصال بضيق؛: انا مجولتش اكده بس سيبوا اختي فر حالها بجا بالله عليكم انتوا بتعملوا اكده ليه
نبيله بحده: وصال ملكيش صالح انتي بكل ال بيوحصل سيبينا نتصرف مع البنت دي براحتنا
صرخت وصال بغضب شديد في وجههم مردفه: البنت دي تبجي اختي… اختي ال كلكم عذبتوها ومسحتوا بيها الارض حرام عليكم انتوا بتعملوا معاها اكده ليه هي مش دي بنتكم والله بدأت اشك ان دي مش بنتكم
نبيله بعصبيه: لع بنتنا بس فاااشله ووحشه ومهمله ومش نافعه في حاجه طول عمري كنت بحلم ان بنتي الكبيره دي تطلع مهندسه وتبجي حلوه وتتجوز احسن جوازه في البلد بس احتك هربتلي كل احلامي حتي الحاجه الوحيده ال اتحققت وهو جوازها.. مشكوك فيه واحتمال تطلج في اي وجت
وصال بحده: وهي ذنبها اي… ذنبها اي في كل دا… رنا هو ال بيختارلنا شكلنا مش احنا وكل واحد حلو بطريقته ما فيه ناس ملكات جمال وشخصيتهم زي الزفت ومحدش بيحبهم
دياب بعصبيه: بس بجااا اخرسي انتي اصلا بجيتي تعلي صوتك علينا وتتكلمي وشكلك اكده اتعلمتي من اختك
وصال بحزن: والله ياريت الدنيا كلها تبجي زي اختي.. اختي ال عمرها ما رفعت صوتها عليكم وفي الاخر عايزين تخربولها حياتها بسبب انانيتكم و
لم تكمل وصال كلماتها وفجأه تلقت صفعه قويه علي وجهها وسحبها ابيها من شعرها وتحدث بغضب مردفا: هتخرسي ولا اكمل ضرب فيكي انا بحبك مش عايز اتعصب عليكي اكتر من اكده فااهمه
القي دياب كلماته ثم القاها علي الارض وذهب فنهضت وصال وركضت الي غرفتها بسرعه واغلقت الباب واتصلت بجميله وهي تبكي بشده اما في الجهه الاخري عند جميله كانت تركض بسرعه علي السلالم وهي تتصل بأنس لتخبره انها ستذهب لأختها ولكنه لم يجيب فنظرت زهره اليها وتحدثت مردفه: في اي وبتعيطي لييه
جميله ببكاء شديد: انا رايحه لاختي بالله عليكي جولي لأنس علشان مشبيرد عليا وماما مش اهنيه اجولها
زهره بضيق: رايحه ليه انتي هبله بعد ال امك عملته رايحه؟!
جميله ببكاء: هما ضربوها بالله عليكي بلاش تعانديني المرادي وجوليليه اني مشيت لازم اروح اطمن عليها والله
زهره بضيق: خلاص روحي السواج بره خليه يوصلك وانا هجوله
اخذت جميله حقيبتها وجاءت لتذهب ولكن فجأه شعرت بدوار شديد وفقدت وعيها فصرخت زهره واقتربت منها بلهفه مردفه: يا لهوووي… جميله ماالك… ياحرااااس
دخلوا الحرس بسرعه واحضروا السياره وذهبوا الي المستشفي واتصلت زهره بوالدتها ووالدها وأنس لكنه لم يجيب اما في المستشفي كانت زهره ويسرا وصفوان يقفون بخوف حتي خرج الطبيب وتحدث مردفا: السكر كان عالي جدا بس ظبطناه لازم تاخد بالها من اكلها ومن الرياضه طبعا وبلاش تتوتر كتير المفروض تكونوا عارفين ان اي ضغط هيتعبها
يسرا بصدمه: بس هي مكنش عندها السكر ياحكيم
الطبيب: للاسف هي جالها السكر انا كنت فاكر انه عندها… لو كده بقا يبقي هكتبلكم الاكل ال المفروض تاكله وكل حاجه تعملها وعموما السكر بقا مرض العصر مش خطير طول ما احنا محافظين علي اكلنا والادويه والرياضه
صفوان بابتسامه: شكرا يا حكيم ان شاء الله هننتظم علي كل تعليماتك
الطبيب: العفو يا حج صفوان الف سلامه عليها
القي الطبيب كلماته ثم ذهب فتنهدت زهره بضيق وتحدثت مردفه: كمان تعبانه
نظرت يسرا اليها بغضب ثم دخلت الي الغرفه مع صفوان وبعد فتره في البيت جلست جميله بتعب وهي تتحدث بدموع: انا اسفه
يسرا بحزن: اسفه علي اي يا حبيبتي
جميله بدموع: اني بجيت تعبانه كمان
يسرا بحزن: استغفر الله العظيم دا أمر ربنا يا حبيبتي اي ال بتجوليه دا؟!
جاءت جميله لتتحدث ولكن قاطعها دخول وصال وهي تحضنتها وتتحدث بدموع مردفه: جميله حبيبتي انتي كويسه يا جلبي… بصي متفكريش في التعب دا تمام فيه اطفال عندهم سكر وعايشين وزي الفل اهه
ابتسمت جميله ومسحت دموعها وجاءت لتتحدث ولكن التزمت الصمت عندما نظرت اليها والدتها بغضب ثم تحدثت مردفه: السكر؟! كمان جاالك السكر يا فرحتي بيكي انتي اكده مبجتيش تنفعي في اي حاجه نهائي وبتجولي عادي هو اي ال عادي
وصال بدموع: يا ماما انتي بتجولي اي حرام عليكي بدل ما تحضنيها وتجوليلها متزعلش انتي بتعملي معاها اكده ليه
زهره بحده: علشان اختك اكده لو خلفت هتجيبلنا ولاد عندهم نفس المرض مش كفايه مستحملين شكلها ومنظرها كمان هنستحنل مرضها و
لم تكمل زهره كلماتها وفجأه قاطعها صوته الحاد وهو يتحدث مردفا: اي الفرق يا زهره ما انا كمان عندي السكر وقبلها بكتير وعايش وبعمل رياضه وناجح في شغلي وبمارس حياتي طبيعي ويمكن طبيعي اكتر من ناس تانيه كتير
نظرت زهره اليه بتوتر وحزن ثم تحدثت مردفه: أنس!!!
أنس بعصبيه: بلا انس بلا زفت علي دماغك… انتي بتعايري مين.. بتعايري جميله ولا اخوكي
زهره بدموع: لع والله يا اخوي مستحيل اجول عليك اكده انت عارف.. اعايرك اي بس
أنس بحده: في الحالتين مش هتفرق يا زهره اذا كنت انا او هي فأنتي ضايقتيني انا اكتر وكل كلامك دا ليا مش ليها
زهره بدموع: لع والله يا أنس
أنس بضيق: انا كمان عندي السكر.. معرفش اذا اهلك عرفوكي ولا لا بس بابا قال لأبوكي من قبل ما ادخل بيتكم علشان احنا مش بنخدع حد وحاجه تانيه ليكي يا حجه نبيله.. انا مستحيل امنعك تشوفي بنتك ببس اقسم بالله العظيم لو اتجرأتي تاني واتعديتي حدودك مع مراتي مش هسكتلك ومش هسكت لأي حد يغلط مع مراتي
نبيله بعصبيه: مراتك دي تبجي بنتي جبل ما تكون مراتك
أنس بحده: بنتك.. بس انا دلوقتي المسؤول عنها.. انا ال اقول تكلم مين وتشوف مين وتعمل اي انا بس ال هي هتسمع كلامه فعلشان متعداش حدودي معاكي ياريت بلاش تتعدي حدودك مع مراتي
نظرت نبيله الي جميله بغضب وتحدثت مردفه: يلا يا وصال وولا انا ولا انتي لينا علاقه بالبنت دي تاني
جميله بصدمه: لع يا ماما انتي بتجولي اي
نبيله بعصبيه: بجول تاني… هتيجي معايا ولا هتجعدي اهنيه وملكيش اهل
وصال بلهفه: لع يا ماما انا مليش صالح بال بتجوليه دا
نبيله بعصبيه: لا اخت ولا اهل هاا هتجعدي اهنيه ولا هتيجي معايا
أدم بحده: هو اي ال انتي بتعمليه دا… انتي بتعملي معاها كده ليه
يسرا بعصبيه: انتي بجد اتعديتي حدودك جووي
نبيله بحده: هتيجي معايا ولا هتفضلي اهنيه
نظرت جميله الي انس ببكاء ثم تحدثت مردفه: هاجي معاكي
القت جميله كلماتها وجاءت لتذهب سحبها أنس اليها بغضب وتحدث مردفه: مش هتمشي من هنا مش بمزاجك
نظرت نبيله اليهم بغضب ثم سحبت وصال من يديها وتحدثت بعصبيه مردفه: يلا ملكيش اخت
وصال ببكاء: ماما سيبيني بالله عليكي… سيبيني
جميله ببكاء: أنس سيبني بالله عليك.. مش هتخليني اشوف اختي تاني.. سيبني
وصال بصراخ: ماما بس… سيبيني
لم تستمع نبيله اليها واخذتها وذهبت وسط بكاءها وايضا سحب أنس يد جميله وصعدوا الي الاعلي ودخلوا غرفتهم واغلق الباب فتحدثت ببكاء مردفه: مش هشوف اختي تاني.. مش هشوفها تاني
صرخ أنس في وجهها بغضب مردفا: بس بقاااااا… بس زهقتيني انتي مش بتعرفي تعملي حاجه غير العياط… هتفضلي تعيطي طول حياتك.. سايبه الكل بيهزءك وبيشتمك وبيقلل في ثقتك وبيبهدلك… سايبه كل الناس تغلط فيكي وانتي قاعده مكانك مش بتعملي حاجه هتفضلي لأمتي كده… بس فالحه في العياط… مفيش شخصيه والثقه صفر والطموح صفر والاراده صفر… انتي عاايشه لييه علشان تعيطي وتتهاني وتتشتمي من كل الناس….. اي المشكله لما متجبيش مجموع طب فيها اي يعني ما انا متخرج من كليه تجاره وجايب فيها امتياز واتعينت معيد وبعدها روحت اشتغلت في شركتي ال انا عملتها وكبرت شغل اهلي اكتر وكنت جايب 95٪ في الثانوي مش فاشل يعني هو لازم ادخل يا كليه قمه يا اقعد؟! جالي السكر وانا
عندي 15 سنه وكنت بتعب واقوم واصحي واقاوم ولعبت رياضه ودخلت بطولات في السباحه والكارتيه انا مش هقعد استسلم للمرض والتعب والفشل وعلي فكره انا مكنتش كده انا كنت اكتر من 100 كيلوا بس خسيت علشان نفسي وصحتي مش علشان حد انا كل ال عملته دا كان علشاني انا مش علشان حد…انتي بقا بتعملي اي؟! بتعيطي بس!! لازم تغيري من نفسك انتي وتكوني عايزه من جواكي تتغيري علشان تعرفي تتغيري ولو فضلتي علي النظام دا هتفضلي طول عمرك معندكيش كرامه وهتموتي من الفشل قبل ما تموتي من المرض
القي أنس كلماته ثم خرج من الغرفه واغلق الباب خلفه اما عند ادم كان يقف في غرفته يبدل ملابسه ولكن فجأه وجد شخص يحتنضه من الخلف ويلامس ظهره العاري وهي تتحدث مردفه: وحشتني جوووي
التفتت أدم فأبتسمت زهره وووووو
توقعاتكم ورأيكم ويا تري اي ال هيحصل وهل ادم واطي للدرجه انه يخون اقرب صاحب ليه بالطريقه دي ولا فيه حاجه تانيه وجميله كلام انس هتفكر فيه تفكير ايجابي ولا هيقلب بسابي والازمه تكبر اكتر ونبيله بتعمل كل دا فعلا بسبب ان جميله كسرت احلامها في بنتها الكبيره زي ما بتقول
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل الحادي عشر والثاني عشر والثالث عشر من هنا
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق