رواية صراع القاسم الفصل الثالث عشر حتى الفصل السابع عشر بقلم الكاتبه سلوي عوض حصريه وجديده
عفاف تنظر إلي الطعام الله شكله حلو جوي
صابرين امال لو دوجتيه هتجوللي ايه اجعدي بجا
لتجلس عفاف لتتذوق الطعام
عفاف: ايه الوكل اللي يعمر النافوخ ده
صابرين: مش وكل بيت العمده يعني وكل متكلف
اما حليمه هاهيا تتحدث الي هدي
حليمه: بت يا هدي اطلعي شوفي المغدوره عفاف عوجت فوج ليه
هدي: بتاءفف اديني طالعه
لتصعد هدي
هدي: يخرب مطنك منك ليها حماتكم عايزاكم وانتو ولا علي بالكم وشغالين طفح
عفاف: سيبك منيها وتعالي كلي معانا
هدي: اكل ايه بس بجولك حماتك شيعتني اشوفك عوجتي ليه
صابرين: والله لو ما كلتي هتندمي
هدي: والله انا جعانه بس العجربه اللي تحت ديه
صابرين: كبري مخك واجعدي استنو كمان هفتحلكم ساجع
 |
هدي: ربنا يسترها علينا من ام اربعه وأربعين
لتتذوق هدي الطعام
هدي: له بجا ده انا اجعد عشان اخد راحتي
اما حليمه فكانت تتحدث الي نواره
حليمه: هما حريم خواتك مالهم كل ما أشيع واحده تروح تموت
نواره: وانا ايش عرفني اطلعي يا احلام شوفيهم
احلام: حاضر
وبالفعل تصعد احلام أيضا لتدخل قاعه صابرين
عفاف: بت حلال اجعدي كليلك لجمه معانا
احلام: انتو جاعدين تاكلو وحماتكم جالبه وشها علينا وجالتلي اطلعي شوفيهم اتاءخرو ليه ياله معايا ديه هتسود عيشتكم
عفاف: طاب اجعدي بس كلي وهمليها تخبط رأسها ف الحيط اللي كانت مستجويه علينا بيه غار ف داهيه يعني مش هتجدر تعمل حاجه
احلام: علي رءيك وسعي يابت خليني اكلي لجمه الا انا مهفته من الجوع
صابرين: ايوه كده اجعدو وخليها تتفلج
اما حليمه كانت تتحدث الي نواره
حليمه: هو فيه ايه فوج كل ما ابعت واحده تتركن فوج
نواره: اطلعي شوفيهم انا راسي وجعاني وهنام يوم غريب كله نصايب
حليمه: اطلعي يا اختي موراكوش غير وجع الجلب جاتكم كريره تاخدكم كلكم
نواره: بطلي دعيه علينا حرام عليكي انتي ايه مش كفايه اللي احنا فيه
حليمه: اكتمي يابت انتي انا هطلع اشندل عيشتهم
لتصعد حليمه لتجد زوجات اولادها يتناولون الطعام
حليمه: الله اكبر انتو جاعدين تطفحو جومي فزي انتي وهيا منك ليها
عفاف: لما نخلصو وكل اجعدي يا حماتي دوجي معانا ده وكل جميل ومتكلف
حليمه: اخرسي يابت انتي وغوري من جدامي وخدي سلايفك معاكي
عفاف: له لما نخلصو وكل الاول
صابرين: كتي عايزاني ف ايه يا حماتي
حليمه: انتي عارفة ياصابرين انك غاليه عليا واغلي من بتي كمان
لتضحك صابرين
صابرين: اه ما انا عارفه
حليمه: طاب اعملي معروف الحكومة خدت جوزك والمحامي عايز نص مليون عايز النص مجدم والباجي بعد البراءه
صابرين: بتمثيل والحكومه خدته ليه
عفاف: أصله بيتاجر ف المخدارت ياسلفتي
صابرين: يعني مجوعينا ومشربينا المرار ومعيشينا ف الشح وبتعدو علينا اللجمه وانتو بتتاجرو ف المخدارت وتلجاكي انتي المعلمه الكبيره له وايه يا سلايفي عايزه ابوي كمان يدفعله نص مليون
حليمه: مش جوزك ابو عيالك وعيب عليكي لما تجوللي كده
عفاف: ايوه اتمسكني واعملي حالك طيبه وانتي عجربه كبيره
صابرين: بس يا عفاف اسمعي يا حليمه انا هروح بيت ناسي
حليمه: بفرحه شاءالله يخليكي انا جولت انك بت اصول
لتضحك صابرين
صابرين: جوز مين اللي اوجف جاره ده شربني المرار كله بخيل ف كل حاجه ده انا لولا عز ابوي كان زماني بجيت جلد علي عضم انا همشي وخلي ولدك يبعتلي ورجتي علي بيت ابوي العمده
حليمه: اعملي معروف جاسم هيضيع
عفاف: طاب متطلعي من تحت البلاطه ونجي ولدك
حليمه: من فين انا محلتيش اي حاجه خالص جولتي ايه يا صابرين
صابرين: انتي مبتفهميش بجولك ورجتي توصلني
عفاف: واسمعي بجا يا حماتي من دلوك وجاي هنعملو اللي احنا عايزينه وانتي تجعدي من غير نفس فاهمه ياتاجره المخدرات
حليمه: والله عال جوي الجوالب نامت والنصاص جامت
عفاف: متخلنيش اجوم اعرفك مجامك
حليمه: طاب اصبري علي انا مخليت ولدي يطلجك ويرميكي
عفاف: ولدك خاتم ف صباعي متتهدي بجا
حليمه: عشان خاطر عبالك ياصابرين
صابرين: شوف المراة البارده جولنا له وانزلي بجا سديتي نفسي وله اجولك استني انا هتصل بابوي
حليمه: بفرحه ايوه كده جدعه بتي
لتتصل صابرين بوالدها
صابرين: أبا شيعلي عربيه عشان الم حاجتي فيها عشان هااجيك اصل جاسم طلع تاجر مخدرات كبير جوي والحكومه خدته
العمده: يبجا لازم يطلجك أنا هروحله المركز ومعايا الماءذون عشان يطلجك وهاتيى عيالك معاكي
صابرين: حاضر يا أبا
صابرين: سمعتي انا فتحتلك السماعه عشان تسمعي الحديت
حليمه: خلاص بجا وجاسم ولدي ربنا يتولاه
اما في منزل والده عباس المهجور بدءت دهب تتحرك
دهب: يا ابوي انا مال راسي تجليه جوي كده
لتفتح دهب عينيها
دهب: ايه المكان ده وانا ايه اللي مكتفني كده
لتنظر حولها لتجد فاتن
دهب: ايه ده ديه فاتن ومتكتفه بردك
دهب: يا ناس يا اللي هنا مين اللي عمل فينا كده انا اخر حاجه فاكراها اني كت رايحه اجيب فلوس حليمه من اخوها يمكن حراميه طلعو علينا عشان الفلوس
لتنده بصوت عالي
دهب: انتو يا اللي هنيه
ليدخل عباس عليها
عباس: ايه يابت انتي بطلي زن
دهب: عباس ايوه انته عباس
دهب: ايه انا كده فهمت ديه لعبه لعبتها انته وحليمه علي
لينظر اليها عباس نظره مريبه
عباس: يخرب مطنك ده انتي طلعتي حلوه جوي
دهب: احنا ف ايه بس فكني فكني لاحسن اصرخ والم الناس عليك
عباس: صرخي براحتك احنا ف الهو
دهب: اعمل معروف يدي وجعتني
عباس: الله يخربيتك يا مهران جولتلك متشيلش اللزجه من علي خشمها هيا والبت التانيه جولتلي جدامهم لبكره علي ميفوجو
دهب: طاب انته عايز مني ايه
عباس: انا مش عايز حاجه لما تاجي ستك حليمه تتصرف معاكم
عباس: بس جوليلي انتي حلوه جوي كده ليه انا هتصل بحليمه وهيا تجوللي اعمل ايه
ليتصل عباس بحليمه
عباس: البت البيضا فاجت اعمل ايه
حليمه: هملني دلوك جاسم ولدي الحكومه جبضت عليه وطلعو مخدرات من مكتبه
عباس: اه ديه لعبه عاملاها انتي وولدك عشان متدونيش فلوس
حليمه: انته حمار وغبي كمان يعني ولدي هيلبس نفسه ف جضيه كبيره زي ديه عشان فلوسك
عباس: ما انا مش عارف بجا هتاجي ميته انتي
حليمه: الصبح ها اجيك بس اوعا البنته يهربو منيك
عباس: له متخافيش هتجيبي الفلوس معاكي
حليمه: مش دلوك اصبر كده كام يوم وهديلك اللي انته عايزه
عباس: إن كان كام يوم ماشي نصبرو
حليمه: اجفل بجا اما اشوف هتصرف كيف ف موضوع جاسم
لتغلق حليمه الهاتف مع أخيها لتجد اشرف
اشرف: اما مها حليمه في حاجه
حليمه: كتي بتكلمي مين
اشرف: ده خالك انته عايز حاجه
اشرف: اه تعالي كلمي عبدالسميع
حليمه: عايز ايه
اشرف: تعالي كلميه وانتي تعرفي
حليمه: اديني جايه معاك
لتذهب حليمه لتجد عبدالسميع جالس مع اولادها
عبدالسميع: البجيه ف حياتك يا ام جاسم
حليمه: وهو فينه جاسم بس
عبدالسميع: انا رايحله زياره بكره وهجومله اكبر محامي ف البلد ومن مليون لعشره متشليش هم انتي بس
حليمه: طاب خد حد من خواته معاك
عبدالسميع: له مينفعش هتصعب عليه نفسه لو حد من خواته شافه ف اللي هو فيه
اشرف: كلامك صح يا معلم
اما قاسم فكان في محبسه يفكر
قاسم: يا تري مين اللي عمل فيا كده بس محدش بيدخل مكتبي غيري
ليتنهد قاسم
قاسم: ياتري الناس بيجولو عليا ايه بس ربنا شاهد اني بريء وعمري معرف المخدرات ولا اعرف طريجها بس غريبه ليه مافيش حد من خواتي جاه ورايا ولا حتي ساءلو عليا ليقول انته السبب يا جاسم جسوتك عليهم وحرمانك ليهم من أبسط حجوجهم يخليهم ميفكروش فيك وجايز كمان يكونو فرحانين فيك
14= الرابع عشر /
بارت 14
جاسم: له مش معجول اخواتي يفرحو في هما اكيد هياجو بكره يساءلو علي هما عارفين اني كت بعمل المصلحه عشان الكل
وهنا يفتح منصور باب الزنزانه
منصور: جيبتلك وكل يا كبير عشان تتجوت وهجيبلك شاي جوللي في حد هنا مزعلك
قاسم: له بس تعبت نفسك وكلفت نفسك
منصور: ميجيش من بعد خيرك ياكبير
ثم ينظر منصور الي المساجين ويتحدث إليهم
منصور: عارفين يا غجر اللي هيزعل الكبير الله ف سماه حسابه هيكون عسير معايا سامعين
المساجين: سامعين حضرتك
منصور: انا هروح اجيبلك الشاي معايزش اي حاجه مني
قاسم: هو محدش ساءل علي
منصور: الصراحه له تلجاهم مشغولين ف الواجب
قاسم: الله اعلم
منصور: انا هجيبلك بطانيه ومخده نضاف عشان تنام براحتك
اما عند عباس هاهو عباس يتحدث مع دهب
عباس: متجوليلي حلاوتك ديه منين
ليدخل عليهم مهران
مهران: البت ديه فاجت كيف
عباس: ما هو من خيبتك مهران وانا مالي ما البت التانيه اهي لساها غميانه
دهب: انا عايزه اعرف انتو خطفتونا ليه
مهران: أوامر عمتي حليمه
دهب: اه انا كده فهمت
عباس: فهمتي ايه
دهب: حليمه عايزه تخلص علي عشان عرفت اني بت محمد البكري
عباس بدهشة: بته كيف يعني
دهب: اه انا بته امي الله يرحمها شريفه
عباس: هو انتي بت المراه بتاعت الاسماعليه
دهب: اه هو انا
مهران: انته بتتساير معاها ليه
دهب: صدجوني لو هملتونا نمشو هتكسبو كتير انا ليا ورث ف اللي سابه ابوي
مهران: له طبعا انتي عايزه عمتي تخلص علينا وكمان متجوزنيش نواره
لتضحك دهب
دهب: نواره مين ديه مخطوبه للتاجر اللي اسميه عبد السميع وكمان جابلها الشبكه
مهران: انتي كدابه يا بت
دهب: له انا مش كدابه عايز تصدج فوج البت فاتن واساءلها وانته تتاءكد وكمان ممكن تتصل علي جاسم وتتاءكد
مهران: اتصل علي جاسم فين جاسم
دهب: محبوس ف جضيه كبيره جضيه مخدرات
بتجول ايه انته؟
مهران: بجول اللي البلد كلها عارفاه
دهب: طاب اجولك اتصل علي نواره واتاءكد من كلامي عشان تعرف ان حليمه ضحكت عليكم
عباس: اتصل بنواره
مهران: هتصل بس عارفه لو بتضحكي علينا دهب ابجو موتوني
ليتصل مهران بنواره
مهران: معلش عشان مجيتاش الواجب
نواره: خلاص ياواد خالي اللي راح راح وبعدين معلش متتصلش بيا تاني عشان انا مخطوبه وعيب اكلمك
مهران: مخطوبه ازاي ولمين
نواره: زي الناس ولمين للمعلم عبد السميع
مهران: ونسيتي حبنا
نواره: بجولك ايه بلاحب بلا زماره وكمان الراجل غني جوي ده جايبلي دهب كتير جوي
مهران: طاب وعمتي رءيها ايه
نواره: امي طايره من الفرحه وانا كمان فرحانه جوي خليني اطلع من المرار اللي انا عايشه فيه ده كمان هيجوم محامي كبير لجاسم اخوي
مهران: طيب يا بت الناس علي العموم مبروك
ليغلق مهران مع نواره ليتحدث الي والده
مهران: أبا اختك ضحكت علينا كل اللي جالته البت ديه صح
عباس: انته بتجول ايه
مهران: بجولك اختك جرطستنا
دهب: طاب متخليكم معاي تكسبو اكتر بكتير حليمه عمرها ماهتديكم جرش
عباس: انا هتصل بيها واجولها محتاج اي فلوس
دهب: ابجا جابلني لو ادتك حاجه
ليتصل عباس بحليمه
عباس: بجولك يا خيتي كت عاوز منيكي مبلغ كده
حليمه: بجولك ايه انا معاييش دلوك بعد متخلصو علي البنته اللي عنديكم هبجا أديك
عباس: تمام
ليغلق عباس الهاتف مع حليمه
عباس: بردك كلامك كله صح
دهب: يبجا نحطو يدنا ف يد بعض واول ما اخد ورثي هديكم اللي يكفيكم واكتر
عباس: موافج
مهران: وانا كمان موافج بس بشرط
دهب: شرط ايه
مهران: اتحوزك عشان اجهر نواره
دهب: وانا موافجه بس بعد ما اخد ورثي
عباس: خلاص انته تتجوز الجشطايه ديه وانا اتجوز البت فاتن
دهب: يبجا فكوني بجا عشان نخططو لحليمه
عباس: فكها وانا هفوج عروستي
اما عند ليلي
ليلي: يا تري البنته فيهم ايه بتصل عليهم تلفوناتهم مجفله استر يارب ويهديكي يا دهب يا بتي ويبعد عنك الشيطان انا السبب ياريتني ما عملت اللي عملته سامحني يارب
اما عبدالسميع كان يتحدث مع حافظ
عبدالسميع: بجولك يا حافظ عاوزك ف خلال يومين تجهزلي كام راجل علي ابوهم
حافظ: خير
عبدالسميع: هجولك ف وجتها
حافظ: كام راجل يعني
عبدالسميع: عشره بس يكونو شداد جوي
حافظ: موجودين
عبدالسميع: ايوه كده
ليغلق عبدالسميع الهاتف مع حافظ ليتحدث مع نفسه
عبدالسميع: انا بكره هجولهم اني جومت محامي لجاسم وخير وجاسم جاللي فضي البيت من اهلي ووديهم بيتك عشان علي ما يطلع اكون وضبت البيت واديهم جرشين واطعهم واجولك جاسم جاللي معايزش حد يزوني وهما مهيصدجو
اما حليمه
حليمه: بت ياعفاف جومي روجي البيت انتي وسلايفك وصبنو المعاوين
عفاف: واحنا مالنا
حليمه: كيف يعني مالكم
عفاف: زي الناس من دلوك ورايح مش هنحطو يدنا ف حاجه ووسعي كده خليني اجهز العشا
حليمه: ليه انتو مش طفحتو مع صابرين
عفاف: اصلي برضع وجوعت
لتنزل احلام
احلام: بجولك ياعفاف ابجي فوريلنا اللبنات وخلي هدي تساعدك عاوزين ناكلو جبن وسمن وجشطه ولبن
حليمه: تطفحو السم الهاري طاب خليها تجرب من التلاجه كده وانا اكسر رجلها
عفاف: تكسري رجل مين وسعي كده
لتمسك فيها حليمه لتدفعها عفاف لتسقط حليمه علي الارض مع دخول اشرف
اشرف: ايه موجعك علي الارض يا اما
حليمه: الست عفاف
عفاف: انا معملتش حاجه ديه هيا اللي مش عايزانا ناكلو
اشرف: ليه بجا يا اما
إنشاءالله حليمه: عاوزين يطفحو جشطه وسمن
اشرف: مياكلو اللي عايزينه مالك بيهم
حليمه: كده هيخربو بيتنا
اشرف: جهزي الوكل يا عفاف تصبيره بس وبعد كده ادبحو كام جوز حمام خلينا نتعشو
لتصرخ حليمه: بتجول ايه انته
اشرف: زي ما سمعتي يا اما
لتصرخ حليمه بصوت عالي
حليمه: فينك يا جاسم فينك يا كبير
اشرف: لما يبجا المحروس يطلع ابجي اعملي اللي انتي عايزاه
15=الخامس عشر 15 /
فاتن: ايه ده انا مال راسي بجيت تجيله جوي كده ليه؟ وايه اللي مربطني كده؟
لتنظر حولها فتجد دهب تتحدث مع عباس ومهران.
فاتن: في ايه يا دهب احنا ايه اللي جابنا هنيه؟
مهران: احنا اللي جيبناكم يا عروستي.
فاتن: هو انته خطفتنا يا مهران؟
دهب: اه يا اختي، حليمه العجربه هيا اللي وزتهم علينا.
فاتن: ليه؟ احنا عملناها ايه؟
دهب: عجربه بعيد عنك، وكمان كانت واعدة مهران تجوزه نواره.
فاتن: ازاي؟ نواره مخطوبه لعبدالسميع صاحب الكبير! طاب ده مغرجهم ف العز وكل يوم يجيبلهم اشي وشويات، ده غير الدهب.
عباس: والله عال يا حليمه. طاب انا اعمل ايه دلوك وانا محتاج فلوس، ده مسلف فلوس من طوب الارض.
وهنا تتصل حليمه بعباس.
عباس: خير يا خيتي؟
حليمه: اجتل البنته اللي عنديك دوله، خلص عليهم وهديك الفين جنيه.
عباس (بصوت عالي): انتي عايزاني اجتل حد؟ جالك انا اجتل؟ جتله انا خطفتهم عشان جوازه العيال وكمان عشان محتاج فلوس.
حليمه: اسمع اللي بجولك عليه.
عباس: طاب اجفلي دلوك وانا هفكر واكلمك.
فاتن (بخوف): هيا عايزاك تموتنا؟
عباس: اه، وبتجول هتديني الفين جنيه.
دهب: انا بجا هكسبك اكتر.
عباس: يا تري مين يعيش فين لما تاخدي الورث؟
فاتن: ورث ايه؟
دهب: له مافيش، تلاجيه بيهزر. (ثم تتحدث بصوت منخفض) خلي مهران ياخد فاتن بعيد عنينا وانا اجولك علي اللي يخلي حليمه تديك اللي انته عايزه وزياده.
عباس: باين عليكي مخك مفتح.
عباس: مهران، فك البت ديه واطلع بيها برا شويه.
مهران: ليه؟ فيه ايه؟
عباس: اسمع انته بس الكلام.
مهران: حاضر هسمع.
أما صابرين، ها هيا تصل منزل والدها العمده.
العمده: خبر ايه؟ امال معجوله جاسم يطلع بيتاجر ف السموم ديه؟
صابرين: ومش معجوله ليه؟ انا عاوزاك تخلصني منيه.
العمده: طبعا هخلصك منيه، انا بتي تبجا متجوزه تاجر مخدرات وانا عمده بلد!
أما دهب فكانت تتحدث مع عباس بعد أن خرج مهران ومعه فاتن.
دهب: اسمعني زين، انته هتتصل علي حليمه وتجولها اني جعدت اصرخ اول ما فوجت، فانته جعدت تضرب فيا وتجوللي انتي مضايجه ستك حليمه ليه. جومت انا جولتلك هيا عايزه تخلص مني عشان انا الوحيدة اللي عارفه انها هيا اللي موتت جوزها، سممته بالاعشاب. وانته بجا هتهددها: يا تديك اللي انته عايزه كله، أو انته هتبلغ عنها وتخليهم يطلعو جتته الراجل ويشرحوها، ووجتها هيعرفو أنه اتجتل مماتش موته طبيعيه.
عباس: ايه يابت التمثيليه اللي بتحكيها ديه؟ لحجتي الفتي وخططتي!
دهب: انا لا باءلف ولا بخطط، هيا فعلا جتلته. مش مصدجني؟ اتصل عليها واعمل حالك بتضربني. واسمعني بجا انا هجولها ايه عشان تتاءكد. بس عارف ايه الاحسن من كده؟ تجيب خط جديد وتخلي حد، بس تكون واثج فيه، يكلمها وبعد كده يسجلها المكالمه ويهددها ويخليها تشيع فلوس عشان هتبجا خايفه علي نفسها، ديه فيها حبل المشنجه.
عباس: يا ابوي، لو كلامك صح ده انا هعيش ف مايه البطيخ.
دهب: يعني هكدب عليك وانا تحت يدك؟ خلاص، خليني هنا لغيت متعمل اللي جولتلك عليه.
عباس: بس هخلي مين يكلمها؟ هيا عارفه صوتي وصوت ولدي. اجولك: في واحد صاحبي بستجضي الكيف من عنده، هخليه هو اللي يكلمها. انا هتصل بيه.
وبالفعل يتصل عباس بـ حافظ.
عباس: ايوه يا معلمي، اخبارك ايه؟
حافظ: تمام، ايه؟ جهزت الفلوس؟
عباس: هتفجرج يا معلمي، بس انا عايزك ف موضوع مهم، وهتمسك منه فلوس كتير جوي.
حافظ: اشجيني.
عباس: انته عارف ان جوز خيتي اتوفي؟
حافظ: اه، عارف. انا دخلي ايه ف كده؟
عباس: اصبر بس، اصل هو اتجتل مش مات.
حافظ: ميولع! انا مالي؟
عباس: اصل اللي سممته حليمه اختي.
حافظ: بتجول ايه؟ انته انته شارب ولا ايه؟
عباس: له والله، حتي خد دهب تجولك علي كل حاجه.
حافظ: دهب مين؟
عباس: خد بس كلمها وهيا هتجولك علي كل حاجه.
حافظ: هاتها.
وبالفعل تتحدث دهب مع حافظ وتقص عليه كل ما تعرفه.
حافظ: طاب اجفلي دلوك وهكلمكم تاني.
ليغلق حافظ الهاتف مع دهب ويتصل علي عبدالسميع.
حافظ: عندي ليك خبر بمليون جنيه.
عبدالسميع: خير يا ابو الاخبار الزينه.
ليقص عليه حافظ كل ما قالته له دهب.
عبدالسميع: براوه عليك، بس انا عايز الكوبايه والفوطه. وجول لعباس اني هشيعله مبلغ محترم.
حافظ: وهتنسي اخوك؟
عبدالسميع: له، انته كمان ليك عندي هديه كبيره جوي. ياله اجفل وكلم البت ديه.
حافظ: البت بتجول انها بت محمد البكري من المرا التانيه.
عبدالسميع: يا ابوي عليك، دائما مفرحني.
حافظ: له، وايه؟ عايزه تنتجم لنفسها ولامها.
عبدالسميع: بجولك ايه، انا عاوز اجابل البت ديه واجعد معاها، هتنفعني جوي.
حافظ: وجت متحب، انته تؤمرني أمر.
عبدالسميع: دلوك علي جول، خليها علي السخان كده.
حافظ: خلاص، هتصل علي عباس واجوله.
عبدالسميع: انا هتكلم معاها، بس مش عايز عباس يكون جاعد معانا.
حافظ: خلاص، انا هخليه يجعد بعيد عنيكم.
عبدالسميع: كلمه وهات منه العنوان عشان اروح، بس نبه عليه يجعد بعيد.
حافظ: أوامر.
أما عند ليلي، كانت تتحدث مع نفسها:
"ياتري بس البنته راحو فين؟ عجلي هيشت ياربي. طاب اروح اساءل عليهم؟ بس انا محدش يعرفني هناك، وهجولهم بساءل عليهم ليه. طمني عليهم يارب، ياتري فيهم أيه ولا جرالهم ايه".
أما ف القسم نجد الظابط حمزه.
حمزه: منصور، يا شاويش منصور.
منصور: تمام يا افندم.
حمزه: روح هاتلي المتهم قاسم، خليني امضيه علي المحضر عشان بكره هيروح النيابه.
منصور: صدجني يا افندم الكبير لا يمكن يعمل كده، هو اه بخيل جوي جوي لكن جدع، بيوجف جار أي حد بس شرط الموضوع ميكونش فيه فلوس.
حمزه: كبير مين وصغير مين؟ ده متهم! اخلص روح هاته.
منصور: تمام يا افندم.
ليذهب منصور ليحضر قاسم.
منصور: انا اسف يا كبير، بس حضره الظابط عايزك، بيجول بكره هتروح النيابه.
قاسم: ربي شاهد ووكيل اني مظلوم.
منصور: ربنا يظهر الحج يا كبير.
ليذهب منصور بقاسم الي مكتب الظابط حمزه.
حمزه: ايه يا قاسم، مش عايز تعترف؟
قاسم: اعترف علي ايه؟
حمزه: علي البلاوي اللى لقيناها عندك.
قاسم: معرفش عنها حاجه، صدجني انا مظلوم.
حمزه: براحتك بقا، امضي علي المحضر، هما ف النيابه هيعرفو يقرروك.
قاسم: لله الامر من جبل ومن بعد. يكون ف علمك انا مش خايف عشان انا مظلوم وربنا هيوجف معاي
حمزه: طاب امضي بقا واخلص
16=السادس عشر 16 /
بارت 16
قاسم: يكون ف علمك انا مش خايف عشان انا مظلوم وربنا هيوجف معاي
حمزه: طاب امضي بقا واخلص
قاسم: همضي يا باشا بس أنا بريء وبكره الحجيجه هتبان
حمزه: خده يا منصور علي زنزانته
منصور: حاضر ياباشا ياله بينا يا كبير
حمزه: (بعصبيه) تاني كبير ده متهم عارف يعني ايه متهم
قاسم: وسع بالك ياباشا خلاص يا عم منصور انا متهم تعالي وديني الزنزانه
(اما عبدالسميع يتصل بحافظ)
عبدالسميع: بجولك يا حافظ اعمل مكالمه مجمعه واطلب عباس عشان أكلمه معاك وبعدين اخد تلفونه واتحددت معاه
حافظ: حالا اهه
وبالفعل يتصل حافظ ب عباس
حافظ: معلمي
عباس: استني هدخل المعلم عبدالسميع ف المكالمه معانا عشان هو اللي هيبجا معاك وهيروج عليك
عباس: تحت امركم
حافظ: فين دهب
عباس: اهي جاعده
حافظ: طاب افتح السماعه
عباس: حاضر
ليفـتح عباس السماعه
عبدالسميع: كيفك يا دهب
دهب: الحمدلله، مش حضرتك بردك خطيب نواره
عبدالسميع: هو انا، دهب خير
دهب: عايز اجعد معاكي
دهب: تحت امرك
عباس: انا هديله العنوان
عبدالسميع: انا هرن عليكم من تلفوني
عباس: تحت امرك
عبدالسميع: اجفل انته يا حافظ
ليغلق حافظ الخط ليتصل عبدالسميع بعباس
عبدالسميع: سجل تلفوني عندك وانا جاييكم دلوك اول مجرب هرن عليك
عباس: تنورنا يا باشتنا
وبالفعل يتحرك عبدالسميع ف اتجاهه لمنزل عباس وبعد ساعه يقترب عبد السميع من منزل عباس ليتصل ب عباس
عبدالسميع: اسمع يا عباس عاوزك تجابلني جدام البيت اول ما ارن عليك
عباس: حاضر
ليغلق عباس مع عبدالسميع ويتحدث الي دهب
عباس: اسمعي يا دهب المعلم عبدالسميع جاي هنا عاوز يجعد معاكي
دهب: طاب اجولك، هات تلفوني عشان اسجل كل كلمه يجولها عبد السميع عشان نبجو ف الامان
عباس: ده انتي مخك مخ ديب كبير
دهب: الدنيا علمتني كده
عباس: انتي جدمك عليا جدم السعد والهنا
دهب: معيزاش فاتن تعرف اي حاجه
عباس: له وانا مخبل اعرفها، خلي سرنا بينا احنا بس
دهب: بس انا كده هحتاج تلافون عشان اسجله كل حاجه
عباس: اسمعي هديكي تلافون مهران ولدي
دهب: بس انا عايزه
عباس: كده تمام. مهران يا مهران هات تلافونك
مهران: ليه
عباس: بعدين اجولك
مهران: خد اهو
عباس: هتفهمي فيه؟
دهب: اه امال ايه
وهنا يتصل عبدالسميع بحافظ
عبدالسميع: انا جار البيت اهو
عباس: انا طالع لحضرتك
عبدالسميع: معايزش حد يبجا جاعد معاي غير دهب
عباس: أوامر
ليخرج عباس ليقابل عبدالسميع
عباس: يا مراحب يا باشتنا
عبدالسميع: (يخرج ظرف من السياره) خد يا عباس خمسين ألف مني بدايه معامله وخد كمان الكيف بتاعك وكل الفلوس بتاعت حافظ انا هسدها
عباس: (يهم أن يقبل يده)
عبدالسميع: له يا راجل، مهران هو حضرتك عريس نواره
عبدالسميع: هو انا، ياله يا عباس خد ولدك وفاتن وزجو عجلكم
فاتن: هو حضرتك اللي خطفتنا
عبدالسميع: وانا اخطفكم ليه
عباس: بس يا بت
عبدالسميع: براحه عليها، فاتن غلبانه. ياله خدهم واجعدو بعيد وانا هخش لدهب
عباس: تحت امرك. ياله يا مهران هات البت ديه وتعالي ورايا
لـيدخل عبدالسميع عند دهب
دهب: يا مرحب بالعريس
عبدالسميع: يا مرحب بيكي يا جمر، انتي صح ماسكه دليل علي حليمه
دهب: اه، ونفسي كمان انتجم منيهم كلهم، خلوني خدامه ف بيت ابوي وحليمه عايزه تموتني. يا ما نفسي اشوفهم والعين كلهم
عبدالسميع: يبجا تحطي يدك ف يدي
دهب: انا اعمل اي حاجه بس انتجم منيهم
عباس: علي يدي. اول حاجه انا خلصت من جاسم، لبسته جضيه مش هيطلع منيها ابدا
دهب: ازاي بجا
(ليقص عليها عبدالسميع ما فعله بقاسم)
دهب: طاب يعني انا عايزه انتجم منيهم عشان اذوني، انته بجا عايز تنتجم ليه
عبدالسميع: اول هام انا مش عايز انتجم، كل الحكايه أن البيت في تحتيه كنز كبير وانا عايز الكنز ديتي. عشان كده خطبت نواره. تاني هام ان الكنز فيه الزيبج الاحمر اللي هيرجعني شباب من تاني. بس لجيت بعد ماصرفت فلوس كتير وجيبت دهب، دهب اللي بتلبسه الحريم مش انتي يعني. جال ايه جاسم افندي يجوللي هنفضو الخطوبه وهرجعلك كل حاجتك
دهب: مصدجش، جاسم ده بيموت علي الجرش
عبدالسميع: له ما اهو ادروش بعد موت أبوه
دهب: اه جولتلي، طاب ايه جولك ف اللي بجولك تاخد الكنز ديتي كيف
عبدالسميع: (يدي علي كتفها) بس ترجعلي ورثي من ابوي وتساعدني ف اللي هعمله
دهب: عيوني. اول هام تخلي عباس يكلم العجربه حليمه ويجولها أنه جتلني
عبدالسميع: كيف يعني
دهب: خد بس نايبك صبر
عبدالسميع: طاب جوللي
دهب: وبعد كده تساعدني علي دخول البيت وتجيبلي لبس عفاريت وانا هجنن حليمه واخليها تكره البيت. ف الوجت ديتي انته هتجولهم انك روحت زياره لجاسم وجالك وضب البيت وخلي امي واخواتي يروحو يجعدو ف بيتك
عبدالسميع: اه يا بت الشياطين
دهب: وكمان تجولهم انك جومت محامي لجاسم والمحامي طمنك وجاسم معايزش حد يزوره
عبدالسميع: تمام جوي
دهب: وهما كده كده كلهم كلاب الجنيه، يعني ابجا اصرف عليهم بس بزياده
عبدالسميع: سهله ديه
دهب: وكمان اوعاك تعرف حد أن جاسم جالك نفضو الخطوبه وخصوصي عباس وولده
عبدالسميع: ليه يعني
دهب: عشان يبجو تحت رجلك علي طول
عبدالسميع: طاب فين الكوبايه والفوطه
دهب: ف الحفظ والصون
عبدالسميع: عايزهم انا
دهب: اول ما اروح البيت هجيبهمولك
عبدالسميع: يبجا اتفجنا
دهب: بس انا ليا عنديك طلب صغير
عبدالسميع: خير
دهب: كت عايزه تلافون وخط جديد عشان اكلمك منيه
(ليضحك عبدالسميع)
عبدالسميع: وانا كت عامل حسابي (ليخرج تليفون من سيالته) تلافون وبخط ومشحون رصيد كمان
دهب: الله، ده شكله غالي جوي
عبدالسميع: ميغلاش عليكي ياجدم السعد
دهب: يبجا دلوك تنادم علي عباس عشان يكلم العجربه أخته ويجولها أنه جتلني وبعد كده تخليه يسيبنا انا وفاتن
عبدالسميع: هتروحو فين
دهب: بص بجا اجولك الصراحه، فاتن تبجا بت خالتي وخالتي ساكنه هنا ف البلد ومحدش يعرفها
عبدالسميع: خلاص يبجا تروحو بيتكم عند خالتك وانا لما اعوزك هتصل بيكي
دهب: اه، وحاجه تاني، هتخلي عباس يجول لحليمه أنه ولع ف جتتنا عشان ممكن تجوله وريني الجثث
عبدالسميع: والله براوه عليكي. فاتن روح بجا انده عليه وأنا هخش لمؤاخذه الحمام
دهب: خشي براحتك وانا هوجف معاه شويه ولما تخلصي نادمي علينا
وبالفعل تدخل دهب الحمام لتنقل التسجيل الي هاتفها الجديد وتمسح التسجيل من هاتف مهران وتغلقه. وبعد خمس دقائق نجد دهب تخرج عليهم
عبدالسميع: خشي واحنا جايين
(ليدخل عبدالسميع وعباس)
دهب: اسمع بجا يا عم عباس
(لتقص عليه دهب اتفاقها مع عبدالسميع بخصوص موضوع قتلها هيا وفاتن)
عباس: حالا هتصل بيها
وبالفعل يتصل عباس علي حليمه
حليمه: عايز ايه كل شويه رن رن فيه ايه
عباس: افرحي يا خيتي موتلك البتين وولعت ف جتتهم كمان
حليمه: جدع اخوي، بس اصل انا مش معايا فلوس دلوك
عباس: طاب شوفي اي حاجه
حليمه: معايا ميه وخمسين جنيه ينفعوك
عباس: امري لله، اي حاجه وخلاص، بس اعملي حسابك لما يبجي معاكي فلوس تديني الباجي
حليمه: ماشي ماشي، بس سيب بجا بيت ابوك وروح علي بيتك
عباس: حالا هااخد ولدي وامشي
حليمه: طاب روح بيتك وكلمني
عباس: حاضر تؤمري بأي حاجه تاني
حليمه: له عباس انا تحت الأمر والطلب
حليمه: لو عزتك هبجا اكلمك
(يغلق عباس الهاتف مع حليمه)
دهب: كده تمام جوي
عبدالسميع: نادم علي فاتن خليني اخدها هيا ودهب ف طريجي
دهب: له حضرتك اتكل علي الله واحنا هنتصرفو
عباس: يعني خلاص اهملهم
عبدالسميع: سيبهم يمشو
عباس: طاب هيروحو فين مش معجوله هيرجعو البيت عند حليمه
عبدالسميع: له طبعا انا هجعدهم حدا ناس تبعي
17= السابع عشر 17 /
بارت 17
عبدالسميع: (لينصرف)
عباس: هاه عملتي ايه معاه
دهب: كل خير
عباس: سجلتيله؟
دهب: بلؤم اسكت أصله شاف التلافون وخوفت ياخد باله جولت احسن يشك فيا جومت جولتله ده تلافوني بس بايظ
عباس: بخوف اوعي يكون حس بحاجه
دهب: ما انا بجولك اني لاهيته ف الكلام خلينا بجا ف المهم
عباس: جوللي
دهب: عبدالسميع جاللي أنه هيشغلك معاه انته ومهران ويخليكم مش محتاجين حاجه بس لما يرتبلكم شغلانه مفيهاش تعب عليكم
عباس: بفرحه هو جالك كده
دهب: اه امال ايه بس شرط عليا أني لازم أظهر لحليمه كاني عفريته وجاللي اجولك لوساءلتك تجولها انك ممشيتش الا لما اتاءكدت أن النار بعد الشر يعني كلتنا انا والبت فاتن
عباس: كلامه أوامر طبعا
فاتن: انا ها اخد فاتن ونروحو علي العنوان اللي هو اداهوني هات تلافوني بجا عشان ابجا اكلمك
عباس: خدي اهه بس خليكي جدعه اي حاجه تجلبيها منيه انا شريك فيها
دهب: وهيا ديه عايزه كلام ولما اخد ورثي ليك نص الورث كمان
عباس: طاب والبت فاتن مش هتجوزها
دهب: بعدين بجا بعد مناخدو الفلوسات
عباس: ماشي كلامك
دهب: ده احنا هنلعبو بالفلوس لعب روح بجا نادملي علي فاتن
عباس: ماشي بس ابجي كلميني علي طول
دهب: امال ايه
(ليذهب عباس عند فاتن ومهران)
عباس: كلمي دهب عشان هتمشو
فاتن: بفرحه بجد هنمشو
عباس: اه بجد امال ايه
مهران: والله هتوحشينا يا فاتن
فاتن: وانتو كمان هتوحشونا
عباس: طاب ياله ياحلوه بجولك اي حاجه تجولك عليها دهب تنفذيها
فاتن: حاجه ايه
عباس: هيا هتفهمك
فاتن: طيب
(اما حليمه بعد أن سمعت خبر حريق دهب وفاتن كانت تتحدث مع نفسها)
حليمه: ده عايزه اتحزم وارجص أحلي خبر ف الدنيا كده البت ديه مش هتورث مع عيالي ولا هتهددني تاني جدع يا عباس كده كل اللي خططتله تم وجاسم عبدالسميع هيجومله محامي ويخرجه اما بجا حريم عيالي هفضالهم واربيهم وأعلمهم كيف يوجفو ف وشي ويعملو عليا ناصحين أن ماربيتكم يا كلاب مبجاش انا حليمه والله لانزل انكد علي اللي خلفوهم
(لتنزل حليمه لتجد السفره مملؤمه من ما لذ وطاب)
حليمه: بصوت عالي انتي يا مرا انتي وهيا مين اللي رص الوكل ديتي
عفاف: انا ياحليمه في حاجه ويكون ف علمك انا كسرت الجفل بتاع التلاجه وكمان كسرت جفل اوضه الخزين
حليمه: والله لا كسر عضم اللي خلفوكي
عفاف: طاب جربي مني وانا اروح اعملك محضر يا بتوع المخدرات
حليمه: بخوف يا بت ده انا بهزر معاكي طاب ده انا حتي هجعد اكل معاكم
عفاف: ايوه كده ناس تخاف
حليمه: خلاص بجا يا مرت ولدي
(اما دهب وفاتن كان وصلو الي منزلهم)
ليلي: بفرحه كتي فين يابت انتي
فاتن: اسكتي يا اما احنا كنا مخطوفين حليمه الله يحرجها خلت اخوها يخطفنا
(لتضرب ليلي علي صدرها)
ليلي: يا مري
دهب: الله يجطعك يا فاتن ايه اللي خلاكي تجوليلها
ليلي: اسمعي يا دهب انتي السبب ف اللى حصل انا لازم اجول الحجيجه
دهب: اسكتي يا خالتي
ليلي: انا امك مش خالتك اسمعي يافاتن انتي بت شريفه اختي الله يرحمها وابوكي يبجا محمد البكري
دهب: انتي بتجوللي ايه
ليلي: ما انا مش هستني لما تحصلكم نصيبه
فاتن: بس انا بتك يا اما
ليلي: له والله انتي بت اختي بس انا زورت ف شهايد الميلاد عشان كت عايزه دهب بتي هيا اللي تورث
دهب: مكفاياكي بجا ارجعي يا دهب عن اللي ف راسك
فاتن: انا كت حاسه عشان كان بيعاملني معامله زينه بس ازاي دهب عارفه وتخبي علي
ليلي: طمعت زي ما انا طمعت حجك عليا يا فاتن
فاتن: بطيبه خلال ياخالتي انتي بردك ربتيني وانا معايزاش ورث ولا حاجه ولو عايزاه يا دهب خديه خدي كل حاجه
دهب: انا معيزاش حاجه عشان الحكايه كبرت جوي
ليلي: ما انا جولت كده من الاول
دهب: طاب جوليلي اعمل ايه
ليلي: ناخدو بعضينا ونرجعو بلدنا
دهب: مش هينفع ده فيه نصايب
ليلي: جوليلي فيه ايه
دهب: هحكيلك كل حاجه بس جوليلي اعمل ايه
ليلي: جوللي يابتي
(لتقص دهب لهم كل ماحدث من عبدالسميع)
ليلي: يا نصيبتي اسمعي يا دهب انتي تروحي بالتسجيل ده المركز وتنجي نفسك وهما هيجولولك تعملي ايه فاتن وعشان تنجي جاسم كمان حرام مظلوم
دهب: انا هلبس النجاب واروح
ليلي: روحي ربنا معاكي
ويتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل السابع والثامن والتاسع من هنا
الفصل العاشر والحادى عشر من هنا
الفصل الثالث عشر حتى الفصل السابع عشر من هنا
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹
تعليقات
إرسال تعليق