رواية أنا قبيحه الفصل الخامس والسادس بقلم نور الشامي حصريه وجديده على مدونة النجم المتوهج للروايات والمعلومات
 |
رواية أنا قبيحه الفصل الخامس والسادس بقلم نور الشامي حصريه وجديده على مدونة النجم المتوهج للروايات والمعلومات
التفت ادم وابتسمت زهره فدفعها بسرعه وسحب قميصه وارتداه ثم تحدث بحده مردفا: اي ال انتي بتعملييه دا انتي مجنوونه اي دا ازاي اصلا تدخلي اوضتي كده
زهره بضيق: وفيها اي يا أدم.. انت عارف من زمان جوي اني بحبك ومش وانا صغيره كنت دايما تجول لأنس انا هتجوز اختك وكنت بتجولي لما انا اكبر هتتجوزني
ادم بحده: دا كلااام… وكلنا عارفين ان دا كلااام انا وانس كنا بنقول الكلمتين دول لأي طفله نشوفها معني كده اننا هنتجوز كل البنات ال شوفناهم وبعدين انتي اي قله الادب ال انتي فيها دي ازاي اصلا تدخلي كده اوضه اي شاب وتعملي ال عملتيه دا
زهره بدموع: علشان انا بحبك فعملت اكده
صرخ ادم في وجهها بغضب مردفا: مش مبرر يعني اي بحبك تروحي داخله اوضه واحد ملوش اي صفه بيكي الحاله الوحيده ال تخليكي تعملي ال عملتيه دا لما اكون جووزك… انتي بنت صعبديه وسيبك من صعيديه انتي مسلمه ومفيش واحده مسلمه محترمه ومتربيه تعمل كده… اطلعي بره اوضتي واوعي تعملي كده تاني يلا برررره
خرجت زهره من الغرفه وهي تبكي بشده فتنهد ادم بضيق وتحدث مردفا: انا لازم امشي من هنا
اما عند وصال تحدثت ببكاء مردفه: انا عايزه اشوف اختي مش من حق اي حد يمنعني عنها مهما حوصل
نبيله بصراخ: انا همنعك مفييش اخوات… خلاص مبجاش ليكي اخت
دياب بحده: اسمعي الكلام يا وصال انسي اختك دي
وصال ببكاء وصراخ: لع مش هنساها دي اختي انا مش هنساها
نظرت نبيله بغضب وجاءت لتتحدث ولكن قاطعها صوت طرقات علي الباب فذهبت لتفتح ووجدت انس امامها فتحدث دياب بضيق مردفا: اتفضل يا أنس
أنس بحده: لا انا مش هدخل البيت ال مراتي اتمنعت تدخله… اسمع يا عمي انا جاي اتكلم معاك علشان انت راجل العيله دي المفروض.. انا شايف ان كل حاجه ال بتعملها مرات حضرتك فحبيت اتكلم معاك راجل لراجل بقا…. تقدروا تيجوا تشوفوا بنتكم في اي وقت بس والله العظيم ال هيتعدي حدوده تاني معاها والله ما هسكتله وهيشوف اسلوب عمره ما هيتوقع انه يشوفه ياريت الكل يلزم حدوده مع مراتي علشان الزم حدودي معاه.. وهي هتشوف اختها في اي وقت وال هيمنعها انا همنعه من الدنيا كلها
القي أنس كلماته ثم القي السلام وذهب فتحدثت نبيله بعصبيه مردفه: شووووف.. شوف بنتك خلت شكلنا اي جدام الناس والله ما انا ساكتلها
دياب بحده: هي يعني بنتي لوحدي ما هي بنتك هي كمان
نبيله بعصبيه: كان يوم اسود يوم ما ولدتها ياريتني كنت جتلتها وهي في بطني
نظر دياب حوله ولم يجد وصال فتحدث مردفا: فين وصال
التفتت نبيله وذهبت لغرفتها ولكن لم تجدها فبحثت في جميع البيت ولكنها لم تعثر عليها ايضا فتحدثت بلهفه مردفه: فين البنت يا دياب.. يا لهووي البنت راحت فيين
اما عند انس نزل من سيارته ودخل الي البيت ولا يعلم ما يحدث في سيارته فكانت وصال تختبئ في شنطه السياره من الخلف فتحدثت بخوف مردفه: انا هطلع ازاي دلوجتي انا ال غبيه كنت جولتله اني في العربيه هعمل اي انا اهنيه هموت اكده
حاولت وصال ان تعتدل وظلت تركل بقدميها في السياره حتي يستمع اليها اي شخص وفجأه وجدتها تنفتح ووجدت ادم اليها ينظر اليها بأستغراب فتحدثت بلهفه مردفه: طلعني بالله عليك من اهنيه
مسك ادم يديها واخرجها من السياره ثم تحدث مردفا: انتي ازاي هنا اي ال جابك ولا اي ال حصل
وصال بخوف: هربت وجيت اشوف اختي
ادم بحده: انتي مجنونه يا بنت انتي هربتي ازاي
وصال بلهفه: خد دول 70 جنيه بتوعك اهم
نظر ادم الي النقود ثم تحدث مردفا: هو انتي في اي ولا في انا مش فاهمك انتوا هبل كلكم
وصال بخوف: بالله عليك ساعدني اشوف اختي من غير ما حد يعرف.. اهلي هيجتلوها ويجتلوني لو عرفوا اني اهنيه
ادم بضيق: لازم انس يعرف انك هنا
وصال بخوف: لع والنبي مش لازم حد يعرف اتصرف بالله عليك دخلني من غير ما حد يعرف
تنهد ادم بضيق وبعد دقائق كان الجميع يجلس في البيت يتحدثون علي نبيله وما حدث حتي وجدوا ادم يدخل الي البيت ويمسك يد فتاه ترتدي عباءه واسعه وتغطي وجهها بحجاب طويل فتحدثت يسرا بأستغراب مردفه: مين دي يا حبيبي
نزل انس علي درجات السلم ثم تحدث بلهفه مردفا: دي زميلتنا يا ماما.. وجايه تبارك ليا ولجميله
نظرت وصال من تحت الحجاب الي ادم الذي علمت انه اخبر أنس فتحدثت يسرا بابتسامه: اتفضلي يا حبيبتي.. جميله فووج اهي في الاوضه وهخليها تيجي
ادم بتوتر: لا يا خالتي خليها تطلعها فوق احسن
انس: ايوه خليها تطلع فوق احسن تعالي يا دعاء
صعدت وصال الي الاعلي ومازال ادم يمسك يديها فتحدثت زهره بضيق مردفا: هي مين دي وماسك ايديها اكده لييه
يسرا بابتسامه: شكله بيحبها وجاي يعرفها علي جميله.. طيب كان يوريني وشها ادم زي ابني وهفرح جووي والله يوم ما يتحوز هي كمان
نظرت زهره بغضب وحزن اما في الاعلي كانت جميله جالسه علي الفراش حتي دخلت وصال فجأه واحتضنتها وتحدثت بلهفه مردفه: جميله انتي كويسه
انصدمت جميله عندما وجدت وصال وتحدثت مردفه: جيتي اهنيه ازااي انتي مجنونه
وصال بدموع: جيت اجولك اني مستحيل ابعد عنك.. انا هرجع تاني بس متخافيش هجيلك دايما ختي لو الدنيا كلها منعتني انا مش هسيبك
جميله وهي تحتضنها: ولا انا هسيبك انتي اصلا اغلي حاجه عندي بس ارجعي بالله عليكي انتي عارفاهم زين ممكن يعملوا اي
وصال بدموع: حاضر هرجع بس متخافيش انا هكون معاكي دايما
القت وصال كلماتها ونزلت مثلما صعدت بدون ان يري احد وجهها وسط غضب زهره الواضح وفي المساء عند وصال كانت جالسه في غرفتها بعدما ذهبت الي البيت والاغرب انه لم يتحدث معها احد فقط التزموا الصمت اما عند جميله كانت جالسه علي طاوله الطعام مع الجميع حتي تحدث ادم مردفا: انا همشي من هنا ان شاء الله يا عمي هرجع بيتي الحراس قالوا انه اتنظف وبقا كويس
صفوان: يا حبيبي بيتك خطوتين من اهنيه فيها اي لو فضلت معانا اهنيه علشان تبجي وسطنا خليك اهنيه البيت واسع وكبير
نظر ادم الي زهره بضيق ثم وجه نظره لصفوان وتحدث مردفا: انا في وسطكم دايما يا عمي بس خليني في بيتي افضل وهكون هنا علطول ان شاء الله
انس بابتسامه: انت مش عايز تقعد مع صاحبك
أدم بضحك: يا ابني انا بشوفك اكتر ما بشوف نفسي في المرايه.. هرجع بيتي وبرده مش هسيبكم هكون معاكم دايما
صفوان: خلاص يا ادم ال يريحك
زهره بضيق: البنت ال جات اهنيه تبجي مين؟!
نظرت جميله بتوتر فتحدث انس بحده: وانتي مالك مش قولنا زميلتنا وجايه تباركلي
زهره بضيق: بس ادم كان ماسك ايدها علشان اكده سألت
أنس ببرود: ما هي حبيبته
نظر ادم وجميله اليه بصدمه فأكمل انس مردفا: وهيعرفكم عليها قريب ان شاء الله
جميله بصدمه: نعم؟!
ادم بتوتر: نعم فعلا؟!
انس ببرود: خلاص بقا يا ادم هتخبي لأمتي ما علينا لما يجي الوقت المناسب هيعرفكم عليها
في مكان اخر وبالتحديد في احدي البيوت الصغيره في الصعيد تحدثت هذه الفتاه بعصبيه مردفه: ما انتي ال سيبتيه انتي مجنوونه جايه دلوجتي تجولي لسه بحبه وبعدين ما انتي حاولتي كتير جوي انك تكلميه وهو مش موافج
منه بحده: مش لدرجه انه يتجوز انا عايزه اشوف مرته… اشوف مين دي ال راح اتجوزها ونساني مش كان بيجول انه بيحبني ومستحيل يعرف يحب واحده غيري مين دي بجاا ال خليته يحبها انا هروح
وفاء بعصبيه: منه انتي لما سيبتيه وروحتي اتجوزتي هو حياته اتدمرت وتعب بسببك وكان ممكن يوحصله حاجه وانتي ولا كان في دماغك لما عرفتي الفرق بينه وبين جوزك بجيتي عايزه ترجعيله بس هو مبجاش حبيبك بتاع زمان هو اتغير.. واتغير جووي كمان فطلعيه من دماغك احسن
اما عند جميله كانت جالسه في غرفتها تفكر في كلام أنس حتي دخل الي الغرفه وتحدث مردفا: هتعملي اي؟!
جميله بعدم فهم: في اي؟!
انس بحده؛: انا وانتي هنتطلق كمان فتره… انتي ناويه تعملي اي بقا لحد ما الفتره دي تخلص هتقعدي في البيت تطبخي يعني ولا اي؟!
جميله بدموع: هنتطلج ليه؟! مش انت ال اختارتني
انس بضيق: دا مش موضوعنا دلوقتي.. والموضوع المهم هتعملي اي.. انتي حاليا جالك السكر يبقي اول حاجه لازم تحافظي علي صحتك ناويه تعملي اي بقا علشان تعرفي تحافظي علي صحتك؟!
جميله بتوتر: هاخد الادويه في ميعادها
تنهد أنس بضيق ثم اكمل مردفا: ودراستك؟! لما نتطلق هترجعي بيت اهلك زي ما طلعتي منه لا وكمان هترجعي تعبانه علشان الادويه لوحدها مع السكر مش حل للعلاج… دراستك هتعملي فيها اي
جميله بعدم فهم: دراستي ازاي انا مش بدرس في حاجه مدخلتش كليه علشان جيبت مجموع صغير
أنس بحده: جيبتي كام يعني 4٪
جميله بحزن: لع جيبت 72٪
انس بعصبيه: انتي هبله يا بت انتي… ما تدخلي اي كليه تربيه او تجاره او اداب او اي كليه تناسب مجموعك الفشل مش انكجيبتي 72٪ الفشل ال انتي مكملتيش فيه ملايين بيجيبوا اقل من مجموعك دا وبيدخلوا كليات وينجحوا فيها ويجيبوا اعلي التقديرات كمان بس انتي طبعا مش فاهم مالك… انا هقدملك في كليه تربيه اي رأيك او نشوف مجموعك يجيب اي ونقدم وانا هدفع كل مصاريفك احد ما تخلصي الاربع سنين ولو عايزه كمان تكملي دراسه بعد الكليه انا هدفع وهشتركلك في چيم وتعالي نروح لدكتور للرچيم
جميله ببكاء: بس انا مش عايزه كل دا انا عايزه افضل متجوزه واجعد اهنيه وخلاص مش عايزه اعمل حاجه علشان هفشل والله العظيم
انس بصراخ: انا حتي لو عايز اكمل معاكي مش هكمل بعد كلامك دا علشان انا معرفش اعيش مع واحده زيك… انا مش بحبك ولا هحبك كده يبقي نتطلق.. انا كنت عايزك تعملي اي حاجه مفيده في حياتك بدل ما انتي كده هو اي الغباء دا هتفضلي كده لامتي لا نافع معاكي كلام بهدوء ولا نافع معاكي زعيق
جميله ببكاء شديد وعصبيه: وليه اتجوزتني من الاصل لما مش عايزني هو انا لعبه في ايدكم علشان كل واحد يبهدلني شويه ولا علشان انا مش حلوه فالكل يبهدلني ويشتمني ويضربني مكنتش اتجوزتني مدام مش عايزني ومدام انت مش عايزني ولا حد بيحبني يبجي خلاص طلجني دلوجتي وانا همشي
القت جميله كلماتها ثم خرجت من الغرفه وهي تركض بسرعه وفجأه صرخ أنس عندما وجدها وووو
الفصل السادس
صرخ أنس عندما وجد جميله قدميها تنزلق من علي درجات السلم فذهب بسرعه وسحبها اليه ثم تحدث بعصبيه مردفا: انتي مجنوونه اي ال بتعمليه دا اي التصرفات بتاعت الاطفال دي.. هو انتي معندكيش اي مسؤوليه لاي حاجه حتي نفسك
نظرت جميله بدموع اليه وفجأه احتضنته بقوه وهي تتحدث ببكاء مردفه: بالله عليك بلاش تسيبني….. متسبنيش مش عايزه ارجع لاهلي تاني هما بيضربوني ويعذبوني انت متعرفش حاجه والله.. متعرفش بيعملوا فيا اي بالله عليك خليني اهنيه حتي لو هشتغل خدامه عندك بس خليني اهنيه
وضع أنس يده علي شعرها وضمها اليه اكثر ثم تحدث مردفا: خلاص اهدي انتي مراتي خدامه اي ال بتقولي عليها… اهدي وبطلي عياط وتعالي علشان تنامي
القي أنس كلماته ثم حملها ودخل الي غرفته ووضعها غلي الفراش وجاء ليذهب ولكن مسكت يده وتحدثت بخوف ودموع مردفه: متسبنيش
تنهد أنس بضيق ثم جلس بجانبها ومسكت يده بقوه حتي غفت في النوم وهي ممسكه بيده طوال الليل وفي الصباح كان انس وادم يدخلون الي البيت بعدما قاموا ببعض التمارين الرياضيه فتحدث ادم مردفا: طيب وتفتكر هتقتنع بال انت قولته
انس بضيق: مش عارف والله يا ادم بس انا مش هينفع تطلقها بالنظام ال هي فيه دا البنت عندها يأس فظيع واهلها شكلهم مقصروش معاها في الضرب والشتيمه والكلام فالبنت علشان تتغير محتاجه معجزه علشان معندهاش طموح في اي حاجه
ادم: طيب حاول تاني علشان بالنظام دا مش هينفع ترجع بيتهم تاني وانت مش هتكمل معاها ولا ناوي تكمل
اما في المطبخ كانت جميله تقف وبجانبها يسرا التي تحدثت بابتسامه مردفه: والله نفسي يا جميله بس مش عارفه ادم ممكن يجول اي او زهره اي نظامها معاه
جميله: طيب جوليله يا ماما هو بيعتبرم زي امه بالظبط فيها اي لما تجوليله انك عايزه تجوزيه لزهره
يسرا: ما هو شكله معجب بالبنت ال اسمها دعاء دي ال جات تباركلك ومن الواضح انه بيحبها.. انا اهم حاجه عندي سعادته والله يختار ال يعجبه انا عايزه اعرف الاول اذا كان بيحب دعاء دي فعلا ولا لع لو بيحبها خلاص هفرحله والله جوي مش بيحبها هجوله علي زهره بس هعرف زهره الاول ونشوف اي ال هيوحصل
جميله بابتسامه: ان شاء الله خير يا ماما… يلا الفطار جاهز
ذهب الجميع علي مائده الفطور فتحدث صفوان مردفا؛: جميله عايزك تنزلي يا حبيبتي مع زهره او اختك وتشتري ليكي الحاجات ال ناقصاكي
جميله بتوتر: انا مفيش حاجه نقصاني يا حج ربنا يخليك ليا يارب
صفوان: لع يا حبيبتي اكيد فيه حاجات كتير ناقصاكي روحي مع اختك او زهره وهاتي ال يعجبك
يسرا: خلاص يا جميله اسمعي الكلام
جميله بابتسامه: حاضر
أدم بضيق: انا… انا كنت عايز اقول حاجه مهمه
صفوان: خير يا ادم في اي يا حبيبي
ادم بترقب: انا هسافر كمان 3 شهور هرجع تاني اسبانيا
نهض الجميع بفزع وتحدثت يسرا بصدمه مردفه: مش جولت هتستقر اهنيه اي ال حوصل
ادم بضيق: مش هعرف اعيش هنا يا خالتي
صفوان بعصبيه: وبعدين اي اخرتها انا هفضل اهنيه طول عمري لوحدي هشتغل لوحدي وهعيش لوحدي… كله هيبجي لوحدي
أنس بضيق: وانا كمان هرجع معاه
انفزعت جميله من مكانها ثم تحدثت مردفه: وانا؟! هروح معاك
أنس بضيق: لا… انا هرجع لوحدي مع أدم خليكي هنا
نظر صفوان اليهم بحزن وغضب ثم ذهب من البيت فتحدثت يسرا بدموع مردفه: هي دي اخرتها احنا ربيناكم علشان تبعدوا عننل.. ناوين تنزلوا امتي المره الجايه.. لما تدفنوا حد فينا؟!
انس بلهفه: بعد الشر عليكم اي ال بتقوليه دا يا ماما
يسرا بدموع: انا مش موافجه علي سفركم ودا اخر كلام عندي
القت يسرا كلماتها ثم ذهبت فجاءت زهره لتتحدث ولكنها انصدمت عندما وجدت هذه الفتاه تدخل الي البيت فتحدثت زهره بصدمه مردفه: انتي اي ال رجعك اهنيه تاني
التفتت الجميع وتجمد أنس مكانه عندما وجدها فنظر ادم الي انس بصدمه وتحدثت هي مردفه: انس عامل اي؟! انا جولت اجي اطمن عليك وعارفه اني جايه من غير ميعاد بس معرفتش اسكت اكتر من اكده
اقترب ادم منها بعصبيه وتحدث مردفا: انتي اي ال جابك هنا اي البجاحه وقله الادب ي
منه بضيق: انا.. انا جيت اطمن علي أنس
زهره بغضب: لع انتي جايه علشان مصلحتك علشان انتي واحده كدابه وبتاعت مصلحتك وخاينه وغداره وامشي من اهنيه باحترامك بدل ما اهين كرامتك دلوجتي في الارض
نظرت منه الي أنس الذي مازال يقف مكانه ثم الي جميله ولم تتوقع ان تكون جميله زوجته فتحدثت بدموع مردفه: أنس انا جايه اطمن عليك بس واشوفك علشان وحشتني
ادم بحده: أنس اتجوز ومراته واقفه جمبه اهي يبقي الزمي حدودك احسن وامشي من هنا
نظرت منه الي جميله بصدمه كيف لها ان تكون هي زوجته.. هو الذي يعشق الجمال طوال حياته كان يتحدث فقط انه سيتزوج فتاه جميله ذو شخصيه قوين وجسد مثالي ومنه كانت بها جميع المواصفات فتحدثت منه بصدمه مردفه: مرته؟! … مرته انتي مرته بجد
جميله بضيق: ايوه… هو حضرتك مين
زهره بعصبيه: دي منه كانت حبيبه أنس الجديمه بس طلعت واحده خاينه وزباله ولما عرفت ان عنده السكر وكانت فاكره انه مش معاه فلوس سابته وراحت اتحوزت واحد تاني علشان انس من وهو صغير كان بيشتغل فالست منه كانت فاكره انه مش معاه فلوس مكنتش تعرف انه معاه فلوس يشتريها هي واهلها والبلد كلها بال فيها ولكا عرفت بجا وشافته بعد ما عمل دايت وكان بيلعب رياضه وجوزها ال اتجوزته طلع واطي وبيضحك عليها وخسر فلوسه فحبت بجا ترجع لاخويا فاكراه لعبه
منه بأحراج ودموع: انا كنت غلطانه واعترفت بغلطي وعايزه ترجع
أدم بعصبيه: انتي هبله يا بت انتي ترجعي لمين بقولك مراته معاه اهي انا مش بتشوفي ولا اي وبعدين هو مش عايزك… جميله ما تتكلمي
نظرت جميله الي أنس الذي ما زال يقف مكانه لا يتفوه بأي حرف فقط ينظر اليهم بشرود فتحدثت جميله بحزن مردفا: اجول اي؟!
نظرت زهره اليها بغضب ثم وجهت حديثها الي منه مردفه: هتمشي ولا اطلعك انا بطريقتي واهين كرامه اهلك دلوجتي
منه بدموع: أنس انا لسه بحبك والله صدجني
القت منه كلماتها ثم اقتربت من أنس بسرعه واحتضنته فنظرت جميله اليهم بدموع وفجأه سحبتها زهره بغضب من يديها ودفعتها خارج البيت وتحدثت بغضب مردفه: جسما بالله العظيم لو شوفتك اهنيه تاني لهجتلك فاهمه… واي حارس هيدخل البنت دي تاني مش عايزه اشوف وشه اهنيه في الشغل فااهمين
الحراس بقلق: حاضر
اما عند أنس اقترب منه أدم وجاء ليتحدث ولكن وجده يتعرق بشده ولم يستطع الوقوف فتحدث ادم بلهفه: أنس انت كويس؟!
نظر أنس الي جميله بعتاب.. نظرات لم تفهمها ولكنها هذه المره الاولي الذي ينظر اليها هكذا كأنه يعاتبها يقول لها كان يجب ان تمنعيها عني مثلما ابعد الخطر عنكي دائما مان يجب ان تدافعي عن زوجك وتحميه من هذه الشيطانه وفجأه وقع علي الارض فصرخت جميله وتحدثت بفزع مردفه: أنس.. أنس
ادم بصراخ: حد يطلب الدكتور بسررعه
القي ادم كلماته ثم حمله وصعد الي غرفته ووضعه علي الفراش وبعد فتره من الوقت خرج الطبيب فتحدث صفوان بلهفه مرفه: ابني يا حكيم.. ابني عامل اي؟!
الطبيب: السكر عالي…. مينفعش ال بيخصل دا يا حج صفوان انا قولت اهم حاجه مع مرضي السكر انهم ميتعرضوش لأي توتر لكن من الواضح ان دا مش بيحصل نهائي علي العموم لو فضل كده يبقي ننقله المستشفي
صفوان بحزن: بلاش مستنشفي يا حكيم وان شاء الله مش هنخلي اي حاجه تانيه تزعله
القي الطبيب كلماته ثم ذهب فتحدثت يسرا ببكاء مردفه: اي ال حوصل
قصت زهره لها كل ما حدث فنظرت يسرا الي جميله وتحدثت مردفه: متكلمتيش ليه يا جميله؟! من غير حتي ما تعرفي مين دي.. جوزك واحده جاعده تجوله وحشتني وبحبك وعايزه اشوفك.. انتي كنتي ساكته ليه؟! البنت دي كانت السبب في ان ابني كان لين الحيا والموت قبل كده… هو مش من وجت ما اتجوزتي وهو بيدافع عنك مع الكل مع انه مفيش بينكم قصه حب؟! انتي ناويه تدافعي عن ابني امتي؟! لما يموووت
جميله بدموع: انا مكنتش عارفه المفروض اعمل اي فسكت
صرخت في وجهها بغضب شديد مردفه: يبجي تطلجي من ابني هو شكله كان صوح في كل كلامه انتي مش هتنفعيه هو في اي كلنا تعبنا من الكلام معاكي انتي حتي مدافعتيش عنه لما المفروض كنتي تتكلمي انتي سيبتي واحده تانيه تحاول تتقرب منه وانتي واجفه تتفرجي تعب جدامك ومعملتيش حاجه… امشي من هنا ارجعي علي بيتك انا كنت غلطانه لما كنت بدافع عنك… ارجعي علي بيتك وورجه طلاجك هخلي ابني يوصلهالك علي هناك
نظرت جميله اليها بصدمه ودموع ثم تحدقت مردفه: ماما انني فاهمه غلط والله العظيم المرادي صدجيني فاهمه غلط
اقتربت يسرا منها ثم مسكتها من يديها وسحبتها بقوه الي الخارج ودفعتها بضيق وتحدثت مردفه: مش عايزه اشوفك اهنيه تاني يا خساره دفاعي عنك وحبي ليكي
القت يسرا كلماتها ودخلت واغلقت الباب ولكن فجأه وجدت وصال امامها فارتمت في احضانها وتحدثت ببكاء مردفه: انا مش بعرف ارد ولا اتكلم يا وصال مش بعرف اعمل حاجه
وصال بحده: ادخلي بيت جوزك واطلعي اجعدي جمبه وهو تعبان واوعي تسيبيه تاني طول ما هو تعبان مهما حوصل
جميله ببكاء: بس ماما جالت اني امشي
صرخت وصال في وجهها بغضب مردفه: بطلي هبل بجا ادخلي جوليلها لع انا مش هسيب جوزي وهو تعبان يلا ساكته ليه ادخلي
مسحت جميله دموعها وطرقت علي الباب ففتحت لها احدي الخدم ونظرت جميله بخوف فأشارات لها وصال بالصعود فأخذت نفس عميق وصعدت اما عند وصال جاءت لتذهب ولكن وجدت ادم امامها فتحدث مردفا: خدتي اختك ولا راحت فين؟!
وصال بضيق: واخدها ليه اختي مكانها اهنيه مع جوزها جمبه وهتفضل معاه طول العمر
ادم بسخريه: اختك بالنظام دا مش هتعرف تكون مع نفسها حتي مش مع حد
نظرت وصال اليه بغضب فأنتبه ادم الي زهره التي تقف تراقبه من بعيد ففكر قليلا ثم نظر الي وصال وتحدث مردفا: اسف انا اسف سامحيني تمام
لم تفهم وصال ماذا يقصد وفجأه اقترب منها وقبلها علي شفتيها اما في الاعلي دخلت جميله الي الغرفه واقتربت من أنس وجلست بجانبه ثم مسكت يده وتحدثت بدموع مردفه: هتغير والله علشانك صدجني هتغير ومش هزعل حد منكم تاني خليك انت بس كويس وانا هعمل كل ال انت عايزه
القت جميله كلماتها وهي تبكي واقتربت منه ببطئ وتوتر وجاءت لتنام علي صدرها ولكنها انصدمت عندما لمحت هذا الشئ فأزاحت القميص عنه ووجدت علي صدره اسم صغير مكتوب بأحدي اللغات الاجنبيه وعندما انتبهت اتصدمت عندما وجدت اسمها هو المكتوب علي صدر أنس فأنفزعت من مكانها بخوف وفجأه سمعت صوت صراخ شديد في الاسفل وووو
توقعاتكم ورأيكم ويا تري ازاي اسم جميله علي صدر أنس وهو اصلا مش بيحبها واول مره يشوفها يوم ما راح يخطبها وهل فيه سر وزهره هتعمل اي لما تشوف ادم ووصال كده ووصال هيبقي رد فعلها اي توقعاتكم وتفاعل وكله يدخل الجروب يا بنات علشان هنزل عليه قصه جديده قريب مش صعيديه
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل الحادي عشر والثاني عشر والثالث عشر من هنا
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق