رواية أنا قبيحه الفصل الاول والثاني بقلم نور الشامي حصريه وجديده على مدونة النجم المتوهج للروايات والمعلومات

رواية أنا قبيحه الفصل الاول والثاني بقلم نور الشامي حصريه وجديده على مدونة النجم المتوهج للروايات والمعلومات

في احدي البيوت من الطبقه المتوسطه كانت تنظر هذه الفتاه الي اختها الصغري وهي ترتدي هذه الملابس الجديده وتضع بعض مساحيق التجميل علي وجهها وبجانبها والدتها وبنات خالتها فتحدثت والدتها بحده مردفا: تعالي يا بومه انتي ساعدي اختك وهاتي الجزمه بتاعتها وبعدها روحي المطبخ شوفي بجيت الواكل والله ما انا عارفه ازاي اسمك جميله كنا سميناكي بومه

نظرت جميله الي والدتها بحزن ثم ذهبت فتحدثت وصال بضيق مردفه: مينفعش اكده يا ماما دي اختي الكبيره وبعدين هي حلوه والله ليه دايما تكسري بخاطرها اكده

نبيله بحده: انا مش بكسر بخاطر حد هي ال كاسره خاطري كل ما يجيلها عريس يشوفها يهرب من وشها وجسمها جولتلها تتنيل تخس لكن لع هي مش بتعرف تعمل حاجه صوح حتي التعليم فشلت فيه سيبك منها وخليكي في نفسك دلوجتي

اما في الخارج كان يجلس هذا الشاب الوسيم ينظر الي والده بضيق حتي تحدث مردفا: والله يا حج عارف احنا جاين علي السمعه

دياب بابتسامه: تسلم يا حج صفوان اصلا ال يجوز بنته لابنك يبجي من المحظوظين

دخلت نبيله وسلمت علي الجميع وخلفها وصال التي تحمل العصير فتحدثت يسرا مردفه: ماشاء الله تعالي يا بنتي اجعدي جمبي فعلا مكدبش ال جال عليكي انك زي القمر

وصال بأحراج: شكرا لحضرتك انتي احلي

ابتسمت يسرا وتحدثت مردفه: أنس اي رأيك يا حبيبي في وصال

نظر انس بضيق ولكن حاول ان يتمالك اعصابه ويخفي تعابير وجهه وابتسم لها فتحدثت نبيله مردفه: لازم بجا ناكل لقمه مع بعض علشان يبجي عيش وملح

صفوان: لع والله مفيش داعي خلونا دلوجتي نتفق علي كل حاجه لو طبعا العروسه موافجه

ابتسمت وصال فتحدث دياب مردفا: وهي هتلاجي ناس زيكم فين بس يا حج اكيد موافجه

دخلت جميله بالجاتوه فنظر دياب ونبيله اليها بضيق ثم تحدثت وصال مردفه: دي اختي جميله

صفوان بابتسامه: اهلا بيكي يا حبيبتي تعالي اجعدي معانا

نبيله بلهفه: لع… جصدي يعني مفيش داعي هي بتحب تكون لوحدها اكده دايما

صفوان: لع والله تجعد معانا علشان كمان لو انتوا موافجين نلبس الشبكه انهارده ونعمل الفرح كمان اسبوعين اي رأيكم

دياب بسعاده: موافجين طبعا

يسرا بابتسامه: يلا يا حبيبي لبس خطيبتك الشبكه

نهض أنس ووقف امامها فقربت يديها له وهي تبتسم بسعاده واحراج ولكن فجأه بدلا من ان يلبسها هي خاتم الزفاف سحب يد جميله ووضعه في اصبعها وسط صدمه الجميع ثم تحدث مردفا: مش عايز دي.. عايز اخطب اختها

نظر الجميع اليه بصدمه وبالتحديد جميله التي تجمدت مكانها وهي تنظر الي اصبعها فتحدثت نبيله بحده مردفه: اي الكلام دا في اي يا حجه يسرا هو ينفع اكده

يسرا بأحراج: انس… مالك يا ابني انت اتجننت

ركضت وصال بسرعه الي غرفتها فتحدث انس بحده مردفا: يا هخطب دي يا مش خاطب خالص احنا هنمشي وبكره ان شاء الله هنستني قراركم يا ترجعوا الخاتم ودا هعتبره رفض يا احنا هنيجي بليل ونكمل الاتفاق

القي أنس كلماته ثم ذهب وخلفه ووالدته ووالده فنظرت نبيله الي جميله التي مازالت تقف مكانها وفجأه تلقت صفعه قويه

اوقعتها علي الارض فمسكت والدتها شعرها وتحدثت بغضب مردفه: عملتيله اي علشان يسيب اختك ويبصلك انتي… جوولي عملتيله سحر ولا عمل ولا نيلتي اي علي دماغك.. اصله مستحيل يكون طبيعي انتي مش شايفه نفسك… مش شايفه وشك شكله اي وجسمك وشعرك دا انتي جاهله مش بتعرفي تتكلمي كلمتين علي بعض

دياب بضيق: خلاص يا نبيله سيبيها دلوجتي وخلينا نفكر

صرخت نبيله بغضب وهي تضربها بقوه وتتحدث مردفه: نفكر في اي.. هنسيب عريس زي دا ازااي جولي هنطفشه من بين ايدينا بس برده مستحيل اجوزه البومه دي واقهر وصال

جميله ببكاء وألم: ماما بالله عليكي سيبيني… والله العظيم ما عملت حاجه.. جسما بالله ما كنت اعرفه

نبيله وهي تضربها: اقلعي الخااتم دا بجا واحده زيك تلبس خاتم زي دا اقلعيه

حاولت جميله ان تسحب الخاتم من اصبعها ولكن لم تستطع فأقتربت والدتها بغضب وسحبته بقوه حتي انجرح اصبعها وركضت بسرعه الي غرفتها واغلقت الباب وهي تبكي بشده اما عند انس صرخ في وجههم بغضب مردفا: علشان مش عايز اتجوز ولا اعيش هنا انا عايز ارجع القاهره عرفتوا عملت كده ليه

يسرا بحده: يا ابني ولو وافقوا هتعمل اي.. هتتجوز البنت دي… شكلها وحش وكمان مش متعلمه لع انا مستحيل اوافج

صفوان بضيق: البنت حلوه يا يسرا حرام تجولي عليها اكده انا ارتاحت ليها اول ما شوفتها وكمان محترمه

يسرا بعصبيه: ماشي يا صفوان انا مجولتش حاجه بس انا عايزه واحده حلوه لابني تستاهله

أنس بحده: بس بقاااا اذا وافقوا او لا انا اصلا مش مكمل الجوازه دي هفركش الخطوبه لو وافقوا علي اي سبب ولو موافقوش هرجع القاهره تاني

اما عند وصال تحدث والدها بدهشه مردفا: يعني اي يا بنتي

وصال بدموع: يعني عادي هي ملهاش ذنب وافجوا علي الجواز وانا والله مش زعلانه ومعنديش مشكله دي اختي الكبيره وهفرحلها

نبيله بعصبيه: لع دا مش هيوحصل…. انا هجولهم انها مش موافجه وخلاص بلاش الجوازه دي يا انتي تاخديه يا لع

وصال بضيق: بس انا موافجه يا ماما بالله عليكي متعمليش اكده

اما في غرفه جميله كانت تحاول ان تعالج جروحها كالعاده وهي تبكي بشده وتتحدث مردفه: هو انا يعني اخترت شكلي لكل ال بيعملوه فيا دا والله يارب اموت مدام انا وحشه وجاهله وفيا كل الصفات الوحشه ال زيي عايش ليه.. ربنا ياخدني واموت واخلص بجا من كل دا واريحهم مني

اما في اليوم التالي دخلت نبيله الي غرفه جميله وتحدثت بعصبيه مردفه: هتفضلي اكده جاعده واحنا نشتغل عندك جوومي حضري نفسك علشان عريسك هيجي كمان شويه مش سامعه صوتنا من الصبح واحنا بنتكلم

جميله بصدمه: بس انا مش موافجه

نبيله بسخريه: مش موافجه يا اختي اتنيلي علي دماغك اراهنك انه هيسيبك من تاني يوم خطوبه كلنا عارفين انه مش هيكمل معاكي بس اهه بنعمل ال علينا وخلاص علشان منبجاش ضيعناه من ايدينا

جاءت جميله لتتحدث ولكن فجأه سمعوا صوت مجيئ الضيوف فتحدثت نبيله بلهفه: البسي بسرعه ويلا

القت نبيله كلماتها ثم خرجت فظلت جميله تبكي بشده وهي ترتدي ملابسها لانها تعلم والدتها جيدا اذا خالفت حديثها سوف تقتلها حتما اما في الخارج تحدث صفوان بابتسامه مردفا: جولنا طلباتكم يا حج

دياب بضيق: ملناش طلبات يا حج صفوان لو كانت العروسه وصال كنا جولنا لكن احنا ملناش طلبات

نظر انس اليه بضيق واستغراب ولكنه لم يعلق وبعد فتره دخلت جميله وبجانبها وصال وانصدم اهل انس عندما نظروا اليها فوجهها يمتلي بالجروح وايضا يديها فتحدثت يسرا بلهفه مردفا: واه واه اي يا بنتي ال عمل فيكي اكده

نظرت جميله الي نبيله بخوف التي تحدثت بضيق مردفه: اصلها وقعت من علي السلم

صفوان بضيق: تعالي يا بنتي… يلا يا انس لبسها الدبله والاتفاق هنجوله بعدين

اقترب انس منها ومسك يديها وكان سيضع الخاتم في يديها مره اخري ولكنه انصدم عندما وجد اصبعها مجروح فتحدث مردفا: هو اي دا.. هلبسك الدبله ازاي… دا برده من الوقعه علي السلم

جميله وهي تمسح دموعها: ايوه من علي السلم

حاول انس ان يضع الخاتم برفق ولكن شعرت بدوار شديد في رأسها وفجأه وقعت بين احضانه فاقده وعيها وووو

الفصل الثاني

انصدم الجميع عندما فقدت جميله وعيها بين احضان أنس عادا والدتها ووالدها الذي ظنوا انها تمثل فحملها انس ووضعها علي الاريكه وتحدثت يسرا بلهفه مردفه: نطلب الحكيم يجي… انس اتصل بيه

نبيله بضيق: لع مفيش داعي هي هتبجي كويسه دلوجتي مش مستاهله

القت نبيله كلماتها ثم اقتربت منها واخذت بعض الماء والقتهم علي وجهها وبعد ثواني فتحت جميله عيونها ووجدت الجميع امامها ووالدتها تنظر اليها بغضب فأعتدلت في جلستها وتحدثت بخوف مردفه: اسفه… انا اسفه والله ما اعرف اي ال حوصلي

صفوان: عادي يا بنتي المهم جوليلي انتي كويسه دلوجتي ولا نطلب الحكيم

نبيله وهي تنظر الي والدتها بخوف: لع انا كويسه الحمد لله

يسرا بابتسامه: الحمد لله… احنا هنمشي دلوجتي وبكره ان شاء الله لو الحج دياب موافج هنيجي ناخد جميله والحجه نبيله ونشتري فستان الفرح والشبكه كلها وكل ال العروسه تحتاجه

دياب : طبعا يا حجه تنوروا في اي وجت

أنس بضيق: ينفع اخد رقمها اعتقد احنا دلوقتي مخطوبين فلازم علي الاقل نتعرف علي بعض شويه

دياب بقلق: طبعا يا ابني انتوا دلوجتي مخطوبين جوليله الرقم يا نبيله

نظرت نبيله الي جميله بضيق شديد ثم اعطته الرقم وذهب الجميع وعندما ذهبوا تحدثت نبيله بعصبيه مردفه: انا مش عارفه اي ال بيوحصل دا… انا مش موافجه علي الجوازه دي يا دياب مش موافجه

دياب بضيق: خلصنا يا نبيله دلوجتي بجا لازم نحاول نصلح بنتك دي شويه خليها تعمل الرچيم ال بتجولوا عليه دا علشان تخس شويه واعمليلها اي حاجه في وشها ال شبه البومه دا والله حتي البومه احلي منها

نظرت وصال اليهم بضيق ثم تحدثت مردفه: حرام عليكم والله العظيم ال بتعملوه دا

نبيله بعصبيه: ملكييش صالح انتي دلوجتي مش لو كنتي عرفتي تعجبيه كان زمانك دلوجتي مكان البومه دي… شوفي اي ال ناقصك علشان ابن المحمدي مختاركيش انتي

نظرت وصال اليها بصدمه ودموع ثم تحدثت مردفه: علشان هو مش نصيبي يا ماما دا السبب انه مختارنيش انا

تنهدت نبيله بضيق ثم اقتربت منها واحتضنتها وتحدثت مردفه: خلاص يا حبيبتي متزعليش انتي عارفه انا بحبك ازاي.. متزعليش يا حبيبتي مكنش جصدي اجولك اكده بطلي عياط خلاص

نظرت جميله اليهم بحزن ثم دخلت الي غرفتها اما عند انس كان يجلس علي مائده الطعام مع والده ووالدته يفكر في جميله والاصابات التي تملئ وجهها واصبعها حتي قاطعه صوت اخته وهي تتحدث مردفه: وكان اي لازمته مدام فيه بنات حلوه نروح احنا نختار الوحشين لييه عاد وبعدين البنت دي معاها كليه اي

يسرا بضيق: مش معاها ومينفعش تجولي اكده علي البنت ال هتبجي مرت اخوكي يا زهره

زهره بحده: ما هو علشان هي هتبجي مرت اخوي انا عايزه واحده تكون كويسه يا ماما

صفوان بحده: ودي مالها ان شاء الله مش عايز قله ادب ووقاحتك دي تتكلمي عنها زين دي ال اخوكي اختارها فلازم نحترم اختياره

انس بضيق: انا هطلع انام تصبحوا علي خير

القي انس كلماته ثم صعد الي الاعلي واخذ هاتفه واتصل بجميله اما في الجهه الاخري كانت وصال تجلس علي فراشها تذاكر حتي جاءها اتصال فأجابت اما عند انس تحدث بضيق مردفا: وصال ازاي مانتك قالتلي ان دا رقم جميله

وصال بأحراج: معلش هتلاجيها اتلغبطت انا هبعتلك رقم جميله في رساله

تنهد انس بضيق ثم انهي المكالمه واغلق الخط وانتظر حتي ترسل وصال الرقم واتصل بجميله ولكنها لم تجيب فأعاد الاتصال مره اخري ولكن لم تجيب فألقي الهاتف وذهب للنوم اما في اليوم التالي تحدثت جميله بضيق مردفه: انا مش عايزه سلطه ومش بحب الجبنه دي

نبيله بعصبيه: هو دا واكلك من هنا ورايح يا مفيش واكل نهائي اتنيلي خلصي هتاكلي ولا لع

جميله بضيق: مش هاكل

نبيله بحده: خلاص رووحي غيري هدومك خدي حاجه من عند اختك البسيه علشان نمشي.. اختاري حاجه حلوه بلاش الزفت ال بتلبسيه

دخلت جميله الي غرفه وصال واخذت ملابس منها وانتظروا انس حتي جاء هو ووالدته واخته وذهبوا الي مكان بيع الذهب ودخلوا الي احدي المحلات وجلس الجميع فتحدثت يسرا بابتسامه مردفه: اختاري يا حبيبتي ال يعجبك

نظرت جميله الي المعروضات ثم اختارت سلسال صغير علي شكل مفتاح واختارت ايضا خاتم رقيق به بعض الفصوص الصغيره ثم تحدثت مردفه: دول

نظرت نبيله اليها بضيق ثم تحدثت بهمس مردفه: انتي غبيه يا بنت انتي ما تختاري حاجه تقيله شويه الله يخربيتك

يسرا بأستغراب: يا حبيبتي اختاري كمان

أنس بضيق: لو مفيش حاجه عجباكي هنا قولي

نظرت جميله الي والدتها بخوف ثم تحدثت مردفه: انا مش عايزه حاجه تانيه كفايه اكده

زهره بضيق: ماما انا عايزه سلسله زي ال هي ماسكاها دي

يسرا للصائغ: ممكن تجيبلها سلسله زي دي

الصائغ: لع والله يا هانم مفيش غير دي بس ممكن بعد اسبوع ولا حاجه

زهره بحده: انا عايزه واحده زي دي دلوجتي

جميله بابتسامه: خلاص خديها مفيش مشكله

سحبت زهره السلسال من يديها ثم تحدثت مردفه: ماشي هاتي

نظر انس ويسرا اليها ثم تحدث انس بحده مردفا: رجعيلها السلسله وبلاش قله ادب هي كانت ذوق معاكي يبقي انتي كمان تتعلمي شويه ذوق واحترام

يسرا بضيق: اخوكي صوح يا زهره اي الاسلوب دا

نظرت زهره الي جميله بغضب ظنا منها انها تحاول ان تكسب الحميع في صفخا بهذه الحركه ولكن لا تعلم ان جميله ابسط من كل هذه السخافه فتحدثت جميله بابتسامه مردفه: لع والله انا مش زعلانه تاخدها مش مهم

يسرا بضيق: طيب اختاري يا حبيبتي واحده تانيه

جميله بابتسامه: مفيش داعي كفايه عليا الخاتم انا مليش في الدهب اصلا

خرجت زهره وهي تشعر بالغضب ثم تحدثت مردفه: والله لهوريكي يا غبيه انتي بجا انتي عايزه تعملي نمره عليا واهلي يحبوكي ويكرهوني

خرجت جميله وانتظرت في السياره حتي يقوموا بدفع الحساب فخبأت زهره السلسال في ملابسها ووضعت حقيبتها في السياره ودخلت الي المحل وبعد فتره خرجوا الجميع واعطي انس الخاتم وتحدث مردفا: هيجبلك سلسله نفس ال اخترتيها بكره ان شاء الله

ابتسمت جميله وجاءت لتتحدث ولكن قاطعتها صوت زهره وهي تتحدث بحده مردفه: مفيش داعي يا اخوي علشان هي اصلا سرجت سلسلتي

نظر الجميع الي جميله وتحدثت يسرا بحده مردفه: عيب اكده يا زهره في اي ماالك

زهره بحده: هي الوحيده ال كانت اهنيه يا ماما في العربيه والسلسله كانت في شنطتي يبجي هي ال سرجتها

نبيله بعصبيه: انتي تاني يعني بتسرجي الفلوس من البيت وسكتنا كمان اهنيه مش ساكته

نظرت جميله اليها اليها بصدمه ثم تحدثت مردفه: والله العظيم ما سرجت حاجه اي ال بتجوله دا يا ماما

أنس بضيق: خلاص خليلك السلسله مفيش مشكله

جميله ببكاء: اي ال بتجوله دا انا مش حراميه انت ازاي تجول عليا اكده

صرخ في وجهها بغضب مردفا: لا والله اذا كان اهلك نفسهم قالوا كده… هو انا ال قولت؟!

نظرت جميله اليه بأحراج ودموع ثم تحدثت بصوت متقطع مردفا: بس انا مش حراميه والله وعمري ما سرجت حاجه ومعرفش السلسله ال بتجول عليها دي فين

تنهدت هذه الفتاه بغضب ثم تحدثت مردفه: هو في اي يا اخوي ازاي اصلا عايز تتجوز واحده زي دي لا شكل ولا منظر ولا تعليم ولا اسلوب.. لع وكمان حراميه… ما كنت تتجوز اختها احسن منها بكتير جوي واحلي منها كمان

نظرت جميله اليها ببكاء شديد ثم تحدثت مردفه: انا مش حراميه.. متجوليش عليا اكده علشان انا مش حراميه

القت جميله كلماتها ثم فتحت حقيبتها واخرجت اسواره ذهب صغيره ووضعتها في يده وتحدثت مردفه: اتفضل دي بدال ال ضاعت علشان انا مسرجتش حاجه الاسوره دي معرفش اذا بيعتها هتجيب تمن سلسله اختك ولا لع بس انا مش معايا غيرها

القت جميله كلماتها ثم اخذت تاكسي وذهبت بمفردها وهي تبكي بشده اما في البيت كانت وصال تخرج من غرفه والدتها وهي تحمل بعض النقود وتخبأها وتتحدث مردفه: معلش بس انا محتاجاهم والله ضروري وهبجي ارجعهم تاني

كانت وصال ستدخل غرفتها ولكن وجدت جميله تدخل من الباب وهي تبكي بشده ولكنها زادت في البكاء عندما وجدت هذه النقود في يديها فأقتربت وصال وتحدثت بلهفه مردفه: ماالك يا جميله اي ال حوصل

جميله ببكاء شديد: وصال بالله عليكي رجعي الفلوس دي وانا هتصرفلك في اي فلوس بس بالله عليكي رجعيهم انتي متعرفيش ماما بتعمل فيا اي ولا بتجول عليا اي جدام الناس

وصال بحزن: طيب جوليلي مالك

قصت جميله لها كل ما حدث فأنصدمت وصال وتحدثت بعصبيه مردفه: ازااي تجةل اكده جدام الناس

جميله ببكاء: علشان هي فاكره اني انا ال باخد الفلوس

وصال بحزن: هرجعها متزعليش

نهضت وصال ووضعت النقود مكانها ثم اقتربت من اختها واحتضنتها ولكن فجأه وجدت نبيله تسحبها من شعرها وتتحدث بغضب مردفه: فين السلسله يا حراميه

جميله ببكاء: والله العظيم ما خدت حاجه انتي بتعملي معايا اكده لييه حرام عليكي هو انا مش بنتك

نبيله بغضب: ال عنده بنت زيك يروح يدفن نفسه

صرخت وصال في وجه والدتها وتحدثت بعصبيه مردفه: حرام عليكي اكده والله ال عنده بنت زي جميله لازم يكون احسن واحد في الدنيا مش يروح يدفن نفسه واختي مش حراميه انا ال…

لم تكمل وصال كلماتها حتي اوقفتها جميله وتحدثت مردفه: بس اسكتي متتكلميش خلاص

تنهدت وصال بحزن وضيق ثم اخذتها ودخلوا الي الغرفه اما عند انس تحدثت يسرا بحده مردفه: لع البنت دي مش حراميه ومش معني اني مش معجبه بيها وكنت عايزه اخوكي يتجوز واحده تانيه اني اظلمها

كان أنس يندر اليهم من الاعلي ووالدته تتشاجر مع اخته فدخل الي غرفه زهره وبخث في حقيبتها ولكنه لم يري شئ فجاء ليذهب ولكنه توقف عندما وجد السلسال ظاهر من ملابسها الملقاه علي الارض التي كانت ترتديها فأخذها ونزل وكانت زهره تتحدث مردفه: لع بس البنت دي حراميه و

لم تكمل زهره كلماتها وفجأه تلقت صفعه قويه علي وجهها من انس الذي تحددث بغضب مردفا: السلسله دي كانت في هدومك بتعمل اي

نظرت زهره الي السلسال بخوف وتحدثت بتوتر مردفه: انا.. شكلي نسيت واتهمتها بالغلط و

صرخ انس في وجهها بغضب مردفا: لا انتي ال قاصده تعملي كده علشان نتهمها وانا اسيبها انا مش فاهم في اي هو حد قالك اننا كاملين ما كل واحد فينا ناقصه حاجه ما انتي اهه بجحه وقليله الذوق ولسانك دا زي السيف بيأذي الناس وبس تعرفي انا كنت ناوي افركش خطوبتي بالبنت دي بس والله لهكمل الجواز واخر الاسبوع الفرح ومن هنا ليوم الفرح لو اتعاملتي مع البنت دي وحش تاني انا مش هسكتلك يا زهره فاهمه ومش هتاخدي السلسله

القي انس كلماته ثم ذهب فتحدثت يسرا بعصبيه مردفه: علي اوضتك يلا

اما عند دياب كان يتحدث بضيق مردفا: جاي عادي ان شاء الله يا نبيله هو اتصل وحال ينفع اجي شويه جولتله ماشي

نبيله بسخريه: اكيد جاي يبوظ الخطوبه كنت متأكده والله.. طيب يارب يتجوز وصال ويكون عرف انها هي ال تنفعه

ذهب دياب ليفتح الباب هل انس وكان يحمل علبه شوكلاته وحقيبه يبدوا عليها انها حقيبه هدايا وبعد دقائق دخلت جميله ووصال فتحدث انس مردفا: انا اسف علي سوء التفاهم ال حصل اختي مكنش قصدها السلسه كانت واقعه في العربيه واحنا لاقينها

القي انس كلماته ثم فتح حقيبه الهدايا واخرج هذه العلبه القطيفه ثم فتحها وظهر طقم الماظ رائع الجمال فتحدث مردفا: قولتي مش بتحبي الدهب فقةلت اجيبلك الماظ ياريت يعجبك ودي السلسله وزهره انا هجيبلها واحده تانيه

نظرت نبيله بصدمه الي طقم الالماظ فتحدثت جميله مردفه: ليه اكده مش للدرجادي انا اصلا هلبسه ازاي

أنس بابتسامه: اعتبريه شبكتك واسف تاني علي ال حصل ومن بكره تقدري انتي واختك ومامتك تنزلي تشتري الفستان ال يعجبك لوحدكم محدش من اهلي هيجي

وضع انس الهدايا ثم ذهب ومرت الايام بسرعه وسط مناوشات من نبيله ولكن بسيطه بسبب انشغالها بترتيبات الزفاف وفي يوم الزفاف كان كل شئ علي اكمل وجه وتم كتب الكتاب وسط سعاده من الجنيع عادا نبيله التي كانت تتمني ان تكون وصال هي مكان جميله اما عند انس كان يقف مع اصدقاءه حتي جاء صديقه المقرب واحتضنه وتحدث مردفا: والله جاي من المطار علي هنا

انس بضيق: انا مش عايز اتجوز… خلينا نسافر علي شرم الشيخ دلوجتي ونجعد هناك يومين لحد ما اشوف طياره علي كندا ونرجع تاني وهسيب تليفوني اهنيه ومش هعرف حد غير لما اسافر وابجي اطلجها من هناك

نظر صديقه اليه بصدمه ثم تحدث مردفا: انت مجنوون ولا اي… اي ال بتقوله دا

انس بحده: مش عايز اكمل.. انا هسافر دلوقتي

القي انس كلماته ثم اخذ مفاتيح سياره احدي اصدقاءه وذهب بسرعه فلحقه صديقه كل هذا وكانت زهره تستمع لهم وانتظرت نصف ساعه حتي تأكدت ان اخوها ذهب هو وصديقه ثم دخلت ونحدثت بسخريه: اخوي شكله مستحملش تكوني مرته ساعه علي بعضها وهرب منك… هو هيرجع كندا وجال انه مش عايزك وهيطلجك

وقف الجميع بصدمه عندما سمعوا كلمات زهره فركضت جميله وهي تحمل فستان زفافها بيديها الي الخارج تبحث عن انس ولكن لم تجده وسط اصدقاءه فخرجت الي الشارع تبحث عنه وهي تبكي بشده وتتصل به ولكن لم تنتبه الي هذه السياره القادمه اليها من بعيد وووو

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم

الفص الأول والثاني من هنا

الفصل الثالث والرابع من هنا

الفصل الخامس والسادس من هنا

الفصل السابع والثامن من هنا

الفصل التاسع والعاشر من هنا

الفصل الحادي عشر والثاني عشر والثالث عشر من هنا

اللي بيحب الروايات الكامله والحصريه من هنا 👇 ❤️ 👇

روايات كامله وحصريه

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

الصفحه الرئيسيه للروايات الجديده من هنا

جميع الروايات الحصريه والكامله من هنا