رواية ابن الهواري الفصل الثامن والتاسع بقلم ملكه حسن حصريه وجديده على مدونة النجم المتوهج للروايات والمعلومات
 |
رواية ابن الهواري الفصل الثامن والتاسع بقلم ملكه حسن حصريه وجديده على مدونة النجم المتوهج للروايات والمعلومات
ضحك مصطفي بشر وقال متستعجليش هتعرفي في وقتها
ردت عليه وقالت ما تقول عشان ابقي وخده فكره
عشان لو حصل حاجه ابلغك رد مصطفي وقال
متقلقيش قريب قوي هتمسع اخبار حلوه
كانت فريده بتستكشف الشقه وبصت من الشباك لقت زيد
طالع من البيت ورايح ناحيه عربيته
وباين علي ملامحه الغضب شافها واقفه بص عليها بحنيه
كانت فريده مستغربه ليه باصص ليه كده
كان زيد بيقول في نفسه شكلها الايام جايه قاسيه عليكي قوي
يا بت خالي حتي عليا انا كمان في فراق جدي بس
عهد عليا لا يحميكي واكل اي حد يفكر يقرب منك
وفي نيته شر ركب العربيه بسرعه ومشي فريده كانت
محتاره في شخصيتة
مره قاسي مره حنين ومره بيدافع عنها قدام أمه
وصل زيد المزرعه أول ما دخل اتكلم الحارس بسرعه
اهلا يا زيد بيه حضره الضابط علي مستني حضرتك في
المكتب من بدري
قلع زيد النظاره السوداء وقال ايوه عارف هو كلمني
حد عامل ليه حاجه يشربها اتكلم الحارس وقال
ايوه زيد بيه حصل من بدري
دخل زيد لقي علي قاعد علي المكتب بيشرب قهوه
قرب منه زيد وقال علي باشا عامل اي منور سوهاج
قام علي بابتسامه وحضنه وقاله عامل اي صاحبي
ليك وحشه يا هواري ضحك زيد
وقاعد علي راس المكتب
وقال واخد اجازه ولا اي سبب الجايه دي البهيه دي
ضحك علي وقال اسكت متفكرنيش والنبي
انا كنت في مهمه وكنت هموت الحمدلله ربنا ستر
وعطوني اجازه هديه ضحك زيد بصوته الرجولي
وقال هديه كمان انتي
دماغك فله يا علي مش عارف بقيت ضابط ازي
اتكلم علي بجديه وقال قربيك عامل اي يا زيد
بص ليه زيد بجديه وقال قصدك مين
بص ليه علي بتركيز وقال مين غيره مصطفي
كمل زيد وقال بيقولو في المانيا بيخلص شغل
هناك بص ليه علي بتركيز وقال علي فكره يا زيد
اصحابي هنا كلموني وقوليلي أن ابن عمك دائما
بيروح اماكن مشبوهه
دي غير أنه مصاحب ناس هتودايه في ستين داهيه
بص ليه زيد وقال بسخرية هو حر بقي
انا هنبه مرات خالي
وهي تتصرف معه ام انا لو اتكلمت هطلع عامل فيها شيخ
زي ما بيقول الدكتور
مش عارف بس انا حاسس انو بيخطط لمصبيه
اصل وجوده في المانيا الوقت ده كله دي غير أنو
حاطط ناس تراقبني علي اساس اني غبي ومش
عارف يعني انا ممكن افعصهم برجلي بس
خاليه كده فاهم انو اذكي الناس
ضحك علي بسخرية وقال وهو اغبي خلق الله
ابتسم زيد وقال عندك حق كمل علي بجديه
وقال ناوي علي اي يا هواري
ضحك زيد بصوت واطي وبص ليه وقال مش عارف
اهو ربنا يستر انا خايف علي مرات خالي والله
قام علي وقال يلا اسيبك انا وبكره باذن الله هكون
عندك وداعه زيد ومشي بس دماغه كانت مشغوله مع فريده
يا تري حصل معها اي رجع كان الوقت متاخر بس شاف
من تحت البيت النور شغال في اوضه فريده
طلع ووقف قدام الاوضه وكان متردد يحبط علي
بس حسم الامر وخبط
فتحت فريده كانت لبسه بجامه هادئه زي ملامحها وكانت
ماسكه كتاب في أيدها بص زيد بعيد وقال مساء الخير
ردت فريد بخجل وقالت مساء النور كمل ذيد وقال معلش
اطلعي في الصاله حابب اتكلم معكي في موضوع
بصت ليه فريده بتركيز وقالت حاضر ومشيت وراه وقعد زيد
لقيها واقفه متوتره بص ليها وقال بنفاذ صبر اقعدي
يا فريده بصت ليه بتوتر وقعدت بسرعه علي الكرسي
اتكلم زيد وقال طبعا انتي بتدرسي يا فريده
هزت دماغها وكمل ذيد وقال بتدرسي اي
ردت فريده بنفس الخجل وقالت رايحه تالته ثانوي
بص ليها زيد وقال يعني فاضل سنه وكمل وقال أنا هنقل
ورقك هنا من اسكندريه
بصت ليه فريده بحماس وابتسمت وقالت بجد
هتخلني اكمل كمل زيد وقال انا يمكن عصبي شويه
بس انا بشجع التعليم وخاصه للبنات بحب اشوف كل وحده
ناجحه في حياتها
قوليلي يا فريده نفسك تدخلي كليه اي
بعدها كملت فريده
بنفس الحماس وقالت هكمل جامعه كمان الله
ابتسم ليه زيد وقال ايوه كمان قولي نفسك تدخلي جامعه اي
ارتحت فريده معه في الكلام وقالت بابتسامه نفسي اطلع
دكتوره أدوي القلوب المجروحه وبصت ليه بنظره حزن
بص ليها زيد وسرح وافتكر لما كان قاعد مع جده في
الأرض
وسأله وقال قولي يا زيد نفسك تدخل كليه اي يا ولدي
بص زيد لجده وقال نفسي في طب ي
واكون مختص في
القلب يا جدي عشان اعرف اللي بيحبني واللي بيكرهني
ضحك الحاج ناصر بصوت عالي وقال إن شاء الله يا زيد
إن شاء الله
فاق زيد علي صوت فريده وهي بتقول استاذ زيد انت
سامعني
اتكلم ذيد بتعثلم وقال معكي وفجاءه قام وقال بعصبية
فجاءه اتعصب عليها زيد وقال إن شاء الله انتي اي اللي
مسهرك روحي نامي بصيت ليه بحيره ومعرفتش تفسر هو
صعب ولا حنين فجاءه بيتحول قامت فريده ولسه هتدخل
الأوضه اتكلم زيد وقال استني عندك
بصت ليه فريده وكمان زيد وقال انتي اكلتي
بصت فريده في الأرض وفهم أنها قاعده من غير اكل
قرب منها ذيد وقال ليه منزليتش وقولتي للشغالين عايزه اكل
بصت فريده ليه بكسوف كمل وقال استني هنزل اجبلك اكل
اتكلمت فريده بسرعه وقالت خلاص مش عايزه هدخل انام
وجت تتحرك مسك زيد دراعها وقال انتي مش بتسمعي الكلام
ليه دائما تتعترضي استني دقائق وراجع
ومشي من قدامها غيونها اتملت دموع
من عصبيته وانو عايز يحركها زي اللعبه في أيده
كان مصطفي ماسك التلفون وبيكلم حد بعصبيه وبيقول
يا حاج متخفش هو مش هيقدر يقرب منك بس
نفذ اللي اتفاقنا عليه بالحرف
اتكلم الطرف التاني وقال يا بني انا مش قد
زيد الهواري لا الهواره كلهم حتي لو هو
سكت في الف غيره يتكلم وكمان الناس
كلها بتعمله الف حساب يعني انا ممكن شغلي
يقف وبيتي يدمر هدى مصطفي وقال
انت هيكون معك ورق مسجل يعني ميفدرش
يكلم ولا يفتح بوقه بحرف رد الطرف التاني وقال
يا ولدي اخر مره هقولك انا مش كده وعلي
العموم انا موافق بس خليك فاكر مصلحتي الاول
وقفل رمي مصطفي تلفونه بعصبيه وقال
بغضب جبان جبان الله يحرقك انت وزيد
عشان ارتاح من واشكالكم
ام عند فريده كانت قاعده في الصاله مستنيه زيد
يرجع وخافت منه ومرضيش تمشي وشويه
رجع زيد وكان ماسك طبق فيه اكل قالها اتفضلي
بصت فريده بعيد وقالت مش هاكل هو اجباري كمان
فهم زيد من كلامها أنها تقصده علي جوازه منها حط الطبق
علي الترابيزه وقال
#الفصل٠التاسع
#ابن٠الهواري
#،بقلم٠ملكه٠حسن
رجع زيد وكان ماسك طبق في اكل قالها اتفضلي
بصت فريده بعيد وقالت مش هاكل هو اجباري كمان
فهم زيد من كلامها أنها قصده علي جوازه منها حط الطبق
علي الترابيزه وقال لا مش اجباري يا بت خالي اهو الاكل
عندك براحتك وسبها ودخل اوضته حست فريده بالذنب أنها
كانت قاسيه معه في الكلام كانت لسه هتمشي بس رائحه
الاكل دخلت أنفها وحست انها جعانه فعلا مسكت الطبق
وبقيت تبص حواليها ودخلت الاوضه بسرعه لمحها زيد من
ورا الباب وبقي يضحك من قلبه بصوت عالي علي أفعالها
بعد يومين كانت فريده زي العاده قاعده وحدها فوق وفجاءه
الباب خبط فتحت لقيت بنت ملامحها جميله واقفه بتقول
بسخريه بقي انتي العروسه الجديده
انتي اللي زيد سابني عشانك انتي
ودخلت البنت عليها هي واقفه رجعت فريده لورا
بخوف وقالت انتي مين
سكتت البنت شويه وقالت انا ابقى مراته يا عنيا
اللي سيبني عشانك وهملني وقاعد أهنأ ويكي
بصت في عيونها وكملت بسخريه وغضب يا بت البندر
اتكلمت فريده بتعثلم وغصه في خلقها من الصدمه
وقالت انا معرفش أنه متجوز ولا مكنتش قبلت اصلا
اتجوزه والكل عارف هو اتجوزني بأمر من جدي
قربت منها البنت بغضب وقالت وانتي مقولتبش لا
يا غندوره كملت البنت وهي باصه وعيونها حمرا
انتي اللي خطفتي جوزي
خليكي فاكره انك بتلعبي بالنار يا شاطره
ومشيت البنت من قدامها قعدت فريده مكانها
وبقيت تعيط لما افتكرت انو خداعها ازي اتجوزها وهو
متجوز حتي مغلطش في الكلام قدامها ازي قدر يخدعها
هي اه لسه صغيره بس هي عاشت تجارب كتير
اتعملت منها وهي لسه سنها صغير
افتكرت ابوها اللي اتحرمت منه وبقيت تعيط
وافتكرت جدها هو وحضنها وبيضحك في وشها
بكت بحرقه وبقت تصرخ
وتقول وحشتني يا جدي وحشتني الدينا قاسيه قوي من بعدك
كله بيبيع ويشتري في فريده حبيبتك وترمت علي
الأرض وبقيت تبكي
كان الوقت اتاخر وفجاءه دخل زيد من الباب
لقي أمه في وشه وقال مساء الخير يا امي
ليه قاعده كده وبص في ساعته وقال الوقت متاخر
بصت أمه بغضب وقالت مساء الخير يا ولدي قاعده ليه
عشان مستنيه المحروس ولدي اللي مبقتش اعرف ليه معاد
راجعه ولا خروج حتي
نفخ زيد بنفاذ صبر وقال عايزه اي يا امي
من الاخر بدل النكد ده انا مش ناقص
اتكلمت بغضب وقالت امال المحروسه مرتك هتنزل امته في
الدار ولا هتفضل قاعده فوق زي عروسه الشمع
عايز تتحط في قزاز
نفخ زيد وكمل بغضب وانتي عايزه منها اي يا امي البت
صغيره ومش حمل كلامك
بصت ليه أمه وقالت ميصحش يا ولدي
تفضل فوق أكده
الناس كلت وشي بيقولو ولدك عزل منك
مع بت البندر بس يا ولدي
تنزل الدار ومش عايزه حاجه منها واصل
بص زيد بعيد وقال حاضر يا امي هتنزل بس قسم بالله لو
عرفت حد داس ليها علي طرف سعتها هاخد ليها بيت وحدها
خليكي فاكره كلامي كويس وسعتها خلي الناس تقول زيد
عزل من أهله بجد
ارتباكت أمه وقالت حاضر يا ولدي
حاضر قام زيد وقال تصبحي علي خير يا امي
وقف زيد علي السلم وقال لا بالحق
هي فاطمه جات يا امئ
اتكلمت أمه من غير ما تبص وقالت جات الظهر يا ولدي
كمل زيد وقال امال مش سامع صوت ليها في
الدار بصت ليه أمه وقالت
هتكون راحت فين يعني تلقي اتخمدت البت دي عيارها
فلت زيد اتعصب من كلامها
كمل طريقه وقال تصبحي علي خير يا امي
فتح زبد الباب لقي فريده قاعده في الصاله
عيونها حمرار ووارمه فهم أنها كانت تبكي
قعد علي الكنبه وقال مساء الخير
انتبهت فريده وردت عليه بصوت باهت وضعيف
وقالت مساء النور بص زيد في وشها بتركيز
وقال أنا نقلت الورق بتاعك سوهاج هتدخلي
هنا من اول السنه الدراسيه هتكملي
هيكون في سوق وعربيه مخصوص عشانك
هزت فريده دماغها بحزن دليل علي الموافقه
وكمل زيد وقال السبب انو في عربيه هتوديكي وتجيبك
لانك متعرفيش بلدنا كويس لانك جديده هنا طبعا
هزت فريده دماغها من غير ما تنطق أو اتجدال زي
ما اتعود عليها
استغرب زيد هدوئها وقال هو في حاجه مدايقكي
ردت فريده وقالت لامفيش وعدلت من قاعدتها وقالت
انا كويسه ونفخت وقالت متقلقش
بص ليها زيد وقال بحيره طيب اكلتي
هزت دماغها بمعني لا
اتعصب زيد وقال ليه قاعده من غير اكل
احنا مش بيت كفار هنا انتي هتجنني معكي
فوقي كفايه لازم تركزي في حياتك الجايه
بصت ليه وعيونها كلها دموع وقالت
انا مش عايزه اكل ده مش اجباري
وكمان وبنسبه لحياتي انا هعرف امشيها كويس
خليك انت مع مراتك الأولي انتبه زيد لكلامها وردد وقال
بحيره مراتي
اتكلمت فريده بعصبيه وقالت مراتك اللي انت سايبها
وجوزتني عليها وكدبت عليا حتي جدي منبهش عليا
اني زوجه تانيه انا مستحملش حد يقول عليا خاطفه راجله
بص ليها زيد بحيره وقال مين قالك الكلام ده انطقي
صرخت فيه فريده بغضب وقالت مراتك
كانت هنا بدري بتهددني وهي اللي عرفتني حقيقتك
يا بيه يا محترم يا ابن الهواري
اتكلم زيد بنفاذ صبر وغضب وقال واطي صوتك
انا مش بحب الحريم اللي تفضل تنوح وتصرخ كيف البقر
مين غير ما تفهم حتي بتقول اي
صرخت في وشه تاني فريده وقالت ازي تتجرأ
تقول عليا كده تصدق عندك حق عشان قبلت بواحد
زيك وسبت بلدي وجيت عشان القي كله كدب في كدب
كله مش طايقني حتي عمتي اللي اقرب الناس ليا
وفي الاخر تطلع متجوز
مسك زيد دراعها بقوه وقال ايوه متجوز
وتفضلي ادخلي علي واضنك مش عايز اسمع صوتك تاني
بكت فريده بصوت وشهقات عاليه ومشيت من قدامه
بسرعه وقف ذيد وقال بغضب حسابك معايا
بعدين يا فاطمه
وفتح باب الاوضه بغضب ودخل جوه
مسك صورته هو وجده
وخدها في حضنه عيونه اتملت دموع وقال
سامحني يا جدي
سامحني بس هي مينفعش معها الدلع لازم تكون
قوه مش تضعيف مع كل مواقف طلع الصوره من
خصنه وبص فيها
وقال بقهر وحزن وحشتني يا جدي قوي مكنتش اعرف انو
فراقك صعب قوي كده وحشاني خضنك ونصحيتك ليا
ام في الاوضه التانيه كانت فريده بتعيط بحرقه
وتقول فينك يا جدي كلهم بيدابحو فيا
حتي حفيدك المحترم طلع بيكدب عليا صدقني مش فارق
معايا متجوز ولا لا بس اني اتخدعت
واتكدب عليا وفجاءه ………
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق