رواية إبن الهواري الفصل الخامس بقلم الكاتبه ملكه حسن حصريه وجديده على مدونة النجم المتوهج للروايات والمعلومات
 |
رواية إبن الهواري الفصل الخامس بقلم الكاتبه ملكه حسن حصريه وجديده على مدونة النجم المتوهج للروايات والمعلومات
بص زيد ليه بقلق وقال ارجوك يا جدي كفايه كلام
ابتسم الجد وقال بس اقول اخر كلمتين اوعي في يوم
تجبرها يا ولدي اوعي تدعي عليا في تربتي
عيون زيد دمعت
وقام حضنه وبقي يبكي وقال بعد الشر عليك يا جدي
وحط ليه القناع فجاءه الجد بقي يغمض عيونه ويفتحهم
وقال اصل ابوك وعمك وحشوني قوي
وانا ريد اروح عندهم
نزلت دموع زيد وقال كفايه يا جدي ارجوك
غمض الجد عيونها اخر مره وقال خلاص يا ولدي خلاص
فاتح عيونه اشهد ان لا اله الا الله واشهد أن محمد رسول الله
وطلعت روح الحاج ناصر وهو باصص علي زيد
هزه زيد بقوه وبقي يقول بصوت عالي فيه قهر جدي
فوق يا جدي ارجوك انا مليش غيرك فوق
وبقي يصرخ جات الممرضه تجري علي صوته
هي و الدكتور
بعد الدكتور زبد عن جده بقوه وخرجه فحص الدكتور الجد
ولقيه فعلا مات
كانت فريده مش فاهمه اي حصل فجأة خرج الدكتور لزيد
وقال البقاء لله فريده أول ما سمعت كلام الدكتور داخت
وكانت هتقع جري عليها زيد ووقعت بين أيديه شالها كانت
صغيرة جدا حس انو رغم طوله لسانها بس لسه اللي زيها
صعب يستوعب المشاكل دي كلها والحزن دخل بها اوضه
في المستشفي وسابها مع الممرضه وطلع يكمل الإجراءات
بتاعت المستشفى بعدها بفتره فاقت فريده لمحت زيد واقف
قدام الشباك عيونه
ورامه جوه قهر وحزن كأنه عايز يصرخ كأنه جبل واتهد
علي خساره جده اللي مربيه قامت فريده وبقيت تعيط لما
افتكرت جدها
سمع زيد صوتها ومن غير ما يبص ليها قال بصوت حزين
اجهزي انا خلصت الإجراءات عشان نلحق نوصل سوهاج
بدري واتنهد وكمل عشان ندفن جدي
اتكلمت فريده من بين دموعها وقالت هو انا هروح معك
رد زيد بغضب وقال ايوه كملت فريده وقالت وماما مش
هتوافق
قرب منها زيد وبص في عيونها وعيونه كانت حمرا وقال
انتي دلوقتي مرت زيد الهواري محدش يقدر يقرر رايحه فين
وجايه منين وشاور علي نفسه وكمل بتهديد وقال غيري انا
وصرخ فيها وقال يلا قومي ورانا سفر وخرج من الاوضه
بسرعه قامت فريده وهي بتعيط ومشيت وراه نزل قدامها
وكانت عربيه الإسعاف اللي فيها جدها واقفه
أول ما شافتها حطيت
ايديها علي بوقها وبقيت تعيط بحرقه وصوت مكتوم فتح ليها
زيد باب عربيته من ورا وطلع جمبها وامر السواق يطلع
والاسعاف كانت وراهم
وصل زيد بلدهم تاني يوم قبل المغرب ودفن جده مع
مصطفي اللي رغم الحزن والقهر اللي باين علي زيد بس
مش طايقه في عزاء جده
ام فريده كانت قاعده في بيت جدها
بتعيط وخايفه بنت عندها ١٧سنه تتعرض لده كله خساره
ابوها وقسوه امها وكمان خساره احن واطيب شخص عليها
جدها
لمحتها مرات عمها وقربت عليها وسط الستات واخدتها في
حضنها وبقيت تعيط بحرقه علي عمها اللي كان في مقام
ابوها من يوم ما مات جوزها ورفضت تتجوز بعد ابنه
احترامها وقدر تضحيتها عشان تربي أحفاده
بعد ما خلص العزاء دخل زيد بيت جده لفي مرات خاله
قاعده حزينه لوحده في المندره قرب منها وقال
البقاء لله يا مرات خالي بصت ليه وعيونها اتملت دموع
وقالت سبحان من له الدوام
وانت كمان يا زيد شد حيلك بص ليها زيد بحزن وقال كله
علي الله يا ام مصطفي بص ليها وكمل كلامه وقال
امال فين فريده وامي محدش باين منهم
اتكلمت ام مصطفي بحزن وقالت
فريده يا عيني عليها كانت
منهاره ودخلتها عندي ترتاح في الاوضه
وكمان امك كانت
مقهوره اصريت عليها تنام وانتي يا بني باين عليك التعب
ادخل ارتاح في اوضه محمود بصت ليه وكملت حاول
تسامحه يا زيد هو مش راضي يرجع البلد لا لما انت تسامحه
اتكلم زيد بلهفه وقال انا مليش دخل بيه يرجع ميرجعش
براحته ام اني اسامحه خليها الايام يا مرات خالي
ولسه هترد عليه دخل الغفير وقال يا زيد بيه في وحده بره
عايزه تقابلك بتقول انها أم الانسه فريده ومعها واحد كمان
بص ليه ذيد بعيون حمرا وقال بصوت جهوري
دخلها هنا من الباب اللي ورا من غير ما حد يحس
بصت ليه ام مصطفي وقالت ناوي على اي يا زيد
بص ليها ذيد وقال بغضب ناوي انهي القصه دي يا مرات
خالي
مش هي الست دي اللي ذلت جدي
عشان فريده انا هدافعها التمن غالي بس الصبر
بصت ليه ام مصطفي وقالت براحه يا بني عشان البنت
الغلبانه مش حمل خساره تاني
بص ليها زيد بحسم وقال أنا بنظف حياتها يا مرات خالي
كفايه شوك في طريقها كده
دخلت هدي بغضب وقالت بصوت عالي فين بنتي يا ابن
الهواري
مش انت زيد صح انا فاكره ملامحك كوبس
بص ليه ذيد بغضب وقال
واطي صوتك احنا عندنا عزاء في
البيت ولا انتي متعرفيش الأصوال
يا ام وسكت وبص بغضب وكمل يا هدي هانم
اتكلمت هدي وقالت انا مش جايه افتح معك نقاش انت أزي
تاخد بنتي من وريا وتجبها بلدكم من سماحلك
بص ليها ذيد بسخرية وقال مش هكرر كلامي واطي صوتك
واللي سماحلي اجيب بيتك بلدنا لانها تبقي مرتي
بصت ليه هدي بصدمه وقالت انت مجنون مراتك ازي
واتجوزتها امته دي علي جثتي
امته وازي مش شغلك وفجاءه دخلت فريده المندره علي
الصوت لقيت امها واقفه جربت عليها هدي
وخضنتها وقالت عملك حاجه الشخص ده
بصت فريده بعيد وهزت دماغها بمعني لا
بصت هدي لزيد وقالت انا بنتي لسه قاصر يعني مينفعش
تتجوز ومسكت ايد فريده وقالت يلا يا فري بينا من البيت ده
والبلدي دي كمان
وقف زيد في وشها وقال بصوت عالي وقفي عندك يا ست
انتي …….
تتوقعو زبد ناوي علي ام مع فريده الأحداث بقت مشوقه
كمان شاركو معايا رائيكو في التعليقات ♥️ ياريت حبايب
قلبي نشجع الروايه ونوصلها لأكبر عدد عشان الفيس ينشرها
وتوصل لكل الناس 🫶
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق